تقویٰ، توکل علی اللہ اور ذکر الٰہی

خطبات مسرور جلد 13
527
36
خطبہ جمعہ فرمودہ مورخہ 04 ستمبر 2015ء
خطبہ جمعہ سیدنا امیرالمومنین حضرت مرزا مسر دراحمد خلیفتہ اسی الخامس ایدہ الہ تعالیٰ بنصرہ العزیز
فرمودہ مورخہ 04 ستمبر 2015 ء بمطابق 04 تبوک 1394 ہجری شمسی
بمقام مسجد بیت الفتوح موردن
تشہد وتعوذ اور سورۃ فاتحہ کی تلاوت کے بعد حضور انور ایدہ اللہ تعالیٰ نے فرمایا :
ایک دنیا دار شخص کو جب یہ کہا جائے کہ اگر کسی میں حقیقی تقویٰ پیدا ہو جائے تو اسے دنیا جہان کی
سب نعمتیں مل جاتی ہیں تو وہ یقیناً یہ کہے گا کہ یہ سب فضول باتیں ہیں اور مذہب کے نام پر اپنے اردگرد
لوگوں کو جمع کرنے کے لئے لوگ یہ باتیں کرتے ہیں۔ہاں یہ بھی ٹھیک ہے کہ آجکل مذہب کے نام پر بعض
لوگ ایسی باتیں کرتے ہیں اور ان کے ذاتی مفاد ہوتے ہیں لیکن نہ تو ان میں خود تقوی ہوتا ہے اور نہ ہی ان
کے پیچھے چلنے والوں میں تقویٰ ہوتا ہے۔لیکن اس کے مقابلے پر ہم دیکھتے ہیں کہ انبیاء اور ان کی جماعتیں،
حقیقی تعلیم پر چلنے والے یہ لوگ تقویٰ کا ادراک رکھتے ہیں۔اس دنیا میں رہتے ہوئے دنیا کے کاروباروں
میں لگے ہونے کے باوجو د تقویٰ کی تلاش کرتے ہیں اور تقویٰ پر چلتے ہیں۔شکت کے نتیجہ میں بے حساب افضال
مجھے سینکڑوں خط آتے ہیں جن میں اس بات کا اظہار ہوتا ہے کہ اللہ تعالیٰ ہم میں اور ہماری
اولادوں میں تقویٰ پیدا کرے۔یہ تبدیلی یقیناً حضرت مسیح موعود علیہ السلام کو ماننے اور اپنا عہد بیعت
نبھانے کے احساس کی وجہ سے ہے۔اس خواہش نے اور اللہ تعالیٰ سے تعلق اور اس کی خشیت اور خوف نے
انہیں دنیا کی چیزوں سے بے پرواہ تو کیا ہے لیکن دنیا کی نعمتوں سے وہ محروم نہیں رہے۔اللہ تعالیٰ انبیاء کو بھی
اپنی نعمتوں سے نوازتا ہے اور ان کے حقیقی مانے والوں اور تعلیم پر چلنے والوں کوبھی ان دنیاوی نعمتوں سے
نوازتا ہے۔بعض دفعہ بعض عارضی تنگیاں ہوتی ہیں لیکن پھر اللہ تعالیٰ کے فضل ہوتے ہیں اور حالات بہتر ہو

خطبات مسرور جلد 13
528
خطبہ جمعہ فرمودہ مورخہ 04 ستمبر 2015ء
جاتے ہیں۔اسی طرح متقی میں قناعت بھی ہوتی ہے اور قناعت کی وجہ سے وہ معمولی سنگیوں کو برداشت بھی
کرتا ہے اور پھر اللہ تعالیٰ کے جو فضل ہوتے ہیں، جو نعمت ملتی ہے اس پر اظہار بھی کرتا ہے۔پھر جو اللہ تعالیٰ
اس کو دیتا ہے اس کے تھوڑے پر بھی متقی کو خدا تعالیٰ کے شکر کی عادت پیدا ہوتی ہے اور جب خدا تعالیٰ
کے شکر کی عادت پیدا ہو جائے تو پھر اللہ تعالیٰ مزید فضل فرماتا ہے اور انہی فضلوں کو دیکھتے ہوئے ایک
حقیقی مومن پھر قربانیوں کے لئے تیار بھی رہتا ہے اور کرتا بھی ہے۔آج اس زمانے میں اس مضمون کا
حقیقی ادراک ہم احمدیوں کو ہے جن کے سامنے آنحضرت صلی اللہ علیہ وسلم کا زمانہ بھی ہے اور آپ کے
غلام صادق کا زمانہ اور اسوہ بھی ہے۔حضرت مصلح موعود رضی اللہ تعالیٰ عنہ اس بات کو بیان کرتے ہوئے ایک جگہ فرماتے ہیں کہ
دیکھو رسول کریم صلی اللہ علیہ وسلم سے لوگوں نے سب کچھ چھین لیا اور اسی طرح صحابہ رضوان اللہ علیہم سے
بھی چھین لیا مگر خدا تعالیٰ کے مقابلے میں انہوں نے کسی بات کی پرواہ نہ کی۔آخر خدا تعالیٰ نے ان کو سب
کچھ دیا۔اسی طرح حضرت مسیح موعود علیہ الصلوۃ والسلام نے بھی خدا تعالیٰ کے لئے سب کچھ چھوڑا اور
باوجود اس کے کہ اپنے خاندان میں (جائیداد کے نصف حصے کے مالک تھے آپ کی بھاوج جنہیں خدا
تعالٰی نے بعد میں احمدی ہونے کی توفیق دی ہمجھتی تھیں کہ آپ مفت خورے ہیں۔( اور بڑی تنگیاں ہوتی
تھیں) مگر ( پھر بھی ) خدا تعالیٰ نے آپ کو سب کچھ دیا۔اس حالت کا نقشہ حضرت مسیح موعود علیہ السلام نے
اپنے ایک شعر میں اس طرح کھینچا ہے کہ
لْفَاظَاتُ الْمَوَائِدِ كَانَ أَكُلِيْ
وَصِرْتُ الْيَوْمَ مِطْعَامَ الْأَهَالِى
کہ ایک زمانہ تھا جب میں دوسروں کے ٹکڑوں پر بسر اوقات کرتا تھا مگر اب خدا نے مجھے یہ توفیق
دی ہے کہ ہزاروں لوگ میرے دستر خوان پر کھانا کھاتے ہیں۔(ماخوذ از خطبات محمود جلد 11 صفحہ 313-314)
آج ہم احمدیوں کا ایمان یقیناً اس بات سے بڑھتا ہے جب ہم آپ کے ابتدائی زمانے اور بعد
کے زمانے کو دیکھتے ہیں۔اس حالت کا مزید نقشہ کھینچتے ہوئے ایک جگہ حضرت مصلح موعودؓ نے اس طرح بھی
بیان
فرمایا کہ: ”حضرت مسیح موعود علیہ الصلوۃ والسلام جب پیدا ہوئے تو آپ کے ماں باپ نے آپ کی

