صفت حسیب، جو حسبنا اللّٰہ کا اعلان کرتے ہیں خدا تعالیٰ اس دنیا میں اور آخرت میں ان کے مخالفین کو پکڑتا ہے اور ظلم کا حساب لیتا ہے
خطبات مسرور جلد ہشتم
123
11
خطبه جمعه فرمودہ مورخہ 12 مارچ 2010
خطبه جمعه فرمودہ مورخہ 12 مارچ 2010ء بمطابق 12 امان 1389 ہجری شمسی
بمقام مسجد بیت الفتوح ، لندن (برطانیہ)
تشہد و تعوذ اور سورۃ فاتحہ کی تلاوت کے بعد حضور انور ایدہ اللہ تعالیٰ بنصرہ العزیز نے فرمایا:
گزشتہ خطبہ میں اللہ تعالیٰ کی صفتِ حسیب کے حوالے سے ایک تو مومنوں کی حالت کا ذکر ہوا تھا کہ وہ
ایمان کی مضبوطی کی وجہ سے ہر ابتلا میں ، ہر تکلیف میں جو انہیں مخالفین کی طرف سے پہنچائی جاتی ہے، حَسْبُنَا اللهُ
کا اعلان کرتے ہیں اور دنیاداروں کی طرف سے پہنچنے والی کوئی تکلیف، کوئی دباؤ یا کسی بھی قسم کے ظلم کا طریق ان
کے ایمان کو کمزور نہیں کرتا۔اور دوسری بات یہ ہوئی تھی کہ انبیاء اور مومنین کے مخالفین، ان کے دشمنوں اور
انہیں تکلیف پہنچانے والوں سے اللہ تعالیٰ حساب لینے کے لئے کافی ہے۔سَرِيعُ الْحِسَابِ۔جس کا مطلب ہے کہ وہ
فیصلہ کرلے کہ مخالفین اور زیادتیوں میں حد سے بڑھنے والوں سے کیا سلوک کرنا ہے ؟ تو پھر وہ ہر مغرور اور متکبر کو
اس دنیا میں یا آخرت میں پکڑتا ہے۔اور اس کے ظلموں کا حساب لیتا ہے۔عموماً ظالم انسان اس دنیا میں اللہ تعالیٰ کی
کسی گرفت سے بچتا ہے۔تو سمجھتا ہے کہ میں جو کر رہا ہوں ٹھیک کر رہا ہوں۔اور یہ بات اسے ظلم و تعدی میں بڑھا
دیتی ہے۔وہ بظاہر منہ سے خدا کا نام لے رہا ہوتا ہے۔لیکن خدا تعالیٰ کے علم میں ہر چیز ہے۔اسے پتہ ہے کہ اس کے
دل میں کیا ہے ؟ پس ایسے لوگوں کے بارے میں جب اللہ تعالیٰ حساب کا حکم جاری فرماتا ہے۔تو بڑا خوفناک انجام
ہوتا ہے۔اس کی وضاحت ایک حدیث سے یوں ہوتی ہے جس میں بڑا سخت انذار فرمایا گیا ہے۔حضرت عائشہ رضی
اللہ تعالیٰ عنہا سے روایت ہے کہ رسول اللہ صلی الیم نے فرمایا کہ قیامت کے روز جس کا حساب لیا گیا۔اسے عذاب دیا
جائے گا۔اس پر حضرت عائشہ کہتی ہیں کہ میں نے کہا کہ کیا اللہ تعالیٰ نے یہ نہیں فرمایا ؟ کہ فَسَوْفَ يُحَاسَبُ حِسَابًا
يسيرا
( صحیح مسلم کتاب الجنة وصفۃ نعیمہ واھلہا باب اثبات الحساب۔حدیث نمبر 7119 دار الفکر بیروت۔لبنان 2004ء)
یعنی پھر اس سے آسان حساب لیا جائے گا۔رسول اللہ صلی علی کرم نے فرمایا کہ یہ وہ حساب نہیں ہے جس
حساب کا ذکر قرآن کریم میں ہے۔یہ تو صرف پیش ہونا ہے۔جس سے قیامت کے روز کرید کرید کر حساب لیا گیا
اسے عذاب دیا جائے گا۔
اور
خطبات مسرور جلد ہشتم
124
خطبه جمعه فرمودہ مورخہ 12 مارچ 2010
پس یہ بڑا خوفناک انذار ہے۔اللہ تعالیٰ ہر ایک پر رحم فرمائے۔ایک مومن کا امتیاز تو تقویٰ پر چلنا ہے۔ر تقویٰ پر چلنے والا اللہ تعالیٰ کے انعامات سے حصہ پانے والا ہوتا ہے۔تقویٰ پر چلنے والے وہی ہیں جو اللہ تعالیٰ کا
خوف دل میں رکھے ہوئے ہوتے ہیں۔اپنے اعمال پر نظر رکھنے کی کوشش کرتے ہیں اور حقوق اللہ اور حقوق العباد
کی ادائیگی کی کوشش کرتے ہیں۔اور جب یہ کوشش ہو رہی ہو تو ان کے لئے اللہ تعالیٰ کی صفت حسیب کس طرح
ظاہر ہوتی ہے۔اس بارہ میں اللہ تعالیٰ قرآنِ کریم میں ایک جگہ اپنے حسیب ہونے کا یوں ذکر فرماتا ہے۔فرمایا کہ
وَيَرْزُقُهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللهِ فَهُوَ حَسْبُهُ إِنَّ اللهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ
قدرا ( الطلاق: 4) یعنی وہ اسے وہاں سے رزق عطا کرتا ہے جہاں سے وہ گمان بھی نہیں کر سکتا۔اور جو اللہ پر
تو کل کرے تو وہ اس کے لئے کافی ہے۔یقیناً اللہ اپنے فیصلہ کو مکمل کر کے رہتا ہے۔اللہ نے ہر چیز کا ایک منصوبہ بنا
