کتاب 8: كتاب الصلاة
صحیح بخاری, حصہ 6
صحیح بخاری 449
ہم سے خلاد نے بیان کیا، کہا: عبدالواحد بن ایمن نے ہمیں بتلایا۔ انہوں نے اپنے باپ سے، ان کے باپ نے حضرت جابر سے روایت کی کہ ایک عورت نے کہا: یا رسول اللہ! کیا میں آپ کے لئے ایسی چیز نہ بنوا دوں کہ جس پر آپ بیٹھا کریں کیونکہ میرا ایک لڑکا بڑھئی ہے۔ فرمایا: اگر تم چاہو۔ اس پر اس نے منبر بنوا دیا۔
Urdu translation: Hazrat Syed Zain-ul-Abidin Waliullah Shah
صحیح بخاری 450
ہم سے یحیی بن سلیمان نے بیان کیا، ابن وہب نے مجھ سے بیان کیا کہ عمرو نے مجھے بتایا کہ بگیر نے ان سے بیان کیا کہ عاصم بن عمر بن قتادہ نے انہیں بتلایا کہ انہوں نے عبید اللہ خولانی سے سنا کہ انہوں نے حضرت عثمان بن عفان کو سنا جب انہوں نے رسول اللہ ﷺ کی مسجد بنوائی اور لوگ ان کے متعلق چہ میگوئیاں کرنے لگے۔ یہ کہتے ہوئے سنا: تم نے بہت باتیں کی ہیں اور حالانکہ میں نے خود نبی ﷺ کو یہ فرماتے سنا تھا کہ جس نے مسجد بنوائی۔ بنگیر نے کہا: میرا خیال ہے کہ انہوں نے یہ کہا اور وہ اس سے اللہ تعالیٰ کی رضامندی چاہتا ہو تو اللہ تعالیٰ اس کے لیے جنت میں اس جیسی عمارت بنائے گا۔
Urdu translation: Hazrat Syed Zain-ul-Abidin Waliullah Shah
صحیح بخاری 451
ہم سے قتیبہ بن سعید نے بیان کیا، کہا: سفیان نے ہم سے بیان کیا۔ کہتے تھے کہ میں نے عمرو سے کہا: کیا تم نے حضرت جابر بن عبداللہ کو یہ کہتے سنا تھا کہ ایک شخص مسجد میں سے گزر رہا تھا۔ اس کے پاس تیر تھے تو رسول اللہ ﷺ نے اسے فرمایا: ان کے پھلوں کو پکڑو۔
Urdu translation: Hazrat Syed Zain-ul-Abidin Waliullah Shah
صحیح بخاری 452
ہم سے موسیٰ بن اسمعیل نے بیان کیا، کہا: عبدالواحد نے ہم سے بیان کیا، کہا: ابوبردہ بن عبداللہ نے ہمیں بتلایا۔ کہتے تھے کہ میں نے ابو بردہ سے سنا۔ انہوں نے اپنے باپ سے، ان کے باپ نے نبی ﷺ سے روایت کی کہ آپ نے فرمایا: جو ہماری مسجدوں اور ہمارے بازاروں میں کسی جگہ تیر لے کر گزرے تو چاہئے کہ وہ ان کو پھلوں سے پکڑے اپنے ہاتھ سے کسی مسلمان کو زخمی نہ کر دے۔
Urdu translation: Hazrat Syed Zain-ul-Abidin Waliullah Shah
صحیح بخاری 453
ہم سے ابوالیمان حکم بن نافع نے بیان کیا، کہا: شعیب نے زہری سے روایت کرتے ہوئے ہمیں بتلایا۔ وہ کہتے تھے کہ ابوسلمہ بن عبد الرحمان بن عوف نے مجھ کو خبر دی کہ انہوں نے حضرت حسان بن ثابت انصاری کو حضرت ابو ہریرہ سے شہادت طلب کرتے سنا کہ میں تمہیں اللہ کی قسم دے کر پوچھتا ہوں کہ کیا تم نے نبی ﷺ کو یہ کہتے سنا: حسان! رسول اللہ ﷺ کی طرف سے جواب دو۔ اے اللہ! روح القدس سے اس کی مدد کیجیو۔ حضرت ابو ہریرہ نے کہا: ہاں۔
Urdu translation: Hazrat Syed Zain-ul-Abidin Waliullah Shah
صحیح بخاری 454
