کتاب 2: باب صَيْدِ الْمِعْرَاضِ

صحیح بخاری

صحیح بخاری 5476

حَدَّثَنَا سُلَيْمَانُ بْنُ حَرْبٍ حَدَّثَنَا شُعْبَةُ عَنْ عَبْدِ اللَّهِ بْنِ أَبِي السَّفَرِ عَنِ الشَّعْبِيِّ قَالَ سَمِعْتُ عَدِيَّ بْنَ حَاتِمٍ ـ رضى الله عنه ـ قَالَ سَأَلْتُ رَسُولَ اللَّهِ صلى الله عليه وسلم عَنِ الْمِعْرَاضِ فَقَالَ " إِذَا أَصَبْتَ بِحَدِّهِ فَكُلْ فَإِذَا أَصَابَ بِعَرْضِهِ فَقَتَلَ فَإِنَّهُ وَقِيذٌ فَلاَ تَأْكُلْ ". فَقُلْتُ أُرْسِلُ كَلْبِي. قَالَ " إِذَا أَرْسَلْتَ كَلْبَكَ وَسَمَّيْتَ فَكُلْ ". قُلْتُ فَإِنْ أَكَلَ قَالَ " فَلاَ تَأْكُلْ فَإِنَّهُ لَمْ يُمْسِكْ عَلَيْكَ إِنَّمَا أَمْسَكَ عَلَى نَفْسِهِ ". قُلْتُ أُرْسِلُ كَلْبِي فَأَجِدُ مَعَهُ كَلْبًا آخَرَ. قَالَ " لاَ تَأْكُلْ فَإِنَّكَ إِنَّمَا سَمَّيْتَ عَلَى كَلْبِكَ وَلَمْ تُسَمِّ عَلَى آخَرَ ".

سلیمان بن حرب نے ہم سے بیان کیا کہ شعبہ نے ہمیں بتایا۔ انہوں نے عبداللہ بن ابی سفر سے، عبداللہ نے شعبی سے روایت کی۔ انہوں نے کہا: میں نے حضرت عدی بن حاتم رضی اللہ عنہ سے سنا۔ وہ کہتے تھے: میں نے رسول اللہ ﷺ سے اس شکار کے متعلق پوچھا جو کسی چپٹی چیز سے مارا جائے؟ آپؐ نے فرمایا: اگر تو تم نے اس کی دھار سے مارا ہو تو کھاؤ اور اگر اس کی چپٹی طرف سے پڑے اور اس کو مار ڈالے تو یہ مَوْقُوذَة ہے اس کو نہ کھاؤ۔ میں نے پوچھا: میں اپنے کتے کو چھوڑ دوں تو؟ آپؐ نے فرمایا: جب تم اپنا کتا چھوڑو اور اللہ کا نام لو تو کھاؤ۔ میں نے پوچھا: اگر وہ کتا کھا لے تو؟ آپؐ نے فرمایا: پھر اس کو نہ کھاؤ کیونکہ اس نے وہ تمہارے لئے نہیں پکڑا بلکہ اپنے لئے پکڑا ہے۔ میں نے پوچھا: میں اپنے کتے کو چھوڑوں اور اس کے ساتھ کسی اور کتے کو پاؤں؟ آپؐ نے فرمایا: نہ کھاؤ کیونکہ تم نے اپنا کتا چھوڑتے وقت اس پر بسم اللہ پڑھی اور دوسرے پر (اللہ کا) نام نہیں لیا تھا۔

10 von 10 heute frei