جماعت کو صبر اور حوصلہ اور استقامت کی تلقین اسلامی تاریخ کا ایک دردناک واقعہ حضرت امام حسینؓ کی شہادت

خطبات مسرور جلد ہشتم
50
50
629
خطبه جمعه فرمودہ مورخہ 10 دسمبر 2010
خطبہ جمعہ فرمودہ مورخہ 10 دسمبر 2010ء بمطابق 10 فتح 1389 ہجری شمسی
بمقام مسجد بیت الفتوح، لندن (برطانیہ)
تشہد و تعوذ اور سورۃ فاتحہ کی تلاوت کے بعد حضور انور ایدہ اللہ تعالیٰ بنصرہ العزیز نے فرمایا:
حضرت مصلح موعودؓ کا ایک شعر ہے کہ۔وہ تم کو حسین بناتے ہیں اور آپ یزیدی بنتے ہیں
یہ کیا ہی ستا سودا ہے دشمن کو تیر چلانے دو
(کلام محمود نظم نمبر 94 صفحہ 28)
اسلامی تاریخ کا ایک دردناک واقعہ
یہ حضرت مصلح موعود رضی اللہ عنہ کی ایک لمبی نظم کا شعر ہے جس میں جماعت کو صبر اور حوصلہ اور
استقامت کی تلقین کی گئی ہے۔یہ نظم آپ نے 1935 میں کہی تھی جب جماعت پر شور شوں کا زور تھا۔بہر حال اس
وقت میں اس نظم کے حوالے سے تو مضمون نہیں بیان کر رہا۔اس شعر کے حوالے سے بات کروں گا۔اس شعر
سے اسلام کی تاریخ کا ایک درد ناک اور ظلم کی انتہا کا واقعہ ہر مسلمان کی نظر میں آتا ہے۔لیکن اس اندوہناک اور
دردناک واقعہ کی حقیقت کا صحیح اور اک وہی کر سکتا ہے جو ظلموں کی چکی میں پیسا جارہا ہو۔اس واقعہ پر ہمد ردی اور غم
اور افسوس کا اظہار تو بے شک ہر مسلمان کرتا ہے اور شیعہ صاحبان ہر سال محرم کے مہینے میں اس کا اظہار بھی اپنے
طریقے کے مطابق کرنے کی کوشش کرتے ہیں اور گو اس میں ہمارے نزدیک غلو کی حد تک بھی چلے جاتے ہیں لیکن
بہر حال ان کا ایک اپنا اظہار ہے۔لیکن جیسا کہ میں نے کہا اس ظلم کی حقیقت کو وہی سمجھ سکتا ہے جو ظلموں میں سے
گزر رہا ہو اور آج اس زمانہ میں جماعت احمدیہ سے زیادہ کون واقعہ کربلا کا احاطہ اور تصور کر سکتا ہے۔اس لئے
حضرت مصلح موعودؓ نے فرمایا کہ وہ تم کو حسین بناتے ہیں اور آپ یزیدی بنتے ہیں۔یہ دونوں فریق کون تھے ؟ یہ
دونوں کلمہ لا إِلَهَ إِلَّا اللهُ مُحَمَّدٌ رَّسُولُ اللہ پڑھنے والے تھے یا پڑھنے کا دعویٰ کرنے والے تھے۔لیکن ایک
کلمہ کی حقیقت کو جانتے ہوئے مظلوم بنا اور دوسراکلمہ کا پاس نہ کرتے ہوئے ظالم بنا۔واقعہ کر بلا بھی جس میں حضرت

خطبات مسرور جلد ہشتم
630
خطبه جمعه فرمودہ مورخہ 10 دسمبر 2010
امام حسین رضی اللہ عنہ ، آپ کے خاندان کے افراد اور چند ساتھیوں کو ظالمانہ طور پر شہید کیا گیا، اصل میں حضرت
عثمان کی شہادت کے واقعے کا ہی ایک تسلسل ہے۔جب تقویٰ میں کمی ہونی شروع ہو جائے، ذاتی مفادات اجتماعی
مفادات پر حاوی ہونا شروع ہو جائیں، دنیا دین پر مقدم ہو جائے تو پھر یہی کچھ ہوتا ہے کہ ظلم و بربریت کی انتہا کی
جاتی ہے۔اللہ والوں
کا اللہ کے نام پر ہی خون بہایا جاتا ہے۔یہ کتنی بد نصیبی ہے کہ کلمہ گو ہی کلمہ گوؤں کو ظلم و تعدی
کا نشانہ بنارہے ہوں، زیادتیوں اور دکھوں کا نشانہ بنا رہے ہوں حتی کہ معصوموں کا خون، بچوں کا خون بہانے سے بھی
گریز نہ کیا جارہا ہو۔خدا کے اور رسول کے نام پر خدا اور رسول پر جان ، مال اور عزت قربان کرنے والوں کو دکھوں،
تکلیفوں اور مصائب کا نشانہ بنایا جارہا ہو۔اس سے بڑھ کر ان لوگوں کی کیا بد نصیبی ہو سکتی ہے ؟ جو خدا اور رسول کے
نام پر ظلموں کا بازار گرم کرتے ہوئے یہ ظلم کر رہے ہوتے ہیں یا ظلموں کا یہ بازار گرم کرتے ہیں، قرآنِ کریم ایسے
لوگوں کی بد حالت بیان کرتے ہوئے فرماتا ہے کہ وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَلِدًا فِيهَا وَ
غَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا (النساء: 94) اور جو شخص کسی مومن کو دانستہ قتل کر دے تو اس
کی سزا جہنم ہو گی وہ اس میں لمبے عرصے تک رہتا چلا جائے گا اور اللہ کا غضب اس پر نازل ہو گا اور اُسے اپنی
جناب سے اللہ دور کر دے گا، اپنے سے دور ہٹا دے گا۔یعنی لعنت برسائے گا اور اس کے لئے بہت بڑا عذاب
تیار کرے گا۔مناقب حضرت امام حسن اور حضرت امام حسین
اللہ تعالیٰ نے ایسے شخص کے لئے ناراضگی کی انتہا کے الفاظ استعمال کئے ہیں۔پھر یہ نہیں کہ جہنم میں ڈالا
جائے گا بلکہ لمبے عرصے تک جہنم اس کا ٹھکانہ ہے اور پھر اللہ کا غضب اس پر برستا رہے گا اور اللہ کی لعنت کا مور د بنتا
رہے گا۔یہ جہنم، یہ اللہ کا غضب یہ اللہ تعالیٰ کی لعنت، یہ کوئی معمولی چیز نہیں ہے بلکہ بہت بڑا عذاب ہے۔یہ
