آنحضرتﷺ کا خلق عظیم عیادت ویتمارداری

خطبات مسرور جلد سوم
231
(14)
خطبہ جمعہ 15 اپریل 2005 ء
آنحضرت صلی اللہ وسلم کا خلق عظیم
عیادت و تیمار داری
خطبہ جمعہ فرمودہ 15 اپریل 2005 ء بمقام مسجد بیت الفتوح مورڈن ،لندن۔تشہد وتعوذ اور سورۃ فاتحہ کی تلاوت کے بعد حضور انور نے درج ذیل آیت قرآنی کی
تلاوت کی:۔لَقَدْ جَاءَكُمْ رَسُوْلٌ مِنْ أَنْفُسِكُمْ عَزِيزٌ عَلَيْهِ مَا عَنِتُّمْ
حَرِيصٌ عَلَيْكُمْ بِالْمُؤْمِنِينَ رَءُوْفٌ رَّحِيمُ (العربة : 128)
پھر فرمایا:۔یقیناً تمہارے پاس تمہیں میں سے ایک رسول آیا اسے بہت شاق گزرتا ہے جو تم تکلیف
اٹھاتے ہو اور وہ تم پر بھلائی چاہتے ہوئے حریص رہتا ہے، مومنوں کے لئے بے حد مہربان اور
بار بار رحم کرنے والا ہے۔آنحضرت صلی اللہ علیہ وسلم جہاں غیروں اور اپنوں کی روحانی اصلاح کے لئے اور ان کا
خدا تعالیٰ سے تعلق جوڑنے کے لئے بے چین رہتے تھے وہاں مخلوق کی تکلیف کی وجہ سے اس سے
ہمدردی کا بھی بے پناہ جذبہ تھا جو آپ کے دل میں بھرا ہوا تھا۔دوسرے کی تکلیف کا احساس آپ
کو اپنی تکلیف سے زیادہ تھا بلکہ اپنی تکلیف کا احساس تو تھا ہی نہیں۔ہر وقت اس فکر میں ہوتے
تھے کہ کہاں مجھے موقع ملے اور میں اللہ کی مخلوق سے ہمدردی کروں، اس کے کام آؤں، ان کے

خطبات مسرور جلد سوم
232
خطبہ جمعہ 15 اپریل 2005ء
لئے دعائیں کروں، ان کی تکلیفوں کو دور کروں۔اب
اللہ تعالیٰ نے اس آیت میں جو آپ صلی اللہ
علیہ وسلم کے لئے یہ الفاظ استعمال کئے ہیں کہ یہ رسول تمہاری بھلائی کا حریص رہتا ہے۔یہ حریص
کوئی محدود معنی والا لفظ نہیں ہے جیسے ہم کہہ دیں کہ لالچ میں رہتا ہے۔گو یہ لالچ میں رہنا بھی کوئی
معمولی بات نہیں ہے۔دنیالالچ کرتی ہے تو اپنے لئے کرتی ہے کہ ہمیں فائدہ پہنچ جائے ، ہماری
تکلیفیں دور ہو جائیں لیکن ہمارے پیارے آقاصلی اللہ علیہ وسلم اگر یہ لالچ کر رہے ہیں تو
دوسروں کے لئے کہ ان کو فائدہ ہو، ان کی تکلیفیں دور ہوں۔بہر حال اس لفظ کے اور بھی بڑے
وسیع معنی ہیں۔یعنی بڑی شدت سے یہ خواہش کرنا کہ کسی بھی طرح دوسرے کو فائدہ پہنچا سکوں اور
اس میں ذاتی دلچسپی لینا اور پھر اس معاملے میں نہایت احتیاط سے دوسرے کے جذبات کا احترام
کرتے ہوئے اس کے لئے درد اور ہمدردی رکھنا ، اس کے لئے خود تکلیف برداشت کرنا۔تو یہ رویہ
ہوتا تھا آنحضرت صلی اللہ علیہ وسلم کا دوسروں کی تکلیف کو دیکھ کر۔اور پھر اس تکلیف کو دور کرنے
کے لئے آپ تمام ذرائع اور وسائل استعمال کرتے تھے۔اور ان تکلیفوں کو دور کرنے اور
دوسروں کو آرام پہنچانے کے لئے آپ کے دل میں بے انتہا مہر بانی کے جذبات ہوتے تھے اور
اس سے آپ کبھی نہیں تھکتے تھے۔اور دوسروں کے لئے ہمدردی اور رحم کے جذبات کا آپ کا
ایک ایسا وصف تھا کہ اس وصف کا کوئی مقابلہ نہیں کر سکتا تھا۔بے حد مہربان ہونے اور بار بار رحم
کرنے کی خدائی صفت کا انسانوں میں کامل اور اعلیٰ نمونہ صرف اور صرف آپ کی ذات میں تھا
جس کی اللہ تعالیٰ بھی گواہی دے رہا ہے۔اس بارے میں حضرت مسیح موعود علیہ الصلوۃ والسلام فرماتے ہیں کہ : ”جذب اور
عقد ہمت ایک انسان کو اُس وقت دیا جاتا ہے ( یعنی تکلیفوں کو محسوس کرنے کی طاقت اور تکلیف
دور کرنے کا احساس اس وقت دیا جاتا ہے جبکہ وہ خدا تعالیٰ کی چادر کے نیچے آ جاتا ہے اور ظل
الله بنتا ہے۔پھر وہ مخلوق کی ہمدردی اور بہتری کے لئے اپنے اندر ایک اضطراب پاتا ہے۔ہمارے نبی کریم صلی اللہ علیہ وسلم اس مرتبہ میں گل انبیاء علیہم السلام سے بڑھے ہوئے تھے اس لئے
آپ مخلوق کی تکلیف دیکھ نہیں سکتے تھے۔چنانچہ خدا تعالیٰ فرماتا ہے عَزِيزٌ عَلَيْهِ مَا عَنِتُمْ