رکھا ہے۔“
اس آیت سے پہلے اللہ تعالیٰ فرماتا ہے کہ وَ مَنْ يَتَّقِ اللهَ يَجْعَل لَّهُ مَخْرَجًا (الطلاق: 3) یعنی جو اللہ کا
تقویٰ اختیار کرے گا اس کے لئے اللہ تعالیٰ کوئی نہ کوئی رستہ نکال دے گا۔رزق کا وسیع تر مفہوم
پس متقی کو اللہ تعالیٰ رزق عطا فرماتا ہے اور ایسے راستے کھولتا ہے جو اس کے وہم و گمان میں بھی نہیں
ہوتے۔ایک متقی رزق کے لئے صرف اور صرف خدا تعالیٰ پر توکل کرتا ہے۔اور جب تو کل حقیقی ہو تو پھر خدا تعالیٰ
اپنے حسیب ہونے کا اور اپنے کافی ہونے کا نظارہ دکھاتا ہے۔یہاں یہ بات یادر کھنی چاہیئے کہ رزق محمد ود لفظ نہیں جو
اس مادی رزق تک ہی محدود ہو بلکہ اس کے بڑے وسیع معنی ہیں۔چنانچہ اس کے معنی لغات میں ہر قسم کے رزق
کے بھی کئے گئے ہیں۔مادی رزق کے بھی جو زندگی کی بقاء کے لئے ضروری ہے خوراک ہے اور دوسری چیزیں روپیہ
پیسہ ہے۔اس کے معنی روحانی رزق کے بھی ہیں۔روحانیت کے ملنے کے بھی ہیں۔اور اس کے معنی علم کی دولت کے
بھی ہیں بلکہ تمام انسانی قوی بھی اس میں شامل ہیں۔ایک منتقی انسان کو اور خدا تعالیٰ پر توکل کرنے والے کو صرف
دنیاوی مادی رزق کی ضرورت نہیں ہوتی بلکہ وہ ہر قسم کے رزق کی اللہ تعالیٰ سے خواہش رکھتا ہے۔رزق کے وسیع تر
معنوں کے لحاظ سے یہ مضمون حضرت مسیح موعود علیہ السلام نے ہم پر بہت اعلیٰ رنگ میں کھولا ہے اور جب آپ یہ
مضمون بیان فرماتے ہیں جب اس کی مثالیں بیان فرماتے ہیں تو پھر یہ کیونکر ہو سکتا ہے کہ آنحضرت علی علیم کے اس
غلام صادق کی کوئی بات جس کو کسی اعلیٰ ترین مثال سے بیان کرنا مقصود ہو بغیر آقا کے ذکر کے ہو۔پس جب آپ
روحانی رزق کا بھی ذکر کرتے ہیں تو مثال آنحضرت صلی الی یوم کی ہی بیان فرماتے ہیں۔فرمایا کہ
برکات تقویٰ میں سے ایک یہ ہے کہ اللہ تعالیٰ متقی کو ان مصائب سے مخلصی بخشتا ہے جو دینی امور کے
خطبات مسرور جلد ہشتم
125
خطبه جمعه فرمودہ مورخہ 12 مارچ 2010
حارج ہوں“۔یعنی ایسی مشکلات جن سے دینی امور میں حرج آتا ہو ان سے اللہ تعالیٰ نجات دلاتا ہے۔”ایسا ہی اللہ
تعالیٰ متقی کو خاص طور پر رزق دیتا ہے“۔فرمایا کہ ”یہاں میں معارف کے رزق کا ذکر کروں گا۔آنحضرت کو باوجود
اقی ہونے کے تمام جہان
کا مقابلہ کرنا تھا۔جس میں اہل کتاب، فلاسفر ، اعلیٰ درجہ کے علمی مذاق والے لوگ اور عالم
فاضل شامل تھے لیکن آپ کو روحانی رزق اس قدر ملا کہ آپ سب پر غالب آئے اور ان سب کی غلطیاں نکالیں۔یہ
روحانی رزق تھا جس کی نظیر نہیں“۔( رپورٹ جلسہ سالانہ 1897ء صفحہ 35-34۔تفسیر حضرت مسیح موعود جلد 4 صفحہ 401 زیر آیت سورۃ الطلاق:4)
قرآن کریم۔روحانی مائده
قرآنِ کریم کی صورت میں جو روحانی مائدہ آنحضرت صلی اللہ تم پر اترا اس کی کوئی مثال نہیں ملتی۔یہ قرآنِ
کریم کا چیلنج ہے کہ اس جیسی ایک سورۃ بھی کوئی نہیں بنا سکتا۔چاہے وہ چھوٹی سورۃ ہی کیوں نہ ہو۔یہ ایک ایسا رزق
ہے اور ایک ایسا علمی اور روحانی خزانہ ہے جو آنحضرت صلی ای کم کو دیا گیا۔جس نے نہ صرف آپ صلی ایم کی زندگی
میں دنیا کے منہ بند کرنے کے نشان دکھائے بلکہ تا قیامت یہ زندہ جاوید کتاب ہے جس میں ایک پڑھنے والے پر،
غور کرنے والے پر، تفکر کرنے والے پر ہر نئی ایجاد اور ہر نئے علم کے راستے کھلتے چلے جاتے ہیں۔بشر طیکہ غور
کرنے کی نظر ہو۔جو علم آنحضرت صلی علی کرم کو دیا گیا اس میں سے بعض باتیں تو ایسی تھیں جو قرآنِ کریم میں بیان
ہوئی ہیں۔اس وقت تو اُن تک صحابہ کی سوچ بھی نہیں پہنچ سکتی تھی۔اس لئے بعض باتوں کے بارے میں اللہ تعالیٰ
نے فرمایا کہ تمہیں ابھی یہ سمجھ نہیں کہ کون کون سے علمی خزانے ہیں جو حضرت محمد رسول اللہ صلی علیم کو دیئے گئے