ہم سے عبدالعزیز بن عبداللہ نے بیان کیا، کہا: ابراہیم بن سعد نے ہمیں بتلایا۔ انہوں نے صالح سے۔ صالح نے ابن شہاب سے روایت کی، کہا: عروہ بن زبیر نے مجھے خبر دی کہ حضرت عائشہ کہتی تھیں: میں نے رسول اللہ ﷺ کو ایک دن اپنے حجرہ کے دروازہ کے پاس دیکھا اور حبشی مسجد میں کھیل رہے تھے۔ رسول اللہ ﷺ اپنی چادر سے مجھے پردہ کئے ہوئے تھے۔ میں ان کے کھیلوں کو دیکھ رہی تھی۔
Urdu translation: Hazrat Syed Zain-ul-Abidin Waliullah Shah
صحیح بخاری 455
ابراہیم بن منذر نے (اس حدیث میں اتنا) بڑھایا ہے کہ ہم سے ابن وہب نے بیان کیا کہ یونس نے مجھے بتلایا۔ انہوں نے ابن شہاب سے، ابن شہاب نے عروہ سے، عروہ نے حضرت عائشہ سے روایت کی۔ وہ کہتی تھیں کہ میں نے نبی ﷺ کو دیکھا اور حبشی اپنی سنگینوں سے کھیل رہے تھے۔
Urdu translation: Hazrat Syed Zain-ul-Abidin Waliullah Shah
صحیح بخاری 456
ہم سے علی بن عبداللہ نے بیان کیا، کہا: سفیان نے ہمیں بتلایا۔ انہوں نے بیٹی سے، بیٹی نے عمرہ ہے، عمرہ نے حضرت عائشہ سے روایت کی۔ وہ کہتی تھیں کہ اُن کے پاس حضرت بریرہ آئیں۔ وہ اپنی آزادی حاصل کرنے کے لیے اُن سے روپیہ تی تھیں تو انہوں نے کہا کہ اگر تو چاہے تو میں تیرے مالکوں کو (قیمت) دے دوں اور حقِ وراثت میرا ہوگا۔ تو اُس کے مالکوں نے (حضرت عائشہ سے) کہا کہ اگر آپ چاہیں تو جو باقی ہے اس کو دے دیں۔ اور سفیان نے ایک دفعہ یوں بھی کہا کہ اگر آپ چاہیں تو اُسے آزاد کر دیں مگر حقِ وراثت ہمارا ہوگا۔ جب رسول اللہ ﷺ آئے تو حضرت عائشہ نے آپ سے یہ ذکر کیا۔ آپ نے فرمایا: اُسے خرید لو اور اُس کو آزاد کر دو۔ کیونکہ حقِ وراثت اُسی کا ہوتا ہے جو آزاد کرے۔ پھر رسول اللہ ﷺ منبر پر چڑھے اور فرمایا: اُن لوگوں کا کیا حال ہے جو ایسی شرطیں کرتے ہیں جو اللہ تعالیٰ کی کتاب میں نہیں ہیں اور جو شخص ایسی شرط کرتا ہے جو اللہ کی کتاب میں نہیں تو وہ شرط اس کے لیے نہیں ہوتی گو وہ سو بار شرط کرے۔ علی (بن عبداللہ) نے کہا: یحیٰ بن سعید قطان اور عبد الوہاب نے کئی (بن سعید انصاری) سے، انہوں نے عمرہ سے (اسی طرح روایت کی) اور جعفر بن عون نے یحیٰ سے روایت کرتے ہوئے کہا کہ انہوں نے کہا: میں نے عمرہ سے سنا۔ وہ کہتی تھیں کہ میں نے حضرت عائشہ سے سنا۔ اور مالک نے یحیٰ نے عمرہ سے یوں روایت کی کہ حضرت بریرہ۔۔۔ اور انہوں نے یہ ذکر نہیں کیا: "صَعِدَ الْمِنْبَرَ" کہ وہ منبر پر چڑھے۔
Urdu translation: Hazrat Syed Zain-ul-Abidin Waliullah Shah
صحیح بخاری 457
ہم سے عبداللہ بن محمد نے بیان کیا، کہا: عثمان بن عمر نے ہم سے بیان کیا، کہا: یونس نے ہمیں بتلایا۔ انہوں نے زہری سے، زہری نے عبد اللہ بن کعب بن مالک سے، انہوں نے حضرت کعب سے روایت کی کہ انہوں نے حضرت ابن ابی حدرد سے مسجد میں قرض کا تقاضا کیا جو ان کا ان کے ذمہ تھا۔ ان دونوں کی آواز میں اتنی بلند ہوئیں کہ رسول اللہ ﷺ نے سن لیں۔ حالانکہ آپ اپنے گھر تھے۔ اس پر آپ ان کی طرف نکلے اور اپنے حجرہ کا پردہ ہٹایا اور پکارا: کعب! عرض کیا: حاضر یا رسول اللہ! فرمایا: اپنے اس قرض سے کچھ کم کر دو اور آپ نے ان کو اشارہ کیا یعنی نصف۔ حضرت کعب نے کہا: یا رسول اللہ! میں نے کم کر دیا۔ آپ نے فرمایا: اٹھو اور اسے ادا کرو۔
