حضرت مسیح موعودؑ کے ذریعہ بیعت کرنے والوں میں ایک عظیم انقلاب

خطبہ جمعہ 27 /جنوری 2006ء
51
4
خطبات مسرور جلد چهارم
حضرت مسیح موعود علیہ السلام کی آمد اور جماعت کے قیام کے بعد
زلازل اور طوفانوں اور آفات ارضی و سماوی کی کثرت پیشگوئیوں
کے عین مطابق ہے
فرمودہ مورخہ 27 جنوری 2006 ء ( 27 صلح 1385 ھش ) بیت الفتوح ، لندن
تشہد وتعوذ اور سورۃ فاتحہ کی تلاوت کے بعد حضور ایدہ اللہ تعالیٰ بنصرہ العزیز نے درج ذیل آیت
قرآنی کی تلاوت فرمائی:
وَمَا كَانَ رَبُّكَ لِيُهْلِكَ الْقُرى بِظُلْمٍ وَاهْلُهَا مُصْلِحُوْنَ ﴾ ( ہود آیت 118)
قادیان کے سفر پر جانے سے پہلے مجھے ایک احمدی کا خط ملا کہ آپ جلسے پر قادیان جا رہے ہیں،
اللہ تعالیٰ یہ سفر ہر لحاظ سے مبارک کرے لیکن یہ دعا بھی کریں کہ اس سال ان دنوں میں کوئی آسمانی آفت
کوئی تباہی یا زلزلہ وغیرہ نہ آئے۔یہ ڈر شاید لکھنے والے کا اس لئے تھا کہ گزشتہ دو سالوں میں یعنی 2003 ء
میں بھی اور 2004ء میں بھی عین انہیں دنوں میں جب قادیان کا جلسہ ہورہا ہوتا ہے اس کی گہما گہمی ہوتی
ہے دو مسلمان ملکوں میں زلزلے کی وجہ سے بڑی تباہی آئی۔ایک جگہ ہزاروں اور دوسری جگہ لاکھوں لوگوں
کی جانیں ضائع ہوئیں اور وہ لقمہ اجل بنے۔2003ء میں ایران میں زلزلہ آیا تھا اور 2004ء میں
انہیں دنوں میں انڈونیشیا میں جو سب سے بڑا اسلامی ملک سونامی (Tsunami) آیا جس نے بہت زیادہ
نقصان کیا۔اس کا نقصان کئی اور ملکوں اور ساتھ کے ہمسایہ جزیروں میں بھی ہوا۔پھر 8 اکتوبر 2005 ء کو
پاکستان کے شمالی علاقہ جات میں اور خاص طور پر کشمیر میں انتہائی خوفناک زلزلے کی وجہ سے تباہی پھیلی۔اس میں ہلاک ہونے والوں کی تعداد تقریباً 87 ہزار بتائی جاتی ہے۔لیکن بعض کہتے ہیں اس سے بھی زیادہ
تھی۔خبروں سے پتہ لگتا ہے کہ صحیح اندازے، صحیح اعداد و شمار تو ابھی تک معلوم نہیں ہوئے، یا بتانا نہیں
kh5-030425

خطبات مسرور جلد چهارم
52
خطبہ جمعہ 27 /جنوری 2006 ء
چاہتے۔بہر حال جو بھی تعداد ہے ایک بڑے وسیع علاقے میں بڑی تباہی آئی تھی اور کئی دیہات صفحہ ہستی
سے مٹ گئے۔جہاں جہاں تباہی آئی ہے، جو بچے ان کی آباد کاری کے لئے بھی ایک بڑا لمبا عرصہ درکار
ہے۔حکومتوں کی انٹر نیشنل ایجنسیز جو مدد کرتی ہیں، ان کے علاوہ کئی این جی اوز بھی کام کر رہے ہیں۔شروع میں انہوں نے بہت کام کیا لیکن کیونکہ لمبا عرصہ کام کرنا پڑ رہا تھا، اپنے وسائل نہ ہونے کی وجہ سے
کئی تو بیچ میں چھوڑ کر چلی گئیں اور لوگ بیچارے موسم کی شدت کی وجہ سے اور عارضی رہائش، خیموں وغیرہ
کی وجہ سے سردی کا شکار بھی ہورہے ہیں، بیماری کا شکار ہو رہے ہیں۔ایک خبر کے مطابق برف باری اور
بارشوں کی وجہ سے اب مزید ہزاروں موتوں کا خطرہ ہے۔ہم تو دعا کرتے ہیں کہ اللہ تعالیٰ رحم فرمائے۔جماعت ہیومینیٹی فرسٹ (Humanity First) کے ذریعہ سے جو ایک مدد کرنے کا ادارہ ہے جس
میں بہت بڑا بلکہ 99 فیصد حصہ جماعت کے افراد کا ہے۔جو مد تھی چاہے وہ رقم کی تھی یا کپڑوں لباس یا
دوسروی اشیاء کی مد تھی اس علاقے میں انسانیت کی خدمت کر رہی ہے۔پہلے حکومت نے ان کو تھوڑا سا
کام دیا تھا لیکن اب حکومت کی وہاں خواہش تھی اور انہوں نے زیادہ ذمہ داری ڈال دی ہے کہ ایک نیورو
سینٹر قائم کیا جائے جس میں ہیومینٹی فرسٹ ان کی مدد کرے۔بہر حال اپنے وسائل کے لحاظ سے جس حد
تک ہوسکتا ہے کریں گے کیونکہ زلزلے میں جو نقصان پہنچا، جو صدمے لوگوں کو پہنچے اس کی وجہ سے اعصابی
بیماریوں کے افراد بھی بہت زیادہ ہیں۔پھر 2005ء میں ہی امریکہ میں سمندری طوفان کی وجہ سے ایک بہت بڑی تباہی آئی ، پھر اور ملکوں
میں سیلابوں وغیرہ کے ذریعہ سے تباہیاں آئیں، ویانا وغیرہ میں بھی، ان جگہوں پر بھی ہیومینیٹی فرسٹ
نے بہت کام کیا ہے۔اور جہاں بھی کام کیا احمدی کیونکہ بڑا لگ کر کام کرتا ہے ان کے کام کو سراہا گیا تو
بہر حال انسانیت کے رشتے کے ناطے یہ ہمارا فرض بنتا ہے کہ خدمت انسا نیت کریں اور اس کے لئے کسی
سے ہمیں اجر نہیں لینایہ تو ہمارے فرائض سے تعلق رکھنے والی بات ہے، فرائض میں شامل ہے۔کئی احمدی ان تباہیوں اور زلزلوں کو دیکھ کر یہ بھی سوال کرتے ہیں، لکھتے ہیں کہ اس زلزلے میں تو کئی
معصوم جانیں بھی ضائع ہو گئیں اور بعض احمدی کہتے ہیں اگر یہ عذاب تھا تو جو لوگ شرارتی تھے، ظالم تھے
ان پر آنا چاہئے تھا معصوم بچے عورتیں کیوں اس کا شکار ہو گئیں۔اس قسم کے سوالات حضرت مسیح موعود علیہ
الصلوۃ والسلام سے بھی اُس زمانے میں کئے گئے تھے جب زلزلے آئے تھے۔خاص طور پر جب 1905 ء
میں کانگڑہ کا زلزلہ آیا یا اور دوسری آفات دوسرے ملکوں میں آئیں، امریکہ وغیرہ میں بھی۔حضرت مسیح
موعود علیہ الصلوۃ والسلام نے ان آفات پر اٹھنے والے سوالات کے جواب دیئے ہوئے ہیں۔لیکن حضرت
مسیح موعود کے حوالے سے جواب دینے سے پہلے گزشتہ سال جو زلزلہ پاکستان اور کشمیر میں آیا اس پر مختلف
پاکستانی اخباروں میں علماء کی جو آراء اور بیانات آئے ہیں اور وہ مجھے اکٹھے کر کے دئے گئے ہیں ( پہلے بھی
kh5-030425

