آںحضرت ﷺ کے خط بنام ہرقل کا مضمون

انوارالعلوم (جلد 20)

انوار العلوم جلد ۲۰
۳۱۵
دیبا چه تفسیر القرآن
کو نا پسند کر کے مرتد بھی ہوتا ہے تو تم نے کہا نہیں اور ایسا ہی انبیاء کی جماعت کا حال ہوتا ہے کسی
اور وجہ سے کوئی شخص نکلے تو نکلے دین کو بُرا سمجھ کر نہیں نکلتا ۔ پھر میں نے تم سے پوچھا کہ کیا
تمہارے درمیان کبھی لڑائی بھی ہوئی ہے اور اس کا انجام کیا ہوتا ہے۔ تو تم نے کہا لڑائی ہمارے
درمیان گھاٹ کے ڈول کی طرح ہے اور نبیوں کا یہی حال ہے۔ شروع شروع میں اُن کی
جماعتوں پر مصیبتیں آتی ہیں لیکن آخری وہی جیتے ہیں ۔ پھر میں نے تجھ سے پوچھا۔ وہ تمہیں کیا
تعلیم دیتا ہے۔ تو تم نے جواب دیا کہ وہ نماز کی اور سچائی کی اور پاکدامنی کی اور وفائے عہد کی
اور امانت دار ہونے کی تعلیم دیتا ہے اور اسی طرح میں نے تجھ سے پوچھا کہ کیا وہ دھوکا بازی بھی
کرتا ہے؟ تو تم نے کہا نہیں اور یہ طور و طریق تو ہمیشہ نیک لوگوں کے ہی ہوا کرتے ہیں ۔ پس
میں سمجھتا ہوں کہ وہ نبوت کے دعوئی میں سچا ہے اور میرا خود یہ خیال تھا کہ اس زمانہ میں ” وہ نبی“
آنے والا ہے، مگر میرا یہ خیال نہیں تھا کہ وہ عربوں میں پیدا ہونے والا ہے اور جو جواب تو نے
مجھے دیئے ہیں اگر وہ سچے ہیں تو پھر میں سمجھتا ہوں کہ وہ ان ممالک پر ضرور قابض ہو جائے گا۔
اس کی ان باتوں پر اس کے درباریوں میں جوش پیدا ہو گیا اور اُنہوں نے کہا آپ مسیحی ہوتے
ہوئے ایک غیر قوم کے آدمی کی صداقت کا اقرار کر رہے ہیں اور دربار میں احتجاج کی آوازیں
بلند ہونے لگیں ۔ اِس پر دربار کے افسروں نے جلدی سے ابوسفیان اور اُس کے ساتھیوں کو
دربار سے باہر نکال دیا ۔ ۳۳۱
صلى الله
علي
صلى الله
آنحضرت ﷺ کے خط بنام ہر قل کا مضمون یہ خط جو رسول ﷺ نے قیصر کے
نام لکھا تھا اسکی عبارت یہ تھی :۔
بِسْمِ اللَّهِ الرَّحْمَنِ الرَّحِيمِ مِنْ مُّحَمَّدٍ عَبْدِ اللَّهِ وَ رَسُولِهِ إِلَى هِرَقْلَ
عَظِيمِ الرُّومِ - سَلَامٌ عَلَى مَنِ اتَّبَعَ الْهُدَى - اَمَّا بَعْدُ فَإِنِّي أَدْعُوكَ بِدِعَايَةِ
الْإِسْلَامِ أَسْلِمُ تَسْلَمُ يُؤْتِكَ اللهُ اَجْرَكَ مَرَّتَيْنِ فَإِنْ تَوَلَّيْتَ فَإِنَّ عَلَيْكَ
إِثْمَ الْأَرِيسِيِّينَ وَ يَا أَهْلَ الْكِتٰبِ تَعَالَوْا إِلَى كَلِمَةٍ سَوَاءٍ بَيْنَنَا وَبَيْنَكُمُ الَّا نَعْبُدَ
إِلَّا اللَّهَ وَلَا نُشْرِكَ بِهِ شَيْئًا وَلَا يَتِخَذَ بَعْضُنَا بَعْضًا أَرْبَاباً مِّنْ دُونِ اللَّهِ فَإِنْ
تَوَلَّوْا فَقُولُوا اشْهَدُوا بِأَنَّا مُسْلِمُونَ ۳۳۲

