بدری اصحاب نبویؐ کی سِیرِ مبارکہ
خطبات مسرور جلد 16
382
33
خطبه جمعه فرمودہ مورخہ 17 اگست 2018
خطبہ جمعہ سیدنا امیر المومنین حضرت مرزا مسرور احمد خلیفۃ المسیح الخامس ایدہ اللہ تعالیٰ بنصرہ العزیز
فرمودہ مورخہ 17 اگست 2018ء بمطابق 17 ظہور 1397 ہجری شمسی
بمقام مسجد بیت الفتوح، مورڈن، لندن، یو کے
تشہد و تعوذ اور سورۃ فاتحہ کی تلاوت کے بعد حضور انور ایدہ اللہ تعالیٰ نے فرمایا:
آج بھی میں چند بدری صحابہ کا ذکر کروں گا ان میں سے پہلے ہیں حضرت عامر بن ربیعہ۔ان کا خاندان
حضرت عمر کے والد خطاب کا حلیف تھا جنہوں نے حضرت عامر کو متبنی بنایا ہوا تھا۔یہی وجہ ہے کہ آپ پہلے عامر
بن خطاب کے نام سے مشہور تھے لیکن جب قرآن کریم نے ہر ایک کو اپنے اصلی آباء کی طرف انتساب کا حکم دیا تو
اس کے بعد عامر بن خطاب کے بجائے اپنے نسبی والد ربیعہ کی نسبت سے عامر بن ربیعہ پکارے جانے لگے۔یہاں ان لوگوں کے لئے اس بات کی وضاحت ہو گئی ہے جو اپنے رشتہ داروں کے ، عزیزوں کے بچے
adopt کرتے ہیں اور بڑے ہونے تک ان کو یہی نہیں پتہ ہو تا کہ ان کا اصل والد کون ہے اور شناختی کارڈ وغیرہ
سرکاری کاغذات وغیرہ پر بھی اصل والد کے نام کے بجائے اس والد کا نام ہوتا ہے جس نے ان کو adopt کیا ہوتا
ہے۔اور پھر بعد میں اس وجہ سے بعض مسائل پیدا ہوتے ہیں۔پھر لوگ خطوط لکھتے ہیں کہ اس طرح کر دیا جائے،
اس طرح کر دیا جائے۔اس لئے ہمیشہ قرآنی حکم کے مطابق عمل کرنا چاہئے سوائے ان بچوں کے جو اداروں کی
طرف سے ملتے ہیں یا لئے جاتے ہیں ،adopt کئے جاتے ہیں اور ان کے والدین کے بارے میں بتایا نہیں جاتا۔بہر حال اس وضاحت کے بعد آگے ان کے بارے میں بیان کرتا ہوں۔یہ جو بیان ہوا تھا کہ ان کے حلیف تھے اس حلیفانہ تعلق کے باعث حضرت عمر اور حضرت عامر میں آخر
وقت تک دوستانہ تعلقات قائم رہے۔یہ بالکل ابتداء میں ایمان لے آئے تھے۔جب ایمان لائے اس وقت تک
رسول کریم صلی اللہ علیہ وسلم ابھی دارِ ار قم میں پناہ گزین نہیں ہوئے تھے۔(سیر الصحابہ جلد 2 صفحہ 333 مطبوعہ دار الاشاعت کراچی)
حضرت عامر اپنی بیوی لیلیٰ بنت ابی حشمہ کے ساتھ حبشہ کی طرف ہجرت کر گئے۔پھر اس کے بعد مکہ
لوٹ آئے۔وہاں سے اپنی بیوی کے ساتھ مدینہ کی طرف ہجرت کر گئے۔حضرت عامر بن ربیعہ کی اہلیہ کو سب سے
پہلے مدینہ ہجرت کرنے والی عورت کا اعزاز حاصل ہے۔آپ بدر اور تمام غزوات میں رسول کریم صلی اللہ علیہ وسلم
کے ساتھ تھے۔آپ کی وفات 32 ہجری میں ہوئی۔آپ قبیلہ عز سے تھے۔حضرت عامر بیان کرتے ہیں کہ انہیں آنحضرت صلی اللہ علیہ وسلم نے فرمایا کہ جب کوئی شخص تم میں
خطبات مسرور جلد 16
383
خطبه جمعه فرمودہ مورخہ 17 اگست 2018
سے جنازہ کو دیکھے اور اس کے ساتھ جانا نہ چاہے تو چاہئے کہ کھڑا ہو جائے یہاں تک کہ وہ جنازہ اسے پیچھے چھوڑ
دے یار کھ دیا جائے۔عبد اللہ بن عامر اپنے والد حضرت عامر سے روایت کرتے ہیں کہ وہ ایک رات نماز پڑھنے کے لئے
کھڑے ہوئے۔یہ وہ زمانہ تھا کہ لوگ حضرت عثمان کی بابت اختلاف کر رہے تھے۔اس وقت فتنہ کا آغاز ہو گیا تھا اور
حضرت عثمان پر طعن کرتے تھے تو کہتے ہیں کہ نماز کے بعد وہ سو گئے تو خواب میں انہوں نے دیکھا کہ انہیں کہا گیا کہ
اٹھ اور اللہ سے دعا مانگ کہ تجھے اس فتنہ سے نجات دے جس سے اس نے اپنے نیک بندوں کو نجات دی ہے۔چنانچہ
حضرت عامر بن ربیعہ اٹھے اور انہوں نے نماز پڑھی اور بعد اس کے اسی حوالے سے دعا مانگی۔چنانچہ اس کے بعد وہ
بیمار ہو گئے اور پھر وہ خود گھر سے نہیں نکلے۔ان کا جنازہ ہی نکلا۔(اسد الغابه جلد 3 صفحہ 118 119 عامر بن ربيعه مطبوعه دار الكتب العلميه بيروت)
اللہ تعالیٰ نے ان کے لئے فتنہ سے بچنے کی یہ صورت بنائی۔حضرت عامر بن ربیعہ بیان کرتے ہیں کہ میں طواف کے دوران رسول کریم صلی اللہ علیہ وسلم کے ساتھ
تھار سول کریم صلی اللہ علیہ وسلم کی جوتی کا تسمہ ٹوٹ گیا۔میں نے عرض کی یارسول اللہ مجھے دیں میں ٹھیک کر دیتا
ہوں۔رسول کریم صلی اللہ علیہ وسلم نے فرمایا یہ ترجیح دینا ہے اور میں ترجیح دیئے جانے کو پسند نہیں کرتا۔(شرح زرقانی جلد 6 صفحہ 49 الفصل الثاني فيما اكرمه الله تعالى به من الاخلاق الزكية مطبوعه دار الكتب
العلميه بيروت 1996ء)
اس حد تک آنحضرت صلی اللہ علیہ وسلم اس بات پر particular تھے کہ اپنے کام خود کرنے ہیں۔ایک شخص حضرت عامر بن ربیعہ کا مہمان بنا انہوں نے اس کی خوب خاطر تواضع کی اور اکرام کیا اور ان
کے بارے میں حضور صلی اللہ علیہ وسلم سے سفارش کی بات کی۔وہ آدمی حضور صلی اللہ علیہ وسلم کے پاس سے
حضرت عامر کے پاس آیا اور کہا میں نے حضور صلی اللہ علیہ وسلم سے ایک ایسی وادی بطور جاگیر مانگی تھی کہ پورے
عرب میں اس سے اچھی وادی نہیں ہے اور آنحضرت صلی اللہ علیہ وسلم نے مجھے وہ عطا فرما دی ہے۔اب میں چاہتا ہوں کہ اس وادی کا ایک ٹکڑہ آپ کو دے دوں جو آپ کی زندگی میں آپ کا ہو اور آپ
کے بعد آپ کی اولاد کے لئے ہو۔حضرت عامر نے کہا کہ مجھے تمہارے اس ٹکڑے کی کوئی ضرورت نہیں ہے کیونکہ