ہیں۔مثلاً ایٹم کے بارے میں اس زمانے کے عام مومن تو کیا بڑے بڑے کبار صحابہ جو تھے ، اُن کا تصور بھی نہیں
تھا۔لیکن اللہ تعالیٰ نے ایٹم کی خوفناکیوں کے بارے میں آپ صلی ی ی یکم کو علم عطا فرمایا جس کا نام قرآنِ کریم نے
حُطَمَة رکھا ہے۔اور فرمایا وَ مَا ادريكَ مَا الْحُطَمَةُ ( الهمزة: 6) اور تجھے کیا معلوم ہے کہ حُطَمَة کیا ہے۔اب یہ
صحابہ کو مخاطب کیا گیا ہے۔پھر فرمایا کہ یہ ایسی چیز ہے جو دلوں تک پہنچتی ہے۔یعنی پہلے دل متاثر ہوتے ہیں پھر باقی
جسم پر اثر ہوتا ہے۔جاپان میں ناگا ساکی میں بھی ایک میوزیم بنایا ہوا ہے۔جہاں ایٹم بم پڑا تھا۔جس میں ایٹم بم
پڑنے کے وقت لوگوں کی جو حالت تھی اس کا نقشہ کھینچا گیا ہے۔جو شخص جہاں بیٹھا ہے وہیں بیٹھارہ گیا۔دل بند ہو گیا
اور اسی حالت میں رہا اور پھر اسی بیٹھی ہوئی حالت میں یا لیٹی ہوئی حالت میں یا کھڑے ہونے کی حالت میں جسم پر
جو کھال وغیرہ ہے وہ پگھل گئی ہے اور لٹک رہی ہے۔بہر حال یہ ایک مثال ہے اور ایسی کئی مثالیں مل جاتی ہیں۔جو جو
سائنسی ایجادیں ہو رہی ہیں ان کے بارہ میں اللہ تعالیٰ فرماتا ہے کہ وہ قرآنِ کریم کی برتری کو ثابت کرتی ہیں۔آنحضرت صلی ایم کے مقام اور آپ کی علمی اور روحانی برتری کو یہ چیزیں ثابت کرتی ہیں۔آنحضرت صلی یم کے
خطبات مسرور جلد ہشتم
126
خطبه جمعه فرمودہ مورخہ 12 مارچ 2010
صحابہ جنہوں نے آپ سے روحانی فیض پایا اور اپنی استعدادوں کے مطابق علم و معرفت کے خزانے حاصل کئے۔ان
کی فکریں بھی دینی اور روحانی رزق کی تلاش میں ہی تھیں۔اور بعض تو ایسے تھے کہ دنیاوی اور مادی رزق کو خدا کے
سپر د کیا ہوا تھا اور اس کوشش میں ہوتے تھے کہ کب ہمیں علم و معرفت کے خزانے آنحضرت صلی نم کی زبانِ
مبارک سے سنے کو ملیں۔اور ہم اپنے آپ کو اس رزق سے مالا مال کریں۔جن میں ایک مثال حضرت ابوہریرہ کی
ہے جو ہر وقت آنحضرت صلی علیم کے در پر بیٹھے رہتے تھے کوئی فکر نہیں ہوتی تھی۔بھوک اور پیاس سے برا حال ہو
جاتا تھا۔لیکن جو علم کا رزق، جو روحانیت کا رزق انہوں نے حاصل کیا وہ آج دیکھیں کہ حضرت ابو ہریرہ کی روایات
ہم تک پہنچ کر اس رزق کی تقسیم آج بھی جاری ہے اور تاقیامت جاری رہے گی۔تو یہ لوگ تھے جو اپنے رزق سے جو
انہوں نے حاصل کیا فیض پانے والے تھے اور فیض پہنچانے والے تھے۔بے شک صحابہ کی اکثریت کاروباروں اور
تجارتوں میں بھی مصروف ہوتی تھی۔لیکن تقویٰ پر چلتے ہوئے ان کی سب سے پہلی اور بڑی خواہش یہی ہوتی تھی کہ
وہ روحانیت میں بڑھنے والے ہوں۔اور آنحضرت صلی علی نام کے ہر حکم پر لبیک کہنے والے ہوں۔اور روحانی مائندوں
سے فیض پانے والے ہوں جو آنحضرت صلی علیم پر تازہ بتازہ اترتا تھا۔اور پھر ان میں سے ایسے تھے جو تھوڑا سا کام
بھی کرتے تھے تو اللہ تعالیٰ اس میں ایسی برکت ڈالتا تھا کہ اس کا منافع بے شمار اور بے حساب انہیں دیتا تھا۔ایک
صحابی کہتے ہیں کہ آنحضرت صلی اللہ ملک کو ایک دفعہ انہوں نے رزق و برکت میں دعا کے لئے عرض کی۔اس کے بعد
کہتے ہیں کہ میرے کاروبار میں ایسی برکت پڑی ہے کہ میں مٹی کو بھی ہاتھ لگاتا تھا تو وہ سونا بن جاتی تھی۔الشفاء لقاضی عیاض جلد اول باب الرابع فيما الخمره على يديه من المعجزات- فصل فی اجابة دعائہ صفحہ 200 تا 203 مطبع دارالکتب العلمیہ بیروت (2002)
پس جب انہوں نے تقویٰ پر قدم مارا، دین کو دنیا پر مقدم کیا تو دنیا ان کی غلام بن گئی۔کئی صحابہ ایسے تھے
جو دنیا کے کاروبار بھی کرتے تھے لیکن دنیا کے کیڑے نہیں تھے۔جب ان کی وفات ہوئی تو بعض اوقات انہوں نے
کروڑوں کا سونا پیچھے چھوڑا۔پس یہ وہ لوگ تھے جنہوں نے روحانی رزق کے ساتھ مادی رزق کے بے حساب پانے