خطبات مسرور جلد 13
529
خطبہ جمعہ فرمودہ مورخہ 04 ستمبر 2015ء
پیدائش پر خوشی کی ہوگی مگر جب آپ کی عمر بڑی ہو گئی اور آپ کے اندر دنیا سے بے رغبتی پیدا ہو گئی تو آپ
کے والد آپ کی اس حالت کو دیکھ کر آہیں بھرا کرتے تھے کہ ہمارا بیٹا کسی کام کے قابل نہیں۔حضرت مصلح موعودؓ نے ایک واقعہ سنایا۔اس کا پہلے بھی میں ذکر کر چکا ہوں کہ ایک سکھ نے آپ
کو بتایا تھا کہ ہم دو بھائی تھے۔حضرت مرزا غلام مرتضی صاحب کے پاس جایا کرتے تھے۔ایک دفعہ
انہوں نے ہمارے والد صاحب سے حضرت مسیح موعود علیہ السلام کے بارے میں کہا کہ ان کے پاس آپ
جاتے آتے رہتے ہیں انہیں سمجھا ئیں۔تو یہ کہتے ہیں کہ جب میں مرزا غلام احمد صاحب کے پاس گیا اور
ان کو کہا کہ آپ کے والد صاحب کو اس خیال سے بہت دکھ ہوتا ہے کہ ان کا چھوٹا لڑکا اپنے بڑے
بھائی کی روٹیوں پر پلے گا، ( کوئی کام نہیں کرتا۔) اسے کہو کہ میری زندگی میں کوئی کام کر لے اور میں
کوشش کر رہا ہوں کہ اچھی نوکری مل جائے۔حضرت مسیح موعود علیہ السلام کے والد صاحب نے کہا کہ
میں اگر مر گیا تو پھر سارے ذرائع بند ہو جائیں گے۔حضرت مصلح موعود کہتے ہیں کہ اس سکھ نے بتایا کہ
جب ہم حضرت مرزا غلام احمد صاحب کے پاس گئے اور آپ کے والد صاحب کے خیال کا اظہار آپ کے
سامنے کیا کہ آپ کی حالت دیکھ کے انہیں بہت دکھ ہوتا ہے اور یہ بھی کہ حضرت مرزا غلام مرتضی صاحب
نے کہا کہ اگر میں مر گیا تو غلام احمد کا کیا بنے گا؟ تو یہ کہتے ہیں کہ انہوں نے حضرت مسیح موعود علیہ السلام کو کہا
کہ آپ اپنے والد کی بات کیوں نہیں مان لیتے ؟ اس وقت حضرت مسیح موعود علیہ السلام کے والد کپورتھلہ کی
ریاست میں کوشش کر رہے تھے اور کپور تھلے کی ریاست نے آپ کو ریاست کا افسر تعلیم مقرر کرنے کا فیصلہ
کر لیا تھا۔افسرتعلیم مقرر کرنے کی ایک آفر بھی آگئی تھی۔وہ سکھ کہنے لگے کہ جب ہم نے یہ بات کہی کہ آپ
اپنے والد صاحب کی بات کیوں نہیں مانتے تو حضرت مسیح موعود علیہ السلام نے جواب دیا کہ میرے والد
صاحب تو یونہی غم کرتے رہتے ہیں، انہیں میرے مستقبل کی کیوں فکر ہے۔میں نے تو جس کی نوکری کرنی
تھی کر لی ہے۔کہتے ہیں ہم واپس آگئے اور مرزا غلام مرتضی صاحب سے آکر یہ ساری بات کہہ دی۔مرزا صاحب نے کہا کہ اگر اس نے یہ بات کہی ہے تو ٹھیک کہا ہے کیونکہ وہ جھوٹ نہیں بولا کرتا۔حضرت مصلح موعودؓ فرماتے ہیں کہ یہ حضرت مسیح موعود علیہ السلام کی ابتدا تھی اور پھر ابھی انتہا نہیں
ہوئی لیکن جو عارضی انتہا نظر آتی ہے وہ یہ ہے کہ آپ کی وفات کے وقت ہزاروں ہزار آدمی آپ پر قربان
ہونے والا موجود تھا اور پھر اس شعر کا ذکر کیا جو پہلے بھی میں نے پڑھا ہے کہ

خطبات مسرور جلد 13
530
خطبه جمعه فرمودہ مورخہ 04 ستمبر 2015ء
لْفَاظَاتُ الْمَوَائِدِ كَانَ أَكُلِي
وَصِرْتُ الْيَوْمَ مِطْعَامَ الْأَهَالِي
کہ ایک ایسا زمانہ تھا جب بچے ہوئے ٹکڑے مجھے ملا کرتے تھے اور آج میرا یہ حال ہے کہ میں
سینکڑوں خاندانوں کو پال رہا ہوں۔حضرت مصلح موعود کہتے ہیں کہ آپ کی ابتدا کتنی چھوٹی تھی مگر آپ کی انتہا ایسی ہوئی کہ علاوہ ان
لوگوں کے جو خدمت کرتے تھے لنگر میں روزانہ دو اڑھائی سو آدمی کھانا کھاتے تھے۔اس میں کوئی شبہ نہیں
کہ آپ اپنے والد کی جائداد میں اپنے بھائی کے برابر کے شریک تھے لیکن زمینداروں میں یہ عام دستور
ہے، اس زمانے میں یہ زیادہ تھا کہ جو کام کرے وہ تو جائیداد میں شریک سمجھا جاتا تھا اور جو کام نہیں کرتا وہ
جائداد میں شریک نہیں سمجھا جاتا تھا۔لوگ عموماً کہہ دیتے ہیں کہ جو کام نہیں کرتا اس کا جائداد میں کیا حصہ ہو
سکتا ہے۔شروع زمانے میں حضرت مسیح موعود علیہ السلام کے پاس جب کوئی ملاقاتی آتا اور اپنی بھاوجہ کو
کھانے کے لئے کہلا بھیجتے تو وہ آگے سے کہ دیتیں کہ وہ یونہی کھا پی رہا ہے۔کام کاج تو کوئی کرتا نہیں۔اس
پر آپ اپنا کھانا اس مہمان کو کھلا دیتے اور خود فاقہ کر لیتے یا تھوڑے سے چنے چبا کر گزارا کر لیتے۔حضرت
مصلح موعودؓ فرماتے ہیں کہ خدا کی قدرت ہے وہی بھا وجہ جو اس وقت آپ کو حقارت کی نگاہ سے دیکھتی تھی
بعد میں میرے ہاتھ پر احمدیت میں داخل ہوئیں۔غرض اللہ تعالیٰ کی طرف سے جب کوئی کام شروع کیا
جاتا ہے تو اس کی ابتدا بڑی نظر نہیں آیا کرتی لیکن اس
کی انتہا پر دنیا حیران ہو جاتی ہے۔(ماخوذ از تفسیر کبیر جلد 7 صفحہ 102-101)
آج بھی ہم دیکھتے ہیں کہ قادیان ہی نہیں بلکہ قادیان سے باہر بھی دنیا کے کئی ممالک میں آپ کا
لنگر چل رہا ہے۔اُس وقت تو شاید دو تین تنوروں پر روٹی پکتی ہو اور لنگر چل رہا تھا اور آج ہم دیکھتے ہیں کہ
آپ کے لنگروں میں روٹی کے پلانٹ لگے ہوئے ہیں۔قادیان میں بھی، ربوہ میں اور یہاں لنگر میں بھی
لاکھوں روٹیاں ایک وقت میں پکتی ہیں۔اللہ کے فضل سے یہاں جلسہ پر جو انتظامات ہیں ان میں بڑا وسیع
لنگر کا انتظام
انتظام ہے۔جیسا کہ میں پہلے پچھلے جمعہ ذکر کر چکا ہوں، اس دفعہ بہت سارے جرنلسٹ بھی آئے
ہوئے تھے۔اخباری نمائندے آئے ہوئے تھے۔وہ لنگر کے انتظام کو دیکھ کے، کھانا پکتے دیکھ کے، روٹی
پلانٹ کو دیکھ کے بڑے متاثر ہوئے ہیں۔مشین کی روٹی ساروں کو پسند آئی۔ایک جرنلسٹ جو دیکھ رہے
تھے انہوں نے وہاں کھڑے کھڑے کھانے کی خواہش کی۔انہیں روٹی دی گئی تو ان کو بڑی پسند آئی اور کھا

