کتاب 22: باب الْخَمِيصَةِ السَّوْدَاءِ

صحیح بخاری

صحیح بخاری 5823

حَدَّثَنَا أَبُو نُعَيْمٍ حَدَّثَنَا إِسْحَاقُ بْنُ سَعِيدٍ عَنْ أَبِيهِ سَعِيدِ بْنِ فُلاَنٍ ـ هُوَ عَمْرُو بْنُ سَعِيدِ بْنِ الْعَاصِ ـ عَنْ أُمِّ خَالِدٍ بِنْتِ خَالِدٍ أُتِيَ النَّبِيُّ صلى الله عليه وسلم بِثِيَابٍ فِيهَا خَمِيصَةٌ سَوْدَاءُ صَغِيرَةٌ فَقَالَ " مَنْ تَرَوْنَ نَكْسُو هَذِهِ ". فَسَكَتَ الْقَوْمُ قَالَ " ائْتُونِي بِأُمِّ خَالِدٍ ". فَأُتِيَ بِهَا تُحْمَلُ فَأَخَذَ الْخَمِيصَةَ بِيَدِهِ فَأَلْبَسَهَا وَقَالَ " أَبْلِي وَأَخْلِقِي ". وَكَانَ فِيهَا عَلَمٌ أَخْضَرُ أَوْ أَصْفَرُ فَقَالَ " يَا أُمَّ خَالِدٍ هَذَا سَنَاهْ ". وَسَنَاهْ بِالْحَبَشِيَّةِ حَسَنٌ.

ابونعیم نے ہم سے بیان کیا کہ اسحاق بن سعید نے ہمیں بتایا۔ اُنہوں نے اپنے باپ سعید بن فلاں سے جو کہ عمرو بن سعید بن عاص ہیں۔ انہوں نے حضرت اُم خالد بنت خالد ؓ سے روایت کی۔ وہ کہتی تھی کہ نبی ﷺ کے پاس کچھ کپڑے لائے گئے جن میں ایک چھوٹی سی سیاہ اونی نقش دار چادر بھی تھی۔ آپؐ نے پوچھا: تمہارا کیا خیال ہے کہ ہم اس کو کسے پہنائیں؟ لوگ خاموش رہے۔ آپؐ نے فرمایا: میرے پاس اُم خالدؓ کو لے آؤ۔ اس کو اٹھا کر لائے۔ آپؐ نے وہ چادر اپنے ہاتھ میں لی اور اس کو پہنا دی اور فرمایا کہ یہ دیر تک بار بار پہنتی رہو اور اس میں سبز یا زرد نقش تھے۔ آپؐ نے حضرت اُمِ خالدؓ سے فرمایا: یہ بہت اچھی ہے اور سَنَاهْ حبشی زبان کا لفظ ہے۔

صحیح بخاری 5824

حَدَّثَنِي مُحَمَّدُ بْنُ الْمُثَنَّى قَالَ حَدَّثَنِي ابْنُ أَبِي عَدِيٍّ عَنِ ابْنِ عَوْنٍ عَنْ مُحَمَّدٍ عَنْ أَنَسٍ ـ رضى الله عنه ـ قَالَ لَمَّا وَلَدَتْ أُمُّ سُلَيْمٍ قَالَتْ لِي يَا أَنَسُ انْظُرْ هَذَا الْغُلاَمَ فَلاَ يُصِيبَنَّ شَيْئًا حَتَّى تَغْدُوَ بِهِ إِلَى النَّبِيِّ صلى الله عليه وسلم يُحَنِّكُهُ. فَغَدَوْتُ بِهِ فَإِذَا هُوَ فِي حَائِطٍ وَعَلَيْهِ خَمِيصَةٌ حُرَيْثِيَّةٌ وَهْوَ يَسِمُ الظَّهْرَ الَّذِي قَدِمَ عَلَيْهِ فِي الْفَتْحِ.

محمد بن مثنیٰ نے ہم سے بیان کیا۔ انہوں نے کہا ابن ابی عدی نے مجھے بتایا۔ انہوں نے (عبداللہ) بن عون سے، ابن عون نے محمد (بن سیرین) سے، محمد نے حضرت انس رضی اللہ عنہ سے روایت کی۔ انہوں نے کہا: جب حضرت اُمّ سلیمؓ کے ہاں بچے کی ولادت ہوئی تو مجھ سے کہنے لگیں: انسؓ! اس بچے کا خیال رکھو۔ اسے کوئی کچھ کھلائے نہیں اور اسے نبی ﷺ کے پاس صبح سویرے ہی لے جاؤ تاکہ آپؐ اسے گھٹی دیں۔ چنانچہ میں صبح کو اسے لے گیا کیا دیکھا کہ آپؐ ایک باغ میں ہیں اور آپؐ ایک حریثی اونی چادر پہنے ہوئے ہیں اور آپؐ اس (اونٹ کی) سواری کو داغ رہے ہیں جو فتح مکہ کے زمانہ میں آپؐ کو ملی۔

10 von 10 heute frei