کتاب 41: باب قَوْلِ اللَّهِ تَعَالَى {وَمَا كُنْتُمْ تَسْتَتِرُونَ أَنْ يَشْهَدَ عَلَيْكُمْ سَمْعُكُمْ وَلاَ أَبْصَارُكُمْ وَلاَ جُلُودُكُمْ وَلَكِنْ ظَنَنْتُمْ أَنَّ اللَّهَ لاَ يَعْلَمُ كَثِيرًا مِمَّا تَعْمَلُونَ}
صحیح بخاری
صحیح بخاری 7521
حمیدی نے ہم سے بیان کیا کہ سفیان نے ہمیں بتایا۔ منصور نے ہم سے بیان کیا۔ منصور نے مجاہد سے، مجاہد نے ابومعمر سے، ابومعمر نے حضرت عبداللہؓ سے روایت کی۔ انہوں نے کہا: بیت اللہ کے پاس دو ثقفی اور ایک قریشی یا (کہا:) دو قریشی اور ایک ثقفی اکٹھے ہوئے۔ ان کے پیٹوں کی چربیاں بہت تھیں، ان کی عقلوں کی سمجھ کم تھی۔ ان میں سے ایک نے کہا: بھلا بتلاؤ تو سہی کہ اللہ سنتا ہے جو ہم کہتے ہیں۔ دوسرے نے کہا: سنتا ہے اگر ہم اُونچا بولیں اور اگر ہم چھپ کر بات کریں تو نہیں سنتا اور دوسرا بولا: اگر وہ ایسا ہے کہ جب ہم اُونچا بولیں تو وہ سنتا ہے تو پھر وہ ضرور اُس وقت بھی سنتا ہے جب ہم چھپ کر بات کریں۔ اس پر اللہ تعالیٰ نے یہ آیت نازل کی: یعنی اور تم اپنے عیب اس خوف سے نہیں چھپایا کرتے تھے کہ کہیں تمہارے کان اور تمہاری آنکھیں اور تمہارے چمڑے تمہارے خلاف گواہی نہ دے دیں۔