کتاب 30: باب فَضْلِ عَائِشَةَ رضى الله عنها

صحیح بخاری

صحیح بخاری 3768

حَدَّثَنَا يَحْيَى بْنُ بُكَيْرٍ حَدَّثَنَا اللَّيْثُ عَنْ يُونُسَ عَنِ ابْنِ شِهَابٍ قَالَ أَبُو سَلَمَةَ إِنَّ عَائِشَةَ ـ رضى الله عنها ـ قَالَتْ قَالَ رَسُولُ اللَّهِ صلى الله عليه وسلم يَوْمًا " يَا عَائِشَ هَذَا جِبْرِيلُ يُقْرِئُكِ السَّلاَمَ ". فَقُلْتُ وَعَلَيْهِ السَّلاَمُ وَرَحْمَةُ اللَّهِ وَبَرَكَاتُهُ تَرَى مَا لاَ أَرَى. تُرِيدُ رَسُولَ اللَّهِ صلى الله عليه وسلم.

یحيٰ بن بکیر نے ہم سے بیان کیا کہ لیث نے ہمیں بتایا۔ انہوں نے یونس سے، یونس نے ابن شہاب سے روایت کی۔ ابوسلمہ نے کہا کہ حضرت عائشہ رضی اللہ عنہا کہتی تھیں: رسول اللہ ﷺ نے ایک دن فرمایا: عائشہ! یہ جبریل ہیں۔ تمہیں سلام کہتے ہیں۔ میں نے کہا: وعلیہ السلام ورحمۃ اللہ وبرکاتہ۔ آپؐ جو کچھ دیکھتے ہیں میں نہیں دیکھتی۔ اس سے ان کی مراد رسول اللہ ﷺ کے وجود سے تھی۔

صحیح بخاری 3769

حَدَّثَنَا آدَمُ حَدَّثَنَا شُعْبَةُ قَالَ وَحَدَّثَنَا عَمْرٌو أَخْبَرَنَا شُعْبَةُ عَنْ عَمْرِو بْنِ مُرَّةَ عَنْ مُرَّةَ عَنْ أَبِي مُوسَى الأَشْعَرِيِّ ـ رضى الله عنه ـ قَالَ قَالَ رَسُولُ اللَّهِ صلى الله عليه وسلم " كَمَلَ مِنَ الرِّجَالِ كَثِيرٌ وَلَمْ يَكْمُلْ مِنَ النِّسَاءِ إِلاَّ مَرْيَمُ بِنْتُ عِمْرَانَ وَآسِيَةُ امْرَأَةُ فِرْعَوْنَ وَفَضْلُ عَائِشَةَ عَلَى النِّسَاءِ كَفَضْلِ الثَّرِيدِ عَلَى سَائِرِ الطَّعَامِ ".

آدم (بن ابی ایاس) نے ہم سے بیان کیا کہ شعبہ نے ہمیں بتایا۔ دوسری سند (امام بخاریؒ کہتے ہیں) کہ ہم سے عمرو (بن مرزوق) نے بیان کیا۔ شعبہ نے ہمیں بتایا۔ انہوں نے عمرو بن مرہ سے، عمرو نے مرہ سے، مرہ نے حضرت ابو موسیٰ اشعری رضی اللہ عنہ سے روایت کی۔ انہوں نے کہا: رسول اللہ ﷺ نے فرمایا: مردوں سے بہت سے اور عورتوں سے کوئی کامل نہ ہوئی مگر مریم عمران کی بیٹی اور آسیہ فرعون کی بیوی اور عائشہؓ کی فضیلت باقی عورتوں پر ایسی ہے جیسے ثرید کی فضیلت باقی تمام کھانوں پر۔

صحیح بخاری 3770

حَدَّثَنَا عَبْدُ الْعَزِيزِ بْنُ عَبْدِ اللَّهِ حَدَّثَنِي مُحَمَّدُ بْنُ جَعْفَرٍ عَنْ عَبْدِ اللَّهِ بْنِ عَبْدِ الرَّحْمَنِ أَنَّهُ سَمِعَ أَنَسَ بْنَ مَالِكٍ ـ رضى الله عنه ـ يَقُولُ سَمِعْتُ رَسُولَ اللَّهِ صلى الله عليه وسلم يَقُولُ " فَضْلُ عَائِشَةَ عَلَى النِّسَاءِ كَفَضْلِ الثَّرِيدِ عَلَى الطَّعَامِ ".

