کتاب 3: كتاب العلم
صحیح بخاری, حصہ 3
صحیح بخاری 99
ہم سے عبدالعزیز بن عبداللہ نے بیان کیا، کہا: سلیمان نے مجھے بتلایا۔ انہوں نے عمرو بن ابی عمرو سے، عمرو نے سعید بن ابی سعید مقبری سے، سعید نے حضرت ابو ہریرہ سے روایت کی۔ انہوں نے کہا کہ (آپ سے) پوچھا گیا: یا رسول اللہ! قیامت کے روز لوگوں میں سے وہ کون خوش قسمت ہے جس کی آپ سفارش فرمائیں گے؟ رسول اللہ ﷺ نے فرمایا: مجھے یہی خیال تھا کہ تم سے پہلے یہ بات سے اور کوئی نہیں پوچھے گا۔ کیونکہ میں دیکھ چکا ہوں جو حرص تمہیں حدیث کے متعلق ہے۔ قیامت کے روز میری شفاعت کے ذریعہ لوگوں میں سے خوش قسمت وہ شخص ہوگا جس نے اپنے دل یا نفس کے ساتھ کہا: اللہ کے سوا اور کوئی معبود نہیں۔
Urdu translation: Hazrat Syed Zain-ul-Abidin Waliullah Shah
صحیح بخاری 100
ہم سے اسماعیل بن ابی اُولیس نے بیان کیا، کہا: مالک نے مجھے بتلایا۔ انہوں نے ہشام بن عروہ سے، ہشام نے اپنے باپ سے، انہوں نے حضرت عبد الله بن عمرو بن العاص سے روایت کی۔ وہ کہتے تھے: میں نے رسول اللہ ﷺ کو فرماتے سنا کہ اللہ بندوں سے یونہی چھینا جھپٹی کر کے علم نہیں اٹھایا کرتا بلکہ وہ علماء کو اٹھا کر علم اٹھا لیتا ہے۔ یہاں تک کہ جب کوئی عالم نہیں رہتا تو لوگ ایسے جاہلوں کو سردار بنا لیتے ہیں کہ جن سے اگر (کوئی مسئلہ) پوچھا جائے تو بغیر علم کے فتویٰ دیتے ہیں۔ خود بھی گمراہ ہوئے اور دوسروں کو بھی گمراہ کیا۔ فربری کہتے تھے: حضرت عباس نے ہم سے بیان کیا۔ کہا: قتیبہ نے ہم سے بیان کیا۔ کہا: جریر نے ہشام سے روایت کرتے ہوئے ہمیں اسی طرح بتلایا۔
Urdu translation: Hazrat Syed Zain-ul-Abidin Waliullah Shah
صحیح بخاری 101
ہم سے آدم نے بیان کیا، کہا: شعبہ نے ہم سے بیان کیا۔ انہوں نے کہا: ابن اصبہانی نے مجھے بتلایا۔ کہا: میں نے ابوصالح ذکوان سے سنا۔ وہ حضرت ابوسعید خدری سے روایت کرتے تھے کہ عورتوں نے نبی ﷺ سے کہا کہ مرد آپ کو تنہا نہیں چھوڑتے کہ ہم آپ کے پاس آ سکیں۔ اس لئے آپ خود ہی ہمارے لئے ایک دن مقرر کر دیں۔ چنانچہ آپ نے ان کے لئے ایک دن مقرر کیا جس میں آپ ان کے پاس آئے اور انہیں نصیحت کی اور انہیں کرنے کی باتیں بتلائیں اور منجملہ ان باتوں کے جو آپ نے ان سے کہی یہ بات بھی تھی کہ تم میں سے جس عورت نے اپنے بچوں میں سے تین بچے آگے بھیجے ہوں گے تو وہ اس کے لئے آگ سے روک بنیں گے۔ اس پر ایک عورت نے کہا: اور دو بھی۔ فرمایا: دو بھی۔
Urdu translation: Hazrat Syed Zain-ul-Abidin Waliullah Shah
صحیح بخاری 102