خطبات مسرور جلد چهارم
53
خطبہ جمعہ 27 / جنوری 2006 ء
قسم کی ملک میں آفات آتی رہی ہیں ان پر لوگ لکھتے رہے ہیں ) وہ میں آپ کو بتاؤں گا۔اس
سے پتہ چل جائے گا کہ عام طور پر مسلمانوں کی اور ملک کی جو حالت ہے اس پر یہ علماء کیا رائے دیتے
ہیں، قطع نظر اس کے کہ ان کے اپنے عمل کیا ہیں۔اس حالیہ زلزلے کے بارے میں بعض سوال جیسا کہ
میں نے کہا اخباروں نے اٹھائے اور ملک کے غیر از جماعت علماء کے سامنے رکھے۔روز نامہ پاکستان کی ایک خصوصی اشاعت شائع ہوئی تھی اس میں وہ لکھتا ہے کہ حالیہ تباہ کن
زلزلے نے ہر طرف تباہی پھیلا دی ہے، ہر طرف سے چیخوں اور سکیوں کی آوازیں آ رہی ہیں۔ہنستے
بستے گھرانے نیست و نابود ہو گئے ہیں۔جہاں کل تک قہقہے بلند ہوتے تھے وہاں موت کا گھمبیر سناٹا طاری
ہو چکا ہے۔انسانیت بلبلا رہی ہے، آدمیت ماتم کر رہی ہے، الفاظ مرثیوں کا روپ دھار چکے ہیں۔آنکھوں کے آنسو تمام تر بہہ چکے اور چہروں کے رنگ اڑ چکے ہیں۔لکھتا ہے کہ شدید ترین زلزلے نے
جہاں بہت جانی اور مالی نقصان کیا وہاں بہت سے سوالات تبھی پیدا کر دیئے ہیں۔کیا سوال پیدا کئے ؟
کہتے ہیں کہ کیا یہ ہمارے اعمال کی سزا ہے؟ کیا یہ ہماری آزمائش ہے، اگر یہ آزمائش تھی تو پھر ایک ہی
علاقے میں کیوں، اعمال کی سزا ہے تو معصوم لوگ کیوں ہلاک ہوئے؟ کیا یہ زلزلہ حضرت عیسی کی آمد کی
نشانی ہے؟ تو انہوں نے مختلف علماء کو دعوت دی کہ ان کے جواب دیں تو اس فورم میں جو لوگ آئے اور جو
بیان دیئے ان میں سے چند ایک میں یہاں رکھتا ہوں۔سابق صوبائی وزیر مذہبی امور اوقاف زکوۃ وعشر ، ڈاکٹر مفتی غلام سرور قادری، ایک معروف اسلامی
سکالر ہیں ، افسوس کرتے ہوئے کہتے ہیں کہ حالیہ زلزلہ اللہ تعالیٰ کی طرف سے ایک عبرتناک ، بہت بڑی
تنبیہ، ایک بہت بڑا سبق ہے۔عوام، سیاستدان علماء و حکمران اس سے سبق سیکھیں۔عوام کے لئے تو اس
لئے کہ ان میں اکثریت ان لوگوں کی ہے جو مسلمان ہو کر کلمہ پڑھ کر اپنی حرکتوں سے اسلام اور کلمہ کو بدنام
کرنے میں کوئی کسر نہیں چھوڑتے۔نہ حقوق اللہ کی فکر کرتے ہیں اور نہ ہی انسانی حقوق کا احساس کرتے
ہیں، اور جو کلمہ پڑھنے والے اور اس کو سمجھنے والے اور اس کا فہم و ادراک رکھنے والے ہیں ان کو تو انہوں نے
ویسے ہی خارج کر دیا ہے۔پھر آگے لکھتے ہیں کہ علماء کے لئے زلزلہ لمحہ فکریہ ہے کہ جو آپس میں اتحاد و اتفاق کی فضا پیدا کر کے
ملک کو قرآن وسنت کے نظام کا گہوارہ بنانے کی بجائے فرقہ وارانہ تعصب پھیلاتے ، ایک دوسرے کو کافرو
مشرک قرار دیتے ہیں۔یہاں تک کہ ان میں بعض فرقوں کے لوگ مذہبی جنون میں اس حد تک مبتلا ہو
جاتے ہیں کہ مخالف فرقے کے افراد کے قتل جیسے بدترین گناہ کو بھی ثواب تک ٹھہرا لیتے ہیں۔حکمرانوں
کے لئے یہ نا گہانی آفت عبرت ولمحہ فکر یہ ہے کہ حکمرانوں نے حصول پاکستان کا مقصد بھلا ڈالا اور انہیں
عوام کی تکلیفوں کا احساس تک نہیں رہا۔انہیں اقتدار کا تحفظ تو عزیز ہے مگر عوام کی جان و مال ، عزت و آبرو
کا تحفظ عزیز نہیں ہے۔kh5-030425

خطبات مسرور جلد چهارم
54
خطبہ جمعہ 27 / جنوری 2006 ء
پھر ایک اور سکالر، شرعی عدالت کے مشیر خصوصی حافظ صلاح الدین یوسف کہتے ہیں کہ زلزلہ تازیانہ
عبرت تھا ہمیں اس سے اپنی اصلاح کر لینی چاہئے۔جب کفر و طغیان بڑھ جائے تو اللہ تعالیٰ کی طرف سے
تنبیہ ضرور آتی ہے۔باقی یہ کہنا کہ معصوم لوگ کیوں ہلاک ہوئے تو حدیث میں رسول پاک صلی اللہ علیہ
وسلم نے فرمایا کہ جب اللہ تعالیٰ کی گرفت آئے گی تو سبھی پکڑے جائیں گے، سبھی تباہ ہوں گے۔صحابہ
کرام نے پوچھا نیک لوگ بھی تباہ ہوں گے؟ تو آپ نے فرمایا ہاں نیک لوگ بھی۔ان کے ہوتے ہوئے
بھی عذاب آ سکتا ہے۔البتہ قیامت کے دن ان کی نیتوں اور اعمال کے مطابق بدلہ ملے گا۔اللہ تعالیٰ
مالک ہے وہ کبھی دے کر آزماتا ہے کبھی واپس لے کر آزماتا ہے، زندہ کرنا اور مارنا اس کی قدرت میں
ایک نظام ہے اس تباہ کن زلزلے نے بھی جسے چاہا ہلاک کردیا اور جس کو چاہا بچا دیا۔میں اس کی خوشنودی
کی خواہش رکھنی چاہئے اور اس کے احکامات کی تعمیل میں لگے رہنا چاہئے۔اس زلزلے کو حضرت عیسی کی
آمد کی نشانی قرار نہیں دیا جا سکتا۔بہر حال اتنا ہی کافی ہے کہ ہر طبقے کی بد اعمالیوں
کو تسلیم کر لیا اور خود بھی ان میں شامل ہیں۔حکومت
میں شامل جو ہوئے۔باقی یہ نشانی ہے یا نہیں یہ تو میں آگے جا کے حضرت مسیح موعود علیہ السلام کے حوالوں
سے بتاؤں گا۔پھر آگے لکھتے ہیں ہمیں اس ناگہانی آفت میں اپنے مالک کی طرف لوٹنا چاہئے اور متاثرین
کی امداد میں بھی سرگرم ہونا چاہئے۔اور سرگرم اگر ہے تو وہ آج بھی جماعت احمد یہ ہے ان میں سے تو
اکثریت چھوڑ کر چلے گئے ہیں۔پھر ان کے ایک سکالر حافظ محمد ادریس صاحب ہیں، وہ لکھتے ہیں کہ رسول پاک صلی اللہ علیہ وسلم نے
فرمایا جب مال غنیمت کو ذاتی سرمایہ بنالیا جائے ، امانتوں کو مال غنیمت جان کر ہضم کر لیا جائے ، گانے
بجانے والیوں کی تعداد میں اضافہ ہو جائے ، شراب اور جو عام ہو جائے ، امانتیں نا اہل لوگوں کے سپر د کر
دی جائیں، مسجدوں سے آواز میں اونچی ہونے لگیں، (یعنی ان کی مسجدوں سے ہی آواز میں اونچی ہوتی
ہیں جو لڑائی جھگڑے، فساد قتل و غارت کرتے ہیں)۔تو لوگوں کو زلزلوں کا انتظار کرنا چاہئے۔کہتے ہیں
کہ یہ زلزلہ بھی ہماری کوتاہیوں اور نا فرمانیوں کی وجہ سے آیا ہے ہمیں اس سے سبق حاصل کرنا چاہئے۔اور
پھر وہی کہ حضرت عیسی سے کوئی تعلق نہیں۔کہتے ہیں کہ زلزلہ قدرت کی طرف سے ایک وارننگ ہے تا کہ
ہم اپنے رویے تبدیل کر لیں اور اپنے مالک کی طرف رجوع کرلیں۔تو اگر حقیقت میں خالص ہو کر مالک کی طرف رجوع کریں گے اور رویے تبدیل کریں گے ، ہر قسم
کے تعصب سے پاک ہو کر اللہ تعالیٰ کی طرف جھکیں گے تو اللہ تعالیٰ ان لوگوں کو خود بتا دے گا اور جس کا
اعلان بھی ہو چکا ہے کہ "یارو جو مرد آنے کو تھا وہ تو آچکا۔kh5-030425

