کتاب 11: باب قِصَّةِ زَمْزَمَ

صحیح بخاری

صحیح بخاری 3522

حَدَّثَنَا زَيْدٌ ـ هُوَ ابْنُ أَخْزَمَ ـ قَالَ أَبُو قُتَيْبَةَ سَلْمُ بْنُ قُتَيْبَةَ حَدَّثَنِي مُثَنَّى بْنُ سَعِيدٍ الْقَصِيرُ قَالَ حَدَّثَنِي أَبُو جَمْرَةَ قَالَ لَنَا ابْنُ عَبَّاسِ أَلاَ أُخْبِرُكُمْ بِإِسْلاَمِ أَبِي ذَرٍّ قَالَ قُلْنَا بَلَى. قَالَ قَالَ أَبُو ذَرٍّ كُنْتُ رَجُلاً مِنْ غِفَارٍ فَبَلَغَنَا أَنَّ رَجُلاً قَدْ خَرَجَ بِمَكَّةَ يَزْعُمُ أَنَّهُ نَبِيٌّ فَقُلْتُ لأَخِي انْطَلِقْ إِلَى هَذَا الرَّجُلِ كَلِّمْهُ وَأْتِنِي بِخَبَرِهِ. فَانْطَلَقَ فَلَقِيَهُ ثُمَّ رَجَعَ فَقُلْتُ مَا عِنْدَكَ فَقَالَ وَاللَّهِ لَقَدْ رَأَيْتُ رَجُلاً يَأْمُرُ بِالْخَيْرِ وَيَنْهَى عَنِ الشَّرِّ. فَقُلْتُ لَهُ لَمْ تَشْفِنِي مِنَ الْخَبَرِ. فَأَخَذْتُ جِرَابًا وَعَصًا ثُمَّ أَقْبَلْتُ إِلَى مَكَّةَ فَجَعَلْتُ لاَ أَعْرِفُهُ وَأَكْرَهُ أَنْ أَسْأَلَ عَنْهُ وَأَشْرَبُ مِنْ مَاءِ زَمْزَمَ وَأَكُونُ فِي الْمَسْجِدِ. قَالَ فَمَرَّ بِي عَلِيٌّ فَقَالَ كَأَنَّ الرَّجُلَ غَرِيبٌ. قَالَ قُلْتُ نَعَمْ. قَالَ فَانْطَلِقْ إِلَى الْمَنْزِلِ. قَالَ فَانْطَلَقْتُ مَعَهُ لاَ يَسْأَلُنِي عَنْ شَىْءٍ وَلاَ أُخْبِرُهُ فَلَمَّا أَصْبَحْتُ غَدَوْتُ إِلَى الْمَسْجِدِ لأَسْأَلَ عَنْهُ وَلَيْسَ أَحَدٌ يُخْبِرُنِي عَنْهُ بِشَىْءٍ. قَالَ فَمَرَّ بِي عَلِيٌّ فَقَالَ أَمَا نَالَ لِلرَّجُلِ يَعْرِفُ مَنْزِلَهُ بَعْدُ قَالَ قُلْتُ لاَ. قَالَ انْطَلِقْ مَعِي. قَالَ فَقَالَ مَا أَمْرُكَ وَمَا أَقْدَمَكَ هَذِهِ الْبَلْدَةَ قَالَ قُلْتُ لَهُ إِنْ كَتَمْتَ عَلَىَّ أَخْبَرْتُكَ. قَالَ فَإِنِّي أَفْعَلُ. قَالَ قُلْتُ لَهُ بَلَغَنَا أَنَّهُ قَدْ خَرَجَ هَا هُنَا رَجُلٌ يَزْعُمُ أَنَّهُ نَبِيٌّ فَأَرْسَلْتُ أَخِي لِيُكَلِّمَهُ فَرَجَعَ وَلَمْ يَشْفِنِي مِنَ الْخَبَرِ فَأَرَدْتُ أَنْ أَلْقَاهُ. فَقَالَ لَهُ أَمَا إِنَّكَ قَدْ رَشَدْتَ هَذَا وَجْهِي إِلَيْهِ فَاتَّبِعْنِي ادْخُلْ حَيْثُ أَدْخُلُ فَإِنِّي إِنْ رَأَيْتُ أَحَدًا أَخَافُهُ عَلَيْكَ قُمْتُ إِلَى الْحَائِطِ كَأَنِّي أُصْلِحُ نَعْلِي وَامْضِ أَنْتَ فَمَضَى وَمَضَيْتُ مَعَهُ حَتَّى دَخَلَ وَدَخَلْتُ مَعَهُ عَلَى النَّبِيِّ صلى الله عليه وسلم فَقُلْتُ لَهُ اعْرِضْ عَلَىَّ الإِسْلاَمَ. فَعَرَضَهُ فَأَسْلَمْتُ مَكَانِي فَقَالَ لِي " يَا أَبَا ذَرٍّ اكْتُمْ هَذَا الأَمْرَ وَارْجِعْ إِلَى بَلَدِكَ فَإِذَا بَلَغَكَ ظُهُورُنَا فَأَقْبِلْ ". فَقُلْتُ وَالَّذِي بَعَثَكَ بِالْحَقِّ لأَصْرُخَنَّ بِهَا بَيْنَ أَظْهُرِهِمْ. فَجَاءَ إِلَى الْمَسْجِدِ وَقُرَيْشٌ فِيهِ فَقَالَ يَا مَعْشَرَ قُرَيْشٍ إِنِّي أَشْهَدُ أَنْ لاَ إِلَهَ إِلاَّ اللَّهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ. فَقَالُوا قُومُوا إِلَى هَذَا الصَّابِئِ. فَقَامُوا فَضُرِبْتُ لأَمُوتَ فَأَدْرَكَنِي الْعَبَّاسُ فَأَكَبَّ عَلَىَّ ثُمَّ أَقْبَلَ عَلَيْهِمْ فَقَالَ وَيْلَكُمْ تَقْتُلُونَ رَجُلاً مِنْ غِفَارَ وَمَتْجَرُكُمْ وَمَمَرُّكُمْ عَلَى غِفَارَ. فَأَقْلَعُوا عَنِّي فَلَمَّا أَنْ أَصْبَحْتُ الْغَدَ رَجَعْتُ فَقُلْتُ مِثْلَ مَا قُلْتُ بِالأَمْسِ فَقَالُوا قُومُوا إِلَى هَذَا الصَّابِئِ. فَصُنِعَ بِي مِثْلَ مَا صُنِعَ بِالأَمْسِ وَأَدْرَكَنِي الْعَبَّاسُ فَأَكَبَّ عَلَىَّ وَقَالَ مِثْلَ مَقَالَتِهِ بِالأَمْسِ. قَالَ فَكَانَ هَذَا أَوَّلَ إِسْلاَمِ أَبِي ذَرٍّ رَحِمَهُ اللَّهُ.