ہم سے محمد بن بشار نے بیان کیا، کہا: ہم سے بیان کیا۔ انہوں نے کہا: شعبہ نے ہمیں بتلایا۔ انہوں نے عبدالرحمن بن اصبہانی سے، عبدالرحمن نے ذکوان سے، ذکوان نے حضرت ابو سعید خدری سے، حضرت ابو سعید نے نبی ﷺ سے روایت کرتے ہوئے یہی بتلایا اور عبدالرحمن بن اصبہانی سے مروی ہے کہ انہوں نے کہا: میں نے ابو حازم سے سنا۔ وہ حضرت ابو ہریرہ سے روایت کرتے تھے کہ رسول اللہ ﷺ نے فرمایا: تین ایسے (بچے) جو بھی بلوغت کو نہ پہنچے ہوں۔
Urdu translation: Hazrat Syed Zain-ul-Abidin Waliullah Shah
صحیح بخاری 103
ہم سے سعید بن ابی مریم نے بیان کیا، کہا: نافع بن عمر نے ہمیں بتلایا۔ انہوں نے کہا: ابوملیکہ کے بیٹے نے مجھ سے بیان کیا کہ حضرت عائشہ ﷺ کی بیوی جس بات کو نہ جانتی ہوتیں، جب بھی اسے وہ سنتیں تو وہ ضرور ہی اس کے متعلق دوبارہ پوچھتیں۔ یہاں تک کہ وہ اسے اچھی طرح سمجھ لیتیں اور یہ کہ نبی ﷺ نے فرمایا: جس سے حساب لیا گیا، اسے سزا دی گئی۔ (حضرت عائشہ کہتی تھیں: ) اس پر میں نے کہا: کیا اللہ تعالیٰ نہیں فرماتا یعنی عنقریب اس سے آسان حساب لیا جائے گا۔ کہتی تھیں: آپ نے فرمایا کہ یہ تو صرف پیش کرنا ہے۔ حساب میں جس کی نکتہ چینی اور چھان بین ہوئی، وہ ہلاک ہوگا۔
Urdu translation: Hazrat Syed Zain-ul-Abidin Waliullah Shah
صحیح بخاری 104
ہم سے عبد اللہ بن یوسف نے بیان کیا، کہا: لیث نے مجھ سے بیان کیا۔ انہوں نے کہا: سعید نے حضرت ابوشریخ سے روایت کرتے ہوئے مجھے بتلایا کہ انہوں نے عمرو بن سعید سے کہا اور وہ (اس وقت) مکہ کی طرف فوجیں بھیج رہے تھے۔ اے امیر! مجھے اجازت دیں کہ میں آپ کو ایک ایسی بات بتاؤں جو نبی ﷺ نے فتح مکہ کے دوسرے دن کھڑے ہو کر بیان کی تھی۔ میرے دونوں کانوں نے وہ سنی اور میرے دل نے یاد کر لی اور جب آپ نے وہ کہی تھی تو میری دونوں آنکھیں آپ کو دیکھ رہی تھیں۔
اللہ کی حمد آپ نے بیان کی اور اس کی تعریف کی۔ پھر فرمایا کہ اللہ نے مکہ کو عزت دی ہے اور لوگوں نے اس کو عزت نہیں دی۔ اس لئے جو آدمی اللہ اور یوم آخرت پر ایمان رکھتا ہو اس کے لئے جائز نہیں کہ اس میں خون بہائے یا کسی درخت کو کاٹے۔ پس اگر کوئی اس وجہ سے اس کے متعلق اجازت سمجھے کہ رسول اللہ ﷺ اس میں لڑے تھے تو تم کہو کہ اللہ ہی نے اپنے رسول کو اجازت دی تھی اور اس نے تمہیں اجازت نہیں دی اور مجھے بھی صرف دن میں سے ایک گھڑی بھر ہی اس کے متعلق اجازت دی گئی تھی۔ پھر اس کا ادب آج ویسے کا ویسا ہو گیا ہے جیسے اس کا ادب کل تھا اور چاہیے کہ جو حاضر ہے وہ غیر حاضر کو یہ بات پہنچا دے۔ اس پر حضرت ابو شریح سے پوچھا گیا کہ عمرو بن سعید نے کیا کہا؟ انہوں نے کہا: ابو شریح! میں تم سے زیادہ جانتا ہوں۔ مکہ نافرمان کو پناہ نہیں دیتا اور نہ ایسے شخص کو جو خون کر کے بھاگا اور نہ ایسے کو جو کوئی خرابی کر کے بھاگا۔
