ہمیں سیدھے راستہ پر چلا
خطبات مسرور جلد نهم
24
24
297
خطبه جمعه فرمودہ مورخہ 17 جون 2011ء
خطبہ جمعہ فرموده 17 جون 2011ء بمطابق 17 احسان 1390 ہجری شمسی
بمقام گراس گیراؤ (جرمنی)
تشہد و تعوذ اور سورۃ فاتحہ کی تلاوت کے بعد حضور انور ایدہ اللہ تعالیٰ بنصرہ العزیز نے فرمایا:
اللہ تعالیٰ کا ہم احمدیوں پر یہ احسانِ عظیم ہے کہ اُس نے ہمیں اس زمانے کے امام کو ماننے کی توفیق عطا
فرمائی۔ایک احمدی غور کرے تو اس احسان پر تمام زندگی بھی خدا تعالیٰ کا شکر ادا کر تا رہے تو پھر بھی ادا نہیں کر سکتا۔کہتے ہیں اس وقت دنیا میں مسلمان دو ارب کے قریب ہیں۔سب کے سامنے آنحضرت صلی اللہ علیہ وسلم کی یہ
پیشگوئی اور حکم ہے کہ چودھویں صدی میں مسیح و مہدی کا ظہور ہو گا۔ایک اند ھیرے زمانے کے بعد پھر اسلام کی
نشاۃ ثانیہ کا دور شروع ہو گا۔اس لئے جب وہ ظہور ہو ، وہ نشانیاں پوری ہوں اور سب سے بڑھ کر یہ نشانی کہ چاند اور
سورج گرہن رمضان کے مہینے میں مقررہ تاریخوں پر ہو تو یہ ایک ایسی نشانی ہے کہ جب سے کہ زمین و آسمان بنے
ہیں یہ نشانی کبھی واقع نہیں ہوئی، تو اس خدا کے فرستادے اور میرے عاشق صادق کو مان لینا۔یہ آنحضرت صلی اللہ
علیہ وسلم کا ارشاد ہے۔پھر قرآنِ کریم نے وَ اخَرِيْنَ مِنْهُمْ لَمَّا يَلْحَقُوا بِهِمُ (الجمعه: 4) کہ کر مزید اس
طرف توجہ پھیر دی اور جس کی وضاحت آنحضرت صلی اللہ علیہ وسلم نے یہ کہہ کر فرما دی کہ غیر عرب لوگوں میں
سے اُس کو تلاش کرنا۔(صحیح بخاری کتاب التفسير سورة الجمعة باب و آخرین منھم۔۔۔حدیث نمبر 4897)
اور آپ نے فرمایا کہ برف کے سلوں پر بھی گھٹنوں کے بل چل کر جانا پڑے تو جانا اور اُسے میر اسلام
پہنچانا۔(ابن ماجہ کتاب الفتن باب خروج المھدی حدیث 4084) پھر مسلمانوں کو خدا تعالیٰ نے ہمیشہ ہدایت پر رہنے اور
ہدایت قبول کرنے کی دعائیں بھی سکھائیں لیکن اس کے باوجود اس وقت تک پانچ سات فیصد لوگوں کو ہی زمانے کے
امام کو پہچاننے کی توفیق ملی۔باوجود اس کے کہ مسلمان اهْدِنَا الصِّرَاطَ الْمُسْتَقِيمَ کی دعا اپنی نمازوں میں کئی بار پڑھتے
ہیں۔اور باوجو د اس کے کہ جیسا کہ میں نے ابھی کہا کہ قرآنِ کریم کی پیشگوئیاں اور آنحضرت صلی اللہ علیہ وسلم کی
پیشگوئیاں اور ارشادات سامنے ہیں، مسلمانوں کی اکثریت اس امام کو جو زمانے کا امام ہے ، ماننے سے انکاری ہے۔اور
نہ صرف ماننے سے انکاری ہے بلکہ تکذیب پر شدت سے زور دے رہے ہیں۔اللہ تعالیٰ سعید فطرت غیر م
مسلموں
298
خطبہ جمعہ فرمودہ مورخہ 17 جون 2011ء
خطبات مسرور جلد نهم
بلکہ لامذہبوں اور اس سے بھی بڑھ کر خدا تعالیٰ کو نہ ماننے والوں کو بھی ہدایت عطا فرمارہا ہے ، ہدایت کے راستوں کی
طرف رہنمائی فرمارہا ہے۔اور ان لوگوں میں سے ہر سال ہزاروں کی تعداد میں جماعت میں شامل ہوتے ہیں۔لیکن
بد قسمتی سے نام نہاد اور مفاد پر ست ملاؤں کے پیچھے چل کر بعض جگہ مسلمان کہلانے والوں نے امام الزمان کی دشمنی
کی انتہا کی ہوئی ہے۔اللہ تعالیٰ ہی ہے جو ان لوگوں کو عقل دے۔علماء جو نام نہاد علماء ہیں وہ تو ایسے حال پر پہنچے ہوئے
ہیں کہ لگتا ہے اُن کے لئے بظاہر اصلاح کے سب ذریعے بند ہو چکے ہیں۔لیکن وہ لوگ جو معصومیت میں یا اپنے خیال
میں عشق رسول میں ان کے پیچھے لگے ہوئے ہیں اُن کو اللہ تعالیٰ صحیح راستوں کی طرف ہدایت عطا فرمائے تا کہ وہ
امام کو پہچا نہیں۔اور جو دشمنی وہ اس زمانہ کے امام سے کر رہے ہیں، جس کی بعض جگہوں پر انتہائی حدوں کو چھوا جا رہا
ہے، اُس سے وہ باز آجائیں اور اپنی عاقبت سنوار نے والے بن جائیں۔کاش اهدِنَا الصِّرَاطَ الْمُسْتَقِيمَ کی دعا مسلمانوں
کے دل کی آواز بن کر نکلے اور مسلم امت اللہ تعالیٰ کے فضلوں کی وارث بنے۔اور دنیا ان کو بھی عزت اور تکریم کی
نظر سے دیکھنے والی ہو۔ایک جگہ اس یعنی اهدِنَا الصِّرَاطَ الْمُسْتَقِيمَ کی آیت کی وضاحت فرماتے ہوئے حضرت مسیح موعود علیہ
الصلوۃ والسلام فرماتے ہیں کہ :
قرآن شریف نے جیسا کہ جسمانی تمدن کے لئے یہ تاکید فرمائی ہے کہ ایک بادشاہ کے زیر حکم ہو کر
چلیں۔یہی تاکید روحانی تمدن کے لئے بھی ہے۔اسی کی طرف اشارہ ہے جو اللہ تعالیٰ یہ دعا سکھلاتا ہے کہ اهْدِنَا