آج ایک ایسی سورت نازل ہوئی ہے جس نے ہمیں دنیا ہی بھلا دی ہے اور وہ یہ ہے کہ اقْتَرَبَ لِلنَّاسِ حِسَابُهُمْ
وَهُمْ فِي غَفْلَةٍ مُعْرِضُونَ (الانبياء:2 )۔( حياة الصحابه از محمد یوسف الکاندھلوی جلد 2 صفحہ 523 باب انفاق الصحابه في سبيل الله مطبوعه موسسة الرسالة
ناشرون 1999ء)
کہ لوگوں کے لئے ان کا حساب قریب آگیا ہے اور وہ باوجود اس کے غفلت کی حالت میں منہ پھیرے
ہوئے ہیں۔خدا تعالیٰ کے خوف اور خشیت کی یہ حالت تھی ان چمکتے ہوئے ستاروں کی۔اور یہی وہ لوگ تھے جو حقیقی
طور پر دین کو دنیا پر مقدم کرنے والے تھے۔
خطبات مسرور جلد 16
384
2018-
خطبه جمعه فرموده مورخه 17 اگست 8
حضرت عامر بن ربیعہ سے روایت ہے کہ زید بن عمرو نے کہا میں نے اپنی قوم کی مخالفت کی۔ملت
ابراہیمی کی اتباع کی۔مجھے حضرت اسماعیل علیہ السلام کی اولاد میں سے ایک نبی کے ظہور کا انتظار تھا جن کا اسم گرامی
احمد ہو گا۔لیکن یوں لگتا ہے کہ میں انہیں پا نہ سکوں گا۔میں ان پر ایمان لاتا ہوں ان کی تصدیق کرتا ہوں۔میں
گواہی دیتا ہوں کہ وہ نبی ہیں۔اگر تمہیں ان کا عہد نصیب ہو جائے تو میر اسلام پیش کرنا۔میں تمہیں ان کی ایسی
علامات بتاتا ہوں کہ وہ تمہارے لئے مخفی نہیں رہیں گے۔وہ نہ طویل قامت ہیں ، نہ ہی پست قامت۔ان کے بال نہ
کثیر ہوں گے ، نہ قلیل۔ان کی آنکھوں میں سرخی ہر وقت رہے گی۔ان کے کندھوں کے مابین مہر نبوت ہو گی۔ان
کا نام احمد ہو گا۔یہ شہر مکہ ان کی جائے ولادت اور بیعت کی جگہ ہو گی۔پھر ان کی قوم انہیں یہاں سے نکال دے گی۔وہ ان کے پیغام کو نا پسند کرے گی۔پھر وہ میثرب کی طرف ہجرت کریں گے۔پھر ان کا امر غالب آجائے گا۔ان کی
وجہ سے دھو کہ میں نہ پڑنا۔میں نے دین ابراہیمی کی تلاش میں سارے شہر چھان مارے ہیں۔میں نے یہودیوں ،
عیسائیوں اور آتش پرستوں سب سے پوچھا ہے۔انہوں نے بتایا ہے کہ یہ دین تمہارے پیچھے ہے۔انہوں نے مجھے
وہی علامات بتائیں جو میں نے تمہیں بتائی ہیں۔انہوں نے بتایا ان کے بعد کوئی نبی نہیں آئے گا۔حضرت عامر نے کہا جب رسول اکرم صلی اللہ علیہ وسلم مبعوث ہوئے تو میں نے آپ صلی اللہ علیہ وسلم کو
زید کے بارے میں بتایا۔آپ صلی اللہ علیہ وسلم نے فرمایا میں نے اسے جنت میں دیکھا ہے وہ اپنا دامن گھسیٹ رہا تھا۔(سبل الهدى والرشاد جلد اوّل صفحہ 116 فيما اخبر به الاحبار والرهبان۔۔۔الخ مطبوعه دار الكتب العلمية بيروت
(1993
یہ جو روایت ہے کہ نبی نہیں آئے گا۔اس سے یہ بھی مراد نہیں ہے کہ آنحضرت صلی اللہ علیہ وسلم نے امتی
نبی کی جو پیشگوئی کی تھی وہ غلط ہے۔اس کا مطلب یہ ہے کہ آپ ہی آخری شرعی نبی ہیں اور کوئی نئی شریعت نہیں آئے گی
اور جو بھی آنے والا آئے گا آپ کی غلامی میں ہی آئے گا۔یہی ہمیں احادیث سے اور قرآن کریم سے بھی پتہ لگتا ہے۔رسول کریم صلی اللہ علیہ وسلم نے حضرت عامر کی حضرت یزید بن منذر سے مواخات قائم فرمائی تھی۔الطبقات الكبرى جلد 3 صفحہ 296 ومن حلفائ بنى عدى مطبوعه دار الكتب العلميه بيروت 1990ء)
حضرت عامر بن ربیعہ نے حضرت عثمان کی شہادت کے چند دن بعد وفات پائی۔(اسد الغابه جلد 3 صفحہ 119 عامر بن ربيعه مطبوعه دار الكتب العلميه بيروت)
دوسرے صحابی ہیں حضرت حرام بن ملحان۔حضرت حرام بن ملحان کا تعلق انصار کے قبیلہ بنو عدی بن
نجار سے تھا۔آپ کے والد ملحان کا نام مالک بن خالد تھا۔حضرت حرام بن ملحان کی والدہ کا نام ملیگہ بنت مالک تھا۔آپ کی ایک بہن حضرت اُم سلیم تھیں جو حضرت ابو طلحہ انصاری کی اہلیہ اور حضرت انس بن مالک کی والدہ
تھیں۔آپ کی دوسری بہن حضرت ام حرام حضرت عبادہ بن صامت کی اہلیہ تھیں۔حضرت حرام بن ملحان
حضرت انس کے ماموں تھے اور غزوہ بدر اور اُحد میں شریک تھے اور بئر معونہ کے دن شہید ہوئے تھے۔حضرت انس بن مالک سے روایت ہے کہ کچھ لوگ نبی کریم صلی اللہ علیہ وسلم کی خدمت میں آئے اور کہا کہ
ہمارے ساتھ ایسے آدمیوں کو بھیجئے جو ہمیں قرآن و سنت کی تعلیم دیں۔آپ صلی اللہ علیہ وسلم نے انصار کے
خطبات مسرور جلد 16
385
خطبہ جمعہ فرموده مورخه 17 اگست 8
2018-
ستر صحابہ ان کے ساتھ بھیج دیئے جو قرآن کے قاری تھے۔یہ کہتے ہیں کہ ان میں میرے ماموں حرام بھی تھے۔یہ لوگ قرآن کریم پڑھتے تھے۔رات کو باہم درس دیتے اور علم سیکھتے۔دن کو پانی لا کر مسجد میں رکھتے۔جنگل
سے لکڑیاں چنتے اور بیچ کر اہل صفہ اور فقراء کے لئے غلہ خریدتے۔(الطبقات الكبرى جلد 3 صفحہ 390 حرام بن ملحان مطبوعه دار الكتب العلميه بيروت 1990ء)،(الاصابه في
تمييز الصحابة جلد 8 صفحه 375-376ام حرام بنت ملحان، جلد 8 صفحہ 408-409ام سليم بنت ملحان مطبوعه
دار الكتب العلميه بيروت 1995ء)
حضرت حرام بن ملحان کے بئر معونہ کے واقعہ کا کچھ بیان میں چند مہینہ پہلے خطبہ میں کر چکا ہوں۔بئر معونہ
کا باقی واقعہ ایک دو اور جگہ بھی بیان ہو چکا ہے۔اس بارے میں بخاری کی بعض روایات ہیں جو پیش کرتا ہوں جو پہلے
بیان نہیں ہوئیں۔حضرت انس بن مالک سے مروی ہے کہ جب حضرت حرام بن ملحان کو بئر معونہ والے دن نیزہ مارا گیا تو
انہوں نے اپنا خون اپنے ہاتھ میں لیا اور اپنے منہ اور اپنے سر پر چھڑ کا اور اس کے بعد کہا فُزْتُ وَرَبِّ الْكَعْبَةِ
