کتاب 2: باب مَنْ سُئِلَ عِلْمًا وَهُوَ مُشْتَغِلٌ فِي حَدِيثِهِ فَأَتَمَّ الْحَدِيثَ ثُمَّ أَجَابَ السَّائِلَ
صحیح بخاری
صحیح بخاری 59
ہم سے محمد بن سنان نے بیان کیا، کہا: فلیح نے ہمیں بتلایا۔ نیز مجھ سے ابراہیم بن منذر نے بیان کیا، کہا محمد بن فلیح نے ہمیں بتلایا۔ انہوں نے کہا: مجھ سے میرے باپ نے بیان کیا، کہا: ہلال بن علی نے مجھے بتلایا۔ انہوں نے عطاء بن یسار سے، عطاء نے حضرت ابو ہریرہؓ سے روایت کی۔ انہوں نے کہا کہ ایک دفعہ نبی ﷺ مجلس میں بیٹھے لوگوں سے باتیں کر رہے تھے کہ اتنے میں ایک بدوی آیا اور اس نے پوچھا: موعودہ گھڑی کب ہوگی؟ رسول ﷺ اپنی بات میں لگے رہے۔ اس پر لوگوں میں سے کسی نے کہا: آپ نے سن لیا ہے مگر آپ نے اس کی بات کو بُرا منایا۔ اور ان میں سے بعض نے کہا: نہیں آپ نے سنا نہیں۔ آخر جب آپ بات ختم کر چکے تو فرمایا کہ کہاں ہے؟ کہا: میں یہ ہوں۔ آپ نے یوں فرمایا: جب امانت ضائع کر دی جائے گی تو اس وقت موعودہ گھڑی کا انتظار کرو۔ اس نے پوچھا: وہ کیوں کر ضائع کی جائے گی؟ فرمایا: جب حکومت نااہل لوگوں کے سپرد کر دی جائے گی تو اس وقت اس گھڑی کا انتظار کرو۔