کتاب 39: باب النَّفْثِ فِي الرُّقْيَةِ

صحیح بخاری

صحیح بخاری 5747

حَدَّثَنَا خَالِدُ بْنُ مَخْلَدٍ حَدَّثَنَا سُلَيْمَانُ عَنْ يَحْيَى بْنِ سَعِيدٍ قَالَ سَمِعْتُ أَبَا سَلَمَةَ قَالَ سَمِعْتُ أَبَا قَتَادَةَ يَقُولُ سَمِعْتُ النَّبِيَّ صلى الله عليه وسلم يَقُولُ " الرُّؤْيَا مِنَ اللَّهِ وَالْحُلْمُ مِنَ الشَّيْطَانِ فَإِذَا رَأَى أَحَدُكُمْ شَيْئًا يَكْرَهُهُ فَلْيَنْفِثْ حِينَ يَسْتَيْقِظُ ثَلاَثَ مَرَّاتٍ وَيَتَعَوَّذْ مِنْ شَرِّهَا فَإِنَّهَا لاَ تَضُرُّهُ ". وَقَالَ أَبُو سَلَمَةَ وَإِنْ كُنْتُ لأَرَى الرُّؤْيَا أَثْقَلَ عَلَىَّ مِنَ الْجَبَلِ فَمَا هُوَ إِلاَّ أَنْ سَمِعْتُ هَذَا الْحَدِيثَ فَمَا أُبَالِيهَا.

خالد بن مخلد نے ہم سے بیان کیا کہ سلیمان (بن بلال) نے ہمیں بتایا۔ انہوں نے یحيٰ بن سعید (انصاری) سے، یحيٰ نے کہا میں نے ابوسلمہ (بن عبدالرحمٰن بن عوف) سے سنا۔ ابو سلمہ نے کہا میں نے حضرت ابوقتادہؓ سے سنا وہ کہتے تھے: میں نے نبی ﷺ سے سنا آپؐ فرماتے تھے: رؤیا اللہ کی طرف سے ہوتا ہے اور پریشان خواب شیطان کی طرف سے۔ جب تم میں سے کوئی خواب میں کوئی ایسی بات دیکھے جس کو ناپسند کرتا ہو تو جب وہ جاگے تین بار پھونک مارے اور اس کے شر سے اللہ کی پناہ مانگے تو وہ خواب اس کو نقصان نہ دے گی اور ابو سلمہ نے کہا: میری تو یہ حالت تھی کہ جو خواب دیکھ لیتا پہاڑ سے بھی زیادہ مجھ پر بوجھل ہوجاتا تو پھر جونہی کہ میں نے یہ حدیث سنی میں اب اس کی پرواہ نہیں کرتا۔

صحیح بخاری 5748

حَدَّثَنَا عَبْدُ الْعَزِيزِ بْنُ عَبْدِ اللَّهِ الأُوَيْسِيُّ حَدَّثَنَا سُلَيْمَانُ عَنْ يُونُسَ عَنِ ابْنِ شِهَابٍ عَنْ عُرْوَةَ بْنِ الزُّبَيْرِ عَنْ عَائِشَةَ ـ رضى الله عنها ـ قَالَتْ كَانَ رَسُولُ اللَّهِ صلى الله عليه وسلم إِذَا أَوَى إِلَى فِرَاشِهِ نَفَثَ فِي كَفَّيْهِ بِقُلْ هُوَ اللَّهُ أَحَدٌ وَبِالْمُعَوِّذَتَيْنِ جَمِيعًا ثُمَّ يَمْسَحُ بِهِمَا وَجْهَهُ وَمَا بَلَغَتْ يَدَاهُ مِنْ جَسَدِهِ. قَالَتْ عَائِشَةُ فَلَمَّا اشْتَكَى كَانَ يَأْمُرُنِي أَنْ أَفْعَلَ ذَلِكَ بِهِ. قَالَ يُونُسُ كُنْتُ أَرَى ابْنَ شِهَابٍ يَصْنَعُ ذَلِكَ إِذَا أَتَى إِلَى فِرَاشِهِ.