کعبہ کے رب کی قسم ! میں نے مراد پالی۔(صحيح البخاری کتاب المغازى باب غزوة الرجيع و رعل حدیث 4092)
حضرت انس رضی اللہ تعالیٰ عنہ سے روایت ہے کہ نبی کریم صلی اللہ علیہ وسلم کے پاس رعل، ذکوان،
خصیہ اور بنو لحیان قبائل کے کچھ لوگ آئے اور کہا کہ ہم مسلمان ہو گئے ہیں اور انہوں نے آپ سے اپنی قوم کے
مقابلہ کے لئے مددمانگی۔نبی کریم صلی اللہ علیہ وسلم نے ان کی ستر انصار صحابہ سے مدد کی۔حضرت انس کہتے تھے
کہ ہم انہیں قاری کہا کرتے تھے۔دن کو وہ لکڑیاں لاتے اور رات کو نمازیں پڑھتے۔وہ لوگ انہیں لے گئے۔جب بئر معونہ پر پہنچے تو انہوں نے ان سے غداری کی اور انہیں مار ڈالا۔آنحضرت صلی اللہ علیہ وسلم ایک مہینہ تک
اور بعض روایات میں چالیس دن تک نماز میں کھڑے ہو کر ر عل اور ذکوان اور بنو حیان کے لئے بد دعا کرتے رہے۔(صحيح البخارى كتاب الجهاد والسير باب العون بالمدد حديث 3064، باب من ينكب او يطعن في سبيل
الله حدیث 2801)
حضرت انسؓ سے مروی ہے کہ جب قاری لوگ شہید کئے گئے تو رسول اللہ صلی اللہ علیہ وسلم نے مہینہ
بھر کھڑے ہو عاجزی سے دعا کی۔اور بخاری کی دوسری روایت ہے کہتے ہیں کہ میں نے رسول اللہ صلی اللہ علیہ وسلم
کو نہیں دیکھا کہ آپ نے کبھی اس سے بڑھ کر غم کیا ہو۔(صحيح البخاري كتاب الجنائز باب من جلس عند المصيبة الح حديث (1300)
پھر ایک روایت یہ ہے حضرت انس سے ہی مروی ہے کہ نبی کریم صلی اللہ علیہ وسلم رکوع کے بعد
کھڑے ہو کر ایک مہینے تک بنو سلیم کے چند قبیلوں کے خلاف دعا کرتے رہے۔انہوں نے کہا کہ آپ نے قاریوں
میں سے چالیس یا ستر آدمیوں کو بعض مشرک لوگوں کے پاس بھیجا تو یہ قبائل آڑے آئے اور ان کو مار ڈالا حالا نکہ
ان کے اور نبی کریم صلی اللہ علیہ وسلم کے درمیان معاہدہ تھا۔پھر اس میں بھی وہی بیان ہے کہ میں نے آپ کو کبھی
خطبات مسرور جلد 16
386
نہیں دیکھا کہ کسی پر اتنا غم کیا ہو جتنا کہ آپ نے ان قاریوں پر غم کیا۔خطبه جمعه فرموده مورخه 17 اگست 8
2018-
(صحيح البخارى كتاب الجزية باب دعاء الامام على من نكث عهداً حديث 3170)
پھر ایک حوالہ ہے ابن ھشام کی سیرت کا۔بہار بن سلمی جو عمر و بن طفیل کے ساتھ اس موقع پر موجود
تھے بعد میں یہ مسلمان ہو گئے تھے۔یہ کہتے ہیں کہ میرے اسلام قبول کرنے کی یہ وجہ ہوئی کہ میں نے ایک شخص
کے دونوں کندھوں کے درمیان نیزہ مارا۔میں نے دیکھا کہ نیزے کی آٹی اس کے سینہ کے پار ہو گئی۔پھر میں نے اس
شخص کو یہ کہتے سنا۔فُزت ورب الكعبة یعنی کعبہ کے رب کی قسم ! میں نے اپنی مراد کو پالیا۔اس پر میں نے اپنے
آپ سے کہا کہ یہ کیسے کامیاب ہو گیا۔کیا میں نے اس شخص کو شہید نہیں کر دیا۔جبار کہتے ہیں کہ میں نے بعد میں ان
کے اس قول کے متعلق پوچھا تولوگوں نے بتایا کہ اس کا مطلب شہادت پر فائز ہو نا تھا۔جبار کہتے ہیں کہ میں نے کہا وہ
یقیناً خدا کے نزدیک کامیاب ہو گیا۔(السيرة النبويه لا بن هشام صفحه 603 حدیث بئر معونه في صفر سنة اربع مطبوعه دار الكتب العلميه لبنان 2001ء)
الاستيعاب في معرفة الاصحاب جلد 1 صفحه 337 حرام بن ملحان مطبوعه دارالجيل بيروت 1992ء)
دو تین صحابہ کے بارے میں اسی طرح کے واقعات ملتے ہیں۔ملتے جلتے الفاظ ملتے ہیں۔یہ وہ لوگ تھے جو
اللہ تعالیٰ کی رضا کو حاصل کرنا اصل مقصد سمجھتے تھے اور دنیاوی کامیابیاں ان کا اصل مقصد نہیں تھا۔پھر اللہ تعالیٰ
نے بھی ان کی اسی نیت کی وجہ سے ان کے بارے میں اعلان کیا کہ اللہ تعالیٰ ان سے راضی ہوا۔بئر معونہ کے موقع پر شہادت کے وقت صحابہ نے اللہ تعالیٰ سے یہ دعا کی تھی کہ اللَّهُمَّ يَلْغُ عَنَّا نَبِيَّنَا
أَنَّا قَدْ لَقِيْنَاكَ فَرَضِيْنَا عَنْكَ وَرَضِيْتَ عَنَّا۔کہ اے اللہ ! نبی کریم صلی اللہ علیہ وسلم کو ہمارے حالات سے
آگاہ فرما دے کہ ہم تجھ سے جاملے ہیں اور ہم تجھ سے اور تو ہم سے راضی ہے۔حضرت انس بیان کرتے ہیں کہ
حضرت جبرئیل علیہ السلام نبی صلی اللہ علیہ وسلم کے پاس آئے اور آپ صلی اللہ علیہ وسلم کو یہ خبر دی کہ آپ صلی
اللہ علیہ وسلم کے وہ ساتھی اللہ سے جاملے ہیں اور اللہ ان سے راضی ہے۔الطبقات الكبرى جلد 3 صفحہ 267 حرام بن ملحان مطبوعه دار احياء التراث العربی بیروت 1996ء)
حضرت مرزا بشیر احمد صاحب اس واقعہ کے بارے میں بھی بیان کرتے ہیں کہ واقعات بئر معونہ اور رجیع
سے قبائل عرب کے اس انتہائی درجہ کے بغض و عداوت کا پتہ چلتا ہے جو وہ اسلام اور متبعین اسلام کے متعلق اپنے
دلوں میں رکھتے تھے۔حتی کہ ان لوگوں کو اسلام کے خلاف ذلیل ترین قسم کے جھوٹ اور دغا اور فریب سے بھی
کوئی پر ہیز نہیں تھا اور مسلمان باوجود اپنی کمال ہوشیاری اور بیدار مغزی کے بعض اوقات اپنی مومنانہ حسن ظنی میں
ان کے دام کا شکار ہو جاتے تھے۔حفاظ قرآن نماز گزار ، تہجد خوان مسجد کے ایک کونے میں بیٹھ کر اللہ کا نام لینے
والے اور پھر غریب مفلس فاقوں کے مارے ہوئے یہ وہ لوگ تھے جن کو ان ظالموں نے دین سیکھنے کے بہانے
سے اپنے وطن میں بلایا اور پھر جب مہمان کی حیثیت میں وہ ان کے وطن میں پہنچے تو ان کو نہایت بے رحمی کے
