حضرت عاصم بن ثابتؓ، حضرت سہل بن حنیف انصاریؓ، حضرت جبار بن صخرؓ

خطبات مسرور جلد 16
395
34
خطبه جمعه فرمودہ مورخہ 24 اگست 2018
خطبہ جمعہ سیدنا امیر المومنین حضرت مرزا مسرور احمد خلیفہ المسیح الخامس ایدہ اللہ تعالیٰ بنصرہ العزیز
فرمودہ مورخہ 24 اگست 2018ء بمطابق 24 ظہور 1397 ہجری شمسی
بمقام مسجد بیت الفتوح، مورڈن، لندن، یوکے
تشہد و تعوذ اور سورۃ فاتحہ کی تلاوت کے بعد حضور انور ایدہ اللہ تعالیٰ نے فرمایا:
حضرت عاصم بن ثابت آنحضرت صلی اللہ علیہ وسلم کے ایک صحابی تھے۔ان کے والد تھے ثابت بن قیس
اور ان کی والدہ کا نام شموسن بنت ابو عامر تھا۔رسول اللہ صلی اللہ علیہ وسلم نے ان کے اور حضرت عبد اللہ بن بخش کے
در میان مواخات قائم فرمائی تھی۔غزوہ اُحد کے موقع پر جب کفار کے اچانک شدید حملے کی وجہ سے مسلمانوں میں
بھگدڑ مچی تو حضرت عاصم آنحضرت صلی اللہ علیہ وسلم کے ساتھ ثابت قدم رہے۔انہوں نے آپ صلی اللہ علیہ وسلم
سے موت پر بیعت کی تھی۔آنحضرت صلی اللہ علیہ وسلم کے نامز د تیر اندازوں میں یہ شامل تھے۔(الطبقات الكبرى لابن سعد جز 3 صفحہ 243 عاصم بن ثابت دار احیاء التراث العربی بیروت لبنان 1996ء)
ان کا تعلق قبیلہ اوس سے تھا۔جنگ بدر میں بھی شریک تھے۔(اسد الغابة في معرفة الصحابة جلد 3 صفحہ 5 عاصم بن ثابت ، مکتبہ دارالفکر بيروت لبنان 2003ء)
آنحضرت صلی اللہ علیہ وسلم نے بدر والے دن صحابہ سے پوچھا کہ جب تم دشمن کے مد مقابل آؤ گے تو
ان سے کیسے لڑو گے ؟ حضرت عاصم نے عرض کیا یا رسول اللہ جب کوئی قوم اتنی قریب آ جائے گی کہ ان تک تیر
پہنچ سکیں تو ان پر تیر برسائے جائیں گے۔پھر جب وہ ہمارے اور قریب آجائیں کہ ان تک پتھر پہنچ سکیں تو ان پر
پتھر پھینکتے جائیں گے۔پھر آپ نے تین پتھر ایک ہاتھ میں اٹھائے اور دو دوسرے میں اور پھر کہا کہ جب وہ ہمارے
اتنے قریب آجائیں کہ ہمارے نیزے ان تک پہنچ سکیں تو ان کے ساتھ نیزہ بازی کی جائے گی۔پھر جب نیزے بھی ٹوٹ جائیں گے تو انہیں تلواروں کے ذریعہ قتل کیا جائے گا۔اس پر رسول اللہ صلی
اللہ علیہ وسلم نے فرمایا کہ اسی طرح جنگ لڑی جاتی ہے۔اور پھر آپ نے فرمایا کہ جو کوئی قتال کرے جنگ کرے تو
عاصم کے بتائے ہوئے طریق کے مطابق جنگ کرے۔(المعجم الكبير للطبراني جلد 5 صفحہ 34 حدیث نمبر 5413 داراحیاء التراث العربي 2002ء)
اس زمانے میں تو تیر اور نیزے اور تلوار میں ہی تھیں جن سے جنگ کی جاتی تھی اور یہی جنگ کا طریق تھا