عذاب عظیم ہے۔اس سے زیادہ بڑی بدنصیبی اور کیا ہو سکتی ہے کہ کلمہ گو ہونے کے باوجود ایک شخص جہنم کی آگ
میں پڑ کر مسلسل اللہ تعالیٰ کے غضب اور لعنت اور بہت بڑے عذاب میں گرفتار ہو۔پس جو اپنے مفادات اور
دنیاوی ہو اوہوس کے لئے ایسے ظالمانہ فعل کرتے ہیں وہ خدا تعالیٰ کی انتہائی ناراضگی کا موجب بن رہے ہوتے ہیں۔اور مظلوم اس قتل کے نتیجے میں اَحيَا عِندَ رَبِّهِمْ يُرْزَقُونَ (آل عمران : 170) کا اعزاز پاتے ہیں۔وہ اپنے رب کے
حضور زندہ ہیں اور انہیں رزق دیا جاتا ہے۔یہ سلوک اللہ تعالیٰ ان سے فرماتا ہے۔پس جو اللہ تعالیٰ کے نزدیک زندہ
ہے اور اپنے رب سے جنتوں کا رزق پار ہا ہو ، اس کے لئے اس سے بڑا اور کیا انعام ہو سکتا ہے۔اور حضرت امام حسن
اور امام حسین جو تھے ان کے بارہ میں تو آنحضرت صلی للی یکم نے فرمایا کہ وہ جنت کے جوانوں کے سردار ہوں گے“۔(المستدرک للحاكم كتاب معرفة الصحابه ومن مناقب الحسن والحسین اپنی بنت رسول اللہ صلی لال مل جلد 3 صفحہ 377 حدیث: 4840)

خطبات مسرور جلد ہشتم
631
خطبه جمعه فرمودہ مورخہ 10 دسمبر 2010
اور ان دونوں کے لئے تو آنحضرت صلی علی ایم یہ دعا بھی اللہ تعالیٰ کے حضور عرض کیا کرتے تھے کہ اے
اللہ ! میں ان سے محبت کرتا ہوں تو بھی ان سے محبت کر۔(سنن الترمذی کتاب المناقب باب 104/000 حدیث : 3782)
پس جو اس حد تک آنحضرت صلی نیلم کی دعاؤں سے فیض پانے والا ہو اور پھر اُس پر یہ کہ شہادت کا رتبہ
بھی پا جائے وہ یقینا اللہ تعالیٰ کے وعدے کے مطابق جنت کے اعلیٰ رزقوں کا وارث بنتا ہے اور بنا۔اور آپ کے قاتل
یقینا اللہ تعالیٰ کا غضب پانے والے ہوئے۔یہ مہینہ یعنی محرم کا مہینہ جس کے پہلے عشرے سے ہم گزر رہے ہیں، اس میں آج سے چودہ سو سال پہلے
دس تاریخ کو ظالموں نے آنحضرت علی علیم کے اس پیارے کو شہید کیا تھا جس کی داستان سن کر رونگٹے کھڑے ہو
جاتے ہیں۔ان ظالموں کو یہ خیال نہ آیا کہ کس ہستی پر ہم تلوار اٹھانے جارہے ہیں۔لیکن جیسا کہ میں نے کہا جب
ایمان مفقود ہو جائے تو پھر سب جذبات اور احساسات مٹ جاتے ہیں۔بلکہ اللہ تعالیٰ کا خوف ہی ختم ہو جاتا ہے۔اور
جب اللہ تعالیٰ کا خوف ختم ہو جائے تو پھر اس سے کیا فرق پڑتا ہے کہ کس بندے کا خدا تعالیٰ کی نظر میں یا اس کے
رسول علی میم کی نظر میں کیا مقام ہے ؟ حضرت امام حسین کی شہادت کس طرح ہوئی اور اس کے بعد آپ کی نعش
مبارک سے کیا سلوک کیا گیا؟ یہ واقعہ سن کر انسان اس یقین پر قائم ہو جاتا ہے کہ شاید ظاہر میں تو وہ لوگ کلمہ
پڑھتے ہوں لیکن حقیقت میں انہیں خدا تعالیٰ کی ذات پر یقین نہیں تھا۔آنحضرت صلی اللہ یکم انسانی قدروں کو قائم
فرمانے آئے تھے۔آپ صلی یم نے جنگوں کے بھی کچھ اصول و ضوابط بتائے تھے۔اللہ تعالیٰ نے ہمیں قرآنِ کریم
میں دشمنوں کے لئے انصاف اور حد اعتدال میں رہنے کی تلقین فرمائی۔اور دشمن بھی ایسے دشمن جو اسلام اور
آنحضرت صلی علیکم کو ختم کرنے کے درپے تھے۔ان سے بھی جنگ کی صورت میں ان کے قتل ہو جانے پر عربوں کے
رواج کے مطابق جو مثلہ اور لاشوں کی بے حرمتی کا رواج تھا، اس سے منع فرمایا۔(صحیح مسلم کتاب الجہاد و السير باب تأمیر الامام الامراء على البعوث۔۔۔حدیث نمبر 4413)
آپ صلی میں کم تو ان تمام بد عادات اور روایات کو ختم کرنے آئے تھے جن سے انسانی قدریں پامال ہوتی
ہیں۔آپ نے تو کفار سے بھی عفو اور نرمی کا سلوک فرمایا۔لیکن اللہ تعالیٰ کے اس پیارے رسول کے پیارے نواسے
جس کے لئے آپ
اللہ تعالیٰ سے یہ دعا فرماتے تھے کہ اے اللہ ! میں اس سے محبت کرتا ہوں تو بھی اس سے محبت
کرنا۔پھر آپ نے فرمایا کہ جو میرے ان نواسوں سے محبت کرتا ہے وہ مجھ سے محبت کرے گا اور جو مجھ سے محبت
کرے گا وہ اللہ تعالیٰ سے محبت کرے گا اور اللہ تعالیٰ کی محبت کی وجہ سے جنت میں جائے گا اور اسی طرح ناپسندیدگی
کی وجہ سے اللہ تعالیٰ کی ناراضگی مول لے گا۔(ماخوذ از المستدرک للحاكم كتاب معرفة الصحابه ومن مناقب الحسن والحسین اپنی بنت رسول اللہ صلی ا مل جلد 3 صفحہ 376 حدیث : 4838)

خطبات مسرور جلد ہشتم
632
خطبه جمعه فرمودہ مورخہ 10 دسمبر 2010
جن کو کسی سے صحیح عشق اور محبت ہو ، وہ اس کے پیاروں کو بھی پیارا رکھتے ہیں۔یہ نہیں کہ ایک طرف تو
عشق کا دعویٰ ہو اور جو اُس معشوق کے محبوب، اُن کی اولادیں ہوں، اُن سے نفرت ہو۔یا کسی سے عشق کا دعویٰ کر