الصِّرَاطَ الْمُسْتَقِيمَ صِرَاطَ الَّذِينَ أَنْعَمْتَ عَلَيْهِمُ (الفاتحه: 6-7)۔پس سوچنا چاہئے کہ یوں تو کوئی مومن بلکہ کوئی
انسان ، بلکہ کوئی حیوان بھی خدا تعالیٰ کی نعمت سے خالی نہیں مگر نہیں کہہ سکتے کہ ان کی پیروی کے لئے خدا تعالیٰ نے
یہ حکم فرمایا ہے۔لہذا اس آیت کے معنے یہ ہیں کہ جن لوگوں پر اکمل اور اتم طور پر نعمت روحانی کی بارش ہوئی ہے
ان کی راہوں کی ہمیں توفیق بخش کہ تاہم ان کی پیروی کریں۔سو اس آیت میں یہی اشارہ ہے کہ تم امام الزمان کے
( ضرورة الامام ، روحانی خزائن جلد نمبر 13 صفحہ 494)
ساتھ ہو جاؤ“۔امام الزمان کی تعریف آپ نے یہ فرمائی کہ وہ رسول بھی ہوتے ہیں اور وہ لوگ بھی ہوتے ہیں جنہیں اللہ
تعالی دنیا کی ہدایت کے لئے مامور فرمائے۔پس اس زمانے میں جیسا کہ میں نے کہا قرآن اور آنحضرت صلی اللہ علیہ
وسلم کی پیشگوئیوں کے مطابق امام الزمان آنحضرت صلی اللہ علیہ وسلم کے عاشق صادق مسیح موعود و مہدی معہود ہی
ہیں جو اس زمانے میں اللہ تعالیٰ کی طرف سے یہ انعام لے کر مبعوث ہوئے ہیں۔اس لئے وہ انعام جو آنحضرت صلی
اللہ علیہ وسلم کے فیض سے تا قیامت جاری رہنا ہے ، اب آپ کی پیشگوئیوں کے مطابق حضرت مسیح موعود علیہ
الصلوۃ والسلام کے ذریعے سے جاری رہنا ہے۔اور جیسا کہ آپ نے فرمایا یہ مسیح موعود علیہ الصلوۃ والسلام کے ساتھ
مجڑ کر ہی دوسروں کو مل سکتا ہے۔
خطبات مسرور جلد نهم
299
خطبه جمعه فرمودہ مورخہ 17 جون 2011ء
آج سے چودہ سو سال پہلے جو نعمت جاری ہوئی اُس سے آپ کے صحابہ نے خوب فیض پایا۔ہر وقت اس
فکر میں رہتے کہ کس طرح ہم زیادہ سے زیادہ اپنے ایمانوں میں تازگی پیدا کریں۔اِهْدِنَا الصِّرَاطَ الْمُسْتَقِيمَ کا وِرد ان
کی زبانوں پر ہو تا تھا۔نماز پڑھتے تھے تو ہر ہر لفظ اور دعا اُن کے دل کی گہرائیوں سے نکلتی تھی۔ایک ایسار شتہ انہوں
نے آنحضرت صلی اللہ علیہ وسلم سے قائم فرمایا تھا جس کی مثال نہیں ملتی۔اور پھر خدا تعالیٰ نے بھی اُن کو ایسا نوازا کہ
رَضِيَ اللهُ عَنْهُمْ کا خطاب اور اعزاز انہوں نے پایا۔پس اس نعمت کو حاصل کرنے کے لئے اور ہدایت پر قائم رہنے
کے لئے صراط مستقیم پر ہمیشہ چلتے چلے جانے کے لئے جب ہم نے آنحضرت صلی اللہ علیہ وسلم کے حکم کو مانتے
ہوئے اس زمانے کے امام اور مسیح و مہدی کو مانا ہے تو پھر اس سے ایسا تعلق ہمیں جوڑنا ہو گا جو ہمیں ہمیشہ اللہ تعالیٰ
کے فضلوں کا وارث بنائے اور جب کہ ہم نے خود بیعت کے وقت یہ عہد کیا ہے کہ اس رشتے کو ہم سب سے سوا
رکھیں گے ، سب رشتوں پر فوقیت دیں گے۔جیسا کہ دسویں شرط بیعت میں درج ہے۔وہ شرط یہ ہے:
یہ کہ اس عاجز سے ( یعنی حضرت مسیح موعود علیہ الصلوۃ والسلام سے) عقد اخوت محض اللہ با قرار طاعت
در معروف باندھ کر اس پر تا وقتِ مرگ قائم رہے گا اور اس عقد اخوت میں ایسا اعلیٰ درجہ کا ہو گا کہ اس کی نظیر
دنیوی رشتوں اور تعلقوں اور تمام خادمانہ حالتوں میں پائی نہ جاتی ہو“۔( مجموعہ اشتہارات جلد اوّل صفحہ نمبر 160)
پس صرف بیعت کر کے ہم یہ نہیں سمجھ سکتے کہ ہماری اهْدِنَا الصِّرَاطَ الْمُسْتَقِيمَ کی دعا قبول ہو گئی یا اللہ
تعالیٰ نے ہمارے بزرگوں کی اھدِنَا الصِّرَاطَ الْمُسْتَقِيمَ کی دعا قبول کر لی اور ہمیں اپنے فضل سے اُن کے گھروں میں
پیدا کر دیا۔اللہ تعالیٰ نے ہمیں زمانے کے امام کو قبول کرنے کی توفیق عطا فرما دی، یہ کافی نہیں ہے۔اب جب ہم نے
آنحضرت صلی اللہ علیہ وسلم کے حکم کے مطابق اس امام کو مان لیا ہے تو ہمیں آگے قدم بھی بڑھانے ہوں گے۔بلکہ
اب پہلے سے بڑھ کر اِهْدِنَا الصِّرَاطَ الْمُسْتَقِیم کی دعا کی طرف توجہ کی ضرورت ہے کہ یہ عہد جو طاعت در معروف کا
ہم نے باندھا ہے اس پر اللہ تعالیٰ ہمیں ہمیشہ قائم رکھے۔ہم صراط مستقیم پر ہمیشہ چلتے چلے جانے والے ہوں۔اور ہم
اس قرآنی حکم پر عمل کرنے والے ہوں کہ فَلَا تَمُوتُنَّ إِلَّا وَ اَنْتُمْ مُسْلِمُونَ (البقرة : 133) پس ہر گز نہ مرنا مگر
اس حالت میں کہ تم فرمانبردار ہو۔انسان پر اگر اللہ تعالیٰ کا فضل نہ ہو تو وہ کبھی اپنی کوشش سے کامل اطاعت اور