Urdu translation: Hazrat Syed Zain-ul-Abidin Waliullah Shah
صحیح بخاری 105
ہم سے عبد اللہ بن عبد الوہاب نے بیان کیا، کہا: حماد نے ہمیں بتلایا۔ انہوں نے ایوب سے، ایوب نے محمد بن سیرین سے، محمد نے ابوبکرہ کے بیٹے سے، انہوں نے (اپنے باپ) ابو بکرہ سے روایت کی کہ انہوں نے نبی ﷺ کا ذکر کیا کہ آپ نے فرمایا: تمہارے خون اور تمہارے مال اور تمہاری آبرو تمہارے لئے ایسی معزز ہیں جیسے اس مہینے میں تمہارا یہ دن معزز ہے۔ سوچا چاہیے کہ جو تم میں سے حاضر ہے وہ غیر حاضر کو پہنچا دے۔ محمد بن سیرین کہتے تھے: رسول اللہ ﷺ نے سچ فرمایا۔ یہ ہو چکا۔ آپ نے دو دفعہ فرمایا: کیا میں نے پہنچا دیا ہے؟
Urdu translation: Hazrat Syed Zain-ul-Abidin Waliullah Shah
صحیح بخاری 106
ہم سے علی بن جعد نے بیان کیا، کہا: شعبہ نے ہمیں بتلایا۔ انہوں نے کہا: منصور نے مجھے بتلایا۔ میں نے ربعی بن حراش سے سنا۔ میں نے علی سے سنا۔ وہ کہتے تھے نبی ﷺ نے فرمایا: مجھ پر جھوٹ مت باندھو۔ کیونکہ جس نے مجھ پر جھوٹ باندھا تو پھر وہ آگ میں ہی داخل ہو۔
Urdu translation: Hazrat Syed Zain-ul-Abidin Waliullah Shah
صحیح بخاری 107
ہم سے ابو الولید نے بیان کیا، کہا: شعبہ نے ہمیں بتلایا۔ انہوں نے جامع بن شداد سے، جامع نے عامر بن عبد اللہ بن زبیر سے، انہوں نے اپنے باپ سے روایت کی۔ وہ کہتے تھے: میں نے حضرت زبیر سے کہا کہ میں آپ سے نہیں سنتا کہ آپ رسول اللہ ﷺ سے اس طرح باتیں بیان کرتے ہوں جس طرح کہ فلان فلان شخص باتیں بیان کرتا ہے۔ انہوں نے کہا: میں تو آپ سے کبھی بھی الگ نہیں ہوا۔ مگر بات یہ ہے کہ میں نے آپ کو فرماتے سنا تھا کہ جو مجھ پر جھوٹ باندھے تو وہ آگ میں اپنا ٹھکانا بنالے۔
Urdu translation: Hazrat Syed Zain-ul-Abidin Waliullah Shah
صحیح بخاری 108
ہم سے ابو معمر نے بیان کیا، کہا: عبدالوارث نے ہمیں بتلایا۔ انہوں نے عبدالعزیز سے روایت کی کہ حضرت انس کہتے تھے کہ مجھ کو تمہیں بہت حدیثیں بتانے سے یہ بات روکتی ہے کہ نبی ﷺ نے فرمایا تھا کہ جو مجھ پر جان بوجھ کر جھوٹ باندھے تو چاہیے کہ وہ آگ میں اپنا ٹھکانا بنا لے۔
Urdu translation: Hazrat Syed Zain-ul-Abidin Waliullah Shah
صحیح بخاری 109
ہم سے مکی بن ابراہیم نے بیان کیا، کہا: یزید بن ابی عبید نے سلمہ سے روایت کرتے ہوئے ہمیں بتلایا کہ انہوں نے کہا: میں نے نبی ﷺ کو فرماتے ہوئے سنا کہ جو شخص مجھ سے ایسی بات نقل کرے جو میں نے نہیں کہی تو چاہیے کہ وہ آگ میں اپنا ٹھکانا بنا لے۔