کے اُس کی زندگی میں تو اس کے پیاروں کو پیارا ر کھا جائے لیکن آنکھیں بند ہوتے ہی پیاروں سے پیار کے دعوے
دھرے کے دھرے رہ جائیں ، سب کچھ ختم ہو جائے۔یہ دنیا داروں کا طریق تو ہو سکتا ہے اللہ تعالیٰ سے تعلق رکھنے
والوں کا نہیں۔روایات میں آتا ہے کہ ایک مرتبہ حضرت ابو بکر صدیق اپنی خلافت کے زمانے میں کہیں جارہے تھے تو
راستے میں انہوں نے آنحضرت صلی علیہم کے پیارے نواسے کو بچوں میں کھیلتے دیکھ کر کندھے پر بٹھا لیا۔( بخاری کتاب فضائل اصحاب النبی صلی الله له باب مناقب الحسن والحسین رضی اللہ عنہما حدیث : 3750)
اور پیار فرماتے ہوئے فرمایا: میرے آقا حضرت محمد مصطفی صلی علیہ کم کو یہ بہت پیارا تھا۔اس لئے میں اس
کو پیار کر رہا ہوں۔تو یہ ہیں وفاؤں اور پیار کے قرینے اور سلیقے۔لیکن کربلا میں آپ سے کیا سلوک ہوا؟ جس تعلیم کو
شكرة
آنحضرت علی ایم لے کر آئے تھے اس کی پامالی کس طرح ہوئی؟ روایات میں آتا ہے کہ جب آپ کے
دشمنوں نے غلبہ پا لیا تو آپ نے (حضرت امام حسین نے) اپنے گھوڑے کا رُخ فرات کی طرف ( دریا کی
طرف) کیا۔ایک شخص نے کہا کہ ندی اور ان کے درمیان حائل ہو جاؤ۔چنانچہ لوگوں نے آپ کا راستہ روک لیا اور
دریا تک نہ جانے دیا۔اُس شخص نے آپ کو ایک تیر مارا جو آپ کی ٹھوڑی کے نیچے پیوست ہو گیا۔راوی آپ کی جنگ
کی حالت کے بارے میں کہتے ہیں کہ آپ عمامہ باندھے ، وسمہ لگائے ہوئے پیدل اس طرح قتال کر رہے تھے ، جنگ
کر رہے تھے جیسے کوئی غضب کا شہسوار تیروں سے بچتے ہوئے حملہ کرتا ہے۔میں نے شہادت سے قبل آپ کو یہ
کہتے ہوئے سنا کہ اللہ کی قسم! میرے بعد بندگانِ خدا میں سے تم کسی بھی ایسے بندے کو قتل نہیں کرو گے جس کے
قتل پر میرے قتل سے زیادہ خدا تم سے ناراض ہو۔واللہ مجھے تو یہ امید ہے کہ اللہ تمہیں ذلیل کر کے مجھ پر کرم
کرے گا۔پھر میرا انتقام تم سے اس طرح لے گا کہ تم حیران ہو جاؤ گے۔اللہ کی قسم ! اگر تم نے مجھے قتل کیا تو اللہ
تعالیٰ تمہارے درمیان جنگ کے سامان پیدا کر دے گا اور تمہارا خون بہایا جائے گا اور اللہ اس پر بھی راضی نہیں ہو گا
یہاں تک کہ تمہارے لئے عذاب الیم کو کئی گنا بڑھا دے۔یہ میں بیان کرنا چاہتا ہوں کہ آپ کو شہید کرنے کے بعد کس طرح سلوک کیا؟ کوفیوں نے خیموں کو لوٹنا
شروع کر دیا حتیٰ کہ عورتوں کے سروں سے چادریں تک اتارنا شروع کر دیں۔عمرو بن سعد نے منادی کی کہ کون
کون اپنے گھوڑوں سے حضرت امام حسین کو پامال کرے گا؟ یہ سن کر دس سوار نکلے جنہوں نے اپنے گھوڑوں سے
آپ کی نعش کو پامال کیا یہاں تک کہ آپ کے سینے اور پشت کو چور چور کر دیا۔اس لڑائی میں حضرت امام حسین کے
جسم پر تیروں کے 45 زخم تھے۔ایک دوسری روایت کے مطابق تینتیس زخم نیزے کے اور تینتالیس زخم تلوار کے

633
خطبه جمعه فرمودہ مورخہ 10 دسمبر 2010
خطبات مسرور جلد ہشتم
تھے اور تیروں کے زخم ان کے علاوہ تھے۔اور پھر ظلم کی یہ انتہا ہوئی کہ حضرت امام حسین کا سر کاٹ کر، جسم سے
علیحدہ کر کے اگلے روز عبید اللہ بن زیاد گورنر کوفہ کے پاس بھیجا گیا اور گورنر نے حضرت امام حسین رضی اللہ عنہ کا
سر کوفہ میں نصب کر دیا۔اس کے بعد زہر بن قیس کے ہاتھ یزید کے پاس سر بھیج دیا گیا۔(ماخوذ از تاریخ الطبری جلد 6 صفحہ 243 تا 250 - ذکر الخبر عما كان فيها من الاحداث۔دارالفکر بیروت 2002ء)
(ماخوذ از تاریخ اسلام از اکبر شاہ خان نجیب آبادی حصہ دوم صفحہ 51 تا 78۔نفیس اکیڈیمی کراچی ایڈیشن 1998ء)
تو یہ سلوک تھا جو آپ کے شہید کرنے کے بعد آپ کی نعش سے کیا گیا۔اس سے ظالمانہ سلوک اور کیا ہو
سکتا ہے؟ آپ کی لاش کو کچلا گیا۔سر تن سے جدا کیا گیا۔اس طرح لاش کی بے حرمتی شائد ہی کوئی خبیث ترین
دشمن کسی دوسرے دشمن کی کر سکتا ہو، نہ کہ ایک کلمہ پڑھنے والا، اپنے آپ کو اس رسول سے منسوب کرنے والا
جس نے انسانی قدروں کے قائم رکھنے کی اپنے ماننے والوں کو بڑی سختی سے تلقین فرمائی ہے۔پس یقیناً اس عمل سے
ایسا فعل کرنے والوں کی ہوس باطنی کا اظہار ہوتا ہے کہ وہ لوگ دنیا دار تھے اور اپنے مقاصد کے حصول کے لئے
تمام حدیں پھلانگ سکتے تھے اور انہوں نے پھلانگیں۔دین سے اُن کا ذرہ بھی کوئی واسطہ نہیں تھا۔ان کی دنیا داری کو
ہی حضرت امام حسین رضی اللہ تعالیٰ عنہ نے محسوس کر کے یزید کی بیعت سے انکار کیا تھا۔حضرت مسیح موعود علیہ الصلوۃ والسلام ایک جگہ فرماتے ہیں کہ : ”حضرت امام حسین نے پسند نہ کیا کہ