فرمانبرداری نہیں دکھا سکتا۔اُسے پھر اللہ تعالیٰ کے فضلوں کو جذب کرنے کے لئے اللہ تعالیٰ کی طرف رجوع کرنا ہو
گا۔اور اس کے لئے اللہ تعالیٰ نے ہر وقت متوجہ رکھنے کے لئے یہ دعا سکھا دی ہے۔اور ہر نماز میں اور ہر نماز کی ہر
رکعت میں یہ حکم دیا کہ اِهْدِنَا الصِّرَاطَ الْمُسْتَقِيمَ کی دعا کو سامنے رکھو۔کیونکہ اللہ تعالیٰ ہی ہے جو ہدایت دینے والا
ہے۔اپنے نفسوں کا محاسبہ کرتے ہوئے اللہ تعالیٰ کا خوف دل میں قائم رکھتے ہوئے اس سے راہِ ہدایت پر قائم رہنے
کی دعا کرتے چلے جاؤ۔اس کے بغیر یہ بہت مشکل ہے کہ انسان کسی سے ایسا تعلق رکھے جو کسی اور خادمانہ حالت میں
پائی نہ جاتی ہو۔ایسا تعلق ہو جو کسی بھی اور رشتے میں پایا نہ جاتا ہو۔ایسا تعلق ہو جس میں کامل اطاعت ہو اللہ تعالی کے
خطبات مسرور جلد نهم
300
خطبہ جمعہ فرمودہ مورخہ 17 جون 2011ء
فضلوں کے بغیر ممکن نہیں۔پس اللہ تعالیٰ سے ہی ہدایت چاہنے کی ضرورت ہے اور اللہ تعالیٰ سے ہی مدد چاہنے کی
ضرورت ہے۔پس اگر ہم نے زمانے کے امام کے ساتھ عہد بیعت کو حقیقت میں نبھانا ہے تو اِهْدِنَا الصِّرَاطَ الْمُسْتَقِيمَ
کی حقیقت کو سمجھنے کی بھی ضرورت ہے۔اس پر غور کرنے کی ضرورت ہے۔ایک تڑپ کے ساتھ اس دعا کو مانگنے کی
ضرورت ہے۔کیونکہ اس امام کے ساتھ جڑنے کے بعد صرف اتنا ہی کافی نہیں ہے کہ ہم نے زمانے کے امام کی
بیعت کر لی اور بس۔بلکہ پھر اُس نظام کے ساتھ بھی تعلق جوڑنا ہو گا جو حضرت مسیح موعود علیہ الصلوۃ والسلام نے
قائم فرمایا ہے اور جس کا بیان آپ نے بڑی وضاحت کے ساتھ 'رسالہ الوصیت میں فرما دیا کہ وہ خلافت کا نظام ہے۔ایک شخص حضرت مسیح موعود علیہ الصلوۃ والسلام کو مان لیتا ہے لیکن اگر اس آئندہ آنے والی قدرت کا
انکاری ہے یا طاعت در معروف کے عہد میں حیل و حجت سے کام لیتا ہے تو پھر وہ حضرت مسیح موعود علیہ الصلوۃ
والسلام کے ساتھ خادمانہ تعلق کو بھی توڑنے والا بن گیا ہے اور پھر ان برکات سے بھی محروم ہو گیا ہے جو آپ کے
ساتھ مجڑے رہنے سے ملتی ہیں۔غیر مبائعین کی مثال ہمارے سامنے بڑی واضح مثال ہے۔انہوں نے بیشک حضرت
مسیح موعود علیہ الصلوۃ والسلام کی بیعت تو کی یا بیعت کرنے کا دعویٰ تو کیا لیکن آپ کے اس پیغام کہ خلافت کے نظام
کو بھی اُسی قدرت کا تسلسل سمجھنا جو اللہ تعالیٰ نے اس زمانے میں حضرت مسیح موعود علیہ الصلوۃ والسلام کے ذریعے
سے جاری فرمائی ہے ، کو اپنے ذاتی مفادات کی وجہ سے نہ سمجھے یانہ سمجھنے کی کوشش کی۔پس خوش قسمت ہیں ہم میں سے وہ جنہوں نے حضرت مسیح موعود علیہ السلام کو قبول کرنے کے بعد پھر
دوسری قدرت کے ساتھ بھی تعلق اخوت اور وفا کو قائم کیا۔لیکن ایک احمدی کے لئے یہی اهْدِنَا الصِّرَاطَ الْمُسْتَقِيمَ
کی انتہا نہیں ہے۔جیسا میں نے کہا، محاسبہ نفس ہر وقت کرتے رہنا چاہئے۔اهْدِنَا الصِّرَاطَ الْمُسْتَقِيمَ کی دعا ایک
تسلسل ہے آگے بڑھتے چلے جانے کا۔اور ہر وقت ہدایت کی راہ کی تلاش میں رہتے ہوئے اس کے لئے استقامت کی
دعا کرناہی ایک مومن کی شان ہے۔عام انسان جو روحانیت کے اعلیٰ مدارج پر نہیں ہے اُس کی تو ہر وقت شیطان سے
لڑائی ہے ، یا یہ کہ لیں کہ باوجو د نیکیاں بجالانے کے شیطان اُس کو ورغلانے کے پیچھے لگا ہوا ہے۔باوجو د حضرت مسیح
موعود علیہ الصلوۃ والسلام کو ماننے کے ، باوجو د خلافت سے وفا کا تعلق جوڑنے کے ، باوجو دمالی قربانیوں میں حصہ لینے
کے باوجود جماعتی خدمات اور وقار عملوں میں حصہ لینے کے کئی لوگ ایسے ہیں جو مجھے مل کر خود اپنے منہ سے کہتے
ہیں کہ نمازوں میں سست ہوں۔اور نماز جو انسان کی پیدائش کا بنیادی مقصد ہے اُس میں اگر سستی ہے تو پھر وہ آہستہ
آہستہ دوسری نیکیوں کو بھی چھڑا لیتی ہے۔اور ایسے بھی ہیں جو بہت سی نیکیاں تو کرتے ہیں، نمازیں بھی پڑھتے ہیں
لیکن اپنے گھر میں، اپنے اہل کے ساتھ سلوک میں اچھے نہیں ہیں۔یہ بھی ہدایت کے راستے سے بھٹکنے والے لوگ
ہیں۔اهْدِنَا الصِّرَاطَ الْمُسْتَقِيمَ کی بیشک دعا کر رہے ہوں لیکن تمام حکموں پر عمل کرنے والے نہیں۔کیونکہ
آنحضرت صلی اللہ علیہ وسلم نے تو فرمایا ہے کہ تم میں سے بہترین وہ ہے جو اپنے اہل کے ساتھ اچھا ہے۔(سنن ابن ماجہ