خطبات مسرور جلد چهارم
55
خطبہ جمعہ 27 /جنوری 2006 ء
پھر یہ لکھتے ہیں کہ ہماری انفرادی اور اجتماعی زندگی اللہ تعالیٰ اور اس کے رسول سے دوری کی زندگی
بن چکی ہے۔تو تب بھی نہیں سمجھ رہے۔باتیں تو صحیح کر رہے ہیں لیکن نتیجے غلط نکال رہے ہیں۔اگر مسیح
موعود علیہ الصلوۃ والسلام کے ساتھ نہیں چمٹیں گے آنے والے مسیح کے ساتھ نہیں چمٹیں گے تو یہ دوری تو
بڑھتی جائے گی کیونکہ اللہ کے رسول کے حکم کی پابندی نہیں کر رہے۔پھر کہتے ہیں کہ وہ تمام علامات جو
زلزلوں کی آمد کی بتائی گئی ہیں وہ آج ہمارے معاشرے میں موجود ہیں۔پھر عبدالغفار روپڑی صاحب ہیں وہ کہتے ہیں کہ جب تو میں نافرمانی میں حد سے بڑھ جائیں اور ظلم
وفسق کی انتہا ہو جائے تو سزا ملتی ہے۔پھر ایک پروفیسر عبدالرحمان صاحب لودھیانوی ہیں، کہتے ہیں کہ ارشاد باری ہے ہم ان لوگوں کو
بڑے عذاب یعنی قیامت کے آنے سے پہلے چھوٹے چھوٹے عذابوں میں مبتلا کریں گے تا کہ یہ دین کی
طرف لوٹ آئیں۔اس فرمان الہی کی روشنی میں کہہ سکتے ہیں کہ یہ زلزلہ ایک تنبیہ اور ایک وارننگ ہے کہ
اپنے اعمال ٹھیک کر لو۔عذاب اسی وقت آتا ہے جب قوم شرک و بدعت، کفر و طغیان میں بے حیائی اور خود
غرضی کا شکار ہو جائے۔جس مقام پر سونامی آیا وہاں بھی لوگ حدوں سے گزر چکے تھے۔اس زلزلے کو
قیامت کی دیگر علامات کی طرح علامت تو قرار دیا جا سکتا ہے مگر اس کو حتمی طور پر نزول عیسی کا پیش خیمہ قرار
نہیں دیا جا سکتا، یعنی علامت تو ہے لیکن حتمی بات نہیں ہوسکتی ، ابھی انتظار ہے۔پھر کہتے ہیں کہ آنحضرت صلی اللہ علیہ وسلم نے حدیث میں قیامت کی بعض علامات بیان فرمائی ہیں
ان کے ظہور کا مطلب یہ نہیں کہ قیامت عنقریب آنے والی ہے۔ان میں سے بعض ظاہر ہو چکی ہیں ، مثلاً
والدین کی نافرمانی ، بلند و بالا عمارات کی تعمیر وغیرہ۔پھر کہتے ہیں کہ زلزلے کے اسباب میں حکومت کی نام
نہاد روشن خیالی کی تعلیم اور عوام کی اسلامی تعلیمات سے روگردانی ہے۔پھر کہتے ہیں کہ زلزلے میں مبتلا
ہونے کے اسباب کا اندازہ ہم بنی اسرائیل پر آنے والے عذابوں سے لگا سکتے ہیں یا رسول پاک صلی اللہ
علیہ وسلم کی اس حدیث کے مطابق کہ جب تباہی ہوگی تو بُروں کے ساتھ سبھی ہلاک ہوں گے مگر قیامت
کے روز ان کی نیتوں یا اعمال کے مطابق سلوک ہوگا۔ہمیں اس زلزلے پر غور و فکر کے ساتھ ساتھ اس کے
متاثرین کی امداد پر توجہ دینی چاہئے۔پھر ایک شیعہ عالم ہیں حافظ کاظم رضا ، وہ کہتے ہیں کہ آج پاکستان کا ہر فرد اس زلزلے سے متاثر ہو
چکا ہے یہ سانحہ مسلمانوں کے لئے تنبیہ ہے تاکہ بندے اپنے خالق کے راستے پر چل پڑیں۔سب سے
پہلے ہدایت کا راستہ اپنا ئیں جس مقصد کے لئے مخلوق کو خلق کیا۔انسان کو انسانیت کی منزل پر فائز رکھنے
کے لئے اچھے راستے کی ہدایت کی۔فطرت طبع کے مطابق انسان خواہشات کی پیروی کرتا ہے۔چنانچہ
انسان کو سیدھی راہ پر چلانے کے لئے انبیاء وصحائف بھیجے گئے۔جب بھی انسان راہ ہدایت سے ہٹنے لگا تو
kh5-030425

