تحریک جدید کے نئے مالی سال کا اعلان
خطبہ جمعہ 03 /نومبر 2006 ء
549
(44)
خطبات مسرور جلد چهارم
تحریک جدید کے نئے مالی سال کا اعلان
فرمودہ مورخہ 03 نومبر 2006ء ( 03 / نبوت 1385 ھش ) بمقام مسجد بیت الفتوح، لندن
تشہد وتعوذ اور سورۃ فاتحہ کی تلاوت کے بعد حضور ایدہ اللہ تعالیٰ بنصرہ العزیز نے درج ذیل آیت کی
تلاوت فرمائی:
لَيْسَ عَلَيْكَ هُدَهُمْ وَلَكِنَّ اللَّهَ يَهْدِى مَنْ يَّشَاءُ وَمَا تُنْفِقُوا مِنْ خَيْرٍ فَلا نْفُسِكُمْ
وَمَا تُنْفِقُوْنَ إِلَّا ابْتِغَاءَ وَجْهِ اللَّهِ وَمَا تُنْفِقُوْا مِنْ خَيْرِ يُوَفَّ إِلَيْكُمْ وَأَنْتُمْ لَا تُظْلَمُوْنَ۔(البقرة : 273)
آج میں تحریک جدید کے نئے سال کا اعلان کرتے ہوئے مالی قربانی کے حوالے سے کچھ کہوں
گا۔آج عمومی طور پر جماعت اللہ تعالیٰ کے فضل سے حضرت مسیح موعود علیہ الصلوۃ والسلام کی بعثت کے
مقصد کو سمجھتے ہوئے خلفاء وقت کی آواز پر لبیک کہتے ہوئے اس قابل ہو گئی ہے جہاں وہ ہر قسم کی قربانی
کے فلسفے کو سمجھتی ہے۔آج اللہ تعالیٰ کے فضل سے افراد جماعت حضرت مسیح موعود علیہ الصلوۃ والسلام کو
ماننے کے بعد اس بات کا فہم حاصل کرنے کے قابل ہو گئے ہیں کہ الہی جماعتوں کی ترقی کے لئے جان،
مال ، وقت اور عزت کی قربانی انتہائی اہم ہے۔بعض سختیوں اور امتحانوں اور قربانیوں میں سے گزر کر ہی پھر
اس منزل کے آثار نظر آتے ہیں جس کے لئے اللہ تعالیٰ کا ایک مومن بندہ الہی جماعت میں شامل ہوتا
ہے۔قربانیوں کے معیار حاصل کرنے سے ہی اللہ تعالیٰ کی رضا حاصل ہوتی ہے۔پس یہ ہماری خوش قسمتی ہے کہ آج ہمیں اللہ تعالیٰ محض اور محض اپنے فضل سے اس بات کا موقع دے
رہا ہے کہ ہم فَاسْتَبِقُوا الْخَيْرَات کی روح کو سمجھتے ہوئے نیکی کے مواقع حاصل کرنے کی کوشش کرتے
ہیں اور کوشش کرنی چاہئے کیونکہ اللہ تعالیٰ نے ہمیں حکم دیا ہے کہ یہی تمہارا مطمح نظر ہونا چاہئے۔اگر
صالحین میں شمار ہونا ہے تو پھر کوشش کر کے ہی نیکیوں میں آگے بڑھنا ہوگا تبھی تم یہ مرتبہ پاسکتے ہو۔ہمیشہ
یا درکھو کہ جب اللہ تعالیٰ کے حضور حاضر ہو گے تو ان قربانیوں اور نیکیوں سے ہی اللہ کے فضل سے اللہ کا
kh5-030425
خطبات مسرور جلد چہارم
550
خطبہ جمعہ 03 نومبر 2006 ء
قرب پاؤ گے۔یہ مالی اور جان کی قربانیاں تمہاری فلاح کا ذریعہ بنیں گی۔پیشگی کی زندگی تمہیں ان
قربانیوں سے ہی حاصل ہو گی۔پس آج اللہ تعالیٰ کے حکموں کا یہ ادراک اللہ تعالیٰ کے فضل سے اگر
حاصل ہے تو حضرت مسیح موعود علیہ الصلوۃ والسلام کی جماعت کو حاصل ہے۔آج دین کی خاطر اگر وقت کی
قربانی کوئی دے رہا ہے تو وہ احمدی ہے۔آج دین کی خاطر اگر اولاد کی قربانی کوئی دے رہا ہے تو وہ احمدی
ہے۔آج دین کی خاطر اگر مال کی قربانی کوئی دے رہا ہے تو وہ احمدی ہے۔آج دین کی خاطر اُس روح کو
سمجھتے ہوئے اور اُس تعلیم پر عمل کرتے ہوئے جس کی طرف ہمیں زمانے کے امام نے توجہ دلائی ہے اور
اس راستے پر ڈالا ہے اور دین پر مضبوطی سے قائم کیا ہے، کوئی جان کی قربانی دے رہا ہے تو وہ احمدی ہے۔پس یہ ہماری کتنی خوش قسمتی ہے کہ آج اللہ تعالیٰ نے ہمیں آخرین کے گروہ میں شامل کر کے ان پہلوں سے
ملایا ہے جو دین کی خاطر عظیم قربانیاں دیتے چلے گئے۔ہمارا بھی فرض بنتا ہے کہ ہم اپنی حالتوں پر ہر وقت نظر رکھتے ہوئے ان پہلوں کی قربانی کو ہر وقت
سامنے رکھیں جنہوں نے اپنا سب کچھ اللہ تعالیٰ کی خاطر قربان کر دیا۔تبھی ہم اللہ تعالیٰ کے وعدوں کے
مطابق ان فضلوں کے وارث ٹھہریں گے، اس کا قرب پائیں گے، اپنی دنیا و آخرت سنواریں گے
اور آگے اپنے بچوں کی ہدایت کے سامان پیدا کریں گے۔پس آج ہم سب جو یہ قربانیاں کرنے کی کوشش
کر رہے ہیں کہ خدا تعالیٰ کی رضا حاصل کریں یا حاصل کر سکیں تو اب ہمیں اپنی ہر قربانی کو خدا تعالیٰ کے
حکموں کے تابع کرنے کی کوشش کرنی چاہئے۔اس بات کو سمجھنے کی کوشش کرنی چاہئے کہ اللہ تعالیٰ ہم سے
کیا چاہتا ہے۔اگر ہم نے اس بات کو نہ سمجھا کہ اللہ تعالیٰ ہم سے کیا چاہتا ہے تو ہمارا یہ دعویٰ بالکل کھوکھلا
دعوی ہے کہ آج ہم ہر قسم کی قربانیوں کا فہم وادراک رکھتے ہیں یا یہ کہ صرف احمدی کو یہ فہم حاصل ہے اور
احمدی کی قربانی کا کوئی مقابلہ نہیں کر سکتا۔دنیا میں دوسرے مسلمان بھی قربانیاں کرتے ہیں یا یہ کہنا چاہئے کہ دوسروں کے لئے اپنا مال خرچ
کرتے ہیں، غریبوں کی مدد کرتے ہیں۔لوگوں کی ہمدردی اور ان کی مدد کے لئے انہوں نے ادارے بھی
کھولے ہوئے ہیں۔عیسائیوں نے ، یہودیوں نے اور دوسرے مذہب والوں نے بڑی بڑی تنظیمیں بنائی
ہوئی ہیں جہاں وہ غریبوں کی مدد کرتے ہیں اور بہت کرتے ہیں۔لیکن اس سب خدمت اور ہمدردی کے
پیچھے وہ جذ بہ نہیں ہے کہ خدا کی رضا حاصل کرنی ہے۔اللہ تعالیٰ کا حکم ہے اس لئے یہ سب خدمت کرنی
ہے۔عارضی طور پر متاثر ہو کر کسی چیریٹی میں مدد تو کر دیں گے۔لیکن یہ جذ بہ نہیں کہ اللہ کا حکم ہے اس لئے