عبدالعزیز بن عبداللہ نے ہم سے بیان کیا۔ انہوں نے کہا: محمد بن جعفر نے مجھے بتایا کہ عبداللہ بن عبدالرحمن سے روایت ہے کہ انہوں نے حضرت انس بن مالک رضی اللہ عنہ سے سنا۔ وہ کہتے تھے: میں نے رسول اللہ ﷺ سے سنا۔ آپؐ فرماتے تھے: عائشہؓ کی فضیلت باقی تمام عورتوں پر ایسی ہے جیسی ثرید کی فضیلت باقی تمام کھانوں پر۔

صحیح بخاری 3771

حَدَّثَنِي مُحَمَّدُ بْنُ بَشَّارٍ حَدَّثَنَا عَبْدُ الْوَهَّابِ بْنُ عَبْدِ الْمَجِيدِ حَدَّثَنَا ابْنُ عَوْنٍ عَنِ الْقَاسِمِ بْنِ مُحَمَّدٍ أَنَّ عَائِشَةَ اشْتَكَتْ فَجَاءَ ابْنُ عَبَّاسٍ فَقَالَ يَا أُمَّ الْمُؤْمِنِينَ تَقْدَمِينَ عَلَى فَرَطِ صِدْقٍ عَلَى رَسُولِ اللَّهِ صلى الله عليه وسلم وَعَلَى أَبِي بَكْرٍ.

محمد بن بشار نے ہم سے بیان کیا۔ عبدالوہاب بن عبدالمجید نے ہمیں بتایا۔ ابن عون نے ہم سے کہا: انہوں نے قاسم بن محمد سے روایت کی کہ حضرت عائشہؓ بیمار ہوئیں تو حضرت ابن عباسؓ ان کے پاس آئے اور کہا: اے امّ المؤمنین! آپ تو ایسی جگہ جائیں گی جہاں آپ کے سچے پیش رَو موجود ہیں یعنی رسول اللہ ﷺ اور حضرت ابوبکرؓ۔

صحیح بخاری 3772

حَدَّثَنَا مُحَمَّدُ بْنُ بَشَّارٍ حَدَّثَنَا غُنْدَرٌ حَدَّثَنَا شُعْبَةُ عَنِ الْحَكَمِ سَمِعْتُ أَبَا وَائِلٍ قَالَ لَمَّا بَعَثَ عَلِيٌّ عَمَّارًا وَالْحَسَنَ إِلَى الْكُوفَةِ لِيَسْتَنْفِرَهُمْ خَطَبَ عَمَّارٌ فَقَالَ إِنِّي لأَعْلَمُ أَنَّهَا زَوْجَتُهُ فِي الدُّنْيَا وَالآخِرَةِ وَلَكِنَّ اللَّهَ ابْتَلاَكُمْ لِتَتَّبِعُوهُ أَوْ إِيَّاهَا.

محمد بن بشار نے ہم سے بیان کیا کہ غندر نے ہمیں بتایا۔ شعبہ نے حکم سے روایت کرتے ہوئے ہم سے بیان کیا کہ میں نے ابووائل سے سنا۔ انہوں نے کہا: جب حضرت علیؓ نے حضرت عمارؓ اور حضرت حسنؓ کو کوفہ کی طرف بھیجا تا لوگوں کو لڑائی کے لئے جمع کریں۔ حضرت عمارؓ لوگوں سے مخاطب ہوئے اور کہا: میں خوب جانتا ہوں کہ حضرت عائشہؓ آنحضرت ﷺ کی زوجہ ہیں، دنیا میں بھی اور آخرت میں بھی۔ مگر بات یہ ہے کہ اللہ نے تمہاری آزمائش کی ہے کہ حضرت علیؓ کی پیروی کرو گے یا حضرت عائشہؓ کی۔

