کتاب 23: باب الْعُذْرَةِ
صحیح بخاری
صحیح بخاری 5715
ابوالیمان نے ہم سے بیان کیا کہ شعیب نے ہمیں خبر دی۔ انہوں نے زہری سے، زہری نے کہا عبیداللہ بن عبداللہ نے مجھے خبر دی کہ حضرت اُم قیسؓ بنت محصن اسدیہ جو خزیمہ قبیلے کی اسد شاخ سے تھیں اور وہ ان ابتدائی مہاجر عورتوں میں سے تھیں جنہوں نے نبی ﷺ کی بیعت کی اور وہ حضرت عکاشہؓ (بن محصن) کی بہن تھیں انہوں نے ان کو بتایا کہ وہ رسول اللہ ﷺ کے پاس اپنے بیٹے کو لائیں جس کے گلے کا کوّا عذرہ بیماری کی وجہ سے اُنہوں نے دبایا ہوا تھا۔ نبی ﷺ نے فرمایا: تم کس لئے اپنے بچوں کے کوّؤں کو اس طرح اٹھا کر ان کے حلق کو دباتی ہو تم اس عود ہندی کو استعمال کیا کرو کیونکہ اس میں سات بیماریوں کا علاج ہے ان میں سے ایک ذات الجنب بھی ہے۔ آپؐ کی مراد کست سے تھی اور وہی عود ہندی ہے۔ اور یونس اور اسحاق بن راشد نے زہری سے روایت کرتے ہوئے عَلَّقَتْ عَلَيْهِ کے الفاظ نقل کئے۔