زید نے جو اخزم کے بیٹے ہیں ہم سے بیان کیا کہ ابو قتیبہ سلم بن قتیبہ نے کہا: مثنیٰ بن سعید قصیر نے مجھ سے بیان کیا، کہا: ابو جمرہ نے مجھے بتایا۔ وہ کہتے تھے: حضرت ابن عباسؓ نے ہم سے کہا: کیا میں تمہیں ابو ذرؓ کے مسلمان ہونے کا واقعہ نہ بتاؤں؟ ابو جمرہ کہتے تھے: ہم نے کہا: کیوں نہیں ضرور بتائیں۔ انہوں نے کہا: ابو ذرؓ کہتے تھے: میں غفار قبیلے سے ایک شخص تھا۔ ہمیں یہ خبر پہنچی کہ ایک شخص مکہ میں ظاہر ہوا ہے جو کہتا ہے کہ وہ نبی ہے۔ میں نے اپنے بھائی سے کہا: اس شخص کے پاس جاؤ اور اس سے باتیں کرو اور پھر مجھے اس کا حال بتاؤ۔ چنانچہ وہ چلا گیا اور آپؐ سے ملا۔ پھر واپس آگیا۔ میں نے پوچھا: کیا خبر لائے؟ وہ کہنے لگے: اللہ کی قسم! میں نے ایک ایسا شخص دیکھا ہے جو اچھی بات کا حکم کرتا ہے اور بُری بات سے روکتا ہے۔ میں نے اس سے کہا: اس خبر نے میری تسلی نہیں کی۔ آخر میں نے ایک توشہ دان اور چھڑی لی اور مکہ کی طرف روانہ ہو گیا۔ میں کسی کو نہیں پہچانتا تھا اور میں ناپسند کرتا تھا کہ آنحضرتﷺ کے متعلق (کسی سے) پوچھوں اور میں زمزم کے پانی سے پیتا تھا اور مسجد میں رہتا تھا۔ وہ کہتے تھے: اتنے میں حضرت علیؓ میرے پاس سے گذرے اور کہا: ایسا معلوم ہوتا ہے کہ یہ شخص مسافر ہے۔ کہتے تھے: میں نے کہا: ہاں۔ حضرت علیؓ نے کہا: تو پھر گھر چلیں؟ کہتے تھے: میں ان کے ساتھ چلا گیا۔ وہ مجھ سے کسی بات کے متعلق نہیں پوچھتے تھے اور میں ان کو کچھ نہ بتاتا تھا۔ جب میں صبح کو اُٹھا تو میں سویرے ہی مسجد کو چلا گیا تا کہ آنحضرت ﷺ کے متعلق پوچھوں اور کوئی بھی مجھے ان کے متعلق کچھ نہیں بتاتا تھا۔ کہتے تھے: پھر حضرت علیؓ میرے پاس سے گذرے اور کہنے لگے: اس شخص سے ابھی اتنا بھی نہ ہوسکا کہ اپنا ٹھکانہ پہچانے۔ کہتے تھے: میں نے کہا: نہیں۔ انہوں نے کہا: میرے ساتھ چلیں۔ کہتے تھے: پھر انہوں نے مجھ سے پوچھا: آپ کا کیا کام ہے؟ کیا غرض آپ کو اس شہر میں لائی ہے؟ کہتے تھے: میں نے ان سے کہا: اگر آپ میری بات پوشیدہ رکھیں تو میں آپ کو بتاتا ہوں۔ حضرت علیؓ نے کہا: میں پوشیدہ رکھوں گا۔ کہتے تھے: میں نے ان سے کہا: ہمیں یہ خبر پہنچی ہے کہ یہاں ایک شخص ظاہر ہوا ہے جو دعویٰ کرتا ہے کہ وہ نبی ہے۔ یہ سن کر میں نے اپنے بھائی کو بھیجا کہ ان سے گفتگو کرے۔ وہ لوٹ آیا اور اس نے اصل حالات میں میری تسلی نہیں کی۔ اس لئے میں نے چاہا کہ میں خود اُن سے ملوں۔ حضرت علیؓ نے یہ سن کر ان سے کہا: دیکھو آپ نے اچھا کیا ہے۔ میں بھی انہی کے پاس جا رہا ہوں۔ اس لئے میرے پیچھے پیچھے چلے آئیں۔ جہاں میں داخل ہوں وہیں آپ بھی داخل ہو جائیں۔ اگر میں نے کسی کو دیکھا کہ جس سے آپ کے متعلق مجھے ڈر ہو تو میں دیوار سے لگ کر کھڑا ہو جاؤں گا جیسے کہ میں اپنی جوتی درست کر رہا ہوں اور آپ چلتے جانا۔ چنانچہ حضرت علیؓ چل پڑے اور میں بھی ان کے ساتھ چل پڑا یہاں تک کہ وہ ایک مکان کے اندر گئے اور میں بھی ان کے ساتھ ہی نبی ﷺ کے پاس اندر گیا۔ میں نے ان سے کہا: آپؐ میرے سامنے اسلام پیش کریں اور آپؐ نے پیش کیا تو میں وہیں اسی وقت مسلمان ہو گیا۔ آپؐ نے مجھ سے فرمایا: ابو ذرؓ اس بات کو پوشیدہ رکھو اور اپنے شہر کو لوٹ جاؤ۔ جب تمہیں یہ خبر پہنچے کہ ہم غالب آگئے ہیں تو اس وقت چلے آنا۔ میں نے کہا: اسی ذات کی قسم جس نے آپؐ کو سچائی کے ساتھ بھیجا ہے میں تو ان کے درمیان اسلام کا زور شور سے اعلان کروں گا۔ چنانچہ وہ مسجد میں آئے اور کچھ قریش بھی وہاں تھے تو انہوں نے کہا: اے قریش کے لوگو! میں یہ اقرار کرتا ہوں کہ اللہ کے سوا اور کوئی معبود نہیں اور یہ بھی اقرار کرتا ہوں کہ محمدؐ اللہ کے بندے اور اس کے رسول ہیں۔ یہ سنتے ہی انہوں نے کہا: اُٹھو اس بے دین کو پکڑو۔ وہ اُٹھے اور مجھے اتنا پیٹا گیا کہ میں مرنے کو تھا۔ اتنے میں حضرت عباسؓ (آنحضرتؐ کے چچا) میرے پاس (وقت پر) آ پہنچے اور وہ آکر مجھ پر اوندھے جھکے اور پھر ان لوگوں سے متوجہ ہوئے اور کہنے لگے: تمہارا ستیاناس؛ کیا غفار کی قوم سے ایک شخص کو مارتے ہو حالانکہ تمہاری تجارت کا اور تمہارے آنے جانے کا راستہ غفار کے پاس سے گذرتا ہے۔ یہ سن کر وہ مجھ سے ہٹ گئے۔ جب میں دوسرے دن صبح اُٹھا، میں پھر گیا اور میں نے ویسے ہی کہا جو میں نے کل کہا تھا۔ وہ کہنے لگے: اُٹھو اس بے دین کو پکڑو اور میری وہی گت بنائی گئی جو گت میری کل بنائی گئی تھی اور حضرت عباسؓ میرے پاس (وقت پر) آپہنچے اور وہ آکر مجھ پر اوندھے جھکے اور انہوں نے وہی کہا جو کل کہا تھا۔ حضرت ابن عباسؓ کہتے تھے: تو حضرت ابو ذرؓ اس طرح پہلے مسلمان ہوئے۔ اللہ ان پر رحم کرے۔