خطبات مسرور جلد سوم
233
خطبہ جمعہ 15 اپریل 2005ء
یعنی یہ رسول تمہاری تکالیف کو دیکھ نہیں سکتا، وہ اس پر سخت گراں ہے ( بہت تکلیف دہ ہے ) اور
اُسے ہر وقت اس بات کی تڑپ لگی رہتی ہے کہ تم کو بڑے بڑے منافع پہنچیں“۔(الحكم جلد 6 نمبر 26 صفحه 6 مورخه 24/ جولائی 1902ء)
پس اس سے دوسروں کے لئے آپ کے جذبات کی جو کیفیت ہوتی تھی اس کی مزید وضاحت ہو گئی۔انسان کو آنے والی مختلف قسم کی تکلیفیں ہیں، پریشانیاں ہیں، ان میں سے ایک تکلیف،
جس کا کم و بیش ہر ایک کو سامنا ہوتا ہے بلکہ یہ کہنا چاہئے کہ ہر ایک کو کسی نہ کسی صورت میں یہ تکلیف
پہنچتی ہے، وہ جسمانی عوارض یا بیماری ہے۔تو آج میں آنحضرت صلی اللہ علیہ وسلم کے اُسوہ کے اس
پہلو کولوں گا کہ آپ مریضوں کی عیادت ، تیمار داری اور دعاؤں کی طرف کس طرح توجہ فرمایا
کرتے تھے۔آپ کے اُسوہ سے ہمیں یہ بھی پتہ لگتا ہے کہ اپنے لئے اور اپنی تکلیف کے لئے وہ
جذبات نہیں ہوتے تھے جو دوسرے کی تکلیف کے لئے ہوتے تھے۔اور جیسا کہ میں نے کہا کہ اس
درد سے دعائیں کیا کرتے تھے کہ جس کی مثال ملنی بھی مشکل ہے۔چند مثالیں اس کی پیش کرتا ہوں،
چند واقعات کہ کس طرح آپ مریضوں کے لئے دعا کیا کرتے تھے، کس طرح جا کے ان کو پوچھا
کرتے تھے، کیا آپ کا طریق ہوتا تھا۔لیکن اس سے پہلے ایک صحابی کی یہ گواہی میں بتا دوں۔ایک روایت میں آتا ہے۔حضرت ابوامامہ رضی اللہ عنہ کی یہ گواہی ہے کہ آپ صلی اللہ
علیہ وسلم تمام انسانوں میں سے بہترین عیادت کرنے والے تھے۔(سنن نسائی -كتاب الجنائز - باب عدد التكبير على الجنازة)
پس اس سے ظاہر ہے کہ آپ اپنوں سے بھی بڑھ کر ہمدردی کے ساتھ مریض کی عیادت
کیا کرتے تھے۔چھوٹی موٹی تکلیفیں تو انسان کو لگی رہتی ہیں۔اُس میں بھی آپ پوچھا کرتے تھے
جب کسی سے رابطہ ہوتا لیکن اگر دو تین دن سے زیادہ کوئی بیمار ہوتا اور آپ کے علم میں یہ بات آتی
تو آپ فوراً اس کی عیادت کے لئے جاتے اور اس کے لئے دعا کرتے۔چنانچہ اس بارے میں ایک روایت میں آتا ہے کہ حضرت انس بن مالک رضی اللہ تعالیٰ

خطبات مسرور جلد سوم
234
خطبہ جمعہ 15 اپریل 2005ء
عنہما بیان کرتے ہیں کہ نبی کریم صلی اللہ علیہ وسلم کسی کے تین دن سے زائد بیمار رہنے کی صورت
میں اس کی عیادت کے لئے تشریف لے جایا کرتے تھے۔(سنن ابن ماجه۔کتاب الجنائز - باب ما جاء في عيادة المريض)
جیسا کہ پہلی روایت میں آتا ہے کہ آپ سے بڑھ کر کوئی عیادت کرنے والا نہیں تھا۔جب آپ اتنے پیار اور محبت سے مریض کی عیادت کے لئے تشریف لے جاتے ہوں گے تو
مریض کی آدھی بیماری تو اس وقت خود ہی دور ہو جاتی ہوگی۔عام طور پر دیکھنے میں آیا ہے کہ اگر
ڈاکٹر مریض کو توجہ سے دیکھ لے، اس کی بات غور سے سن لے تو اس مریض کی آدھی بیماری دور ہو
جاتی ہے۔اور وہی ڈاکٹر ان کو پسند آتے ہیں جو اس طرح ان کو توجہ سے دیکھ بھی رہے ہوں اور ان
کی باتیں بھی سن رہے ہوں۔تو جو سب طبیبوں سے بڑھ کر اور سب ڈاکٹروں سے بڑھ کر طبیب
ہے اس کے آنے سے یہ کس طرح ہو سکتا ہے کہ مریض بہتری محسوس نہ کر رہا ہو۔جو انتہائی توجہ سے
مریض کی بات کو بھی سنتا تھا اس کے لئے دعا بھی کرتا تھا۔مریض کے علاج میں برکت بھی
اللہ تعالیٰ کے فضل سے ہی ہوتی ہے۔اللہ تعالیٰ کا اذن نہ ہو تو دوائی میں شفا نہیں ہوتی۔دوائی میں
شفا بھی اللہ تعالیٰ کے حکم سے ہی ہے۔تو آپ کا یہ طریق تھا کہ جب بھی مریض کے پاس جاتے
تو اس کے لئے سب سے پہلے دعا کرتے۔حضرت عائشہ رضی اللہ عنہا بیان کرتی ہیں کہ آنحضرت صلی اللہ علیہ وسلم جب اپنی کسی
بیوی کی عیادت کے لئے آتے تو اپنا دایاں ہاتھ اس پر پھیرتے اور یہ دعا کرتے " أَذْهِبِ الْبَأْسَ
رَبَّ النَّاسِ وَاشْفِ انْتَ الشَّافِى - لَا شِفَاءَ إِلَّا شِفَاءُ كَ شِفَاءٌ لَا يُغَادِرُ سَقَمًا۔کہ اے
میرے اللہ ! جولوگوں کا رب ہے اس بیماری کو دور کر دے۔اور تو شفا دے کہ تو ہی شفا دینے والا
ہے۔تیری شفا کے سوا کوئی اور شفا نہیں۔تو اسے ایسی شفادے جو بیماری کا کچھ بھی اثر نہ چھوڑے۔(مسلم) - كتاب السلام - باب استحباب رقية المريض)
اور یہ صرف اپنے گھر والوں کے لئے خاص نہیں تھا بلکہ دوسرے مریضوں کے ساتھ بھی
آپ کا یہی سلوک تھا۔جب بھی مریض کی عیادت کے لئے جاتے تو ان کے لئے ضرور دعا کرتے۔

خطبات مسرور جلد سوم
235
خطبہ جمعہ 15 اپریل 2005 ء
چنانچہ اپنے صحابہ سے شفقت اور ان کی بیماری میں ان کے لئے دعا کرنے کے بارے
میں روایت میں آتا ہے، حضرت عائشہ بنت سعد رضی اللہ عنہا بیان کرتی ہیں کہ میرے ابا نے بیان
کیا کہ میں مکہ میں شدید بیمار ہو گیا۔آنحضور صلی اللہ علیہ وسلم میری عیادت کے لئے تشریف
لائے اور میں نے عرض کی یا رسول اللہ ! میں مال چھوڑ کر جا رہا ہوں مگر میری وارث صرف ایک بیٹی
ہے۔تو اس پر انہوں نے پوچھا کہ اس کے لئے کتنی جائیداد چھوڑ دوں۔خیر یہ جائیداد کی باتیں ہوتی
رہیں۔آنحضور نے فرمایا کتنی چھوڑنی ہے۔یہاں اس وقت کیونکہ بیماری کے حصے سے تعلق ہے اتنا
حصہ میں بتا دیتا ہوں۔تو کہتے ہیں کہ پھر یہ باتیں کرنے کے بعد آنحضور صلی اللہ علیہ وسلم نے اپنا
دست مبارک میری پیشانی پہ رکھا۔پھر میرے چہرے اور پیٹ پر اپنا دست مبارک پھیرتے ہوئے
يد دعا کی اَللّهُمَّ اشْفِ سَعْدًا وَاتِمَّ لَهُ هِجْرَتَهُ کہ اے اللہ سعد کو شفا دے اور اس کی ہجرت کو پورا
فرما۔حضرت سعد رضی اللہ عنہ کہتے ہیں کہ اب بھی جب میں اس واقعہ کو یاد کرتا ہوں تو آنحضرت
صلی اللہ علیہ وسلم کے دست مبارک کی ٹھنڈک اپنے پیٹ پر محسوس کرتا ہوں۔(الادب المفرد للبخارى -باب العيادة جوف الليل)
پھر ابن منکدر روایت کرتے ہیں کہ انہوں نے جابر بن عبد اللہ رضی اللہ عنہ کو یہ فرماتے
ہوئے سنا کہ میں ایک دفعہ بیمار ہوا تو نبی کریم صلی اللہ علیہ وسلم اور ابو بکر رضی اللہ عنہ میری عیادت
کے لئے تشریف لائے تو انہوں نے مجھے بیہوش پایا۔اس پر حضور صلی اللہ علیہ وسلم نے وضوفر ما یا پھر
اپنے وضو کا بقیہ پانی میرے اوپر انڈیل دیا تو اس سے مجھے افاقہ ہو گیا۔جب مجھے ہوش آیا تو میں
نے نبی کریم صلی اللہ علیہ وسلم کو اپنے پاس پایا۔(الادب المفرد للبخارى - باب عيادة المغمى عليه )
تو تیز بخار کو توڑنے کے لئے پانی سے علاج کیا جاتا ہے اب بھی پانی کی پٹی کی جاتی
ہے۔لیکن یہ پانی جو تھا یہ تو دعاؤں سے بھرا ہوا تھا اور وضو بھی شاید آپ نے اس لئے فرمایا تھا کہ
اس وقت آپ ان کے لئے خاص دعا کرنا چاہتے ہوں گے۔پھر عبداللہ بن عمر رضی اللہ عنہما بیان کرتے ہیں کہ ہم حضور صلی اللہ علیہ وسلم

