کتاب 1: بَابُ قَوْلُ اللَّهِ تَعَالَى: {لاَ يُؤَاخِذُكُمُ اللَّهُ بِاللَّغْوِ فِي أَيْمَانِكُمْ وَلَكِنْ يُؤَاخِذُكُمْ بِمَا عَقَّدْتُمُ الأَيْمَانَ فَكَفَّارَتُهُ إِطْعَامُ عَشَرَةِ مَسَاكِينَ مِنْ أَوْسَطِ مَا تُطْعِمُونَ أَهْلِيكُمْ أَوْ كِسْوَتُهُمْ أَوْ تَحْرِيرُ رَقَبَةٍ فَمَنْ لَمْ يَجِدْ فَصِيَامُ ثَلاَثَةِ أَيَّامٍ ذَلِكَ كَفَّارَةُ أَيْمَانِكُمْ إِذَا حَلَفْتُمْ وَاحْفَظُوا أَيْمَانَكُمْ كَذَلِكَ يُبَيِّنُ اللَّهُ لَكُمْ آيَاتِهِ لَعَلَّكُمْ تَشْكُرُونَ}

صحیح بخاری

صحیح بخاری 6621

حَدَّثَنَا مُحَمَّدُ بْنُ مُقَاتِلٍ أَبُو الْحَسَنِ أَخْبَرَنَا عَبْدُ اللَّهِ أَخْبَرَنَا هِشَامُ بْنُ عُرْوَةَ عَنْ أَبِيهِ عَنْ عَائِشَةَ أَنَّ أَبَا بَكْرٍ ـ رضى الله عنه ـ لَمْ يَكُنْ يَحْنَثُ فِي يَمِينٍ قَطُّ حَتَّى أَنْزَلَ اللَّهُ كَفَّارَةَ الْيَمِينِ وَقَالَ لاَ أَحْلِفُ عَلَى يَمِينٍ فَرَأَيْتُ غَيْرَهَا خَيْرًا مِنْهَا إِلاَّ أَتَيْتُ الَّذِي هُوَ خَيْرٌ وَكَفَّرْتُ عَنْ يَمِينِي.

محمد بن مقاتل ابوالحسن نے ہم سے بیان کیا کہ عبداللہ (بن مبارک) نے ہمیں خبر دی۔ ہشام بن عروہ نے ہم سے بیان کیا۔ ہشام نے اپنے باپ سے، ان کے باپ نے حضرت عائشہؓ سے روایت کی کہ حضرت ابوبکر رضی اللہ عنہ اپنی قسم کو کبھی نہ توڑتے تھے یہاں تک کہ اللہ نے قسم کے کفارہ کا حکم نازل کیا تو انہوں نے کہا: میں کوئی ایسی قسم نہیں کھاؤں گا کہ اس کے سوا کسی اور کو اس سے بہتر سمجھوں تو میں ضرور وہی کروں گا جو بہتر ہے اور اپنی قسم کا کفارہ دے دوں گا۔

صحیح بخاری 6622

حَدَّثَنَا أَبُو النُّعْمَانِ مُحَمَّدُ بْنُ الْفَضْلِ حَدَّثَنَا جَرِيرُ بْنُ حَازِمٍ حَدَّثَنَا الْحَسَنُ حَدَّثَنَا عَبْدُ الرَّحْمَنِ بْنُ سَمُرَةَ قَالَ قَالَ النَّبِيُّ صلى الله عليه وسلم " يَا عَبْدَ الرَّحْمَنِ بْنَ سَمُرَةَ لاَ تَسْأَلِ الإِمَارَةَ فَإِنَّكَ إِنْ أُوتِيتَهَا عَنْ مَسْأَلَةٍ وُكِلْتَ إِلَيْهَا وَإِنْ أُوتِيتَهَا مِنْ غَيْرِ مَسْأَلَةٍ أُعِنْتَ عَلَيْهَا وَإِذَا حَلَفْتَ عَلَى يَمِينٍ فَرَأَيْتَ غَيْرَهَا خَيْرًا مِنْهَا فَكَفِّرْ عَنْ يَمِينِكَ وَأْتِ الَّذِي هُوَ خَيْرٌ ".