کتاب النکاح باب حسن معاشرة النساء حديث (1977) پس ہدایت کے راستے تلاش کرنے والا ہر چھوٹی سے چھوٹی بات کو سامنے
رکھ کر، اُس عشق و محبت کو سامنے رکھ کر جو ایک مومن کو آنحضرت صلی اللہ علیہ وسلم سے ہونا چاہئے ، یہ کوشش
301
خطبہ جمعہ فرمودہ مورخہ 17 جون 2011ء
خطبات مسرور جلد نهم
کرتا ہے کہ اُس پر چلے جس پر اللہ اور اُس کا رسول ہمیں چلانا چاہتا ہے۔جب ہم اِهْدِنَا الصِّرَاطَ الْمُسْتَقِيمَ کی دعا
کرتے ہیں تو ہمارے پیش نظر وہ ٹارگٹ ہو ، وہ اسوہ ہو جس کو آنحضرت صلی اللہ علیہ وسلم نے ہمارے سامنے پیش
فرمایا ہے۔جس کو آپ سے فیض پانے والے صحابہ نے ہمارے سامنے رکھ کر منعم علیہ لوگوں کا نمونہ دکھایا۔جس کو
اس زمانے میں حضرت مسیح موعود علیہ الصلوۃ والسلام نے اپنے قول و فعل سے ہمارے سامنے پیش فرما کر ہمیں
اندھیروں سے روشنی کی طرف جانے کے راستے دکھائے۔جن کے ذریعے سے صحابہ حضرت مسیح موعود علیہ الصلواۃ
والسلام نے بھی اپنی زندگیوں میں انقلاب پیدا کر کے اعلیٰ روحانی مدارج کو حاصل کیا۔میں نے گھریلو زندگی کا ذکر کیا ہے۔حضرت مسیح موعود علیہ الصلوۃ والسلام اپنے صحابہ کو اپنے اہل سے
اپنے گھر والوں سے حسن سلوک کا کس طرح ارشاد فرماتے تھے ؟۔ایک مرتبہ ایک صحابی نے حضرت مسیح موعود
علیہ الصلوۃ والسلام کی خدمت میں پیش ہو کر یہ بیان کیا کہ میری بیوی اپنے میکے میں اتنا عرصہ رہ کر آئی ہے اور اب
میں نے ارادہ کیا ہے کہ اُسے کبھی میکے نہیں جانے دینا۔حضرت مسیح موعود علیہ الصلوۃ والسلام کو اس بات کو سُن کر بڑا
رنج پہنچا، بڑی تکلیف ہوئی۔آپ کا چہرہ سرخ ہو گیا اور آپ نے کہا کہ ہماری مجلس سے چلے جاؤ کہ یہ باتیں ہماری
مجلس کو گندہ کر رہی ہیں۔اور آپ نے کافی سخت الفاظ اُنہیں فرمائے۔پھر انہوں نے معافیاں مانگیں۔ایک دوسرے
صحابی جو اپنی بیوی سے زیادہ حسن سلوک نہیں کرتے تھے وہ بھی وہاں بیٹھے ہوئے تھے ، وہ وہاں سے فوراً اُٹھ کر بازار
گئے۔بازار جا کر کچھ چیزیں بیوی کے لئے خریدیں اور گھر لے جا کر اُس کے سامنے رکھیں کہ یہ تمہارے لئے تحفہ ہیں
اور بڑے پیار سے باتیں کیں۔بیوی پریشان کہ آج میرے خاوند کو کیا ہو گیا ہے۔یہ انقلاب کیسا ہوا ہے ؟ اس سے
پوچھا کہ آج تمہیں کیا ہو گیا ہے ؟ انہوں نے کہا کہ میں حضرت مسیح موعود علیہ الصلوۃ والسلام کی مجلس میں بیوی سے
بد سلوکی کا بیان ہونے پر حضرت مسیح موعود علیہ الصلوۃ والسلام کی سخت تکلیف اور ناراضگی دیکھ کر آیا ہوں۔اللہ
میرے گزشتہ گناہ معاف کرے۔جو تم سے میں سلوک کرتا رہا تم بھی مجھے معاف کرو اور آئندہ حسن سلوک ہی
کروں گا۔(ماخوذ از رجسٹر روایات صحابہ غیر مطبوعہ جلد 3 صفحہ 128-129 روایات محمد اکبر صاحب تو یہ تبدیلی ہے جو ہدایت کے
راستوں کی طرف لے جاتی ہے۔گھریلو زندگی سے شروع ہوتی ہے۔معاشرے میں پھیلتی ہے اور پھر دنیا میں پھیلتی
ہے اور اسی بات کا آج ایک احمدی نے حضرت مسیح موعود علیہ الصلوۃ والسلام سے عہد بیعت باندھا ہے۔اور اسی سے
پھر اللہ تعالیٰ کے قرب کے رشتے حاصل ہوتے ہیں۔تو ہدایت صرف کسی مامور کو مان لینا نہیں ہے یا نظام سے وابستہ
ہو جانا ہی نہیں ہے بلکہ اپنی زندگیوں کو اس تعلیم کے مطابق ڈھالنا اور اُس پر قائم ہو ناہدایت کی اصل ہے، بنیاد ہے۔پس اِهْدِنَا الصِّرَاطَ الْمُسْتَقِيمَ کی دعا صرف حقوق اللہ کی ادائیگی کے لئے نہیں ہے۔یہ دعا صرف اپنے ایمان کی
مضبوطی کے لئے نہیں ہے بلکہ حقوق العباد کی ادائیگی کے لئے بھی ہے۔بلکہ حضرت مسیح موعود علیہ الصلوۃ والسلام
نے تو فرمایا ہے یہ دعا تمہاری زندگی کے ہر شعبے کے لئے ہے۔(ماخوذ از کشی نوح روحانی خزائن جلد 19 صفحہ 58-59)
خطبات مسرور جلد نهم
302
خطبہ جمعہ فرمودہ مورخہ 17 جون 2011ء
یہاں آپ میں سے بھی کئی لوگ ہیں جن میں سے بعض کا مجھے علم ہے جو اپنی بیویوں پر ظلم کرتے ہیں،
بعض ایسے ہیں جن کا علم نہیں ہے۔باہر وہ بڑے اچھے ہیں، لوگوں کی نظر میں انتہائی شریف اور راہ ہدایت پر قائم
ہیں لیکن اپنے گھروں کے معاملات میں صراطِ مستقیم سے ہٹے ہوئے ہیں۔اپنے اہل سے حسن سلوک کرنا، اپنے گھر
والوں سے حسن سلوک کرنا کوئی معمولی بات نہیں ہے۔آنحضرت صلی اللہ علیہ وسلم نے خاص طور پر یہ بیان فرما کر