عبدالعزیز بن عبداللہ اویسی نے ہم سے بیان کیا کہ سلیمان (بن بلال) نے ہمیں بتایا۔ انہوں نے یونس (بن یزید) سے، یونس نے ابن شہاب سے، ابن شہاب نے عروہ بن زبیر سے، عروہ نے حضرت عائشہ رضی اللہ عنہا سے روایت کی آپ فرماتی ہیں: رسول اللہ ﷺ جب بستر پر آرام کرتے تو قُلْ هُوَ اللهُ أَحَدٌ اور قُلْ أَعُوْذُ بِرَبِّ الْفَلَقِ اور قُلْ أَعُوْذُ بِرَبِّ النَّاسِ سب کو پڑھ کر اپنی ہتھیلیوں میں پھونکتے۔ پھر ان دونوں کو اپنے چہرے پر اور جہاں جہاں بھی آپؐ کے ہاتھ آپؐ کے جسم پر پہنچتے پھیرتے۔ حضرت عائشہؓ کہتی تھیں: جب آپؐ بیمار ہوتے تو آپؐ مجھے ایسا کرنے کا حکم دیتے۔ یونس کہتے تھے میں ابن شہاب کو دیکھا کرتا تھا کہ جب وہ اپنے بستر پر آتے تو ایسا ہی کرتے۔

صحیح بخاری 5749

حَدَّثَنَا مُوسَى بْنُ إِسْمَاعِيلَ حَدَّثَنَا أَبُو عَوَانَةَ عَنْ أَبِي بِشْرٍ عَنْ أَبِي الْمُتَوَكِّلِ عَنْ أَبِي سَعِيدٍ أَنَّ رَهْطًا مِنْ أَصْحَابِ رَسُولِ اللَّهِ صلى الله عليه وسلم انْطَلَقُوا فِي سَفْرَةٍ سَافَرُوهَا حَتَّى نَزَلُوا بِحَىٍّ مِنْ أَحْيَاءِ الْعَرَبِ فَاسْتَضَافُوهُمْ فَأَبَوْا أَنْ يُضَيِّفُوهُمْ فَلُدِغَ سَيِّدُ ذَلِكَ الْحَىِّ فَسَعَوْا لَهُ بِكُلِّ شَىْءٍ لاَ يَنْفَعُهُ شَىْءٌ فَقَالَ بَعْضُهُمْ لَوْ أَتَيْتُمْ هَؤُلاَءِ الرَّهْطَ الَّذِينَ قَدْ نَزَلُوا بِكُمْ لَعَلَّهُ أَنْ يَكُونَ عِنْدَ بَعْضِهِمْ شَىْءٌ. فَأَتَوْهُمْ فَقَالُوا يَا أَيُّهَا الرَّهْطُ إِنَّ سَيِّدَنَا لُدِغَ فَسَعَيْنَا لَهُ بِكُلِّ شَىْءٍ لاَ يَنْفَعُهُ شَىْءٌ فَهَلْ عِنْدَ أَحَدٍ مِنْكُمْ شَىْءٌ فَقَالَ بَعْضُهُمْ نَعَمْ وَاللَّهِ إِنِّي لَرَاقٍ وَلَكِنْ وَاللَّهِ لَقَدِ اسْتَضَفْنَاكُمْ فَلَمْ تُضَيِّفُونَا فَمَا أَنَا بِرَاقٍ لَكُمْ حَتَّى تَجْعَلُوا لَنَا جُعْلاً. فَصَالَحُوهُمْ عَلَى قَطِيعٍ مِنَ الْغَنَمِ فَانْطَلَقَ فَجَعَلَ يَتْفُلُ وَيَقْرَأُ {الْحَمْدُ لِلَّهِ رَبِّ الْعَالَمِينَ} حَتَّى لَكَأَنَّمَا نُشِطَ مِنْ عِقَالٍ فَانْطَلَقَ يَمْشِي مَا بِهِ قَلَبَةٌ. قَالَ فَأَوْفَوْهُمْ جُعْلَهُمُ الَّذِي صَالَحُوهُمْ عَلَيْهِ فَقَالَ بَعْضُهُمُ اقْسِمُوا. فَقَالَ الَّذِي رَقَى لاَ تَفْعَلُوا حَتَّى نَأْتِيَ رَسُولَ اللَّهِ صلى الله عليه وسلم فَنَذْكُرَ لَهُ الَّذِي كَانَ فَنَنْظُرَ مَا يَأْمُرُنَا. فَقَدِمُوا عَلَى رَسُولِ اللَّهِ صلى الله عليه وسلم فَذَكَرُوا لَهُ فَقَالَ " وَمَا يُدْرِيكَ أَنَّهَا رُقْيَةٌ أَصَبْتُمُ اقْسِمُوا وَاضْرِبُوا لِي مَعَكُمْ بِسَهْمٍ ".