Urdu translation: Hazrat Syed Zain-ul-Abidin Waliullah Shah
صحیح بخاری 458
ہم سے سلیمان بن حرب نے بیان کیا، کہا: حماد بن زید نے ہمیں بتلایا۔ انہوں نے ثابت سے، ثابت نے ابو رافع سے، ابو رافع نے حضرت ابو ہریرہؓ سے روایت کی کہ ایک کالا آدمی مسجد میں جھاڑو دیا کرتا تھا۔ یا کہا کالی عورت۔ پس وہ مر گیا۔ نبی ﷺ نے اُس کے متعلق پوچھا تو لوگوں نے کہا کہ مر گیا ہے۔ آپ نے فرمایا: پھر کیا تم نے مجھے اس کی اطلاع نہ دینی تھی۔ مجھے اس مرد کی قبر کا پتہ دو یا فرمایا اس عورت کی قبر کا پتہ دو۔ آپ اس کی قبر پر آئے اور اس کا جنازہ پڑھا۔
Urdu translation: Hazrat Syed Zain-ul-Abidin Waliullah Shah
صحیح بخاری 459
ہم سے عبدان نے بیان کیا۔ انہوں نے ابو حمزہ سے، ابو حمزہ نے اعمش سے، اعمش نے مسلم سے، مسلم نے مسروق سے، مسروق نے حضرت عائشہؓ سے روایت کی۔ وہ کہتی تھیں کہ جب سود کے متعلق سورۃ بقرہ کی آیتیں نازل ہوئیں تو نبی ﷺ مسجد میں باہر آئے اور لوگوں کے سامنے وہ آیتیں پڑھیں۔ پھر آپ نے شراب کی تجارت حرام کی۔
Urdu translation: Hazrat Syed Zain-ul-Abidin Waliullah Shah
صحیح بخاری 460
ہم سے احمد بن واقد نے بیان کیا، کہا: حماد نے ہمیں بتلایا۔ انہوں نے ثابت سے، ثابت نے ابو رافع سے، ابو رافع نے حضرت ابو ہریرہ سے روایت کی کہ ایک عورت مسجد میں جھاڑو دیا کرتی تھی یا کہا: ایک مرد۔ اور میرا خیال ہے کہ عورت ہی تھی۔ اس کے بعد انہوں نے نبی ﷺ کے واقعہ کا ذکر کیا کہ آپ نے اس کی قبر پر نمازِ جنازہ پڑھی۔
Urdu translation: Hazrat Syed Zain-ul-Abidin Waliullah Shah
صحیح بخاری 461
ہم سے اسحاق بن ابراہیم نے بیان کیا، کہا: روح اور محمد بن جعفر نے ہمیں بتلایا، انہوں نے شعبہ سے، شعبہ نے محمد بن زیاد سے، محمد بن زیاد نے حضرت ابو ہریرہؓ سے، حضرت ابو ہریرہؓ نے نبی ﷺ سے روایت کی۔ آپ نے فرمایا کہ کل رات جنوں میں سے ایک عفریت مجھ پر ٹوٹ پڑا، یا ایسا ہی کوئی اور کلمہ (فرمایا) تاکہ میری نماز توڑ دے۔ اللہ تعالیٰ نے مجھے اس پر قابو دے دیا۔ میں نے چاہا کہ مسجد کے ستونوں میں سے ایک ستون سے اسے باندھ دوں تاکہ تم صبح اٹھو اور سب اس کو دیکھو۔ پھر مجھے میرے بھائی سلیمان کا قول یاد آیا ’’رب اغفر لی و ہب لی ملکًا۔۔۔ الآیہ‘‘۔ اے میرے رب! مجھے بخش دے اور مجھے ایسی بادشاہت عطا کر جو میرے بعد کسی کو بھی سزاوار نہ ہو۔ روح کہتے تھے کہ آپ نے اسے دھتکار دیا۔
Urdu translation: Hazrat Syed Zain-ul-Abidin Waliullah Shah
صحیح بخاری 462
