کتاب 15: باب نُزُولِ السَّكِينَةِ وَالْمَلاَئِكَةِ عِنْدَ قِرَاءَةِ الْقُرْآنِ

صحیح بخاری

صحیح بخاری 5018

وَقَالَ اللَّيْثُ حَدَّثَنِي يَزِيدُ بْنُ الْهَادِ عَنْ مُحَمَّدِ بْنِ إِبْرَاهِيمَ عَنْ أُسَيْدِ بْنِ حُضَيْرٍ قَالَ بَيْنَمَا هُوَ يَقْرَأُ مِنَ اللَّيْلِ سُورَةَ الْبَقَرَةِ وَفَرَسُهُ مَرْبُوطٌ عِنْدَهُ إِذْ جَالَتِ الْفَرَسُ فَسَكَتَ فَسَكَتَتْ فَقَرَأَ فَجَالَتِ الْفَرَسُ فَسَكَتَ وَسَكَتَتِ الْفَرَسُ ثُمَّ قَرَأَ فَجَالَتِ الْفَرَسُ فَانْصَرَفَ وَكَانَ ابْنُهُ يَحْيَى قَرِيبًا مِنْهَا فَأَشْفَقَ أَنْ تُصِيبَهُ فَلَمَّا اجْتَرَّهُ رَفَعَ رَأْسَهُ إِلَى السَّمَاءِ حَتَّى مَا يَرَاهَا فَلَمَّا أَصْبَحَ حَدَّثَ النَّبِيَّ صلى الله عليه وسلم فَقَالَ " اقْرَأْ يَا ابْنَ حُضَيْرٍ اقْرَأْ يَا ابْنَ حُضَيْرٍ ". قَالَ فَأَشْفَقْتُ يَا رَسُولَ اللَّهِ أَنْ تَطَأَ يَحْيَى وَكَانَ مِنْهَا قَرِيبًا فَرَفَعْتُ رَأْسِي فَانْصَرَفْتُ إِلَيْهِ فَرَفَعْتُ رَأْسِي إِلَى السَّمَاءِ فَإِذَا مِثْلُ الظُّلَّةِ فِيهَا أَمْثَالُ الْمَصَابِيحِ فَخَرَجَتْ حَتَّى لاَ أَرَاهَا. قَالَ " وَتَدْرِي مَا ذَاكَ ". قَالَ لاَ. قَالَ " تِلْكَ الْمَلاَئِكَةُ دَنَتْ لِصَوْتِكَ وَلَوْ قَرَأْتَ لأَصْبَحَتْ يَنْظُرُ النَّاسُ إِلَيْهَا لاَ تَتَوَارَى مِنْهُمْ ". قَالَ ابْنُ الْهَادِ وَحَدَّثَنِي هَذَا الْحَدِيثَ عَبْدُ اللَّهِ بْنُ خَبَّابٍ عَنْ أَبِي سَعِيدٍ الْخُدْرِيِّ عَنْ أُسَيْدِ بْنِ حُضَيْرٍ.

اور لیث (بن سعد) نے کہا: مجھے یزید بن ہاد نے بتایا۔ انہوں نے محمد بن ابراہیم سے، انہوں نے حضرت اُسَید بن حضیرؓ سے روایت کی۔ انہوں نے کہا: ایک بار رات کو وہ سورة البقرۃ پڑھ رہے تھے اور ان کا گھوڑا ان کے پاس بندھا ہوا تھا۔ اتنے میں (ان کے) گھوڑے نے چکر لگانا شروع کیا۔ وہ (یہ دیکھ کر) خاموش ہو گئے اور وہ گھوڑا بھی ٹھہر گیا۔ پھر انہوں نے پڑھنا شروع کیا تو گھوڑا بھی چکر لگانے لگا۔ وہ چپ ہو گئے اور گھوڑا بھی ٹھہر گیا۔ پھر انہوں نے پڑھنا شروع کیا اور گھوڑا بھی چکر لگانے لگا۔ (وہ چپ ہوگئے اور گھوڑا بھی ٹھہر گیا۔) وہ نماز سے فارغ ہوگئے اور ان کا بیٹا یحيٰ گھوڑے کے قریب تھا۔ وہ ڈرے کہ کہیں وہ اس کو صدمہ نہ پہنچائے۔ جب انہوں نے اس کو اپنے پاس گھسیٹ لیا تو انہوں نے آسمان کی طرف اپنا سر اٹھایا۔ یہ حالت تھی کہ وہ (آسمان کو) بالکل نہ دیکھتے تھے۔ جب صبح ہوئی تو انہوں نے نبی ﷺ سے واقعہ بیان کیا۔ آپؐ نے ان سے فرمایا: ابن حضیرؓ! اسی طرح پڑھتے رہو۔ ابن حضیر اسی طرح پڑھتے رہو۔ (حضرت اُسیدؓ نے) کہا: یا رسول اللہ! میں ڈر گیا تھا کہ کہیں وہ یحيٰ کو نہ کچل ڈالے اور وہ اس کے قریب ہی تھا۔ میں نے اپنا سر اُٹھایا اور یحيٰ کی طرف مڑ کر گیا۔ پھر میں نے اپنا سر آسمان کی طرف اٹھایا۔ کیا دیکھتا ہوں کہ جیسے سائبان ہے جس میں دیے سے ہیں۔ پھر میں باہر گیا تو (حالت یہ تھی کہ) ان کو نہیں دیکھتا تھا۔ آپؐ نے فرمایا: اور تم جانتے ہو کہ یہ کیا تھا؟ اُنہوں نے کہا: نہیں۔ آپؐ نے فرمایا: یہ ملائکہ تھے جو تمہاری آواز سن کر نزدیک آگئے تھے اور تم پڑھتے رہتے تو صبح کو لوگ بھی ان کو دیکھتے، ان سے چھپتے نہیں۔ ابن ہاد نے کہا: اور مجھے یہ حدیث عبداللہ بن خباب نے بھی حضرت ابوسعید خدریؓ سے، حضرت ابوسعیدؓ نے حضرت اُسید بن حضیرؓ سے روایت کرتے ہوئے بتائی۔

10 von 10 heute frei