خطبات مسرور جلد 13
531
خطبہ جمعہ فرمودہ مورخہ 04 ستمبر 2015ء
گئے۔پھر انہوں نے کہا اور کھا سکتا ہوں؟ تو احمدی نے جو اُن کے ساتھ تھے کہا کہ بیشک کھا ئیں ، جتنی مرضی
کھائیں کیونکہ یہ مسیح کا لنگر ہے یہاں کوئی کمی نہیں ہے۔پس کیا وہ زمانہ تھا کہ ایک مہمان آتا تھا تو آپ اپنا کھانا اسے دے دیتے تھے اور خود
فاقہ کرتے تھے اور کہاں آج کہ دنیا کے مختلف ممالک میں ہزاروں لوگ آپ کے دستر خوان سے
کھانا کھا رہے ہیں اور یہ بھی انتہا نہیں ہے۔ابھی تو ان لنگروں نے دنیا کے مختلف ممالک میں پھیلنا
ہے۔انشاء اللہ۔لاکھوں لوگوں نے ، کروڑوں لوگوں نے آپ کے دستر خوان سے کھانا کھانا ہے۔اسی طرح لاکھوں اور کروڑوں نے آپ کو ماننے کے بعد تقویٰ میں بھی بڑھنا ہے۔آج ہمیں دنیا
کمانے والے احمدیوں میں قربانی کے جو معیار نظر آتے ہیں یہ بھی کوئی انتہا نہیں ہے۔اس میں بھی
انشاء اللہ تعالیٰ اضافہ ہوتا چلا جاتا ہے۔پس اگر کوئی غور کرنے والا ایک لنگر کے نظام کو ہی دیکھ لے
اور حضرت مسیح موعود علیہ السلام کے ابتدائی حالات کو ، زمانے کو سامنے رکھے تو یہی آپ کی صداقت
کا ایک نشان بن جاتا ہے۔بہت بڑا نشان ہے اور ہمارے ایمانوں میں تو یقیناً یہ اضافے کا باعث
بنتا ہے۔اور پھر ہم دیکھتے ہیں کہ اگر اس سارے نظام کو چلانے کے لئے مالی قربانی کی روح افراد
جماعت میں پیدا ہوئی ہے تو یہ بھی اسی تقویٰ کا نتیجہ ہے جو حضرت مسیح موعود علیہ الصلوۃ والسلام سے
مجھ کر ہم میں پیدا ہوا۔اللہ تعالیٰ ہم میں سے ہر ایک کو حقیقی تقویٰ پیدا کرنے کی طرف مزید توجہ پیدا
کرنے کی توفیق دے۔حضرت مصلح موعود رضی اللہ تعالیٰ عنہ حضرت مسیح موعود علیہ السلام کی سیرت کے
مختلف پہلوؤں اور بعض واقعات پر روشنی ڈالتے ہیں ، ان کو بیان کرتے ہیں اور جس طرح بیان کرتے ہیں
اور بعض دفعہ آپ جو نتیجہ اخذ کرتے ہیں وہ بھی آپ کا ایک خاصہ ہے۔ایک عام آدمی کسی واقعے کی ظاہری
حالت سے لطف تو اٹھا سکتا ہے اور لطف اٹھا کر گزر جاتا ہے لیکن حضرت مصلح موعود رضی اللہ تعالیٰ اس
میں سے جس طرح بڑے باریک نکات نکالتے ہیں وہ بھی ہمارے ایمان میں زیادتی کا باعث بنتا ہے اور
معرفت میں ترقی ہوتی ہے۔حضرت مسیح موعود علیہ السلام کے کھانے کے انداز اور ڈھنگ کا ذکر کرتے
ہوئے حضرت مصلح موعودؓ فرماتے ہیں کہ :
حضرت مسیح موعود علیہ السلام کے کھانے کا ڈھنگ بالکل نرالا تھا۔میں نے کسی اور کو اس طرح
کھاتے نہیں دیکھا۔آپ پھلکے سے پہلے ایک ٹکڑا علیحدہ کرتے (یعنی باریک روٹی، چپاتی جو ہوتی ہے۔)
پھر لقمہ بنانے سے پہلے آپ انگلیوں سے اس کے ریزے بناتے جاتے اور منہ سے سبحان اللہ سبحان اللہ

خطبات مسرور جلد 13
532
خطبه جمعه فرمودہ مورخہ 04 ستمبر 2015ء
کہتے جاتے اور پھر ان میں سے ایک چھوٹا سا ریزہ لے کر سالن سے چُھو کر منہ میں ڈالتے۔یہ آپ کی
عادت ایسی بڑھی ہوئی تھی کہ دیکھنے والے تعجب کرتے اور بعض لوگ تو خیال کرتے کہ شاید آپ روٹی میں
سے حلال ذرے تلاش کر رہے ہیں۔لیکن دراصل اس کی وجہ یہی جذ بہ ہوتا تھا کہ ہم کھانا کھا رہے ہیں اور
خدا کا دین مصائب سے تڑپ رہا ہے۔ہر لقمہ آپ کے گلے میں پھنستا تھا اور سبحان اللہ سبحان اللہ کہہ کر
آپ گو یا اللہ تعالیٰ کے حضور معذرت کرتے تھے کہ تو نے یہ چیز ( یعنی کھانا کھانا ) ہمارے ساتھ لگا دی
ہے ( اور خوراک انسان کی ضرورت ہے )۔ورنہ دین کی مصیبت کے وقت ہمارے لئے یہ ہرگز جائز
نہ تھا۔حضرت مصلح موعود کہتے ہیں وہ غذا بھی (جو آپ کی تھی ) ایک مجاہدہ معلوم ہوتا تھا۔یہ ایک لڑائی
ہوتی تھی ان لطیف اور نفیس جذبات کے درمیان جو اسلام اور دین کی تائید کے لئے اٹھ رہے ہوتے
تھے اور ان مطالبات کے درمیان جو خدا تعالیٰ کی طرف سے قانون قدرت کے پورا کرنے کے لئے
قائم کئے گئے تھے۔“
(ماخوذ از خطبات محمود جلد 17 صفحه 270-269)
یعنی جو جذبات دین کی تائید کے لئے آپ کے دل میں تھے ان کے درمیان اور جو
انسانی ضروریات ہیں، کھانا کھانا انسان کی ضرورت ہے، پینا انسان کی ضرورت ہے، ان کے
درمیان ایک لڑائی چل رہی ہوتی تھی۔آپ کا کھانا کھانا بھی ایک مجبوری تھی۔اصل فکر آپ کو
دین کی تائید کی تھی ، اسلام کی ترقی کی تھی۔پس حضرت مسیح موعود علیہ السلام کا نمونہ ہمیں اس طرف توجہ دلاتا ہے کہ ہم اللہ تعالیٰ کی نعمتوں کو
جب استعمال کریں تو اس کا شکر کریں۔ایک تو اس کی تسبیح کریں تو ساتھ ہی دین کی حالت کے در دکو بھی
محسوس کریں۔اس کے لئے کوشش کریں کہ کس طرح ہم نے اشاعت دین اور تبلیغ دین میں حصہ ڈالنا ہے۔پھر کھانے کے اس انداز سے جو حضرت مسیح موعود علیہ السلام کا تھا تسبیح کے مضمون کی مزید وضاحت فرمائی اور
قرآن کریم کے اس حصہ آیت ہے کہ يُسَبِّحُ لِلهِ مَا فِی السَّمَوَاتِ وَمَا فِي الْأَرْضِ (التغابن : 2)
زمین و آسمان کی ہر چیز خدا تعالیٰ کی تسبیح کرتی ہے۔حضرت مصلح موعودؓ نے یہ نکتہ نکالا ہے۔فرماتے ہیں کہ حضرت مسیح موعود علیہ السلام جب کھانا کھایا
کرتے تھے جیسا کہ پہلے بھی ذکر آیا ہے کہ بمشکل ایک پھل کا آپ کھاتے تھے اور جب اٹھتے تو روٹی کے
ٹکڑوں کا بہت سا چورا آپ کے سامنے سے نکلتا۔آپ کی عادت تھی جس طرح پہلے بتایا کہ روٹی کے
ٹکڑے کرتے جاتے پھر کوئی ٹکڑا اٹھا کر منہ میں ڈال لیتے اور باقی ٹکڑے دستر خوان پر رکھے رہتے۔

