کتاب 91: باب مَا وُطِئَ مِنَ التَّصَاوِيرِ
صحیح بخاری
صحیح بخاری 5954
علی بن عبداللہ نے ہم سے بیان کیا کہ سفیان (بن عیینہ) نے ہمیں بتایا۔ انہوں نے کہا: میں نے عبدالرحمٰن بن قاسم سے سنا اور مدینہ میں ان دنوں ان سے بڑھ کر اور کوئی نہ تھا۔ انہوں نے کہا: میں نے اپنے باپ سے سنا۔ انہوں نے کہا: میں نے حضرت عائشہ رضی اللہ عنہا سے سنا کہ رسول اللہ ﷺ ایک سفر سے آئے اور میں نے اپنے ایک برآمدے پر اپنا ایک سرخ پردہ ڈالا ہوا تھا جس میں تصویریں تھیں۔ جب رسول اللہ ﷺ نے اسے دیکھا تو آپؐ نے اسے پھاڑ دیا اور فرمایا: قیامت کے دن جن لوگوں کو سخت سے سخت سزا ہوگی وہ لوگ بھی ہیں جو اللہ کی مخلوق کی طرح بناتے ہیں۔ فرماتی تھیں: پھر ہم نے اس سے ایک یا (فرمایا) دو توشک بنا لیں۔
صحیح بخاری 5955
مسدد نے ہم سے بیان کیا کہ عبداللہ بن داؤد نے ہمیں بتایا۔ انہوں نے ہشام (بن عروہ) سے، ہشام نے اپنے باپ سے، ان کے باپ نے حضرت عائشہؓ سے روایت کی۔ وہ فرماتی تھیں: نبی ﷺ ایک سفر سے آئے اور میں نے پردہ لٹکایا ہوا تھا جس میں مورتیں تھیں۔ آپؐ نے مجھے حکم دیا کہ میں اس کو اتار ڈالوں۔ میں نے اس کو اتار ڈالا۔
صحیح بخاری 5956
اور میں اور نبی ﷺ ایک ہی برتن سے نہایا کرتے تھے۔