ساتھ نہ تیغ کر دیا۔آنحضرت صلی اللہ علیہ وسلم کو ان واقعات کا جتنا بھی صدمہ ہو تا کم تھا۔مگر اس وقت آپ نے
رجیع اور بئر معونہ کے خونی قاتلوں کے خلاف کوئی جنگی کارروائی نہیں فرمائی۔" صدمہ ضرور ہوا لیکن ان کے خلاف
خطبات مسرور جلد 16
387
خطبه جمعه فرمودہ مورخہ 17 اگست 2018
جنگی کارروائی کوئی نہیں ہوئی۔البتہ اس خبر کے آنے کی تاریخ سے لے کر برابر تیس دن تک آپ نے ہر روز صبح کی
نماز کے قیام میں نہایت گریہ و زاری کے ساتھ قبائل رِعل اور ذکوان اور خصیہ اور بنو لحیان کا نام لے لے کر
خدا تعالیٰ کے حضور یہ دعا کی اے میرے آقا! تو ہماری حالت پر رحم فرما اور دشمنان اسلام کے ہاتھ کو روک جو
تیرے دین کو مٹانے کے لئے اس بے رحمی اور سنگدلی کے ساتھ بے گناہ مسلمانوں کا خون بہا رہے ہیں۔"
(سیرت خاتم النبیین از حضرت مرزا بشیر احمد صاحب ایم اے صفحہ 520-521)
پس آج بھی دشمن کے ہاتھ کو روکنے کے لئے دعاؤں کے ذریعہ ہی اللہ تعالیٰ کی مدد مانگنے کی ضرورت
ہے۔اللہ تعالیٰ ہی ہے جو ان لوگوں کی پکڑ کے سامان کرے اور ہمارے لئے بھی آسانیاں پیدا فرمائے۔حضرت سعد بن خولہ ایک صحابی تھے اور بعض کے نزدیک آپ ابن ابی رھم بن عبد العرابی عامری کے
آزاد کردہ غلام تھے۔آپ اسلام لائے اور سابقین میں آپ کا شمار ہوتا ہے۔آپ حبشہ کی طرف دوسری مرتبہ
ہجرت کرنے والوں میں شامل تھے۔حضرت سعد بن خولہ نے جب مکہ سے مدینہ ہجرت کی تو آپ نے حضرت کلثوم
بن ھدم کے ہاں قیام کیا۔ابن اسحاق موسیٰ بن عقبہ نے آپ کا ذکر اہل بدر میں کیا ہے۔حضرت سعد بن خولہ جب
غزوہ بدر میں شامل ہوئے تو اس وقت آپ کی عمر 25 برس تھی۔آپ غزوہ اُحد ، غزوہ خندق اور صلح حدیبیہ میں
شامل تھے۔حضرت سعد رضی اللہ تعالیٰ عنہ حضرت سبیعہ اسلامیہ کے شوہر تھے۔آپ کی وفات حجۃ الوداع کے موقع
پر ہوئی۔آپ کی وفات کے کچھ عرصہ بعد آپ کے بچہ کی پیدائش ہوئی تو آنحضرت صلی اللہ علیہ وسلم نے آپ کی
اہلیہ سے فرمایا کہ تم اب اس پیدائش کے بعد جس سے چاہو نکاح کر سکتی ہو۔آپ کے حجتہ الوداع کے موقع پر فوت
ہونے کے بارے میں سوائے طبری کے کسی نے اختلاف نہیں کیا۔ان کے نزدیک ان کی وفات پہلے ہوئی تھی۔(اسد الغابه جلد 2 صفحہ 2019-20 سعد بن خوله مطبوعه دار الفكر بيروت 2003ء)، (الطبقات الكبرى جلد 3 صفحه
217 سعد بن خوله مطبوعه دار احياء التراث العربي بيروت 1996ء)
پھر ایک صحابی ہیں حضرت ابوالیم۔حضرت ابوالہیثم بن اللتان انصاری کا اصل نام مالک تھا لیکن اپنی
کنیت ابوالبیشم سے مشہور ہوئے۔آپ کی والدہ لیلی بنت عتیک قبیلہ بلی سے تھیں۔اکثر محققین کے نزدیک آپ
قبیلہ اوس کی شاخ بلی سے ہیں جو بنو عبد الاشہل کے حلیف تھے۔(الاصابه في تمييز الصحابه جلد 7 صفحه 365 مطبوعه دار الكتب العلميه بيروت 1995ء)،(الطبقات الكبرى جلد
3 صفحہ 341ابو المثيم بن الشَّيهان مطبوعه دار الكتب العلميه بيروت 1990ء)، (سیر الصحابہ جلد 3 صفحہ 215 ابو اہتیم
بناللی هان مطبوعہ دار الاشاعت کراچی 2004ء)
محمد بن عمر کہتے ہیں کہ حضرت ابوالہیثم رضی اللہ تعالیٰ عنہ جاہلیت کے زمانے میں بھی بتوں کی پرستش
سے بیزار تھے اور انہیں برا بھلا کہتے تھے۔حضرت اسعد بن زرارہ اور حضرت ابوالہیثم توحید کے قائل تھے۔یہ
دونوں ابتدائی انصاری ہیں جنہوں نے مکہ میں اسلام قبول کیا۔الطبقات الكبرى جلد 3 صفحہ 341ابو الهثيم بنالتيهان مطبوعه دار الكتب العلميه بيروت 1990ء)
بعض کے نزدیک بیعت عقبہ اولیٰ سے قبل جب حضرت اسعد بن زرارہ چھ آدمیوں کے ساتھ مکہ سے
خطبات مسرور جلد 16
388
خطبه جمعه فرمودہ مورخہ 17 اگست 2018
مسلمان ہو کر مدینہ آئے تو حضرت ابوالہیثم کو اسلام کی دعوت دی۔چونکہ آپ پہلے ہی دین فطرت کی تلاش میں
تھے آپ نے فوراً اسلام قبول کر لیا۔پھر بیعت عقبہ اولیٰ کے وقت جو بارہ آدمیوں کا وفد مکہ گیا تو اس وفد میں آپ
شامل تھے۔مکہ پہنچ کر آپ نے رسول اللہ صلی اللہ علیہ وسلم کی بیعت کی۔(سیر الصحا بہ جلد 3 صفحہ 215 ابو الہشیم بن الشیهان مطبوعہ دار الاشاعت کراچی 2004ء)
سیرت خاتم النبیین میں حضرت مرزا بشیر احمد صاحب نے اس بارے میں تحریر کیا ہے کہ " آنحضرت
صلی اللہ علیہ وسلم لوگوں سے الگ ہو کر ایک گھائی میں ان سے ملے۔انہوں نے میثرب کے حالات سے اطلاع دی
اور اب کی دفعہ سب نے باقاعدہ آپ کے ہاتھ پر بیعت کی۔یہ بیعت مدینہ میں اسلام کے قیام کا بنیادی پتھر تھی۔چونکہ اب تک جہاد بالسیف فرض نہیں ہوا تھا اس لئے آنحضرت صلی اللہ علیہ وسلم نے ان سے صرف ان الفاظ میں
بیعت لی جن میں آپ جہاد فرض ہونے کے بعد عورتوں سے بیعت لیا کرتے تھے۔یعنی یہ کہ ہم خدا کو ایک جانیں
گے۔شرک نہیں کریں گے۔چوری نہیں کریں گے۔زنا کے مر تکب نہیں ہوں گے۔قتل سے باز رہیں گے۔کسی پر
بہتان نہیں باندھیں گے اور ہر نیک کام میں آپ کی اطاعت کریں گے۔بیعت کے بعد آنحضرت صلی اللہ علیہ وسلم
نے فرمایا اگر تم صدق و ثبات کے ساتھ اس عہد پر قائم رہے تو تمہیں جنت نصیب ہو گی اور اگر کمزوری دکھائی تو پھر