ہم سے عبد اللہ بن یوسف نے بیان کیا، کہا: لیث نے ہم سے بیان کیا، کہا: سعید بن ابوسعید نے ہمیں بتلایا کہ انہوں نے حضرت ابو ہریرہ سے سنا۔ وہ کہتے تھے کہ نبی ﷺ نے نجد کی طرف کچھ سوار بھیجے تو وہ بنو حنیفہ میں سے ایک شخص کو جسے ثمامہ بن اثال کہا جاتا تھا (پکڑ کر) لے آئے اور اُسے مسجد کے ستونوں میں سے ایک ستون سے باندھ دیا۔ نبی ﷺ اس کے پاس باہر آئے اور فرمایا: ثمامہ کو چھوڑ دو تو وہ مسجد کے قریب ہی کھجوروں کی طرف چلا گیا اور نہایا۔ پھر وہ مسجد میں آیا اور کہا: میں اقرار کرتا ہوں کہ اللہ کے سوائے کوئی معبود نہیں اور محمد اللہ کے رسول ہیں۔
Urdu translation: Hazrat Syed Zain-ul-Abidin Waliullah Shah
صحیح بخاری 463
ہم سے زکریا بن یحیی نے بیان کیا، کہا: عبدالله بن نمیر نے ہم سے بیان کیا، کہا: ہشام نے ہمیں بتلایا۔ انہوں نے اپنے باپ سے، ان کے باپ نے حضرت عائشہ سے روایت کی۔ کہتی تھیں کہ حضرت سعد کو خندق کے دن ہفت اندام میں زخم لگا تو نبی ﷺ نے مسجد میں خیمہ لگایا، تا کہ آپ قریب ہی سے ان کی عیادت کریں اور مسجد میں بنو غفار کا بھی خیمہ تھا۔ تو ریکا یک خون نے ان کو گھبرا دیا جو کہ ان کی طرف بہہ کر آرہا تھا۔ انہوں نے کہا: خیمہ والو! یہ کیا ہے جو تمہاری طرف سے ہمارے پاس آ رہا ہے۔ تو کیا دیکھتے ہیں کہ حضرت سعد ہیں۔ ان کا زخم خون سے بہہ رہا ہے اور وہ اسی سے فوت ہوئے۔
Urdu translation: Hazrat Syed Zain-ul-Abidin Waliullah Shah
صحیح بخاری 464
ہم سے عبداللہ بن یوسف نے بیان کیا، کہا: مالک نے ہمیں بتلایا۔ انہوں نے محمد بن عبدالرحمان بن نوفل سے، انہوں نے عروہ بن زبیر سے، عروہ نے حضرت زینب بنت ابی سلمہ سے، حضرت زینب نے حضرت ام سلمہؓ سے روایت کی۔ کہتی تھیں: میں نے رسول اللہ ﷺ سے شکایت کی کہ میں بیمار ہوں۔ آپ نے فرمایا کہ تم سوار ہو کر لوگوں کے پیچھے طواف کر لو۔ چنانچہ میں نے طواف کیا اور اس وقت رسول اللہ ﷺ بیت اللہ کے پہلو میں نماز پڑھ رہے تھے۔ آپ “الطور و کتاب مسطور“ پڑھ رہے تھے۔
Urdu translation: Hazrat Syed Zain-ul-Abidin Waliullah Shah
صحیح بخاری 465
ہم سے محمد بن منی نے بیان کیا، کہا: معاذ بن ہشام نے ہم سے بیان کیا، کہا: میرے باپ نے مجھے بتلایا۔ انہوں نے قتادہ سے روایت کی کہ انہوں نے کہا: ہم سے حضرت انسؓ نے بیان کیا کہ نبی ﷺ کے صحابہ میں سے دو شخص ایک تاریک رات میں نبی ﷺ کے پاس سے نکلے۔ [ان میں سے ایک حضرت عباد بن بشر تھے اور دوسرے میں سمجھتا ہوں حضرت اُسید بن حضیر تھے اور ان کے ساتھ دو چراغ جیسے تھے جو اُن کے سامنے روشنی کر رہے تھے۔ جب وہ دونوں جدا ہوئے تو اُن میں سے ہر ایک کے ساتھ ایک ایک چراغ ہو گیا آخر وہ اپنے گھر والوں کے پاس پہنچ گئے۔
Urdu translation: Hazrat Syed Zain-ul-Abidin Waliullah Shah
صحیح بخاری 466
