کتاب 21: باب رَجْمِ الْمُحْصَنِ

صحیح بخاری

صحیح بخاری 6812

حَدَّثَنَا آدَمُ حَدَّثَنَا شُعْبَةُ حَدَّثَنَا سَلَمَةُ بْنُ كُهَيْلٍ قَالَ سَمِعْتُ الشَّعْبِيَّ يُحَدِّثُ عَنْ عَلِيٍّ رضى الله عنه حِينَ رَجَمَ الْمَرْأَةَ يَوْمَ الْجُمُعَةِ وَقَالَ قَدْ رَجَمْتُهَا بِسُنَّةِ رَسُولِ اللَّهِ صلى الله عليه وسلم.

آدم (بن ابی ایاس) نے ہم سے بیان کیا کہ شعبہ نے ہمیں بتایا۔ سلمہ بن کہیل نے ہم سے بیان کیا۔ سلمہ نے کہا: میں نے شعبی سے سنا، وہ حضرت علی رضی اللہ عنہ سے روایت کرتے تھے۔ جب اُنہوں نے جمعہ کے دن ایک عورت کو سنگسار کیا تو کہا: میں نے اس کو رسول اللہ ﷺ کی سنت کے مطابق سنگسار کیا۔

صحیح بخاری 6813

حَدَّثَنِي إِسْحَاقُ حَدَّثَنَا خَالِدٌ عَنِ الشَّيْبَانِيِّ سَأَلْتُ عَبْدَ اللَّهِ بْنَ أَبِي أَوْفَى هَلْ رَجَمَ رَسُولُ اللَّهِ صلى الله عليه وسلم قَالَ نَعَمْ. قُلْتُ قَبْلَ سُورَةِ النُّورِ أَمْ بَعْدُ قَالَ لاَ أَدْرِي.

اسحاق (بن شاہین واسطی) نے مجھ سے بیان کیا کہ خالد (بن عبداللہ طحان) نے ہمیں بتایا۔ خالد نے شیبانی سے روایت کی۔ (اُنہوں نے کہا:) کہ میں نے حضرت عبداللہ بن ابی اوفیٰؓ سے پوچھا: کیا رسول اللہ ﷺ نے سنگسار بھی کیا؟ اُنہوں نے کہا: ہاں۔ میں نے پوچھا: کیا سورة النور سے پہلے یا اس کے بعد؟ اُنہوں نے کہا: میں نہیں جانتا۔

صحیح بخاری 6814

حَدَّثَنَا مُحَمَّدُ بْنُ مُقَاتِلٍ أَخْبَرَنَا عَبْدُ اللَّهِ أَخْبَرَنَا يُونُسُ عَنِ ابْنِ شِهَابٍ قَالَ حَدَّثَنِي أَبُو سَلَمَةَ بْنُ عَبْدِ الرَّحْمَنِ عَنْ جَابِرِ بْنِ عَبْدِ اللَّهِ الأَنْصَارِيِّ أَنَّ رَجُلاً مِنْ أَسْلَمَ أَتَى رَسُولَ اللَّهِ صلى الله عليه وسلم فَحَدَّثَهُ أَنَّهُ قَدْ زَنَى فَشَهِدَ عَلَى نَفْسِهِ أَرْبَعَ شَهَادَاتٍ فَأَمَرَ بِهِ رَسُولُ اللَّهِ صلى الله عليه وسلم فَرُجِمَ وَكَانَ قَدْ أُحْصِنَ.

محمد بن مقاتل نے ہم سے بیان کیا کہ عبداللہ (بن مبارک) نے ہمیں بتایا۔ یونس نے ہمیں خبر دی۔ یونس نے ابن شہاب سے روایت کی۔ اُنہوں نے کہا: ابوسلمہ بن عبدالرحمٰن نے مجھے بتایا۔ ابوسلمہ نے حضرت جابر بن عبداللہ انصاریؓ سے روایت کی کہ اسلم قبیلہ کا ایک شخص رسول اللہ ﷺ کے پاس آیا اور اس نے آپؐ سے بیان کیا کہ اُس نے زنا کیا ہے اور چار بار اپنے متعلق یہ اقرار کیا۔ تو رسول اللہ ﷺ نے اس کے متعلق حکم دیا اور اُسے سنگسار کیا گیا اور وہ شادی شدہ تھا۔

10 von 10 heute frei