فاسق فاجر کے ہاتھ پر بیعت کروں کیونکہ اس سے دین میں خرابی ہوتی ہے“۔( ملفوظات جلد چہارم صفحہ 580 مطبوعہ ربوہ)
پھر فرمایا: "یزید پلید کی بیعت پر اکثر لوگوں کا اجماع ہو گیا تھا مگر امام حسین نے اور ان کی جماعت نے
اس اجماع کو قبول نہیں کیا اور اس سے باہر رہے“۔( مجموعہ اشتہارات جلد اول صفحه 178 خط بنام مولوی عبد الجبار مطبوعہ ربوہ)
لیکن بیعت نہ کرنے کے باوجو د حضرت امام حسین نے صلح کی کوشش کی تھی اور جب آپ نے دیکھا کہ
مسلمانوں کا خون بہنے کا خطرہ ہے تو اپنے ساتھیوں کو واپس بھیج دیا۔انہوں نے کہا تم جو جاسکتے ہو مجھے چھوڑ کر
جاؤ۔اب یہ اور حالات ہیں۔جو چند ایک آپ کے ساتھ رہنے پر مصر تھے وہ تقریباً تیس چالیس کے قریب تھے یا
آپ کے خاندان کے افراد تھے جو ساتھ رہے۔پھر آپ نے یزید کے نمائندوں کو یہ بھی کہا کہ میں جنگ نہیں چاہتا۔مجھے واپس جانے دو تاکہ میں جاکر اللہ کی عبادت کروں۔یا کسی سرحد کی طرف جانے دو تاکہ میں اسلام کی خاطر لڑتا
ہوا شہید ہو جاؤں۔یا پھر مجھے اسی طرح یزید کے پاس لے جاؤ تا کہ میں اسے سمجھا سکوں کہ کیا حقیقت ہے۔لیکن
نمائندوں نے کوئی بات نہ مانی۔(ماخوذ از تاریخ اسلام از اکبر شاہ خاں نجیب آبادی۔جلد 2 صفحہ 68 نفیس اکیڈیمی کراچی ایڈیشن 1998ء)

خطبات مسرور جلد ہشتم
634
خطبه جمعه فرمودہ مورخہ 10 دسمبر 2010
آخر جب جنگ ٹھونسی گئی تو پھر اس کے سوا آپ کے پاس بھی کوئی چارہ نہیں تھا کہ مرد میدان کی طرح
مقابلہ کرتے۔بہر حال یہ لوگ معمولی تعداد میں تھے جیسا کہ میں نے کہا، کل ستر بہتر افراد تھے اور ان کے مقابلے
پر ایک بہت بڑی فوج تھی۔یہ کس طرح ان کا مقابلہ کر سکتے تھے ؟ بہر حال انہوں نے ایک صحیح مقصد کے لئے جیسا
کہ حضرت مسیح موعود علیہ الصلوۃ والسلام نے بیان فرمایا ہے ، اپنی جانیں قربان کر دیں اور ایک ایک کر کے شہید
ہوتے گئے۔یزید پلید سے خدا کا انتقام
اللہ تعالیٰ کے بدلے لینے کے بھی اپنے طریقے ہیں جیسا کہ حضرت امام حسین نے فرمایا تھا کہ خدا تعالیٰ
میرا انتقام لے گا، اللہ تعالیٰ نے لیا۔یزید کو عارضی کامیابی بظاہر حاصل ہوئی لیکن کیا آج کوئی یزید کو اس کی نیک نامی
کی وجہ سے یاد رکھتا ہے ؟ اگر نیک نامی کی وجہ سے جانا جاتا تو مسلمان اپنے نام بھی اس کے نام پر رکھتے لیکن آج کل
کوئی اپنے بچے کا نام یزید نہیں رکھتا۔وہ اگر جانا جاتا ہے تو اس نام سے جو حضرت مسیح موعود علیہ الصلوۃ والسلام نے
استعمال فرمایا کہ یزید پلید “۔حضرت امام حسین کا ایک مقصد تھا۔آپ حکومت نہیں چاہتے تھے۔آپ حق کو قائم کرنا چاہتے تھے اور
وہ آپ نے کر دیا۔حضرت مصلح موعودؓ نے اس کی بڑی اعلیٰ تشریح فرمائی ہے کہ وہ اصول جس کی تائید میں حضرت
امام حسین کھڑے ہوئے تھے یعنی انتخاب خلافت کا حق اہل ملک کو ہے ، جماعت کو ہے۔کوئی بیٹا اپنے باپ کے بعد
بطور وراثت اس حق پر قابض نہیں ہو سکتا۔فرمایا کہ یہ اصول آج بھی ویسا ہی مقدس ہے جیسا کہ پہلے تھا بلکہ حضرت
امام حسینؓ کی شہادت نے اس حق کو اور بھی نمایاں کر دیا ہے۔پس کامیاب حضرت امام حسین ہوئے نہ کہ یزید۔(ماخوذ از ” کامیابی“ انوار العلوم جلد 10 صفحہ 589 )
اور پھر قدرت کا ایک اور طریقے سے انتقام دیکھیں کہ کیسا بھیانک انتقام ہے۔اس کے بارے میں بھی
حضرت مصلح موعودؓ نے اپنی کتاب ”خلافتِ راشدہ میں ایک واقعہ کا ذکر کیا کہ تاریخ میں لکھا ہے کہ یزید کے
مرنے کے بعد جب اس کا بیٹا تخت نشین ہوا، جس کا نام بھی اپنے دادا کے نام پر معاویہ ہی تھا تو لوگوں سے بیعت لینے
کے بعد وہ اپنے گھر چلا گیا اور چالیس دن تک باہر نہیں نکلا۔پھر ایک دن وہ باہر آیا اور منبر پر کھڑے ہو کر لوگوں سے
کہنے لگا کہ میں نے تم سے اپنے ہاتھ پر بیعت لی ہے مگر اس لئے نہیں کہ میں اپنے آپ کو تم سے بیعت لینے کا اہل
سمجھتا ہوں بلکہ اس لئے کہ میں چاہتا تھا کہ تم میں تفرقہ پیدا نہ ہو اور اس وقت سے لے کر اب تک میں گھر میں
یہی سوچتا رہا کہ اگر تم میں کوئی شخص لوگوں سے بیعت لینے کا اہل ہو تو میں یہ امارت اس کے سپر د کر دوں اور خود
بری الذمہ ہو جاؤں مگر باوجود غور کرنے کے مجھے تم میں سے کوئی ایسا آدمی نظر نہیں آیا۔اس لئے اے لوگو! یہ
اچھی طرح سُن لو کہ میں اس منصب کا اہل نہیں ہوں اور میں یہ بھی کہہ دینا چاہتا ہوں کہ میر اباپ اور میر ادادا بھی

خطبات مسرور جلد ہشتم
635
