کتاب 55: باب
صحیح بخاری
صحیح بخاری 435
ہم سے ابوالیمان نے بیان کیا، کہا: شعیب نے ہمیں بتلایا۔ انہوں نے زہری سے روایت کی کہ عبد اللہ بن عبد اللہ بن عتبہ نے مجھ کو خبر دی کہ حضرت عائشہؓ اور حضرت عبد اللہ بن عباس دونوں نے کہا: جب رسول اللہ ﷺ پر مرض الموت نے سخت حملہ کیا تو آپ اپنے منہ پر اپنی چادر ڈالتے اور جب آپ گھبراہٹ محسوس کرتے تو اپنے چہرے سے اس کو ہٹا دیتے اور آپ نے اسی حالت میں فرمایا: یہود اور نصاری پر اللہ کی لعنت۔ انہوں نے اپنے نبیوں کی قبریں مسجد میں بنا لی ہیں۔ جو انہوں نے کیا اُس سے بچنے کے لئے متنبہ فرماتے تھے۔
صحیح بخاری 436
ہم سے ابوالیمان نے بیان کیا، کہا: شعیب نے ہمیں بتلایا۔ انہوں نے زہری سے روایت کی کہ عبد اللہ بن عبد اللہ بن عتبہ نے مجھ کو خبر دی کہ حضرت عائشہؓ اور حضرت عبد اللہ بن عباس دونوں نے کہا: جب رسول اللہ ﷺ پر مرض الموت نے سخت حملہ کیا تو آپ اپنے منہ پر اپنی چادر ڈالتے اور جب آپ گھبراہٹ محسوس کرتے تو اپنے چہرے سے اس کو ہٹا دیتے اور آپ نے اسی حالت میں فرمایا: یہود اور نصاری پر اللہ کی لعنت۔ انہوں نے اپنے نبیوں کی قبریں مسجد میں بنا لی ہیں۔ جو انہوں نے کیا اُس سے بچنے کے لئے متنبہ فرماتے تھے۔
صحیح بخاری 437
ہم سے عبداللہ بن مسلمہ نے بیان کیا۔ انہوں نے مالک سے، مالک نے ابن شہاب سے، ابن شہاب نے سعید بن مسیب سے، سعید نے حضرت ابو ہریرہ سے روایت کی کہ رسول اللہ ﷺ نے فرمایا: اللہ ان یہودیوں کو ہلاک کرے۔ انہوں نے اپنے نبیوں کی قبروں کو مسجدیں بنا لیا۔