کے نظارے بھی دیکھے۔حضرت مسیح موعود علیہ السلام فرماتے ہیں کہ :
”جو خدا کا متقی اور اس کی نظر میں متقی بنتا ہے“ یعنی اللہ تعالیٰ کی نظر میں۔اس کو خدا تعالیٰ ہر ایک قسم
کی تنگی سے نکالتا اور ایسی طرز سے رزق دیتا ہے کہ اُسے گمان بھی نہیں ہوتا کہ کہاں سے اور کیونکر آتا ہے۔خدا کا یہ
وعدہ برحق ہے اور ہمارا ایمان ہے کہ خدا اپنے وعدوں کا پورا کرنے والا ہے اور بڑا رحیم کریم ہے۔جو اللہ تعالیٰ کا بنتا
ہے وہ اسے ہر ذلت سے نجات دیتا اور خود اس کا حافظ و ناصر بن جاتا ہے۔مگر وہ جو ایک طرف دعوی انتقاء کرتے ہیں
اور دوسری طرف شاکی ہوتے ہیں کہ ہمیں وہ برکات نہیں ملے ان دونو میں ہم کس کو سچا کہیں اور کس کو جھوٹا
خطبات مسرور جلد ہشتم
127
خطبه جمعه فرمودہ مورخہ 12 مارچ 2010
خدا تعالیٰ پر ہم کبھی الزام نہیں لگا سکتے۔إِنَّ اللهَ لَا يُخْلِفُ الْمِيعَادَ خدا تعالیٰ اپنے وعدوں کے خلاف نہیں کرتا۔ہم
اس مدعی کو جھوٹا کہیں گے۔اصل یہ ہے کہ ان کا تقویٰ یا ان کی اصلاح اس حد تک نہیں ہوتی کہ خدا تعالیٰ کی نظر
میں قابلِ وقعت ہو یا وہ خدا کے متقی نہیں ہوتے۔لوگوں کے متقی اور ریا کار انسان ہوتے ہیں۔سو ان پر بجائے
رحمت اور برکت کے لعنت کی مار ہوتی ہے جس سے سرگرداں اور مشکلات دنیا میں مبتلا رہتے ہیں۔خدا تعالیٰ متقی کو
کبھی ضائع نہیں کرتا۔وہ اپنے وعدوں کا پکا اور سچا اور پورا ہے“۔پھر فرمایا کہ ”حضرت داؤد زبور میں فرماتے ہیں کہ
میں بچہ تھا، جو ان ہوا۔جوانی سے اب بڑھاپا آیا مگر میں نے کبھی کسی متقی اور خداترس کو بھیک مانگتے نہ دیکھا اور نہ
اس کی اولاد کو دَر بدر دھکے کھاتا اور ٹکڑے مانگتے دیکھا“۔فرمایا ” یہ بالکل سچ اور راست ہے کہ خدا اپنے بندوں کو
ضائع نہیں کرتا اور ان کو دوسروں کے آگے ہاتھ پسارنے سے محفوظ رکھتا ہے بھلا اتنے جو انبیاء ہوئے ہیں، اولیاء
گزرے ہیں۔کیا کوئی کہہ سکتا ہے کہ وہ بھیک مانگا کرتے تھے۔یا ان کی اولاد پر یہ مصیبت پڑی ہو کہ وہ در بدر خاک
بسر ٹکڑے کے واسطے پھرتے ہوں ہر گز نہیں“۔فرمایا ”میر اتو اعتقاد ہے کہ اگر ایک آدمی باخدا اور سچا متقی ہو تو اس
کی سات پشت تک بھی خدارحمت اور برکت کا ہاتھ رکھتا اور ان کی خود حفاظت فرماتا ہے“۔( ملفوظات جلد 3 صفحہ 182) (الحکم جلد 7 نمبر 12 مورخہ 31 مارچ 1903ء صفحہ 5 کالم 1)
پس اللہ تعالیٰ کا بننا، تقوی اختیار کرنا بنیادی شرط ہے اور تقویٰ میں بڑھنے کی کوشش ہر ایک انسان جس کا
ایمان لانے کا دعویٰ ہے اس کی اور ہر ایک مومن کی تقویٰ میں بڑھنے کی کوشش ہونی چاہئے۔تقویٰ کے ساتھ
دوسری بنیاد اللہ تعالیٰ پر توکل ہے۔پس جیسا کہ حضرت مسیح موعود علیہ السلام نے فرمایا متقی یا متوکل بن کر ایک
مومن نہ صرف اپنے رزق کے سامان پیدا کرتا ہے بلکہ اپنی نسلوں کے رزق کے سامان بھی پیدا کرتا ہے۔یہاں
بات بھی واضح ہو کہ متقی کی اولا داگر ظلم اور بغاوت پر قائم ہوگی تو پھر اللہ تعالیٰ کا دوسرا قانون چلتا ہے۔اور وہ برکت
اور حفاظت کا ہاتھ اٹھا لیتا ہے۔پس حقیقی متقی کی اولاد اس نیک تربیت کی وجہ سے ، ان دعاؤں کی وجہ سے جو وہ اپنی
اولاد کے لئے کرتا ہے، خود بھی تقویٰ پر چلنے کی کوشش کرنے والی ہوتی ہے۔اور اس طرح نیکی کی جاگ کے ساتھ
اگلی نسل میں اللہ تعالیٰ کی محبت برکت اور حفاظت کی جاگ بھی لگتی چلی جاتی ہے۔پس حضرت مسیح موعود علیہ
الصلوۃ والسلام کے یہ الفاظ کسی قانونِ قدرت کے خلاف نہیں اور نہ واقعات کے خلاف ہیں کہ نوح کا بیٹا کیونکر غرق
ہو گیا؟ نوح کے بیٹے نے اس تقویٰ سے حصہ لینے کی کوشش ہی نہیں کی بلکہ بغاوت کی۔اس لئے اپنے انجام کو پہنچا۔لیکن ایک نیک اور متقی شخص کی اولاد اگر شرک کے علاوہ کسی بھی قسم کی کمزوری دکھاتی ہے۔یا نا سمجھی کی وجہ سے