بلکہ پتھر بھی استعمال کئے جاتے تھے۔آجکل کی طرح نہیں کہ معصوم شہریوں پر بمباری کر کے معصوموں اور بچوں
کو بھی مار دیا جائے۔ایک غیر مسلم نے کتاب لکھی ہے۔آنحضرت صلی اللہ علیہ وسلم کی جنگوں کا ذکر کرتے ہوئے وہ

خطبات مسرور جلد 16
396
خطبه جمعه فرمودہ مورخہ 24 اگست 2018
لکھتے ہیں کہ تم محمد صلی اللہ علیہ وسلم پر الزام لگاتے ہو کہ انہوں نے جنگیں کیں مگر ان کی جنگوں میں تو چند سو یا ہزار
لوگ مرے ہوں گے اور تم جو اپنے آپ کو ترقی یافتہ اور انسانیت کے ہمدرد سمجھتے ہو تم نے صرف ایک جنگ میں
(اس نے جنگ عظیم دوم کا حوالہ دیا کہ سات کروڑ سے زیادہ لوگوں کو مار دیا جن میں اکثریت عام شہریوں کی تھی۔لیکن آج بد قسمتی سے مسلمان بھی ان لوگوں سے ہی مدد لے رہے ہیں اور بلا امتیاز مسلمان مسلمانوں کا قتل کر رہے
ہیں بجائے اس کے کہ وہ طریق کہ جب دشمن حملہ کرے اور دشمن قریب آئے تو اس سے جنگ کرنے کے جو مختلف
طریقے ہیں۔(اس پر عمل کریں) یہ خود حملہ کر رہے ہیں اور معصوموں کو مار رہے ہیں۔ایک روایت میں آتا ہے کہ حضرت علی رضی اللہ عنہ اُحد والے دن اپنی تلوار کے ساتھ واپس آئے جو
کثرت قتال کی وجہ سے مڑ چکی تھی۔حضرت علیؓ نے حضرت فاطمہ سے کہا کہ اس قابل ستائش تلوار کو رکھو۔یہ
میدان جنگ میں خوب کام آئی ہے۔رسول اللہ صلی اللہ علیہ وسلم نے ان کی یہ بات سنی۔اس پر آپ نے فرمایا کہ
اگر تم نے آج کمال کی تلوار زنی کی ہے تو سہل بن حنیف اور ابو دجانہ اور عاصم بن ثابت اور حارث بن صمہ نے بھی
تلوار زنی میں کمال دکھایا ہے۔(المستدرك على الصحيحين كتاب المغازى والسرايا جلد 5 صفحہ 1623 حدیث 4309 مكتبه نزار مصطفى الباز
مکه مکرمه ریاض 2000ء)
ایک روایت میں آتا ہے کہ آنحضرت صلی اللہ علیہ وسلم نے بدر کے قیدیوں میں سے ابو عزہ عمرو بن
عبد اللہ جو کہ ایک شاعر تھا، پر احسان کرتے ہوئے اسے آزاد کر دیا کیونکہ اس نے کہا تھا کہ اے محمد صلی اللہ علیہ
وسلم میری پانچ بیٹیاں ہیں اور میرے علاوہ ان کا کوئی نہیں ہے۔پس آپ مجھے ان کی وجہ سے بطور صدقہ آزاد کر دیں۔تو رسول اللہ صلی اللہ علیہ وسلم نے اسے آزاد کر دیا۔اس پر ابو عزة نے کہا کہ میں آپ سے پختہ عہد کرتا ہوں کہ
میں آئندہ نہ تو آپ سے جنگ کروں گا اور نہ ہی کسی کی جنگ کے لئے معاونت کروں گا۔اس بات پر آپ نے اسے
واپس بھجوا دیا اور بغیر کسی معاوضہ کے چھوڑ دیا۔جب قریش اُحد کی طرف نکلنے لگے تو صفوان بن امیہ آیا اور اس نے
