کتاب 8: باب صِلَةِ الْمَرْأَةِ أُمَّهَا وَلَهَا زَوْجٌ

صحیح بخاری

صحیح بخاری 5979

وَقَالَ اللَّيْثُ حَدَّثَنِي هِشَامٌ عَنْ عُرْوَةَ عَنْ أَسْمَاءَ قَالَتْ قَدِمَتْ أُمِّي وَهْىَ مُشْرِكَةٌ فِي عَهْدِ قُرَيْشٍ وَمُدَّتِهِمْ إِذْ عَاهَدُوا النَّبِيَّ صلى الله عليه وسلم مَعَ أَبِيهَا فَاسْتَفْتَيْتُ النَّبِيَّ صلى الله عليه وسلم فَقُلْتُ إِنَّ أُمِّي قَدِمَتْ وَهْىَ رَاغِبَةٌ أَفَأَصِلُهَا قَالَ " نَعَمْ صِلِي أُمَّكِ ".

اور لیث نے کہا: ہشام نے مجھے بتایا۔ انہوں نے عروہ سے، عروہ نے حضرت اسماءؓ سے روایت کی۔ وہ کہتی تھیں کہ میری ماں جو کہ مشرکہ تھیں، اپنے باپ کے ساتھ ان دنوں میں آئیں کہ جب قریش نے نبی ﷺ کے ساتھ معاہدہ کیا تھا اور مہلت دی تھی۔ میں نے نبی ﷺ سے پوچھا: میں نے کہا کہ میری ماں اپنی خواہش سے آئی ہیں۔ آپؐ نے فرمایا: ہاں۔ اپنی ماں سے نیک سلوک کرو۔

صحیح بخاری 5980

حَدَّثَنَا يَحْيَى حَدَّثَنَا اللَّيْثُ عَنْ عُقَيْلٍ عَنِ ابْنِ شِهَابٍ عَنْ عُبَيْدِ اللَّهِ بْنِ عَبْدِ اللَّهِ أَنَّ عَبْدَ اللَّهِ بْنَ عَبَّاسٍ أَخْبَرَهُ أَنَّ أَبَا سُفْيَانَ أَخْبَرَهُ أَنَّ هِرَقْلَ أَرْسَلَ إِلَيْهِ فَقَالَ يَعْنِي النَّبِيَّ صلى الله عليه وسلم يَأْمُرُنَا بِالصَّلاَةِ وَالصَّدَقَةِ وَالْعَفَافِ وَالصِّلَةِ.

یحيٰ (بن بکیر) نے ہم سے بیان کیا کہ لیث نے ہمیں بتایا۔ انہوں نے عقیل سے، عقیل نے ابن شہاب سے، ابن شہاب نے عبیداللہ بن عبداللہ سے روایت کی کہ حضرت عبداللہ بن عباسؓ نے اُن کو بتایا۔ حضرت ابوسفیانؓ نے ان سے بیان کیا کہ ہرقل نے ان کو بلا بھیجا تو اُس نے کہا: وہ یعنی نبی ﷺ کس چیز کا حکم دیتے ہیں؟ ابو سفیانؓ نے کہا: وہ ہمیں نماز، صدقہ، بدکاری سے بچنے اور لوگوں سے نیک سلوک کرنے کا حکم دیتے ہیں۔

10 von 10 heute frei