مادی رزق میں یا کاروبار میں اُسے کسی قسم کا دھچکا لگتا ہے یا احتمال ہوتا ہے تو اللہ تعالیٰ ایسے حالات ہی پیدا نہیں کرتا
جس کی وجہ سے اس کا اتنا براحال ہو جائے کہ بھوک کے حالات پیدا ہو جائیں بلکہ ان کو جلد سنبھالا دے دیتا ہے اور
اگر وہ تقویٰ پر قائم ہوں تو وہ اللہ تعالیٰ کے فضلوں کے نظارے خود بھی دیکھ لیتے ہیں۔
خطبات مسرور جلد ہشتم
128
خطبه جمعه فرمودہ مورخہ 12 مارچ 2010
پھر بعض اوقات بعض لوگ کہتے ہیں کہ ہم نمازیں بھی پڑھتے ہیں۔دوسری نیکیاں بھی کرنے کی
کوشش کرتے ہیں۔مگر ہمارے حالات بد سے بدتر ہوتے چلے جارہے ہیں۔یہاں ایک بات ہمیشہ یادر کھنی چاہئے جو
حضرت مسیح موعود علیہ الصلوۃ والسلام نے شروع میں بیان کی کہ اللہ تعالیٰ کی نظر میں متقی ہو اور اس کے لئے بڑی
کوشش کرنی پڑتی ہے۔ایسے لوگوں کو فکر کرنے کی بہت زیادہ ضرورت ہے۔استغفار پڑھنے کی بہت زیادہ ضرورت
ہے۔اللہ تعالیٰ کا وعدہ تو کبھی جھوٹا نہیں ہو سکتا۔اگر کہیں بھی کمی ہے تو ہمارے اندر کمی ہے۔ہماری کوششوں میں ہی
کمی ہے۔تقویٰ باریک سے باریک نیکیوں کو بجالانے کا، ان کا خیال رکھنے کا نام ہے۔پس اگر کہیں ایسی صورت پید اہو
رہی ہے جہاں باوجود تمام محنت اور کوشش کے حالات بھی بد سے بدتر ہو رہے ہوں، تو ہمیں اپنے جائزے لینے
چاہئیں۔حضرت مسیح موعود علیہ الصلوۃ والسلام نے فرمایا ہے کہ کاروباری آدمی کے متعلق کاروبار کے سلسلے میں اگر
معمولی جھوٹ بھی بولا جائے تو یہ چیز انسان کو تقویٰ سے دور لے جاتی ہے۔اور یہ اللہ تعالیٰ پر توکل کے بھی خلاف
ہے۔پس اللہ تعالیٰ کے انعامات سے فیض پانے کے لئے ہمیں باریک بینی سے اپنے جائزے لینے ہوں گے۔کہ کہیں
ہماری باتوں میں جھوٹ کی ملونی تو نہیں؟ کہیں نیت میں کھوٹ تو نہیں؟ جو بھی کام کیا ہے صاف اور کھرا اور قولِ
سدید سے کام لیتے ہوئے کیا ہے ؟ قولِ سدید صرف سچائی کا نام نہیں ہے۔بلکہ ایسی سچائی ہے جو واضح طور پر دوسرے
کو سمجھ میں آنے والی ہو۔پھر عبادت کا حق ہے۔متقی بننے کے لئے عبادت کا حق ادا کرنا بھی ضروری ہے۔پس حقیقی
متقی وہی ہے جو حقوق اللہ ادا کرنے والا بھی ہو اور حقوق العباد ادا کرنے والا بھی ہو۔اور اس کے لئے جیسا کہ میں نے
کہا حقیقی طور پر گہرائی میں جا کر اپنے جائزے لینے کی ضرورت ہے۔بعض لوگ بلکہ فی زمانہ تو ایک بہت بڑی تعداد
دھو کے سے دولت کما لیتی ہے ، بڑے امیر بن جاتے ہیں اور ظاہر میں بڑی کشائش رکھنے والے ہوتے ہیں لیکن اللہ
تعالی کی نظر میں یہ دولت ان کے لئے آگ ہے۔ایک تو اس دنیا میں یہ لوگ بیماریوں کی صورت میں، مقد موں کی
صورت میں ، پھر اور تکلیفوں کی صورت میں، بلاؤں کی صورت میں ہر قسم کی آگ میں جل رہے ہوتے ہیں۔اور یہ
دولت پھر ان کے لئے بے چینی کا باعث بنتی ہے۔دوسرے آخرت کی آگ ہے۔خدا تعالیٰ اس سے بھی ڈراتا ہے۔پس یہ جو ان کی دولت ہے یہ کوئی قابل رشک چیز نہیں ہے جس کی طرف ہماری نظر ہو ، ایک مومن کی نظر ہو۔بلکہ
یہ خوف دلانے والی بات ہے۔لیکن مومن کے لئے جب رزق کا ذکر خدا تعالیٰ فرماتا ہے تو بابرکت رزق کا ذکر فرماتا
ہے۔اصل مقصود ایک مومن کا روحانی رزق ہے۔جو ہر چیز پر مقدم ہوتا ہے اور اس کے نتیجہ میں اس دنیا میں بھی
اطمینانِ قلب نصیب ہوتا ہے اور مرنے کے بعد بھی جو دائی ٹھکانا ہے اس میں بھی اللہ تعالیٰ اپنی رضا کا، اپنی جنتوں کا
وعدہ فرماتا ہے۔پس ایک دنیا دار کے معیار اور ایک مومن کے معیار بہت مختلف ہیں۔جس کو خدا تعالیٰ کی رضا
مطلوب ہو وہ دنیا کے پیچھے نہیں دوڑتا۔بلکہ دنیاوی مادی رزق کو بھی خدا تعالیٰ کی رضا کا ذریعہ بنانے کی کوشش کرتا