خطبہ جمعہ فرمودہ مورخہ 10 دسمبر 2010
اس منصب کے اہل نہیں تھے۔میرا باپ حسین سے درجہ میں بہت کم تھا اور اُس کا باپ حسن حسین کے باپ سے کم
درجہ رکھتا تھا۔علی اپنے وقت میں خلافت کا زیادہ حق دار تھا اور اس کے بعد بہ نسبت میرے دادا اور باپ کے حسن
اور حسین خلافت کے زیادہ حقدار تھے۔اس لئے میں اس امارت سے سبکدوش ہو تاہوں۔(ماخوذ از خلافت راشده، انوار العلوم جلد 15 صفحہ 557-558)
اب دیکھیں، کس طرح بیٹے نے یہ باتیں کہہ کر اپنے باپ دادا کے منہ پر طمانچہ مارا ہے۔اس لئے کہ
خوف خدا تھا۔اس لئے کہ اس میں تقویٰ کی کچھ رمق تھی۔دنیا داروں کے ہاں بھی نیک اولاد اور حقیقت پسند اولاد،
انصاف سے کام لینے والی اولاد پیدا ہوتی ہے۔بہر حال پھر یہ کہا کہ اب یہ تمہاری مرضی پر منحصر ہے کہ جس کی چاہو
بیعت کر لو۔اس کی ماں پر دے کے پیچھے اس کی تقریر سن رہی تھی۔جب اس نے اپنے بیٹے کے یہ الفاظ سنے تو بڑے
غصے سے کہنے لگی کہ کمبخت تو نے اپنے خاندان کی ناک کاٹ دی ہے اور اس کی تمام عزت خاک میں ملا دی ہے۔وہ
کہنے لگا جو سچی بات تھی وہ میں نے کہہ دی ہے، اب آپ کی جو مرضی ہو مجھے کہیں۔چنانچہ اس کے بعد وہ اپنے گھر
گیا۔گھر میں ہی بیٹھا رہا۔وہاں سے باہر نہیں نکلا اور چند دن گزرنے کے بعد ہی اس کی وفات ہو گئی۔تو یہ اس بات کی
کتنی زبر دست شہادت ہے کہ یزید کی خلافت پر دوسرے لوگوں کی رضا تو الگ رہی ، خود اس کا اپنا بیٹا بھی متفق نہ تھا۔یہ نہیں کہ بیٹے نے کسی لالچ کی وجہ سے ایسا کیا ہو۔یہ بھی نہیں کہ اس نے کسی مخالفت کے ڈر سے ایسا کیا ہو۔بلکہ اُس
نے اپنے دل میں سنجیدگی کے ساتھ غور اور فکر کرنے کے بعد یہ فیصلہ کیا کہ میرے دادا سے علی کا حق زیادہ تھا اور
میرے باپ سے حسن اور حسین کا حق زیادہ تھا اور میں اس بوجھ کو اٹھانے کے لئے تیار نہیں ہوں۔پس معاویہ کا
یزید کو مقرر کرنا کوئی انتخاب نہیں کہلا سکتا۔کسی کی ذلت کا اس سے بڑا اور کیا سامان ہو سکتا ہے کہ اولا دخو د اپنے باپ
کی حقیقت ظاہر کر کے اسے کمتر ثابت کر رہی ہو۔پس حضرت امام حسین کی قربانی ہمیں بہت سے سبق دیتی ہے۔آپ نے حق کے سامنے کھڑے ہو کر دنیا میں حق پھیلا دیا۔اپنی جان کا نذرانہ پیش کر کے حق کو قائم فرما دیا۔ہمیں
بھی دعاؤں کے ذریعے سے ہمیشہ اللہ تعالیٰ سے مدد مانگتے رہنا چاہئے کہ وہ ہمیں ہمیشہ صراط مستقیم پر چلائے رکھے۔ایک جگہ حضرت مسیح موعود علیہ الصلوۃ والسلام نے فرمایا کہ حضرت مسیح کو امام حسین سے تشبیہ دی گئی
ہے اور استعارہ در استعارہ کے الفاظ استعمال کئے۔اس تشبیہ سے ظاہر ہے کہ آنے والا مسیح بھی یعنی یہ مسیح موعود
بھی اس تشبیہ سے حصہ لے گا۔اس پر بھی ایک لحاظ سے امام حسین کی تشبیہ صادق آتی ہے۔لیکن حضرت مسیح
موعود علیہ الصلوۃ والسلام کا زمانہ انشاء اللہ ان باتوں کو نہیں دہرائے گا۔۔خلافت کا تسلسل
(ماخوذ از ازالہ اوہام۔روحانی خزائن جلد 3 صفحہ 136-137 مطبوعہ ربوہ)
یہ الہی تقدیر ہے کہ وہ باتیں اب نہیں دہرائی جائیں گی جن سے اسلام کو ضعف پہنچا تھا۔لیکن ہمیں
دعاؤں کی طرف بہر حال توجہ دیتے رہنا چاہئے تا کہ ہم ان باتوں سے بچے رہیں جو ایمان میں ٹھو کر کا باعث بنتی ہیں۔

خطبات مسرور جلد ہشتم
636
خطبه جمعه فرمودہ مورخہ 10 دسمبر 2010
جیسا کہ میں نے کہا کہ اللہ تعالیٰ اُن باتوں کو جو پہلے ہو چکی ہیں مسیح موعود کے زمانے میں نہیں دہرائے گا، ان میں
ایک خلافت کا تسلسل بھی ہے۔ایک طریقہ کار کے مطابق انتخاب خلافت بھی ہے اور اس کی آنحضرت صلی علی ایم نے
پیشگوئی بھی فرمائی تھی کہ مسیح و مہدی کے بعد یہ تسلسل بھی قائم رہے گا۔حضرت مسیح موعود علیہ الصلوۃ والسلام
نے بھی اس کی وضاحت فرمائی ہے کہ کس طرح یہ باتیں نہیں دہرائی جائیں گی ؟ مثلاً یہ کہ اگر پہلا آدم جنت سے نکالا
گیا تھا تو حضرت مسیح موعود نے فرمایا کہ میرا نام اللہ تعالیٰ نے آدم رکھا ہے تا کہ اولادِ آدم کے جنت میں جانے کا ایک
نئے سرے سے انتظام ہو۔پھر فرمایا کہ پہلے مسیح کو یہودیوں نے صلیب دی تھی تو میرا نام مسیح رکھ کر اللہ تعالیٰ نے
صلیب کو توڑنے کا سامان مہیا فرمایا۔پس اللہ تعالیٰ پہلی دفعہ کی ناکامی کو دوسری دفعہ کامیابی سے بدلے گا۔(ماخوذ از خطبات محمود جلد 15 صفحہ 498-499 مطبوعہ ربوہ)
اگر پہلے حسین کو یزید نے حق گوئی کی وجہ سے شہید کیا تھا تو دوسرے حسین کی وجہ سے خدا تعالیٰ یزید