مدد کرنی ہے یا اللہ کے نام کو دنیا میں پھیلانے کے لئے خرچ کرنا ہے۔اللہ کی مخلوق کی خدمت اللہ تعالیٰ کی
رضا حاصل کرنے کے لئے کرنی ہے۔بعض لوگ دولت بھی ایسے ذرائع سے کماتے ہیں جو کسی لحاظ سے بھی
جائز نہیں ہے۔ان کے دولت کمانے کے ذریعے ناجائز ذریعے ہوتے ہیں لیکن اپنی کمپنیوں کے بجٹ میں
kh5-030425
خطبات مسرور جلد چهارم
551
خطبہ جمعہ 03 نومبر 2006 ء
چیریٹی کے لئے بھی کچھ رقم مختص کر دیتے ہیں تاکہ حکومت کے ٹیکسوں سے چھوٹ مل جائے۔تو یہ سب
قربانیاں جو کی جا رہی ہوتی ہیں یا ان کے خیال میں جو قربانیاں کی جا رہی ہوتی ہیں یہ عارضی اور سطحی اور
اکثر اوقات دنیا دکھاوے کے لئے بھی ہوتی ہیں۔لیکن ایک احمدی کی جو قربانی ہے اور جو ہونی چاہئے اس کا مقصد جیسا کہ میں نے کہا، اللہ تعالیٰ کی
رضا حاصل کرنا ہے اور اللہ تعالیٰ کی مخلوق کی خدمت کرنا ہے اور اس لئے ہے کہ اللہ تعالیٰ کا حکم ہے کہ یہ
کرو۔اللہ تعالیٰ نے ایک مومن کی یہ ذمہ داری قرار دی ہے کہ وہ بنی نوع انسان کی خدمت کرے اور اگر
مالی قربانی کر رہا ہے تو وہ بھی جائز ذرائع سے کمائی ہوئی آمد سے کرے۔اللہ تعالیٰ فرماتا ہے وَمَا تُنْفِقُوْا مِنْ خَيْرٍ فَلَانْفُسِكُمْ یعنی جو کچھ بھی تم اپنے اچھے مال میں سے
خرچ کرتے ہو وہ تمہیں فائدہ دے گا، وہ تمہارے فائدہ کے لئے ہے۔اللہ تعالیٰ نے خیر کا لفظ استعمال
کر کے ہمیں یہ توجہ دلا دی ہے کہ تم جو مالی قربانیاں کرو، ایک تو یہ کہ محنت سے اور جائز ذرائع سے کمائے
ہوئے مال میں سے کرو، یہ نہیں کہ شراب کی دکانوں پر کام کر کے یا سؤر بیچنے والی دکانوں پر کام کر کے یا پھر
کوئی ایسا کام کر کے جو غیر قانونی ہو، پیسہ کما کر اس پر چندہ دے دو یا جس طرح نا جائز منافع خور کرتے ہیں
کہ نا جائز پیسہ کما کر تھوڑی سی رقم غریبوں پر خرچ کر دی یا حج کر لیا اور سمجھ لیا کہ پیسہ پاک ہو گیا۔اللہ تعالیٰ
فرماتا ہے کہ مجھے ایسا پیسہ نہیں چاہئے۔اللہ کی راہ میں جو تم خرچ کرو اس میں خیر ہونی چاہئے۔وہ جائز ہونا
چاہئے اور پھر تم جو یہ جائزہ پیسہ کما رہے ہو اس پر چندہ بھی اپنی حیثیت کے مطابق ہی دو، یہ نہیں کہ آمد تو لاکھ
روپے ہے اور چندہ دس روپے دیے دیا اور سمجھ لیا کہ میں نے قربانی کا حق ادا کر دیا۔اللہ تعالیٰ فرماتا ہے کہ مجھے رقم کی ضرورت نہیں ہے، میں غنی ہوں۔اس قربانی کے ذریعے سے میں
تمہیں آزمارہا ہوں کیونکہ یہ سب تمہارے ہی فائدے کے لئے ہے۔پس یہ جو فر مایا فَلا نَفُسِكُم - قربانی
کرتے ہوئے یہ فقرہ تمہارے ذہن میں رہنا چاہئے اور جب یہ سوچ ہوگی تو اپنے آپ کو خوش قسمت سمجھو کہ
تم اس حکم پر چل رہے ہو کہ وَمَا تُنْفِقُوْنَ إِلَّا ابْتِغَاءَ وَجْهِ الله کہ تم اللہ کی رضا جوئی کے سوا کچھ خرچ نہیں
کرتے اور جو اللہ کی رضا کے لئے خرچ کرتا ہے اس کے بارے میں فرمایا تُوَفَّ إِلَيْكُم وہ بھر پور طریقے
سے تمہیں لوٹایا جائے گا۔اللہ تعالیٰ ادھار نہیں رکھتا، تمہاری بھلائی کے لئے تم سے قرض مانگتا ہے تو سات سو
گنا کر کے تمہیں واپس لوٹاتا ہے۔لیکن یاد رکھو کہ اللہ تعالیٰ سے کچھ چھپایا نہیں جا سکتا، وہ ہر چیز کا علم رکھتا
ہے۔پاک مال ہوگا، اس کی رضا کے حاصل کرنے کے لئے ہو گا تو بڑھا کر لوٹایا جائے گا۔ناجائز مال اور
دھو کے سے یا غلط طریقے سے کمائے ہوئے مال کی اللہ تعالیٰ کو ضرورت نہیں ، وہ اس کو قبول نہیں کرے گا۔یہ اللہ تعالیٰ کا احمدیوں پر بڑا احسان ہے کہ ہر احمدی مالی قربانی کرتا ہے اور اللہ تعالیٰ کی رضا حاصل
کرنے کے لئے کرتا ہے اور اس کا نیک ذرائع سے ہی کمایا ہوا مال ہوتا ہے۔بعض دفعہ بعض لوگ غلط فہمی
kh5-030425
552
خطبہ جمعہ 03 نومبر 2006ء
خطبات مسرور جلد چهارم
میں بعض کام کر جاتے ہیں لیکن عموماً نیک مال کی اور قربانی کی قبولیت کی تصدیق بھی فوری ہو جاتی ہے۔میں جانتا ہوں بعض زمیندار ہیں وہ اپنا چندہ عام بھی دیتے ہیں اور پوری شرح سے بلکہ شاید زائد
دے دیتے ہیں کیونکہ پہلے بجٹ لکھوا دیتے ہیں، تحریک جدید وغیرہ میں بھی اس امید پر بڑھ چڑھ کر حصہ
لیتے ہیں کہ فصل یا باغ کی آمد ہو جائے گی اور بظاہر ایسی آمد والی فصل نہیں ہوتی لیکن اللہ تعالیٰ برکت ڈال
دیتا ہے۔وہ اپنے وعدے بڑھا کر لکھوا رہے ہوتے ہیں اور بسا اوقات ایسا ہوتا ہے کہ احمدی زمیندار کی
فصل ساتھ والے ہمسایوں سے بہت اچھی ہوتی ہے، بہت بہتر ہوتی ہے۔مجھے کئی زمینداروں نے اپنے
واقعات سنائے ہیں، غیر آ کر پوچھتے ہیں کہ تمہاری فصل بظاہر ہمارے جیسی تھی ، کیا وجہ ہے کہ ایسی اچھی نکل
آئی ہے تو احمدی زمیندار کا یہی جواب ہوتا ہے کہ کیونکہ اس میں اللہ کا حصہ ہے اس لئے بہتر نکل آئی ہے۔اس لئے ہم اللہ تعالیٰ کی راہ میں جو خرچ کر رہے ہیں وہ اپنے وعدے کے مطابق اُسے بہتر کر کے ہمیں
لوٹا رہا ہے۔اسی طرح کا روبار میں اللہ تعالیٰ برکت ڈال دیتا ہے۔جو چندہ دینے والے ہیں ان کے
کاروباروں میں بہت برکت ہوتی ہے۔تو اللہ تعالیٰ جو یہ نمونے ہمیں دکھاتا ہے تو یہ دکھا کر اپنے بندوں