خطبات مسرور جلد چهارم
56
56
خطبہ جمعہ 27 /جنوری 2006ء
وہ تباہ ہو گیا۔قوم عاد، قوم ثمود اور قوم لوط کے قصے قرآن پاک میں موجود ہیں کہ کس کس طرح قوموں کو
نیست و نابود کر دیا گیا۔ظلم کرنا ہی ظلم نہیں، ظلم پر خاموشی بھی ظلم ہے۔برائی کو دیکھ کر برائی سے نہ روکنا بھی
جرم ہے۔ہم اسلامی تعلیمات سے دور ہو رہے ہیں۔فتنہ فساد عام ہے۔چنانچہ قدرت کی طرف سے
وارننگ اور آزمائش کے طور پر زلزلے آفات وغیرہ آتی ہیں۔معصوم لوگوں کی ہلاکت قدرت کی طرف
سے ظلم نہیں۔یہ زلزلہ انسان کے لئے تنبیہ تھا تا کہ مسلمان راہ ہدایت پر قائم رہیں۔اس کے بعد پھر وہی
حضرت عیسی کا ذکر اور وہی باتیں۔پھر کہتے ہیں امام مہدی کے ظہور کی علامتوں میں بھی برائی کا زور وشور
ہے۔یعنی برائی پھیلے گی یہ بھی علامت ہے۔اس لئے اس زلزلے کو بھی ان کی آمد کی نشانیوں میں سے ایک
قرار دے سکتے ہیں۔تنبیہ اور وارنگ کے باوجود لوگوں میں برائی پھیلتی چلی گئی۔تو پھر جب حد ہو جائے گی
تو امام مہدی کا ظہور ہوگا۔گویا ابھی حد نہیں ہوئی۔پھر حافظ عبدالمنان صاحب کہتے ہیں کہ یہ ہماری کوتاہیوں اور غفلتوں کا نتیجہ تھا۔اس میں ہلاک
ہونے والے معصوم لوگوں کی وفات پر ہمیں افسوس ہے مگر ان کی ہلاکت ہمارے لئے ایک سبق ہے کہ
جب اللہ تعالیٰ کی طرف سے وقت آ جاتا ہے تو پھر کسی کو بھی بچنے کی مہلت نہیں ملتی۔ہمیں اس زلزلے کے
بعد اپنے رویوں کو تبدیل کرنا چاہئے اور اپنے مالک کی طرف متوجہ ہونا چاہئے۔روزنامه پاکستان اشاعت خاص 14 اکتوبر 2005 ء )
اس کے علاوہ بھی بہت سارے علماء کے بیانات اس
سپیشل نمبر میں آئے تھے۔تو بہر حال یہ سب تسلیم کرتے ہیں کہ یہ برائیاں تھیں اور ہیں جن کی وجہ سے اللہ تعالیٰ نے یہ وارننگ
دی یا عذاب آیا۔لیکن اتنا ہی تسلیم کر لینا کافی نہیں ہے۔مسیح و مہدی کا ظہور تو ہو چکا ہے اور آنحضرت صلی
اللہ علیہ وسلم کا اس کو ماننے کا حکم بھی ہے دعوی کرنے والا بھی موجود ہے۔خدا تعالیٰ نے زمینی اور آسمانی
نشان بھی ظاہر فرما دیئے ہیں۔اب بھی اگر آنکھیں بند رکھنی ہیں تو پھر اللہ ہی لوگوں کو سمجھائے گا۔اور خود جو
عالم بنے ہوئے ہیں، قوم کو تو یہ سمجھارہے ہیں، ان کو خود بھی تو سمجھنا چاہئے۔قرآن کریم نے جو پیشگوئیاں
فرمائیں وہ پوری ہو گئیں پھر چاند اور سورج نے بھی گواہی دے دی۔تو اب اور مزید انتظار کے لئے رہ کیا
گیا ہے۔اور پھر یہیں تک نہیں جیسا کہ میں نے بتایا ہے کہ 1905ء سے یہ نشانات ظاہر ہورہے ہیں اور
دنیا کے کونے کونے میں ہو رہے ہیں۔1905ء میں کانگڑہ میں (ہندوستان میں ایک جگہ ہے ) وہاں بڑا
زبر دست زلزلہ آیا تھا۔قادیان تک بھی اس کا اثر آیا تھا۔تو یہ جو نشانات ظاہر ہورہے ہیں یہ مسلمانوں کے
لئے بھی وارننگ ہے اور غیر مسلموں کے لئے بھی وارننگ ہے۔سیلابوں کے ذریعہ سے ہسمندری طوفانوں
کے ذریعے سے اللہ تعالیٰ بار بار توجہ دلا رہا ہے۔اس بارہ میں جو اعداد وشمار پیش کئے گئے ہیں۔اس کے مطابق دنیا میں گزشتہ گیارہ سو سال میں جو بڑے
kh5-030425

خطبات مسرور جلد چهارم
57
خطبہ جمعہ 27 /جنوری 2006 ء
بڑے زلزلے آئے ہیں ، ان کی تعداد گیارہ ہے۔اور گزشتہ سو سال میں جو زلزلے آئے ہیں، بشمول 1905 ء کا
کانگڑہ کا زلزلہ ( جوان اعداد میں شامل نہیں کیا گیا لیکن میں نے اس کو شامل کیا ہے انکی تعداد 13 بنتی
ہے۔یہ وہ زلزلے ہیں جن میں 50 ہزار یا اس سے زائد اموات ہوئیں۔کانگڑہ کے زلزلے کو شامل نہیں
کرتے کیونکہ وہ انکے لحاظ سے 20-25 ہزار ہیں۔لیکن بعض پرانے اخباروں نے اس وقت 50-60 ہزار
بھی لکھا تھا۔بہر حال جو بھی اعداد تھے کیونکہ حضرت مسیح موعود علیہ الصلوۃ والسلام کے زمانے میں تھا اس
لئے میں نے اس کو شامل کیا ہے۔کیونکہ بعض اخباروں نے اس وقت 50-60 ہزار تعداد لکھی تھی۔میں نے ایک اور زاویے سے بھی دیکھا ہے کہ دنیا اپنے پیدا کرنے والے کو بھول رہی ہے اور اب
جونئی صدی میں داخل ہوئے ہیں یہ بھی بڑے دعووں سے داخل ہوئے ہیں۔دنیاوی ترقی کی ہی باتیں
ہیں، خدا کی طرف رجوع کرنے کی باتیں نہیں ہیں۔یہ کر دیں گے، وہ کر دیں گے اور پچھلی صدی کو جو
الوداع کہا گیا ہے وہ امیر ملکوں نے بڑے شور شرابے سے ہا ہو کر کے اس کو الوداع کیا۔بے تحاشار تمیں
خرچ کیں، کسی کو یہ احساس نہیں ہوا کہ غریب ملکوں کو کسی طرح پاؤں پر کھڑا کرنے کی کوشش کریں۔بڑی
بڑی نشانیاں بتا دیں کروڑوں روپے خرچ کر لئے ، پاؤنڈ ز خرچ کر لئے۔کروڑوں کیا بعض جگہ تو اربوں۔جیسا کہ میں نے کہانئی صدی کا استقبال بھی اس طرح ہوا کہ خدا تعالیٰ کا خانہ بالکل خالی ہے۔اور جو انسانی
ہاتھوں سے دنیا میں بے چینی اور تباہی گزشتہ سالوں میں آئی ہے وہ اس کے علاوہ ہے۔ایک جگہ کوائف
ملے تھے پچھلے سوسال میں تقریباً 33 ممالک میں مختلف تباہیوں میں 9 کروڑ 50 لاکھ آدمی موت کے شکار
ہوئے۔1900 ء سے لے کر 2000ءتک۔تو بہر حال جیسا کہ میں نے کہا کہ گزشتہ صدی کو بھی انہوں نے نہیں سمجھا۔ساڑھے 9 کروڑ اموات
کی کوئی قدر ان کے نزدیک نہیں تھی ، ان کو کسی نے نہیں دیکھا۔پھر بھی ان کے لئے امن پیدا کرنے کی کوشش ،
اللہ تعالیٰ کی طرف جھکنے کی کوشش نہیں کی اور اگلی صدی کے استقبال میں بھی وہ خانہ بالکل خالی رکھا۔تو یہ جو
زلزلے ہیں یہ تو اللہ تعالیٰ نے ہمیں جھنجھوڑا ہے۔قوموں کو جھنجھوڑا ہے، دنیا کو جھنجھوڑا ہے کہ ابھی بھی باز آ جاؤ۔میں نے ایک جائزہ لیا تھا کہ اس نئی صدی میں جب ہم داخل ہوئے ہیں تو کیا صورت حال ہوئی
ہے۔تو جنوری 2001ء میں یعنی پہلے سال میں ہی انڈیا میں ایک بڑا زلزلہ آیا۔تقریباً 79 ریکٹر
(Rechter) سکیل پر اس کا میگنی چیوڈ (Magnitude) تھا اور اس میں تقریباً 20 ہزار سے زائد آدمی
مرے۔پھر 2003 ء میں ایران کا زلزلہ آیا۔پھر سونامی آیا جس میں کہتے ہیں 2 لاکھ 83 ہزار موتیں ہوئیں۔پھر پاکستان میں آیا ( ساری میں نہیں گن رہا) تو یہ پانچ بڑی بڑی تباہیاں نئی صدی کے پہلے پانچ سالوں
میں آئی ہیں اور اندازہ ہے، ہمیں جائزہ لے رہاہوں کہ احمدیت کے سوسال پورے ہونے کے بعد 1989ء
kh5-030425