تمہارا معاملہ اللہ تعالیٰ کے ساتھ ہے وہ جس طرح چاہے گا کرے گا۔یہ بیعت تاریخ میں بیعت عقبہ اولیٰ کے نام سے
مشہور ہے کیونکہ وہ جگہ جہاں بیعت لی گئی تھی عقبہ کہلاتی ہے جو مکہ اور منی کے درمیان واقع ہے۔عقبہ کے لفظی
معنی " لکھے ہیں کہ " بلند پہاڑی رستے کے ہیں۔"
( سیرت خاتم النبیین از حضرت مرزا بشیر احمد صاحب ایم اے صفحہ 224)
حضرت ابو الہیثم ان چھ افراد میں شامل تھے جنہوں نے اپنی قوم میں سے سب سے پہلے مکہ جا کر اسلام
قبول کیا اور پھر مدینہ واپس آکر اسلام کی اشاعت کی۔ان کے بارے میں ایک روایت یہ بھی ملتی ہے کہ آپ سب
، پہلے انصاری ہیں جو مکہ جا کر آنحضرت صلی اللہ علیہ وسلم سے ملے۔آپ بیعت عقبہ اولیٰ میں شامل ہوئے اور
محققین کا اس پر اتفاق ہے کہ بیعت عقبہ ثانیہ میں جب رسول اللہ صلی اللہ علیہ وسلم نے ستر انصار میں سے بارہ
تمام
نقباء منتخب فرمائے تو آپ بھی ان نقباء میں سے ایک تھے۔(الطبقات الكبرى جلد 3 صفحہ 341-1342ابو الهيثم بن التّيهان مطبوعه دار الكتب العلميه بيروت 1990ء)
نقباء نقیب کی جمع ہے جس کا مطلب ہے کہ جو علم اور صلاحیت رکھنے والے لوگ تھے انہیں ان کا سر دار یا
لیڈر یا نگران مقرر کیا تھا۔ایک حدیث میں روایت ہے کہ بیعت عقبہ کے دوران حضرت ابوالہیثم نے عرض کیا یا
رسول اللہ ! صلی اللہ علیہ وسلم ہمارے اور بعض دیگر قبائل کے درمیان باہمی مدد کے کچھ معاہدے ہیں۔جب ہم
اسلام قبول کر لیں گے اور بیعت کر کے آپ ہی کے ہو جائیں گے تو ان معاہدوں کا معاملہ جیسے آپ صلی اللہ علیہ وسلم
ارشاد فرمائیں گے ویسا ہی ہو گا۔(ابوالہیثم اس موقع پر آنحضرت صلی اللہ علیہ وسلم کی خدمت میں عرض کرتے ہیں
کہ اس موقع پر میں آپ کی خدمت میں ایک گزارش کرنا چاہتا ہوں کہ اے اللہ کے رسول ! اب ہمارا تعلق آپ
خطبات مسرور جلد 16
389
خطبه جمعه فرمودہ مورخہ 17 اگست 2018
سے قائم ہو رہا ہے جب اللہ تعالیٰ آپ کی نصرت فرمائے اور آپ کی قوم پر آپ کو غلبہ نصیب ہو تو اس وقت آپ
ہمیں چھوڑ کر واپس اپنی قوم میں نہ چلے جائیں اور ہمیں داغ مفارقت نہ دیں۔آنحضرت صلی اللہ علیہ وسلم یہ سن کر
مسکرائے اور فرمایا اب تمہارا خون میرا خون ہو چکا ہے۔اب میں تم میں سے ہوں اور تم مجھ میں سے ہو۔جو تم سے
جنگ کرے گا وہ مجھ سے جنگ کرے گا اور جو تم سے صلح کرے گا وہ مجھ سے صلح کرے گا۔(مسند احمد بن حنبل جلد 5 صفحہ 427 حدیث 15891 مطبوعه عالم الكتب بيروت 1998ء)
رسول اللہ صلی اللہ علیہ وسلم نے ہجرت مکہ کے بعد حضرت عثمان بن مظعون اور حضرت ابوالہیثم
انصاری کے در میان مواخات قائم فرمائی۔الاصابه في تمييز الصحابه جلد 7 صفحہ 365 ا بن الهيثم بن التّيهان مطبوعه دار الكتب العلميه بيروت 1995ء)
حضرت جابر بن عبد اللہ سے روایت ہے کہ نبی کریم صلی اللہ علیہ وسلم ایک انصاری شخص کے پاس گئے
اور آپ کے ساتھ آپ کے ایک ساتھی بھی تھے۔نبی کریم صلی اللہ علیہ وسلم نے ان سے فرمایا کہ اگر تمہارے پاس
پانی ہو یا آج رات مشک میں رہا ہو تو پلاؤ ورنہ ہم یہیں سے منہ لگا کر پانی پی لیں گے۔وہاں پانی بہہ رہا تھا۔وہ شخص اپنے باغ میں پانی لگا رہا تھا۔اس شخص نے کہا یا رسول اللہ ! میرے پاس رات کا پانی ہے آپ
جھونپڑی کی طرف چلئے۔وہ شخص یعنی حضرت
ابوالہیثم آپ اور آپ کے ساتھی دونوں کو لے گیا اور ایک پیالے میں
پانی ڈالا۔پھر اس پر گھر کی بکری کا دودھ دھویا۔رسول اللہ صلی اللہ علیہ وسلم نے یہ مشروب پیا پھر اس شخص نے بھی
پیا جو آپ کے ساتھ تھا۔یہ بخاری کی روایت ہے۔(صحيح البخارى كتاب الاشربه باب شرب اللبن بالماء حديث 5613)
اسی طرح ایک روایت ہے حضرت جابر بن عبد اللہ بیان کرتے ہیں کہ حضرت ابو الہیثم بن اللتھان نے
نبی کریم صلی اللہ علیہ وسلم کے لئے کھانا تیار کیا اور نبی کریم صلی اللہ علیہ وسلم اور آپ کے اصحاب کو دعوت دی۔جب سب کھانا کھا چکے تو آپ صلی اللہ علیہ وسلم نے صحابہ سے فرمایا۔اپنے بھائی کو بدلہ بھی دو۔صحابہ نے کہا یار سول
اللہ ! ہم اس کا کیا بدلہ دیں ؟ آپ صلی اللہ علیہ وسلم نے فرمایا جب کوئی شخص کسی کے گھر میں جا کر کھانا کھائے اور پانی
پنے تو اس کے لئے دعا کرے۔یہ اس کے لئے اس کھانے کا بدلہ ہے۔(سنن ابو داؤد كتاب الاطعمة باب فى الدعاء لرب الطعام اذا اكل عنده حديث 3853)
یہ ہیں اعلیٰ اخلاق جو ہر مسلمان کے لئے ضروری ہیں۔حضرت ابوہریر کا بیان کرتے ہیں کہ نبی کریم صلی
اللہ علیہ وسلم ایسے وقت میں گھر سے باہر نکلے جب عام طور پر کوئی باہر نہیں نکلتا اور نہ کوئی کسی سے ملتا ہے۔پھر آپ
صلی اللہ علیہ وسلم کے پاس حضرت ابو بکر آئے۔آپ صلی اللہ علیہ وسلم نے دریافت فرمایا کہ اے ابو بکر تجھے کیا چیز
لے آئی ؟ ( یعنی گھر سے باہر آئے ) تو انہوں نے عرض کیا کہ میں رسول اللہ صلی اللہ علیہ وسلم سے ملاقات کے لئے
اور آپ صلی اللہ علیہ وسلم کے چہرہ مبارک کو دیکھنے اور اس کو سلامتی بھیجنے کے لئے نکلا ہوں۔تھوڑی دیر تک حضرت
عمر بھی آگئے۔آپ صلی اللہ علیہ وسلم نے دریافت فرمایا کہ اے عمر تجھے کیا چیز لے آئی ؟ عمر نے عرض کیا یارسول
اللہ صلی اللہ علیہ وسلم مجھے بھوک لے آئی ہے۔رسول اللہ صلی اللہ علیہ وسلم نے فرمایا کہ مجھے بھی کچھ بھوک لگی ہوئی