صحیح بخاری 3523

حَدَّثَنَا سُلَيْمَانُ بْنُ حَرْبٍ حَدَّثَنَا حَمَّادٌ عَنْ أَيُّوبَ عَنْ مُحَمَّدٍ عَنْ أَبِي هُرَيْرَةَ ـ رضى الله عنه ـ قَالَ قَالَ أَسْلَمُ وَغِفَارُ وَشَىْءٌ مِنْ مُزَيْنَةَ وَجُهَيْنَةَ ـ أَوْ قَالَ شَىْءٌ مِنْ جُهَيْنَةَ أَوْ مُزَيْنَةَ ـ خَيْرٌ عِنْدَ اللَّهِ ـ أَوْ قَالَ ـ يَوْمَ الْقِيَامَةِ مِنْ أَسَدٍ وَتَمِيمٍ وَهَوَازِنَ وَغَطَفَانَ.

سلیمان بن حرب نے ہم سے بیان کیا۔ حماد (بن زید) نے ہمیں بتایا۔ انہوں نے ایوب سے، ایوب نے محمد (بن سیرین) سے، انہوں نے حضرت ابوہریرہ رضی اللہ عنہ سے روایت کی۔ انہوں نے کہا: آنحضرت ﷺ نے فرمایا: اسلم اور غفار، مزینہ اور جہینہ میں سے بعض لوگ یا فرمایا: جہینہ میں سے یا مزینہ میں سے کچھ لوگ اللہ کے نزدیک بہتر ہوں، یا فرمایا: (اللہ کے نزدیک) قیامت کے دن بہتر ہوں اسد، تمیم، ہوازن اور غطفان سے۔

10 von 10 heute frei