خطبات مسرور جلد چهارم
58
S9
خطبہ جمعہ 27 /جنوری 2006 ء
کے بعد بھی ان میں بہت زیادہ اضافہ ہوا ہے۔اگر انسان سوچے تو یہ جھنجھوڑنے کے لئے کافی ہے۔یہ
لوگوں کو، قوموں کو یاد دلانے کے لئے ہے کہ خدا کو پہچانو، آنے والے کی آواز پر کان دھرو۔ان گزشتہ
10-8 سالوں میں یا ہم کہہ سکتے ہیں احمدیت کے 100 سال پورے ہونے کے بعد سے حضرت مسیح موعود
علیہ الصلوۃ والسلام کی آواز تقریباً ہر جگہ پہنچ چکی ہے۔پھر میں نے ایک جائزہ لیا تھا کہ احمدیت کے
100 سال 1989 ء میں جو پورے ہوئے، پورے کو ائف تو نہیں ملے، مثلاً انڈیا کے ملے تھے۔صرف انڈیا
میں 1990 ء سے لے کر اب تک 6 بڑے زلزلے آئے ہیں جبکہ اس سے پہلے 1897 ء سے لے کر 1988 ء
یہ تقریباً 1 9 سال بنتے ہیں ، 12 زلزلے آئے تھے۔اور دنیا کے دوسرے ممالک اس کے علاوہ ہیں۔اب یہ سوچنے کا مقام ہے کہ کیا یہ اتفاقات ہیں یا تقدیر الہی ہے؟ یا لوگوں کو جھنجھوڑنے کے لئے تنبیہ ہے؟۔امریکہ میں جو سمندری طوفان قطرینہ آیا، بہت سے لکھنے والوں نے لکھا ہے کہ یہ ہمارے گناہوں کی
سزا ہے۔اس چیز کو وہ لوگ بھی تسلیم کرتے ہیں۔ایک چرچ کے ممبر نے لکھا کہ یہ طوفان ہمیں بتاتا ہے کہ
خدا کی ذات حقیقت ہے۔اب ایک خدا کی طرف بھی لوٹ رہے ہیں۔اور ہمیں یہ تسلیم کر لینا چاہئے کہ
گناہوں کے یہی نتائج ہیں۔اور بعض نے یہ بھی لکھا کہ ان گناہوں کی جگہوں پر یہ تو ایک طوفان آیا ہے
بلکہ ان کے نیچے سے زلزلے بھی آسکتے ہیں، ان کے نیچے سے آتش فشاں بھی پھٹ سکتے ہیں۔یہ تو سب
تسلیم کرتے ہیں کہ گناہوں کی سزا ہے اور ایک خدا کی پہچان کرنی چاہئے۔لیکن پھر چند دنوں بعد بھول
جاتے ہیں کہ خدا کوئی چیز ہے بھی یا نہیں خدا سب طاقتوں کا مالک ہے بھی یا نہیں۔آنحضرت صلی اللہ علیہ وسلم تمام دنیا کے لئے مبعوث ہوئے تھے اور اسی طرح آپ کا مسیح بھی تمام
دنیا کے لئے آیا ہے اللہ تعالیٰ نے بھیجا ہے۔اس لئے یہ طوفان، یہ زلزلے، یہ سیلاب، صرف ایک علاقے
کے لئے نہیں ہیں بلکہ تمام دنیا پر پھیلے ہوئے ہیں۔ہر قوم کو، ہر ملک کو یہ وارننگ دی جا رہی ہے تو اس لحاظ
سے ہمارا بھی فرض بنتا ہے کہ دنیا کو بتائیں کہ ان آفات سے نجات کا اب صرف ایک ہی ذریعہ ہے کہ خدا
کو پہچانو اور ظلم اور نا انصافیوں کو ختم کرو۔پاکستان کے دو کالم نگار لکھتے ہیں، ایک نے نوائے وقت میں 1992ء میں لکھا تھا، پرانا حوالہ ہے کہ
”ہمارے عقیدہ کے مطابق مختلف ادوار میں مختلف قوموں اور قبیلوں پر ان کی سرکشی اور گمراہی کی وجہ سے
اللہ تعالیٰ کا عذاب نازل ہوتا رہا ہے اور آئندہ بھی ہوتا رہے گا۔یہ عذاب زلزلے کی صورت میں ہو یا
سیلاب یا طوفان کی شکل میں یا پھر پلیگ (Plague) یا جنگ کے انداز میں۔عذاب بہر حال عذاب ہوتا
ہے۔پیغمبروں کا براہ راست اللہ تعالیٰ سے رابطہ اور واسطہ تھا۔وہ لوگوں کو خوشخبریاں بھی سناتے تھے اور
آنے والے عذاب سے بھی ڈراتے تھے۔کچھ لوگ راہ ہدایت اختیار کر کے دنیوی اور اخروی عذاب سے
kh5-030425

خطبات مسرور جلد چهارم
59
خطبہ جمعہ 27 / جنوری 2006 ء
بچ جاتے تھے اور نافرمان اور سرکش لوگ زمین کے پیٹ کی آگ کا ایندھن بن جاتے تھے“۔اثر چوہان۔روزنامہ نوائے وقت 16 ستمبر 1992 ء ص 4)
پھر ایک لکھنے والے اثر چوہان صاحب ہیں، پھر ایک مجیب الرحمن شامی صاحب ہیں۔کالم لکھتے ہیں
گو کہ ہمارے خلاف بھی لکھتے ہیں، بہر حال انہوں نے یہ بھی لکھا کہ پورا ملک سیلاب کی لپیٹ میں ہے
پانی ہے کہ بستیوں کو ویران کرتا چلا جا رہا ہے۔( یہ بھی 1992ء کا ہی ہے پرانا لکھا ہوا ہے لیکن اس سے ذرا
صورت واضح ہوتی ہے ) آزاد کشمیر اور پنجاب میں قیامت کا سماں ہے۔ہزاروں دیہات ڈوب چکے
ہیں۔لاکھوں ایکڑ پر کھڑی فصل تباہ ہو چکی ہے۔ہزاروں مکانات کھنڈر بن گئے ہیں۔جانی نقصان بھی
ہزاروں میں ہے ہلکی معیشت کو اربوں روپے کا نقصان اٹھانا پڑا ہے۔یہ سب تباہی پانی کی پیدا کردہ ہے
اس کا سبب پانی ہے۔پھر کہتے ہیں کہ پیدا کرنے والا اپنے فرائض سے سبکدوش نہیں ہوا۔اس نے ریٹائر منٹ
نہیں لی۔اس نے آنکھیں بند نہیں کیں۔اسے
اونگھ نہیں آتی۔بے خبری کی چادر اس نے نہیں اوڑھی۔اس
نے تو صرف یہ کیا ہے کہ وقت کی چند مٹھیاں چند انسانوں کو دے ڈالی ہیں۔ان کو عمل کی مہلت دے دی
ہے اور دیکھ رہا ہے کہ وہ اس مہلت کو کس طرح استعمال کرتے ہیں۔ایک باغی کے طور پر یا ایک فرمانبردار
کے انداز میں۔ایک خلیفہ کے طریقے سے یا ایک مطلق العنان بادشاہ کے لہجے میں۔دیکھنے والا دیکھتا ہے،
دیکھ رہا ہے کہ اس کے پانی ، اس کی ہواؤں، اس کی روشنی اور اس کی زمین کے ساتھ کیا کیا جا رہا ہے۔اللہ
کی نعمتوں کو ذاتی جائیداد بنا کر جھگڑا کرنے والے اس کے پیغام کو اس کی ہدایت کو جھٹلاتے ہیں۔اس کی
طرف بلانے والے کو جھوٹا قرار دیتے ہیں (ذرا غور کریں ) اس کے راستے پر چلنے کو ناممکن اور محال
بتاتے ہیں۔اس زمانے میں بلانے والا کون ہے اور اپنے آپ کو ان بے لگام خواہشات کو اپنا رب
بناتے ہیں تو پھر آواز گونجتی ہے کہ انہوں نے ہمارے بندہ کو جھوٹا قرار دیا اور کہا کہ یہ دیوانہ ہے اور وہ
بری طرح جھڑ کا گیا آخر کار اس نے اپنے رب کو پکارا کہ میں مغلوب ہو چکا اب تو ان سے انتقام
لے۔تب ہم نے موسلا دھار بارش سے آسمان کے دروازے کھول دیئے اور زمین کو پھاڑ کر چشموں
میں تبدیل کر دیا۔اور یہ سارا پانی اس کام یعنی تباہی کو پورا کرنے کے لئے مل گیا ، جو مقدر ہو چکا تھا۔(یہ قرآن شریف کی سورۃ القمر کی آیت کا حوالہ ہے) کہتے ہیں کہ یہ پانی جو ہماری زمینوں پر مل رہا
ہے، زمین کے اوپر رہنے والے لاکھوں افرادزمین کی تلاش میں مارے مارے پھر رہے ہیں، یہ کوئی
پیغام دے رہا ہے، کچھ کہہ رہا ہے، کسی کی موجودگی کا احساس دلا رہا ہے۔( روزنانہ جنگ 16 ستمبر 1992 ء صفحہ 4
لیکن ان کو خود احساس نہیں ہورہا۔تو یہ بھی ایک آسمانی آفت کی نشان دہی کر رہے ہیں۔اس کے
kh5-030425