اسے کہا کہ تم بھی ہمارے ساتھ نکلو۔اس نے کہا کہ میں نے تو محمد صلی اللہ علیہ وسلم سے پختہ عہد کیا ہے کہ میں کبھی
بھی آپ سے جنگ نہیں کروں گا اور نہ ہی جنگ کے لئے معاونت کروں گا۔انہوں نے صرف مجھ پر یہ احسان کیا
ہے اور میرے علاوہ
علاوہ کسی پر یہ احسان نہیں کیا۔تو صفوان نے اسے ضمانت دی کہ اگر وہ قتل کر دیا گیا تو اس کی بیٹیوں
کو اپنی بیٹیاں بنالے گا اور وہ زندہ رہا تو اسے مال کثیر دے گا جس سے صرف اس کا عیال ہی کھائے گا۔(اسے لالچ دیا
کہ تم فکر نہ کرو۔جنگ میں ہمارا ساتھ دو۔اگر جنگ میں قتل ہو گئے تو تمہاری بیٹیوں کو بھی بیٹیوں کی طرح رکھوں گا
اور اگر بچ گئے تو بہت زیادہ مال دوں گا۔) اس پر ابو عزة عرب کو بلانے اور اکٹھا کرنے نکلا۔( یہی نہیں کہ خود شامل
ہوابلکہ دوسرے قبائل کو، دوسرے لوگوں کو مسلمانوں کے خلاف جنگ کرنے کے لئے اکٹھا کرنے کے لئے نکلا۔)
پھر قریش کے ساتھ جنگ احد کے لئے بھی نکلا اور دوبارہ پھر جنگ میں قید کیا گیا۔اس کے علاوہ قریش میں سے کسی کو
قید نہیں کیا گیا تھا۔جب پکڑا گیا تو پوچھا گیا کہ تم نے تو عہد کیا تھا۔اس نے کہا کہ اے محمد صلی اللہ علیہ وسلم ! میں

397
خطبات مسرور جلد 16
خطبہ جمعہ فرمودہ مورخہ 24 اگست 2018
مجبوراً نکلا ہوں اور میری بیٹیاں ہیں۔پس مجھ پر احسان کر۔(دوبارہ وہی بات کی کہ میری بیٹیاں ہیں۔مجھ پر احسان
کرو۔پہلے تو احسان کرتے ہوئے یہ چھوڑا گیا تھا اور پھر جنگ کے لئے نکلا تھا۔) اس پر رسول اللہ صلی اللہ علیہ وسلم نے
فرمایا کہ تمہارا وہ عہد کہاں گیا جو تم نے میرے ساتھ کیا تھا۔ہر گز نہیں۔(اب یہ نہیں ہو سکتا۔اللہ کی قسم ! اب تم
مکہ میں یہ نہیں کہتے پھرو گے کہ میں نے دو دفعہ محمد کو ( نعوذ باللہ ) دھو کہ دیا اور بیوقوف بنایا۔ایک اور روایت کے
مطابق نبی کریم صلی اللہ علیہ وسلم نے فرمایا یقیناً مومن ایک سوراخ سے دو مرتبہ نہیں ڈسا جاتا۔پھر آپ نے حکم
دیتے ہوئے عاصم بن ثابت کو کہا کہ اس کو قتل کر دو۔پس عاصم آگے بڑھے اور اس کی گردن اڑا دی۔(كتاب المغازى جلد 1 صفحہ 110-111 بدر القتال، دارالکتب العلميه بيروت لبنان 2004ء)
اتنے ظلم کے بعد ، ایسی عہد شکنی کرنے کے بعد جب سزا دی جاتی ہے تو پھر بھی آنحضرت صلی اللہ علیہ
وسلم کی ذات پر اعتراض کرنے والے اعتراض کرتے ہیں کہ نعوذ باللہ آپ نے ظلم کیا۔اب ہالینڈ کا سیاستدان
ولڈر (Wilder) جو ہے آجکل آپ کی ذات پر بڑے بڑھ چڑھ کر حملے کر رہا ہے۔اگر اس دنیا میں اپنے ملک میں بھی
