کتاب 51: باب مَنْ مَضْمَضَ مِنَ السَّوِيقِ وَلَمْ يَتَوَضَّأْ
صحیح بخاری
صحیح بخاری 209
ہم سے عبداللہ بن یوسف نے بیان کیا، کہا: مالک نے ہمیں بتلایا۔ انہوں نے تجی بن سعید سے، یحیٰ نے بشير بن یسار سے جو کہ بنو حارثہ کے مولیٰ تھے۔ روایت کی کہ سوید بن نعمان نے ان سے بیان کیا کہ جس سال خیبر فتح ہوا۔ وہ رسول اللہ ﷺ کے ساتھ نکلے۔ جب آپ صہباء میں پہنچے اور یہ جگہ خیبر کے ورے نشیب میں ہے تو آپ نے عصر کی نماز پڑھی۔ پھر اس کے بعد آپ نے توشے منگوائے۔ آپ کے پاس سوائے ستوؤں کے اور کچھ نہ لایا گیا۔ آپ نے حکم دیا اور وہ بھگوئے گئے۔ رسول اللہ ﷺ نے کھائے اور ہم نے بھی کھائے۔ پھر آپ مغرب کی نماز کے لئے کھڑے ہو گئے اور آپ نے کلی کی اور ہم نے بھی کلی کی۔ پھر آپ نے نماز پڑھی اور وضو نہیں کیا۔
صحیح بخاری 210
ہم سے اصبغ نے بیان کیا، کہا: ابن وہب نے ہمیں بتلایا۔ انہوں نے کہا: عمرو نے مجھے بتلایا۔ انہوں نے بکیر سے، بکیر نے گریب سے، گریب نے حضرت میمونہ سے روایت کی کہ نبی ﷺ نے ان کے ہاں شانہ کا گوشت کھایا۔ پھر اس کے بعد آپ نے نماز پڑھی اور وضو نہیں کیا۔