کے ایمانوں کو مضبوط کرتا ہے اور اس یقین پر قائم کرتا ہے کہ یہاں جو اس طرح انعامات ہو رہے ہیں تو
اگلے جہان کے بارے میں جو انعامات کی نوید سنائی ہے وہ بھی غلط نہیں ہے وہ بھی یقینا سچی ہے۔آج پرانے احمدی خاندانوں میں سے بہت سے اس بات کے گواہ ہیں کہ ان کے باپ دادا نے جو
قربانیاں دی تھیں اللہ تعالیٰ نے ان کی اولادوں کو کتنا نوازا ہے بعض بزرگوں کی قربانیاں تو پھلوں سے اس
قدر لدی ہوئی ہیں کہ اولادوں کے لئے انہیں سنبھالنا مشکل ہے۔جن کو اس بات کا پتہ ہے یا ادراک ہے
کہ یہ فضل ان قربانیوں کا نتیجہ ہیں وہ پھر اللہ سے سودا کرتے ہیں اور بڑھ چڑھ کر مالی قربانی پیش کرتے
ہیں۔تو یہ ہیں اللہ تعالیٰ کے ساتھ سو دے کہ وہ سات سو گنا بلکہ اس سے بھی زیادہ بڑھا دیتا ہے۔آنحضرت صلی اللہ علیہ وسلم کے زمانے میں آپ کی قوت قدسیہ سے جو انقلاب آیا اور صحابہ نے
اللہ کی رضا حاصل کرنے کے لئے جان، مال کی جو قربانیاں کیں وہ ہمیں آپ کے غلام صادق کی جماعت
میں بھی نظر آتی ہیں۔حضرت مسیح موعود علیہ الصلوۃ والسلام کے زمانے میں بھی جب ضرورت پڑی، کسی نے اپنے بیٹے کے
کفن کی رقم چندے میں بھیج دی، کسی نے اپنی پس انداز کی ہوئی تمام رقم دینی ضروریات کے لئے چندہ میں
دے دی، کسی نے اپنی تمام آمد اللہ تعالیٰ کے مسیح کے قدموں میں لا کر ڈال دی یہاں تک کہ حضرت مسیح موعود
علیہ الصلوۃ والسلام کو کہنا پڑا کہ بس آپ لوگ بہت قربانیاں کر چکے ہیں، کافی ہیں ، مزید کی ضرورت نہیں۔پھر حضرت مسیح موعود علیہ الصلوۃ والسلام کی وفات کے بعد خلفاء کی طرف سے جب بھی کوئی تحریک
kh5-030425
553
خطبہ جمعہ 03 نومبر 2006ء
خطبات مسرور جلد چهارم
ہوئی افراد جماعت نے اللہ تعالیٰ کی رضا حاصل کرنے کے لئے مالی قربانیوں کے اعلیٰ معیار قائم کئے۔ابھی کل ہی مجھے ایک دوست کا خط ملا ہے کہ میں سوچ رہا تھا کہ تحریک جدید کا نیا سال شروع ہونے
والا ہے، میں اپنا وعدہ تین ہزار روپے لکھواؤں اور بیوی بچوں کی طرف سے اور بزرگوں کی طرف سے ملا
کے میں اس سال اس کو بڑھا کر پانچ ہزار کر دیتا ہوں۔تو کہتے ہیں خیال آیا کہ ادا کس طرح ہوگا ؟ لیکن
میں نے یہ ارادہ کر لیا تھا کہ میں نے بہر حال اللہ کی توفیق سے انشاء اللہ، اتنا ہی یعنی پانچ ہزار روپے کا
وعدہ لکھوانا ہے۔کہتے ہیں اتنے میں ایک صاحب آئے اور ایک لفافہ مجھے دے گئے ، کھولا تو اس میں تین
ہزار روپے تھے، کسی نے عید کے تھنے کے لئے بھیجے تھے۔تو کہتے ہیں میں اس بات پر اللہ تعالیٰ کا شکر کر رہا
تھا کہ ابھی تو سوچا ہی تھا کہ بڑھانا ہے تو اللہ تعالیٰ نے نواز دیا۔اسی دوران پھر ایک اور صاحب آئے ، ایک
لفافہ آیا جس میں پانچ ہزار روپے تھے، باہر سے کسی دوست نے ان کو تحفہ بھیجا تھا۔تو کہتے ہیں کہ میں نے
سوچا کہ ابھی تو میں نے ارادہ ہی کیا ہے کہ وعدہ بڑھانا ہے اور اللہ تعالیٰ کے فضلوں کی بارش شروع ہو گئی
ہے۔تو اللہ تعالیٰ جس طرح اس نے فرمایا ہے بھر پور کر کے لوٹاتا ہے تو انہوں نے کہا چلو جب اس طرح آ
رہا ہے تو وعدہ ہی پانچ ہزار کی بجائے دس ہزار کر دو اور پھر اپنی بیوی سے کہا کہ میں نے تو یہ وعدہ کیا تھا اور
اللہ تعالیٰ کا یہ سلوک شروع ہوا ہے، تمہارا کیا ارادہ ہے؟ بیوی نے بھی اپنا وعدہ بڑھایا کہ میرا بھی اتنا لکھوا
دیں۔میں ان کو ذاتی طور پر بھی جانتا ہوں ان کے ذرائع ایسے نہیں ہیں کہ آسانی سے اتنا دے سکیں لیکن
کیونکہ اللہ تعالیٰ کی باتوں کا فہم و ادراک ہے، حضرت مسیح موعود علیہ الصلوۃ والسلام کی سچائی پر یقین ہے،
دین کی ضرورت کا خیال ہے، خلافت احمدیہ کو اللہ تعالیٰ کے انعاموں میں سے ایک انعام سمجھتے ہیں، اس
لئے بے خوف ہو کر یہ قدم اٹھایا۔اللہ تعالیٰ ان کے اور ایسے بہت سے دوسرے لوگوں کے اموال ونفوس
میں بے انتہا برکت عطا فرمائے۔اللہ تعالیٰ ان قربانیوں کو کبھی ضائع نہیں کرتا۔مالی جائزہ پیش کرنے کے سے پہلے میں ایک بات کی طرف توجہ دلانی چاہتا ہوں۔حضرت خلیفۃ
المسیح الثانی مصلح موعود رضی اللہ تعالیٰ عنہ نے جب تحریک جدید کا آغا ز فرمایا تو اس وقت بھی اور اس کے بعد
بھی مختلف سالوں میں اس تحریک جدید کے بارے میں جماعت کی رہنمائی فرماتے رہے کہ اس کے کیا
مقاصد ہیں اور کس طرح ہم ان مقاصد کو حاصل کر سکتے ہیں۔اس وقت شروع میں آپ نے جماعت کے
سامنے 19 مطالبات رکھے اور پھر بعد میں مزید بھی رکھے۔یہ تمام مطالبات ایسے ہیں جو تربیت اور روحانی
ترقی اور قربانی کے معیار بڑھانے کے لئے بہت ضروری ہیں اور آج بھی اہم ہیں ، جماعتوں کو اس طرف
بھی توجہ دینی چاہئے۔مثلاً پہلا مطالبہ سادہ زندگی کا ہے۔آج جب مادیت کی دوڑ پہلے سے بہت زیادہ ہے اس طرف
kh5-030425
خطبات مسرور جلد چهارم
554
خطبہ جمعہ 03 نومبر 2006ء
احمدیوں کو بہت زیادہ توجہ دینے کی ضرورت ہے۔کیونکہ سادگی اختیار کر کے ہی دین کی ضروریات کی خاطر
قربانی دی جا سکتی ہے۔بعض لوگوں کو بلاضرورت گھروں میں بے تحاشا مہنگی سجاوٹیں کرنے کا شوق ہوتا ہے،