خطبات مسرور جلد چهارم
60
خطبہ جمعہ 27 /جنوری 2006 ء
بارے میں بتا رہے ہیں ، بڑی اچھی بات کی جیسا کہ آیت انہوں نے لکھی ہے، کوٹ (quote) کی ہے۔تو
اس زمانے میں ہمیں تو ایک شخص ہی ایسا نظر آتا ہے جس نے اپنے رب سے دعا کی کہ میں مغلوب ہو گیا
میری مدد کر اور اللہ تعالیٰ نے مدد کے وعدے کئے۔اور پھر دیکھیں خدا تعالیٰ کی قہری تجلی ، 1905 ء سے ظاہر
ہونی شروع ہوئی ہے۔تو یہ کالم لکھنے والے بھی اور یہ کالم پڑھنے والے بھی اللہ تعالیٰ کے اس حکم پر نظر رکھیں
جس کو انہوں نے Quote کیا ہے۔اللہ تعالیٰ کے فضل سے یہ سب مسلمان کہلانے والے ہیں۔اس بات کو جانتے ہیں علم رکھنے والے
بھی ہیں، اللہ تعالیٰ تو فرماتا ہے کہ فَاعْتَبِرُوْا يَا اُولِى الابصار کہ پس اے سمجھ بوجھ رکھنے والو!
عبرت حاصل کرو۔تو اللہ کرے کہ اس بات کو یہ لوگ سمجھنے والے بھی بن جائیں۔اس آنے والے نے تو
دنیا کو سمجھایا اور آج بھی اس کی جماعت اللہ کے فضل سے دنیا میں پیغام پہنچا رہی ہے کہ ظالموں اور
نا انصافیوں کو بند کرو، لہو و لعب میں پڑنے کی بجائے اپنے خدا کو پہچانو کیونکہ اللہ نے تو واضح فرما دیا ہے کہ
فساد پھیلانے والے سرکش ہیں اور انہیں سزا ملتی ہے اور ملے گی۔پہلے بھی ملتی رہی ہے۔اللہ کے ساتھ
شریک ٹھہرانا بند کرو ورنہ پہلوں کا انجام بھی تمہارے سامنے ہے۔اپنے ماپ تول صحیح کرو، ایک دوسرے
سے حیح سلوک کرو ، تعلقات کو ٹھیک کرو، دنیا کے امن کو برباد نہ کرو۔اگر تم اپنے پیدا کرنے والے کو نہیں
پہچانو گے اور زمین میں ظلم اور فساد بند نہیں کرو گے تو پھر یہ آفات سامنے ہیں ، نظر آ رہی ہیں اور آتی رہی
ہیں۔اللہ تعالیٰ تو یونہی بستیاں تباہ نہیں کرتا۔یہ آیت جو میں نے پہلے پڑھی تھی اس میں تو اللہ تعالیٰ نے فرما
دیا ہے خود بھی اس بات کا بہت سارے مسلمان
علماء ذکر کر چکے ہیں۔آیت کا ترجمہ یہ ہے کہ اور تیرا رب
ایسا نہیں کہ بستیوں کو از راہ ظلم ہلاک کر دے جبکہ ان کے رہنے والے اصلاح کر رہے ہوں۔پس خاص طور
پر مسلمانوں کے لئے یہ سوچنے کا مقام ہے کہ جس نبی کے ماننے کا دعوی ہے کیا اس
کی تعلیم اور سنت پر عمل کر
رہے ہیں؟۔یہ علماء بھی جو اخباروں میں قوم کو توجہ دلا رہے ہیں کہ یہ ظلم و فساد پیدا نہ کرو خود اپنے گریبان
میں بھی جھانکیں۔کہیں ان کے قول و فعل میں تضاد تو نہیں۔بلکہ تضاد ہے، دنیا کو نظر آتا ہے اگر تضاد نہ ہوتا
تو امام وقت کو ان
کو ماننے کی توفیق ملتی۔اور ایسے ہی علماء جن کو ماننے کی توفیق نہیں مل رہی اور جو فساد پیدا کرتے ہیں ان کے بارے میں
آنحضرت صلی اللہ علیہ وسلم نے فرمایا تھا، حضرت علی بیان کرتے ہیں کہ آنحضرت صلی اللہ علیہ وسلم نے
فرمایا کہ عنقریب ایسا زمانے آئے گا کہ نام کے سوا اسلام کا کچھ باقی نہیں رہے گا۔الفاظ کے سوا قر آن کا
کچھ باقی نہیں رہے گا۔اس زمانے کے لوگوں کی مسجد میں بظاہر تو آباد نظر آئیں گی لیکن ہدایت سے خالی
ہوں گی۔ان کے علماء آسمان کے نیچے بسنے والی مخلوق میں سے بدترین مخلوق ہوں گے۔ان میں سے ہی
kh5-030425

خطبات مسرور جلد چهارم
61
خطبہ جمعہ 27 /جنوری 2006 ء
فتنے اٹھیں گے اور ان میں ہی لوٹ جائیں گے۔الفاظ یہ ہیں کہ عُلَمَاءُ هُمْ شَرُّ مَنْ تَحْتَ أَدِيْمِ
السَّمَاءِ مِنْ عِنْدِهِمْ تَخْرُجُ الْفِتْنَةُ وَفِيْهِمْ تَعُودُ۔(کنزالعمال،جلد اول، كتاب الفتن قسم الاول ص 20 حدیث نمبر 31133دار لكتب العلميه بيروت
بدترین مخلوق ہوں گے اور ان میں سے بھی فتنے اٹھیں گے۔اور ان میں ہی لوٹ جائیں گے۔یعنی
تمام خرابیوں کے یہی سر چشمے ہوں گے۔تو اللہ تعالیٰ ان لوگوں کو ہدایت دے کہ اپنے علماء کو بھی دیکھیں، ان کے قول و فعل
کو دیکھیں اپنی
اصلاح کی طرف توجہ کریں۔بہر حال جیسا کہ میں نے کہا تھا کہ ہمارے احمدیوں میں بھی بہت سارے
لکھنے والے یہ کہتے ہیں کہ معصوم جانیں کیوں ضائع ہوتی ہیں۔کچھ تو آپ نے سن لیا۔حضرت مسیح موعود علیہ الصلوۃ والسلام کے حوالے پیش کرتا ہوں۔حضرت مسیح موعود علیہ الصلوۃ
والسلام فرماتے ہیں کہ :
مکہ میں جب قحط پڑا تو اس میں بھی اوّل غریب لوگ ہی مرے۔لوگوں نے اعتراض کیا کہ
ابو جہل جو اس قدر مخالف ہے وہ کیوں نہیں مرا۔فرمایا: ” حالانکہ اس نے تو جنگ بدر میں مرنا تھا“۔اس کے لئے اللہ تعالیٰ نے ایک وقت رکھا ہوا تھا کس طرح اس نے مرنا ہے تا کہ لوگوں کے لئے نشان
بنے۔فرماتے ہیں کہ : ” یہ اللہ تعالیٰ کی طرف سے ایک ابتلاء ہوا کرتا ہے۔اور یہ اس کی عادت ہے
اور پھر اس کے علاوہ یہ اس کی مخلوق ہے۔اس کو ہر ایک نیک اور بد کا علم ہے۔سزا ہمیشہ مجرم کے
واسطے ہوا کرتی ہے۔غیر مجرم کے واسطے نہیں ہوتی۔بعض نیک بھی اس سے مرتے ہیں۔مگر وہ شہید
ہوتے ہیں اور ان کو بشارت ہوتی ہے اور رفتہ رفتہ سب کی نوبت آ جاتی ہے“۔( ملفوظات جلد دوم صفحہ 650 جدید ایڈیشن مطبوعہ ربوہ )
پھر ایک سوال ہوا کہ سان فرانسسکو میں جو زلزلہ آیا ہے، یہ بھی آپ کا نشان ہے۔آپ کی باتوں
سے لگتا ہے تو اس پر حضرت مسیح موعود نے فرمایا تھا کہ میں نے بھی یہ نہیں کہا کہ یہ تمام زلزلے جو سان
فرانسسکو وغیرہ مقامات میں آئے ہیں یہ محض میری تکذیب کی وجہ سے آئے ہیں۔کیونکہ اس زمانے میں
بعض جگہوں پر پیغام تو نہیں پہنچا ہو گا۔فرمایا کہ میں نے یہ نہیں کہا کہ یہ میری تکذیب کی وجہ سے آئے
ہیں، کسی اور امر کا اس میں دخل نہیں۔ہاں میں کہتا ہوں کہ میری تکذیب ان زلزلوں کے ظہور کا باعث
ہوئی ہے۔بات یہ ہے کہ خدا تعالیٰ کے تمام نبی اس بات پر متفق ہیں کہ عادت اللہ ہمیشہ سے اس طرح
پر جاری ہے کہ جب دنیا ہر ایک قسم کے گناہ کرتی ہے اور بہت سے گناہ ان کے جمع ہو جاتے ہیں۔تب اس
زمانے میں خدا اپنی طرف سے کسی کو مبعوث فرماتا ہے اور کوئی حصہ دنیا کا اس کی تکذیب کرتا ہے تب اس کا
مبعوث ہونا دوسرے شریر لوگوں کو سزا دینے کے لئے بھی جو پہلے مجرم ہو چکے ہیں ایک محرک ہو جاتا ہے۔kh5-030425