خطبات مسرور جلد سوم
236
خطبہ جمعہ 15 اپریل 2005 ء
حاضر تھے کہ ایک انصاری آیا تو حضور نے اس سے پوچھا کہ میرے بھائی سعد بن عبادہ کا کیا حال
ہے؟ اس نے کہا کہ بہتر ہے۔اس پر حضور نے فرمایا اس کی عیادت کے لئے تم میں سے کون کون
چلے گا۔چنانچہ حضور اٹھ کھڑے ہوئے اور ہم تیرہ کے قریب افراد حضور کے ساتھ چل پڑے اور
حضرت سعد بن عبادہ کی خیریت معلوم کی۔(صحيح مسلم - كتاب الجنائز - باب في عيادة المرضى)
تو ایک تو اپنے ساتھیوں کو یہ احساس دلانے کے لئے آپ ساتھ لے گئے کہ مریض کی
عیادت کرنی چاہئے ، اس کی بیمار پرسی کرنی چاہئے۔اور پھر جو آپ کا دعا کا عمومی طریق تھا اس
لئے بھی کہ لوگ میرے ساتھ ہوں گے تو ہم دعا کریں گے اور زیادہ سے زیادہ لوگ اس دعا
میں شامل ہو جائیں گے۔بیماری میں انسان کے جذبات بہت حساس ہوتے ہیں۔جو وطن سے دور ہوں انہیں
اس حالت میں وطن بھی بہت یاد آتا ہے۔حضرت ابو بکر اور حضرت بلال ایک دفعہ بیمار ہوئے تو
ان کے جذبات کی بھی کچھ ایسی ہی کیفیت تھی جس کی تفصیل کے بارے میں اُم المومنین حضرت
عائشہؓ روایت کرتی ہیں کہ جب رسول اللہ صلی اللہ علیہ وسلم مدینہ تشریف لائے تو ابوبکر اور بلال
کو بخار ہو گیا۔تو حضرت عائشہ رضی اللہ عنہا کہتی ہیں کہ میں ان کی عیادت کے لئے گئی تو میں نے
حضرت ابوبکر کو مخاطب کر کے کہا: اتا! آپ کا کیا حال ہے اور اے بلال! تمہارا کیا حال ہے۔حضرت عائشہ رضی اللہ تعالیٰ عنہا بیان کرتی ہیں کہ جب حضرت ابوبکر کو بخار ہوتا تھا تو آپ یہ شعر
بڑھا کرتے تھے کہ
كُلُّ امْرِي مُصَبَّحَ فِي أَهْلِهِ وَالْمَوْتُ أَدْنَى مِنْ شِرَاكِ نَعْلِهِ
کہ ہر شخص اپنے گھر والوں میں صبح کرتا ہے حالانکہ موت اس کی جوتی کے تسمے سے بھی
زیادہ قریب ہوتی ہے۔اور حضرت بلال رضی اللہ عنہ کا بخار جب ٹوٹتا تھا وہ اپنی چادر اٹھا کر مکہ کو
یاد کر کے جو شعر پڑھتے تھے اس کا مفہوم یہ ہے کہ ہائے مجھ پر وہ دن بھی آئے گا جب میں رات
ایسی وادی میں گزاروں گا جب میرے ارد گر دا ذخر گھاس اور جلیل اُگی ہوگی۔“

خطبات مسرور جلد سوم
237
خطبہ جمعہ 15 اپریل 2005 ء
حضرت عائشہ کہتی ہیں کہ میں نے حضرت ابو بکر اور بلال رضی اللہ عنھما کا یہ حال
دیکھا تو میں نے آکر رسول اللہ صلی اللہ علیہ وسلم کو اس سے آگاہ کیا۔اس پر نبی کریم صلی اللہ علیہ
وسلم نے یہ دعا کی۔اے اللہ ! ہمیں مدینہ ، مکہ سے بھی زیادہ محبوب بنا دے اور اس کی آب و ہوا
درست فرما دے اور ہمارے لئے اس کے صاع اور مد میں برکت دے دے (یعنی جو پیمانے
تھے ) اور اس کی بیماری کو جُحفہ کے علاقے میں منتقل فرما دے، دور کر دے۔الادب المفرد للبخارى - باب ما يقول للمريض)
تو آنحضرت صلی اللہ علیہ وسلم نے ان کے جذبات کو محسوس کرتے ہوئے نہ صرف بیماری
سے شفا کی دعا کی بلکہ وطن سے دوری کی وجہ سے جو ان میں بے چینی تھی اس کو دور کرنے کے لئے
مدینہ سے محبت پیدا کرنے کی بھی دعا کی۔پھر دعاؤں کے سلسلے میں ہی اُم المؤمنین حضرت عائشہ رضی اللہ تعالیٰ عنہا کی ایک
روایت ہے کہ جب رسول اللہ صلی اللہ علیہ وسلم کے اہل میں سے کوئی بیمار ہوتا تھا تو اس پر حضور ا کرم
صلی اللہ علیہ وسلم معوذات یعنی قُلْ اَعُوْذُ بِرَبِّ الْفَلَقِ اور قُلْ اَعُوْذُ بِرَبِّ النَّاسِ پڑھ
کر دم کیا کرتے تھے۔حضرت عائشہ رضی اللہ عنہ کہتی ہیں کہ جب آنحضور صلی اللہ علیہ وسلم اپنی
آخری بیماری میں بیمار ہوئے تو میں بھی آنحضور صلی اللہ علیہ وسلم کے ہاتھ پر یہ سورتیں پڑھ کر دم
کرتی اور آپ ہی کے ہاتھ آپ کے بدن پر پھیر دیتی تھی کیونکہ آپ کے ہاتھ میرے ہاتھوں سے
زیادہ برکت والے تھے۔(مسلم كتاب السلام باب رقية المريض بالمعوذات والنفث)
یہ سبق جو آپ نے سکھائے تھے اس کو صحابہؓ بھی استعمال کیا کرتے تھے۔پھر ایک روایت ہے ، حضرت ابو ہریرہ رضی اللہ عنہ روایت کرتے ہیں کہ نبی اکرم صلی اللہ
علیہ وسلم نے ایک شخص کی اس کے بخار کی حالت میں عیادت کی اور اسے مخاطب کر کے فرمایا :
مبارک ہو۔اللہ تعالیٰ فرماتا ہے کہ بخار میری آگ ہے میں اسے اپنے گناہ گار بندے پر اس لئے
مسلط کرتا ہوں تا کہ جہنم کی آگ میں سے اس کا جو حصہ ہے وہ اسے اسی دنیا میں مل جائے۔(ترمذى - كتاب الطب- باب التَّداوى بالرَّماد)

