کتاب 4: كتاب الوضوء
صحیح بخاری
صحیح بخاری 135
ہم سے اسحاق بن ابراہیم حنظلی نے بیان کیا کہا: عبد الرزاق نے ہمیں بتلایا۔ انہوں نے کہا: معمر نے ہمام بن منبہ سے روایت کرتے ہوئے ہمیں چلایا۔ انہوں نے حضرت ابو ہریرہ کو یہ کہتے ہوئے سنا کہ رسول اللہ ﷺ نے فرمایا: جو شخص بے وضوء ہو جائے، اس کی نماز قبول نہیں ہوتی، جب تک کہ وہ وضوء نہ کرے۔ ایک شخص نے جو حضرموت کا رہنے والا تھا، پوچھا: ابو ہریرہ! یہ بے وضوء ہونا کیا ہوتا ہے؟ انہوں نے جواب دیا: پھسکی یا پاد۔
صحیح بخاری 136
ہم سے یحی بن بکیر نے بیان کیا، کہا: لیث نے ہمیں بتلایا۔ انہوں نے خالد سے، خالد نے سعید بن ابی ہلال سے، سعید نے نعیم مجمر سے روایت کی۔ انہوں نے کہا کہ میں حضرت ابو ہریرۃ کے ساتھ مسجد کی چھت پر چڑھا اور انہوں نے وضو کیا اور کہا: میں نے نبی ﷺ کو یہ فرماتے سنا ہے کہ میری امت کی پیشانیاں وضو کے آثار سے چمکتی ہوں گی اور ہاتھ پاؤں روشن ہوں گے جبکہ لوگ قیامت کے دن بلائے جائیں گے۔ پس تم میں سے جو بھی اپنی روشنی بڑھا سکے تو چاہیے کہ وہ بڑھائے۔
صحیح بخاری 137
ہم سے علی نے بیان کیا، کہا: سفیان نے ہم سے بیان کیا۔ انہوں نے کہا: زہری نے ہمیں بتلایا۔ زہری نے سعید بن مسیب سے اور عباد بن تمیم سے عباد نے اپنے چچا سے روایت کی کہ انہوں نے رسول اللہ ﷺ کے پاس اس آدمی کی شکایت کی جسے یہ خیال ہو جاتا ہے کہ وہ نماز میں کچھ محسوس کرتا ہے تو آپ نے فرمایا کہ وہ نہ پھرے یا (فرمایا:) نہ مڑے جب تک کہ آواز نہ سنے یا بو نہ پائے۔
صحیح بخاری 138
ہم سے علی بن عبد اللہ نے بیان کیا، کہا: سفیان نے عمرو سے روایت کرتے ہوئے ہمیں بتلایا۔ انہوں نے کہا: گریب نے مجھے بتلایا۔ انہوں نے حضرت ابن عباس سے روایت کی کہ نبی ﷺ سو گئے یہاں تک کہ گہری سانس لینے لگے۔ پھر اس کے بعد آپ نے نماز پڑھی۔ اور کبھی سفیان نے یہ کہا کہ آپ لیٹ گئے یہاں تک کہ آپ گہری سانس لینے لگے۔ پھر آپ اُٹھے اور نماز پڑھی۔ نیز سفیان نے یہی حدیث ہمیں کئی بار عمرو سے روایت کرتے ہوئے بتلائی۔ عمرو نے گریب سے، گریب نے حضرت ابن عباس سے روایت کی۔ انہوں نے کہا کہ میں اپنی خالہ حضرت میمونہ کے پاس ایک رات رہا۔ ہی رات کو سو گئے۔ جب کچھ رات گزر لی نبی کہ اٹھے اور ایک مشکیزہ سے جو کہ لٹکا ہوا تھا، (پانی لے کر) ہلکا سا وضو کیا۔ عمرو اس وضو کو ہلکا اور مختصر بتلاتے تھے۔ آپ نماز پڑھنے کے لئے کھڑے ہو گئے۔ میں نے بھی اسی طرح وضو کیا جیسا کہ آپ نے وضو کیا تھا اور پھر آ کر آپ کے بائیں طرف کھڑا ہو گیا۔ اور سفیان نے کبھی یوں کہا کہ آپ کے شمال کی طرف تو آپ نے مجھے ہٹا کر اپنی دائیں طرف کر دیا۔ پھر آپ نے جتنی اللہ نے چاہی نماز پڑھی۔ اس کے بعد آپ لیٹ گئے اور سو گئے۔ یہاں تک کہ آپ گہری سانس لینے لگے۔ پھر مؤذن آپ کے پاس آیا اور اس نے آپ کو نماز کی اطلاع دی تو آپ اُٹھ کر اس کے ساتھ نماز کے لئے گئے اور نماز پڑھی اور وضو نہ کیا۔ ہم نے عمرو سے کہا: بعض لوگ کہتے ہیں کہ رسول اللہ علیہ کی آنکھ تو سوتی تھی اور آپ کا دل نہیں سویا کرتا تھا۔ عمرو نے کہا: میں نے عبید بن عمیر کو کہتے سنا کہ انبیاء کی خواب وحی ہوتی ہے اور اس کے بعد انہوں نے یہ آیت پڑھی: (إِنِّی أَرَی فِی الْمَنَامِ یعنی یقیناً میں سوتے میں دیکھا کرتا ہوں کہ میں تجھے ذبح کر رہا ہوں۔
صحیح بخاری 139
ہم سے عبد اللہ بن مسلمہ نے بیان کیا۔ انہوں نے مالک سے، مالک نے موسیٰ بن عقبہ سے، موسیٰ نے گریب سے، جو کہ حضرت ابن عباس کے (آزاد کردہ) غلام تھے۔ انہوں نے حضرت اسامہ بن زید سے روایت کی کہ انہوں نے (حضرت اسامہ سے سنا۔ وہ کہتے تھے: رسول اللہ ﷺ عرفات سے واپس آئے۔ جب گھاٹی میں پہنچے تو آپ نے اتر کر پیشاب کیا۔ پھر وضو کیا اور وضو پوری طرح نہ کیا۔ تو میں نے پوچھا: یا رسول اللہ! کیا آپ نماز پڑھیں گے؟ فرمایا: نماز تو آگے جا کر پڑھیں گے۔ پھر آپ سوار ہو گئے۔ آپ جب مزدلفہ پہنچے تو آپ نے اتر کر وضو کیا اور پورے طور پر وضو کیا۔ پھر نماز کی تکبیر کہی گئی تو آپ نے مغرب کی نماز پڑھی۔ اس کے بعد ہر شخص نے اپنا اونٹ اپنے ڈیرے میں بٹھایا۔ پھر عشاء کی نماز کی تکبیر کہی گئی اور آپ نے نماز پڑھائی اور ان دونوں کے درمیان آپ نے کوئی نماز نہ پڑھی۔
صحیح بخاری 140
ہم سے محمد بن عبد الرحیم نے بیان کیا۔ کہا: ابو سلمہ خزاعی منصور بن سلمہ نے ہمیں خبر دی۔ کہا: بلال کے لیے یعنی سلیمان نے ہمیں بتلایا۔ انہوں نے زید بن اسلم سے، زید نے عطاء بن یسار سے، عطاء نے حضرت ابن عباس کے متعلق کہا کہ انہوں نے وضو کیا اور اپنا منہ دھویا، اس طرح کہ پانی کا ایک چلو لے کر اس سے کلی کی اور ناک میں پانی لیا۔ پھر پانی کا ایک چلو لیا اور یوں کیا کہ اس کو اپنے دوسرے ہاتھ سے ملایا اور اس سے اپنا منہ دھویا۔ پھر پانی کا ایک اور چلو لیا اور اس سے اپنا دایاں ہاتھ دھویا۔ پھر پانی کا ایک اور چلو لیا اور اس سے اپنا بایاں ہاتھ دھویا۔ پھر انہوں نے اپنے سر کا مسح کیا۔ پھر پانی کا ایک چلو لیا اور اس کو اپنے دائیں پاؤں پر چھڑک کر اس کو دھویا۔ پھر ایک اور پانی کا چلو لیا اور اس سے دھویا، یعنی اپنے بائیں پاؤں کو۔ پھر اس کے بعد انہوں نے کہا: اس طرح میں نے رسول اللہ ﷺ کو وضو کرتے دیکھا۔
