کتاب 11: باب الاِسْتِئْذَانُ مِنْ أَجْلِ الْبَصَرِ

صحیح بخاری

صحیح بخاری 6241

حَدَّثَنَا عَلِيُّ بْنُ عَبْدِ اللَّهِ حَدَّثَنَا سُفْيَانُ قَالَ الزُّهْرِيُّ حَفِظْتُهُ كَمَا أَنَّكَ هَا هُنَا عَنْ سَهْلِ بْنِ سَعْدٍ قَالَ اطَّلَعَ رَجُلٌ مِنْ جُحْرٍ فِي حُجَرِ النَّبِيِّ صلى الله عليه وسلم وَمَعَ النَّبِيِّ صلى الله عليه وسلم مِدْرًى يَحُكُّ بِهِ رَأْسَهُ فَقَالَ " لَوْ أَعْلَمُ أَنَّكَ تَنْظُرُ لَطَعَنْتُ بِهِ فِي عَيْنِكَ إِنَّمَا جُعِلَ الاِسْتِئْذَانُ مِنْ أَجْلِ الْبَصَرِ ".

علی بن عبداللہ نے ہم سے بیان کیا کہ سفیان (بن عیینہ) نے ہمیں بتایا۔ زہری نے کہا کہ یہ حدیث میں نے حضرت سہل بن سعدؓ سے سن کر ایسے ہی یاد رکھی ہے جیسے کہ تمہیں یہ یقین ہے کہ تم یہاں ہو۔ (حضرت سہلؓ نے) کہا کہ ایک آدمی نے نبی ﷺ کے حجروں میں ایک سوراخ سے جھانک کر دیکھا اور نبی ﷺ کے پاس پشت خار تھا جس سے آپؐ اپنے سر کو کھجلا رہے تھے۔ آپؐ نے فرمایا: اگر میں جانتا کہ تم دیکھ رہے ہو تو میں ضرور وہی تمہاری آنکھ میں چبھو دیتا۔ اجازت لینا اس لئے مقرر کیا گیا ہے کہ نظر نہ پڑے۔

صحیح بخاری 6242

حَدَّثَنَا مُسَدَّدٌ حَدَّثَنَا حَمَّادُ بْنُ زَيْدٍ عَنْ عُبَيْدِ اللَّهِ بْنِ أَبِي بَكْرٍ عَنْ أَنَسِ بْنِ مَالِكٍ أَنَّ رَجُلاً اطَّلَعَ مِنْ بَعْضِ حُجَرِ النَّبِيِّ صلى الله عليه وسلم فَقَامَ إِلَيْهِ النَّبِيُّ صلى الله عليه وسلم بِمِشْقَصٍ ـ أَوْ بِمَشَاقِصَ ـ فَكَأَنِّي أَنْظُرُ إِلَيْهِ يَخْتِلُ الرَّجُلَ لِيَطْعُنَهُ.

مسدد نے ہم سے بیان کیا کہ حماد بن زید نے ہمیں بتایا۔ انہوں نے عبیداللہ بن ابی بکر سے، عبیداللہ نے حضرت انس بن مالکؓ سے روایت کی کہ ایک شخص نے نبی ﷺ کے کسی حجرے میں جھانک کر دیکھا تو نبی ﷺ چپٹے پھل کا ایک تیر یا کہا کچھ تیر لے کر اس کی طرف جانے کے لئے اٹھے۔ گویا میں آپؐ کو اب بھی دیکھ رہا ہوں کہ آپؐ دبے پاؤں اس شخص کی طرف جا رہے تھے تا کہ اس کو ماریں۔

10 von 10 heute frei