خطبات مسرور جلد سوم
238
خطبہ جمعہ 15 اپریل 2005 ء
تو اس طرح سے آپ نے اسے تسلی بھی دی اور صبر کی تلقین بھی فرمائی۔تو بیمار کو اس کے
مناسب حال اور اس کے ایمان کی حالت کے مطابق مختلف لوگوں
کو مختلف تسلی کے الفاظ بھی فرمایا
کرتے تھے۔پھر حضرت زید بن ارقم رضی اللہ عنہ روایت کرتے ہیں کہ جب میری آنکھوں میں
تکلیف تھی تو رسول اللہ صلی اللہ علیہ وسلم میری عیادت کے لئے تشریف لائے تھے۔(ابوداؤد - كتاب الجنائز - باب العيادة من الرمد
اُم المومنین حضرت عائشہ رضی اللہ عنہا روایت کرتی ہیں کہ غزوہ خندق میں جب سعد
بن معاذ رضی اللہ عنہ کو کسی دشمن نے بازو پر نیزہ مارا جس سے آپ کی رگ کٹ گئی تو رسول اللہ
صلی اللہ علیہ وسلم نے ان کا خیمہ مسجد نبوی میں ہی لگوادیا تا کہ قریب سے ان کی تیمار داری کر سکیں۔(ابوداؤد كتاب الجنائز باب في العيادة مرارًا)
تو یہ زخم علاج کے باوجود جب ٹھیک نہیں ہورہا تھا تو آپ نے اس محبت کی وجہ سے جو
آپ کو صحابہ سے تھی یہی مناسب سمجھا کہ اپنے قریب رکھوں تا کہ علاج کی بھی نگرانی ہوتی رہے
اور مجھے تسلی بھی رہے اور خود حضرت سعد کی تیمارداری بھی آپ صلی اللہ علیہ وسلم کرسکیں۔اور یہ بھی
روایت میں ہے کہ آپ نے ان کے لئے ایسا بھی انتظام فرما دیا تھا کہ با قاعدہ ایک نرس کا انتظام
کر دیا تھا جو ان کا علاج کرے، با قاعدہ پٹی کرے، دیکھ بھال کرے۔اور مسجد نبوی میں ایسے خیمے
لگے ہوئے تھے جہاں جنگ کے بعد مریضوں کے علاج معالجہ کے لئے انتظام ہوتا تھا اور وہیں ان
کی با قاعدہ نرسنگ وغیر ہ بھی ہوا کرتی تھی۔پھر حضرت ام علاء رضی اللہ عنہا بیان کرتی ہیں کہ میں بیمار تھی اور آنحضرت صلی اللہ علیہ
وسلم عیادت کے لئے میرے ہاں تشریف لائے اور میری تسلی کے لئے فرمایا کہ ام علاء ! بیماری کا
ایک پہلوخوش کن بھی ہے کیونکہ اللہ تعالیٰ مرض کی وجہ سے ایک مسلمان کی خطائیں اس طرح دور کر
دیتا ہے جس طرح آگ سونے اور چاندی کا میل کچیل دور کر دیتی ہے۔(ابوداؤد - كتاب الجنائز - باب عيادة النساء )

خطبات مسرور جلد سوم
239
خطبہ جمعہ 15 اپریل 2005 ء
دیکھیں کس طرح سے مریضوں کو تسلی دیتے رہتے تھے۔اس بات کو آپ اچھا نہیں سمجھتے
تھے کہ بیماری کی وجہ سے بیماری کو کو سنے دیئے جائیں، بیماری کو برا بھلا کہا جائے کہ یہ کیا کمبخت
بیماری آگئی ہے، جس طرح بعضوں کو عادت ہوتی ہے۔حضرت جابر رضی اللہ عنہ روایت کرتے ہیں کہ نبی کریم صلی اللہ علیہ وسلم اُمّم سائب کے
پاس گئے تو ان کو تکلیف میں دیکھا۔اس پر آنحضور صلی اللہ علیہ وسلم نے دریافت فرمایا کہ تمہیں کیا
ہو گیا ہے۔اُمّم سائب نے جواب دیا کہ بخار ہو گیا ہے، خدا اسے غارت کرے۔یہ سن کر نبی
صلی اللہ علیہ وسلم نے فرمایا کہ ٹھہرو، بخار کو گالیاں نہ دو کیونکہ یہ مومن کی خطائیں ویسے ہی دور کر دیتا
ہے جس طرح بھٹی سونے کی میل کچیل کو دور کر دیتی ہے۔(الأدب المفرد للبخاري - باب عيادة المرضى)
اللہ تعالیٰ سے شفا کی دعا ضرور کرنی چاہئے اور آپ خود بھی مریضوں کے لئے کیا کرتے
تھے لیکن اس طرح کو سنے نہیں دینے چاہئیں۔دعا اور صدقہ و خیرات سے اللہ تعالیٰ کی مدد مانگنی
چاہئے۔اور بیماری پر جو صبر کی تلقین تھی وہ صرف دوسروں کے لئے نہیں تھی بلکہ اگر خود بھی کبھی بیمار
ہوتے تھے یا تکلیف میں ہوتے تھے تو سب سے بڑھ کر صبر دکھانے والے تھے۔آپ کی بیماری کے واقعہ کا ذکر ایک روایت میں یوں آتا ہے۔حضرت ابوسعید خدری
رضی اللہ عنہ روایت کرتے ہیں کہ وہ اس حال میں نبی کریم صلی اللہ علیہ وسلم کی خدمت میں حاضر
ہوئے کہ حضور صلی اللہ علیہ وسلم کو بخار تھا اور وہ چادر لے کر لیٹے ہوئے تھے۔حضرت ابوسعید خدری
رضی اللہ عنہ نے آپ کی چادر کے اوپر ہاتھ رکھا تو حضور صلی اللہ علیہ وسلم کے بخار کی حرارت چادر
کے اوپر سے محسوس کی۔کافی تیز بخار تھا۔تو حضرت ابوسعید رضی اللہ عنہ نے کہا یا رسول اللہ! آپ کو
کتنا سخت بخار ہے۔اس پر رسول اللہ صلی اللہ علیہ وسلم نے فرمایا ہم پر اسی طرح شدید آزمائشیں
آتی ہیں اور اجر بھی ہم کو بڑھا چڑھا کر دیا جاتا ہے۔تو حضرت ابوسعید خدری رضی اللہ عنہ نے عرض
کیا : یا رسول اللہ ! کن لوگوں کو سب سے زیادہ آزمائشوں کا سامنا کرنا پڑتا ہے۔آنحضور صلی اللہ
علیہ وسلم نے فرمایا انبیاء کو۔پھر ان کے بعد صلحاء کو اور صالح لوگوں میں سے کسی کو غربت سے آزمایا