صحیح بخاری 141
ہم سے علی بن عبد اللہ نے بیان کیا، کہا: جریر نے ہمیں بتلایا۔ انہوں نے منصور سے، منصور نے سالم بن ابی جعد سے، سالم نے گریب سے، گریب نے حضرت ابن عباس سے روایت کی۔ اور حضرت ابن عباس (اس روایت کو) نبی ﷺ تک پہنچاتے ہیں۔ آپ نے فرمایا: اگر تم میں سے کوئی اپنی بیوی کے پاس آئے اور یہ کہے کہ (میں) اللہ کے نام کے ساتھ (شروع کرتا ہوں) اے میرے اللہ! ہمیں شیطان سے بچائے رکھیو اور شیطان کو اس (بچہ) سے دُور رکھیو جو تو ہمیں دے۔ تو ان کے باہمی تعلق سے ایسے بچے کے پیدا ہونے کا فیصلہ کیا جاوے گا کہ جس کو شیطان ضرر نہ دے سکے گا۔
صحیح بخاری 142
ہم سے آدم نے بیان کیا، کہا: شعبہ نے ہمیں بتلایا۔ انہوں نے عبد العزیز بن صہیب سے روایت کی۔ کہا کہ میں نے حضرت انس سے سنا۔ وہ کہتے تھے کہ نبی ﷺ جب بیت الخلاء جاتے تو فرماتے: اے اللہ! میں گندگی اور گندی باتوں سے تیری پناہ لیتا ہوں۔ ابن عرعرہ نے بھی شعبہ سے یہی روایت کی اور غندر نے شعبہ سے یہ الفاظ بیان کئے: جب آپ بیت الخلاء میں آتے۔ اور موسیٰ نے حماد سے یہ الفاظ بیان کیے : جب آپ داخل ہوتے۔ اور سعید بن زید نے کہا: عبد العزیز نے ہم سے یہ الفاظ بیان کئے: جب آپ داخل ہونے کا ارادہ کرتے۔
صحیح بخاری 143
ہم سے عبد اللہ بن محمد نے بیان کیا، کہا: ہاشم بن قاسم نے ہم سے بیان کیا۔ کہا: ورقہ نے ہمیں بتلایا۔ انہوں نے عبید اللہ بن ابی یزید سے۔ عبید اللہ نے حضرت ابن عباسؓ سے روایت کی کہ نبی ﷺ بیت الخلاء میں گئے تو میں نے آپ کے لئے وضو کا پانی رکھا۔ آپ نے پوچھا: یہ کس نے رکھا ہے؟ تو آپ کو بتلایا گیا۔ اس پر آپ نے دعا کی: اے اللہ! اسے دین کی سمجھ دیجیو۔
صحیح بخاری 144
ہم سے آدم نے بیان کیا، کہا: ابو ذئب کے بیٹے نے ہم سے بیان کیا۔ انہوں نے کہا: زہری نے ہمیں بتلایا۔ انہوں نے عطاء بن یزید لیثی سے، عطاء نے حضرت ابو ایوب انصاری سے روایت کی۔ انہوں نے کہا: رسول اللہ ﷺ نے فرمایا: جب تم میں سے کوئی قضائے حاجت کے لئے جائے تو وہ قبلہ کی طرف منہ نہ کرے اور نہ اس کی طرف اپنی پیٹھ کرے۔ مشرق کی طرف منہ کر دیا مغرب کی طرف۔
صحیح بخاری 145
