کتاب 2: باب مَنَاقِبِ الْمُهَاجِرِينَ وَفَضْلِهِمْ

صحیح بخاری

صحیح بخاری 3652

حَدَّثَنَا عَبْدُ اللَّهِ بْنُ رَجَاءٍ حَدَّثَنَا إِسْرَائِيلُ عَنْ أَبِي إِسْحَاقَ عَنِ الْبَرَاءِ قَالَ اشْتَرَى أَبُو بَكْرٍ ـ رضى الله عنه ـ مِنْ عَازِبٍ رَحْلاً بِثَلاَثَةَ عَشَرَ دِرْهَمًا فَقَالَ أَبُو بَكْرٍ لِعَازِبٍ مُرِ الْبَرَاءَ فَلْيَحْمِلْ إِلَىَّ رَحْلِي. فَقَالَ عَازِبٌ لاَ حَتَّى تُحَدِّثَنَا كَيْفَ صَنَعْتَ أَنْتَ وَرَسُولُ اللَّهِ صلى الله عليه وسلم حِينَ خَرَجْتُمَا مِنْ مَكَّةَ وَالْمُشْرِكُونَ يَطْلُبُونَكُمْ قَالَ ارْتَحَلْنَا مِنْ مَكَّةَ فَأَحْيَيْنَا أَوْ سَرَيْنَا لَيْلَتَنَا وَيَوْمَنَا حَتَّى أَظْهَرْنَا وَقَامَ قَائِمُ الظَّهِيرَةِ فَرَمَيْتُ بِبَصَرِي هَلْ أَرَى مِنْ ظِلٍّ فَآوِيَ إِلَيْهِ فَإِذَا صَخْرَةٌ أَتَيْتُهَا فَنَظَرْتُ بَقِيَّةَ ظِلٍّ لَهَا فَسَوَّيْتُهُ ثُمَّ فَرَشْتُ لِلنَّبِيِّ صلى الله عليه وسلم فِيهِ ثُمَّ قُلْتُ لَهُ اضْطَجِعْ يَا نَبِيَّ اللَّهِ. فَاضْطَجَعَ النَّبِيُّ صلى الله عليه وسلم ثُمَّ انْطَلَقْتُ أَنْظُرُ مَا حَوْلِي هَلْ أَرَى مِنَ الطَّلَبِ أَحَدًا فَإِذَا أَنَا بِرَاعِي غَنَمٍ يَسُوقُ غَنَمَهُ إِلَى الصَّخْرَةِ يُرِيدُ مِنْهَا الَّذِي أَرَدْنَا فَسَأَلْتُهُ فَقُلْتُ لَهُ لِمَنْ أَنْتَ يَا غُلاَمُ قَالَ لِرَجُلٍ مِنْ قُرَيْشٍ سَمَّاهُ فَعَرَفْتُهُ. فَقُلْتُ هَلْ فِي غَنَمِكَ مِنْ لَبَنٍ قَالَ نَعَمْ. قُلْتُ فَهَلْ أَنْتَ حَالِبٌ لَبَنًا قَالَ نَعَمْ. فَأَمَرْتُهُ فَاعْتَقَلَ شَاةً مِنْ غَنَمِهِ ثُمَّ أَمَرْتُهُ أَنْ يَنْفُضَ ضَرْعَهَا مِنَ الْغُبَارِ ثُمَّ أَمَرْتُهُ أَنْ يَنْفُضَ كَفَّيْهِ فَقَالَ هَكَذَا ضَرَبَ إِحْدَى كَفَّيْهِ بِالأُخْرَى فَحَلَبَ لِي كُثْبَةً مِنْ لَبَنٍ وَقَدْ جَعَلْتُ لِرَسُولِ اللَّهِ صلى الله عليه وسلم إِدَاوَةً عَلَى فَمِهَا خِرْقَةٌ فَصَبَبْتُ عَلَى اللَّبَنِ حَتَّى بَرَدَ أَسْفَلُهُ فَانْطَلَقْتُ بِهِ إِلَى النَّبِيِّ صلى الله عليه وسلم فَوَافَقْتُهُ قَدِ اسْتَيْقَظَ فَقُلْتُ اشْرَبْ يَا رَسُولَ اللَّهِ. فَشَرِبَ حَتَّى رَضِيتُ ثُمَّ قُلْتُ قَدْ آنَ الرَّحِيلُ يَا رَسُولَ اللَّهِ. قَالَ " بَلَى ". فَارْتَحَلْنَا وَالْقَوْمُ يَطْلُبُونَا فَلَمْ يُدْرِكْنَا أَحَدٌ مِنْهُمْ غَيْرُ سُرَاقَةَ بْنِ مَالِكِ بْنِ جُعْشُمٍ عَلَى فَرَسٍ لَهُ. فَقُلْتُ هَذَا الطَّلَبُ قَدْ لَحِقَنَا يَا رَسُولَ اللَّهِ. فَقَالَ " لاَ تَحْزَنْ إِنَّ اللَّهَ مَعَنَا ".