سجاوٹ تو ہونی چاہئے ، صفائی بھی ہونی چاہئے، خوبصورتی بھی ہونی چاہئے لیکن بعض لوگوں کا خیال ہے کہ
سجاوٹ صرف مہنگی چیزوں سے ہی ہوتی ہے۔تو بہت سارے ایسے بھی ہیں جو پیسے جوڑتے ہیں تا کہ سجانے کی
فلاں مہنگی چیز خریدی جائے، بجائے اس کے کہ یہ پیسے جوڑیں کہ فلاں کام کے لئے چندہ دیا جائے۔پھر
شادیوں ، بیاہوں پر فضول خرچیاں ہوتی ہیں۔اگر یہی رقم بچائی جائے تو بعض غریبوں کی شادیاں ہوسکتی ہیں،
مساجد کی تعمیر میں دیا جا سکتا ہے، اور کاموں میں دیا جا سکتا ہے مختلف تحریکات میں دیا جا سکتا ہے۔پھر آپ نے اس وقت ایک یہ مطالبہ بھی کیا کہ دشمن کے گندے لٹریچر کا جواب تیار کیا جائے۔آجکل
اسلام پر ، آنحضرت صلی اللہ علیہ وسلم پر حملے ہورہے ہیں۔اکثر ملکوں میں خدام الاحمدیہ کے ذریعہ سے
مجلس سلطان القلم اچھی آرگنا ئز ہے، لیکن ابھی بھی اس میں بہتری کی گنجائش ہے۔پھر آجکل مغربی
معاشرے میں نام نہا د صوفی ازم بہت چلا ہوا ہے اس سے متاثر ہو کر مغرب میں نوجوان غلط راہوں پر چل
پڑے ہیں۔مغربی معاشرے میں خدا تعالیٰ کی ذات کو بھی بہت نشانہ بنایا جا رہا ہے۔پچھلے دنوں کسی نے
ایک کتاب بھی لکھی جو کرسمس سے پہلے آئی اور یہاں کی بہترین کتاب بیسٹ سیلر (Best Seller) کتاب
کہلاتی ہے، اس میں بھی اللہ تعالیٰ کے وجود کی نفی اور اللہ تعالیٰ کی ذات کی نفی کرنے کی کوشش کی گئی ہے۔خدا تعالیٰ کے وجود سے انکار بھی یہاں مغرب میں فیشن بنتا جا رہا ہے۔تو جماعتی پروگرام کے تحت بھی اور
ذیلی تنظیموں کو بھی اس چیز پر نظر رکھنے کی کوشش کرنی چاہئے تا کہ اپنے بچے، لڑکے، نوجوان بچیاں ان
چیزوں سے متاثر نہ ہوں۔اس کے جواب کے پروگرام بنا ئیں۔صرف یہ کہنا کہ نہیں ، فضول ہے اس کی
بجائے با قاعدہ دلیل کے ساتھ جواب تیار ہونے چاہئیں۔جو مختلف سوال اٹھ رہے ہیں وہ یہاں مرکز میں
بھی بھجوائیں، مجھے بھی بھجوائیں تا کہ ان کے ٹھوس جواب بھی تیار کئے جائیں۔پھر ایک مطالبہ وقف عارضی کا ہے اس طرف بھی توجہ کی ضرورت ہے۔باہر کی دنیا میں (باہر سے مراد
یورپ اور مغربی ممالک، افریقہ وغیرہ) اگر آرگنائز کر کے اس مطالبے پر سارے نظام پر کام کیا جائے تو اپنوں کی
تربیت کے لحاظ سے بھی اور تبلیغ کے لحاظ سے بھی بہت بہتری پیدا ہوگی ، جماعتیں اس طرف بھی توجہ کریں۔پھر وقف بعد از ریٹائر منٹ ہے۔ان مغربی ممالک میں بھی جماعتی ضروریات بڑھ رہی ہیں اور
یہاں کیونکہ حکومت کی طرف سے، اداروں کی طرف سے سہولتیں ملتی ہیں اس لئے جو احمدی ریٹائرمنٹ
کے بعد یہ سہولیات لے رہے ہیں ان کو اپنے آپ کو جماعتی خدمات کے لئے پیش کرنا چاہئے۔جماعت
سے مالی مطالبہ نہ ہو کیونکہ ان کی ضروریات تو ان سہولتوں سے جو وہ حکومت سے یا اداروں سے لے رہے
kh5-030425
خطبات مسرور جلد چهارم
555
خطبہ جمعہ 03 نومبر 2006ء
ہیں یا پنشن وغیرہ سے جو رقم ملی ہے اس سے پوری ہو رہی ہیں۔بعض لوگ تو ریٹائر منٹ کے بعد دوبارہ کام
تلاش کرتے ہیں کیونکہ بعض ایسی ذمہ داریاں ہوتی ہیں جن کو پورا کرنا ہوتا ہے، بچے وغیرہ ابھی پڑھ رہے
ہوتے ہیں۔تو بہر حال جن کی ذمہ داریاں ایسی نہیں ہیں اور اگر صحت اچھی ہے تو ان کو اپنے آپ کو جماعتی
خدمات کے لئے رضا کارانہ طور پر پیش کرنا چاہئے۔لیکن بعض دفعہ ذہنوں میں یہ بات آ جاتی ہے کہ شاید
ہم رضا کارانہ کام کر کے جماعت پر کوئی احسان کر رہے ہیں، تو اگر اپنے آپ کو پیش کرنا ہو تو اس سوچ کے
ساتھ آئیں کہ اگر ہم سے کوئی جماعتی خدمت لے لی جائے تو جماعت اور خدا تعالیٰ کا ہم پر احسان ہوگا۔ایک مطالبہ نو جوانوں کا بیکاری کی عادت ختم کرنے کا تھا۔یہ بھی بڑی خطرناک بیماری ہے اور بڑھتی
جا رہی ہے۔پاکستان میں بعض بے کار نوجوان اس لئے بے کار ہیں کہ یا تو ان کے جو رشتہ دار،
والدین، بھائی وغیرہ باہر ہیں وہ باہر سے رقم بھیج دیتے ہیں اس لئے ذمہ داری کا احساس نہیں۔یا اس امید
پر بیٹھے ہیں کہ باہر جانا ہے۔اب باہر جانا بھی اتنا آسان نہیں رہا، ان لوگوں کو بھی غلط امیدوں پر نہیں بیٹھنا
چاہئے۔اور جو آتے ہیں ان کے بھی یہاں اتنی آسانی سے کیس پاس نہیں ہوتے۔اس لئے بلا وجہ وقت
ضائع نہیں کرنا چاہئے اور دھوکے میں نہ رہیں۔اپنے نفس کو دھوکہ نہ دیں اور اپنے آپ کو
سنبھالیں۔جماعت اور ذیلی تنظیموں کو بھی اس بارے میں معین پروگرام بنانا چاہئے اور نو جوانوں کو سنبھالنا
چاہئے۔یہ لوگ جو فارغ بیٹھے ہیں، فارغ بیٹھے یہ مطالبے کر رہے ہوتے ہیں کہ ہمارا کسی طرح باہر جانے
کا انتظام ہو جائے ، بعض لڑکوں کے ماں باپ لکھ رہے ہوتے ہیں کہ ہمارے حالات خراب ہیں باہر بلوا
لیں۔باہر بلوانا کون سا آسان ہے۔یا ہماری شادی باہر کروا دیں یا جو بھی ذریعہ ہو۔اور ایسے لوگوں میں
سے جب کسی کی شادی یہاں ہو جاتی ہے اور یہاں آ جاتے ہیں تو جب ان ملکوں میں ان کا Stay پکا ہو جاتا
ہے تو پھر بیویوں پر ظلم کرنے شروع کر دیتے ہیں یا چھوڑ دیتے ہیں۔یہ بھی ایک غلط رو خاص طور پر
پاکستان میں اور ہندوستان میں چل پڑی ہے۔ایسے نوجوانوں کو میں کہتا ہوں کہ اپنے ملک میں محنت کی