ہے۔قرآنِ کریم میں اللہ تعالیٰ مومن کو بغیر حساب کے رزق دینے اور کافر اور دنیا دار کے لئے اس دنیا کی آسائشوں
میں ڈوبنے کا ذکر کرتے ہوئے فرماتا ہے۔
خطبات مسرور جلد ہشتم
129
خطبه جمعه فرمودہ مورخہ 12 مارچ 2010
زُيِّنَ لِلَّذِيْنَ كَفَرُوا الْحَيَوةُ الدُّنْيَا وَيَسْخَرُونَ مِنَ الَّذِينَ آمَنُوا وَالَّذِينَ اتَّقَوْا فَوْقَهُمْ يَوْمَ الْقِيمَةِ
وَاللَّهُ يَرْزُقُ مَنْ يَشَاءُ بِغَيْرِ حِسَابِ (البقرة: 213)
کہ جن لوگوں نے کفر کیا ان کے لئے دنیا کی زندگی خوبصورت کر کے دکھائی گئی ہے۔اور یہ ان لوگوں
سے تمسخر کرتے ہیں جو ایمان لائے۔اور وہ لوگ جنہوں نے تقویٰ اختیار کیا وہ قیامت کے دن ان سے بالا ہوں
گے۔اور اللہ جسے چاہے بغیر حساب کے رزق عطا کرتا ہے۔پس یہ آیت جہاں خاص طور پر کافروں کے دنیا کی دولت کو ہی سب کچھ سمجھنے کے بارے میں بتارہی
ہے۔وہاں عموم کے رنگ میں ہر دنیا دار کی تصویر کھینچ رہی ہے کہ دنیا دار ایک مومن کو اپنی دولت کی وجہ سے حقیر
سمجھتا ہے۔طاقتور بظاہر خدا کے نام پر۔لیکن دراصل دنیا کے نشے میں ڈوب کر کمزور مومنوں پر زیادتی کرتا ہے۔لیکن انہیں یاد رکھنا چاہئے کہ قیامت کا بھی ایک دن مقرر ہے۔اور اس دن خوب کھل جائے گا کہ ظلم اور تعدی
کرنے والے ، اپنی حکومت پر زعم کرنے والے، اپنے گروہ کی طاقت کا اظہار کرنے والے کامیاب ہیں یا وہ مسکین جو
خدا تعالیٰ کی رضا کے حصول کے لئے ہر زیادتی برداشت کرنے والے ہیں۔پس یہاں پھر اللہ تعالیٰ نے "وَالَّذِيْنَ
اتَّقوا “ جنہوں نے تقویٰ اختیار کیا کہہ کر اس طرف توجہ دلائی ہے کہ صرف ایمان لانا کافی نہیں ہے بلکہ تقویٰ کا
حصول اصل جڑ ہے۔اس کو حاصل کرناضروری ہے۔مومنوں کو اس طرف توجہ دینی چاہئے۔اگر تقویٰ نہیں تو
صرف ایمان لانا خدا تعالیٰ کا مقرب نہیں کر سکتا۔آج جب ہم عمومی طور پر عالم اسلام پر نظر ڈالتے ہیں تو باوجود اللہ
تعالیٰ کے اس وعدہ کے کہ جنگوں میں مومنوں کو اللہ تعالیٰ کافروں پر برتری اور فوقیت دیتا ہے۔مسلمانوں کی حالتِ
زار کا ہی نمونہ ظاہر ہو رہا ہے۔یہ بات ظاہر کرتی ہے کہ تقویٰ کی کمی ہے ورنہ خد اتعالیٰ تو وعدہ فرماتا ہے کہ میں ایسے
ایسے راستے مومنوں کے لئے کھولتا ہوں جس کا ان کو گمان بھی نہیں ہوتا۔اس آیت میں اللہ تعالیٰ فرماتا ہے کہ میں
بغیر حساب دیتا ہوں۔اس بغیر حساب کے دیئے جانے کا نظارہ ہمیں قرونِ اولیٰ میں نظر آتا ہے جب خدا تعالیٰ نے
مسلمانوں کی قربانیوں سے بہت زیادہ بڑھ کر انہیں عطا فرمایا اور جب تک ان میں تقویٰ کا کچھ حصہ بھی قائم رہا اسلامی
حکومتوں کا رعب اور دبدبہ قائم رہا۔آج بے شک مادی لحاظ سے بعض اسلامی ممالک کو خدا تعالیٰ نے تیل کی دولت
سے مالا مال کیا ہوا ہے لیکن اس کے باوجود مغربی طاقتوں نے معاشی غلامی کا طوق ان کی گردنوں میں ڈالا ہوا ہے۔اور
اس وجہ سے غریب مسلمان ممالک کی معیشت کو سنبھالنے میں یہ دولت کام نہیں آرہی یا سنبھالنے کی نیتیں نہیں یا
خوف ہے۔جو بھی صورت حال ہے بہر حال مسلمان مسلمان کے اس طرح کام نہیں آرہا جس طرح آنا چاہئے۔اگر
کہیں غریب کی مدد کرنی بھی ہو تو پہلے یہ حکومتیں مغربی حکومتوں کی طرف دیکھتی ہیں۔ایک تو وہ زمانہ تھا جب باوجود
کمزور ہونے کے فوجی سازو سامان کے لحاظ سے بھی ، تعداد کے لحاظ سے بھی، دولت کے لحاظ سے بھی، ہر لحاظ سے
خطبات مسرور جلد ہشتم
130
خطبه جمعه فرمودہ مورخہ 12 مارچ 2010
کمزور ہونے کے مسلمانوں نے ایران کی ناقابل شکست تصور کی جانے والی حکومت اور دوسری بڑی بڑی حکومتوں
سے ٹکر لی اور انہیں اپنے زیر کیا۔حکومتیں فتح کرنے کے لئے نہیں بلکہ ظلموں کو روکنے کے لئے اس ایمان نے کام