ہم سے عبد اللہ بن یوسف نے بیان کیا، کہا: مالک نے ہمیں بتلایا۔ انہوں نے یحی بن سعید سے، یحی نے محمد بن یحیٰ بن حبان سے، انہوں نے اپنے چچا واسع بن حبان سے، واسع نے حضرت عبد اللہ بن عمر سے روایت کی۔ وہ کہتے تھے: بعض لوگ کہتے ہیں کہ جب تم قضائے حاجت کے لئے بیٹھو تو نہ قبلہ کی طرف منہ کرو اور نہ ہی بیت المقدس کی طرف۔ حضرت عبداللہ بن عمر کہتے تھے: میں ایک دن اپنے گھر کی چھت پر چڑھا تو رسول اللہ کو دیکھا کہ آپؐ قضائے حاجت کے لیے دو اینٹوں پر بیت المقدس کی طرف منہ کئے ہوئے بیٹھے تھے۔ اور انہوں نے کہا: شاید تم بھی ان لوگوں میں سے ہو جو نماز میں سجدہ کے وقت اپنا پیٹ رانوں سے لگا دیتے ہیں۔ اس پر میں نے کہا: بخدا! میں نہیں جانتا۔ مالک نے کہا: (اس سے حضرت ابن عمر کی) مراد وہ شخص ہے جو نماز پڑھتا ہے اور زمین سے اونچا نہیں ہوتا۔ سجدہ کرتا ہے اور زمین سے لگا رہتا ہے۔
صحیح بخاری 146
م سے یحی بن بگیر نے بیان کیا، کہا: لیث نے ہم سے بیان کیا۔ انہوں نے کہا: عقیل نے مجھے بلایا۔ انہوں نے ابن شہاب سے، ابن شہاب نے عروہ سے، عروہ نے حضرت عائشہ سے روایت کی کہ نبی ﷺ کی بیویاں جب قضائے حاجت کے لئے باہر مناصح کی طرف جاتیں تو رات کو نکلا کرتی تھیں اور مناصع ایک وسیع میدان ہے اور حضرت عمرؓ نبی ﷺ سے کہا کرتے تھے کہ اپنی بیویوں کو پردہ کرائیں۔ مگر رسول اللہ ﷺ ایسا نہ کرتے۔ ایک رات عشاء کے وقت حضرت سودہ بنت زمعہ نبی ﷺ کی بیوی باہر گئیں اور وہ لمبے قد کی تھیں، تو حضرت عمر نے ان کو پکار کر کہا: سودہ! ہم نے تمہیں پہچان لیا ہے۔ کیونکہ وہ (بہت) چاہتے تھے کہ حجاب کے متعلق وحی نازل ہو۔ آخر اللہ تعالیٰ نے حجاب (کے حکم کے متعلق) آیت نازل کی۔
صحیح بخاری 147
ہم سے زکریا نے بیان کیا، کہا: ابواسامہ نے ہمیں بتایا۔ انہوں نے ہشام بن عروہ سے، ہشام نے اپنے باپ سے، انہوں نے حضرت عائشہؓ سے۔ حضرت عائشہؓ نے نبی ﷺ سے روایت کی کہ آپ نے فرمایا: (تمہیں) اجازت دی گئی ہے کہ تم اپنی ضرورت کے لئے باہر جاؤ۔ ہشام نے کہا: یعنی قضائے حاجت کے لئے۔
صحیح بخاری 148
ہم سے ابراہیم بن منذر نے بیان کیا، کہا: انس بن عیاض نے ہمیں بتلایا۔ انہوں نے عبید اللہ (بن عمر) سے، عبید اللہ نے محمد بن یحییٰ بن حبان سے، انہوں نے واسع بن حبان سے، واسع نے حضرت عبد اللہ بن عمر سے روایت کی۔ انہوں نے کہا: میں اپنے کسی کام کے لئے حضرت حفصہ کے گھر کی چھت پر چڑھا تو میں نے رسول اللہ ﷺ کو دیکھا کہ آپ قضائے حاجت کر رہے تھے۔ قبلہ کی طرف پیٹھ کئے ہوئے تھے اور شام کی طرف منہ۔
صحیح بخاری 149