عادت ڈالیں اور محنت کر کے کھائیں۔اس دوران میں اگر باہر کا کوئی انتظام ہو جاتا ہے تو ٹھیک ہے لیکن
صرف اس لئے ہاتھ پہ ہاتھ رکھ کے بیٹھے رہنا کہ باہر جانا ہے، اس سے بہت ساری غلط قسم کی عادتیں پیدا
ہو جاتی ہیں اور بہت ساری برائیاں پیدا ہو جاتی ہیں اور پھر وہ برائیاں معاشرے میں ، اس ماحول میں پھیلتی
شروع ہو جاتی ہیں۔اسی طرح بعض ایسے ہیں جو یہاں آ کر بھی ہنر نہیں سیکھتے ، زبان نہیں سیکھتے ، اور ذراسی کوئی تکلیف ہو
جائے تو بیماری کا بہانہ کر کے گھر بیٹھ جاتے ہیں۔کیونکہ مد دل جاتی ہے اس لئے کام نہیں کرتے۔بیکاری
کی عادت کے خلاف ایسی مہم یہاں بھی چلانے کی بہت ضرورت ہے۔بہر حال یہ چند مطالبات میں نے بیان کئے ہیں، جماعتیں اپنے حالات کے مطابق جائزہ لیں اور
kh5-030425
556
خطبہ جمعہ 03 نومبر 2006 ء
خطبات مسرور جلد چهارم
دیکھیں کہ اس وقت کس مطالبے کی طرف یا کتنے مطالبات کی طرف اپنے مقامی حالات کے لحاظ سے خاص
طور پر توجہ دینے کی ضرورت ہے۔اس سے جہاں معاشی اور معاشرتی مسائل حل ہوں گے وہاں جماعتوں میں
تربیت اور قربانی کے معیار بھی بڑھیں گے۔اللہ تعالیٰ ہر احمدی میں ایک بچے احمدی کی روح پیدا فرمائے۔اب میں کچھ کوائف پیش کرتا ہوں۔تحریک جدید کا یہ سال جو اکتوبر میں ختم ہوا ہے، اس
میں جماعتوں کی طرف سے جو رپورٹس آئی ہیں ( تقریباً بڑی جماعتوں کی رپورٹس تو آہی جاتی ہیں ، بعض
دفعہ چھوٹی جماعتیں رہ جاتی ہیں)۔اس کے مطابق تحریک جدید کی کل وصولی 35لاکھ پانچ ہزار پاؤنڈ کی
ہے۔الحمد للہ۔اور اللہ کے فضل سے جماعتوں کی مجموعی رپورٹ میں وصولی کے لحاظ سے پاکستان نمبر ایک
پہ ہے، پھر امریکہ ہے، پھر تیسرے نمبر پہ برطانیہ، پھر جرمنی، پھر کینیڈا، پھر انڈونیشیا، پھر ہندوستان،
آسٹریلیا، بیلجیئم، ماریشس اور سوئٹزر لینڈ۔افریقہ کے ممالک میں نائیجیر یا پہلے نمبر پر ہے۔لیکن غانا کی
طرف سے میرا خیال ہے رپورٹ نہیں آئی، غانا والوں کو بھی ذرا تھوڑا سا اپنے آپ کو ایکٹو
(Active) کرنا چاہئے۔ایک میدان میں ذرا تیز ہوتے ہیں تو دوسرے میدان کو بھول جاتے ہیں۔جماعتوں میں رپورٹیں بھجوانے کی جو کمزوری ہے اس طرف بھی توجہ دینی چاہئے اور با قاعدہ رپورٹس بھجوایا کریں۔چندہ تحریک جدید ادا کرنے والوں کی جو تعداد ہے، اس میں جو افراد شامل ہوئے ان کی تعداد 4 لاکھ
82 ہزار 460 ہے، جو گزشتہ سال سے 40 ہزار زیادہ ہے۔اسی طرح دفتر اول کا میں نے اعلان کیا تھا کہ اس میں کھاتے جاری کئے جائیں تو اللہ کے فضل سے
تمام کھانہ جات جاری ہو چکے ہیں۔پاکستان والوں کا اول دوم سوم کا ایک علیحدہ مقابلہ بھی ہوتا ہے۔(پاکستانی خاص طور پر بڑے شوق
سے سن رہے ہوتے ہیں) تو پاکستان کی جماعتوں میں راولپنڈی اور پھر اسلام آباد، فیصل آباد، ملتان،
کوئٹہ، کنری۔یہ کنری چھوٹی سی جماعت ہے اور غریب بھی ہے، ان لوگوں کی آمد کا معیار اتنا اچھا نہیں
ہے۔کچھ کاروباری ہیں اور کچھ زمیندار بھی ہیں، یہاں پانی کی بہت کمی رہتی ہے اس کے باوجود میرے
خیال میں ان لوگوں کی قربانی کا معیار اللہ کے فضل سے بہت اچھا ہے۔پھر پشاور ہے، پھر بہاولپور ہے،
خانیوال ہے، ڈیرہ غازی خاں ہے۔اور ضلعوں میں سیالکوٹ، سرگودھا، گوجرانوالہ، میر پورخاص،
شیخوپورہ، بہاولنگر ، حیدرآباد، نارووال، اوکاڑہ ،سانگھڑ اور قصور۔اس دفعہ میں نے یہاں یو کے کا بھی تھوڑ اسا جائزہ لیا ہے۔آپ کو بھی ذرا تھوڑا سا جھنجوڑا جائے۔دیکھتے ہیں اس جائزے کے بعد آپ شرمندہ ہوتے ہیں یا مجھے شرمندہ ہونا پڑے گا۔بریڈ فوڈ کا جو جائزہ
سامنے آیا ہے ان کی وصولی گزشتہ سال 14 ہزار 500 پاؤنڈ تھی ، اس سال پچھلے سال سے ایک ہزار پاؤنڈ کم
kh5-030425
خطبات مسرور جلد چهارم
557
خطبہ جمعہ 03 /نومبر 2006ء
ہوگئی۔قدم آگے بڑھنے کی بجائے پیچھے کی طرف ہے، ترقی معکوس ہو گئی ہے۔اور پچھلے سال انہوں نے
پر ہیڈ (Per Head) 49 پاؤنڈ سے زیادہ چندہ دیا تھا۔اور اس سال وہ چندہ بھی گر کے 22 پاؤنڈ رہ گیا
ہے۔پھر تحریک جدید میں تعداد بھی نصف سے کم شامل ہے۔ایک وجہ یہ پیش کریں گے کہ ہم مسجد بنار ہے
ہیں جس کی خاطر بڑی قربانیاں ہو رہی ہیں۔بڑی اچھی بات ہے، ضرور بنائیں لیکن مسجدیں دنیا میں ہر
جگہ بن رہی ہیں اور قربانیاں بھی بڑھ رہی ہیں۔پھر میں نے ایک اور جماعت برمنگھم کا بھی جائزہ لیا۔اس میں بھی شامل ہونے والوں کی تعداد بہت
کم ہے پچھلے سال یہاں 53۔96 پاؤنڈ پر ہیڈ (Per Head) ادا ئیگی تھی اور اس سال شکر ہے 54۔62 ہے ا
اور ٹوٹل میں بھی تقریباً سات آٹھ سو پاؤنڈ کی رقم کا تھوڑا اضافہ ہوا ہے۔حالانکہ برمنگھم میں تو فی الحال کسی
مسجد کا بہانہ بھی نہیں ہے۔لندن میں میں نے ایک جائزہ یہ لیا کہ یہاں جو جماعتیں ہیں، میری خواہش تھی اور اس خواہش کے
مطابق ہی نتیجہ نکلا ہے کہ ان میں سے مسجد فضل کی ادائیگی سب سے بہتر ہے۔اور فی کس ادا ئیگی 101 پاؤنڈ
ہے۔حالانکہ یہاں بھی وہی کمائی کرنے والے، اسی طرح کے لوگ رہتے ہیں۔تو یہ سب سے بڑھ کے
