کتاب 49: باب مَنْ خَصَّ بِالْعِلْمِ قَوْمًا دُونَ قَوْمٍ كَرَاهِيَةَ أَنْ لاَ يَفْهَمُوا
صحیح بخاری
صحیح بخاری 127
عبید اللہ بن موسیٰ نے ہمیں یہ بتلایا۔ انہوں نے معروف بن خربوز سے، معروف نے ابو طفیل سے، ابو طفیل نے حضرت علی رضی اللہ عنہ سے روایت کی۔
صحیح بخاری 128
نیز ہم سے اسحاق بن ابراہیم نے بیان کیا، کہا: معاذ بن ہشام نے ہم سے بیان کیا۔ انہوں نے کہا: میرے باپ نے مجھے بتلایا۔ انہوں نے قمادہ سے روایت کی۔ کہا: حضرت انس بن مالک نے ہم سے بیان کیا کہ نبی ﷺ نے جبکہ حضرت معاذ پالان پر آپ کے پیچھے سوار تھے، فرمایا: معاذ بن جبل! انہوں نے کہا: حاضر ہوں، یا رسول اللہ! حضور کی خدمت میں ہوں۔ آپ نے فرمایا: معاذ! انہوں نے کہا: حاضر ہوں، یا رسول اللہ! آپ کی خدمت میں ہوں۔ (فرمایا: معاذ! انہوں نے کہا: حاضر ہوں، یا رسول اللہ! آپ کی خدمت میں ہوں)۔ تین بار (آپ نے پکارا) فرمایا: جو کوئی بھی اپنے دل کی سچائی سے یہ اقرار کرے گا کہ اللہ کے سوا کوئی بھی معبود نہیں ہے اور محمد اللہ کا رسول ہے تو اللہ ضرور اس کو آگ پر حرام کر دے گا۔ انہوں نے کہا: یا رسول اللہ! کیا میں لوگوں کو اس کے متعلق خبر نہ دوں کہ وہ خوش ہو جائیں گے۔ آپ نے فرمایا: تب تو وہ بھروسہ کر لیں گے۔ حضرت معاذ نے مرتے وقت یہ بات بتلائی تا کہ وہ گناہ سے بچ جائیں۔
صحیح بخاری 129
ہم سے مسدد نے بیان کیا، کہا: معتمر نے ہمیں بتلایا۔ انہوں نے کہا: میں نے اپنے باپ سے سنا۔ ان کے باپ نے کہا: مجھ سے یہ ذکر کیا گیا ہے کہ نبی ﷺ نے حضرت معاذ سے کہا: جو شخص اللہ تعالیٰ سے ایسی حالت میں ملے گا کہ اس نے اس کے ساتھ کسی چیز کو بھی شریک نہ ٹھہرایا ہوگا تو وہ جنت میں داخل ہوگا۔ حضرت معاذ نے پوچھا: کیا میں لوگوں کو اس کی خوشخبری نہ دوں؟ فرمایا: نہیں، مجھے اندیشہ ہے کہ وہ بھروسہ کر لیں گے۔