خطبات مسرور جلد چهارم
62
b
خطبہ جمعہ 27 /جنوری 2006 ء
اور جو شخص اپنے گزشتہ گناہوں کی سزا پاتا ہے اس کے لئے اس بات کا علم ضروری نہیں کہ اس زمانہ میں خدا
کی طرف سے کوئی نبی یا رسول بھی موجود ہے۔جیسا کہ اللہ تعالیٰ فرماتا ہے ﴿وَمَا كُنَّا مُعَذِّبِيْنَ حَتَّى
نَبْعَثَ رَسُوْلًا (بنی اسرائیل : 16)‘ کہ ہم کسی قوم پر عذاب نہیں بھیجتے جب تک ان کی طرف کوئی
رسول نہ بھیج دیں۔تو یہ علماء جو بحث کر رہے ہیں کہ عذاب تو آیا ہے لیکن یہ کہنا کہ حضرت عیسی کی آمد سے
اس کا کوئی تعلق ہے یہ غلط ہے۔ایک حصے کو تو تسلیم کر رہے ہیں، دلیل تو قرآن و حدیث سے بڑی اچھی
دے رہے ہیں لیکن قرآن کریم کی انگلی بات کو مانے کو تیار نہیں۔وہاں ان
کی روٹی پر اثر پڑتا ہے۔تو فرمایا کہ اس سے زیادہ میرا مطلب نہ تھا کہ ان زلزلوں کا موجب میری تکذیب ہو سکتی ہے۔یہی
قدیم سنت اللہ ہے جس سے کسی کو انکار نہیں ہو سکتا سو سان فرانسسکو وغیرہ مقامات کے رہنے والے جو
زلزلہ اور دوسری آفات سے ہلاک ہو گئے ہیں۔اگر چہ اصل سبب ان پر عذاب نازل ہونے کا ان کے
گزشتہ گناہ تھے مگر یہ زلزلے ان کو ہلاک کرنے والے میری سچائی کا ایک نشان تھے کیونکہ قدیم سنت اللہ
کے موافق شریر لوگ کسی رسول کے آنے کے وقت ہلاک کئے جاتے ہیں۔اور نیز اس وجہ سے کہ میں نے
براہین احمدیہ اور بہت سی کتابوں میں یہ خبر دی تھی کہ میرے زمانہ میں دنیا میں بہت سے غیر معمولی زلزلے
آئیں گئے اور وہ اعداد جو میں نے دیئے ہیں اس سے ثابت ہو گیا اور دوسری آفات بھی آئیں گی اور
ایک دنیا ان سے ہلاک ہو جائے گی۔پس اس میں کیا شک ہے کہ میری پیشگوئیوں کے بعد دنیا میں زلزلوں
اور دوسری آفات کا سلسلہ شروع ہو جانا میری سچائی کے لئے ایک نشان ہے۔یادر ہے کہ خدا کے رسول کی
خواہ کسی حصہ زمین میں تکذیب ہو مگر اس تکذیب کے وقت دوسرے مجرم بھی پکڑے جاتے ہیں جو اور
ملکوں کے رہنے والے ہیں جن کو اس رسول کی خبر بھی نہیں“۔تو اب تو خبر بھی دنیا میں ہر جگہ پہنچ چکی ہے
عموماً۔جیسا کہ نوح کے وقت میں ہوا کہ ایک قوم کی تکذیب سے دنیا پر عذاب آیا بلکہ پرند چرند و غیرہ بھی
اس عذاب سے باہر نہ رہے۔غرض عادت اللہ اسی طرح پر جاری ہے کہ جب کسی صادق کی حد سے زیادہ
تکذیب کی جائے یا اس کو ستایا جائے تو دنیا میں طرح طرح کی بلائیں آتی ہیں۔خدا تعالیٰ کی تمام کتابیں
یہی بیان فرماتی ہیں اور قرآن شریف بھی یہی فرماتا ہے۔خلاصہ کلام یہ کہ سنت اللہ اسی طرح پہ
جاری ہے کہ جب کوئی خدا کی طرف سے آتا ہے اور اس کی تکذیب کی جاتی ہے تو طرح طرح کی آفتیں
آسمان سے نازل ہوتی ہیں جن میں اکثر ایسے لوگ پکڑے جاتے ہیں جن کا اس تکذیب سے کچھ تعلق
نہیں۔پھر رفتہ رفتہ ائمۃ الکفر پکڑے جاتے ہیں اور سب سے آخر پر بڑے شریروں کا وقت آتا ہے۔اس
لئے باہر کوئی نہیں رہے گا۔فرمایا کہ اسی کی طرف اللہ تعالیٰ اس آیت میں اشارہ فرماتا ہے آنا نَاتِی
الْاَرْضَ نَنْقُصُهَا مِنْ أَطْرَافِهَا﴾ (الرعد :42) یعنی ہم آہستہ آہستہ زمین کی طرف آتے جاتے ہیں۔اس میرے بیان میں ان بعض نادانوں کے اعتراضات کا جواب آ گیا ہے جو کہتے ہیں کہ تکفیر تو مولویوں
kh5-030425