کہ تم میں سے بہتر وہ ہے جو اپنے اہل سے اچھا ہے، آخر میں اپنی مثال دی کہ میں تم میں سب سے زیادہ اپنے اہل سے
حسن سلوک کرنے والا ہوں۔(سنن ابن ماجه كتاب النكاح باب حسن معاشرة النساء حديث 1977)
یہ ایک ایسا عمل ہے جو معمولی عمل نہیں ہے۔اس عمل کی اہمیت بتانے کے لئے آنحضرت صلی اللہ علیہ
وسلم نے اپنی مثال پیش فرمائی ہے۔پس اهْدِنَا الصِّرَاطَ الْمُسْتَقیم کی دعا ہر کام کو سامنے رکھتے ہوئے مومن کو کرنے کی ضرورت ہے تاکہ
نیکیوں کے معیار بڑھتے چلے جائیں اور جب موت آئے تو وہ خالص فرمانبرداری کی موت ہو۔پس ایک حقیقی مومن
وہ ہے جو امام الزمان کو مان کر ہر وقت اپنی نیکیوں کے معیار کو بلند سے بلند تر کرنے کی کوشش میں لگا رہے۔ہر وقت
اپنے ایمان میں ترقی کے لئے کوشاں رہے۔اللہ سے یہ دعا مانگے کہ جس صراط مستقیم پر تو نے مجھے قائم فرما دیا ہے
اس میں میرے قدم ترقی کی طرف بڑھیں۔ہر وقت اس کوشش میں ہو کہ تقویٰ میں ترقی کرنے والا ہو۔جو تقویٰ
میں ترقی کرتا ہے وہ ہر وقت خدا تعالیٰ کے خوف سے لرزاں و ترساں رہتا ہے اور جس کے دل میں خد اتعالیٰ کا خوف
پیدا ہو جائے وہ حقوق اللہ کی ادائیگی میں ترقی کرنے کے لئے بھی کوشش اور دعا کرتا ہے اور حقوق العباد کی ادائیگی
کے لئے بھی کوشش اور دعا کرتا ہے۔ہر وہ شخص جو اللہ تعالیٰ سے صراط مستقیم پر قائم رہنے کی دعا کرتا ہے وہ
خدمت دین کی خواہش میں بھی ہر روز بڑھتا ہے اور خالص ہو کر خدمتِ دین کرنے والا ہو تا ہے۔اور نہ صرف
خواہش میں بڑھتا ہے بلکہ اس کے لئے ہر وہ عمل، ہر قدم جو اس عمل کی طرف وہ اُٹھاتا ہے جس کی خدا اور اُس کے
رسول نے ہدایت فرمائی ہے وہ اللہ تعالیٰ کی رضا کے حصول کے لئے اُٹھاتا ہے۔پس ایک حقیقی مومن کو اُن لوگوں
کی طرح نہیں بننا چاہئے جو اپنے زعم میں اپنے آپ کو نیک اور پارسا سمجھتے ہیں، جو اپنے زعم میں اپنے آپ کو کسی مقام
پر پہنچا ہوا سمجھتے ہیں، یہ سمجھتے ہیں کہ اُن کو کوئی مستقل مقام مل گیا ہے یا ایسے مقام پر پہنچ گئے ہیں جہاں وہ محفوظ ہو
گئے ہیں۔جب کبھی انسان کو یہ خیال آیا چاہے وہ کتنا بھی پار سا ہو تو سمجھو کہ روحانی لحاظ سے وہ مارا گیا اور شیطان کے
شکنجے میں آگیا۔پس ہمیشہ اپنا محاسبہ کرنا اور پھر اگلی منزل کی طرف قدم بڑھانا ہی ایک مومن کا شیوہ اور شان ہے۔جس نے اپنے زعم میں اپنی منزل کو پا لیا۔جماعت کی تھوڑی سی خدمت کر کے اُس پر فخر ہو گیا۔جماعتی خدمات کو ،
اپنی عبادات کو کافی سمجھ کر حقوق العباد کی طرف سے توجہ پھیر لی اگر وہ کسی مقام پر پہنچا بھی ہو تو ایک وقت میں اپنے
اس عمل کی وجہ سے وہ مقام کھو دیتا ہے۔اس لئے ایک حقیقی مومن صرف اپنے آج کے نیک عمل کو نہیں دیکھتا بلکہ
اپنے انجام کی طرف دیکھتا ہے اور انجام بخیر ہونے کی دعا کرتا ہے۔
خطبات مسرور جلد نهم
303
خطبه جمعه فرمودہ مورخہ 17 جون 2011ء
آنحضرت صلی اللہ علیہ وسلم سے زیادہ تو کسی کی قوتِ قدسی اس دنیا کے کسی انسان میں نہیں ہو سکتی۔آپ کا کاتب وحی یا آج کل کے زمانے میں کہنا چاہئے سیکرٹری، جو نوٹس لیتے تھے ، اس قدر انہوں نے قربت کا مقام
پایا کہ ہر وقت وحی لکھنے کے لئے آنحضرت صلی اللہ علیہ وسلم اُس کو یاد فرماتے تھے۔یہ مقام ظاہر کرتا ہے کہ آپ کو
اس پر اعتماد تھا، آپ کو اُس پر اعتبار تھا۔دوسرے مسلمانوں کی نظر میں بھی عبد اللہ بن ابی سرح کاتب وحی کا مقام
یقینا ہو گا کہ وہ آنحضرت صلی اللہ علیہ وسلم کی وحی لکھتا ہے۔لیکن انجام کیا ہوا؟ اُسے ٹھو کر لگی اور اپنے اہم مقام
سے گرا دیا گیا۔اسی طرح حضرت مسیح موعود علیہ الصلوۃ والسلام کے زمانے میں بھی بعض ایسے لوگ تھے جو عشق و
محبت میں بڑھے ہوئے تھے، جب ان کی بد بختی نے ان کو ٹھوکر لگائی تو وہ آپ کے اشد ترین مخالفین میں ہو گئے۔آپ پر نہایت گندے اور گھٹیا الزام لگانے لگ گئے۔ہر روز نئے نئے اعتراض کرنے لگ گئے۔پس انجام بخیر ہونے
کے لئے اهْدِنَا الصِّرَاطَ الْمُسْتَقِيمَ کی دعا بھی بہت ضروری ہے۔اس پر غور کریں اور پڑھیں۔حضرت مسیح موعود علیہ الصلوۃ والسلام ایک جگہ فرماتے ہیں:
انسانی زندگی کا مقصد اور غرض صراط مستقیم پر چلنا اور اس کی طلب ہے جس کو اس سورۃ میں ان الفاظ