ہے۔اور میرا خیال ہے سارے انگلستان میں سب سے زیادہ بڑھ کے ادا ئیگی کرنے والے مسجد فضل کے
حلقے ہیں اور انہوں نے ٹوٹل وصولی میں اضافہ بھی تقریباً ڈیڑھ ہزار سے زائد کا کیا ہے۔بیت الفتوح والوں کا فی کس چندہ پچھلے سال سے گر گیا ہے۔34 پاؤنڈ تھا اور اس سال 23 پاؤنڈ رہ
گیا ہے۔یہاں ان پر کون سا خاص بوجھ پڑا ہے۔ٹوٹنگ کی جماعت کے چندہ دینے والوں کی تعداد تو بڑھ گئی ، گزشتہ سال 255 چندہ دینے والے تھے
اور اس سال 382 ہیں لیکن فی کس چندہ کی ادائیگی 4 پاؤنڈ کم ہو گئی ہے۔تو یہ ہے آپ کا جائزہ۔اب
جماعتیں خود سوچ لیں۔دنیا کے جائزے میں میں پہلے بتا چکا ہوں انگلستان تیسرے نمبر پر آیا ہے۔اس
لحاظ سے آپ کا کچھ تھوڑا سا تسلی بخش ہے مگر اتنا بھی نہیں۔تیسرے نمبر پر آنے کے باوجود بعض بڑی
جماعتوں میں ادا ئیگی کم ہے۔دنیا میں ایک جائزہ میں نے یہ لیا ہے کہ کس ملک نے فی کس زیادہ چندہ دیا ہے تو امریکہ کا 91 پاؤنڈ
اور U۔K کا 45۔85 بنتا ہے۔مسجدوں کی بات ہوئی تھی۔اللہ کے فضل سے امریکہ کا رجحان بھی آج کل
بڑی تیزی سے مسجدیں بنانے کی طرف ہے۔انہوں نے کئی مساجد بنائی ہیں اور مزید بنانی ہیں، زمینیں
خرید رہے ہیں۔ٹھیک ہے وہاں بہت آمدنی والے لوگ بھی ہیں لیکن بہر حال قربانی بھی اس لحاظ سے
بہت کر رہے ہیں۔طاہر ہارٹ انسٹیٹیوٹ کے لئے میں نے تحریک کی۔اس میں انہوں نے بہت بڑی رقم
kh5-030425
خطبات مسرور جلد چهارم
558
خطبہ جمعہ 03 نومبر 2006 ء
دی۔اللہ تعالیٰ ان سب کے ایمان اور اخلاص میں برکت ڈالے، آمدنیوں میں برکت ڈالے۔تو انگلستان
امریکہ کا نصف ہے، 45 پاؤنڈ فی کس، جبکہ ڈالر اور پاؤنڈ کی جو آپس کی نسبت ہے وہ بھی نصف ہے،
2 ڈالر ہوں تو ایک پاؤنڈ بنتا ہے۔کینیڈا 26 پاؤنڈ ، ان میں بھی گنجائش ہے۔ان کا بھی کہنا ہے کہ مسجد میں بنا
رہے ہیں، جلسہ گاہ بھی خریدی لیکن گنجائش وہاں موجود ہے۔جرمنی 18 پاؤنڈ، ان میں بھی کافی گنجائش
ہے۔تو ایک یہ ہے۔پاکستان سے جو رپورٹ آئی ہے، وہ با قاعدہ دفتر اول دوم سوم کے لحاظ سے تفصیلی رپورٹ آتی
ہے۔ایک تو باہر کی جماعتوں کو بھی اپنی رپورٹس ان دفاتر کے حساب سے بھجوانی چاہئیں جن کا نام آپ کی
قواعد کی کتاب میں Phase یا Stage رکھا ہوا ہے۔پہلے سال آسانی کے لئے میں جماعتوں کو کہتا ہوں کہ
دفتر پنجم جو میرے دور میں شروع ہوا، جس کا میں نے اعلان کیا تھا، اس سے شروع کریں کہ اس میں گزشتہ
تین سال میں کتنے لوگ شامل ہوئے اور آئندہ جو شامل ہوں گے ان کا اندراج ہوتا کہ پتہ لگے کہ اس دفتر
میں کتنی تعداد ہے۔اس کو مکمل کر کے پھر دوسرے دفاتر میں دیکھتے جائیں کہ کتنی کتنی تعداد ہے۔یہ ریکارڈ
درست ہونا چاہئے۔تحریک جدید کے شروع میں جو بزرگ جماعت کی خدمت کرتے رہے ،میں نے ان کے ناموں کو
دیکھا تو دعا کی غرض سے اور اس لئے کہ ان کی اولادوں کو ذرا احساس ہو اور ان میں سے اگر کوئی خدمت
نہیں کر رہا تو ان میں احساس پیدا ہو اور وہ بھی آئندہ آگے بڑھیں۔تو اس تحریک کے بعد 1935ء میں
شروع کا جو پہلا دستہ گیا تھا اس میں مولوی غلام حسین صاحب ایاز سنگا پور گئے، صوفی عبدالغفور صاحب
چین گئے۔صوفی عبدالقدیر نیاز صاحب جاپان گئے، چوہدری محمد اسحاق صاحب سیالکوٹی ہانگ کانگ
گئے ، حافظ مولوی عبدالغفور صاحب جالندھری جاپان، حاجی احمد خان صاحب ایاز ہنگری و پولینڈ ،
محمد ابراہیم صاحب ناصر ہنگری، ملک محمد شریف صاحب گجراتی سپین واٹلی ، مولوی رمضان علی صاحب
ارجنٹائن ، مولوی محمد دین صاحب البانیہ۔حضرت مصلح موعودؓ نے مشورہ کر کے اور بالکل معمولی رقم دے کر
جب ان
کو بھیجا تھا تو اس وقت حضرت مصلح موعودؓ نے فرمایا تھا کہ میں نے مبلغین کی جو سلیکشن کی ہے تو
صرف یہ دیکھا تھا کہ جرات سے کام کرنے والے ہیں، لیاقت کا زیادہ خیال نہیں رکھا تھا۔پھر دوسرا گروپ گیا جس میں ملک عطاء الرحمان صاحب فرانس، چوہدری ظہور احمد صاحب باجوہ
انگلستان ، حافظ قدرت اللہ صاحب ہالینڈ ، چوہدری اللہ دتہ صاحب فرانس، چوہدری کرم الہی صاحب ظفر
سین، چوہدری محمد اسحاق صاحب سپین، مولوی محمد عثمان صاحب اٹلی ، اسی طرح ابراہیم خلیل صاحب اٹلی ،
غلام احمد صاحب بشیر ہالینڈ ( شامل تھے )۔kh5-030425
خطبات مسرور جلد چهارم
559
خطبہ جمعہ 03 نومبر 2006 ء
مبلغین کے لئے بھی میں یہاں یہ بھی بتادوں کہ یہ فوری فیصلہ ہوا کہ بشارت احمد صاحب نسیم کو غانا
بھجوانا ہے۔ان کو صرف چند گھنٹوں کا وقت ملا کہ چند گھنٹوں میں تیار ہوں اور غانا کے لئے روانہ ہو
جائیں۔آجکل ہوتا ہے کہ ہمیں اتنی تیاری کا وقت مل جائے، یہ ہو، وہ ہو۔تو بہر حال یہ لوگ بڑی قربانیاں
کرنے والے تھے۔حضرت مسیح موعود علیہ الصلوۃ والسلام کا ایک اقتباس میں پڑھنا چاہتا ہوں۔فرماتے ہیں۔” میرے
پیارے دوستو! میں آپ کو یقین دلاتا ہوں کہ مجھے خدائے تعالیٰ نے سچا جوش آپ لوگوں کی ہمدردی کے