خطبات مسرور جلد سوم
240
خطبہ جمعہ 15 اپریل 2005 ء
جاتا ہے اور غربت کے باعث کبھی تو اس کے پاس پہننے کو صرف جبہ ہی ہوتا ہے جس سے وہ لباس کا
بھی اور جبہ کا بھی کام لیتا ہے۔اور کبھی اسے جوؤں سے آزمایا جاتا ہے اور یہ اتنی زیادہ ہوتی ہیں
کہ اسے قتل ہی کر دیتی ہیں اور ان میں سے ہر ایک آزمائش پر اتنا خوش ہوتا ہے جتنا تم میں سے
کوئی کسی چیز کو پانے سے خوش ہوتا ہے۔(الأدب المفرد للبخارى -باب هل يكون قول المريض ” انى وجع“ شكاية)
تو یہ ہے آپ کا اسوہ کہ بیماری پر صبر اور اللہ تعالیٰ کے حضور مزید جھکنا۔انبیاء تو پاک
ہوتے ہیں اور آپ تو سب سے بڑھ کر پاک تھے۔آپ نے تو فرمایا کہ میرا تو شیطان بھی مسلمان
ہو گیا ہے۔تو انبیاء کو جو بیماری ہو ، بخار ہو وہ گناہوں سے پاک کرنے کے لئے نہیں بلکہ صبر ورضا کا
ایک نمونہ دکھانے کے لئے ہوتی ہے تا کہ ماننے والوں کو بھی پتہ لگے کہ یہ صرف نصیحتیں کرنے
والے نہیں بلکہ خود بھی ان پر عمل کرنے والے اور اسی صبر و رضا کے پیکر ہیں۔تو آنحضرت صلی اللہ علیہ وسلم کے اُسوہ پر چلتے ہوئے آپ کے صحابہ بھی بیماریوں میں
دعاؤں پر زور دیا کرتے تھے اور یہی طریق آگے پھیلاتے تھے۔عبدالعزیز روایت کرتے ہیں کہ میں اور ثابت ، انس بن مالک رضی اللہ عنہما کے پاس
گئے۔ثابت نے کہا اے ابوحمزہ ! میں بیمار ہو گیا ہوں۔اس پر انس نے کہا کیا میں آپ پر وہ دم نہ
کروں جو رسول
اللہ صلی اللہ علیہ وسلم بیمار کو کیا کرتے تھے۔انہوں نے کہا کیوں نہیں۔پھر حضرت
انس نے ان الفاظ میں دم کیا۔اللَّهُمَّ رَبَّ النَّاسِ مُذْهِبَ الْبَأْسِ اشْفِ أَنْتَ الشَّافِي -
لَا شَافِيَ إِلَّا أَنْتَ - شِفَاءٌ لَا يُغَادِرُ سَقَمًا (بخارى - كتاب الطب- باب رقية النبي (ﷺ)
کہ اے اللہ ! جولوگوں کا رب ہے، تکلیف کو دور کرنے والا ہے۔شفا عطا کر دے کیونکہ تو
ہی شفا دینے والا ہے۔تیرے سوا کوئی شفا دینے والا نہیں۔اس کو ایسی شفا عطا کر کہ بیماری کا کچھ
بھی اثر باقی نہر ہے۔تو مریض کو خود بھی اپنی بیماری کے لئے دعا کرنی چاہئے بجائے اس کے کہ اپنی بیماری کو
کو سنے دے۔اور دوسرے بھی جو عیادت کے لئے جائیں ان کو اس کے لئے دعا کرنی چاہئے اور

خطبات مسرور جلد سوم
241
خطبہ جمعہ 15 اپریل 2005 ء
اسی طرح دعا کے ساتھ صدقات کی طرف بھی توجہ دینی چاہئے۔آنحضرت صلی اللہ علیہ وسلم نے
اس بارے میں بڑی توجہ دلائی ہے۔چنانچہ ایک روایت میں آتا ہے آپ نے فرمایا کہ اپنے مریضوں کا علاج صدقات کے
ساتھ کرو یہ تم سے بیماریوں اور آنے والے ابتلاؤں کو دور رکھتا ہے۔(کنز العمال) كتاب الطب - حدیث نمبر 28182)
تو ایک تو بیماری کی صورت میں صدقات کا حکم ہے کہ یہ بھی ایک قسم کا علاج ہے۔پھر
بیماریوں اور بلاؤں سے بچنے کے لئے بھی اس طرف توجہ دلائی کہ صدقات دیتے رہنا چاہئے۔کیونکہ اگر چھوٹے موٹے ابتلاء آتے بھی ہیں تو ان دعاؤں اور صدقات کی وجہ سے اللہ تعالیٰ ان
کے بدنتائج سے محفوظ رکھتا ہے۔پھر آپ مریضوں کی عیادت کے وقت اس کی خواہش کے مطابق
خوراک کے انتظام کی بھی کوشش فرمایا کرتے تھے۔مریض کے بارے میں
کوئی پہلو ایسا نہیں جس
کو آپ نے چھوڑا ہو۔اس بارے میں ایک روایت میں آتا ہے حضرت ابن عباس رضی اللہ عنہما روایت کرتے
ہیں کہ نبی کریم صلی اللہ علیہ وسلم نے ایک شخص کی عیادت کی اور اس سے دریافت فرمایا کہ تمہیں کس
چیز کی خواہش ہے۔اس نے عرض کی کہ میں گندم کے آٹے کی روٹی کھانا چاہتا ہوں۔(اس وقت)
یہ ایسی خوراک تھی جو ہر ایک کو میسر نہیں ہوتی تھی۔اس کی بات سن کر حضور صلی اللہ علیہ وسلم نے
فرمایا کہ جس کے پاس گندم کے آٹے کی روٹی ہو تو وہ اپنے اس بھائی کو لا کر دے۔پھر نبی کریم
صلی اللہ علیہ وسلم نے فرمایا جب تم میں سے کسی کا مریض کسی چیز کے کھانے کی خواہش کرے تو
اسے چاہئے کہ وہ اسے کھلائے۔(سنن ابن ماجه - كتاب الجنائز باب ما جاء في عيادة المريض)
پھر اسی طرح کی ایک اور روایت ہے۔حضرت انس بن مالک رضی اللہ عنہ روایت
کرتے ہیں کہ نبی کریم صلی اللہ علیہ وسلم ایک مریض کی عیادت کے لئے تشریف لے گئے اور اس
سے دریافت فرمایا تمہارا کوئی چیز کھانے کو دل کرتا ہے؟ پھر خودہی فرمایا کیا تم دودھ شکر میں گوندھے