میں بیان کیا گیا ہے کہ اِهْدِنَا الصِّرَاطَ الْمُسْتَقِيمَ - صِرَاطَ الَّذِيْنَ اَنْعَمْتَ عَلَيْهِمْ۔یا اللہ ! ہم کو سیدھی راہ دکھا اُن
لوگوں کی اور جن پر تیرا انعام ہوا۔یہ وہ دعا ہے جو ہر وقت ہر نماز اور ہر رکعت میں مانگی جاتی ہے۔اس قدر اس کا
تکرار ہی اس کی اہمیت کو ظاہر کرتا ہے“۔(آپ فرماتے ہیں ) ”ہماری جماعت یاد رکھے کہ یہ معمولی سی بات نہیں
ہے۔اور صرف زبان سے طوطے کی طرح ان الفاظ کا رٹ دینا اصل مقصود نہیں ہے بلکہ یہ انسان کو انسان کامل
بنانے کا ایک کار گر اور خطا نہ کرنے والا نسخہ ہے جسے ہر وقت نصب العین رکھنا چاہیئے اور تعویذ کی طرح مڈ نظر
رہے“۔آپ نے فرمایا کہ اس دعا سے مخلوق کا بھی، انسان کا بھی حق ادا ہو جائے گا اور جو انسانی طاقتیں انسان کو دی
گئی ہیں اُن کا بھی حق ادا ہو جائے گا۔پھر آپ فرماتے ہیں کہ " غرض منعم علیہم لوگوں میں جو کمالات ہیں اور
صِرَاطَ الَّذِيْنَ اَنْعَمْتَ عَلَيْهِمْ میں جس کی طرف اللہ تعالیٰ نے اشارہ فرمایا ہے ان کو حاصل کرناہر انسان کا اصل مقصد
ہے اور ہماری جماعت کو خصوصیت سے اس طرف متوجہ ہونا چاہئے کیونکہ اللہ تعالیٰ نے اس سلسلہ کو قائم کرنے سے
یہی چاہا ہے کہ وہ ایسی جماعت تیار کرے جیسی آنحضرت صلی اللہ علیہ وسلم نے تیار کی تھی تاکہ اس آخری زمانہ میں
یہ جماعت قرآن شریف اور آنحضرت صلی اللہ علیہ وسلم کی سچائی اور عظمت پر بطور گواہ ٹھہرے“۔(الحلم 31 مارچ1905ءجلد 9نمبر 11 صفحہ 5-6)
یہ بہت بڑا کام ہے۔ایک اعزاز تو ہے لیکن بہت بڑا کام ہے ، بہت بڑی ذمہ واری ہے جماعت کے ہر فرد
پر کہ قرآن کریم اور آنحضرت صلی اللہ علیہ وسلم کی سچائی اور عظمت پر ہر احمدی کو گواہ ٹھہر نا چاہئے۔پس ہر احمدی قرآن کریم اور آنحضرت صلی اللہ علیہ وسلم کی عظمت پر تبھی گواہ ٹھہر سکتا ہے جب اهْدِنَا
الصِّرَاطَ الْمُسْتَقِيمَ کی دعا پڑھتے ہوئے ترقی کے مدارج طے کرتا جائے اور انعام یافتہ لوگوں کے معیار حاصل کرتا چلا
جائے۔قرآنِ کریم کی تعلیم کے ہر پہلو کو اپنی زندگی کا حصہ بنالے۔آنحضرت صلی اللہ علیہ وسلم کے اسوہ پر عمل
304
خطبہ جمعہ فرمودہ مورخہ 17 جون 2011ء
خطبات مسرور جلد نهم
کرنے کی کوشش ہو۔پس یہ مدارج حاصل کرنے کے لئے ہم نے کوشش کرنی ہے اور جب ہم یہ کوشش کریں گے
تو حقیقت میں اِهْدِنَا الصِّرَاطَ الْمُسْتَقِيمَ کے مضمون کو سمجھنے والے ہوں گے اور حضرت مسیح موعود علیہ الصلوۃ
والسلام کی بعثت کے مقصد کو بھی پورا کرنے والے ہوں گے۔ورنہ یہ دعا بھی جیسا کہ حضرت مسیح موعود علیہ الصلوۃ
والسلام نے فرمایا ہے طوطے کی طرح رٹے ہوئے الفاظ ہو جائیں گے۔حضرت مسیح موعود علیہ الصلوۃ والسلام نے ایک جگہ ہمیں نصیحت کرتے ہوئے فرمایا کہ ”خدا تعالیٰ کے
ساتھ معاملے میں اگر کوئی حصہ کھوٹ کا ہو گا تو اسی قدر اُدھر سے بھی ہو گا۔“ یعنی اگر اللہ تعالیٰ کے ساتھ معاملے
میں کھوٹ ہو گی تو اللہ تعالیٰ کھوٹ تو نہیں کرتا لیکن اللہ تعالیٰ اس کھوٹ کو سمجھتا ضرور ہے اس لئے جو تم سمجھتے ہو کہ
معاملے میں کھوٹ کر جاؤ گے ، دھو کہ دے دو گے ، اُس دھو کہ کی وجہ سے تمہیں اجر نہیں ملے گا۔اللہ تعالیٰ تو ہر چیز
جانتا ہے۔فرماتے ہیں ”مگر جو اپنا دل خدا سے صاف رکھے اور دیکھے کہ کوئی فرق خدا سے نہیں ہے تو خدا تعالیٰ بھی
اس سے کوئی فرق نہ رکھے گا۔انسان کا اپنا دل اُس کے لئے آئینہ ہے۔وہ اس میں سب کچھ دیکھ سکتا ہے۔پس سچا
طریق دُکھ سے بچنے کا یہی ہے کہ سچے دل سے اپنے گناہوں کی معافی چاہو اور وفاداری اور اخلاص کا تعلق دکھاؤ اور
اس راہ بیعت کو جو تم نے قبول کی ہے سب پر مقدم کرو کیونکہ اس کی بابت تم پوچھے جاؤ گے“۔(ملفوظات جلد 3 صفحہ 63)
پس اپنے نفس کا محاسبہ ضروری ہے۔دنیا میں اربوں مسلمان ہیں۔اهْدِنَا الصِّرَاطَ الْمُسْتَقِيمَ کی دعا پڑھتے
ہیں، لیکن کیونکہ طوطے کی طرح آئے ہوئے الفاظ پڑھنے والا معاملہ ہے اس لئے نمازوں کے بعد اُن کی فتنہ وفساد کی
طرف بھی توجہ ہوتی ہے۔بعض کے منہ سے جماعت کے خلاف مغلظات ہی نکلتی ہیں۔مسجدوں میں کھڑے ہو کر
مغلظات ہی سکتے ہیں۔یا آپس کے فتنوں میں پڑے ہوئے ہیں۔کیا یہ وہ صراط مستقیم ہے جس کی دعا سکھائی گئی ہے؟
