کتاب 51: باب الْخِتَانِ بَعْدَ الْكِبَرِ وَنَتْفِ الإِبْطِ

صحیح بخاری

صحیح بخاری 6297

حَدَّثَنَا يَحْيَى بْنُ قُزَعَةَ حَدَّثَنَا إِبْرَاهِيمُ بْنُ سَعْدٍ عَنِ ابْنِ شِهَابٍ عَنْ سَعِيدِ بْنِ الْمُسَيَّبِ عَنْ أَبِي هُرَيْرَةَ ـ رضى الله عنه ـ عَنِ النَّبِيِّ صلى الله عليه وسلم قَالَ " الْفِطْرَةُ خَمْسٌ الْخِتَانُ وَالاِسْتِحْدَادُ وَنَتْفُ الإِبْطِ وَقَصُّ الشَّارِبِ وَتَقْلِيمُ الأَظْفَارِ ".

یحيٰ بن قزعہ نے ہم سے بیان کیا کہ ابراہیم بن سعد نے ہمیں بتایا۔ انہوں نے ابن شہاب سے، ابن شہاب نے سعید بن مسیب سے، سعید نے حضرت ابوہریرہ رضی اللہ عنہ سے، حضرت ابوہریرہؓ نے نبی ﷺ سے روایت کی۔ آپؐ نے فرمایا: فطری باتیں پانچ ہیں۔ ختنہ کرانا اور زیر ناف بال صاف کرنا اور بغل کے بال صاف کرنا اور مونچھیں کاٹنا اور ناخن تراشنا۔

صحیح بخاری 6298

حَدَّثَنَا أَبُو الْيَمَانِ أَخْبَرَنَا شُعَيْبُ بْنُ أَبِي حَمْزَةَ حَدَّثَنَا أَبُو الزِّنَادِ عَنِ الأَعْرَجِ عَنْ أَبِي هُرَيْرَةَ أَنَّ رَسُولَ اللَّهِ صلى الله عليه وسلم قَالَ " اخْتَتَنَ إِبْرَاهِيمُ بَعْدَ ثَمَانِينَ سَنَةً وَاخْتَتَنَ بِالْقَدُومِ ". مُخَفَّفَةً. حَدَّثَنَا قُتَيْبَةُ حَدَّثَنَا الْمُغِيرَةُ عَنْ أَبِي الزِّنَادِ وَقَالَ "بِالْقَدُّومِ" وَهُوَ مَوْضِعٌ مُشَدَّدٌ

ابو الیمان نے ہم سے بیان کیا کہ شعیب بن ابی حمزہ نے ہمیں بتایا۔ ابو زناد نے ہم سے بیان کیا۔ انہوں نے اعرج سے، اعرج نے حضرت ابو ہریرہؓ سے روایت کی کہ رسول اللہ ﷺ نے فرمایا: حضرت ابراہیمؑ نے اسّی سال کے بعد ختنہ کروایا تھا اور تیشے سے ختنہ کروایا تھا۔ (یہ لفظ قَدُوْم ہے دال کی) تخفیف سے۔ ابو عبداللہ (امام بخاریؒ) نے کہا: قتیبہ نے ہم سے بیان کیا کہ مغیرہ (بن عبدالرحمٰن) نے ہمیں بتایا۔ انہوں نے ابو زناد سے روایت کی اور انہوں نے کہا: یہ لفظ قَدُّوْم ہے تشدید کے ساتھ اور یہ ایک جگہ ہے۔

صحیح بخاری 6299

حَدَّثَنَا مُحَمَّدُ بْنُ عَبْدِ الرَّحِيمِ أَخْبَرَنَا عَبَّادُ بْنُ مُوسَى حَدَّثَنَا إِسْمَاعِيلُ بْنُ جَعْفَرٍ عَنْ إِسْرَائِيلَ عَنْ أَبِي إِسْحَاقَ عَنْ سَعِيدِ بْنِ جُبَيْرٍ قَالَ سُئِلَ ابْنُ عَبَّاسٍ مِثْلُ مَنْ أَنْتَ حِينَ قُبِضَ النَّبِيُّ صلى الله عليه وسلم قَالَ أَنَا يَوْمَئِذٍ مَخْتُونٌ. قَالَ وَكَانُوا لاَ يَخْتِنُونَ الرَّجُلَ حَتَّى يُدْرِكَ.

محمد بن عبدالرحیم نے ہم سے بیان کیا کہ عباد بن موسیٰ نے ہمیں بتایا۔ اسماعیل بن جعفر نے ہم سے بیان کیا۔ انہوں نے اسرائیل سے، اسرائیل نے ابواسحاق (سبیعی) سے، ابواسحاق نے سعید بن جبیر سے روایت کی۔ انہوں نے کہا: حضرت ابن عباسؓ سے پوچھا گیا: آپؓ کس عمر کے تھے جب نبی ﷺ کی وفات ہوئی؟ تو انہوں نے کہا: میں ان دنوں ختنہ شدہ تھا۔ (ابواسحاق نے) کہا: اور وہ آدمی کا ختنہ نہیں کیا کرتے تھے جب تک کہ وہ بالغ نہ ہو جاتا۔

صحیح بخاری 6300

وَقَالَ ابْنُ إِدْرِيسَ عَنْ أَبِيهِ عَنْ أَبِي إِسْحَاقَ عَنْ سَعِيدِ بْنِ جُبَيْرٍ عَنِ ابْنِ عَبَّاسٍ قُبِضَ النَّبِيُّ صلى الله عليه وسلم وَأَنَا خَتِينٌ.

اور (عبداللہ) ابن ادریس (بن یزید) نے اپنے باپ سے نقل کیا۔ انہوں نے ابواسحاق (سبیعی) سے، ابواسحاق نے سعید بن جبیر سے، سعید نے حضرت ابن عباسؓ سے روایت کی کہ نبی ﷺ کی وفات ہوئی اور میرا ختنہ ہو چکا تھا۔

10 von 10 heute frei