صحیح بخاری 3773

حَدَّثَنَا عُبَيْدُ بْنُ إِسْمَاعِيلَ حَدَّثَنَا أَبُو أُسَامَةَ عَنْ هِشَامٍ عَنْ أَبِيهِ عَنْ عَائِشَةَ ـ رضى الله عنها أَنَّهَا اسْتَعَارَتْ مِنْ أَسْمَاءَ قِلاَدَةً فَهَلَكَتْ فَأَرْسَلَ رَسُولُ اللَّهِ صلى الله عليه وسلم نَاسًا مِنْ أَصْحَابِهِ فِي طَلَبِهَا فَأَدْرَكَتْهُمُ الصَّلاَةُ فَصَلَّوْا بِغَيْرِ وُضُوءٍ فَلَمَّا أَتَوُا النَّبِيَّ صلى الله عليه وسلم شَكَوْا ذَلِكَ إِلَيْهِ فَنَزَلَتْ آيَةُ التَّيَمُّمِ. فَقَالَ أُسَيْدُ بْنُ حُضَيْرٍ جَزَاكِ اللَّهُ خَيْرًا فَوَاللَّهِ مَا نَزَلَ بِكِ أَمْرٌ قَطُّ إِلاَّ جَعَلَ اللَّهُ لَكِ مِنْهُ مَخْرَجًا وَجَعَلَ لِلْمُسْلِمِينَ فِيهِ بَرَكَةً.

عبید بن اسماعیل نے ہم سے بیان کیا کہ ابو اسامہ نے ہمیں بتایا۔ انہوں نے ہشام سے، ہشام نے اپنے باپ سے، ان کے باپ نے حضرت عائشہ رضی اللہ عنہا سے روایت کی کہ انہوں نے حضرت اسماءؓ سے ایک ہار مستعار لیا اور وہ گم ہوگیا تو رسول اللہ ﷺ نے اپنے صحابہ میں سے کچھ لوگوں کو اس کی تلاش میں بھیجا اور انہیں نماز کا وقت آ گیا تو بغیر وضو کے ہی انہوں نے نماز پڑھ لی۔ جب وہ نبی ﷺ کے پاس آئے تو انہوں نے آپؐ سے اس کی شکایت کی اور تیمم کا حکم نازل ہوا۔ حضرت اُسید بن حضیرؓ کہنے لگے: (عائشہؓ !) اللہ آپ کو جزائے خیر دے، آپ پر بخدا جو بھی مصیبت کبھی نازل ہوئی تو ضرور ہی اللہ نے آپ کے لیے اس سے نکلنے کی راہ پیدا کردی اور مسلمانوں کے لئے اس میں برکت ڈالی۔

صحیح بخاری 3774

حَدَّثَنِي عُبَيْدُ بْنُ إِسْمَاعِيلَ حَدَّثَنَا أَبُو أُسَامَةَ عَنْ هِشَامٍ عَنْ أَبِيهِ أَنَّ رَسُولَ اللَّهِ صلى الله عليه وسلم لَمَّا كَانَ فِي مَرَضِهِ جَعَلَ يَدُورُ فِي نِسَائِهِ وَيَقُولُ " أَيْنَ أَنَا غَدًا أَيْنَ أَنَا غَدًا ". حِرْصًا عَلَى بَيْتِ عَائِشَةَ قَالَتْ عَائِشَةُ فَلَمَّا كَانَ يَوْمِي سَكَنَ.

عبید بن اسماعیل نے ہم سے بیان کیا کہ ابواسامہ نے ہمیں بتایا۔ انہوں نے ہشام سے، ہشام نے اپنے باپ سے روایت کی کہ رسول اللہ ﷺ جب بیمار ہوئے تو اپنی بیماری میں اپنی ازواج کے پاس باری باری جانے لگے اور پوچھتے کہ کل میں کہاں ہوں گا؟ {کل میں کہاں ہوں گا؟} کیونکہ آپؐ کو حضرت عائشہؓ کے گھر جانے کی خواہش تھی۔ حضرت عائشہؓ کہتی تھیں: جب میرا دن ہوا تو پھر آپؐ کو تسلی ہوئی۔

