کتاب 38: باب رُقْيَةِ النَّبِيِّ صلى الله عليه وسلم

صحیح بخاری

صحیح بخاری 5742

حَدَّثَنَا مُسَدَّدٌ حَدَّثَنَا عَبْدُ الْوَارِثِ عَنْ عَبْدِ الْعَزِيزِ قَالَ دَخَلْتُ أَنَا وَثَابِتٌ عَلَى أَنَسِ بْنِ مَالِكٍ فَقَالَ ثَابِتٌ يَا أَبَا حَمْزَةَ اشْتَكَيْتُ. فَقَالَ أَنَسٌ أَلاَ أَرْقِيكَ بِرُقْيَةِ رَسُولِ اللَّهِ صلى الله عليه وسلم قَالَ بَلَى. قَالَ " اللَّهُمَّ رَبَّ النَّاسِ مُذْهِبَ الْبَاسِ اشْفِ أَنْتَ الشَّافِي لاَ شَافِيَ إِلاَّ أَنْتَ شِفَاءً لاَ يُغَادِرُ سَقَمًا ".

مسدد نے ہم سے بیان کیا کہ عبدالوارث (بن سعید) نے ہمیں بتایا۔ انہوں نے عبدالعزیز (بن صہیب) سے روایت کی۔ انہوں نے کہا: میں اور ثابت (بنانی) حضرت انس بن مالکؓ کے پاس گئے۔ ثابت نے کہا: ابوحمزہؓ میں بیمار ہو گیا ہوں۔ حضرت انسؓ نے کہا کیا میں تمہیں وہ دم نہ کروں جو رسول اللہ ﷺ نے کیا تھا۔ انہوں نے کہا: کیوں نہیں ضرور۔ تو حضرت انسؓ نے یہ دعا کی۔ اے اللہ جو لوگوں کا ربّ ہے تکلیف کو دور کرنے والا ہے شفا دے تو ہی شفا دینے والا ہے تیرے سوا کوئی شافی نہیں، ایسی شفا دے جو بیماری کا کوئی اثر نہ چھوڑے۔

صحیح بخاری 5743

حَدَّثَنَا عَمْرُو بْنُ عَلِيٍّ حَدَّثَنَا يَحْيَى حَدَّثَنَا سُفْيَانُ حَدَّثَنِي سُلَيْمَانُ عَنْ مُسْلِمٍ عَنْ مَسْرُوقٍ عَنْ عَائِشَةَ ـ رضى الله عنها ـ أَنَّ النَّبِيَّ صلى الله عليه وسلم كَانَ يُعَوِّذُ بَعْضَ أَهْلِهِ يَمْسَحُ بِيَدِهِ الْيُمْنَى وَيَقُولُ " اللَّهُمَّ رَبَّ النَّاسِ أَذْهِبِ الْبَاسَ اشْفِهِ وَأَنْتَ الشَّافِي لاَ شِفَاءَ إِلاَّ شِفَاؤُكَ شِفَاءً لاَ يُغَادِرُ سَقَمًا ". قَالَ سُفْيَانُ حَدَّثْتُ بِهِ مَنْصُورًا فَحَدَّثَنِي عَنْ إِبْرَاهِيمَ عَنْ مَسْرُوقٍ عَنْ عَائِشَةَ نَحْوَهُ.

عمرو بن علی (فلاس) نے ہم سے بیان کیا کہ یحيٰ (بن سعید قطان) نے ہمیں بتایا کہ سفیان (ثوری) نے ہم سے بیان کیا کہ سلیمان (اعمش) نے مجھ سے بیان کیا۔ سلیمان نے مسلم (بن صبیح) سے، مسلم نے مسروق سے، مسروق نے حضرت عائشہ رضی اللہ عنہا سے روایت کی کہ نبی ﷺ اپنی ازواج میں سے کسی کے لیے بیماری میں دعا کرتے ہوئے یوں پناہ مانگتے تھے کہ آپؐ اپنا دایاں ہاتھ پھیرتے اور دعا کرتے: اے اللہ ! جو لوگوں کا ربّ ہے اس تکلیف کو دور کر، اس سے شفا دے اور تو ہی شفا دینے والا ہے، کوئی شفا نہیں مگر تیری ہی شفا، ایسی شفا دے جو بیماری کو باقی نہ چھوڑے۔ سفیان (ثوری) کہتے تھے: میں نے منصور بن (معتمر) سے اس کا ذکر کیا تو انہوں نے مجھے ابراہیم (نخعی) سے، ابراہیم نے مسروق سے، مسروق نے حضرت عائشہؓ سے روایت کرتے ہوئے اسی طرح بتایا۔