انوار العلوم جلد ۲۰
۳۱۶
دیبا چه تفسیر القرآن
یعنی یہ خط محمد اللہ کے بندے اور اُس کے رسول کی طرف سے روم کے بادشاہ
ہر قل کی طرف لکھا جاتا ہے ۔ جو شخص بھی خدا کی ہدایت کے پیچھے چلے اُس پر خدا کی
سلامتیاں نازل ہوں ۔ اس کے بعد اے بادشاہ! میں تجھے اسلام کی دعوت پیش کرتا
ہوں (یعنی خدائے واحد اور اس کے رسول محمد صلی اللہ علیہ وسلم پر ایمان لانے کی )
اے بادشاہ! تو مسلمان ہو جا۔ تو خدا تجھے تمام فتنوں سے بچالے گا ۔ اور تجھے دُہرا اجر
دے گا۔ ( یعنی عیسی پر ایمان لانے کا بھی اور محمد رسول اللہ صلی اللہ علیہ وسلم پر ایمان
لانے کا بھی ) لیکن اگر تو نے اس بات کے ماننے سے انکار کر دیا تو صرف تیری ہی
جان کا گناہ تجھ پر نہیں ہو گا بلکہ تیری رعایا کے ایمان نہ لانے کا گناہ بھی تجھ پر ہوگا ۔
آخر میں قرآن شریف کی آیت درج تھی جس کے معنی یہ ہیں کہ ) اے اہل کتاب !
آؤ اس بات پر تو اکٹھے ہو جائیں جو تمہارے اور ہمارے درمیان مشترک ہے یعنی ہم
خدا تعالیٰ کے سوا کسی کی عبادت نہ کریں اور کسی چیز کو اُس کا شریک نہ بنائیں اور اللہ
تعالٰی کے سوا ہم کسی بندے کو بھی اتنی عزت نہ دیں کہ وہ خدائی صفات سے متصف کیا
جانے لگے ۔ اگر اہل کتاب اس دعوت اتحاد کو قبول نہ کریں تو اے محمد رسول اللہ اور
ان کے ساتھیو ! ان سے کہہ دو کہ ہم تو خدا تعالیٰ کے فرمانبردار ہیں ۔
بعض تاریخوں میں لکھا ہے کہ جب یہ خط بادشاہ کے سامنے پیش ہوا تو در بایوں میں سے
بعض نے کہا کہ اس خط کو پھاڑ کر پھینک دینا چاہئے کیونکہ اس میں بادشاہ کی ہتک کی گئی ہے اور
خط کے اوپر بادشاہ روم نہیں لکھا گیا بلکہ صاحب الروم یعنی روم کا والی لکھا ہے مگر بادشاہ نے کہا یہ
عقل کے خلاف ہے کہ خط پڑھنے سے پہلے پھاڑ دیا جائے اور یہ جو اُس نے مجھے روم کا والی لکھا
ہے یہ درست ہے آخر مالک تو خدا ہی ہے میں والی ہی ہوں ۔ جب رسول اللہ صلی اللہ علیہ وسلم کو
اس واقعہ کی اطلاع ملی تو آپ نے فرمایا روم کے بادشاہ نے جو طریق اختیار کیا ہے اس کی وجہ
سے اس کی حکومت بچالی جائے گی اور اس کی اولا د دیر تک حکومت کرتی رہے گی ۔ چنانچہ ایسا ہی
ہوا۔ بعد کی جنگوں میں گو بہت سا ملک رسول کریم صلی اللہ علیہ وسلم کی ایک دوسری پیشگوئی کے
ماتحت روم کے بادشاہ کے ہاتھ سے چھینا گیا مگر اس واقعہ کے چھ سو سال بعد تک اس کے

آج 10 میں سے 10 باقی