کے لشکر کو شکست دے گا، انشاء اللہ۔پس ہم تو اس ایمان پر قائم ہیں۔پس اگر محرم کا مہینہ ہمیں کوئی سبق دیتا ہے تو
یہ ہے کہ ہم آنحضرت صلی علیہ تم پر اور آپ کی آل پر ہمیشہ درود بھیجتے رہیں۔زمانے کے امام کے مقاصد کے حصول میں
درود، دعاؤں اور اپنی حالتوں میں پاک تبدیلی پیدا کرتے ہوئے اپنا کردار ادا کرنے کی کوشش کرتے رہیں۔اور
یزیدی صفت لوگوں کے سامنے استقامت دکھاتے ہوئے ہمیشہ ڈٹے رہیں۔یقینا اس مرتبہ یزید کامیاب نہیں ہو گا،
بلکہ حسینی ہی کامیاب ہوں گے۔استقامت کی توفیق بھی اللہ تعالیٰ کی مدد سے ہی ملتی ہے۔اور اللہ تعالیٰ کی مدد کے
لئے اللہ تعالیٰ نے دعا اور صبر کا ارشاد فرمایا ہے۔صبر صرف ظلم کو برداشت کرنا ہی نہیں ہے۔جو ہو جائے اس پر
خاموش بیٹھے رہنا نہیں ہے۔بلکہ مستقل مزاجی کے ساتھ نیک کام کو جاری رکھنا اور کسی بھی خوف اور خطرے سے بے
پرواہ ہو کر حق کا اظہار کرتے چلے جانا، یہ بھی صبر ہے۔پس حضرت امام حسین نے جو حق کے اظہار کے نمونے
ہمارے سامنے قائم فرمائے ہیں اسے ہمیں ہر وقت پکڑے رہنا چاہئے۔اور اگر ہم اس پر قائم رہے تو ہم اس فتح اور
کامیابی کا حصہ بنیں گے جو حضرت مسیح موعود علیہ الصلوۃ والسلام کے ساتھ مقدر ہے۔انشاء اللہ۔درود شریف کی اہمیت اور برکت
دعاؤں کی قبولیت کے لئے درود شریف بہت اہم چیز ہے۔حضرت مسیح موعود علیہ الصلوۃ والسلام نے بھی
اس طرف توجہ دلائی ہے۔احادیث میں بھی اس کا بہت ذکر آتا ہے اور سب سے بڑھ کر اللہ تعالیٰ نے قرآنِ کریم
میں بھی درود کی طرف توجہ دلائی ہے۔اس لئے ہمیں عموماً درود کی طرف متوجہ رہنا چاہئے اور اس مہینے میں خاص
طور پر اس طرف توجہ رکھنی چاہئے۔جیسا کہ ایک مرتبہ پہلے حضرت خلیفتہ المسیح الرابع" نے بھی اس کی خاص تحریک
فرمائی تھی تو میں بھی اس کا اعادہ کرتے ہوئے یاد دہانی کرواتا ہوں کہ اس مہینے میں درود بہت پڑھیں۔یہ جذبات

خطبات مسرور جلد ہشتم
637
خطبه جمعه فرمودہ مورخہ 10 دسمبر 2010
کا سب سے بہترین اظہار ہے جو کر بلا کے واقعہ پر ہو سکتا ہے ، جو ظلموں کو ختم کرنے کے لئے اللہ تعالیٰ کی مدد چاہنے
کے لئے ہو سکتا ہے۔آنحضرت صلی اللہ تم پر بھیجا گیا یہ درود آپ کی جسمانی اور روحانی اولاد کی تسکین کا باعث بھی بنتا
ہے۔ترقیات کے نظارے بھی ہمیں نظر آتے ہیں۔آنحضرت صلی الی ظلم کے پیاروں سے پیار کا بھی یہ ایک بہترین
اظہار ہے۔اور اس زمانے میں آپ کے عاشق صادق مسیح موعود علیہ الصلوۃ والسلام کے مقاصد کی تکمیل میں بھی یہ
درود بے انتہا برکتوں کے سامان لے کر آئے گا۔انشاء اللہ تعالیٰ۔اللہ تعالیٰ ہمیں ان دنوں میں خاص طور پر درود
پڑھنے کی ، زیادہ سے زیادہ درود پڑھنے کی توفیق عطا فرمائے۔اور پھر یہ درود جو ہے ہماری ذات کے لئے بھی برکتوں کا
موجب بنے والا ہو گا۔آخر میں میں حضرت امام حسین کے بارہ میں، ان کے مقام کے بارے میں حضرت مسیح موعود
علیہ الصلوۃ والسلام کا ایک اقتباس پڑھوں گا جس کو ہر احمدی کو ہمیشہ اپنے پیش نظر رکھنا چاہئے کہ حضرت مسیح موعود
علیہ السلام نے آپ کو کیا مقام دیا ہے؟
حضرت مسیح موعود کے الفاظ میں حضرت امام حسین کا مقام
کسی نے حضرت مسیح موعود علیہ السلام کو اطلاع دی تھی کہ حضرت امام حسین کے مقام اور رتبے کے بارہ
میں کسی احمدی نے غلط بات کی ہے۔تو اس پر آپ نے فرمایا کہ: ”مجھے اطلاع ملی ہے کہ بعض نادان آدمی جو اپنے تئیں
میری جماعت کی طرف منسوب کرتے ہیں، حضرت امام حسین رضی اللہ عنہ کی نسبت یہ کلمات منہ پر لاتے ہیں کہ
نعوذ باللہ حسین بوجہ اس کے کہ اُس نے خلیفہ وقت یعنی یزید سے بیعت نہیں کی ، باغی تھا اور یزید حق پر تھا۔لَعْنَةُ
اللهِ عَلَى الْكَاذِبِيْنَ۔مجھے امید نہیں کہ میری جماعت کے کسی راستباز کے منہ پر ایسے خبیث الفاظ نکلے ہوں“۔فرمایا ”بہر حال میں اس اشتہار کے ذریعہ سے اپنی جماعت کو اطلاع دیتا ہوں کہ ہم اعتقاد رکھتے ہیں کہ یزید ایک
ناپاک طبع دُنیا کا کیڑا اور ظالم تھا اور جن معنوں کی رو سے کسی کو مومن کہا جاتا ہے وہ معنے اس میں موجود نہ تھے۔مومن بنا کوئی امر سہل نہیں ہے۔اللہ تعالیٰ ایسے شخصوں کی نسبت فرماتا ہے قَالَتِ الْأَعْرَابُ أَمَنَا ۖ قُلْ لَّمْ تُؤْمِنُوا وَ
لكن قُولُوا اسْلَمْنَا (الحجرات: 15) مومن وہ لوگ ہوتے ہیں جن کے اعمال ان کے ایمان پر گواہی دیتے ہیں۔جن