ہم سے محمد بن سنان نے بیان کیا، کہا: فلیح نے ہم سے بیان کیا، کہا: ابونضر نے ہمیں بتلایا۔ انہوں نے عبید بن حنین سے، عبید نے بسر بن سعید سے، بسر نے حضرت ابوسعید خدری سے روایت کی۔ انہوں نے کہا کہ نبی ﷺ نے (لوگوں کو) مخاطب کیا اور فرمایا کہ اللہ تعالی نے ایک بندے کو اختیار دیا ہے کہ وہ دنیا کو لے یا اس کو لے جو اللہ کے پاس ہے تو اس نے جو اللہ کے پاس ہے اس کو پسند کیا ہے۔ اس پر حضرت ابو بکر رضی اللہ عنہ رو پڑے تو میں نے اپنے دل میں کہا: اس بزرگ کو کون سی بات رُلا رہی ہے۔ اگر اللہ تعالیٰ نے بندے کو دُنیا یا جو اُس کے پاس ہے پسند کرنے کے متعلق اختیار دیا ہے اور پھر اس نے جو اللہ (عزوجل) کے پاس ہے اسے پسند کر لیا ہے۔ (تو) رسول اللہ ﷺ ہی وہ بندے تھے اور حضرت ابوبکر ہم سے زیادہ علم رکھتے تھے۔ آپ نے فرمایا: ابوبکر مت رو۔ یقیناً تمام لوگوں سے بڑھ کر مجھ پر احسان کرنے والا بلحاظ اپنی رفاقت اور اپنے مال کے ابو بکر ہی ہے۔ اگر میں نے اپنی امت میں سے کسی کو خلیل بنانا ہوتا تو میں ابوبکر کو بناتا۔ لیکن اسلام کی برادری اور محبت ہی ہے۔ مسجد میں کوئی دروازہ نہ رہنے دیا جائے، بند کر دیے جائیں، سوائے ابوبکر کے دروازہ کے۔
Urdu translation: Hazrat Syed Zain-ul-Abidin Waliullah Shah
صحیح بخاری 467
ہم سے عبد اللہ بن محمد بعضی نے بیان کیا، کہا: وہب بن جریر نے ہم سے بیان کیا۔ انہوں نے کہا: میرے باپ نے مجھے بتلایا۔ کہا: میں نے یعلی بن حکیم سے سنا۔ انہوں نے عکرمہ سے، عکرمہ نے حضرت ابن عباس سے روایت کی۔ وہ کہتے تھے کہ رسول اللہ ﷺ اپنی اس بیماری میں کہ جس میں آپ فوت ہوئے تھے، باہر آئے۔ آپ نے اپنے سر کو (اپنے) کپڑے سے باندھا ہوا تھا۔ آپ منبر پر بیٹھ گئے اور اللہ تعالیٰ کی تعریف اور ستائش کی۔ پھر فرمایا کہ لوگوں میں سے کوئی بھی نہیں جو بلحاظ اپنی جان اور مال کے مجھ پر ابو بکر بن ابو قحافہ سے بڑھ کر احسان کرنے والا ہو۔ اگر میں نے لوگوں میں سے کسی کو خلیل بنانا ہوتا تو ضرور ابو بکر کو ہی خلیل بناتا۔ لیکن اسلام کی دوستی سب سے افضل ہے۔ اس مسجد میں تمام کھڑکیوں کو میری طرف سے بند کر دو سوائے ابو بکر کی کھڑکی کے۔
Urdu translation: Hazrat Syed Zain-ul-Abidin Waliullah Shah
صحیح بخاری 468
ہم سے ابونعمان اور قتیبہ بن سعید نے بیان کیا۔ وہ دونوں کہتے تھے کہ حماد بن زید نے ہمیں بتلایا۔ انہوں نے ایوب سے، ایوب نے نافع سے، نافع نے حضرت ابن عمرؓ سے روایت کی کہ نبی مکہ میں آئے اور حضرت عثمان بن طلحہ کو بلایا۔ انہوں نے دروازہ کھولا تو نبی ﷺ اور حضرت بلال اور حضرت اسامہ بن زید اور حضرت عثمان بن طلحہ اندر گئے اور پھر دروازہ بند کر دیا اور آپ اس میں کچھ دیر ٹھہرے۔ پھر نکلے۔ حضرت ابن عمرؓ کہتے تھے: میں جلدی سے آگے بڑھا اور حضرت بلال سے پوچھا تو انہوں نے کہا کہ آپ نے کعبہ میں نماز پڑھی ہے۔ میں نے کہا: کس جگہ؟ کہا: ان ستونوں کے درمیان۔ حضرت ابن عمرؓ کہتے تھے: مجھ سے رہ گیا کہ میں ان سے پوچھوں کہ آپ نے کتنی رکعتیں نماز پڑھی۔
Urdu translation: Hazrat Syed Zain-ul-Abidin Waliullah Shah