لئے بخشا ہے۔اور ایک سچی معرفت آپ صاحبوں کی زیادت ایمان و عرفان کے لئے مجھے عطا کی گئی ہے۔اس معرفت کی آپ کو اور آپ کی ذریت کو نہایت ضرورت ہے۔سو میں اس لئے مستعد کھڑا ہوں کہ آپ
لوگ اپنے اموال طیبہ سے اپنے دینی مہمات کے لئے مدد دیں اور ہر یک شخص جہاں تک خدائے تعالیٰ
نے اس کو وسعت و طاقت و مقدرت دی ہے اس راہ میں دریغ نہ کرے اور اللہ اور رسول سے اپنے اموال
کو مقدم نہ سمجھے اور پھر میں جہاں تک میرے امکان میں ہے تالیفات کے ذریعہ سے ان علوم اور برکات کو
ایشیا اور یورپ کے ملکوں میں پھیلاؤں جو خدا تعالیٰ کی پاک روح نے مجھے دی ہیں“۔(ازالہ اوہام۔روحانی خزائن جلد 3 صفحہ 516)
ایک تاریخی واقعہ ہے جو میں بتانا چاہتا ہوں، جس کا ہم میں سے بہتوں کو علم نہیں ہو گا اور دعا کی بھی
تحریک ہوتی ہے اللہ تعالیٰ اس ملک میں احمدیت کو جلد پھیلائے۔1946ء میں حضرت مصلح موعود رضی اللہ
تعالیٰ عنہ کی طرف سے الفضل میں ایک اعلان شائع ہوا تھا، اس کا کچھ حصہ میں پڑھتا ہوں۔فرماتے ہیں۔اٹلی سے عزیزم ملک محمد شریف صاحب مبلغ نے اطلاع دی ہے کہ شریف دو تسا ایک
البانوی سرکردہ اور رئیس جو البانیہ اور یوگوسلاویہ دونوں ملکوں میں رسوخ اور اثر رکھتے تھے ( دونوں ملکوں کی
سرحدیں ملتی ہیں اور البانیہ کی سرحد پر رہنے والے یوگوسلاویہ کے باشندے اکثر مسلمان ہیں اور بارسوخ
ہیں۔اور دونوں ملکوں میں ان کی جائیدادیں ہیں۔عزیزم مولوی محمد الدین صاحب اس علاقے میں رہ کر
تبلیغ کرتے رہے ہیں۔ان کے ذریعہ سے وہاں کئی احمدی ہوئے ، بعد میں مسلمانوں کی تنظیم سے ڈر
کر انہیں یوگوسلاو بین حکومت نے وہاں سے نکال دیا اور وہ اٹلی آگئے ) اور جو یوگوسلاویہ کی پارلیمنٹ میں
مسلمانوں کی طرف سے نمائندے تھے، جنگ سے پہلے احمدی ہو گئے تھے اور بہت مخلص تھے۔انہیں البانیہ
کی موجودہ حکومت نے جو کیمونسٹ ہے، ان کے خاندان سمیت قتل کروا دیا ہے۔ان کا جرم صرف یہ تھا کہ
وہ کیمونسٹ طریق حکومت کے مخالف تھے اور جو مسلمان اس ملک میں اسلامی اصول کو قائم رکھنا چاہتے تھے
ان کے لیڈر تھے۔انا لله وانا اليه راجعون“۔kh5-030425
560
خطبہ جمعہ 03 نومبر 2006ء
خطبات مسرور جلد چهارم
پھر آگے فرماتے ہیں کہ مرتے تو سب ہی ہیں اور کوئی نہیں جو الہی مقررہ عمر سے زیادہ زندہ رہ سکے۔مگر مبارک ہے وہ جو کسی نہ کسی رنگ میں دین کی حمایت کرتے ہوئے مارا جائے۔شریف دوتسا کو یہ فخر
حاصل ہے کہ وہ یورپ کے پہلے احمدی شہید ہیں اور الْفَضْلُ لِلْمُتَقَدِّمِ کے مقولہ کے ماتحت اپنے بعد میں
آنے والے شہداء کے لئے ایک عمدہ مثال اور نمونہ ثابت ہو کر وہ ان کے ثواب میں شریک ہوں گے۔پھر فرمایا کہ یہ واقعہ ہمارے لئے تکلیف دہ بھی ہے اور خوشی کا موجب بھی۔تکلیف کا موجب اس
لئے کہ ایک با رسوخ آدمی جو جنگ کے بعد احمدیت کی اشاعت کا موجب ہو سکتا تھا ، ہم سے ایسے موقعہ پر
جدا ہو گیا جب ہماری تبلیغ کا میدان وسیع ہورہا تھا اور خوشی کا اس لئے کہ یورپ میں بھی احمدی شہداء کا خون
بہایا گیا۔وہ مادیت کی سرزمین جو خدا تعالیٰ کو چھوڑ کر دور بھاگ رہی تھی اور وہ علاقہ جو کیمونزم کے ساتھ
دہریت کو بھی دنیا میں پھیلا رہا تھا وہاں خدائے واحد کے ماننے والوں کا خون بہایا جانے لگا ہے۔یہ خون
رائیگاں نہیں جائے گا۔اس کا ایک ایک قطرہ چلا چلا کر خدا تعالیٰ کی مدد مانگے گا۔اس کی رطوبت کھیتیوں
میں جذب ہو کر وہ غلہ پیدا کرے گی جو ایمان کی راہ میں قربانی کرنے کے لئے گرم اور کھولتا ہوا خون پیدا
66
کرے گا۔پھر فرمایا ” اب یورپ میں توحید کی جنگ کی طرح ڈال دی گئی ہے۔مومن اس چیلنج کو قبول کریں گے
اور شوق شہادت میں ایک دوسرے سے بڑھنے کی کوشش کریں گے۔اللہ تعالیٰ ان کا مددگار ہو۔اور
سعادت مندوں کے سینے کھول دے۔فرماتے ہیں ”اے ہندوستان کے احمد یو! ذرا غور تو کرو تمہاری اور تمہارے باپ دادوں کی قربانیاں
ہی یہ دن لائی ہیں۔تم شہید تو نہیں ہوئے مگر تم شہید گر ضرور ہو۔افغانستان کے شہداء ہندوستان کے نہ
تھے۔مگر اس میں کیا شک ہے کہ انہیں احمدیت ہندوستانیوں ہی کی قربانیوں کے طفیل حاصل ہوئی۔مصر کا
شہید ہندوستانی تو نہ تھا مگر اسے بھی ہندوستانیوں ہی نے نور احمدیت سے روشناس کروایا تھا۔اب یورپ کا
پہلا شہید گو ہندوستانی نہ تھا مگر کون تھا جس نے اس کے اندر اسلام کا جذبہ پیدا کیا۔کون تھا جس نے اسے
صداقت پر قائم رہنے کی ہمت دلائی؟ بے شک ایک ہندوستانی احمدی۔اے عزیز و! فتح تمہاری سابق
قربانیوں سے قریب آ رہی ہے۔مگر جوں جوں وہ قریب آرہی ہے تمہاری سابق قربانیاں اس کے لئے
ناکافی ثابت ہو رہی ہیں۔نئے مسائل نئے زاویہ نگاہ چاہتے ہیں۔نئے اہم امور ایک نئے رنگ کی
قربانیوں کا مطالبہ کرتے ہیں۔۔۔پھر آپ نے فرمایا ”پس اے عزیز و! کمریں کسی لو اور زبانیں دانتوں میں دبا لو۔جو تم میں سے قربانی
کرتے ہیں وہ اور زیادہ قربانیاں کریں۔اپنے حوصلہ کے مطابق نہیں، دین کی ضرورت کے مطابق اور جو
kh5-030425
خطبات مسرور جلد چهارم
561
خطبہ جمعہ 03 نومبر 2006 ء