خطبات مسرور جلد سوم
242
خطبہ جمعہ 15 اپریل 2005ء
ہوئے گندم کے آٹے کی روٹی کھانا پسند کرتے ہو؟ ( میٹھی روٹی بڑی مزیدار ہوتی ہے ) تو اس
مریض نے کہا کہ ہاں! چنانچہ انہوں نے اس مریض کی مطلوبہ روٹی مہیا کرنے کا ارشاد فرمایا۔(سنن ابن ماجه - كتاب الجنائز - باب ما جاء في عيادة المريض)
بعض ڈاکٹر مریضوں کو بعض چیزیں کھانے سے منع کرتے ہیں۔لیکن آپ مریض کی
خواہش پوری کرنے کی نصیحت فرمایا کرتے تھے۔مریض کی خوراک تو ویسے بھی بیماری میں بہت
مختصر سی ہو جاتی ہے، تھوڑی سی رہ جاتی ہے۔ایک مریض کتنا کھا سکتا ہے جس سے نقصان ہو۔تو
جب ڈاکٹر پابندیاں لگاتے ہیں تو اس کو مزید کمزور کر دیتے ہیں۔لیکن اب ڈاکٹر ز بھی اس طرف آ
رہے ہیں بلکہ اب تو اکثر یہ کہتے ہیں کہ خوراک کھانے کی جو مریض کی خواہش ہو تو وہ اس کو دے
دینا چاہئے ، کھانا چاہئے۔لیکن ہمارے ہاں جو حکیم ہیں وہ اس بارے میں بڑے پکتے ہیں اور ان
کی کوئی بھی دوائی کھا ئیں تو ایک فہرست مہیا کر دیں گے کہ یہ یہ چیزیں نہیں کھانی۔وہ چیز نہ کھا کر
اتنی احتیاطیں کر کے تو ویسے بھی یا تو مریض نہیں رہے گا یا مرض نہیں رہے گا۔پھر مریضوں کو بھی شفا پانے کے لئے دعاؤں کے سلیقے آپ صلی اللہ علیہ وسلم نے
سکھائے۔چنانچہ حضرت انس روایت کرتے ہیں کہ رسول اللہ صلی اللہ علیہ وسلم نے ایک مسلمان کی
عیادت فرمائی جو بیماری کے باعث کمزور ہوتے ہوئے چوزے کی طرح ہو گیا تھا۔بہت مختصر سا ہو
گیا۔تو رسول
اللہ صلی اللہ علیہ وسلم نے اسے مخاطب کر کے فرمایا۔کیا تم کوئی خاص دعا کرتے ہو؟
اس نے جواب دیا: ہاں۔پھر اس نے بتایا کہ میں یہ دعا کرتا ہوں کہ اے اللہ ! جو سزا تو مجھے
آخرت میں دینے والا ہے وہ مجھے اس دنیا میں دے دے۔یہ سن کر رسول
اللہ صلی اللہ علیہ وسلم نے
فرمایا سُبْحَانَ اللہ۔تم اس کی طاقت نہیں رکھتے۔تم یہ دعا کیوں نہیں کرتے کہ اَللَّهُمَّ تِنَا فِي
الدُّنْيَا حَسَنَةً وَّ فِي الْآخِرَةِ حَسَنَةً وَقِنَا عَذَابَ النَّارِ کہ اے اللہ ! تو ہمیں اس دنیا میں بھی
بھلائی عطا فرما اور آخرت میں بھی بھلائی عطا فرما اور ہمیں آگ کے عذاب سے بچا۔تو راوی کہتے
ہیں کہ جب اس مریض نے یہ دعا کی تو اللہ تعالیٰ نے اسے شفا عطا فرما دی۔(مسلم) كتاب الذكر والدعاء باب كراهة الدعاء بتعجيل العقوبة في الدنيا ) |

خطبات مسرور جلد سوم
243
تو اللہ تعالیٰ سے ہمیشہ دونوں جہان کی بھلائیاں مانگنی چاہئیں۔خطبہ جمعہ 15 اپریل 2005ء
جیسا کہ میں نے کہا تھا کہ جہاں جسمانی بیماری کو دیکھ کر آپ بے چین ہو جاتے تھے تسلی
دیتے تھے، دعا کرتے تھے وہاں روحانی مریضوں کے لئے بھی بے چینی ہوتی تھی۔اور جن سے کوئی
تعلق ہوتا تھا ان کے لئے تو خاص طور پر آپ کے بڑے درد بھرے جذبات ہوا کرتے تھے۔کوشش ہوتی تھی کہ وہ بھی کسی طرح پاک دل ہو جائیں اور جب اللہ تعالیٰ کے حضور حاضر ہوں تو
اس کی رحمت کی نظر اُن پر پڑے۔ایک حدیث میں ایک واقعہ کا ذکر یوں ملتا ہے۔حضرت انس رضی اللہ عنہ بیان کرتے
ہیں کہ ایک یہودی لڑکا آنحضرت صلی اللہ علیہ وسلم کا خادم تھا وہ بیمار ہو گیا تو آنحضرت صلی اللہ علیہ
وسلم اس کی عیادت کے لئے تشریف لے گئے۔اس کے سرہانے بیٹھ کر حال احوال پوچھا اور
اسلام قبول کرنے کی بھی تحریک فرمائی۔لڑکے نے اپنے باپ کی طرف دیکھا جو پاس ہی بیٹھا تھا۔اس کے باپ نے کہا ابو القاسم کی بات مان لو (رسول اللہ صلی اللہ علیہ وسلم کا یہ لقب تھا) تو
چنا نچہ اس نے اسلام قبول کر لیا۔حضور خوش خوش وہاں سے یہ کہتے ہوئے واپس آئے کہ سب
تعریفیں اس جل شانہ کے لئے ہیں جس نے اس نوجوان کو دوزخ کی آگ سے بچالیا۔(بخاری - کتاب الجنائز - باب اذا اسلم الصبى فمات، هل يصلّى عليه )
حضرت عبداللہ بن عباس رضی اللہ عنھما فرماتے ہیں کہ مریض کے پاس عیادت
کرنے کے سلسلے میں شور وغل نہ کرو اور نہ مریض کے پاس زیادہ بیٹھو کیونکہ مریض کے پاس کم
بیٹھنا سنت ہے۔(مشكوة المصابيح كتاب الجنائز، الباب الأوّل ، الفصل الثالث حديث نمبر (1589)
تو مریض کے کمرے میں شور شرابہ کرنا، بڑی دیر تک جمگھٹا لگا کر بیٹھ رہنا ، یہ آپ علی
کے عمل کے خلاف تھا۔مریض کی عیادت کرنے کے بعد واپس آ جانا چاہئے۔اور گھر کے جو افراد
تیمارداری کر رہے ہیں انہیں کو وہاں رہنا چاہئے۔یا اگر ہسپتال میں ہیں تو ہسپتال کے انتظام کے
تحت۔بعض دفعہ عزیز رشتہ دار ہسپتالوں میں بھی اتنارش کر دیتے ہیں کہ ساتھ کے دوسرے مریض