خطبات مسرور جلد 13
533
خطبه جمعه فرمودہ مورخہ 04 ستمبر 2015ء
فرماتے ہیں کہ معلوم نہیں حضرت مسیح موعود علیہ السلام ایسا کیوں کرتے تھے مگر کئی دوست کہا کرتے تھے کہ
حضرت صاحب یہ تلاش کرتے ہیں کہ ان روٹی کے ٹکڑوں میں سے کون سا تسبیح کرنے والا ہے اور کون سا
نہیں۔حضرت مسیح موعود علیہ الصلوۃ والسلام سے اس قسم کی بات سننی مجھے اس وقت یاد نہیں مگر یہ یاد ہے کہ
لوگ یہی کہا کرتے تھے۔پس اللہ تعالیٰ فرماتا ہے کہ يُسَبِّحُ لِلهِ مَا فِي السَّمَوَاتِ وَمَا فِي الْأَرْضِ لَه
زمین و آسمان میں سے تسبیحوں کی آواز اٹھ رہی ہے۔اب کیوں
اللہ تعالیٰ یہ فرماتا ہے کہ زمین و آسمان کی
ہر چیز تسبیح کر رہی ہے جبکہ ہم اس تسبیح کی آواز کو سن ہی نہیں سکتے۔اور جس چیز کو ہم سن نہیں سکتے اس کے
بتانے کی ہمیں ضرورت کوئی نہیں تھی کہ کر رہی ہے۔جس کو ہم سن نہیں سکتے تو ہمیں کیا پتا۔اس لئے اللہ تعالیٰ
کے بتانے کا مقصد کیا تھا۔کیا قرآن کریم میں کہیں یہ لکھا ہے کہ جنت میں فلاں شخص مثلاً عبدالرشید نامی دس
ہزار سال سے بیٹھا ہوا ہے۔چونکہ ہمارے لئے اس کے ذکر سے کوئی فائدہ نہیں تھا اس لئے اللہ تعالیٰ نے
ہمیں ایسی باتیں نہیں بتا ئیں۔پھر جب اللہ تعالیٰ فرماتا ہے کہ يُسَبِّحُ لِلهِ مَا فِي السَّمواتِ وَمَا فِي الْأَرْضِ کہ زمین و
آسمان کی ہر چیز تسبیح کر رہی ہے تو اس کا یہی مطلب ہو سکتا ہے کہ اے لوگو تم اس تسبیح کو سنو۔جب ہم کہتے
ہیں کہ چاند نکل آیا تو اس کا مطلب یہ ہوا کرتا ہے کہ لوگ آئیں اور دیکھیں یا جب ہم کہتے ہیں کہ فلاں شخص
گا رہا ہے تو اس کا یہ مطلب ہے کہ چلو اور اس کا راگ سنو۔اسی طرح جب خدا تعالیٰ کہتا ہے کہ يُسَبِّحُ لله
مَا فِي السَّمواتِ وَمَا فِي الْأَرْضِ۔کہ زمین و آسمان کی ہر چیز تسبیح کر رہی ہے تو اس کا مطلب یہ ہے کہ تم
اس تسبیح کو سنو۔پس معلوم ہوا کہ یہ تہی ایسی ہے جسے ہم سن بھی سکتے ہیں۔ایک سنا تو ادنی درجے کا ہے اور
ایک اعلیٰ درجے کا۔مگر اعلیٰ درجے کا سننا انہی لوگوں کو میسر آ سکتا ہے جن کے ویسے ہی کان اور آنکھیں
ہوں۔اسی لئے مومن کو یہ کہا جاتا ہے کہ جب وہ کھانا شروع کرے تو بسم اللہ الرحمن الرحیم کہے۔کھانا ختم
کرے تو الحمد للہ کہے۔کپڑا اپنے یا کوئی اور نظارہ دیکھے تو اسی کے مطابق تسبیح کرے۔گویا مومن کا تسبیح
کرنا کیا ہے؟ وہ ان چیزوں کی تسبیح کی تصدیق کرنا ہے۔وہ کپڑے کی تسبیح اور کھانے کی تسبیح اور دوسری چیزوں
کی تسبیح کی تصدیق کرتا ہے۔جب
انسان کھانا کھاتے ہوئے بشیر اللہ پڑھتا ہے۔کھانا ختم کر کے الْحَمْدُ لِلہ پڑھتا ہے۔کپڑا پہنتے
ہوئے دعا کرتا ہے اور اللہ کو یاد رکھتا ہے تو یہ چیزیں جو انسان خود کر رہا ہوتا ہے یہی اصل میں تسبیح ہے جو
ان چیزوں کی طرف سے ہو رہی ہوتی ہے۔ان کو دیکھ کے جب انسان شکر گزاری کرتا ہے تو یہی تسبیح

خطبات مسرور جلد 13
534
خطبہ جمعہ فرمودہ مورخہ 04 ستمبر 2015ء
ان چیزوں کی طرف سے بھی ہو رہی ہے۔حضرت مصلح موعودؓ فرماتے ہیں اور کتنے ہیں جو اس پر عمل کرتے ہیں۔وہ رات دن کھاتے اور
پیتے ہیں۔پہاڑوں پر سے گزرتے ہیں، دریاؤں کو دیکھتے ہیں ، سبزہ زاروں کا مشاہدہ کرتے ہیں، درختوں
اور کھیتوں کو لہلہاتے ہوئے دیکھتے ہیں، پرندوں کو چہچہاتے ہوئے سنتے ہیں ،مگر ان کے دلوں پر کیا اثر ہوتا
ہے۔کیا ان کے دلوں میں بھی ان چیزوں کے مقابلے میں تسبیح پیدا ہوتی ہے۔اگر نہیں پیدا ہوتی تو اس کا
مطلب یہ ہے کہ انہوں نے ان چیزوں
کی تسبیح کو نہیں سنا۔مگر تم کہو گے کہ ہمارے کانوں میں تسبیح کی آواز
نہیں آتی۔میں اس کے لئے تمہیں بتاتا ہوں کہ کئی آوازیں کان سے نہیں بلکہ اندر سے آتی ہیں۔(ماخوذ از خطبات محمود دجلد 16 صفحہ 150-149)
پس ہر شکر گزاری جو ہے جب وہ انسان کسی چیز کی کرتا ہے یا اللہ تعالیٰ کی قدرت
کو دیکھتا ہے تو
سبحان
اللہ پڑھتا ہے تو انسان کی جو تیج ہے وہ اصل میں ان چیزوں کی جو تبیج ہے اس کا اظہار انسان کے منہ
سے ہورہا ہوتا ہے۔اس نکتے کو سمجھنے کی ضرورت ہے۔پس تسبیح کے اس انداز کو بھی ہمیں اپنانے کی کوشش
کرنی چاہئے بلکہ تقویٰ تو یہی ہے کہ اس قسم کی تسبیح ہمارا معمول بن جائے۔حضرت مسیح موعود کی بعثت اسلام کے دفاع کیلئے
اس زمانے میں اللہ تعالیٰ نے حضرت مسیح موعود علیہ السلام کو اسلام پر حملہ کرنے والوں کے منہ بند
کرنے کے لئے اور اسلام کی خوبصورتی ظاہر کرنے کے لئے بھیجا ہے۔اس تعلق میں بھی ایک واقعہ کا ذکر
کرتے ہوئے حضرت مصلح موعودؓ فرماتے ہیں کہ :
ایک دفعہ حضرت مسیح موعود علیہ الصلوۃ والسلام مسجد میں بیٹھے ہوئے تھے کہ ایک عیسائی آیا اور اس نے
کہا کہ آپ تو کہتے ہیں کہ قرآن کریم کی زبان اُم الالسنتہ ہے حالانکہ میکس مولر (Max Muller) وغیرہ
نے لکھا ہے کہ جو زبان اُم الالسنتہ ہوتی ہے وہ مختصر ہوتی ہے۔پھر آہستہ آہستہ لوگ اس کو پھیلا دیتے
ہیں۔حضرت مسیح موعود علیہ الصلوۃ والسلام نے فرمایا۔ہم تو میکس مولر کے اس فارمولے کو نہیں
مانتے کہ ام الالسنہ مختصر ہوتی ہے مگر چلو بحث کو چھوٹا کرنے کے لئے ہم اس فارمولے کو مان لیتے
ہیں۔( بحث ختم کرنے کے لئے ہم اس فارمولے کو مان لیتے ہیں ) اور عربی زبان کو دیکھتے ہیں
کہ آیا وہ اس معیار پر پوری اترتی ہے یا نہیں۔اس شخص نے یہ بھی کہا تھا کہ انگریزی زبان عربی
زبان کے مقابلے میں نہایت اعلیٰ ہے۔

