کتاب 12: باب الْحَاكِمِ يَحْكُمُ بِالْقَتْلِ عَلَى مَنْ وَجَبَ عَلَيْهِ دُونَ الإِمَامِ الَّذِي فَوْقَهُ

صحیح بخاری

صحیح بخاری 7155

حَدَّثَنَا مُحَمَّدُ بْنُ خَالِدٍ الذُّهْلِيُّ حَدَّثَنَا الأَنْصَارِيُّ مُحَمَّدٌ حَدَّثَنَا أَبِي عَنْ ثُمَامَةَ عَنْ أَنَسٍ أَنَّ قَيْسَ بْنَ سَعْدٍ كَانَ يَكُونُ بَيْنَ يَدَىِ النَّبِيِّ صلى الله عليه وسلم بِمَنْزِلَةِ صَاحِبِ الشُّرَطِ مِنَ الأَمِيرِ.

محمد بن خالد ذُہلی نے ہم سے بیان کیا کہ محمد بن عبداللہ انصاری نے ہمیں بتایا۔ اُنہوں نے کہا: میرے باپ نے مجھے بتایا۔ اُنہوں نے ثمامہ سے، ثمامہ نے حضرت انس بن مالکؓ سے روایت کی۔ اُنہوں نے کہا: قیس بن سعدؓ نبی ﷺ کے سامنے اس طرح رہا کرتے تھے جیسے کوتوال امیر کے سامنے۔

صحیح بخاری 7156

حَدَّثَنَا مُسَدَّدٌ حَدَّثَنَا يَحْيَى عَنْ قُرَّةَ حَدَّثَنِي حُمَيْدُ بْنُ هِلاَلٍ حَدَّثَنَا أَبُو بُرْدَةَ عَنْ أَبِي مُوسَى أَنَّ النَّبِيَّ صلى الله عليه وسلم بَعَثَهُ وَأَتْبَعَهُ بِمُعَاذٍ.

مسدد نے ہم سے بیان کیا کہ یحيٰ قطان نے ہمیں بتایا۔ اُنہوں نے قرہ بن خالد سے روایت کی کہ مجھے حمید بن ہلال نے بتایا۔ ابوبردہ نے ہم سے بیان کیا۔ ابوبردہ نے حضرت ابوموسیٰ ؓ سے روایت کی کہ نبی ﷺ نے اُن کو بھیجا اور اُن کے پیچھے حضرت معاذ (بن جبل ؓ) کو روانہ کیا۔

صحیح بخاری 7157

حَدَّثَنِي عَبْدُ اللَّهِ بْنُ الصَّبَّاحِ حَدَّثَنَا مَحْبُوبُ بْنُ الْحَسَنِ حَدَّثَنَا خَالِدٌ عَنْ حُمَيْدِ بْنِ هِلاَلٍ عَنْ أَبِي بُرْدَةَ عَنْ أَبِي مُوسَى أَنَّ رَجُلاً أَسْلَمَ ثُمَّ تَهَوَّدَ فَأَتَى مُعَاذُ بْنُ جَبَلٍ وَهْوَ عِنْدَ أَبِي مُوسَى فَقَالَ مَا هَذَا قَالَ أَسْلَمَ ثُمَّ تَهَوَّدَ. قَالَ لاَ أَجْلِسُ حَتَّى أَقْتُلَهُ قَضَاءُ اللَّهِ وَرَسُولِهِ صلى الله عليه وسلم.

عبداللہ بن صباح نے مجھ سے بیان کیا کہ محبوب بن حسن نے ہمیں بتایا۔ خالد (حذاء) نے ہم سے بیان کیا۔ خالد نے حمید بن ہلال سے، حمید نے ابوبردہ سے، ابوبردہ نے حضرت ابوموسیٰؓ سے روایت کی کہ ایک شخص مسلمان ہوا تھا اور پھر وہ یہودی ہوگیا۔ جب حضرت معاذ بن جبلؓ آئے تو اس وقت وہ شخص حضرت ابوموسیٰؓ کے پاس تھا۔ حضرت معاذ بن جبلؓ نے پوچھا: اس کو کیا ہوا ؟ اُنہوں نے کہا: یہ مسلمان ہوا تھا۔ پھر یہودی ہوگیا۔ حضرت معاذ بن جبلؓ نے کہا: میں بیٹھوں گا نہیں جب تک اس کو مار نہ ڈالوں جیسا کہ اللہ اور اس کے رسول ﷺ کا فیصلہ ہے۔

10 von 10 heute frei