ہم سے یعقوب بن ابراہیم نے بیان کیا، کہا: یزید بن ہارون نے ہمیں بتلایا۔ انہوں نے کہا: یحیٰ نے محمد بن یحییٰ بن حبان کی روایت ہم سے بیان کی کہ ان کے چچا واسع بن حبان نے انہیں بتلایا کہ حضرت عبد اللہ بن عمر نے ان سے بیان کیا۔ کہتے تھے کہ میں ایک دن اپنے گھر کی چھت پر چڑھا تو میں نے رسول اللہ ﷺ کو دو کچی اینٹوں پر بیٹھے دیکھا، (آپ) بیت المقدس کی طرف منہ کئے ہوئے تھے۔
صحیح بخاری 150
ہم سے ابوالولید ہشام بن عبد الملک نے بیان کیا، کہا: شعبہ نے ہمیں بتلایا۔ انہوں نے ابو معاذ سے روایت کی اور ابو معاذ کا نام عطاء بن ابی میمونہ ہے۔ انہوں نے کہا: میں نے حضرت انس بن مالک کو یہ کہتے سنا کہ نبی ﷺ جب قضائے حاجت کے لئے نکلتے تو میں اور ایک لڑکا آتے اور ہمارے ساتھ پانی کی چھاگل ہوتی۔ یعنی آپ اس (پانی) سے استنجا کرتے۔
صحیح بخاری 151
ہم سے سلیمان بن حرب نے بیان کیا، کہا: شعبہ نے ابو معاذ یعنی عطاء بن ابی میمونہ سے روایت کرتے ہوئے ہمیں بتلایا۔ انہوں نے کہا: میں نے حضرت انس کو یہ کہتے ہوئے سنا کہ جب نبی ﷺ قضائے حاجت کے لئے نکلتے تو میں اور ہمارے خاندان کا ایک لڑکا آپ کے پیچھے ہو لیتے اور ہمارے ساتھ پانی کی ایک چھاگل ہوتی۔
صحیح بخاری 152
ہم سے محمد بن بشار نے بیان کیا، کہا: محمد بن جعفر نے ہم سے بیان کیا۔ انہوں نے کہا: شعبہ نے ہمیں بتلایا۔ انہوں نے عطاء بن ابی میمونہ سے روایت کی۔ انہوں نے حضرت انس بن مالک سے سنا۔ وہ کہتے تھے کہ رسول اللہ ﷺ جب قضائے حاجت کے لئے جاتے تو میں اور ایک لڑکا پانی کی چھاگل اور برچھی اُٹھا کر لے جاتے۔ پانی سے آپ استنجا کرتے۔ نضر اور شاذان نے بھی شعبہ سے یہی روایت کی۔ عنزہ وہ لاٹھی ہوتی ہے جس پر پھل لگا ہو۔
صحیح بخاری 153
ہم سے معاذ بن فضالہ نے بیان کیا، کہا: ہشام دستوائی نے ہم سے بیان کیا۔ انہوں نے یحییٰ بن ابی کثیر سے، یحییٰ نے عبد اللہ بن ابی قتادہ سے، عبد اللہ نے اپنے باپ سے روایت کی کہ انہوں نے کہا کہ رسول اللہ ﷺ نے فرمایا: جب تم میں سے کوئی پانی پئے تو برتن میں سانس نہ لے اور جب بیت الخلاء میں آئے تو دائیں ہاتھ سے اپنی شرم گاہ نہ چھوئے اور نہ اپنے دائیں ہاتھ سے استنجا کرے۔
صحیح بخاری 154
ہم سے محمد بن یوسف نے بیان کیا، کہا: اوزاعی نے ہمیں بتایا۔ انہوں نے یحی بن ابی کثیر سے، یحیٰ نے عبد اللہ بن ابی قتادہ سے، انہوں نے اپنے باپ سے، ان کے باپ نے نبی ﷺ سے روایت کی کہ آپ نے فرمایا: جب تم میں سے کوئی پیشاب کرے تو اپنے دائیں ہاتھ سے اپنی شرمگاہ نہ پکڑے اور نہ اپنے دائیں ہاتھ سے استنجا کرے اور نہ برتن میں سانس لے۔