یقینا نہیں۔ہمارے سامنے تو اس صراط مستقیم کے راستے ہیں جو جانوروں کی حرکات چھوڑ کر انسان بنانے والی تھیں۔اور پھر تعلیم یافتہ انسان بنانے والی تھیں اور پھر وہ تعلیم یافتہ انسان با خدا انسان بنے۔تو یہ نمونے ہمارے سامنے کوئی
قصہ کہانی کے رنگ میں نہیں ہیں کہ آئے اور ہم نے قصے سن لئے اور کہانیاں سُن لیں بلکہ ہمارے سامنے یہ نمونے
ہمیں عمل کرنے کی طرف توجہ دلانے کے لئے ہیں۔اور انہی باتوں کی طرف اس زمانے میں حضرت مسیح موعود علیہ
الصلوۃ والسلام نے ہمارے سے بیعت لی ہے۔پس اس جذبے کو اپنے اندر قائم رکھتے ہوئے، قرآنی تعلیم پر عمل کر
کے ہی ہم راہ بیعت کو مقدم رکھ سکتے ہیں۔ورنہ خدا تعالیٰ صرف اس بات پر خوش نہیں ہو گا کہ ہم اهْدِنَا الصِّرَاط
الْمُسْتَقِيمَ کے الفاظ کروڑوں دفعہ پڑھتے اور دہراتے رہیں۔بلکہ یہ کوشش اور روح کی گہرائی سے نکلے ہوئے الفاظ
جو اللہ تعالیٰ سے صراط مستقیم پر چلنے اور قائم رہنے کی دعا اور مددمانگ رہے ہوں گے وہ اللہ تعالیٰ کا قرب دلانے
والے بنیں گے۔ورنہ جیسا کہ حضرت مسیح موعود علیہ الصلوۃ والسلام نے فرمایا تم پوچھے جاؤ گے کہ تمہارا دعویٰ تو کچھ
خطبات مسرور جلد نهم
305
خطبہ جمعہ فرمودہ مورخہ 17 جون 2011ء
اور ہے اور عمل کچھ اور ہے۔پس ہر دعا کے ساتھ کوشش اور نیک نیت شرط ہے۔حضرت مسیح موعود علیہ الصلوۃ
والسلام ایک جگہ فرماتے ہیں کہ :
اللہ تعالیٰ فرماتا ہے وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا (العنکبوت :72) جو ہمارے راہ میں
مجاہدہ کرے گا ہم اُس کو اپنی راہیں دکھلا دیں گے “۔فرمایا یہ تو وعدہ ہے اور اُدھر یہ دعا ہے اِهْدِنَا الصِّرَاطَ الْمُسْتَقِيمَ
سو انسان کو چاہئے کہ اس کو مد نظر رکھ کر نماز میں بالحاح دعا کرے“۔(بڑے الحاح کے ساتھ دعا کرو) اور تمنا
رکھے کہ وہ بھی اُن لوگوں میں سے ہو جاوے جو ترقی اور بصیرت حاصل کر چکے ہیں۔ایسا نہ ہو کہ اس جہان
سے بے بصیرت اور اندھا اُٹھایا جاوے“۔(رپورٹ جلسہ سالانہ 1897ء از حضرت شیخ یعقوب علی صاحب عرفانی صفحہ 38-39 مطبوعہ قادیان 1899ء)
پس اب جبکہ ایک لحاظ سے تو اللہ تعالیٰ نے ہمیں بصیرت عطا فرما دی کہ اللہ اور اُس کے رسول کے پیغام کو
سمجھ کر زمانے کے امام سے ہم جڑ گئے ہیں ، مان لیا ہے۔لیکن جیسا کہ میں نے بتایا کہ ترقی کے راستے ہمیشہ کھلے ہیں اور
روحانی مدارج تو ہمیشہ طے ہوتے چلے جاتے ہیں، آپ کے قدم ترقی کی طرف بڑھنے چاہئیں۔آپ نے ایک جگہ فرمایا ہے کہ جماعت میں داخل ہو کر اپنے اندر ایک تغیر قائم کرو اور وہ نظر بھی آنا
چاہئے۔کسی بھی حکم کو خفت کی نظر سے نہ دیکھا جائے بلکہ ایک ایک حکم کی تعظیم کی جائے۔(ماخوذ از ملفوظات جلد 3 صفحہ 472)
پس قرآن شریف کے سینکڑوں احکامات کو سمجھنے اور اُن پر عمل کرنے کے لئے کوشش کی ضرورت ہے
اور اس کے لئے ہر انسان خود اپنے جائزے لے سکتا ہے اور کوشش کر سکتا ہے۔اور اگر احساس ہے تو سب سے
بہترین طریقہ بھی یہی ہے کہ خود اپنے جائزے لے۔جیسا کہ حضرت مسیح موعود علیہ الصلوۃ والسلام نے فرمایا ہے کہ
انسان کا دل آئینہ ہو تا ہے ذرا اپنے دل کے آئینے کو صاف کر کے اس میں اپنے چہرے دیکھیں، اس میں اپنے دلوں کی
کیفیت دیکھیں تو ہر ایک کو اُس کے اندر کی کیفیت نظر آجائے گی۔دوسروں پر اعتراض ختم ہو جائیں گے اور اپنی اصلاح
کی طرف ہی توجہ پیدا ہوتی چلی جائے گی۔اور خود اهدِنَا الصِّرَاطَ الْمُسْتَقِيمَ کو سمجھ کر پڑھنے کی طرف توجہ ہوگی۔حضرت مسیح موعود علیہ الصلوۃ والسلام فرماتے ہیں کہ یہ اندرونی جائزے کی تبدیلی ہے جو میں جماعت
میں چاہتا ہوں۔پس یہ جائزے ہمیں عہد بیعت اور ہماری ذمہ داریوں کی طرف توجہ دلاتے رہیں گے۔جیسا کہ ذکر
ہوا ہے کہ حقیقی مومن وہ ہے جو ایمان میں ترقی کے لئے کوشاں ہے۔اب مومن ہونے کے جو معیار حضرت مسیح
موعود علیہ الصلوۃ والسلام نے مقرر فرمائے ہیں وہ بھی بیان کر دیتا ہوں۔آپ علیہ السلام فرماتے ہیں کہ:
”جب تک کسی کے پاس حقیقی نیکیوں کا ذخیرہ نہیں ہے“ (ایک دو نیکیاں نہیں حقیقی نیکیوں کا ذخیرہ نہیں ہے)
تب تک وہ مومن نہیں ہے۔اسی لئے خدا تعالیٰ نے سورۃ فاتحہ میں اهْدِنَا الصِّرَاطَ الْمُسْتَقِيمَ کی دعا تعلیم فرمائی ہے