نہیں کرتے قربانی کرنے والے انہیں بیدار کریں۔اور تحریک جدید میں زیادہ شامل کریں۔روزنامه الفضل قادیان دا رالامان مورخہ 12 جولائی 1946ء)
اس وقت حضرت مصلح موعود رضی اللہ تعالیٰ عنہ کے براہ راست مخاطب ہندوستان کے احمدی تھے جن
کی اکثریت تھی اور اس وقت احمدیوں کی اکثریت تھی بھی ہندوستان میں سے، وہیں خطبہ نشر ہوتا
تھا۔ایم ٹی اے کا کوئی نظام تو تھا نہیں۔یہ 1946 ء کی بات ہے، اس کے بعد ان کی اکثریت پاکستان میں
آباد ہو گئی یا ان کی اولادیں اس وقت پاکستان میں آباد ہیں یا اس وقت ان میں سے بعض کی
اولادیں مغربی ممالک میں آکر آباد ہو گئی ہیں یا آباد ہونے کی کوشش کر رہی ہیں۔تو پاکستان میں رہنے
والے احمدیوں نے آج بھی اس پیغام کو یاد رکھا ہوا ہے۔جیسا کہ میں نے ادائیگیوں کی صورتحال اور
ا۔پوزیشن بتائی ہے، اس سے واضح ہے۔باوجود غربت کے، باوجود روپے کی ویلیو (Value) نہ ہونے کے
انہوں نے اتنا بڑا قربانی کا ایک معیار قائم کیا ہے کہ دیکھ کے حیرت ہوتی ہے۔جب حضرت مصلح موعود رضی اللہ عنہ نے یہ پیغام دیا اس وقت شاید احمدیت کے نام پر ہندوستان
میں کوئی احمدی شہید نہیں ہوا تھا۔لیکن اس کے بعد اس پیغام کے سننے والوں میں سے بھی بعض شہداء کی
صف میں شامل ہو گئے اور بے خوف و خطر خدا تعالیٰ کی راہ میں اپنی جانوں کے نذرانے پیش کر دیئے اور
ان کی اولادوں میں سے بھی بہت سوں نے اللہ کی خاطر اپنی جانیں قربان کیں اور ابھی تک کرتے چلے جا
رہے ہیں۔اور جیسا کہ ہم آج دیکھ رہے ہیں جیسا کہ میں نے بتایا کہ اپنی جانوں کے ساتھ اپنے مال بھی
بے دریغ خدا تعالیٰ کی راہ میں خرچ کر رہے ہیں۔پس ان لوگوں کی اولادوں اور ان خاندانوں سے وابستہ احمدیوں کو جو آج دنیا کے مختلف ممالک میں
آباد ہیں اور مالی لحاظ سے بہت بہتر ہیں، ہمیں اس طرف توجہ دلانی چاہتا ہوں کہ آپ پر بہت بڑی ذمہ
داری ہے اور آپ بھی ان انعامات کے وارث تبھی ٹھہریں گے جب اپنی قربانیوں کے معیار میں بہتری
پیدا کریں گے اور اس روح کو اپنے اندر قائم کریں گے کہ آج دنیا میں اسلام کا جھنڈا گاڑنے کے لئے ہم
نے ہر قسم کی قربانیاں دینی ہیں۔اسی طرح دنیا کے مختلف ممالک میں وہاں کے مقامی باشندوں
کو بھی میں
کہتا ہوں کہ آپ نے اگر حضرت مسیح موعود علیہ الصلوۃ والسلام کو مانا ہے اور اللہ تعالیٰ کے فضل سے آپ میں
سے بہت سوں نے ہر قسم کی قربانیوں کے اعلیٰ ترین معیار بھی قائم کئے ہیں تو اپنے ہم وطنوں میں جو احمدیت
قبول کر کے آنحضرت صلی اللہ علیہ وسلم کی آغوش میں آگئے ہیں یہ روح پیدا کریں کہ اگر پہلوں سے ملنا ہے
تو پھر آخرین کی جماعت کے لئے ان قربانیوں کو بھی ہنسی خوشی پیش کرنا ہوگا جن قربانیوں
کا اللہ تعالیٰ ہم سے
مطالبہ کرتا ہے۔پس جیسا کہ حضرت مسیح موعود علیہ الصلوۃ والسلام نے فرمایا ہے کہ بڑھ چڑھ کر اپنے مالوں کو
kh5-030425
خطبات مسرور جلد چهارم
562
خطبہ جمعہ 03 نومبر 2006 ء
اللہ کی راہ میں پیش کریں تا کہ احمدیت یعنی حقیقی اسلام کا پیغام تمام دنیا کو باحسن پہنچایا جاسکے۔پس آج دنیا کے ہر کونے میں بسنے والے ہر احمدی کا فرض ہے کہ وہ دین کی اشاعت کے لئے اپنے
پاک مالوں میں سے قربانی پیش کرنے کے لئے نہ صرف تیار رہیں بلکہ پہلے سے بڑھ کر پیش کریں۔اور
اس کے بدلے میں یقینا اللہ تعالیٰ کے فضلوں کے اسی طرح وارث بنیں گے جس طرح وہ لوگ بنے جنہوں
نے قربانیوں کے اعلیٰ معیار قائم کئے۔مجھے امید ہے کہ اللہ تعالیٰ ہمیشہ کی طرح تمام دنیا میں ہر احمدی کو خواہ کسی بھی ملک یا نسل کا ہے خلافت
کی آواز پر لبیک کہتے ہوئے ہر قسم کی قربانیوں میں ایک دوسرے سے بڑھ کر قربانیاں پیش کرنے کی توفیق
عطا فرمائے گا۔لیکن میں پاکستانی احمدیوں سے امید رکھتا ہوں کہ وہ جو یہ اعزاز حاصل کر چکے ہیں اور
گزشتہ کئی سالوں سے کرتے آ رہے ہیں حتی المقدور کوشش کریں گے کہ یہ ان کے پاس ہی رہے۔آپ کی
قربانیوں کی تاریخ جماعت احمدیہ کی بنیاد کے دن سے ہے جبکہ باقی دنیا کی تاریخ احمدیت اتنی پرانی نہیں
اور اسی طرح قربانیوں کی تاریخ اتنی پرانی نہیں۔پس اس بات
کو ہمیشہ پیش نظر رکھیں۔آپ کی ہر قربانی کو
اللہ تعالیٰ نے ہمیشہ پھل پھول بخشا ہے اور آئندہ قربانیاں بھی انشاء اللہ تعالیٰ پہلے سے بڑھ کر پھل پھول
لائیں گی۔آج سب سے زیادہ جان کی قربانیاں پیش کیں تو پاکستانی احمدیوں نے کیں۔مسلسل ذہنی ٹارچر
اور تکلیفیں برداشت کی ہیں تو پاکستانی احمدیوں نے کی ہیں۔باوجود نا مساعد حالات کے مالی قربانیوں میں
بڑھنے کے معیار کو پاکستانی احمدیوں نے قائم رکھا ہے۔اللہ تعالیٰ کبھی یہ قربانیاں ضائع نہیں کرے گا۔انشاء اللہ۔بلکہ کامیابیوں کے آثار بڑے واضح طور پر نظر آنے لگ گئے ہیں اور انشاء اللہ وہ دن دور نہیں کہ
جب راستے کی ہر روک خس و خاشاک کی طرح اڑ جائے گی۔لیکن اللہ تعالیٰ کے حضور اپنی قربانیوں
کو دعاؤں میں سجا کر پیش کریں اور پیش کرتے رہیں اور رَبَّنَا تَقَبَّلْ مِنَّا کی آواز ہر دل سے نکلتی رہے۔اللہ تعالیٰ ہمیں اس کی توفیق عطا فرمائے۔kh5-030425