خطبات مسرور جلد 13
535
خطبہ جمعہ فرمودہ مورخہ 04 ستمبر 2015ء
حضرت مسیح موعود علیہ الصلوۃ والسلام انگریزی نہیں جانتے تھے لیکن آپ نے فرمایا اچھا آپ
بتائیں کہ انگریزی میں ”میرے پانی کو کیا کہتے ہیں۔اس نے کہا مائی واٹر (my water)۔آپ
نے
فرمایا عربی میں تو صرف مائي کہنے سے ہی یہ مفہوم ادا ہو جاتا ہے۔اب آپ بتائیں کہ مائی واٹر
(my water) زیادہ مختصر ہے یا مائی۔اب اگر چہ حضرت مسیح موعود علیہ السلام انگریزی نہیں جانتے
تھے لیکن خدا تعالیٰ نے آپ کی زبان پر ایسے الفاظ جاری کر دیئے کہ معترض آپ ہی پھنس گیا اور وہ
سخت شرمندہ اور لا جواب ہو گیا اور کہنے لگا کہ پھر تو عربی زبان ہی مختصر ہوئی۔یہی حال قرآن کریم کا ہے۔اللہ تعالیٰ رسول کریم صلی اللہ علیہ وسلم سے وعدہ کرتا ہے کہ وہ آپ کو دشمنوں کے حملوں سے بچائے گا یعنی
ہمیشہ ایسے لوگ پیدا کرتا رہے گا جو قرآن کریم کو پڑھنے والے ہوں گے۔اس سے سچا عشق رکھتے ہوں گے
اور اس کی تفسیر کرنے والے ہوں گے۔وہ دشمنوں کو ان کے حملوں کا ایسا جواب دیں گے کہ ان کا منہ بند
ہو جائے گا۔دوسرے اس نے قرآن کریم کے اندر ایسا مادہ رکھ دیا ہے کہ معترض جو بھی اعتراض کریں
اس کا جواب اس کے اندر موجود ہوتا ہے۔حضرت مسیح موعود کا علم کلام
حضرت مصلح موعودؓ فرماتے ہیں کہ سرسید احمد خاں نے بھی اپنے زمانے میں عیسائیوں کے
اعتراضات کے جواب دیئے۔پھر اللہ تعالیٰ نے حضرت مسیح موعود علیہ السلام کو کھڑا کر دیا جنہوں نے اتنے لمبے
عرصے تک دشمن کا مقابلہ کیا کہ آپ کی وفات پر دشمنوں نے بھی اس بات کا اعتراف کیا کہ آپ نے اسلام کا
دفاع ایسے شاندار رنگ میں کیا ہے کہ آپ سے پہلے کسی مسلمان عالم نے اس طرح اسلام کا دفاع نہیں کیا۔یہ
وَاللهُ يَعْصِمُكَ مِنَ النَّاسِ (المائدة :68) کا ہی کرشمہ تھا۔اللہ تعالیٰ کا محمد رسول اللہ صلی اللہ علیہ وسلم
سے وعدہ تھا کہ اس نے آپ صلی اللہ علیہ وسلم کو بہر حال بچانا ہے۔جب دشمن نے تلوار سے حملہ کیا تو اس
نے اس کی تلوار کو کند کر دیا۔(دشمن کی تلوار میں ٹوٹ گئیں۔) اور جب اس نے تاریخ سے حملہ کیا تو خدا
تعالیٰ نے ایسے مسلمان کھڑے کر دیئے جنہوں نے تاریخی کتب کی چھان بین کر کے دشمن کے
اعتراضات کو رد کر دیا اور خود مخالفین کے بزرگوں کی کتابیں کھول کر بتایا کہ وہ جو اعتراضات اسلام پر
کر رہے ہیں وہ ان کے اپنے مذہب پر بھی پڑتے ہیں۔اور جو حصہ قرآن کریم اور احادیث سے تعلق
رکھتا تھا اسے حضرت مسیح موعود علیہ الصلوۃ والسلام نے صاف کر دیا۔(ماخوذاز الفضل 22 نومبر 1956 ء صفحہ 2_4 جلد 45/10 نمبر 274)

خطبات مسرور جلد 13
536
خطبه جمعه فرمودہ مورخہ 04 ستمبر 2015ء
پس آج بھی جو لوگ اسلام پر اعتراض کرتے ہیں۔حضرت
مسیح موعود علیہ الصلوۃ والسلام کا علم
کلام جو ہے اسی سے ہم ان
کا منہ بند کر سکتے ہیں۔اس لئے اس طرف ہمیں توجہ دینی چاہئے۔اللہ تعالیٰ اپنے
دین کی تائید میں خود ہی نشانات بھی دکھاتا ہے اور دلائل بھی بتا تا ہے۔بعض لوگ جو علمی ذوق رکھتے ہیں ان
کے سینے بھی مزید کھولتا ہے۔لیکن بعض لوگ ایسے بھی ہوتے ہیں جوکم علمی کے باوجود عالم بننے کے شوق میں
غیر ضروری باتیں کر جاتے ہیں اور جن سے بعض دفعہ مشکلات پیدا ہوتی ہیں بلکہ مخالفین کو استہزاء کا
موقع ملتا ہے۔ایسے ہی ایک واقعہ کا ذکر کرتے ہوئے حضرت مصلح موعودؓ فرماتے ہیں کہ لوگ نئے نئے
مسائل مذہب میں داخل کر رہے ہیں اور انہیں یہ بھی محسوس نہیں ہوتا کہ یہ کتنی شرم کی بات ہے۔حضرت
مسیح موعود علیہ الصلوۃ والسلام کے زمانے میں ایک دوست تھے وہ بٹالہ کے رہنے والے تھے۔بعد میں
تو نہایت مخلص احمدی ہوئے۔حضرت مسیح موعود علیہ السلام نے یہ مسئلہ بیان کیا تھا ( پہلے بھی ذکر ہو چکا ہے ) کہ عربی زبان
جو ہے وہ اُم الالسنتہ ہے یعنی سب زبانیں اسی سے نکلی ہیں۔تو یہ صاحب جو تھے انہوں نے اس مسئلے کو
لے لیا اور اسی کام میں مشغول ہو گئے کہ ہم ہر لفظ کا عربی زبان سے نکلا ہوا ثابت کریں۔(لیکن زیادہ
علم نہیں تھا۔عربی کی زیادہ شدھ بدھ نہیں تھی تو وہ اسی کوشش میں لگ گئے۔) حضرت مسیح موعود علیہ
الصلوۃ والسلام تو لغت کے واقف تھے۔صرف ونحو کے واقف تھے۔زبان کے واقف تھے۔آپ جو
مسئلہ نکالتے تھے علم کی بناء پر نکالتے تھے۔جب آپ نے یہ کہا کہ سب کچھ قرآن کریم میں موجود ہے تو اس سے آپ کی یہ مراد تو نہیں تھی کہ
قرآن کریم میں یہ بھی لکھا ہوا ہے کہ بڑھئی کا کام کس طرح کیا جائے یا اس میں یہ بھی ذکر آتا ہے کہ کھیتی
باڑی کے کیا اصول ہیں۔سب کچھ سے مراد یہ تھا کہ تمام ضروریات دینیہ قرآن کریم میں موجود ہیں۔لیکن
ان صاحب نے خیال کر لیا کہ سب کچھ قرآن کریم میں موجود ہے۔چنانچہ جب بہت زیادہ شور مچانے لگ
گئے۔ہر جگہ ہر طبقے میں بیٹھ کے یہ باتیں کرنے لگ گئے کہ سب کچھ قرآن کریم میں موجود ہے تو کسی
سر پھرے نے یہ کہہ دیا کہ آلو اور مرچوں کا قرآن کریم میں کہیں ذکر نہیں۔اب انہوں نے بھی اپنی دلیل تو دینی تھی۔کہنے لگے کہ اللُّؤْلُؤُ وَالْمَرْجَانِ۔(اس کے معنی
اصل میں تو موتی اور مونگے کے ہیں ) اس کا مطلب آلو اور مرچیں ہی ہیں۔پس ( حضرت مصلح موعود
فرماتے ہیں کہ ) ایک طرف تو اتنا اندھیر ہے کہ بعض کے نزدیک خدا تعالیٰ کے قول کی طرح فقہاء

