کتاب 1: باب وَلِكُلِّ نَبِيٍّ دَعْوَةٌ مُسْتَجَابَةٌ
صحیح بخاری
صحیح بخاری 6304
حَدَّثَنَا إِسْمَاعِيلُ قَالَ حَدَّثَنِي مَالِكٌ عَنْ أَبِي الزِّنَادِ عَنِ الأَعْرَجِ عَنْ أَبِي هُرَيْرَةَ أَنَّ رَسُولَ اللَّهِ صلى الله عليه وسلم قَالَ " لِكُلِّ نَبِيٍّ دَعْوَةٌ مُسْتَجَابَةٌ يَدْعُو بِهَا وَأُرِيدُ أَنْ أَخْتَبِئَ دَعْوَتِي شَفَاعَةً لأُمَّتِي فِي الآخِرَةِ ".
اسماعیل (بن ابی اویس) نے ہم سے بیان کیا، کہا: مالک نے مجھے بتایا۔ انہوں نے ابوالزناد سے، ابوالزناد نے اعرج سے، اعرج نے حضرت ابوہریرہ سے روایت کی کہ رسول اللہ ﷺ نے فرمایا: ہر ایک نبی کی ایک مقبول دعا ہوتی ہے جو وہ مانگتا ہے۔ اور میں چاہتا ہوں کہ میں اپنی دعا کو چھپائے رکھوں تا کہ آخرت میں میری امت کے لیے وہ شفاعت (کا موجب) بنے۔
صحیح بخاری 6305
وَقَالَ لِي خَلِيفَةُ قَالَ مُعْتَمِرٌ سَمِعْتُ أَبِي عَنْ أَنَسٍ عَنِ النَّبِيِّ صلى الله عليه وسلم قَالَ " كُلُّ نَبِيٍّ سَأَلَ سُؤْلاً ـ أَوْ قَالَ لِكُلِّ نَبِيٍّ دَعْوَةٌ قَدْ دَعَا بِهَا ـ فَاسْتُجِيبَ فَجَعَلْتُ دَعْوَتِي شَفَاعَةً لأُمَّتِي يَوْمَ الْقِيَامَةِ ".
اور خلیفہ (بن خیاط) نے مجھ سے کہا کہ معتمر (بن سلیمان) کہتے تھے: میں نے اپنے باپ سے سنا۔ وہ حضرت انس سے، حضرت انس نبی ﷺ سے روایت کرتے تھے۔ آپ نے فرمایا: ہر ایک نبی نے کچھ مانگا ہے یا فرمایا: ہر ایک نبی کی ایک خاص دعا ہے کہ جو اُس نے مانگی ہے - اور وہ قبول کی گئی۔ میں نے اپنی دعا کو قیامت کے دن اپنی امت کے لئے بطور شفاعت کے رکھ چھوڑا ہے۔
10 von 10 heute frei