کتاب 45: باب الْغُسْلِ وَالْوُضُوءِ فِي الْمِخْضَبِ وَالْقَدَحِ وَالْخَشَبِ وَالْحِجَارَةِ
صحیح بخاری
صحیح بخاری 195
ہم سے عبداللہ بن منیر نے بیان کیا۔ انہوں نے عبد الله بن بکر سے سنا۔ وہ کہتے تھے: حمید نے حضرت انسؓ سے روایت کرتے ہوئے ہمیں بتلایا کہ انہوں نے کہا: نماز کا وقت ہوا تو جن لوگوں کا گھر نزدیک تھا وہ اُٹھ کر اپنے اپنے گھروں کی طرف چلے گئے اور کچھ لوگ باقی رہ گئے۔ رسول اللہؐ کے پاس پھر کا ایک لگن لایا گیا جس میں کچھ پانی تھا۔ وہ لگن چھوٹا تھا۔ آپ اس میں اپنا ہاتھ نہ پھیلا سکتے تھے۔ سب لوگوں نے وضو کیا۔ ہم نے کہا: تم کتنے تھے۔ کہا: اسی (۸۰) سے کچھ زیادہ۔
صحیح بخاری 196
ہم سے محمد بن علاء نے بیان کیا، کہا: ابواسامہ نے ہمیں بتلایا۔ انہوں نے بُرید سے، بُرید نے ابو بردہ سے، ابو بردہ نے حضرت ابوموسیٰ سے روایت کی کہ نبی ﷺ نے ایک پیالہ منگوایا، جس میں پانی تھا۔ آپ نے اپنے دونوں ہاتھ اور منہ اس میں دھوئے اور اس میں کلی کی۔
صحیح بخاری 197
ہم سے احمد بن یونس نے بیان کیا، کہا: عبد العزيز بن ابوسلمہ نے ہم سے بیان کیا، کہا: عمرو بن كي نے ہمیں بتلایا۔ انہوں نے اپنے باپ سے، ان کے باپ نے حضرت عبداللہ بن زید سے روایت کی۔ انہوں نے کہا: رسول اللہ ﷺ آئے تو ہم ایک کی۔ پیتل کے لگن میں آپ کے لئے پانی لائے۔ آپ نے وضو کیا اور اپنا منہ تین بار دھویا اور اپنے ہاتھ دو دو دفعہ دھوئے اور اپنے سر کا مسح کیا۔ (اپنے دونوں ہاتھوں کو آگے سے لے گئے اور پیچھے سے لے آئے اور اپنے دونوں پاؤں ( بھی ) دھوئے۔
صحیح بخاری 198
ہم سے ابوالیمان نے بیان کیا، کہا: شعیب نے ہمیں بتلایا۔ انہوں نے زہری سے روایت کی، کہا: عبید اللہ بن عبد اللہ بن عتبہ نے مجھے بتلایا کہ حضرت عائشہ کہتی تھیں: جب نبی ﷺ بیمار ہوئے اور آپ کی بیماری نے آپ پر سخت حملہ کیا تو آپ نے اپنی بیویوں سے اجازت لی کہ میرے گھر میں آپ کی تیمارداری کی جائے۔ تو انہوں نے آپ کو اجازت دی۔ اس پر نبی ﷺ دو آدمیوں کے درمیان سہارا لیتے ہوئے نکلے۔ آپ کے پاؤں زمین پر لکیر ڈال رہے تھے۔ حضرت عباس اور ایک اور شخص کے درمیان۔ عبید اللہ کہتے تھے۔ میں نے حضرت عبداللہ ابن عباس کو یہ بتلایا تو انہوں نے کہا: کیا تم جانتے ہو کہ وہ دوسرا شخص کون ہے؟ میں نے کہا: نہیں۔ کہا: وہ حضرت علی بن ابی طالبؓ ہیں اور حضرت عائشہ رضی اللہ عنہا بیان کرتی تھیں کہ جب نبی ﷺ کی تکلیف بڑھ گئی اور آپ اپنے گھر میں داخل ہوئے تو آپ نے فرمایا: مجھ پر سات ایسی مشکوں سے پانی انڈیلو کہ جن کے بندھن نہ کھولے گئے ہوں۔ شاید کہ میں لوگوں کو وصیت کرسکوں۔ آپ کو ایک لگن میں بٹھایا گیا جو نبی ﷺ کی بیوی حضرت حفصہ کا تھا۔ پھر ہم آپ پر مشکیں ڈالنے لگے۔ یہاں تک کہ آپ ہم کو اشارہ کرنے لگے کہ بس تم کر چکیں۔ پھر آپ لوگوں کے پاس باہر گئے۔