ابو نعمان محمد بن فضل نے ہم سے بیان کیا کہ جریر بن حازم نے ہمیں بتایا۔ حسن (بصری) نے ہم سے بیان کیا کہ حضرت عبدالرحمٰن بن سَمُرہؓ نے ہمیں بتایا۔ انہوں نے کہا: نبی ﷺ نے فرمایا: عبدالرحمٰن بن سَمُرہ! حکومت کی درخواست نہ کرو۔ اگر مانگنے پر تمہیں وہ دی گئی تو تمہیں اُس کا ذمہ دار ٹھہرایا جائے گا اور اگر بن مانگے تمہیں وہ دی جائے تو پھر تمہاری اس میں مدد کی جائے گی اور اگر تم کوئی قسم کھاؤ اور پھر اس کے سوا کسی دوسری (بات) کو اُس سے بہتر سمجھو تو اپنی قسم کا کفارہ دو اور وہ کرو جو بہتر ہے۔

صحیح بخاری 6623

حَدَّثَنَا أَبُو النُّعْمَانِ حَدَّثَنَا حَمَّادُ بْنُ زَيْدٍ عَنْ غَيْلاَنَ بْنِ جَرِيرٍ عَنْ أَبِي بُرْدَةَ عَنْ أَبِيهِ قَالَ أَتَيْتُ النَّبِيَّ صلى الله عليه وسلم فِي رَهْطٍ مِنَ الأَشْعَرِيِّينَ أَسْتَحْمِلُهُ فَقَالَ " وَاللَّهِ لاَ أَحْمِلُكُمْ وَمَا عِنْدِي مَا أَحْمِلُكُمْ عَلَيْهِ ". قَالَ ثُمَّ لَبِثْنَا مَا شَاءَ اللَّهُ أَنْ نَلْبَثَ ثُمَّ أُتِيَ بِثَلاَثِ ذَوْدٍ غُرِّ الذُّرَى فَحَمَلَنَا عَلَيْهَا فَلَمَّا انْطَلَقْنَا قُلْنَا أَوْ قَالَ بَعْضُنَا وَاللَّهِ لاَ يُبَارَكُ لَنَا أَتَيْنَا النَّبِيَّ صلى الله عليه وسلم نَسْتَحْمِلُهُ فَحَلَفَ أَنْ لاَ يَحْمِلَنَا ثُمَّ حَمَلَنَا فَارْجِعُوا بِنَا إِلَى النَّبِيِّ صلى الله عليه وسلم فَنُذَكِّرُهُ فَأَتَيْنَاهُ فَقَالَ " مَا أَنَا حَمَلْتُكُمْ بَلِ اللَّهُ حَمَلَكُمْ وَإِنِّي وَاللَّهِ إِنْ شَاءَ اللَّهُ لاَ أَحْلِفُ عَلَى يَمِينٍ فَأَرَى غَيْرَهَا خَيْرًا مِنْهَا إِلاَّ كَفَّرْتُ عَنْ يَمِينِي وَأَتَيْتُ الَّذِي هُوَ خَيْرٌ ". أَوْ " أَتَيْتُ الَّذِي هُوَ خَيْرٌ وَكَفَّرْتُ عَنْ يَمِينِي ".

ابونعمان نے ہم سے بیان کیا کہ حماد بن زید نے ہمیں بتایا۔ انہوں نے غیلان بن جریر سے، غیلان نے ابوبُردہ سے، ابوبُردہ نے اپنے باپ سے روایت کی۔ انہوں نے کہا: میں اشعریوں کی ایک جماعت کے ساتھ نبی ﷺ کے پاس آیا کہ آپؐ سے سواری مانگوں۔ آپؐ نے فرمایا: اللہ کی قسم میں تمہیں سواری نہیں دوں گا اور میرے پاس کوئی سواری نہیں جس پر تمہیں سوار کروں۔ کہتے تھے کہ ہم جب تک اللہ نے چاہا کہ ٹھہرے رہیں ہم ٹھہرے رہے۔ اس کے بعد آپؐ کے پاس تین اونٹ جو عمدہ سفید کہانوں والے تھے، لائے گئے تو آپؐ نے ہمیں ان پر سوار کیا۔ جب ہم چلے ہم نے کہا یا ہم میں سے کسی نے کہا: اللہ کی قسم ہمیں کبھی برکت نہ دی جائے گی۔ ہم نبی ﷺ کے پاس آپؐ سے سواری مانگنے آئے تو آپؐ نے قسم کھائی کہ آپؐ ہمیں سواری نہیں دیں گے، پھر آپؐ نے ہمیں سواری دی۔ آؤ ہم نبی ﷺ کے پاس واپس جائیں اور آپؐ کو یاد دلائیں۔ چنانچہ ہم آپؐ کے پاس آئے تو آپؐ فرمانے لگے: میں نے تمہیں سواری نہیں دی بلکہ اللہ نے تمہیں سواری دی اور بخدا، اللہ نے چاہا تو میں کبھی قسم کھاؤں گا پھر اس کے علاوہ دوسری کو اس سے بہتر سمجھوں گا تو ضرور ہی اپنی قسم کا کفارہ ادا کروں گا اور وہ بات کروں گا جو بہتر ہو یا (فرمایا) جو بہتر ہو وہ کروں گا اور اپنی قسم کا کفارہ دے دوں گا۔

