کتاب 16: باب تَسْلِيمِ الرِّجَالِ عَلَى النِّسَاءِ وَالنِّسَاءِ عَلَى الرِّجَالِ

صحیح بخاری

صحیح بخاری 6248

حَدَّثَنَا عَبْدُ اللَّهِ بْنُ مَسْلَمَةَ حَدَّثَنَا ابْنُ أَبِي حَازِمٍ عَنْ أَبِيهِ عَنْ سَهْلٍ قَالَ كُنَّا نَفْرَحُ يَوْمَ الْجُمُعَةِ. قُلْتُ وَلِمَ قَالَ كَانَتْ لَنَا عَجُوزٌ تُرْسِلُ إِلَى بُضَاعَةَ ـ قَالَ ابْنُ مَسْلَمَةَ نَخْلٍ بِالْمَدِينَةِ ـ فَتَأْخُذُ مِنْ أُصُولِ السِّلْقِ فَتَطْرَحُهُ فِي قِدْرٍ وَتُكَرْكِرُ حَبَّاتٍ مِنْ شَعِيرٍ فَإِذَا صَلَّيْنَا الْجُمُعَةَ انْصَرَفْنَا وَنُسَلِّمُ عَلَيْهَا فَتُقَدِّمُهُ إِلَيْنَا فَنَفْرَحُ مِنْ أَجْلِهِ وَمَا كُنَّا نَقِيلُ وَلاَ نَتَغَدَّى إِلاَّ بَعْدَ الْجُمُعَةِ.

عبداللہ بن مسلمہ نے ہم سے بیان کیا کہ ابن ابی حازم نے ہمیں بتایا۔ انہوں نے اپنے باپ سے، ان کے باپ نے حضرت سہلؓ سے روایت کی۔ انہوں نے کہا: ہم جمعہ کے دن خوشی منایا کرتے تھے۔ میں نے حضرت سہلؓ سے کہا: کیوں؟ انہوں نے کہا: ہماری ایک بوڑھیا تھی جو بضاعہ کی طرف کسی کو بھیجتی۔ ابن مسلمہ نے کہا: بضاعہ مدینہ میں ایک نخلستان تھا۔ اور وہ چقندر کی جڑیں لیتی اور ان کو ہانڈی میں ڈالتی اور جَو کے کچھ دانے ڈالتی۔ جب ہم نماز پڑھ چکتے تو وہاں سے لوٹتے اور اس کو السلام علیکم کہتے تو وہ یہ کھانا ہمارے سامنے رکھتی اور ہم اس لئے خوش ہوتے اور ہم نہ قیلولہ کرتے اور نہ دوپہر کا کھانا کھاتے مگر جمعہ کے بعد۔

صحیح بخاری 6249

حَدَّثَنَا ابْنُ مُقَاتِلٍ أَخْبَرَنَا عَبْدُ اللَّهِ أَخْبَرَنَا مَعْمَرٌ عَنِ الزُّهْرِيِّ عَنْ أَبِي سَلَمَةَ بْنِ عَبْدِ الرَّحْمَنِ عَنْ عَائِشَةَ ـ رضى الله عنها ـ قَالَتْ قَالَ رَسُولُ اللَّهِ صلى الله عليه وسلم " يَا عَائِشَةُ هَذَا جِبْرِيلُ يَقْرَأُ عَلَيْكِ السَّلاَمَ ". قَالَتْ قُلْتُ وَعَلَيْهِ السَّلاَمُ وَرَحْمَةُ اللَّهِ تَرَى مَا لاَ نَرَى. تُرِيدُ رَسُولَ اللَّهِ صلى الله عليه وسلم. تَابَعَهُ شُعَيْبٌ. وَقَالَ يُونُسُ وَالنُّعْمَانُ عَنِ الزُّهْرِيِّ وَبَرَكَاتُهُ.

(محمد) ابن مقاتل نے ہم سے بیان کیا کہ عبداللہ (بن مبارک) نے ہمیں بتایا کہ معمر نے ہم سے بیان کیا۔ معمر نے زُہری سے، زہری نے ابوسلمہ بن عبدالرحمٰن سے، ابوسلمہ نے حضرت عائشہ رضی اللہ عنہا سے روایت کی۔ آپؓ بیان کرتی ہیں: رسول اللہ ﷺ نے فرمایا: یا عائشہ! یہ جبریل ہیں جو تم کو السَّلَامُ عَلَیْکُمْ کہتے ہیں۔ حضرت عائشہؓ کہتی تھیں: میں نے کہا: وَعَلَيْهِ السَّلَامُ وَرَحْمَةُ اللهِ۔ آپؐ وہ کچھ دیکھتے ہیں جو ہم نہیں دیکھتے۔ حضرت عائشہؓ کی مراد اس سے رسول اللہ ﷺ سے تھی۔ (معمر کی طرح) اس حدیث کو شعیب نے بھی روایت کیا۔ اور یونس اور نعمان نے بھی زہری سے یہی نقل کیا۔ اس میں وَبَرَکَاتُہُ بھی ہے۔

10 von 10 heute frei