کتاب 48: باب الْقِصَاصِ يَوْمَ الْقِيَامَةِ

صحیح بخاری

صحیح بخاری 6533

حَدَّثَنَا عُمَرُ بْنُ حَفْصٍ حَدَّثَنَا أَبِي حَدَّثَنَا الأَعْمَشُ حَدَّثَنِي شَقِيقٌ سَمِعْتُ عَبْدَ اللَّهِ ـ رضى الله عنه ـ قَالَ النَّبِيُّ صلى الله عليه وسلم " أَوَّلُ مَا يُقْضَى بَيْنَ النَّاسِ بِالدِّمَاءِ ".

عمر بن حفص نے ہم سے بیان کیا کہ میرے باپ نے ہمیں بتایا۔ اعمش نے ہم سے بیان کیا۔ شفیق (بن سلمہ) نے مجھے بتایا کہ میں نے حضرت عبداللہ (بن مسعود) رضی اللہ عنہ سے سنا کہ نبی ﷺ نے فرمایا: لوگوں کے درمیان سب سے پہلے خون (کے بدلہ) کا فیصلہ ہو گا۔

صحیح بخاری 6534

حَدَّثَنَا إِسْمَاعِيلُ قَالَ حَدَّثَنِي مَالِكٌ عَنْ سَعِيدٍ الْمَقْبُرِيِّ عَنْ أَبِي هُرَيْرَةَ أَنَّ رَسُولَ اللَّهِ صلى الله عليه وسلم قَالَ " مَنْ كَانَتْ عِنْدَهُ مَظْلَمَةٌ لأَخِيهِ فَلْيَتَحَلَّلْهُ مِنْهَا فَإِنَّهُ لَيْسَ ثَمَّ دِينَارٌ وَلاَ دِرْهَمٌ مِنْ قَبْلِ أَنْ يُؤْخَذَ لأَخِيهِ مِنْ حَسَنَاتِهِ فَإِنْ لَمْ يَكُنْ لَهُ حَسَنَاتٌ أُخِذَ مِنْ سَيِّئَاتِ أَخِيهِ فَطُرِحَتْ عَلَيْهِ ".

اسماعیل نے ہم سے بیان کیا۔ اُنہوں نے کہا مالک نے مجھے بتایا۔ اُنہوں نے سعید مقبری سے، سعید نے حضرت ابوہریرہؓ سے روایت کی کہ رسول اللہ ﷺ نے فرمایا: جس کسی کے پاس اس کے بھائی کا دبایا ہوا حق ہو تو چاہیئے کہ وہ آج ہی اس ظلم سے آزاد ہو جائے کیونکہ وہاں نہ دینار ہوگا نہ درہم۔ پیشتر اس کے کہ اس کی نیکیوں میں سے لے کر اس کے بھائی کو دیا جائے اگر اس کی نیکیاں نہ ہوئیں تو اُس کے بھائی کی بدیوں میں سے لے کر اس کے اوپر ڈال دی جائیں گی۔

صحیح بخاری 6535

حَدَّثَنِي الصَّلْتُ بْنُ مُحَمَّدٍ حَدَّثَنَا يَزِيدُ بْنُ زُرَيْعٍ {وَنَزَعْنَا مَا فِي صُدُورِهِمْ مِنْ غِلٍّ} قَالَ حَدَّثَنَا سَعِيدٌ عَنْ قَتَادَةَ عَنْ أَبِي الْمُتَوَكِّلِ النَّاجِيِّ أَنَّ أَبَا سَعِيدٍ الْخُدْرِيَّ ـ رضى الله عنه ـ قَالَ قَالَ رَسُولُ اللَّهِ صلى الله عليه وسلم " يَخْلُصُ الْمُؤْمِنُونَ مِنَ النَّارِ فَيُحْبَسُونَ عَلَى قَنْطَرَةٍ بَيْنَ الْجَنَّةِ وَالنَّارِ فَيُقَصُّ لِبَعْضِهِمْ مِنْ بَعْضٍ مَظَالِمُ كَانَتْ بَيْنَهُمْ فِي الدُّنْيَا حَتَّى إِذَا هُذِّبُوا وَنُقُّوا أُذِنَ لَهُمْ فِي دُخُولِ الْجَنَّةِ فَوَالَّذِي نَفْسُ مُحَمَّدٍ بِيَدِهِ لأَحَدُهُمْ أَهْدَى بِمَنْزِلِهِ فِي الْجَنَّةِ مِنْهُ بِمَنْزِلِهِ كَانَ فِي الدُّنْيَا ".

صلت بن محمد نے مجھ سے بیان کیا کہ یزید بن زریع نے ہمیں بتایا۔ (یہ جو فرمایا) جو بھی ان کے سینوں میں کوئی کینہ ہوگا ہم اس کو نکال دیں گے۔ کہا کہ سعید (بن ابی عروبہ) نے ہم سے بیان کیا۔ اُنہوں نے قتادہ سے، قتادہ نے ابو المتوکل ناجی سے روایت کی کہ حضرت ابو سعید خدری رضی اللہ عنہ کہتے تھے کہ رسول اللہ ﷺ نے فرمایا۔ مؤمن آگ سے صحیح سالم بچ کر نکل جائیں گے اور اُنہیں ایک پل پر روکا جائے گا جو جنت اور دوزخ کے درمیان ہوگا تو پھر وہ ظلم جو دنیا میں اُن کے درمیان آپس میں ایک دوسرے پر ہوئے ہوں گے تو ان کا بدلہ ایک سے دوسرے کے لئے لیا جائے گا یہاں تک کہ جب اُنہیں ٹھیک ٹھاک کیا جائے گا اور وہ بالکل پاک صاف ہو جائیں گے تو اُنہیں جنت میں داخل ہونے کی اجازت دی جائے گی۔ اُس ذات کی قسم ہے جس کے ہاتھ میں محمد کی جان ہے کہ اُن میں سے ایک بہشت میں اپنے ٹھکانے پر پہنچنے کے لئے راستہ زیادہ آسانی سے پالے گا بنسبت اس کے کہ دنیا میں اپنے گھر پر آنے کے لئے راستہ پایا کرتا تھا۔

10 von 10 heute frei