کتاب 91: باب الْحَرِيرِ فِي الْحَرْبِ
صحیح بخاری
صحیح بخاری 2919
احمد بن مقدام نے ہمیں بتایا کہ خالد بن حارث نے ہم سے بیان کیا کہ سعید (بن ابی عروبہ) نے ہمیں بتایا۔ انہوں نے قتادہ سے روایت کی کہ حضرت انسؓ نے ان سے بیان کیا کہ نبی ﷺ نے حضرت عبدالرحمن بن عوفؓ اور حضرت زبیر (بن عوامؓ) کو خارش کی وجہ سے جو انہیں تھی ریشم کی قمیص پہننے کی اجازت دی۔
صحیح بخاری 2920
ابوالولید نے ہم سے بیان کیا کہ ہمام (بن یحيٰ) نے ہمیں بتایا۔ انہوں نے قتادہ سے، قتادہ نے حضرت انسؓ سے روایت کی۔ (دوسری سند) اور ہم سے محمد بن سنان نے بیان کیا کہ ہم سے ہمام نے بیان کیا۔ انہوں نے قتادہ سے، انہوں نے حضرت انس رضی اللہ عنہ سے روایت کی کہ حضرت عبدالرحمن بن عوفؓ اور حضرت زبیرؓ نے نبی ﷺ سے جوئوں کی شکایت کی تو آپؐ نے ان دونوں کو ریشمی کپڑا پہننے کی اجازت دی۔ میں نے ان کو جنگ میں اسے پہنا ہوا دیکھا۔
صحیح بخاری 2921
مسدد نے ہم سے بیان کیا کہ یحيٰ (قطان) نے ہمیں بتایا۔ انہوں نے شعبہ سے روایت کی کہ قتادہ نے مجھے خبر دی کہ حضرت انسؓ نے ان سے بیان کیا، کہا: نبی ﷺ نے حضرت عبدالرحمن بن عوفؓ اور حضرت زبیر بن عوامؓ کو ریشم پہننے کی اجازت دی۔
صحیح بخاری 2922
محمد بن بشار نے مجھ سے بیان کیا کہ غُندر (محمد بن جعفر) نے ہمیں بتایا۔ شعبہ نے ہم سے بیان کیا کہ میں نے قتادہ سے سنا۔ انہوں نے حضرت انسؓ سے یوں روایت کی کہ آپؐ نے اجازت دی یا اجازت دی گئی خارش کی وجہ سے جو ان دونوں کو تھی۔