خطبات مسرور جلد 13
537
خطبه جمعه فرمودہ مورخہ 04 ستمبر 2015ء
کا قول بھی نہیں بدلتا۔( بعض لوگ فقہاء کے قول کو بہت ترجیح دیتے ہیں اور سمجھتے ہیں کہ جو ایک
فیصلہ ہو گیا، کسی فقیہ نے فیصلہ کر دیا وہ آخری فیصلہ ہے اور اس کو بدلہ نہیں جاسکتا ) اور دوسری طرف
لوگ تغیر و تبدل کرتے رہتے ہیں اور اندھیر مچادیتے ہیں۔(ماخوذ از خطبات محمود دجلد 33 صفحه 310-309)
اس سے مجھے یاد آ گیا، فیصل آباد میں ایک دفعہ جب چوہتر (1974ء) کے فسادات ہورہے
تھے تو ایک مولوی صاحب تقریر کر رہے تھے اور قُلْ هُوَ الله احد کی تشریح فرما رہے تھے کہ قُلْ هُوَ
الله احد قرآن کریم میں لکھا ہوا ہے۔اس کا مطلب یہ ہے کہ احمدی کا فر ہیں۔اس سے انہوں نے یہ
استدلال کر لیا۔بہر حال حضرت مصلح موعود فرماتے ہیں کہ ایسے لوگ جو ہیں دونوں طرف افراط و تفریط
کرتے ہیں۔کوئی اصول اور قاعدہ نہیں ہوتا۔حالانکہ اصل طریق وسطی ہے۔انسان
کو تغیر قبول کرنے کے
لئے تیار رہنا چاہئے لیکن تغیر پیدا کرنا خدا تعالیٰ کے ہاتھ میں ہے اور وہ جب چاہتا ہے تغیر پیدا کرتا ہے
اور جب وہ تغیر پیدا کرنا چاہتا ہے تو پھر دنیا اسے تغیر سے روک نہیں سکتی۔پھر بعض لوگوں کی غلط سوچیں جو ہیں ان کے بارے میں بھی حضرت مصلح موعودؓ نے بیان کیا۔کہتے ہیں کہ حضرت مسیح موعود علیہ السلام کے زمانے میں ایک شخص قادیان آیا۔اس نے کہا کہ اگر مرزا
صاحب کو کہا جاتا ہے کہ آپ ابراھیم ہیں، نوح ہیں، موسیٰ ہیں ، عیسی ہیں ، محمد ہیں (صلی اللہ علیہ وسلم ) تو
( وہ کہنے لگا کہ ) مجھے بھی خدا تعالیٰ ہر وقت کہتا ہے کہ تو محمد ہے۔لوگ اسے سمجھانے لگے تو اس نے کہا کہ
خدا تعالی کی آواز مجھے آتی ہے۔وہ خود مجھے کہتا ہے کہ تو محمد ہے۔تمہاری
دلیلیں مجھ پر کیا اثر کر سکتی ہیں۔کوئی اثر نہیں ہوگا ) جب لوگ سمجھاتے سمجھاتے تھک گئے تو انہوں نے خیال کیا کہ بہتر ہے کہ انہیں
حضرت مسیح موعود علیہ الصلوۃ والسلام کی خدمت میں پیش کیا جائے۔چنانچہ انہوں نے حضرت خلیفتہ المسیح الاول رضی اللہ تعالیٰ عنہ سے درخواست کی کہ آپ حضرت مسیح
موعود علیہ السلام سے ذکر کر کے وقت لے دیں۔حضرت خلیفہ اول نے حضرت
مسیح موعود علیہ الصلوۃ والسلام
سے عرض کیا۔آپ نے فرمایا اچھا اس شخص کو بلالو۔چنانچہ وہ شخص حضور کی خدمت میں لا یا گیا اور اس نے کہا
کہ خدا تعالیٰ مجھے ہر وقت یہ کہتا ہے کہ تم محمد ہو۔آپ نے فرمایا مجھے تو خدا تعالیٰ ہر وقت یہ نہیں کہتا کہ میں
ابراہیم ہوں، میں موسیٰ ہوں ، عیسی ہوں۔حضرت مسیح موعود علیہ السلام نے فرمایا لیکن جب وہ مجھے کہتا ہے کہ تم عیسی ہو تو عیسی والی

خطبات مسرور جلد 13
538
خطبه جمعه فرمودہ مورخہ 04 ستمبر 2015 ء
صفات مجھے دیتا ہے اور جب وہ کہتا ہے کہ تم موسیٰ ہو تو موسیٰ والے نشانات مجھے دیتا ہے اور اگر آپ کو
اللہ تعالیٰ ہر وقت محمد کہتا ہے تو کیا وہ آپ کو قرآن کریم کے معارف اور لطائف اور حقائق بھی دیتا ہے یا
نہیں۔اس نے کہا دیتا تو کچھ نہیں۔تو آپ نے فرمایا دیکھو سچے اور جھوٹے میں یہی فرق ہوتا ہے۔اگر کوئی شخص سچے طور پر کسی کو مہمان بناتا ہے تو وہ اسے کھانے کو دیتا ہے لیکن اگر کوئی کسی سے مذاق کرتا
ہے تو وہ یونہی اسے بلا کر اس کے سامنے کھانے کے خالی برتن رکھ دیتا ہے اور کہتا ہے یہ پلاؤ ہے، یہ
زردہ ہے۔خدا تعالیٰ مذاق نہیں کرتا۔شیطان مذاق کرتا ہے۔اگر آپ
کو محد کہا جاتا ہے اور پھر قرآن کریم
کے معارف اور لطائف اور حقائق نہیں دیئے جاتے تو ایسا کہنے والا شیطان ہے،خدا نہیں ہے۔خدا
تعالیٰ اگر کچھ کہتا ہے تو اس کے مطابق چیز بھی انسان کے آگے رکھ دیتا ہے۔حضرت مسیح موعود علیہ السلام
نے فرمایا کہ اگر آپ کے سامنے کوئی چیز نہیں رکھی جاتی تو آپ یقین کر لیں کہ آپ
کو محمد کہنے والا خدا
نہیں، شیطان ہے۔اور حقیقت یہ ہے کہ تغیر خدا تعالیٰ پیدا کرتا ہے۔(ماخوذ از خطبات محمود جلد 33 صفحہ 311-310)
پس وہ لوگ جو بعض دفعہ بعض خوابوں کی وجہ سے غلط نہی میں مبتلا ہو جاتے ہیں اور بڑے
بڑے دعوے کرنے لگ جاتے ہیں وہ اصل میں شیطان کے زیر اثر ہوتے ہیں۔خدا تعالیٰ تو
جب کسی کو کچھ دیتا ہے تو اس کی چمک بھی دکھاتا ہے۔اپنی تائیدات کا اظہار بھی کرتا ہے۔نشانات
ظاہر ہوتے ہیں۔اللہ تعالیٰ کی فعلی شہادت اس کے ساتھ کام کر رہی ہوتی ہے۔یہی ہم نے
حضرت مسیح موعود علیہ الصلوۃ والسلام کے ساتھ دیکھا اور یہی آپ کی پیشگوئی دربارہ مصلح موعود جو
تھی اسے خلیفہ المسیح الثانی کے حق میں پورے ہوتے دیکھا اور یہی خلافت احمدیہ کے قیام کی جو
خوشخبری آپ نے دی تھی اس میں اللہ تعالیٰ کی فعلی شہادت سے اس کو ہم نے پورا ہوتے دیکھا۔اللہ تعالیٰ ہر احمدی کے ایمان وایقان میں ترقی عطا فرمائے اور وہ ان باتوں کو سمجھنے والا ہو۔نماز کے بعد میں ایک جنازہ بھی پڑھاؤں گا جو مکرمہ صاحبزادی امتہ الباری صاحبہ کا ہے۔31 را گست اور یکم ستمبر 2015ء کی درمیان رات کو 87 سال کی عمر میں ان کی وفات ہوئی۔اِنَّا لِلهِ وَانا
إِلَيْهِ رَاجِعُون۔مکر مہ امتہ الباری بیگم صاحبہ حضرت مسیح موعود علیہ السلام کی پوتی ، حضرت مرزا
شریف احمد
صاحب کی بیٹی اور حضرت نواب محمد علی خان صاحب کی نواسی تھیں۔اور سیدۃ امتہ الحفیظ بیگم صاحبہ اور نواب
عبداللہ خان صاحب کی بہو تھیں۔ان کے میاں مکرم عباس احمد خان صاحب مرحوم تھے۔اور وہ میری