صحیح بخاری 6624

حَدَّثَنِي إِسْحَاقُ بْنُ إِبْرَاهِيمَ أَخْبَرَنَا عَبْدُ الرَّزَّاقِ أَخْبَرَنَا مَعْمَرٌ عَنْ هَمَّامِ بْنِ مُنَبِّهٍ قَالَ هَذَا مَا حَدَّثَنَا أَبُو هُرَيْرَةَ عَنِ النَّبِيِّ صلى الله عليه وسلم قَالَ " نَحْنُ الآخِرُونَ السَّابِقُونَ يَوْمَ الْقِيَامَةِ ".

اسحاق بن ابراہیم نے ہم سے بیان کیا کہ عبدالرزاق نے ہمیں خبر دی۔ معمر نے ہمیں بتایا۔ معمر نے ہمام بن منبہ سے روایت کی۔ انہوں نے کہا: یہ وہ حدیث ہے جو حضرت ابوہریرہؓ نے ہم سے بیان کی۔ وہ نبیﷺ سے روایت کرتے تھے کہ آپؐ نے فرمایا: ہم سب سے آخر میں ہیں، قیامت کے دن سب سے آگے ہوں گے۔

صحیح بخاری 6625

فَقَالَ رَسُولُ اللَّهِ صلى الله عليه وسلم " وَاللَّهِ لأَنْ يَلِجَّ أَحَدُكُمْ بِيَمِينِهِ فِي أَهْلِهِ آثَمُ لَهُ عِنْدَ اللَّهِ مِنْ أَنْ يُعْطِيَ كَفَّارَتَهُ الَّتِي افْتَرَضَ اللَّهُ عَلَيْهِ ".

اور رسول اللہ ﷺ نے فرمایا: اللہ کی قسم اگر تم میں سے کوئی اپنی قسم پر جو اُس نے گھر والوں کے متعلق کھائی ہے اَڑ جائے تو یہ اللہ کے نزدیک اسے زیادہ گنہگار کرنے والی ہوگی بنسبت اس کے کہ وہ اپنی قسم توڑ کر اس کا وہ کفارہ ادا کردے جو اللہ نے اس پر مقرر کیا ہے۔

صحیح بخاری 6626

حَدَّثَنِي إِسْحَاقُ يَعْنِي ابْنَ إِبْرَاهِيمَ حَدَّثَنَا يَحْيَى بْنُ صَالِحٍ حَدَّثَنَا مُعَاوِيَةُ عَنْ يَحْيَى عَنْ عِكْرِمَةَ عَنْ أَبِي هُرَيْرَةَ قَالَ قَالَ رَسُولُ اللَّهِ صلى الله عليه وسلم " مَنِ اسْتَلَجَّ فِي أَهْلِهِ بِيَمِينٍ فَهْوَ أَعْظَمُ إِثْمًا لِيَبَرَّ ". يَعْنِي الْكَفَّارَةَ.

اسحاق یعنی ابراہیم کے بیٹے نے ہم سے بیان کیا کہ یحيٰ بن صالح نے ہمیں بتایا۔ معاویہ (بن سلام) نے ہم سے بیان کیا۔ معاویہ نے یحيٰ (بن ابی کثیر) سے، یحيٰ نے عکرمہ سے، عکرمہ نے حضرت ابوہریرہؓ سے روایت کی۔ انہوں نے کہا: رسول اللہ ﷺ نے فرمایا: جو شخص کسی قسم کی وجہ سے اپنے گھر والوں کے متعلق اَڑا رہے تو یہ بہت بڑا گناہ ہے۔ وہ اپنی قسم کو پورا کرے یعنی کفارہ دے۔

10 von 10 heute frei