Urdu translation: Hazrat Syed Zain-ul-Abidin Waliullah Shah
صحیح بخاری 110
ہم سے موسیٰ نے بیان کیا، کہا: ابوعوانہ نے ہمیں بتلایا۔ انہوں نے ابوھین سے، ابوحصین نے ابوصالح سے، ابو صالح نے حضرت ابو ہریرہ سے، حضرت ابو ہریرہ نے نبی ﷺ سے روایت کی کہ آپ فرماتے تھے: میرے نام پر اپنا نام رکھو اور اپنی کنیت اپنے لئے مت اختیار کرو اور جس نے مجھے خواب میں دیکھا تو یقینا اس نے مجھے ہی دیکھا کیونکہ شیطان میری صورت نہیں بن سکتا اور جو مجھ پر جان بوجھ کر جھوٹ باندھے وہ آگ میں اپنا ٹھکانا بنا لے۔
Urdu translation: Hazrat Syed Zain-ul-Abidin Waliullah Shah
صحیح بخاری 111
ہم سے محمد بن سلام نے بیان کیا، کہا: وکیع نے ہمیں بتلایا۔ انہوں نے سفیان سے، سفیان نے مُطرف سے، مُطرف نے ابو حیفہ سے روایت کی۔ وہ کہتے تھے: میں نے حضرت علی سے پوچھا کہ آپ کے پاس کوئی کتاب ہے؟ انہوں نے جواب دیا: کوئی نہیں مگر اللہ کی کتاب یا وہ سمجھ ہے جو ایک مسلمان آدمی کو دی گئی ہے یا جو اس ورق میں ہے۔ ابو حیفہ کہتے تھے میں نے کہا: اس ورق میں کیا ہے؟ فرمایا: دیت دینا اور قیدی کو چھڑوانا اور یہ کہ مسلمان کافر کے بدلہ میں قتل نہ کیا جاوے۔
Urdu translation: Hazrat Syed Zain-ul-Abidin Waliullah Shah
صحیح بخاری 112
ہم سے ابو نعیم فضل بن دکین نے بیان کیا، کہا: شیبان نے ہمیں بتلایا۔ انہوں نے ابو سلمہ سے، ابو سلمہ نے حضرت ابو ہریرہ سے روایت کی کہ خزاعہ قبیلے نے بنو لیت قبیلے کے ایک آدمی کو مکہ کے سال فتح مکہ کے سال اپنے ایک مقتول کے بدلے میں جس کو بنو لیت نے قتل کیا تھا، قتل کر دیا۔ نبی ﷺ کو اس کے متعلق اطلاع دی گئی تو آپ اپنی سواری پر سوار ہوئے اور لوگوں سے مخاطب ہو کر آپ نے فرمایا: اللہ نے مکہ سے خون ریزی کو یا ہاتھیوں کو روک دیا تھا۔ محمد بن سیرین نے کہا: اس لفظ کو شک کے ساتھ ہی رکھو۔ اور رسول اللہ ﷺ اور مومنوں کو اس پر مسلط کر دیا۔ مگر خبردار پہلے کسی کے لیے بھی حلال نہیں ہوئی اور نہ میرے بعد کسی کے لیے حلال ہے۔ خیال رکھنا کہ وہ میری خاطر دن کی ایک گھڑی بھر کے لیے ہی حلال ہوئی تھی یا دیکھو کہ وہ اب اس وقت حرام ہے۔ اس کے کانٹے نہ توڑے جائیں اور اس کے درخت نہ کاٹے جائیں اور اس کی گری پڑی چیز نہ اٹھائی جائے مگر گمشدہ چیز کے متعلق اعلان کرنے والے کو اجازت ہے۔ اور جو شخص مارا جائے تو اس کے لیے دو باتوں میں سے جو بات بہتر ہو، وہ اختیار کی جائے۔ یا تو اس کی دیت دلائی جائے یا قاتل کو قصاص کے لیے مقتول کے وارثوں کے سپرد کر دیا جائے۔ اتنے میں اہل یمن سے ایک آدمی آیا اور اس نے کہا: یا رسول اللہ مجھے لکھ ہیں۔ فرمایا: فلاں کے باپ کو لکھ دو۔ ایک شخص نے کہا: یا رسول اللہ! کیونکہ ہم اپنے گھروں پر اور اپنی قبروں میں اسے ڈالتے ہیں۔ اس پر آپ نے فرمایا: سوائے اذخر کے بھی۔ ابو عبد اللہ (بخاری) نے کہا: ابو عبد اللہ سے پوچھا گیا: آپ نے اس کو کیا بات لکھ کر دی؟ کہا: یہی خطبہ لکھ کر دیا۔
Urdu translation: Hazrat Syed Zain-ul-Abidin Waliullah Shah
صحیح بخاری 113
ہم سے علی بن عبداللہ نے بیان کیا، کہا: سفیان نے ہم سے بیان کیا۔ انہوں نے کہا: عمرو نے ہمیں بتلایا۔ کہا: وہب بن منبہ نے مجھے بتلایا۔ انہوں نے اپنے بھائی سے روایت کی کہ انہوں نے کہا: میں نے حضرت ابو ہریرہ سے سنا وہ کہتے تھے: صحابہ میں سے کوئی بھی ایسا نہیں جس کے پاس مجھ سے زیادہ حدیثیں ہوں جو آپؐ سے مروی ہوں، سوائے ان حدیثوں کے جو حضرت عبداللہ بن عمر و روایت کیا کرتے تھے۔ کیونکہ وہ لکھتے تھے اور میں لکھتا نہیں تھا۔ وہب کی طرح معمر نے بھی یہی بیان کیا۔ معمر نے ہمام سے، ہمام نے حضرت ابو ہریرہ سے روایت کی۔
Urdu translation: Hazrat Syed Zain-ul-Abidin Waliullah Shah
صحیح بخاری 114
ہم سے یحی بن سلیمان نے بیان کیا، کہا: وہب نے مجھ سے بیان کیا۔ انہوں نے کہا: یونس نے مجھے بتلایا کہ انہوں نے ابن شہاب سے، ابن شہاب عبید اللہ بن عبد اللہ سے، انہوں نے حضرت ابن عباس سے روایت کی۔ وہ کہتے تھے: جب نبی ﷺ پر آپ کی بیماری نے سخت حملہ کیا تو آپ نے فرمایا: میرے پاس کوئی لکھنے کا سامان لاؤ تا میں تمہیں ایک ایسی تحریر لکھ دوں کہ جس کے بعد تم بھولو نہیں۔ حضرت عمر نے کہا: نبی ﷺ پر بیماری نے غلبہ کیا ہے۔ ہمارے پاس اللہ کی کتاب ہے جو ہمارے لیے کافی ہے۔ اس پر انہوں نے آپس میں اختلاف کیا اور شور بہت ہو گیا۔ آپ نے فرمایا: اٹھو میرے پاس سے چلے جاؤ۔ میرے پاس جھگڑنا نہیں چاہیے۔ حضرت ابن عباس باہر چلے گئے۔ وہ کہا کرتے تھے: بڑا نقصان سارے کا سارا یہی ہے کہ رسول اللہ ﷺ کو لکھنے سے روک دیا۔
Urdu translation: Hazrat Syed Zain-ul-Abidin Waliullah Shah
صحیح بخاری 115
ہم سے صدقہ نے بیان کیا۔ ابن عیینہ نے ہمیں بتلایا۔ انہوں نے معمر سے، معمر نے زہری سے، زہری نے ہند سے، ہند نے حضرت ام سلمہؓ سے روایت کی۔ نیز عمرو اور سعید نے زہری سے روایت کی۔ انہوں نے ہند سے، ہند نے حضرت ام سلمہؓ سے۔ وہ کہتی تھیں: نبی ﷺ ایک رات جاگے اور فرمایا: سبحان اللہ! آج رات کیا فتنے اُتارے گئے اور کیا خزانے کھولے گئے۔ کوٹھڑیوں والیوں کو جگاؤ۔ دنیا میں کتنی ہی پوشاک پہنے ہیں جو آخرت میں ننگی ہوں گی۔