صحیح بخاری 3775

حَدَّثَنَا عَبْدُ اللَّهِ بْنُ عَبْدِ الْوَهَّابِ حَدَّثَنَا حَمَّادٌ حَدَّثَنَا هِشَامٌ عَنْ أَبِيهِ قَالَ كَانَ النَّاسُ يَتَحَرَّوْنَ بِهَدَايَاهُمْ يَوْمَ عَائِشَةَ قَالَتْ عَائِشَةُ فَاجْتَمَعَ صَوَاحِبِي إِلَى أُمِّ سَلَمَةَ فَقُلْنَ يَا أُمَّ سَلَمَةَ وَاللَّهِ إِنَّ النَّاسَ يَتَحَرَّوْنَ بِهَدَايَاهُمْ يَوْمَ عَائِشَةَ وَإِنَّا نُرِيدُ الْخَيْرَ كَمَا تُرِيدُهُ عَائِشَةُ فَمُرِي رَسُولَ اللَّهِ صلى الله عليه وسلم أَنْ يَأْمُرَ النَّاسَ أَنْ يُهْدُوا إِلَيْهِ حَيْثُ مَا كَانَ أَوْ حَيْثُ مَا دَارَ قَالَتْ فَذَكَرَتْ ذَلِكَ أُمُّ سَلَمَةَ لِلنَّبِيِّ صلى الله عليه وسلم قَالَتْ فَأَعْرَضَ عَنِّي فَلَمَّا عَادَ إِلَىَّ ذَكَرْتُ لَهُ ذَاكَ فَأَعْرَضَ عَنِّي فَلَمَّا كَانَ فِي الثَّالِثَةِ ذَكَرْتُ لَهُ فَقَالَ " يَا أُمَّ سَلَمَةَ لاَ تُؤْذِينِي فِي عَائِشَةَ فَإِنَّهُ وَاللَّهِ مَا نَزَلَ عَلَىَّ الْوَحْىُ وَأَنَا فِي لِحَافِ امْرَأَةٍ مِنْكُنَّ غَيْرِهَا ".

عبداللہ بن عبدالوہاب نے ہم سے بیان کیا کہ حماد نے ہمیں بتایا کہ ہشام نے اپنے باپ سے روایت کرتے ہوئے ہم سے بیان کیا، کہا: لوگ حضرت عائشہؓ کی باری کا دن اپنے ہدئیے پیش کرنے کے لئے زیادہ مناسب سمجھ کر انتظار کرتے رہتے تھے۔ حضرت عائشہؓ کہتی تھیں: یہ دیکھ کر میری سوکنیں امّ سلمہؓ کے ہاں اکٹھی ہوئیں اور کہنے لگیں: امّ سلمہ! لوگ بخدا عائشہؓ کی باری کے دن اپنے ہدئیے پیش کرنے کو زیادہ مناسب سمجھ کر انتظار کرتے رہتے ہیں اور ہم بھی اچھی بات کو اسی طرح چاہتی ہیں جس طرح عائشہؓ چاہتی ہیں۔ اس لئے رسول اللہ ﷺ سے کہیں کہ لوگ آپؐ کو جہاں بھی آپؐ ہوں یا جہاں بھی آپؐ باری پر جائیں آپؐ کو ہدیہ بھیجا کریں۔ امّ سلمہؓ نے نبی ﷺ سے یہ ذکر کیا۔ وہ کہتی تھیں: آپؐ نے مجھ سے منہ پھیر لیا۔ جب آپؐ دوبارہ میرے پاس آئے تو میں نے (دوبارہ) آپؐ سے یہ ذکر کیا۔ آپؐ نے پھر منہ پھیر لیا۔ جب آپؐ تیسری دفعہ آئے تو میں نے آپؐ سے ذکر کیا۔ آپؐ نے فرمایا: ام سلمہؓ! عائشہؓ کی وجہ سے مجھے مت ستاؤ۔ کیونکہ اللہ کی قسم مجھ پر کبھی وحی نازل نہیں ہوئی جب میں عائشہؓ کے سوا تم میں سے کسی کے لحاف میں ہوتا ہوں۔

10 von 10 heute frei