کہ انسان چوری، زنا وغیرہ موٹے موٹے بُرے کاموں کو ترک کرنا ہی نیکی نہ جان لے“۔( بڑے بڑے گناہ جو ہیں
306
خطبہ جمعہ فرمودہ مورخہ 17 جون 2011ء
خطبات مسرور جلد نهم
ان کو نہ کرنا ہی نیکی نہ جان لو) بلکہ۔صِرَاطَ الَّذِيْنَ اَنْعَمْتَ عَلَيْهِمْ ـ فرما کر بتلا دیا کہ نیکی اور انعام ایک الگ شے
ہے۔جب تک اُسے حاصل نہ کرے گا تب تک نیک اور صالح نہیں کہلائے گا۔دیکھو خدا تعالیٰ نے یہ دعا نہیں
سکھلائی کہ تو مجھے فاسقوں اور فاجروں میں داخل نہ کر اور اسی پر بس نہیں کیا۔بلکہ یہ سکھلایا کہ انعام والوں میں
داخل کر “۔(البدر 10 جنوری 1905ء نمبر 1 جلد 4 صفحہ 3۔کالم 1 تفسیر حضرت مسیح موعود علیہ السلام (سورۃ الفاتحہ) جلد اول صفحہ 287)
پس جیسا کہ میں نے کہا صرف ایک آدھ نیکی نہیں بلکہ ایک حقیقی مومن کا کام ہے کہ حقیقی نیکیوں کا
ذخیرہ جمع کرے اور یہ حقیقی نیکیوں کا ذخیرہ اللہ تعالیٰ اور بندوں، دونوں کے حقوق ادا کرنے سے ہی ملتا ہے۔قرآنِ
کریم کے احکامات پر عمل کرنے سے ہی حاصل ہو سکتا ہے۔حضرت مسیح موعود علیہ الصلوۃ والسلام ایک جگہ فرماتے ہیں کہ :
”یقینا سمجھو کہ ہر ایک پاکبازی اور نیکی کی اصلی جڑ خدا تعالیٰ پر ایمان لانا ہے۔جس قدر انسان
کا ایمان باللہ
کمزور ہو تا ہے اسی قدر اعمالِ صالحہ میں کمزوری اور سستی پائی جاتی ہے۔لیکن جب ایمان قوی ہو اور اللہ تعالیٰ کو اس
کی تمام صفات کاملہ کے ساتھ یقین کر لیا جائے اُسی قدر عجیب رنگ کی تبدیلی انسان کے اعمال میں پیدا ہو جاتی ہے۔خدا تعالیٰ پر ایمان رکھنے والا گناہ پر قادر نہیں ہو سکتا۔(اگر خدا تعالیٰ پر حقیقی ایمان ہے تو پھر یہ یقینی بات ہے کہ وہ
گناہ نہیں کرے گا) کیونکہ یہ ایمان اس کی نفسانی قوتوں اور گناہ کے اعضاء کو کاٹ دیتا ہے۔دیکھو اگر کسی کی
آنکھیں نکال دی جائیں تو وہ آنکھوں سے بد نظری کیونکر کر سکتا ہے“ (آنکھیں ہی نہیں تو بد نظری کیا کرنی ہے)
” اور آنکھوں کا گناہ کیسے کرے گا۔اور اگر ایسا ہی ہاتھ کاٹ دیئے جائیں ، شہوانی قوی کاٹ دیئے جائیں پھر وہ گناہ جو
ان اعضاء سے متعلق ہیں کیسے کر سکتا ہے۔ٹھیک اسی طرح پر جب ایک انسان نفس مطمئنہ کی حالت میں ہوتا ہے تو
نفس مطمئنہ اُسے اندھا کر دیتا ہے اور اس کی آنکھوں میں گناہ کی قوت نہیں رہتی۔وہ دیکھتا ہے پر نہیں دیکھتا کیونکہ
آنکھوں کے گناہ کی نظر سلب ہو جاتی ہے۔وہ کان رکھتا ہے مگر بہرہ ہوتا ہے اور وہ باتیں جو گناہ کی ہیں نہیں سُن سکتا۔اسی طرح پر اس کی تمام نفسانی اور شہوانی قوتیں اور اندرونی اعضاء کاٹ دیئے جاتے ہیں۔اُس کی ساری طاقتوں پر
جن سے گناہ صادر ہو سکتا تھا ایک موت واقع ہو جاتی ہے اور وہ بالکل ایک میت کی طرح ہوتا ہے اور خدا تعالیٰ ہی کی
مرضی کے تابع ہوتا ہے۔وہ اس کے سوا ایک قدم نہیں اُٹھا سکتا۔یہ وہ حالت ہوتی ہے جب خدا تعالیٰ پر سچا ایمان ہو
اور جس کا نتیجہ یہ ہوتا ہے کہ کامل اطمینان اُسے دیا جاتا ہے۔یہی وہ مقام ہے جو انسان کا اصل مقصود ہونا چاہئے“۔فرمایا ” اور ہماری جماعت کو اس کی ضرورت ہے۔اور اطمینان کامل کے حاصل کرنے کے واسطے ایمانِ کامل کی
ضرورت ہے“۔فرماتے ہیں پس ہماری جماعت کا پہلا فرض یہ ہے کہ وہ اللہ تعالیٰ پر سچا ایمان حاصل کریں“۔(ملفوظات جلد 3 صفحہ 504)
307
خطبہ جمعہ فرمودہ مورخہ 17 جون 2011ء
خطبات مسرور جلد نهم
صرف مان لینا کافی نہیں یہ ایمان کی کیفیت ہے جو ہمیں حاصل کرنی ہے۔پس یہ وہ معیار ہیں جو حضرت
مسیح موعود علیہ الصلوۃ والسلام ہم میں دیکھنا چاہتے ہیں۔اللہ کرے کہ ہم اپنی زندگیوں میں پاک تبدیلیاں پیدا کرتے
ہوئے یہ معیار حاصل کرنے والے بنیں۔اللہ تعالیٰ سے قرب کے تعلق میں بڑھنے والے ہوں۔جس ہدایت پر اللہ
تعالٰی نے قائم فرمایا ہے ، جو احسان ہم پر فرمایا ہے اس انعام اور احسان کے شکرانے کے طور پر اللہ تعالیٰ کے احکامات
کی پیروی میں ترقی کرتے چلے جانے والے بنیں۔اپنی نسلوں میں احمدیت کے نام کو جاری رکھنے کے لئے اپنی
کوششوں اور دعاؤں میں کبھی سست نہ ہوں۔ان ملکوں میں جو دنیاوی آسائشیں ہیں یہ کبھی ہمیں اپنے مقصد کے
حصول سے ہٹانے والی نہ بنیں۔اللہ تعالیٰ ہمیں اس کی توفیق عطا فرمائے۔الفضل انٹر نیشنل مورخہ 8 جولائی تا 14 جولائی 2011ء جلد 18 شمارہ 27 صفحہ 5 تا 8)