موسیٰ بن اسماعیل نے ہم سے بیان کیا کہ ابوعوانہ نے ہمیں بتایا۔ انہوں نے ابوبشر (جعفر) سے، ابوبشر نے ابوالمتوکل (علی بن داؤد) سے، ابوالمتوکل نے حضرت ابوسعید (خدریؓ) سے روایت کی کہ رسول اللہ ﷺ کے صحابہ میں سے کچھ لوگ ایک سفر پر گئے اور قبائل عرب میں سے ایک قبیلے کے پاس اترے اور ان کے ہاں مہمان ٹھہرنا چاہا۔ انہوں نے ان کی میزبانی سے انکار کیا۔ پھر اس قبیلے کے سردار کو بچھو نے ڈس لیا اور انہوں نے اس کے لئے ہر علاج سے کوشش کی، کوئی چیز بھی اس کو فائدہ نہ دیتی تھی۔ ان میں سے کسی نے کہا: اگر تم ان لوگوں کے پاس جاؤ جو تمہارے پاس آئے ہوئے ہیں تو شاید ان میں سے کسی کے پاس کوئی علاج ہو۔ چنانچہ وہ ان کے پاس آئے اور کہنے لگے: اے لوگو ! ہمارے سردار کو بچھو نے ڈس لیا ہے اور ہم نے اس کے لئے ہر جتن کیا۔ کوئی چیز بھی اس کو فائدہ نہیں دیتی تو کیا تم میں سے کسی کے پاس کوئی علاج ہے؟ ان میں سے ایک نے کہا: ہاں۔ اللہ کی قسم ! میں دَم کرنا جانتا ہوں مگر ہم نے چاہا تھا کہ تمہارے ہاں مہمان ٹھہریں مگر تم نے ہمیں مہمان نہیں ٹھہرایا۔ اللہ کی قسم میں دَم نہیں کروں گا، جب تک کہ تم ہمارے لئے اجرت نہ مقرر کر لو۔ آخر اُنہوں نے کچھ بکریاں دینے پر ان سے سمجھوتہ کیا تب وہ شخص (سردار کے پاس) چلا گیا اور اَلْحَمْد… پڑھتے ہوئے کر اسے لعاب لگانے لگا۔ یہاں تک کہ اسے ایسا محسوس ہوا گویا کہ وہ رسی کے بندھن سے آزاد ہو گیا ہے پس وہ چلنے پھرنے لگا اور اسے کوئی بھی بیقراری نہ رہی۔ (حضرت ابوسعیدؓ کہتے تھے:) تب اُنہوں نے ان کو ان کی وہ اجرت پوری کی پوری دے دی جو انہوں نے آپس میں طے کی تھی۔ ان میں سے کسی نے کہا: تقسیم کرو۔ دَم کرنے والے نے کہا: جب تک ہم رسول اللہ ﷺ کے پاس پہنچ کر یہ واقعہ بیان نہ کر لیں تک تک تقسیم نہ کرو۔ ہم دیکھیں گے کہ آپؐ ہمیں کیا حکم دیتے ہیں۔ چنانچہ وہ رسول اللہ ﷺ کے پاس آئے۔ آپؐ سے اس کا ذکر کیا۔ آپؐ نے فرمایا: تمہیں کیسے علم ہوا کہ سورة فاتحہ دَم ہے؟ تم نے ٹھیک کیا۔ تقسیم کرلو اور اپنے ساتھ میرا بھی حصہ نکالو۔

10 von 10 heute frei