کتاب 18: باب سَمْرِ النَّبِيِّ صلى الله عليه وسلم أَعْيُنَ الْمُحَارِبِينَ

صحیح بخاری

صحیح بخاری 6805

حَدَّثَنَا قُتَيْبَةُ بْنُ سَعِيدٍ حَدَّثَنَا حَمَّادٌ عَنْ أَيُّوبَ عَنْ أَبِي قِلاَبَةَ عَنْ أَنَسِ بْنِ مَالِكٍ أَنَّ رَهْطًا مِنْ عُكْلٍ ـ أَوْ قَالَ عُرَيْنَةَ وَلاَ أَعْلَمُهُ إِلاَّ قَالَ مِنْ عُكْلٍ ـ قَدِمُوا الْمَدِينَةَ فَأَمَرَ لَهُمُ النَّبِيُّ صلى الله عليه وسلم بِلِقَاحٍ وَأَمَرَهُمْ أَنْ يَخْرُجُوا فَيَشْرَبُوا مِنْ أَبْوَالِهَا وَأَلْبَانِهَا فَشَرِبُوا حَتَّى إِذَا بَرِئُوا قَتَلُوا الرَّاعِيَ وَاسْتَاقُوا النَّعَمَ فَبَلَغَ النَّبِيَّ صلى الله عليه وسلم غُدْوَةً فَبَعَثَ الطَّلَبَ فِي إِثْرِهِمْ فَمَا ارْتَفَعَ النَّهَارُ حَتَّى جِيءَ بِهِمْ فَأَمَرَ بِهِمْ فَقَطَعَ أَيْدِيَهُمْ وَأَرْجُلَهُمْ وَسَمَرَ أَعْيُنَهُمْ فَأُلْقُوا بِالْحَرَّةِ يَسْتَسْقُونَ فَلاَ يُسْقَوْنَ. قَالَ أَبُو قِلاَبَةَ هَؤُلاَءِ قَوْمٌ سَرَقُوا وَقَتَلُوا وَكَفَرُوا بَعْدَ إِيمَانِهِمْ وَحَارَبُوا اللَّهَ وَرَسُولَهُ.

قتیبہ بن سعید نے ہم سے بیان کیا کہ حماد (بن زید) نے ہمیں بتایا۔ انہوں نے ایوب سے، ایوب نے ابو قلابہ سے، اُنہوں نے حضرت انس بن مالکؓ سے روایت کی کہ کچھ لوگ عکل کے یا کہا عرینہ کے اور میں یہی جانتا ہوں انہوں نے یہی کہا عکل کے لوگ مدینہ آئے، نبی صلی اللہ علیہ وسلم نے اُنہیں چند دودھیل اونٹنیوں کے متعلق حکم دیا اور اُن کو فرمایا کہ وہ جائیں اور ان کا پیشاب اور دودھ پئیں۔ چنانچہ انہوں نے ان کا دودھ اور پیشاب پیا۔ جب وہ اچھے ہوگئے تو انہوں نے چرواہے کو مار ڈالا اور اونٹ ہانک کر لے گئے۔ تو صبح سویرے نبی ﷺ کو یہ خبر پہنچی اور آپؐ نے تعاقب کرنے والوں کو اُن کے پیچھے بھیج دیا۔ دن ابھی نہیں چڑھا تھا کہ انہیں لایا گیا۔ آپؐ نے اُن کے متعلق حکم دیا اور اُن کے ہاتھ پاؤں کاٹ ڈالے اور ان کی آنکھ میں سلائیاں پھروا دیں، پتھریلی زمین میں وہ ڈال دئیے گئے، پانی مانگتے تھے اور انہیں پانی نہیں دیا جاتا تھا۔ ابو قلابہ نے کہا: یہ وہ لوگ ہیں جنہوں نے چوری کی، قتل کیا اور اپنے ایمان لانے کے بعد کافر ہو گئے اور اللہ اور اس کے رسول سے جنگ کی۔

10 von 10 heute frei