وہ ایسے معافی کے نمونے دکھائیں تو پھر سمجھ آئے گی کہ واقعی وہ کسی حد تک اعتراض میں جائز ہیں۔لیکن ایسی مثالیں
وہ کبھی پیش نہیں کر سکتے۔واقعہ رجیع اور حضرت عاصم کا ذکر حضرت مرزا بشیر احمد صاحب نے سیرۃ خاتم النبیین میں بھی کیا ہے۔آپ لکھتے ہیں کہ " آنحضرت صلی اللہ علیہ وسلم نے ماہ صفر چار ہجری میں اپنے دس صحابیوں کی ایک پارٹی تیار کی اور
ان پر عاصم بن ثابت کو امیر مقرر فرمایا اور ان کو یہ حکم دیا کہ وہ خفیہ خفیہ مکہ کے قریب جا کر قریش کے حالات
دریافت کریں اور ان کی کارروائیوں اور ارادوں سے آپ کو اطلاع دیں۔لیکن ابھی یہ پارٹی روانہ نہیں ہوئی تھی کہ
قبائل عضل اور قارہ کے چند لوگ آپ کی خدمت میں حاضر ہوئے اور عرض کیا کہ ہمارے قبائل میں بہت سے
آدمی اسلام کی طرف مائل ہیں۔آپ چند آدمی ہمارے ساتھ روانہ فرمائیں جو ہمیں مسلمان بنائیں اور اسلام کی تعلیم
دیں۔آنحضرت صلی اللہ علیہ وسلم ان کی یہ خواہش معلوم کر کے خوش ہوئے اور وہی پارٹی جو خبر رسانی کے لئے تیار
کی گئی تھی ان کے ساتھ روانہ فرما دی۔لیکن دراصل جیسا کہ بعد میں معلوم ہوا یہ لوگ جھوٹے تھے اور بنو لحیان کی
انگیخت پر مدینہ میں آئے تھے جنہوں نے اپنے رئیس سفیان بن خالد کے قتل کا بدلہ لینے کے لئے یہ چال چلی تھی کہ
اس بہانہ سے مسلمان مدینہ سے نکلیں تو ان پر حملہ کر دیا جاوے اور بنو لحیان نے اس خدمت کے معاوضہ میں عضل
اور قارہ کے لوگوں کے لئے بہت سے اونٹ انعام کے طور پر مقرر کئے تھے۔جب عضل اور قارہ کے یہ غدار لوگ
عسفان اور مکہ کے درمیان پہنچے تو انہوں نے بنو لحیان کو خفیہ خفیہ اطلاع بھیجوا دی کہ مسلمان ہمارے ساتھ آرہے
ہیں تم ان کو قتل کرنے کے لئے " آجاؤ جس پر قبیلہ بنو لحیان کے دو سو نوجوان جن میں سے ایک سو تیر انداز تھے
مسلمانوں کے تعاقب میں نکل کھڑے ہوئے اور مقام رجیع میں ان کو آدبایا۔" دس آدمی جو مسلمان تھے وہ " دوسو
سپاہیوں کا کیا مقابلہ کر سکتے تھے لیکن مسلمانوں کو ہتھیار ڈالنے کی تعلیم نہیں دی گئی تھی۔فوراً یہ صحابی ایک قریب
کے ٹیلہ پر چڑھ کر مقابلہ کے واسطے تیار ہو گئے۔کفار نے جن کے نزدیک دھو کہ دینا کوئی معیوب فعل نہیں تھا ان کو

خطبات مسرور جلد 16
398
خطبه جمعه فرمودہ مورخہ 24 اگست 2018
آواز دی کہ تم پہاڑی پر سے نیچے اتر آؤ۔ہم تم سے پختہ عہد کرتے ہیں کہ تمہیں قتل نہیں کریں گے۔عاصم نے
جواب دیا کہ ہمیں تمہارے عہد و پیمان کا کوئی اعتبار نہیں ہے۔ہم تمہاری اس ذمہ داری پر نہیں اتر سکتے۔اور پھر