خطبات مسرور جلد 16
390
خطبه جمعه فرمودہ مورخہ 17 اگست 2018
ہے۔پھر آپ سب لوگ حضرت ابو الہیثم انصاری کے گھر کی طرف چل پڑے۔ان کے پاس کافی بکریاں اور کھجور
کے درخت تھے۔نبی کریم صلی اللہ علیہ وسلم نے ان کو گھر پر نہ پایا۔آپ نے ابو الہیثم کی بیوی سے کہا کہ تیرا خاوند
کہاں ہے؟ اس نے عرض کیا کہ وہ ہمارے لئے میٹھا پانی لینے گئے ہیں۔تھوڑی دیر بعد حضرت ابوالہیثم بھی مشک
اٹھائے ہوئے آگئے۔انہوں نے مشک ایک طرف رکھ دی اور نبی کریم صلی اللہ علیہ وسلم سے لپٹ گئے اور اپنی جان
ومال وار نے لگے۔میرے ماں باپ آپ صلی اللہ علیہ وسلم پر فدا ہوں۔حضرت ابوالہیثم آپ تینوں کو لے کر اپنے باغ کی طرف گئے اور ایک چادر بچھا دی۔پھر جلدی سے باغ
کی طرف گئے اور کھجور کا پورا خوشہ ہی کاٹ کر لے آئے جس پر کچے پکے ڈو کے بھی تھے اور پکی ہوئی کھجوریں بھی
تھیں۔اس پر رسول کریم صلی اللہ علیہ وسلم نے فرمایا کہ اے ابو الہیثم ! تم پکی ہوئی کھجوریں یاڈو کے چن کر کیوں
نہیں لائے بجائے جو سارا پورا bunch ہے وہ لے آئے ہو۔تو عرض کیا یارسول اللہ ! میں نے چاہا آپ اپنی پسند کے
مطابق پکی کھجوریں یاڈو کے خود چن کر کھا لیں۔آپ صلی اللہ علیہ وسلم اور حضرت ابو بکر اور حضرت عمر نے کھجوریں
کھائیں اور پانی پیا۔اس کے بعد رسول اللہ صلی اللہ علیہ وسلم نے فرمایا خدا کی قسم! یہ وہ نعمتیں ہیں جن کے بارے میں
تم قیامت کے دن پوچھے جاؤ گے۔یعنی ٹھنڈا سایہ اور ٹھنڈا پانی اور تازہ کھجوریں۔پھر حضرت ابوالہیثم آپ صلی اللہ
علیہ وسلم کے لئے کھانے کا انتظام کرنے اٹھے تو آپ صلی اللہ علیہ وسلم نے فرمایا کہ دودھ دینے والی بکری کو ذبح نہ
کرنا۔اس پر انہوں نے ایک بکری کا بچہ ذبح کیا اور اسے لے کر آپ صلی اللہ علیہ وسلم کے پاس لائے اور سب نے
اسے کھایا۔آپ صلی اللہ علیہ وسلم نے فرمایا کہ کیا تمہارا کوئی خادم بھی ہے ؟ تو حضرت ابوالہیثم نے عرض کیا کہ
نہیں۔آپ صلی اللہ علیہ وسلم نے فرمایا کہ جب ہمارے پاس کوئی جنگی قیدی آئے تو ہمارے پاس آنا۔جب نبی کریم
صلی اللہ علیہ وسلم کے پاس دو قیدی آئے تو حضرت ابوالہیثم آپ صلی اللہ علیہ وسلم کے پاس حاضر ہوئے۔آپ صلی
اللہ علیہ وسلم نے فرمایا کہ ان دونوں میں سے ایک کو پسند کر لو۔حضرت ابو الہیثم کہنے لگے یا رسول
اللہ ! آپ ہی
میرے لئے انتخاب فرما دیں۔نبی کریم صلی اللہ علیہ وسلم نے فرمایا کہ جس سے مشورہ لیا جاتا ہے وہ امین ہوتا ہے۔( یہ بات بھی خاص طور پہ ہر ایک کے لئے نوٹ کرنے والی ہے کہ جس سے مشورہ لیا جاتا ہے وہ امین ہوتا ہے اس
لئے ہمیشہ اچھا مشورہ دینا چاہئے۔پھر آپ نے فرمایا کہ یہ خادم لے لو کیونکہ میں نے اسے عبادت کرتے ہوئے دیکھا
ہے۔اور جو خوبی اس خادم کی بیان فرمائی وہ یہ ہے کہ عبادت کرتا ہے۔اللہ کو یاد کرنے والا ہے۔اس کے دل میں نیکی
ہے۔اس کے ساتھ پھر فرمایا کہ اس کے ساتھ اچھا سلوک کرنا۔حضرت ابوالہیثم اپنی بیوی کے پاس لوٹے اور اسے
رسول اللہ صلی اللہ علیہ وسلم کی نصیحت کے بارے میں بتایا تو وہ کہنے لگیں کہ تم اس نصیحت کا حق پوری طرح ادا نہیں
کر سکو گے جو تمہیں نبی کریم صلی اللہ علیہ وسلم نے فرمائی ہے یہی کہ نیک سلوک کرنا۔اب عورت ذات ہے اور پھر
نو کر بھی کوئی نہیں۔کام کرنے والا جو ملا ہے اس کے بارے میں یہ دیکھیں معیار، مومنانہ شان۔ان کی اہلیہ ان کو یہ
کہنے لگی کہ حق تو تبھی پورا ہو گا کہ تم اس کو آزاد کر دو۔جو تمہیں ملازم ملا ہے اس کو آزاد کر دو۔اس پر حضرت
ابوالہیثم نے اس کو آزاد کر دیا۔(سنن الترمذى كتاب الزهد باب ما جاء في معيشة اصحاب النبی صلی اللہ حدیث 2369)
خطبات مسرور جلد 16
391
خطبه جمعه فرموده مورخه 17 اگست 8
2018-
یہ شان تھی ان صحابہ کی۔حضرت ابوالہیثم غزوہ بدر، احد، خندق اور دیگر تمام غزوات میں بھی رسول
اللہ صلی اللہ علیہ وسلم کے ہمرکاب تھے۔غزوہ موتہ میں حضرت عبد اللہ بن رواحہ کی شہادت کے بعد نبی کریم صلی
اللہ علیہ وسلم نے حضرت ابوالہیثم کو خیبر میں کھجوروں کے پھل کا اندازہ کرنے کے لئے بھی بھجوایا تھا۔رسول اللہ
صلی اللہ علیہ وسلم کی وفات کے بعد جب حضرت ابو بکر نے آپ کو کھجوروں کے اندازے کے لئے بھجوانا چاہاتو انہوں
نے جانے سے معذرت کر دی۔حضرت ابو بکڑ نے کہا کہ آپ رسول اللہ صلی اللہ علیہ وسلم کے لئے تو کھجوروں کے
اندازے کے لئے جایا کرتے تھے۔اس پر حضرت ابوالہیشم نے کہا کہ میں رسول اللہ صلی اللہ علیہ وسلم کے لئے
کھجوروں کا اندازہ کیا کرتا تھا جب میں اندازے کر کے واپس آتا تھا تو رسول اللہ صلی اللہ علیہ وسلم میرے لئے دعا
فرماتے تھے۔اس وقت ان کو وہ خیال آگیا کہ آنحضرت صلی اللہ علیہ وسلم کی دعائیں لیتا تھا اور ایک جذباتی کیفیت
تھی۔یہ سن کر حضرت ابو بکڑ نے انہیں نہ بھجوایا۔(الطبقات الكبرى جلد 3 صفحہ 42 3 ابو الهثيم مطبوعه دار الكتب العلميه بيروت 1990ء)
تو یہ ایک جذباتی کیفیت تھی جو انہوں نے بیان کی ورنہ یہ لوگ وہ تھے جو ہمیشہ اطاعت کرنے والے
تھے۔نافرمانی کرنے والے نہیں تھے۔اگر حضرت ابو بکر پھر بھی حکم دیتے تو یہ ہو نہیں سکتا تھا کہ وہ تعمیل نہ کرتے