Urdu translation: Hazrat Syed Zain-ul-Abidin Waliullah Shah
صحیح بخاری 116
ہم سے سعید بن غفیر نے بیان کیا۔ کہا: لیث نے مجھ سے بیان کیا۔ انہوں نے کہا: خالد نے مجھے بتلایا۔ انہوں نے ابن شہاب سے، ابن شہاب نے سالم سے۔ نیز حشمہ سے روایت کی کہ عبداللہ بن عمر کہتے تھے: نبی ﷺ نے اپنی آخری زندگی میں ہمیں عشاء کی نماز پڑھائی۔ جب آپ سلام پھیر چکے تو کھڑے ہوئے اور فرمایا: تمہیں اپنی اس رات کا کچھ پتہ بھی ہے؟ اس سے سو برس کے آخر تک جو لوگ بھی سطح زمین پر موجود ہیں، ان میں سے کوئی بھی باقی نہیں رہے گا۔
Urdu translation: Hazrat Syed Zain-ul-Abidin Waliullah Shah
صحیح بخاری 117
ہم سے آدم نے بیان کیا۔ کہا: شعبہ نے ہم سے بیان کیا۔ انہوں نے کہا حکم نے ہمیں بتلایا۔ کہا: میں نے سعید بن جبیر سے سنا۔ انہوں نے حضرت ابن عباس سے روایت کی۔ وہ کہتے تھے: میں اپنی خاله حضرت میمونہ بنت حارث کے گھر سویا جو کہ نبی ﷺ کی بیوی تھیں اور نبی ﷺ ان کی باری کی رات اُن کے ہاں تھے۔ نبی ﷺ نے عشاء کی نماز پڑھی۔ پھر اپنے گھر آئے اور چار رکعتیں نماز پڑھی۔ پھر سو گئے۔ اس کے بعد اُٹھے اور فرمایا: یہ نتھا سو گیا ہے۔ یا کوئی ایسا ہی کلمہ فرمایا جو اس سے ملتا جلتا تھا۔ اس کے بعد آپ (نماز کے لیے) کھڑے ہو گئے اور میں بھی آپ کی بائیں طرف کھڑا ہو گیا۔ آپ نے مجھے اپنے دائیں طرف کر دیا اور پانچ رکعتیں نماز پڑھی۔ پھر دو رکعتیں نماز پڑھی۔ اس کے بعد آپ سو گئے۔ یہاں تک کہ میں نے آپ کے خرانٹے سنے۔ پھر آپ نماز کے لیے باہر گئے۔
Urdu translation: Hazrat Syed Zain-ul-Abidin Waliullah Shah
صحیح بخاری 118
ہم سے عبدالعزیز بن عبداللہ نے بیان کیا، کہا: مالک نے مجھے بتلایا۔ انہوں نے ابن شہاب سے، ابن شہاب نے اعرج سے، اعرج نے حضرت ابو ہریرہ سے روایت کی۔ انہوں نے کہا: لوگ کہتے ہیں کہ ابو ہریرہ بہت حدیثیں بیان کرتا ہے۔ اگر کتاب اللہ میں دو آیتیں نہ ہوتیں تو میں ایک بھی حدیث بیان نہ کرتا۔ یہ کہہ کر انہوں نے یہ آیت پڑھی: إِنَّ الَّذِينَ يَكْتُمُونَ مَا أَنْزَلْنَا مِنَ الْبَيِّنَاتِ۔۔۔۔وَاَنَا التَّوَّابُ الرَّحِيمُ تک۔ ہمارے بھائی مہاجرین کو تو منڈیوں میں خرید و فروخت کرتی اور ہمارے بھائی انصار کو ان کی جائدادوں کے متعلق کام کاج مصروف رکھتا تھا اور ابو ہریرہ اپنا پیٹ بھر کر رسول اللہ ﷺ سے لپٹا رہتا تھا اور وہ ان موقعوں پر حاضر رہتا جہاں وہ حاضر نہ ہوتے اور وہ باتیں یاد رکھتا جو وہ یاد نہ رکھتے۔
Urdu translation: Hazrat Syed Zain-ul-Abidin Waliullah Shah