صحیح بخاری 5744

حَدَّثَنِي أَحْمَدُ بْنُ أَبِي رَجَاءٍ حَدَّثَنَا النَّضْرُ عَنْ هِشَامِ بْنِ عُرْوَةَ قَالَ أَخْبَرَنِي أَبِي عَنْ عَائِشَةَ أَنَّ رَسُولَ اللَّهِ صلى الله عليه وسلم كَانَ يَرْقِي يَقُولُ " امْسَحِ الْبَاسَ رَبَّ النَّاسِ بِيَدِكَ الشِّفَاءُ لاَ كَاشِفَ لَهُ إِلاَّ أَنْتَ ".

احمد بن ابی رجاء نے مجھ سے بیان کیا کہ نضر (بن شمیل) نے ہمیں بتایا۔ انہوں نے ہشام بن عروہ سے، ہشام نے کہا مجھے میرے باپ نے خبر دی ان کے باپ نے حضرت عائشہؓ سے روایت کی کہ رسول اللہ ﷺ دم کرتے ہوئے یہ دعا کرتے تھے: لوگوں کے ربّ اس تکلیف کو دور کر۔ تیرے ہاتھ میں شفا ہے۔ اس کا دور کرنے والا کوئی نہیں مگر تو ہی۔

صحیح بخاری 5745

حَدَّثَنَا عَلِيُّ بْنُ عَبْدِ اللَّهِ حَدَّثَنَا سُفْيَانُ قَالَ حَدَّثَنِي عَبْدُ رَبِّهِ بْنُ سَعِيدٍ عَنْ عَمْرَةَ عَنْ عَائِشَةَ ـ رضى الله عنها ـ أَنَّ النَّبِيَّ صلى الله عليه وسلم كَانَ يَقُولُ لِلْمَرِيضِ " بِسْمِ اللَّهِ تُرْبَةُ أَرْضِنَا. بِرِيقَةِ بَعْضِنَا يُشْفَى سَقِيمُنَا بِإِذْنِ رَبِّنَا ".

علی بن عبداللہ (مدینی) نے ہمیں بتایا کہ سفیان (بن عیینہ) نے ہم سے بیان کیا۔ انہوں نے کہا مجھے عبد ربّہ بن سعید نے بتایا۔ عبد ربّہ نے عمرہ سے، عمرہ نے حضرت عائشہ رضی اللہ عنہا سے روایت کی کہ نبی ﷺ (کبھی) بیمار کے لیے یوں دعا کرتے: اللہ کے نام سے یہ ہماری زمین کی مٹی ہے۔ ہم میں سے کسی کے لعاب سے ہمارا بیمار ہمارے ربّ کے حکم سے شفا پا جائے۔

صحیح بخاری 5746

حَدَّثَنِي صَدَقَةُ بْنُ الْفَضْلِ أَخْبَرَنَا ابْنُ عُيَيْنَةَ عَنْ عَبْدِ رَبِّهِ بْنِ سَعِيدٍ عَنْ عَمْرَةَ عَنْ عَائِشَةَ قَالَتْ كَانَ النَّبِيُّ صلى الله عليه وسلم يَقُولُ فِي الرُّقْيَةِ " تُرْبَةُ أَرْضِنَا وَرِيقَةُ بَعْضِنَا يُشْفَى سَقِيمُنَا بِإِذْنِ رَبِّنَا ".

صدقہ بن فضل نے مجھ سے بیان کیا کہ (سفیان) بن عیینہ نے ہمیں بتایا۔ انہوں نے عبدربّہ بن سعید سے، عبدربّہ نے عمرہ سے، عمرہ نے حضرت عائشہؓ سے روایت کی۔ آپ فرماتی ہیں: نبی ﷺ دم کرتے وقت (کبھی) یوں بھی دعا کرتے تھے: اللہ کے نام سے یہ ہماری زمین کی مٹی ہے اور ہم میں سے کسی کا لعاب ہے ہمارا بیمار ہمارے ربّ کے حکم سے شفا پائے۔

10 von 10 heute frei