خطبات مسرور جلد سوم
244
خطبہ جمعہ 15 اپریل 2005 ء
بھی ان کے بچوں اور ان کے اپنے شور سے ڈسٹرب ہونا شروع ہو جاتے ہیں۔اور پھر ایسی صورت
میں بعض دفعہ ہسپتال کی انتظامیہ کو سختی بھی کرنی پڑتی ہے۔ہمارے معاشرے میں بہت زیادہ رش
کرنے کی عموماً عادت ہے۔بعض اوقات مریض کے پاس زیادہ رش کرنے کی وجہ سے لوگوں کی
سانسوں کی وجہ سے، مختلف قسم کے لوگ ہوتے ہیں، فضا بھی اتنی صاف نہیں رہتی جس سے مریض
کی تکلیف بڑھنے کا بھی امکان ہوتا ہے۔اس لئے آپ صلی اللہ علیہ وسلم نے دیکھیں ہمارے
سامنے پہلے ہی یہ اسوہ رکھ دیا کہ مریض کی عیادت کرو، اس کو تسلی دو، اس کے لئے دعا کرو اور واپس
آ جاؤ۔وہاں بیٹھ کے مجلسیں نہ جاؤ۔اسی طرح ان کے علاوہ مریض کے گھر والوں کو بھی جو تیمار
داری کر رہے ہیں زیادہ رش نہیں کرنا چاہئے۔پھر اپنی امت کو بھی آپ نے اس خلق کو اپنانے اور مریضوں کی عیادت کرنے کی طرف
توجہ دلائی۔ایک روایت میں آتا ہے۔حضرت ابو ہریرہ رضی اللہ عنہ بیان کرتے ہیں کہ آنحضرت
صلی اللہ علیہ وسلم نے فرمایا کہ اللہ تعالیٰ قیامت کے دن فرمائے گا اے ابن آدم ! میں بیمار ہوا تھا تو
نے میری عیادت نہیں کی۔اس پر وہ جواب دے گا تو رب العالمین ہے تو کیسے بیمار ہوسکتا ہے اور
میں تیری عیادت کس طرح کرتا۔اللہ تعالیٰ فرمائے گا کیا تجھے معلوم نہیں ہوا تھا کہ میرا فلاں بندہ
بیمار ہے اور تو اس کی عیادت کے لئے نہیں گیا تھا۔کیا تجھے یہ سمجھ نہ آئی کہ اگر تو اس کی عیادت کرتا تو
مجھے اس کے پاس پاتا اور اس کی عیادت میری عیادت ہوتی۔(مسلم - كتاب البر والصلة - باب فضل عيادة المريض)
پس مریضوں کی عیادت کرنا بھی خدا تعالیٰ کے قرب کو پانے کا ایک ذریعہ ہے۔ہمیں
اس طرف توجہ دینی چاہئے۔خاص طور پر جو ذیلی تنظیمیں ہیں ان
کو میں ہمیشہ کہتا ہوں۔خدمت خلق
کے جو اُن کے شعبے ہیں لجنہ کے، خدام کے، انصار کے ایسے پروگرام بنایا کریں کہ مریضوں کی
عیادت کیا کریں، ہسپتالوں میں جایا کریں۔اپنوں اور غیروں کی ،سب کی عیادت کرنی چاہئے
اس میں کوئی حرج نہیں، بلکہ یہ بھی ایک سنت کے مطابق ہے۔اور ہمیشہ اس کوشش میں رہنا چاہئے
کہ زیادہ سے زیادہ اللہ تعالیٰ کے قرب پانے کے ذریعے ہم اختیار کریں۔

خطبات مسرور جلد سوم
245
خطبہ جمعہ 15 اپریل 2005 ء
پھر آنحضرت صلی اللہ علیہ وسلم نے ہمیں یہ بھی بتا دیا کہ عیادت کس طرح کرو۔آپ صلی
اللہ علیہ وسلم نے فرمایا کہ عیادت کا ایک عمدہ طریق یہ ہے کہ آدمی مریض کے پاس جائے ، اس کی
پیشانی یا اس کے ہاتھ پر اپنا ہاتھ رکھ کر اس سے پوچھے کہ اس کی طبیعت کیسی ہے۔اور آپس میں
ملنے ملانے کا عمدہ طریق یہ ہے کہ ایک دوسرے سے ملتے وقت مصافحہ کرو تو اس طرح ایک اپنائیت
اور محبت کا احساس اور بڑھے گا۔(ترمذى - أبواب الأدب - باب ما جاء في المصافحة )
پھر ایک روایت میں یہ بھی آتا ہے کہ آپ نے صحابہ کو حکم دیا تھا کہ بیماروں کی عیادت
کیا کرو۔پس ہم سب کو اس حکم کی بھی تعمیل کرنی چاہیئے۔(بخاری ، کتاب المرضى ، باب وجوب عيادة المريض)
پھر آپ نے فرمایا جب کسی مریض کی عیادت کو جاؤ یا کسی کے جنازے میں شرکت کرو تو
زبان سے خیر کے کلمات کہو کیونکہ فرشتے تمہاری باتوں پر آمین کہہ رہے ہوتے ہیں۔(صحيح مسلم - كتاب الجنائز - باب مايقول عند المريض والميت)
تو وہاں بھی اچھی باتیں کرو۔دعائیں کرو اپنے لئے بھی ، مریض کے لئے بھی۔پھر عیادت کی ترغیب دلاتے ہوئے آپ نے فرمایا جس کی روایت حضرت ابو ہریرہ
رضی اللہ تعالیٰ عنہ نے کی ہے کہ آنحضرت صلی اللہ علیہ وسلم نے فرمایا جو شخص مریض کی عیادت کرتا
ہے۔یا اللہ تعالیٰ کی رضا کی خاطر کسی بھائی سے ملنے جاتا ہے تو اللہ تعالیٰ کی طرف سے منادی یہ صدا
لگاتا ہے کہ تو خوش رہے، تیرا چلنا مبارک ہو، جنت میں تیرا ٹھکانا ہو۔(سنن ابن ماجه -كتاب الجنائز - باب ماجاء في ثواب من عاد مريضًا )
اصل میں تو یہ ایک انسان کا دوسرے انسان کے لئے ہمدردی اور نیک جذبات کے
اظہار کا اعلان ہے۔پس ان جذبات کو پھیلانے کی ہر ایک کو کوشش کرنی چاہئے۔تبھی ہم آپ
صلی اللہ علیہ وسلم کے اسوہ پر چلتے ہوئے اللہ تعالیٰ کی رضا ، اس کی جنتوں کو حاصل کرنے والے
بن سکتے ہیں۔آنحضرت صلی اللہ علیہ وسلم جب مریضوں کی عیادت فرماتے تو بعض اوقات بعض نسخے

خطبات مسرور جلد سوم
246
خطبہ جمعہ 15 اپریل 2005 ء
بھی تجویز فرمایا کرتے تھے۔ان کا روایات میں ذکر ملتا ہے۔چند ایک کا میں ذکر کرتا ہوں یہ اس
بات کا مزید ثبوت ہے کہ آپ کو مریضوں کی کتنی فکر رہا کرتی تھی۔ان کے علاج معالجے ، خوراک
وغیرہ کا بھی خیال رکھتے تھے اور بعض بیماریوں کا علاج بھی فرمایا کرتے تھے۔ام المومنین حضرت عائشہ رضی اللہ تعالیٰ عنہا روایت کرتی ہیں کہ میں نے نبی کریم صلی
اللہ علیہ وسلم کو یہ فرماتے ہوئے سنا کہ اس سیاہ دانے یعنی کلونجی میں ہر مرض سے نجات دینے کے
لئے شفار کھ دی گئی ہے سوائے موت کے۔(بخاری -كتاب الطب – باب الحبة السوداء)
تو آپ " بعض لوگوں کو بعض بیماریوں کے لئے نسخے تجویز بھی فرمایا کرتے تھے کہ یہ
کھاؤ۔سنا ہے یہ دردوں کے لئے بڑی اچھی چیز ہے۔اور بیماریوں کے لئے بھی ہوگی جیسا کہ
آنحضرت صلی اللہ علیہ وسلم نے فرمایا۔پھر ایک دفعہ حضرت ابو سعید خدری رضی اللہ تعالیٰ عنہ کہتے ہیں کہ ایک شخص نبی کریم
صلی اللہ علیہ وسلم کے پاس آیا اور عرض کی کہ میرے بھائی کے پیٹ میں تکلیف ہے۔اس پر
آنحضور صلی اللہ علیہ وسلم نے اسے
فرمایا کہ اس کو شہد پلاؤ۔وہ شخص دوبارہ حاضر ہوا، تکلیف دورنہ
ہوئی تھی۔فرمایا اور شہد پلاؤ۔تکلیف نہیں دور ہوئی۔پھر وہ تیسری دفعہ آیا تو آپ نے کہا اسے اور
شہد پلاؤ۔لیکن ہر دفعہ وہ یہی شکایت لے کر آتا۔اس پر آپ نے فرمایا ”صَدَقَ اللَّهُ وَكَذَبَ
بَطْنُ أَحِيْكَ “ کہ اللہ تعالیٰ نے سچ فرمایا لیکن تیرے بھائی کے پیٹ نے جھوٹ بولا ہے۔اسے
شہد ہی پلاؤ۔(بخارى - كتاب الطب، باب الدواء بالعسل وقول الله تعالى فيه شفاء للناس)
پتہ نہیں کس صورت میں اس کو پلا رہے تھے بہر حال شہد پلاتے رہے اور آخر میں وہ
اللہ تعالیٰ کے فضل سے تندرست ہو گیا۔۔شہد بھی مختلف قسم کے ہیں اور مختلف بیماریوں کے لئے
بعض مختلف قسم کے شہد ہوتے ہیں۔پھر ایک نسخہ کا روایت میں یوں ذکر ملتا ہے کہ آپ صلی اللہ علیہ وسلم نے فرمایا کہ انجیر کھایا۔کرو۔پھلوں میں سے بڑا اچھا پھل ہے۔اگر میں یہ کہوں کہ جنت سے ایک پھل نازل ہوا ہے تو

