کتاب 8: بَابُ قَوْلِ النَّبِيِّ صَلَّى اللَّهُ عَلَيْهِ وَسَلَّمَ لأَبِي بُرْدَةَ: «ضَحِّ بِالْجَذَعِ مِنَ الْمَعَزِ وَلَنْ تَجْزِيَ عَنْ أَحَدٍ بَعْدَكَ»

صحیح بخاری

صحیح بخاری 5556

حَدَّثَنَا مُسَدَّدٌ حَدَّثَنَا خَالِدُ بْنُ عَبْدِ اللَّهِ حَدَّثَنَا مُطَرِّفٌ عَنْ عَامِرٍ عَنِ الْبَرَاءِ بْنِ عَازِبٍ ـ رضى الله عنهما ـ قَالَ ضَحَّى خَالٌ لِي يُقَالُ لَهُ أَبُو بُرْدَةَ قَبْلَ الصَّلاَةِ فَقَالَ لَهُ رَسُولُ اللَّهِ صلى الله عليه وسلم " شَاتُكَ شَاةُ لَحْمٍ ". فَقَالَ يَا رَسُولَ اللَّهِ إِنَّ عِنْدِي دَاجِنًا جَذَعَةً مِنَ الْمَعَزِ. قَالَ " اذْبَحْهَا وَلَنْ تَصْلُحَ لِغَيْرِكَ ". ثُمَّ قَالَ " مَنْ ذَبَحَ قَبْلَ الصَّلاَةِ فَإِنَّمَا يَذْبَحُ لِنَفْسِهِ وَمَنْ ذَبَحَ بَعْدَ الصَّلاَةِ فَقَدْ تَمَّ نُسُكُهُ وَأَصَابَ سُنَّةَ الْمُسْلِمِينَ ". تَابَعَهُ عُبَيْدَةُ عَنِ الشَّعْبِيِّ وَإِبْرَاهِيمَ. وَتَابَعَهُ وَكِيعٌ عَنْ حُرَيْثٍ عَنِ الشَّعْبِيِّ. وَقَالَ عَاصِمٌ وَدَاوُدُ عَنِ الشَّعْبِيِّ عِنْدِي عَنَاقُ لَبَنٍ. وَقَالَ زُبَيْدٌ وَفِرَاسٌ عَنِ الشَّعْبِيِّ عِنْدِي جَذَعَةٌ. وَقَالَ أَبُو الأَحْوَصِ حَدَّثَنَا مَنْصُورٌ عَنَاقٌ جَذَعَةٌ. وَقَالَ ابْنُ عَوْنٍ عَنَاقٌ جَذَعٌ عَنَاقُ لَبَنٍ.

مسدد نے ہم سے بیان کیا کہ خالد بن عبداللہ نے ہمیں بتایا کہ مطرف (بن طریف) نے ہم سے بیان کیا۔ انہوں نے عامر (شعبی) سے، عامر نے حضرت براء بن عازب رضی اللہ عنہما سے روایت کی۔ انہوں نے کہا: میرے ایک ماموں نے جو ابوبردہؓ کہلاتے تھے، نماز سے پہلے قربانی کر دی۔ رسول اللہ ﷺ نے ان سے فرمایا: تمہاری بکری تو گوشت کی بکری ہے۔ تو انہوں نے کہا: یا رسول اللہ! میرے پاس گھر کا پلا ہوا ایک سال کا بکری کا بچہ ہے۔ آپؐ نے فرمایا: اس کو ذبح کرلو اور تمہارے سوا کسی کے لئے درست نہیں ہوگا۔ پھر آپؐ نے فرمایا: جس نے نماز سے پہلے ذبح کیا تو وہ تو اپنے لئے ہی ذبح کرتا ہے۔ جس نے نماز کے بعد ذبح کیا تو اس کی قربانی پوری ہوئی اور اس نے مسلمانوں کے طریق پر عمل کیا۔ (مطرف کی طرح) اس حدیث کو عبیدہ (ضبی) نے بھی شعبی اور ابراہیم (نخعی) سے روایت کیا اور (عبیدہ کی طرح) وکیع نے بھی اس کو حریث سے، حریث نے شعبی سے روایت کیا۔ اور عاصم اور داؤد نے شعبی سے یوں نقل کیا کہ میرے پاس ایک سال کا دودھ پیتا بچہ ہے۔ اور زبید اور فراس نے شعبی سے یوں نقل کیا کہ میرے پاس ایک برس کا بکروٹا ہے۔ اور ابوالاحوص نے کہا: ہم سے منصور نے عَنَاقٌ جَذَعَةٌ دونوں لفظ بیان کئے اور ابن عون نے کہا: عَنَاقٌ جَذَعٌ اور عَنَاقُ لَبَنٍ۔

صحیح بخاری 5557

حَدَّثَنَا مُحَمَّدُ بْنُ بَشَّارٍ حَدَّثَنَا مُحَمَّدُ بْنُ جَعْفَرٍ حَدَّثَنَا شُعْبَةُ عَنْ سَلَمَةَ عَنْ أَبِي جُحَيْفَةَ عَنِ الْبَرَاءِ قَالَ ذَبَحَ أَبُو بُرْدَةَ قَبْلَ الصَّلاَةِ فَقَالَ لَهُ النَّبِيُّ صلى الله عليه وسلم " أَبْدِلْهَا ". قَالَ لَيْسَ عِنْدِي إِلاَّ جَذَعَةٌ ـ قَالَ شُعْبَةُ وَأَحْسِبُهُ قَالَ ـ هِيَ خَيْرٌ مِنْ مُسِنَّةٍ. قَالَ " اجْعَلْهَا مَكَانَهَا وَلَنْ تَجْزِيَ عَنْ أَحَدٍ بَعْدَكَ ". وَقَالَ حَاتِمُ بْنُ وَرْدَانَ عَنْ أَيُّوبَ عَنْ مُحَمَّدٍ عَنْ أَنَسٍ عَنِ النَّبِيِّ صلى الله عليه وسلم وَقَالَ عَنَاقٌ جَذَعَةٌ.

محمد بن بشار نے ہمیں بتایا کہ محمد بن جعفر نے ہم سے بیان کیا کہ شعبہ (بن حجاج) نے ہم سے بیان کیا۔ انہوں نے سلمہ (بن کہیل) سے، سلمہ نے ابوجحیفہ سے، ابوجحیفہ نے حضرت براءؓ (بن عازب) سے روایت کی۔ انہوں نے کہا: حضرت ابوبردہؓ نے نماز سے پہلے ذبح کیا تو نبی ﷺ نے ان سے فرمایا: اس کے بدلے اور قربانی کرو۔ حضرت ابوبردہؓ نے کہا: میرے پاس صرف ایک سال کا بکری کا بچہ ہی ہے۔ شعبہ کہتے تھے اور میں خیال کرتا ہوں کہ انہوں نے یہ بھی کہا کہ وہ دو برس کی بکری سے بہتر ہے۔ آپؐ نے فرمایا: اسی کو اس کی جگہ کر دو اور تمہارے بعد کسی کی طرف سے یہ قربانی کے قائم مقام نہ ہوگا۔ اور حاتم بن وردان نے ایوب سے نقل کیا۔ ایوب نے محمد (بن سیرین) سے، انہوں نے حضرت انسؓ سے، حضرت انسؓ نے نبی ﷺ سے اپنی روایت میں یوں کہا: عَنَاقٌ جَذَعَةٌ۔

10 von 10 heute frei