کتاب 187: باب إِذَا غَنِمَ الْمُشْرِكُونَ مَالَ الْمُسْلِمِ ثُمَّ وَجَدَهُ الْمُسْلِمُ

صحیح بخاری

صحیح بخاری 3067

قَالَ ابْنُ نُمَيْرٍ حَدَّثَنَا عُبَيْدُ اللَّهِ عَنْ نَافِعٍ عَنِ ابْنِ عُمَرَ ـ رضى الله عنهما ـ قَالَ ذَهَبَ فَرَسٌ لَهُ فَأَخَذَهُ الْعَدُوُّ فَظَهَرَ عَلَيْهِ الْمُسْلِمُونَ فَرُدَّ عَلَيْهِ فِي زَمَنِ رَسُولِ اللَّهِ صلى الله عليه وسلم وَأَبَقَ عَبْدٌ لَهُ فَلَحِقَ بِالرُّومِ فَظَهَرَ عَلَيْهِمُ الْمُسْلِمُونَ فَرَدَّهُ عَلَيْهِ خَالِدُ بْنُ الْوَلِيدِ بَعْدَ النَّبِيِّ صلى الله عليه وسلم.

ابن نمیر نے کہا کہ عبیداللہ نے ہمیں بتایا۔ انہوں نے نافع سے، نافع نے حضرت ابن عمر رضی اللہ عنہما سے روایت کی کہ انہوں نے کہا: ان کا ایک گھوڑا کہیں چلا گیا اور دشمن نے اسے پکڑ لیا۔ پھر مسلمان ان پر غالب آئے اور وہ گھوڑا رسول اللہ ﷺ کے زمانے ہی میں انہیں دلایا گیا اور ان کا ایک غلام فرار ہو گیا اور رومیوں سے جا ملا۔ پھر مسلمان ان پر غالب آگئے (اور وہ غلام پکڑا گیا۔) حضرت خالد بن ولیدؓ نے وہ غلام ان کو واپس دلا دیا۔ یہ نبی ﷺ کی وفات کے بعد کا ذکر ہے۔

صحیح بخاری 3068

حَدَّثَنَا مُحَمَّدُ بْنُ بَشَّارٍ حَدَّثَنَا يَحْيَى عَنْ عُبَيْدِ اللَّهِ قَالَ أَخْبَرَنِي نَافِعٌ أَنَّ عَبْدًا لاِبْنِ عُمَرَ أَبَقَ فَلَحِقَ بِالرُّومِ فَظَهَرَ عَلَيْهِ خَالِدُ بْنُ الْوَلِيدِ فَرَدَّهُ عَلَى عَبْدِ اللَّهِ وَأَنَّ فَرَسًا لاِبْنِ عُمَرَ عَارَ فَلَحِقَ بِالرُّومِ فَظَهَرَ عَلَيْهِ فَرَدُّوهُ عَلَى عَبْدِ اللَّهِ.قَالَ أَبُو عَبْد اللَّهِ عَارَ مُشْتَقٌّ مِنْ الْعَيْرِ وَهُوَ حِمَارُ وَحْشٍ أَيْ هَرَبَ

محمد بن بشار نے ہم سے بیان کیا کہ یحيٰ (قطان) نے ہمیں بتایا۔ انہوں نے عبیداللہ (عمری) سے روایت کی کہ انہوں نے کہا: نافع نے مجھے بتایا۔ حضرت ابن عمرؓ کا ایک غلام فرار ہوگیا اور رومیوں کی طرف چلا گیا۔ حضرت خالد بن ولیدؓ رومیوں پر غالب آئے اور انہوں نے حضرت عبداللہؓ کو غلام واپس دلا دیا اور حضرت ابن عمرؓ کا ایک گھوڑا بھاگ نکلا اور رومیوں کے لشکر میں جا پہنچا۔ پھر (حضرت خالد بن ولیدؓ) ان پر غالب آئے اور انہوں نے وہ گھوڑا حضرت عبداللہؓ کو دے دیا۔ ابو عبداللہ (امام بخاریؒ) نے کہا: عَارَ، عَیْر سے مشتق ہے اور اس سے مراد جنگلی گدھا ہے یعنی جب وہ بھاگ جائے۔

صحیح بخاری 3069

حَدَّثَنَا أَحْمَدُ بْنُ يُونُسَ حَدَّثَنَا زُهَيْرٌ عَنْ مُوسَى بْنِ عُقْبَةَ عَنْ نَافِعٍ عَنِ ابْنِ عُمَرَ ـ رضى الله عنهما أَنَّهُ كَانَ عَلَى فَرَسٍ يَوْمَ لَقِيَ الْمُسْلِمُونَ وَأَمِيرُ الْمُسْلِمِينَ يَوْمَئِذٍ خَالِدُ بْنُ الْوَلِيدِ بَعَثَهُ أَبُو بَكْرٍ فَأَخَذَهُ الْعَدُوُّ فَلَمَّا هُزِمَ الْعَدُوُّ رَدَّ خَالِدٌ فَرَسَهُ.

احمد بن یونس نے ہم سے بیان کیا کہ زُہیر نے ہمیں بتایا۔ انہوں نے موسیٰ بن عقبہ سے، موسیٰ نے نافع سے، نافع نے حضرت ابن عمر رضی اللہ عنہما سے روایت کی کہ جس دن مسلمانوں کا (رومیوں سے) مقابلہ ہوا، وہ گھوڑے پر سوار تھے۔ ان دنوں حضرت خالد بن ولیدؓ مسلمانوں کی فوج کے سردار تھے۔ حضرت ابوبکرؓ نے ان کو امیر بنا کر بھیجا تھا۔ دشمن نے وہ گھوڑا پکڑ لیا۔ جب دشمن کو شکست دے کر بھگا دیا گیا تو حضرت خالدؓ نے ان کا گھوڑا واپس کر دیا۔

10 von 10 heute frei