خطبات مسرور جلد چهارم
63
خطبہ جمعہ 27 /جنوری 2006 ء
نے کی تھی اور غریب آدمی طاعون سے مارے گئے۔اور کانگڑہ اور بھا گسو کے پہاڑ کے صدہا آدمی
زلزلے سے ہلاک ہو گئے۔ان کا کیا قصور تھا، انہوں نے کونسی تکذیب کی تھی۔سو یا در ہے کہ جب خدا
کے کسی مرسل کی تکذیب کی جاتی ہے خواہ وہ تکذیب کوئی خاص قوم کرے یا کسی خاص حصہ زمین میں
ہومگر خدا تعالیٰ کی غیرت عام عذاب نازل کرتی ہے اور آسمان سے عام طور پر بلائیں نازل ہوتی ہیں
اور اکثر ایسا ہوتا ہے کہ اصل شریر پیچھے سے پکڑے جاتے ہیں جو اصل مبدء فساد ہوتے ہیں۔جیسا کہ
ان قہری نشانوں سے جو موسیٰ نے فرعون کے سامنے دکھلائے ، فرعون کا کچھ نقصان نہ ہوا۔صرف
غریب مارے گئے۔یعنی و نشان تھے حضرت موسیٰ علیہ السلام کے۔لیکن آخر کا رخدا نے فرعون کو مع
اس کے لشکر کو ختم کر دیا۔یہ سنت اللہ ہے جس سے کوئی واقف کارا نکار نہیں کر سکتا۔(حقیقۃ الوحی روحانی خزائن جلد 22 صفحہ 167-164
پس یہ جو علماء کہتے ہیں کہ عذاب تو ہے لیکن مسیح کی آمد سے اس کا تعلق نہیں جیسا کہ میں نے پہلے کہا
قرآن کریم تو ان کی بات کو رد کرتا ہے۔قیامت کے روز قوم اللہ تعالیٰ سے سوال کرے گی کہ بگڑنے کی
پیشگوئیاں تو پوری ہو گئیں اور ہم انتظار میں رہے کہ مسیح و مہدی آئیں، یہ پیشگوئی پوری نہیں ہوئی اور
ہمارے علماء بھی انتظار کرواتے رہے اور بغیر مسیح و مہدی کو بھیجے تو نے ہم پر عذاب بھیج دیا۔یہ بھی تو سوال
اٹھنا چاہئے۔پس قوم کے لئے بھی سوچنے کا مقام ہے اور اگر علماء کی نیت نیک ہے تو ان کے لئے بھی
سوچنے کا مقام ہے۔پس اب چاہے مسلمان ممالک ہوں یا ایشیا کا کوئی ملک ہو یا افریقہ ہو یا جزائر ہوں یا یورپ ہے یا
امریکہ ہے۔حضرت مسیح موعود علیہ الصلواۃ والسلام کے دعوے کے بعد اگر اپنی حالتوں کو نہیں بدلیں گے تو
کوئی بھی محفوظ نہیں ہے۔اس بارہ میں حضرت مسیح موعود علیہ الصلوۃ والسلام فرما چکے ہیں کہ : ”اے یورپ ! تو بھی امن
میں نہیں اور اے ایشیا ! تو بھی محفوظ نہیں۔اور اے جزائر کے رہنے والو! کوئی مصنوعی خدا تمہاری مدد
نہیں کرے گا۔میں شہروں کو گرتے دیکھتا ہوں اور آبادیوں کو ویران پاتا ہوں۔وہ واحد یگانہ ایک
مدت تک خاموش رہا اور اس کی آنکھوں کے سامنے مکروہ کام کئے گئے اور وہ چپ رہا مگر اب وہ ہیبت
کے ساتھ اپنے چہرہ دکھلائے گا۔جس کے کان سننے کے ہوں سنے کہ وہ وقت دور نہیں“۔(حقیقۃ الوحی روحانی خزائن جلد 22 صفحہ 269)
پس جہاں یہ دنیا کے لئے انذار ہے ہمارے لئے بھی فکر کا مقام ہے کہ اپنے دلوں کو پاک کریں ہم
بھی کہیں ان لوگوں میں شامل نہ ہو جائیں اور ان لوگوں میں شامل ہو کر خدا کے حضور حاضر نہ ہوں جن کے
دامن پر کسی بھی قسم کا داغ ہو۔اور جیسا کہ میں نے پہلے بھی کہا تھا یہ بھی ہماری ذمہ داری ہے کہ خدا کے
kh5-030425

خطبات مسرور جلد چهارم
64
خطبہ جمعہ 27 /جنوری 2006ء
پیغام کولوگوں تک پہنچائیں۔اگر اب بھی ہم نے ہر ایک تک پیغام پہنچانے کی کوشش نہ کی تو علماء یا دوسرے
لوگ تو پرے ہٹ رہے ہیں یا علماء بگاڑ رہے ہیں یا لیڈر بگاڑ رہے ہیں۔انسانیت کے ساتھ ان کو کوئی
ہمدردی نہیں لیکن ہمارا بھی جو انسانیت کے ساتھ محبت اور ہمدردی کا دعویٰ ہے یہ صرف زبانی دعوئی
ہوگا۔پس دنیا کے ہر کونے میں، ہر احمدی کو، ہر شخص تک، ہر بگڑے ہوئے تک، یہ پیغام پہنچانا چاہئے کہ
اپنے پیدا کرنے والے خدا کے آگے جھکے اور اس کے حکموں پر عمل کرے۔اللہ سب کو اس کی توفیق دے۔حضرت مسیح موعود علیہ الصلوۃ والسلام کا ایک اور اقتباس پڑھتا ہوں۔آپ کہتے ہیں کہ :
اخبار میں چھاپ دو اور سب کو اطلاع کر دو کہ یہ بھی خدا تعالیٰ کے غضب کے دن ہیں۔اللہ تعالیٰ
نے کئی بار مجھے بذریعہ وحی فرمایا ہے کہ غَضِبْتُ غَضَبًا شَدِيدًا۔آجکل طاعون بہت بڑھتا جاتا ہے اور
چاروں طرف آگ لگی ہوئی ہے۔میں اپنی جماعت کے واسطے خدا تعالیٰ سے بہت دعا کرتا ہوں کہ وہ
اس کو بچائے رکھے۔مگر قرآن شریف سے یہ ثابت ہے کہ جب قہر الہی نازل ہوتا ہے تو بدوں کے
ساتھ نیک بھی لپیٹے جاتے ہیں اور پھر ان کا حشر اپنے اپنے اعمال کے مطابق ہوگا۔دیکھو حضرت نوح کا
طوفان سب پر پڑا اور ظاہر ہے کہ ہر ایک مرد عورت اور بچے کو اس سے پورے طور پر خبر نہ تھی کہ نوح کا
دعوئی اور ان کے دلائل کیا ہیں۔جہاد میں جو فتوحات ہوئیں یہ سب اسلام کی صداقت کے واسطے نشان
تھیں۔لیکن ہر ایک میں کفار کے ساتھ مسلمان بھی مارے گئے۔کافر جہنم کو گیا اور مسلمان شہید
کہلایا۔ایسا ہی طاعون ہماری صداقت کے واسطے ایک نشان ہے اور ممکن ہے اس میں ہماری جماعت
کے بعض آدمی بھی شہید ہوں۔ہم خدا تعالیٰ کے حضور دعا میں بہت مصروف ہیں کہ وہ اُن میں اور
غیروں میں تمیز قائم رکھے۔لیکن جماعت کے آدمیوں کو یا درکھنا چاہئے کہ صرف ہاتھ پر ہاتھ رکھنے سے
کچھ نہیں بنتا جب تک کہ ہماری تعلیم پر عمل نہ کیا جاوے۔سب سے اول حقوق اللہ کو ادا کرو، اپنے نفس کو
جذبات سے پاک رکھو۔اس کے بعد حقوق عباد کو ادا کرو اور اعمال صالحہ کو پورا کرو۔خدا تعالیٰ پر سچا
ایمان لاؤ اور تضرع کے ساتھ خدا تعالیٰ کے حضور میں دعا کرتے رہو اور کوئی دن ایسا نہ ہو جس دن تم
نے خدا تعالیٰ کے حضور رو کر دعا نہ کی ہو۔اس کے بعد اسباب ظاہری کی رعایت رکھو۔( ملفوظات جلد پنجم صفحہ 194-195 جدید ایڈیشن مطبوعہ ربوہ )
اللہ کرے کہ حضرت مسیح موعود علیہ الصلوۃ والسلام کی دعاؤں سے حصہ پاتے ہوئے آپ کی دعاؤں کے
طفیل ہم بھی اور ہماری آئندہ نسلوں میں بھی وہ تمیز قائم رہے جس سے ہمارے اور غیر میں فرق ظاہر ہوتار ہے۔kh5-030425

آج 10 میں سے 10 باقی