کتاب 31: باب الْقَائِفِ

صحیح بخاری

صحیح بخاری 6770

حَدَّثَنَا قُتَيْبَةُ بْنُ سَعِيدٍ حَدَّثَنَا اللَّيْثُ عَنِ ابْنِ شِهَابٍ عَنْ عُرْوَةَ عَنْ عَائِشَةَ ـ رضى الله عنها ـ قَالَتْ إِنَّ رَسُولَ اللَّهِ صلى الله عليه وسلم دَخَلَ عَلَىَّ مَسْرُورًا تَبْرُقُ أَسَارِيرُ وَجْهِهِ فَقَالَ " أَلَمْ تَرَىْ أَنَّ مُجَزِّزًا نَظَرَ آنِفًا إِلَى زَيْدِ بْنِ حَارِثَةَ وَأُسَامَةَ بْنِ زَيْدٍ فَقَالَ إِنَّ هَذِهِ الأَقْدَامَ بَعْضُهَا مِنْ بَعْضٍ ".

قتیبہ بن سعید نے ہم سے بیان کیا کہ لیث نے ہمیں بتایا۔ انہوں نے ابن شہاب سے، ابن شہاب نے عروہ سے، عروہ نے حضرت عائشہ رضی اللہ عنہا سے روایت کی۔ آپؓ بیان کرتی تھیں کہ رسول اللہ ﷺ میرے پاس آئے۔ آپؐ خوش تھے۔ آپؐ کا چہرہ خوشی سے چمک رہا تھا۔ آپؐ نے فرمایا: کیا تم نے نہیں دیکھا کہ مجزز (ابن اعور بن جعدہ مدلجی) نے ابھی زید بن حارثہؓ اور اُسامہ بن زیدؓ کو دیکھا اور کہا کہ یہ قدم تو ایک دوسرے سے ہیں۔

صحیح بخاری 6771

حَدَّثَنَا قُتَيْبَةُ بْنُ سَعِيدٍ حَدَّثَنَا سُفْيَانُ عَنِ الزُّهْرِيِّ عَنْ عُرْوَةَ عَنْ عَائِشَةَ قَالَتْ دَخَلَ عَلَىَّ رَسُولُ اللَّهِ صلى الله عليه وسلم ذَاتَ يَوْمٍ وَهْوَ مَسْرُورٌ فَقَالَ " يَا عَائِشَةُ أَلَمْ تَرَىْ أَنَّ مُجَزِّزًا الْمُدْلِجِيَّ دَخَلَ فَرَأَى أُسَامَةَ وَزَيْدًا وَعَلَيْهِمَا قَطِيفَةٌ قَدْ غَطَّيَا رُءُوسَهُمَا وَبَدَتْ أَقْدَامُهُمَا فَقَالَ إِنَّ هَذِهِ الأَقْدَامَ بَعْضُهَا مِنْ بَعْضٍ ".

قتیبہ بن سعید نے ہم سے بیان کیا کہ سفیان (بن عیینہ) نے ہمیں بتایا۔ انہوں نے زُہری سے، زہری نے عروہ سے، عروہ نے حضرت عائشہؓ سے روایت کی۔ آپؓ بیان کرتی تھیں کہ رسول اللہ ﷺ ایک دن میرے پاس آئے اور آپؐ خوش تھے۔ آپؐ نے فرمایا: عائشہ! کیا تم نے دیکھا نہیں کہ مجزز مدلجی یہاں آیا اور اُس نے اُسامہؓ اور زیدؓ کو دیکھا۔ اُن دونوں پر ایک چادر تھی جس سے انہوں نے اپنے سروں کو ڈھانپا ہوا تھا اور اُن کے قدم کھلے تھے۔ تو اُس نے کہا: یہ قدم تو ایک دوسرے سے ہیں۔

10 von 10 heute frei