دکھایا جو تقویٰ سے پر تھا۔پس ان کو اللہ تعالیٰ نے بے حساب دیا۔لیکن آج غریب اسلامی حکومتیں جو ہیں وہ تو مغربی
ممالک کی طرف دیکھتی ہی ہیں۔بظاہر چند ایک جو دولت مند حکومتیں ہیں وہ اپنے حقیقی رہے اور مالک اور معبود کو
چھوڑ کر دنیاوی ربوں اور مالکوں اور معبودوں کی طرف نظر کئے ہوئے ہیں۔یہ چیز ظاہر کرتی ہے کہ تقویٰ میں کمی
ہے۔جس نے ان لوگوں کو جنہیں خدا تعالیٰ نے دنیا کے لئے رہنما بنایا تھا۔محکوم بنایا اور ایک طرح کی غلامی کی
زنجیریں ہیں جن میں یہ مسلمان جکڑے گئے ہیں۔اور یہ بات یقیناً اللہ تعالیٰ کی آخری تقدیر کے خلاف ہے۔اللہ
تعالیٰ تو فرماتا ہے إِنَّ اللهَ بَالِغ آمده (الطلاق: (4) کہ یقینا اللہ اپنے فیصلے کو مکمل کر کے رہتا ہے۔اور یہ اللہ تعالیٰ کا
فیصلہ ہے جس کا کئی جگہ قرآنِ کریم میں ذکر ہوا ہے کہ اللہ اور اس کے رسول غالب آتے ہیں (المجادلہ:22)۔دنیا کی
تقدیر اب اسلام کے ساتھ وابستہ ہے لیکن کس طرح؟ اس کا جواب یہ ہے۔اس طرح جس طرح صحابہ نے
آنحضرت صلی للی نام سے فیض پا کر دنیا کو اپنی لونڈی بنایا تھا اور دین کو دنیا پر مقدم کیا تھا۔تقویٰ کی باریک راہوں کی
تلاش کی اور اس پر چلے۔اسلام کی خاطر جان، مال، وقت اور عزت کو قربان کرنے کے لئے ہر وقت تیار ہوئے۔دشمن کے حملوں اور زیادتیوں سے تنگ ہوئے تو اللہ تعالیٰ کے حکم کے مطابق ہجرت کی اور پھر اللہ تعالیٰ نے فتوحات
کے ایسے دروازے کھولے جن کو شمار کرنا بھی مسلمانوں کے لئے مشکل ہو گیا۔اس کے بعد پھر بغیر حساب دیئے
جانے کا ذکر اللہ تعالیٰ نے قرآنِ کریم میں کئی جگہ یوں فرمایا ہے۔فرمایا۔قُلْ لِعِبَادِ الَّذِينَ آمَنُوا اتَّقُوا رَبَّكُمْ لِلَّذِينَ
اَحْسَنُوا فِي هَذِهِ الدُّنْيَا حَسَنَةٌ وَ اَرْضُ اللَّهِ وَاسِعَةُ إِنَّمَا يُوَفَّى الصُّبِرُونَ أَجْرَهُم بِغَيْرِ حِسَابِ (الزمر:11) ” تو
کہہ دے کہ اے میرے بند وجو ایمان لائے ہو! اپنے رب کا تقویٰ اختیار کرو۔ان لوگوں کے لئے جو احسان سے کام
لیتے ہیں اس دنیا میں بھی بھلائی ہو گی اور اللہ کی زمین تو وسیع ہے۔یقیناً صبر کرنے والوں کو بغیر حساب کے ان کا بھر
پور اجر دیا جائے گا۔“
اس زمانے میں مسلمانوں کی جو حالت زار تھی۔جب اسلام کی ابتداء تھی تو مسلمان مکہ میں انتہائی
کسمپرسی کی حالت میں رہتے تھے۔آنحضرت صلی الم کی ذات تک پر کفار ظلم کرنے سے باز نہیں آتے تھے اور
غریب مسلمانوں پر تو ظلم کی انتہاء کرتے ہوئے مردوں عورتوں کو شہید بھی کر دیا جاتا تھا۔اللہ تعالیٰ ان لوگوں کو فرما
رہا ہے۔پہلی بات یہ کہ ایمان کے ساتھ تقویٰ سب سے بنیادی شرط ہے اور پھر فرمایا جو تقویٰ پر چلتے ہوئے تمام
نیکیاں بجالانے کی کوشش کرتے ہیں انہیں آخرت کے علاوہ اس دنیا میں بھی اجر ملے گا۔پھر فرمایا۔جب مکہ میں
ظلم کی انتہاء ہو گی تو اس ظلم سے بچنے کے لئے تمہارے لئے بہتر ہے کہ ہجرت کر جاؤ۔اور یہ ہجرت جو ہے تمہارے
خطبات مسرور جلد ہشتم
131
خطبه جمعه فرمودہ مورخہ 12 مارچ 2010
لئے وسعتوں کے سامان پیدا کرے گی۔یہ نہ سمجھو کہ جو ظلم تم پر ہوئے یہ یونہی رائیگاں چلے جائیں گے۔ہر ہر ظلم
کے بدلے میں خدا تعالیٰ تمہیں ایسے اجروں سے نوازے گا جن کا تم شمار بھی نہیں کر سکتے اور یہی صبر کرنے والوں کی
جزا ہے۔اور پھر جیسا کہ میں نے پہلے ذکر کیا کہ ان صبر کرنے والوں کو اللہ تعالیٰ نے دنیا کے ایک بڑے حصے کا
حکمران بنا دیا۔ان کو حکومتیں عطا ہوئیں۔پس وہ تقویٰ تھا، اللہ تعالیٰ کے احکامات کی پابندی تھی جس نے نہتوں اور
کمزوروں کو حکومتیں عطا فرمائیں۔آج یہ مسلمانوں کی بد قسمتی ہے کہ حکومتیں ہونے کے باوجود ایک لحاظ سے محکوم