کے دل پر ایمان لکھا جاتا ہے اور جو اپنے خدا اور اس کی رضا کو ہر ایک چیز پر مقدم کر لیتے ہیں اور تقویٰ کی باریک اور
تنگ راہوں کو خذا کے لئے اختیار کرتے اور اس کی محبت میں محو ہو جاتے ہیں اور ہر ایک چیز جو بت کی طرح خدا سے
روکتی ہے خواہ وہ اخلاقی حالت ہو یا اعمالِ فاسقانہ ہوں یا غفلت اور کسل ہو سب سے اپنے تئیں دور تر لے جاتے ہیں۔لیکن بد نصیب یزید کو یہ باتیں کہاں حاصل تھیں۔دُنیا کی محبت نے اس کو اندھا کر دیا تھا۔مگر حسین رضی اللہ عنہ
طاہر مطہر تھا اور بلاشبہ وہ اُن بر گزیدوں میں سے ہے جن کو خدا تعالیٰ اپنے ہاتھ سے صاف کرتا اور اپنی محبت سے
معمور کر دیتا ہے اور بلاشبہ وہ سردارانِ بہشت میں سے ہے اور ایک ذرہ کینہ رکھنا اس سے موجب سلب ایمان ہے
اور اس امام کی تقویٰ اور محبت الہی اور صبر ، استقامت اور زہد اور عبادت ہمارے لئے اسوہ حسنہ ہے اور ہم

638
خطبه جمعه فرمودہ مورخہ 10 دسمبر 2010
خطبات مسرور جلد ہشتم
اس معصوم کی ہدایت کے اقتداء کرنے والے ہیں جو اس کو ملی تھی۔تباہ ہو گیاوہ دل جو اس کا دشمن ہے اور کامیاب ہو
گیا وہ دل جو عملی رنگ میں اس کی محبت ظاہر کرتا ہے اور اس کے ایمان اور اخلاق اور شجاعت اور تقویٰ اور
استقامت اور محبت الہی کے تمام نقوش انعکاسی طور پر کامل پیروی کے ساتھ اپنے اندر لیتا ہے جیسا کہ ایک صاف
آئینہ میں ایک خوب صورت انسان کا نقش۔یہ لوگ دُنیا کی آنکھوں سے پوشیدہ ہیں۔کون جانتا ہے ان کا قدر مگر وہی
جو اُن میں سے ہیں۔دُنیا کی آنکھ وہ شناخت نہیں کر سکتی کیونکہ وہ دُنیا سے بہت دُور ہیں۔یہی وجہ حسین کی شہادت
کی تھی کیونکہ وہ شناخت نہیں کیا گیا۔دنیا نے کس پاک اور برگزیدہ سے اس کے زمانہ میں محبت کی تا حسین سے بھی
محبت کی جاتی۔غرض یہ امر نہایت درجہ کی شقاوت اور بے ایمانی میں داخل ہے کہ حسین رضی اللہ عنہ کی تحقیر کی
جائے اور جو شخص حسین یا کسی اور بزرگ کی جو آئمہ مطہرین میں سے ہے تحقیر کرتا ہے یا کوئی کلمہ استخفاف کا اس کی
نسبت اپنی زبان پر لاتا ہے وہ اپنے ایمان کو ضائع کرتا ہے کیونکہ اللہ جلشانہ اس شخص کا دشمن ہو جاتا ہے جو اس کے
برگزیدوں اور پیاروں کا دشمن ہے“۔( مجموعہ اشتہارات جلد دوم صفحہ 453-454 اشتہار نمبر 270 مطبوعہ ربوہ)
اللہ تعالیٰ ہمیں آنحضرت صلی علیہ ظلم اور آپ کی آل کی محبت کی ہمیشہ توفیق عطا فرما تار ہے۔ہمیشہ درود بھیجنے
کی توفیق عطا فرما تار ہے۔اور یہ بھی دعا کریں کہ پاکستان اور دنیا کے وہ ممالک جہاں
اللہ اور رسول کے نام پر ظلم کئے
جاتے ہیں اللہ تعالیٰ انہیں بھی ختم فرمائے۔اور اس مہینے میں خاص طور پر پاکستان میں بھی اور بعض اور جگہوں پر
شیعوں اور سنیوں اور دوسرے فرقوں کے جو فساد ہوتے ہیں، ایک دوسرے کو قتل و غارت کیا جاتا ہے، جلوسوں پر
دہشت گردی کے حملے کئے جاتے ہیں اللہ تعالیٰ اُن سے بھی محفوظ رکھے۔اور یہ مہینہ تمام مسلمان ملکوں اور تمام
مسلمانوں کے لئے امن کا، خیریت کا مہینہ ثابت ہو۔اور حضرت امام حسین کی شہادت کا جو مقصد تھا اُس کو یہ لوگ
سمجھنے والے ہوں اور اس زمانے کے امام کو ماننے والے اور اس کی تصدیق کرنے والے بھی بنیں۔آج میں دو افریقن بھائیوں اور ایک بنگالی خاتون کا نمازوں کے بعد جنازہ بھی پڑھاؤں گا۔جن کا تعارف یہ
ہے۔زمبابوے کے ایک ہمارے افریقن دوست تھے مہدی ٹپانی صاحب۔نیشنل سیکرٹری تبلیغ تھے۔15 نومبر کو
ان کی وفات ہوئی۔اِنَّا لِلَّهِ وَإِنَّا إِلَيْهِ رَاجِعُوْنَ۔ایک لمبے عرصے سے نیشنل سیکرٹری تبلیغ تھے۔1990ء میں
بیعت کر کے احمدیت میں شمولیت کی توفیق پائی اور اس کے بعد سے ہمیشہ جماعتی خدمات میں پیش پیش تھے۔انہوں
نے وہاں مسجد کی زمین خرید نے اور آفس بلاک کی تعمیر میں مدد کی۔ان کی اہلیہ کے علاوہ پانچ لڑکے اور دولڑکیاں
ہیں۔اور اللہ کے فضل سے سب شادی شدہ ہیں۔اور اللہ کے فضل سے سب احمدی ہیں۔بچے بھی ساتھ ہی احمدی
ہیں۔ان کے ایک بیٹے حسین ٹپانی صاحب زمبابوے کے صدر خدام الاحمدیہ ہیں اور جنرل سیکرٹری بھی ہیں۔ان کی
بہو وہاں صدر لجنہ اماءاللہ ہیں۔انہتر سال مرحوم کی عمر تھی۔اللہ تعالیٰ ان کے درجات بلند کرے۔

خطبات مسرور جلد ہشتم
639
خطبہ جمعہ فرمودہ مورخہ 10 دسمبر 2010
دوسرا جنازہ ڈاکٹر الحاج ابو بکر گائی (BABUCARR GAYE) صاحب کا ہے۔یہ گیمبیا کے منسٹر