خطبات مسرور جلد 13
539
خطبہ جمعہ فرمودہ مورخہ 04 ستمبر 2015ء
پھوپھی بھی تھیں۔17 اکتوبر 1928ء کو قادیان میں ان کی پیدائش ہوئی تھی۔29 دسمبر 1944ء کو /
جب میاں عباس احمد خان صاحب کے ساتھ ان کا نکاح ہوا تو حضرت خلیفہ اسیح الثانی نے جمعہ کے دن جمعہ
کا خطبہ شروع کرنے سے پہلے چند نکاحوں کا اعلان کیا۔آپ نے فرمایا کہ چند نکاحوں کا اعلان کرنا چاہتا ہوں اور میں یہ بات کئی دفعہ ظاہر کر چکا ہوں کہ
کچھ عرصے تک میں ایسے لوگوں کے نکاح پڑھا سکوں گا جو یا تو میرے عزیز ہوں یا ان سے میرے تعلقات
عزیزوں کی طرح ہوں مثلاً دین کے لئے وہ زندگی وقف کر چکے ہوں۔اس کے علاوہ کسی دوسرے کا نکاح
اس صورت میں پڑھا سکوں گا جبکہ ایسے موقع پر وہ درخواستیں پیش کی جائیں گی جب ایسے عزیزوں کا نکاح
ہو۔بہر حال آپ نے فرمایا کہ آج میں عزیزم عباس احمد خان کے نکاح کا اعلان کرنا چاہتا ہوں جو میری
چھوٹی بہن اور میاں عبداللہ خان صاحب کے لڑکے ہیں اور لڑ کی عزیزم میاں شریف احمد صاحب کی ہے۔گو یالڑ کا میرا بھانجا ہے اور لڑ کی میری بیجی ہے۔پھر آپ نے مختلف نصائح فرما ئیں اور وقف زندگی کا ذکر
کیا اور اس میں حضرت خلیفۃ اسیح الثالث کا نام لیا کہ اس وقت خاندان کے لڑکوں میں سے جو سب سے
زیادہ اس وقف کے لئے پیش کر چکے ہیں ان کا نام لیا کہ آپ ہیں اور اوروں کو بھی توجہ دلائی۔پھر آپ فرماتے ہیں کہ حضرت مسیح موعود علیہ الصلوۃ والسلام نے آج سے ساٹھ ستر سال پہلے یہ
الہام شائع فرمایا تھا کہ تری نَسْلاً بَعِيدًا۔اور ہم اللہ تعالیٰ کے فضل سے اس نشان کو ایسے رنگ میں پورا
ہوتے دیکھ رہے ہیں کہ روز بروز نشان کی اہمیت اور عظمت بڑھتی چلی جاتی ہے۔بعض نشان اس قسم کے
ہوتے ہیں کہ جس وقت وہ شائع کئے جاتے ہیں تو بڑے ہوتے ہیں اور ان کی عظمت زیادہ ہوتی ہے مگر
جوں جوں
زمانہ گزرتا جاتا ہے اس نشان
کی عظمت میں آہستہ آہستہ کمی ہوتی چلی جاتی ہے۔لیکن بعض نشان
اس قسم کے ہوتے ہیں کہ ابتدا میں چھوٹے ہوتے ہیں مگر زمانے کے ساتھ ساتھ وہ بڑے ہوتے چلے جاتے
ہیں۔جوں جوں زمانہ گزرتا ہے انکی عظمت بڑھتی چلی جاتی ہے۔چنانچہ جس وقت حضرت مسیح موعود علیہ
الصلوۃ والسلام کو یہ الہام ہوا کہ تَرى نَسْلاً بَعِيدًا
اس وقت حضرت مسیح موعود علیہ السلام کے صرف دو بیٹے تھے اس کے بعد اللہ تعالیٰ کے فضل سے
آپ کے ہاں کچھ اور بیٹے بیٹیاں پیدا ہو ئیں اور پھر خدا تعالیٰ نے ان کو وسیع کیا اور اب ان بیٹوں اور بیٹیوں
کی نسلیں الہام الہی کے ماتحت شادیاں کر رہی ہیں اور تری نسلاً بَعِيدًا کے نئے نئے ثبوت مہیا کر رہی
ہیں۔آپ فرماتے ہیں کہ دنیا میں نسلیں تو پیدا ہوتی رہتی ہیں۔ایک معترض کہہ سکتا ہے کہ یہ کونسا نشان ہے

خطبات مسرور جلد 13
540
خطبه جمعه فرمودہ مورخہ 04 ستمبر 2015ء
نسلیں تو دنیا میں اکثر آدمیوں کی چلتی ہیں۔لیکن سوال یہ ہے کہ کتنے آدمیوں کی نسلیں ہیں جو ان کی طرف
منسوب بھی ہوتی ہوں اور منسوب ہونے میں فخر محسوس کرتی ہوں۔اکثر آدمیوں کی نسلیں ایسی ہوتی ہیں کہ
اگر ان سے پوچھا جائے کہ تمہارے پردادا کا کیا نام تھا تو ان کو پتا نہیں ہوتا مگر تری نَسْلاً بَعِيدًا کا
الہام بتا رہا ہے کہ حضرت مسیح موعود علیہ الصلوۃ والسلام کی نسل آپ کی طرف منسوب ہوتی چلی جائے گی
اور لوگ انگلیاں اٹھا اٹھا کر کہیں گے کہ حضرت مسیح موعود علیہ الصلوۃ والسلام کی نسل آپ کی پیشگوئیوں
کے ماتحت آپ کی صداقت کا نشان ہے۔پس تَرى نَسْلاً بَعِيدًا میں صرف یہی پیشگوئی نہیں کہ آپ
کی نسل کثرت سے ہو گی بلکہ حضرت مسیح موعود علیہ السلام کی عظمت شان کا بھی اس جگہ اس رنگ میں
اس پیشگوئی میں ذکر ہے کہ آپ کا مرتبہ اتنا بلند اور آپ کی شان اتنی ارفع ہے۔آپ کی نسل ایک منٹ
کے لئے بھی آپ کی طرف منسوب نہ ہونا برداشت نہیں کرے گی اور آپ کی طرف منسوب ہونے میں
ہی ان کی شان اور ان کی عظمت بڑھے گی۔پس اس پیشگوئی میں خالی اس بات کا ذکر نہیں کہ حضرت مسیح موعود علیہ السلام کی اولاد کثرت سے
ہوگی بلکہ یہ بھی ذکر ہے کہ روز بروز بڑھے گی اور وہ خواہ کتنے ہی اعلیٰ مقام اور اعلیٰ مرتبے تک جا پہنچے اور خواہ
ان کو بادشاہت بھی حاصل ہو جائے پھر بھی وہ اپنے آپ کو حضرت مسیح موعود علیہ الصلوۃ والسلام کی طرف
منسوب کرنے میں ہی فخر محسوس کرے گی۔پس تری نسلاً بَعِيدًا کے یہی معنی ہیں کہ حضرت مسیح موعود علیہ
الصلوۃ والسلام کو خدا تعالیٰ فرماتا ہے کہ تیری نسل تجھے کبھی اپنی آنکھوں سے اوجھل نہیں کرے گی اور تیری
نسل کبھی اپنے دادا کو بھلانے کی کوشش نہیں کرے گی۔حضرت مسیح موعود علیہ السلام اس الہام کی تشریح
کرتے ہوئے فرماتے ہیں کہ غموں کا ایک دن اور چار شا دی۔جس کے یہ معنی ہیں کہ بیشک آپ
کی نسل
میں سے بعض لوگ مریں گے بھی جیسا کہ خدا تعالیٰ کی سنت ہے مگر آپ
کی نسل کم نہیں ہوگی بلکہ بڑھتی چلی
جائے گی۔اگر ایک مرے گا تو چار پیدا ہوں گے اور جہاں ایک مرے گا اور چار پیدا ہوں گے لا زمی
بات ہے کہ وہ نسل بڑھتی چلی جائے گی۔پس حضرت مسیح موعود علیہ السلام کی اولا دحضرت مسیح موعود علیہ
السلام کی عظمت اور آپ کے درجے کی بلندی کا ہمیشہ نشان رہے گی اور ہمیشہ اپنے آپ کو آپ کی طرف
منسوب کرنے میں فخر محسوس کرے گی اور جب وہ آپ کی طرف منسوب کرنے میں فخر محسوس کرے گی تو
دوسرے لفظوں میں اس کے معنی ہیں کہ وہ اولا د اپنے دادا کی بڑائی اور عظمت کا اقرار کرتی ہے اور دنیا اس
اقرار کی عظمت کو تسلیم کرتی ہے۔(ماخوذ از خطبات محمود جلد 3 صفحہ 605 تا 608)