خطبات مسرور جلد سوم
247
خطبہ جمعہ 15 اپریل 2005 ء
میں یہ کہوں گا کہ انجیر جنت سے آنے والا ایسا پھل ہے جس میں گٹھلی نہیں ہے۔پس اس کو کھاؤ
کیونکہ یہ بواسیر کے مرض کو دور کرتا ہے اور نقرس Gout) کے مرض میں بھی نفع بخشتا ہے۔(کنز العمال - كتاب الطب - الباب الاول - الفصل الاول التين من الاكمال – حديث نمبر 28280)
جن کو گاؤٹ کے مرض کی تکلیف ہوتی ہے اس کے لئے بھی اچھا ہے۔پھر ایک نسخے کا ذکر ہے کشمش کے بارے میں آتا ہے کہ اس کا استعمال کرنا چاہئے
کیونکہ یہ کڑواہٹ کو دور کرتا ہے، بلغم کو دور کرتا ہے ، اعصاب کو مضبوط کرتا ہے، لاغر پن کو دور کرتا
ہے ، اخلاق کو عمدہ کرتا ہے۔دل کو فرحت بخشتا ہے اور غم کو دور کرتا ہے۔(كنز العمال - كتاب الطب الباب الاول - الفصل الاول - الزبيب حديث نمبر 28265)
اس بارے میں بھی بڑے لوگوں نے تجربہ کیا ہے۔بعضوں نے عرق گلاب میں ڈبو کر
کشمش کھائی ہے اور جن کے دل کی نالیاں بند تھیں اور ڈاکٹر بائی پاس آپریشن تجویز کر رہے تھے وہ
اللہ کے فضل سے کھل گئیں۔اس تجربے کوکئی لوگوں نے مجھے بتایا ہے۔پھر زیتون کے بارے میں آتا ہے کہ اس کی مالش کیا کرو کیونکہ اس میں جذام سمیت
ستر امراض کے لئے شفا ہے۔کھایا بھی کرو۔(كنز العمال - كتاب الطب - الباب الاول - الفصل الاوّل اشياء متفرقة حديث نمبر 28299)
حضرت عائشہ رضی اللہ تعالیٰ عنہا سے روایت ہے کہ مریض کو اور غمزدہ افراد کو شہد اور
آئے سے تیار کردہ پتلی کھیر کھلانے کا آپ کہا کرتی تھیں کہ میں نے رسول اللہ صلی اللہ علیہ وسلم
سے سنا ہے کہ یہ ( کھیر ) مریض کے دل کو فرحت بخشتی ہے اور اس کا کچھ غم دور کر دیتی ہے۔( بخارى كتاب الطب، باب التلبينة للمريض)
پھر کھجور کے بارے میں فرمایا کہ یہ بھی کھانی چاہئے۔قولنج کو دور کرتا ہے۔(كنز العمال - كتاب الطب الباب الاوّل - الفصل الأوّل التمر حديث نمبر 28195)
غرض بے انتہا نسخے ہیں۔ایک اور میں یہاں بھی بیان کر دیتا ہوں۔فرمایا کہ گائے کا دودھ پینا چاہئے کیونکہ یہ دوا

خطبات مسرور جلد سوم
248
خطبہ جمعہ 15 اپریل 2005 ء
ہے اور اس کی چربی اور مکھن میں شفا ہے اور تمہیں اس کا گوشت کھانے سے اجتناب کرنا چاہئے کہ
اس کے گوشت میں ایک قسم کی بیماری ہے۔(كنز العمال - كتاب الطب - الباب الاول - الفصل الاول - اللبن حديث نمبر 28210)
تو یہ بات اب ثابت شدہ ہے کہ گائے کا گوشت زیادہ کھانے والوں میں بعض قسم کی
بیماریاں آجاتی ہیں۔مثلاً جن مریضوں کو یورک ایسڈ ہو، گاؤٹ کی تکلیف ہو ان کو ڈاکٹر منع کرتے
ہیں کہ گائے کا گوشت نہ کھائیں۔پھر بعض اور بیماریاں ہیں۔یہ بھی ہوسکتا ہے، کسی خاص مریض کو
کسی خاص بیماری کی وجہ سے نصیحت فرمائی ہو، شاید وہاں گائے کے گوشت کا زیادہ استعمال ہوتا
ہو۔پھر بلڈ پریشر کے مریضوں
کو بھی اور دل کے مریضوں کو بھی ڈاکٹر گائے کا گوشت کھانے سے
منع کرتے ہیں۔تو دیکھیں آج سے چودہ سو سال پہلے آپ نے یہ ساری باتیں بتا دیں جو آج کل
کی ریسرچ میں پتہ لگ رہی ہیں۔( جہاں تک چربی کا سوال ہے یہ ابھی واضح نہیں ہے کہ اس میں
کیا اس کی خصوصیات ہیں۔کوئی نیوٹریشنسٹ (Nutritionist) ہی بتا سکتے ہیں۔اگر کسی کو پتہ
ہو کہ گائے کی چربی کا کیا فائدہ ہوتا ہے اور کہاں کی خاص چربی ہے جس سے جسم کو فائدہ ہوتا ہے۔اگر کوئی ایسے ماہر ہوں جن کے علم میں ہو تو مجھے بھی بتا ئیں۔اور اگر علم میں نہیں ہے تو اس کا علم
حاصل کرنے کی کوشش کریں۔جیسا کہ آپ نے فرمایا ہے اور ایک گائیڈ لائن دی ہے۔) تو جیسا
کہ میں نے کہا بے انتہا نسخے ہیں جو آپ علاج کے وقت تجویز فرمایا کرتے تھے۔اب تو ان کو
بیان کرنے کا وقت بھی نہیں۔یہ سب کچھ صرف اس وجہ سے تھا کہ مخلوق سے آپ کو بے انتہا
محبت، پیار اور ہمدردی تھی۔آپ کا دل اس ہمدردی سے بھرا ہوا تھا۔جس کی وجہ سے آپ ہر وقت
اس فکر میں رہتے تھے کہ کس طرح میں اللہ تعالیٰ کی مخلوق
کو فائدہ پہنچاؤں۔اللہ تعالیٰ کے ہزاروں ہزار درودوسلام ہوں اس نبی پاک صلی اللہ علیہ وسلم پر۔اللہ تعالیٰ
ہمیں بھی اس اسوہ پر چلنے کی اور ان نصیحتوں پر عمل کرنے کی توفیق عطا فرمائے جس سے ہم بھی اس
کی مخلوق کی خدمت کی تو فیق پاسکیں۔

آج 10 میں سے 10 باقی