آف ہیلتھ رہے ہیں۔جیسا کہ میں نے بتایا ڈاکٹر الحاج ابو بکر گائی صاحب ہیلتھ اینڈ سوشل ورک کے منسٹر رہے۔دود سمبر کو ان کی وفات ہوئی ہے۔اِنَّا لِلَّهِ وَإِنَّا إِلَيْهِ رَاجِعُوْنَ۔1940ء میں گیمبیا میں، بانجل میں پیدا ہوئے۔73ء میں ماسکو سے جنرل میڈیسن کی ڈگری حاصل کی۔ملک کے مختلف ہسپتالوں میں خدمات انجام دیتے رہے۔1999ء سے 2004ء تک نصرت جہاں سکیم کے تحت ہمارے احمد یہ مسلم ہسپتال تالنڈنگ میں بطور ڈاکٹر خدمات
سر انجام دیں۔اس وقت یہ احمدی نہیں تھے۔2004ء میں انہوں نے بیعت کی توفیق پائی۔بڑے مخلص اور فدائی
احمدی تھے۔بیعت کے فوراً بعد چندے کے نظام میں شامل ہوئے اور باقاعدگی سے بڑی بڑی رقمیں خدا تعالیٰ کی راہ
میں خرچ کیں۔پرائیویٹ کلینک سے بہت سی خواتین اور بچوں کا مفت علاج کیا کرتے تھے۔بہت ایکٹو (Active)
داعی الی اللہ تھے۔بطور زعیم انصار اللہ بھی خدمات کی توفیق پائی۔تلاوت قرآن کریم اور تہجد کی ادائیگی میں بڑے
با قاعدہ تھے اور اس بات کا ہمیشہ اور بر ملا اظہار کیا کرتے تھے کہ احمدی ہونے کے بعد معجزانہ طور پر روحانی تبدیلی
ان کے اندر پیدا ہوئی ہے۔نظام خلافت سے بہت گہرا اور مثالی تعلق تھا۔اور خلفاء کے ساتھ بڑی عقیدت اور احترام
تھا۔ان کی تصاویر بھی رکھی ہوئی تھیں۔2009ء میں آپ کا تقرر بطور منسٹر ہوا۔آپ کی وفات پر پارلیمنٹ کا اجلاس
بھی ہوا جس میں تمام سرکاری افسران اور سپیکر نے ان کی سچائی اور وفاداری اور اخلاص اور قوم کا خادم ہونے اور
محنتی ہونے اور سچے مسلمان ہونے کا ذکر کیا۔وائس پریذیڈنٹ نے امیر صاحب گیمبیا کو پارلیمنٹ کے اجلاس میں
خطاب کے لئے بلایا اور ان کو دس منٹ کا وقت دیا کہ وہ بھی کچھ کہیں۔جماعت کے کسی بھی امیر کو پارلیمنٹ میں
خطاب کا یہ پہلا موقع تھا۔آپ کی وفات پر آپ کی باڈی ہاؤس آف پارلیمنٹ رکھی گئی جہاں وائس پریذیڈنٹ، سپیکر
آف دی ہاؤس نے اور وزراء نے اور ممبران پارلیمنٹ اور دوستوں نے آخری دیدار کیا اور سرکاری پروٹوکول کے
ساتھ ان کی تدفین ہوئی۔ملک کے ٹی وی پر ان کی وفات کا اعلان نشر ہوا۔مرحوم کے خاندان کے ایک ممبر نے
پارلیمنٹ کے اجلاس میں اپنے ایڈریس میں بر ملا اس بات کا اظہار کیا کہ مرحوم نہایت سچے اور مخلص احمدی مسلمان
تھے جو ایک خدا پر اور اسلام کے پانچ ارکان پر ایمان رکھتے تھے اور حقیقی مسلمان تھے۔اور غرباء کا نہ صرف مفت علاج
کرتے تھے بلکہ رقوم کے ذریعہ بھی مدد کرتے تھے۔گیمبیا میں وقتاً فوقتاً جماعت کے خلاف کچھ نہ کچھ وبال اُٹھتارہتا
ہے۔یہ حکومت میں تھے تو اس لحاظ سے بہر حال کچھ نہ کچھ فائدہ بھی رہتا ہے۔اللہ کرے وہاں ان کے اللہ تعالیٰ اور نعم
البدل پیدافرمائے جو سرکاری حلقوں میں بھی اثر رسوخ رکھنے والے ہوں اور نیک ، صالح اور خادم سلسلہ بھی ہوں۔تیسر اجنازہ مکرمہ عزت النساء صاحبہ اہلیہ مکرم ابو احمد بھوئیاں صاحب مرحوم بنگلہ دیش کا ہو گا جو ہمارے
مربی سلسلہ، مبلغ سلسلہ اور بنگلہ ڈیسک کے انچارج مکرم فیروز عالم صاحب کی والدہ تھیں۔17 نومبر کو تقریباً

640
خطبه جمعه فرمودہ مورخہ 10 دسمبر 2010
خطبات مسرور جلد ہشتم
85 سال کی عمر میں ان کی وفات ہوئی ہے۔۔اِنَّا لِلَّهِ وَإِنَّا لَيْهِ رَاجِعُوْنَ۔انہوں نے 1975ء میں احمدیت قبول
کی اور پنجوقتہ نمازوں کی پابند، تہجد گزار اور دین العجائز رکھنے والی نیک مخلص خاتون تھیں۔عبادات کے سلسلے میں
انہیں پاکیزگی کا اتنا خیال تھا کہ ہر نماز سے پہلے کپڑے بدل کر نماز ادا کیا کرتی تھیں۔ان کے گاؤں میں اکثر لوگ
ناخواندہ ہیں۔گاؤں میں رہنے والی تھیں لیکن انہوں نے اپنے بچوں کی تعلیم و تربیت کا بہت خیال رکھا۔ایسی غریب
پرور تھیں کہ اپنی غربت کے باوجود اپنے خاندان کے دوسرے غریبوں کا بہت خیال رکھتی تھیں۔حضرت مسیح
موعود علیہ السلام اور خلافتِ احمدیہ سے والہانہ محبت رکھتی تھیں۔مخالفین جب بھی ان کے سامنے جماعت کے
خلاف بات کرتے تو وہ اُن کو یہی جواب دیتیں کہ تمہیں نہیں معلوم کہ تم کس نعمت کا انکار کر رہے ہو؟ مرحومہ
موصیہ تھیں۔تین بیٹے اور پانچ بیٹیاں ان کی یاد گار ہیں۔جیسا کہ میں نے کہا، فیروز عالم صاحب ان کے ایک بیٹے
ہیں جو یہیں لندن میں ہیں۔اللہ تعالیٰ مرحومہ کے درجات بلند فرمائے اور سب کے پسماندگان کو صبر کی توفیق عطا
فرمائے۔(نماز جمعہ و عصر کے بعد حضور ایدہ اللہ نے ان مرحومین کی نماز جنازہ غائب پڑھائی)۔الفضل انٹر نیشنل جلد 17 شمارہ 53 مورخہ 31 دسمبر 2010 تا 6 جنوری 2011 صفحہ 5 تا 8)

آج 10 میں سے 10 باقی