خطبات مسرور جلد 13
541
خطبه جمعه فرمودہ مورخہ 04 ستمبر 2015ء
تفصیلی ذکر میں نے اس لئے کر دیا کہ یہ بات خاندان حضرت مسیح موعود علیہ السلام کے افراد پر
بھی بہت بڑی ذمہ داری ڈالتی ہے کہ اپنی اس ذمہ داری کو بھی سمجھیں اور حضرت مسیح موعود علیہ السلام کا یہ
ارشاد بھی ہمیشہ ہر وقت سامنے رکھیں کہ ہماری طرف منسوب ہو کر پھر ہمیں بدنام نہ کرو۔(ماخوذ از ملفوظات جلد 7 صفحہ 188 )
پس صرف نسل ہونا ہی بڑائی نہیں بلکہ آپ
کی تعلیم پر عمل کرنا اور آپ کے ساتھ منسوب ہو کر آپ
کی عزت واحترام اور جو مقام ہے اس کو قائم کرنا بھی سب کا فرض ہے۔اللہ تعالیٰ اس خاندان کو اس کی بھی
توفیق عطا فرمائے ہمیں بھی اس کی توفیق عطا فرمائے۔جب تقسیم ہند ہوئی ہے، پاکستان بنا ہے اس وقت
آپ کو اسی بس میں سفر کرنے کا اعزاز ملاجس میں حضرت اماں جان اور خاندان کی بعض دوسری خواتین سفر
کر رہی تھیں اور پھر لاہور پہنچ کر ابتدائی دنوں میں رتن باغ میں ان کا قیام رہا جہاں حضرت مصلح موعودرضی
اللہ تعالیٰ عنہ کا قیام تھا۔اس کے بعد بھی آپ ہمیشہ لاہور ہی رہیں۔آپ کی بہت بڑی خصوصیت غریب
پروری اور مہمان نوازی تھی اور بڑی بے تکلف طبیعت کی مالک تھیں۔ان کا گھر جو تھا اکثر مہمانوں سے ہر
وقت بھرا رہتا تھا۔کسی بھی قسم کا کوئی مہمان آجائے چاہے وہ عزیز رشتے دار ہو، کوئی دوست ہو، غیر ہو،
غریب ہو، بہترین طریقے سے اس کی مہمان نوازی کیا کرتی تھیں اور یہ ان میں بہت بڑا وصف تھا اور بڑی
عزت و احترام سے پیش آیا کرتی تھیں۔پھر اسی طرح آپ کا حلقہ بڑا وسیع تھا۔خاندان کے علاوہ بھی
لوگوں سے، جماعت کے ہر فرد سے بڑے وسیع تعلقات تھے۔جن جن سے ان کا واسطہ پڑا وہ ان کا
گرویدہ ہو گیا۔پھر اسی طرح مالیر کوٹلہ کے جو غیر احمدی رشتے دار تھے ان سے بھی آپ نے ہمیشہ تعلق رکھا
اور نبھایا۔بعض تو عارضی مہمان آتے ہیں۔پھر مستقل مہمان بھی ، خاندان کے افراد بھی ، نوجوان لڑکے
لڑکیاں جب لاہور میں کالج میں، یونیورسٹیوں میں پڑھتے تھے اور اسی طرح بہت سارے دوسرے بھی
میں نے دیکھا ہے آپ کے گھر رہتے تھے اور آپ کی مہمان نوازی با قاعدہ ان کے لئے بھی بڑے کھلے دل
کے ساتھ چلتی تھی۔اور یہ نہیں کہ کوئی (خاص) وقت ہے جب بھی پہنچ جاؤ فوری طور پر مہمان نوازی کے لئے
تیار ہوتی تھیں۔اسی طرح حضرت مصلح موعودؓ کی زندگی کے بہت سارے تاریخی واقعات بھی آپ کے علم
میں تھے جو آپ اپنے عزیزوں کو سناتی تھیں اور یہ محفوظ ہیں۔اللہ تعالیٰ نے آپ
کو کشائش عطا فرمائی تو اس
کو آپ نے ہمیشہ غریبوں کی خدمت میں، غریبوں کے لئے استعمال کیا۔بہت سارے بچوں کی تعلیم کے
اخراجات برداشت کئے۔شادیوں پر بڑے کھلے دل سے دیا کرتی تھیں۔اسی طرح اپنے میاں عباس احمد

خطبات مسرور جلد 13
542
خطبه جمعه فرمودہ مورخہ 04 ستمبر 2015ء
خان صاحب کی وفات کے بعد نظارت تعلیم کی وساطت سے ان کے نام پر ایک مستقل وظیفے کا اجراء آپ
نے کیا۔آپ گر گئی تھیں جس کی وجہ سے ٹانگ میں فریکچر تھا اور اس کی وجہ سے دو تین آپریشن بھی ہوئے۔کچھ عرصے سے بڑی تکلیف میں تھیں۔لیکن بڑے صبر اور حو صلے سے برداشت کرتی رہیں۔اور آخر 131
اگست کو اور یکم ستمبر کی درمیانی رات دل کا دورہ پڑا اور اپنے خالق حقیقی کے حضور حاضر ہو گئیں۔اِنَّا لِلهِ وَانا
إِلَيْهِ رَاجِعُونَ۔چندوں میں بہترین معیاری چندے دینے والی تھیں۔اپنا حصہ جائداد، حصہ آمد،حصہ
وصیت وغیرہ سارا کچھ اپنی زندگی میں ادا کیا۔1958ء سے لے کر 94 ء تک ضلع لاہور میں لجنہ کی مختلف
حیثیتوں میں آپ کا رکن رہیں، سیکرٹری رہیں، خدمت کرتی رہیں۔ایک زمانے میں لجنہ لاہور کی جنرل
سیکرٹری بھی رہی ہیں۔جیسا کہ میں نے کہا ہے غریبوں سے بڑی ہمدردی کرنے والی، ان کا خیال رکھنے والی
تھیں۔اور جس طرح میں نے ان کو ہر ایک کے خوشی غم میں اپنا سمجھ کر شریک ہوتے ہوئے دیکھا ہے چاہے
وہ غیر ہو، اپنا ہو کسی اور کو نہیں دیکھا۔پھر اگر کسی نے کوئی ایسی بات کی جو ان
کو پسند آئی یا ان کی کسی طرح کسی
رنگ میں بھی خدمت کی ہے تو اس کو اجر دیتی تھیں۔منیر حافظ آبادی صاحب قادیان کے ہیں، لکھتے ہیں کہ یہ
1989ء کے جوبلی جلسے میں قادیان آئی تھیں تو منیر حافظ آبادی صاحب کو کچھ خدمت کا موقع ملا تو انہیں بھی
حضرت مسیح موعود علیہ السلام کی پگڑی کے کپڑے کا تبرک دیا۔اسی طرح اس دفعہ لوگوں نے ، افراد جماعت
نے دیکھا ہو گا کہ عالمی بیعت کے وقت میں نے ایک مختلف رنگ کا کوٹ پہنا ہوا تھا۔یہ سبز نہیں تھا ذرا
دوسرے رنگ کا تھا۔یہ کوٹ بھی مجھے انہوں نے بھجوایا تھا۔حضرت مسیح موعود علیہ الصلوۃ والسلام کا کوٹ تھا جو
حضرت مرزا شریف احمد صاحب کے پاس تھا۔پھر ان کے حصے میں آیا تو انہوں نے مجھے بھیج دیا کہ یہ میں تمہیں دیتی ہوں۔پھر یہ ہے کہ خلافت
سے تعلق انتہا کا تھا اور بڑا عزت اور احترام کا تعلق تھا۔ہمیشہ مجھے فون کرتی تھیں۔اس بات کی بڑی خواہش
ظاہر کیا کرتی تھیں کہ بات ہو جائے۔پھر ہمیشہ ان کو یہ فکر تھی کہ میری اولاد کو بھی اللہ تعالیٰ نیکیوں کی توفیق
دے اور آپس میں ایک ہو کے رہیں۔اللہ کرے کہ ان کی اولاد ہمیشہ ان کی نیکیوں کو بھی جاری رکھنے والی ہو
اور آپس میں بھی مل جل کر رہنے والی ہو۔اللہ تعالیٰ ان کے درجات بلند فرمائے اور مغفرت کا سلوک
فرمائے۔جیسا کہ میں نے کہا کہ نماز کے بعد میں ان کا جنازہ غائب ادا کروں گا۔الفضل انٹرنیشنل مورخہ 25 ستمبر 2015 ء تا 01 اکتوبر 2015 ، جلد 22 شمارہ 39 صفحہ 05-09)

آج 10 میں سے 10 باقی