اور حضرت ابو بکر رضی اللہ تعالیٰ کا آپ کو دوبارہ نہ کہنا اس بات کو ظاہر کرتا ہے کہ حضرت ابو بکر کو بھی ان کی اس
جذباتی کیفیت کا خیال آگیا اور سمجھ گئے۔اس لئے حکم نہیں دیا۔پھر جب حضرت عمر نے خبیر کے یہود کو جلا وطن
کیا تو حضرت عمرؓ نے ان کی طرف ایسے افراد کو بھیجا جو ان کی زمین کی قیمت لگائیں۔حضرت عمرؓ نے ان کی طرف
حضرت ابوالہیثم اور حضرت فروہ بن عمر و اور حضرت زید بن ثابت کو بھیجا۔انہوں نے اہل خیبر کی کھجوروں اور زمین
کی قیمت لگائی۔حضرت عمر نے اہل خیبر کو ان کی نصف قیمت دے دی جو کہ پچاس ہزار درہم سے زیادہ تھی۔(كتاب المغازي للواقدى جلد دوم باب شان فدك صفحه 165 مطبوعه دار الكتب العلميه بيروت 2004ء)
یہاں اب دیکھیں کہ وہ اس جگہ چلے گئے۔وہ جذباتی کیفیت نہیں تھی۔اب عرصہ گزر گیا تھا اس لئے
ان کو کوئی روک نہیں کوئی ایسا امر مانع نہیں تھا۔السلام علیکم کہنے کے متعلق بھی ایک روایت ان سے ملتی ہے۔حضرت ابوالہیثم سے مروی ہے کہ نبی
کریم صلی اللہ علیہ وسلم نے فرمایا کہ جو السلام علیکم کہتا ہے اسے دس نیکیاں ملتی ہیں۔السلام علیکم ورحمتہ اللہ کہنے والے
کو ہیں نیکیاں ملتی ہیں۔اور السلام علیکم ورحمتہ اللہ وبرکاتہ کہنے والے کو تیس نیکیاں ملتی ہیں۔(الاصابه في تمييز الصحابه جلد 7 صفحہ 366 ابو الهيثم بن التيهان مطبوعه دار الكتب العلميه بيروت 1995ء)
حضرت ابوالہیثم کے زمانہ وفات کی بابت مختلف رائے پائی جاتی ہیں۔بعض کے نزدیک آپ کی وفات
حضرت عمرؓ کے زمانہ میں ہوئی تھی۔بعض کے نزدیک آپ کی وفات ہیں یا اکیس ہجری میں ہوئی تھی اور یہ بھی کہا
جاتا ہے کہ آپ نے جنگ صفین سینتیں ہجری میں حضرت علی کی طرف سے لڑتے ہوئے شہادت پائی۔(الطبقات الكبرى جلد 3 صفحہ 1342 بو الهيثم مطبوعه دار الكتب العلميه بيروت 1990ء)،(اسد الغابه جلد 5 صفحہ
13 ابو الهيثم مالك بن التيهان مطبوعه دار الكتب العلميه بيروت)
خطبات مسرور جلد 16
392
خطبه جمعه فرمودہ مورخہ 17 اگست 2018
تو یہ تھے وہ صحابہ جنہوں نے ہمارے لئے اُسوہ کو قائم کیا اور ہمیں بہت ساری باتوں کے متعلق آگاہی بھی
دی۔اللہ تعالیٰ ان کے درجات بلند فرماتا چلا جائے۔جمعہ اور نماز کے بعد میں دو جنازے غائب بھی پڑھاؤں گا۔یہ پہلا جنازہ مکرم صاحبزادہ مرزا مجید احمد
صاحب کا ہے جو حضرت صاحبزادہ مرزا بشیر احمد صاحب کے بیٹے تھے۔14 اگست کو 94 سال کی عمر میں ان کی
وفات ہوئی ہے۔اِنَّا لِلَّهِ وَإِنَّا إِلَيْهِ رجِعُونَ۔ان کا دل کا آپریشن 2000ء میں امریکہ میں ہوا تھا اس کے بعد وہاں
فالج کا حملہ ہوا۔اس کے بعد تقریباً صاحب فراش ہی رہے۔18 / جولائی 1924ء کو حضرت مرزا بشیر احمد صاحب اور
مکرمہ سرور سلطان بیگم صاحبہ بنت حضرت غلام حسن صاحب پشاوری کے ہاں قادیان میں ان کی پیدائش ہوئی۔ابتدائی تعلیم قادیان میں حاصل کی اور تعلیم الاسلام ہائی سکول قادیان سے میٹرک پاس کیا۔پھر 1949ء میں گورنمنٹ کالج لاہور سے ایم۔اے ہسٹری اعلیٰ نمبروں میں پاس کیا۔ان کے پاس
ہونے پر جب لوگوں نے حضرت صاحبزادہ مرزا بشیر احمد صاحب رضی اللہ تعالیٰ عنہ کو مبارکباد میں جب دیں تو علاوہ
اور شکر گزاری کے الفاظ کے حضرت مرزا بشیر احمد صاحب نے یہ بھی لکھا کہ دراصل مومنوں کی جماعت اپنی خوشی
اور غمی کے موقعوں پر ایک دوسرے کے سہارے پر قائم ہوتی ہے اور ایک دوسرے کے سہارے سے راحت اور
تسکین اور مضبوطی حاصل کرتی ہے کہ یہی جماعت کے نظریے کا مرکزی نکتہ ہے۔پھر لکھتے ہیں کہ مگر میں دوستوں سے درخواست کروں گا کہ اس خوشی کی شرکت کے علاوہ یہ بھی دعا کریں کہ
جہاں اللہ تعالیٰ نے عزیز مجید احمد کو علم کا ظاہری معیار پورا کرنے کی توفیق دی ہے اسی طرح اسے حقیقی علم سے بھی نوازے
اور پھر اس علم پر عمل پیرا ہونے کی توفیق عطا کرے کیونکہ یہی ہماری زندگیوں کا اصل مقصد اور منتہا ہے۔(ماخوذ از مضامین بشیر۔جلد 2 صفحہ 605)
مرزا مجید احمد صاحب نے 17 مئی 1944ء کو اپنی زندگی خدمت دین کے لئے وقف کر دی اور ساتھ تعلیم
بھی جاری رکھی۔دسمبر 1949ء میں جامعتہ المبشرین میں داخل ہوئے اور جولائی 1954ء میں جامعہ پاس کیا۔ان کا
نکاح 28 دسمبر 1950ء کو جلسہ سالانہ کے تیسرے دن صاحبزادی قدسیہ بیگم صاحبہ بنت حضرت نواب عبد اللہ
خان صاحب اور حضرت نواب امتہ الحفیظ بیگم صاحبہ کے ساتھ حضرت خلیفۃ المسیح الثانی نے پڑھا۔ان کی اولاد میں ان
کی ایک بڑی بیٹی ہیں نصرت جہاں صاحبہ جو مرزا نصیر احمد طارق جو حضرت مرزا بشیر احمد صاحب کے پوتے ہیں ان کی
اہلیہ ہیں۔پھر ان کے بیٹے ہیں مرزا محمود احمد۔پھر ان کی ایک بیٹی در ثمین ہے جو میر محمود احمد صاحب کی بہو ہیں۔پھر ان کے بیٹے تھے مرزا غلام قادر
صاحب شہید اور ان کی اہلیہ ہیں امۃ الناصر جو سید میر داؤد احمد صاحب کی بیٹی ہیں۔پھر ان کی ایک پانچویں بیٹی فائزہ
صاحبہ ہیں جو سید مدثر احمد صاحب کی بیوی ہیں اور یہ بھی واقف زندگی ہیں۔جولائی 1954ء میں مکرم صاحبزادہ مرزا مجید احمد صاحب نے شاہد کی ڈگری حاصل کی۔ان کا پہلا تقرر