آسمان کی طرف منہ اٹھا کر کہا کہ اے اللہ! تو ہماری حالت دیکھ رہا ہے۔اپنے رسول کو ہماری اس حالت سے اطلاع
پہنچا دے۔غرض عاصم اور اس کے ساتھیوں نے مقابلہ کیا۔بالآخر لڑتے لڑتے شہید ہوئے۔"
(سیرت خاتم النبيين مصنفہ حضرت مرزا بشیر احمد صاحب ایم اے صفحہ 513-514)
آپ مزید یہ لکھتے ہیں کہ " اسی واقعہ رجیع کے ضمن میں یہ روایت بھی آتی ہے کہ جب قریش مکہ کو یہ
اطلاع ملی کہ جو لوگ بنو لحیان کے ہاتھ سے رجیع میں شہید ہوئے تھے ان میں عاصم بن ثابت بھی تھے تو چونکہ عاصم
نے بدر کے موقعہ پر قریش کے ایک بڑے رئیس کو قتل کیا تھا اس لئے انہوں نے رجیع کی طرف خاص آدمی روانہ
کئے اور ان آدمیوں کو تاکید کی کہ عاصم کا سر یا جسم کا کوئی عضو کاٹ کر اپنے ساتھ لائیں تا کہ انہیں تسلی ہو اور ان کا
جذ بہ انتقام تسکین پائے۔ایک اور روایت میں آتا ہے کہ جس شخص کو عاصم نے قتل کیا تھا اس کی ماں " سُلافہ بنت
سعد " نے یہ نذر مانی تھی کہ وہ اپنے بیٹے کے قاتل کی کھوپڑی میں شراب ڈال کر پیئے گی۔لیکن خدائی تصرف ایسا ہوا کہ یہ لوگ وہاں پہنچے تو کیا دیکھتے ہیں کہ زنبوروں " بھڑوں " اور شہد کی مکھیوں
کے جھنڈ عاصم کی لاش پر ڈیرہ ڈالے بیٹھے ہیں اور کسی طرح سے وہاں سے اٹھنے میں نہیں آتے۔ان لوگوں نے بڑی
کوشش کی کہ یہ زنبور اور مکھیاں وہاں سے اڑ جائیں مگر کوئی کوشش کامیاب نہ ہوئی۔آخر مجبور ہو کر یہ لوگ خائب و
خاسر واپس لوٹ گئے۔اس کے بعد جلد ہی بارش کا ایک طوفان آیا اور عاصم کی لاش کو وہاں سے بہا کر کہیں کا کہیں
لے گیا۔لکھا ہے کہ عاصم نے مسلمان ہونے پر یہ عہد کیا تھا کہ آئندہ وہ ہر قسم کی مشرکانہ چیز سے قطعی پر ہیز کریں
گے حتی کہ مشرک کے ساتھ چھوئیں گے بھی نہیں۔حضرت عمر کو جب ان کی شہادت اور اس واقعہ کی اطلاع ہوئی تو
کہنے لگے کہ خدا بھی اپنے بندوں کے جذبات کی کتنی پاسداری فرماتا ہے۔موت کے بعد بھی اس نے عاصم کے عہد کو
پورا کر وایا اور مشرکین کے مس سے انہیں محفوظ رکھا۔"
(سیرت خاتم النبیین مصنفہ حضرت مرزا بشیر احمد صاحب ایم اے صفحہ 516 ) ( الطبقات الکبری جلد 3 صفحہ352 عاصم
بن ثابت دار الكتب العلمية بيروت 1990ء)
آپ رضی اللہ تعالیٰ عنہ کو حبي الدبر بھی کہا جاتا ہے یعنی جسے بھڑوں یا شہد کی مکھیوں کے ذریعہ بچایا گیا۔اللہ تعالیٰ نے موت کے بعد بھی بھڑوں کے ذریعہ آپ کی حفاظت کی۔حضرت عاصم اور ان کے اصحاب کی شہادت کے بعد رسول اللہ صلی اللہ علیہ وسلم نے مہینہ بھر نماز