ہیں لیکن ظاہر ہے اللہ تعالیٰ کیونکہ سچے وعدوں والا ہے ، اس نے یہ تمام نظارے آنحضرت صلی علیکم کو پہلے دکھا کر یہ
بھی بتادیا تھا کہ تقویٰ اور صبر کے پھل صرف کسی زمانے تک محدود نہیں۔بلکہ جس طرح قرونِ اولیٰ کے مومنوں
نے نمونے دکھائے اور یہ پھل کھائے۔ایک تاریک زمانے کے بعد مومنین پھر یہ پھل کھائیں گے اور
آنحضرت صلی ال عوام کو یہ خوشخبری دی کہ غلبہ اسلام تیرے عاشق صادق اور اس کی جماعت کے ذریعے سے ہو گا اور
یہی حالات جو بیان ہوئے ہیں ہزاروں مسلمانوں پر من حیث الجماعت مسیح موعود علیہ السلام کی جماعت پر بھی
گزریں گے اور جس طرح ابتداء میں مسلمانوں پر زمین تنگ کی گئی تھی تو اسلام کے پھیلنے کے دروازے کھلتے چلے
گئے ، اسی طرح مسیح موعود علیہ السلام پر بھی زمین تنگ کی جائے گی اور اس کے بعد یہ راستے کھلیں گے۔اس لئے
آنحضرت صلی یم نے مسلمانوں کو یہ نصیحت فرمائی تھی بلکہ وصیت فرمائی تھی کہ تم اس زمانے میں مسیح محمدی کو تنگ
کرنے والوں میں سے نہ ہو جانا بلکہ اس کو جاکر میر اسلام پہنچانا اور اس کی مدد کرنا۔(المعجم الاوسط جلد 3 من اسمه عیسی حدیث نمبر 4898 صفحہ 383-384۔دار الفکر ، عمان اردن طبع اول 1999ء)
آج ہر احمد ی گواہ ہے کہ پاکستان میں جماعتی طور پر ہمارے پر زمین تنگ کی گئی۔مختلف قسم کی پابندیاں
لگائی گئیں تو اللہ تعالیٰ نے آج 195 ممالک میں احمدیت کا پودا لگا دیا۔ہمیشہ یاد رکھنا چاہئے کہ افراد کی ترقی جماعت کی
ترقی سے وابستہ ہے۔انفرادی نقصانات سے جماعت کی ترقیاں رک نہیں جاتیں۔پہلے زمانے میں بھی مسلمانوں کی
شہادتوں نے نئی حکومتوں کے دروازے کھولے تھے اور آج بھی احمدیوں کی قربانیاں احمدیت کی ترقی کا باعث بنتی
چلی جارہی ہیں۔آج دنیا کا کوئی ملک ایسا نہیں ہے جہاں مسیح محمدی کا پیغام نہیں پہنچ رہا۔جہاں آنحضرت
صلی علیہ کم پر درود
بھیجنے والے موجود نہیں۔دنیا میں اس وقت MTA کے ذریعہ سے ہر جگہ پیغام پہنچ رہا ہے اور جب MTA کے
ذریعے سے درود پڑھا جاتا ہے تو دنیا کے ان ملکوں میں چاہے کوئی پڑھنے والا ہو نہ ہو ، اس کی فضاؤں میں وہ درُود بہر
حال پھیل رہا ہے۔اس وقت جیسا کہ میں نے کہا دنیا کے 195 ممالک ایسے ہیں جہاں MTA کا چینل دیکھا اور سنا جا
رہا ہے لیکن دنیا کے کسی اور چینل کی یہ ضمانت نہیں ہے کہ ایک وقت میں تمام بر اعظموں کے 195 ممالک میں ان
خطبات مسرور جلد ہشتم
132
خطبه جمعه فرمودہ مورخہ 12 مارچ 2010
کاٹی وی چینل دیکھا اور سنا جاتا ہو۔اور یہ چینل احمدیوں کے علاوہ غیر از جماعت بھی دیکھ رہے ہیں۔بعض اعتراض
تلاش کرنے کے لئے دیکھتے ہیں۔بعض علم کے حصول کے لئے دیکھتے ہیں۔لیکن بہر حال دیکھاضر ور جاتا ہے۔پس
کہنے کا مقصد یہ ہے کہ الہی جماعتوں کی یہی نشانی ہے جو اللہ تعالیٰ نے بتائی ہے کہ جب ان پر زمین تنگ کی جاتی ہے تو
اللہ تعالیٰ ان کے لئے اور جگہوں پر اور مختلف رنگ میں اور مختلف طریقوں سے وسعت کے سامان پید ا فرما دیتا ہے
اور مسیح محمدی کی جماعت کے ساتھ یہ سلوک تو خاص طور پر اللہ تعالیٰ نے اس لئے فرمایا اور فرمانا تھا کہ اسلام کی
آخری فتح اللہ تعالیٰ کے وعدوں اور آنحضرت صلی للی نیم کی پیشگوئیوں کے مطابق مسیح موعود علیہ الصلوۃ والسلام کے
ذریعے ہونی ہے۔انشاء اللہ۔اللہ کرے کہ ہم انفرادی طور پر بھی اس اہم ذمہ داری کو سمجھتے ہوئے تقویٰ پر قدم مارتے ہوئے اس
مقصد کے حصول کے لئے کوشش کرنے والے ہوں جس مقصد کے لئے حضرت مسیح موعود علیہ الصلوۃ والسلام
مبعوث ہوئے تھے اور اللہ تعالیٰ کے بغیر حساب آجر کے نظارے دیکھنے والے ہوں۔آمین
(الفضل انٹر نیشنل جلد 17 شمارہ 14 مورخہ 2 اپریل 8 اپریل 2010 صفحہ 5 تا 7)