20 ستمبر 1954ء کو تعلیم الاسلام کا لج ربوہ میں ہوا۔14 نومبر 1956ء کو تحریک جدید کے تحت غانا کے شہر کماسی
خطبات مسرور جلد 16
393
خطبہ جمعہ فرموده مورخه 17 اگست 8
2018-
میں بطور پرنسپل سکول بھجوایا گیا۔24 / دسمبر 1963ء کو پاکستان واپس آئے۔پھر اپریل 1964ء میں تعلیم الاسلام
کالج میں دوبارہ تقرری ہوئی۔پھر جب تعلیم الاسلام کالج بھٹو صاحب کے زمانے میں نیشنلائز ہوا تو اپریل 1975ء
میں آپ نے نیشنلائزیشن کے بعد وہاں سے استعفیٰ دے دیا اور انجمن میں رپورٹ کر دی کہ میں واقف زندگی ہوں۔3 جولائی 1975ء کو آپ کا تقر ر بطور نائب ناظر تعلیم ہوا۔1976ء میں جب حضرت خلیفۃ المسیح الثالث امریکہ اور یورپ کے ممالک کے دورے پر تشریف لے
گئے تو مر زا مجید احمد صاحب بطور پرائیویٹ سیکرٹری حضرت خلیفۃ المسیح الثالث کے ساتھ تھے۔1978ء میں آپ کو
نائب ناظر اعلیٰ مقرر کیا گیا اور 1984ء میں یہاں سے پھر ریٹائر ڈ ہوئے۔ان کے داماد سید مدثر احمد کہتے ہیں کہ انہوں
نے سیرۃ المہدی کا کچھ حصہ انگریزی میں ترجمہ کیا۔اور الفضل میں باقاعدہ مضامین لکھتے تھے۔علمی آدمی تھے۔یہ
مضامین کتابی صورت میں "نقطہ نظر " کے نام سے چھاپے گئے ہیں۔پڑھنے لکھنے کا بہت شوق تھا۔میں نے بھی ان کو
دیکھا ہے کہ اکثر وقت لائبریری میں مطالعہ کرنے میں گزارتے تھے۔ان کی بہو مرزا غلام قادر شہید کی بیوہ امت
الناصر لکھتی ہیں کہ بہت پیار کرنے والے ، اعلیٰ ظرف کے مالک تھے۔بچوں سے بہت پیار کرنے والے مخلص اور
کھلے دل کے انسان تھے۔یہ ان کی بڑی خوبی تھی کہ ہر عمر کے لوگوں میں ایڈ جسٹ کر جاتے تھے اور ایک دوست کی
طرح ان سے سلوک کرتے تھے۔بچوں سے بھی بڑوں سے بھی نوجوانوں سے بھی۔یہ لکھتی ہیں کہ اپنے بیٹے مرزا غلام قادر شہید کی شہادت پر بہت صبر کا نمونہ دکھایا اور کہتی ہیں کہ شہادت
کے بعد مرزا مجید احمد صاحب اور آپ کی اہلیہ بہت زیادہ قادر شہید کے بچوں کا خیال رکھتے۔پھر بیماری کا بڑ المباعرصہ تھا
اور بہت صبر اور ہمت کے ساتھ انہوں نے گزارا۔غصہ والی طبیعت نہیں تھی۔جس کسی سے بھی تعلق رکھا بہت
مخلص ہو کر رکھا۔اسی طرح ملازموں کا بھی خیال رکھنے والے تھے۔ان کے داماد مرزا نصیر احمد صاحب لکھتے ہیں کہ مرزا مجید احمد صاحب صائب الرائے تھے اور بڑی واضح
رائے رکھتے تھے۔یہ نہیں کہ جو رائے چل پڑی ہے اسی میں ہاں کر دی بلکہ جو صحیح ہو تا تھا اس کے مطابق اپنی رائے کا
اظہار کرتے تھے۔اللہ تعالیٰ ان سے مغفرت اور رحم کا سلوک فرمائے اور ان کے بچوں کو بھی ان کی نیکیاں جاری رکھنے
کی توفیق دے اور ہمیشہ خلافت اور جماعت سے وابستہ رکھے۔دوسرا جنازه مکرمہ سیدہ نسیم اختر صاحبہ کا ہے جو محمد یوسف صاحب، آنبہ نوریہ ضلع شیخوپورہ کی اہلیہ
تھیں۔ان کی 27 / جولائی 2018ء کو وفات ہوئی۔اِنَّا لِلَّهِ وَإِنَّا إِلَيْهِ رجِعُونَ۔یہ حضرت مسیح موعود علیہ السلام کے
صحابی حضرت ولی محمد صاحب کی پوتی اور قاضی دین محمد صاحب کی بیٹی تھیں۔پارٹیشن کے بعد آپ کے والد آپ کے
خاندان کو لے کر قادیان سے ہجرت کر کے ربوہ منتقل ہو گئے۔شادی کے بعد گاؤں آنبہ نوریہ میں زندگی گزاری۔اس دوران مختلف جماعتی عہدوں پر خدمت کی توفیق پائی۔اٹھارہ سال مقامی مجلس کی صدر لجنہ بھی رہیں۔صوم و صلوۃ کی پابند۔تہجد گزار تھیں۔غریب پرور تھیں۔ہمسایوں سے حسن سلوک کرنے والی سادہ اور منکسر المزاج تھیں۔بڑی مخلص خاتون تھیں۔قرآن کریم کی با قاعدہ
خطبات مسرور جلد 16
394
خطبه جمعه فرمودہ مورخہ 17 اگست 2018
تلاوت کرنے والی اور ترجمہ سے بھی پڑھنے والی تھیں۔غور کرنے کی عادت تھی اور پھر اس پر عمل کرنے کی بھی
کوشش کرتی تھیں۔بچوں کو قرآن کریم پڑھایا کرتی تھیں اور کثیر تعداد میں احمدی اور غیر احمدی بچوں نے آپ سے
قرآن کریم پڑھا۔ان کے ایک بیٹے مالی مغربی افریقہ میں مبلغ ہیں۔مالی میں ان کی تقرری ہوئی تو مغربی افریقہ میں
ایولہ بیماری پھیلی ہوئی تھی۔کسی غیر از جماعت نے ان سے کہا کہ آپ کو چاہئے کہ اپنے بیٹے کو ان حالات میں وہاں نہ بھجوائیں۔وہاں
تو بڑی وبا پھیلی ہوئی ہے۔انہوں نے فوراً جواب دیا کہ میں نے اپنے دونوں بیٹے ( دو بیٹے ان کے واقف زندگی ہیں،
مربی ہیں ) خدا کی راہ میں بہت دعاؤں کے بعد وقف کئے ہیں اور وقف کے بعد اب یہ اللہ تعالیٰ کے ہیں۔اب مجھے
اس بات کی پر واہ نہیں کہ خدا تعالیٰ ان سے کہاں اور کیسی خدمت لیتا ہے۔مجھے تو اس بات پر ہی بہت فخر ہے کہ خدا
تعالیٰ نے میرے بچوں کو اپنی خدمت کی توفیق دی۔اپنے بچوں کو بھی یہی نصیحت کرتی تھیں کہ خدا تعالیٰ نے اگر
آپ کو خدمت کا موقع دیا ہے تو ہمیشہ اللہ تعالیٰ اور اپنے وقف سے وفا کرنا۔مرحومہ موصیہ تھیں۔ان کے بیٹے ناصر
احمد ناصر صاحب مبلغ سلسلہ مالی میں اور انصر محمود صاحب مربی سلسلہ پاکستان میں ہیں۔یہ جو مالی میں ان کے بیٹے ہیں
ان کے جنازے میں بھی شریک نہیں ہو سکے تھے۔اللہ تعالیٰ ان کو بھی صبر اور حوصلہ عطا فرمائے اور مرحومہ کے
درجات بلند فرمائے اور ان کی نیکیاں ان کی نسلوں میں جاری فرمائے۔الفضل انٹر نیشنل مورخہ 07 ستمبر 2018 ء تا 13 ستمبر 2018ء جلد 25 شمارہ 36 صفحہ 05 تا 09)