عبداللہ بن رجاء نے ہم سے بیان کیا کہ اسرائیل نے ہمیں بتایا۔ انہوں نے ابواسحاق سے، ابواسحاق نے حضرت براءؓ سے روایت کی۔ انہوں نے کہا: حضرت ابوبکرؓ نے حضرت عازبؓ سے ایک کجاوہ تیرہ درہم پر خریدا تو حضرت ابوبکرؓ نے حضرت عازبؓ سے کہا: (اپنے بیٹے) براءؓ سے کہو کہ وہ میرا کجاوہ میرے ساتھ اٹھا کر لے چلے۔ حضرت عازبؓ نے کہا: میں نہیں کہوں گا جب تک کہ آپؓ ہم سے وہ واقعہ نہ بیان کریں کہ آپ نے اور رسول اللہ ﷺ نے کیا کیا تھا جب آپ دونوں مکہ سے نکلے تھے اور مشرک آپ کی تلاش کر رہے تھے۔ انہوں نے کہا: ہم نے مکہ سے کوچ کیا اور رات بھر اور دوسرے دن بھی چلتے رہے۔ انہوں نے فَأَحْیَیْنَا لَیْلَتَنَا کہا یا سَرَیْنَا لَیْلَتَنَا کے الفاظ کہے۔ جب ٹھیک دوپہر کا وقت ہوا۔ میں نے اپنی نگاہ دوڑائی کہ آیا کہیں سایہ بھی نظر آتا ہے تا وہاں جا کر آرام کریں تو ایک چٹان دکھائی دی۔ میں وہاں گیا اور دیکھا کہ اس کا سایہ باقی ہے۔ میں نے وہ جگہ درست کی۔ پھر نبی ﷺ کے لئے وہاں بستر بچھایا۔ پھر میں نے آپؐ سے کہا: نبی اللہ! آپؐ لیٹ جائیں۔ چنانچہ نبی ﷺ لیٹ گئے۔ پھر میں چلا گیا تا آس پاس دیکھوں کیا پیچھا کرنے والوں میں سے کوئی نظر آتا ہے؟ تو میں نے کیا دیکھا کہ بکریوں کا ایک چرواہا ہے جو اپنی بکریاں ہانکے اسی چٹان کی طرف لے جا رہا ہے۔ وہ بھی اس چٹان سے وہی چاہتا تھا جو ہم نے چاہا۔ میں نے اس سے پوچھا: لڑکے تم کس کے ہو؟ اس نے کہا: قریش کے ایک شخص کا ہوں۔ اس نے اس کا نام لیا اور میں نے اس کو پہچان لیا۔ میں نے کہا: کیا تمہاری بکریوں میں کچھ دودھ ہے؟ اس نے کہا: ہاں۔ میں نے کہا: کیا تم ہمارے لیے کچھ دودھ دوہو گے؟ اس نے کہا: ہاں، چنانچہ میں نے اسے دودھ دوہنے کے لئے کہا۔ اس نے اپنی بکریوں میں سے ایک بکری کی ٹانگ اپنی پنڈلی اور ران کے درمیان پکڑی۔ پھر میں نے اس سے کہا کہ اس کا تھن غبار جھاڑ کر صاف کر لے۔ پھر میں نے اس سے کہا کہ اپنی ہتھیلیوں کو بھی جھاڑ کر صاف کر لے۔ حضرت براءؓ نے اپنی ایک ہتھیلی دوسری پر مار کر بتایا کہ اس طرح۔ اس نے اپنے ہاتھوں کو جھاڑا اور میرے لئے ایک پیالہ بھر دودھ دوہا اور میں نے رسول اللہ ﷺ کے لئے ایک چھاگل رکھ لی تھی۔ اس کے منہ پر کپڑا بندھا ہوا تھا تو میں نے اتنا پانی دودھ میں ڈالا کہ وہ نیچے تک ٹھنڈا ہو گیا۔ میں اس کو لے کر نبی ﷺ کے پاس چلا گیا اور میں آپؐ کے پاس ایسے وقت میں پہنچا کہ آپؐ جاگ پڑے تھے۔ میں نے کہا: یا رسول اللہ! پئیں۔ اور آپؐ نے اتنا پیا کہ میں خوش ہو گیا۔ پھر میں نے کہا: یا رسول اللہ! کوچ کا وقت آپہنچا ہے۔ آپؐ نے فرمایا: ہاں۔ اور ہم وہاں سے چل پڑے اور لوگ ہماری تلاش کر رہے تھے اور ان میں سے کسی نے بھی ہم کو نہ پایا سوائے سراقہ بن مالک بن جعشم کے جو اپنے گھوڑے پر سوار تھا۔ میں نے کہا: یا رسول اللہ! یہ ڈھونڈنے والے ہم سے آملے۔ آپؐ نے فرمایا: فکر نہ کرو۔ اللہ ہمارے ساتھ ہے۔

صحیح بخاری 3653

حَدَّثَنَا مُحَمَّدُ بْنُ سِنَانٍ حَدَّثَنَا هَمَّامٌ عَنْ ثَابِتٍ عَنْ أَنَسٍ عَنْ أَبِي بَكْرٍ ـ رضى الله عنه ـ قَالَ قُلْتُ لِلنَّبِيِّ صلى الله عليه وسلم وَأَنَا فِي الْغَارِ لَوْ أَنَّ أَحَدَهُمْ نَظَرَ تَحْتَ قَدَمَيْهِ لأَبْصَرَنَا. فَقَالَ " مَا ظَنُّكَ يَا أَبَا بَكْرٍ بِاثْنَيْنِ اللَّهُ ثَالِثُهُمَا ".

محمد بن سنان نے ہم سے بیان کیا کہ ہمام نے ہمیں بتایا۔ انہوں نے ثابت سے، ثابت نے حضرت انسؓ سے، حضرت انسؓ نے حضرت ابوبکرؓ سے روایت کی۔ وہ کہتے تھے: میں نے نبی ﷺ سے کہا اور میں اس وقت غار میں تھا کہ اگر ان میں سے کوئی اپنے پاؤں کے نیچے نگاہ ڈالے تو ہمیں ضرور دیکھ لے گا۔ تو آپؐ نے فرمایا: ابوبکرؓ! آپ کا کیا خیال ہے ان دو شخصوں کی نسبت جن کے ساتھ تیسرا اللہ ہو۔

10 von 10 heute frei