فجر میں قنوت فرمایا جس میں رعل ، ذکوان اور بنو خیان پر لعنت کرتے رہے۔(اسد الغابة فى معرفة الصحابة جلد 3 صفحہ 6 مطبوعه دارالفکر بيروت لبنان (2003ء) (سنن الكبرى للبيهقى جلد
2 صفحه 347 كتاب الصلوة حديث 3322 مطبوعه دار الكتب العلمية بيروت 2003ء)
ایک اور روایت میں آتا ہے کہ حضرت عاصم دشمن کے مقابلے میں تیر برساتے جاتے اور ساتھ یہ شعر
پڑھتے جاتے تھے کہ :

خطبات مسرور جلد 16
399
خطبه جمعه فرمودہ مورخہ 24 اگست 2018
الْمَوْتُ حَقٌّ وَالْحَيَوةُ بَاطِل
وَكُلُّ مَا قَضَى الْإِلَهُ نَازِلُ
بِالْمَرْءِ وَالْمَرْءُ الَيْهِ أَيلُ
یعنی موت برحق ہے اور زندگی بیکار ہے اور خدا کسی انسان کے بارے میں جو فیصلہ کرے وہی نازل ہونے
والا ہے اور اس انسان کو بھی اس فیصلہ کو قبول کرنا ہو گا۔جب حضرت عاصم کے تیر ختم ہو گئے تو وہ نیزے سے لڑنے
لگے۔نیزہ بھی ٹوٹ گیا تو تلوار نکال لی اور لڑتے لڑتے جان دے دی۔(السيرة الحلبية جلد 3 صفحہ 234 سريه رجیع دارالکتب العلميه بيروت لبنان2002ء)
دوسرے صحابی جن کا ذکر ہو گا وہ حضرت سہل بن حنیف انصاری ہیں۔حنیف ان کے والد تھے۔والدہ کا
نام ہند بنت رافع تھا۔والدہ کی طرف سے آپ کے دو بھائی تھے عبد اللہ اور نعمان اور ان کی اولاد میں بیٹے اسعد اور
عثمان اور سعد تھے۔حضرت سہل کی اولاد مدینہ اور بغداد میں مقیم رہی۔آنحضرت صلی اللہ علیہ وسلم نے آپ کے
اور حضرت علی کے درمیان مواخات قائم فرمائی۔انہوں نے غزوہ بدر سمیت تمام غزوات میں آنحضرت صلی اللہ
علیہ وسلم کے ہمراہ شرکت کی۔حضرت سہل بن حنیف عظیم المرتبت صحابی تھے لیکن آپ کے مالی حالات مضبوط نہ
تھے۔حضرت ابن عیینہ بیان کرتے ہیں کہ میں نے زہری کو کہتے ہوئے سنا کہ رسول اللہ صلی اللہ علیہ وسلم نے بنو
نضیر کے اموال میں سے حضرت سہل بن حنیف اور حضرت ابودجانہ کے علاوہ انصار میں سے کسی کو حصہ نہیں دیا
کیونکہ یہ دونوں تنگدست تھے۔الطبقات الكبرى لابن سعد جلد 3 صفحه 247 و من بنى حنش بن عوف۔۔۔۔سهل بن حنیف، داراحياء التراث العربي
بیروت لبنان 1996ء)الاستيعاب في معرفة الاصحاب جلد 2 صفحہ 223 دار الكتب العلميه بيروت 2002ء)
ابن اسحاق بیان کرتے ہیں کہ آنحضرت صلی اللہ علیہ وسلم کے مدینہ ہجرت فرمانے کے بعد حضرت علی نے
تین دن اور راتیں مکہ میں قیام کیا اور لوگوں کی وہ امانتیں جو آنحضرت صلی اللہ علیہ وسلم کے سپر د تھیں وہ انہیں واپس
کیں۔پھر حضرت علی رضی اللہ تعالیٰ عنہ آنحضرت صلی اللہ علیہ وسلم سے جاملے اور آپ کے ساتھ حضرت کلثوم بن
ھدم کے ہاں ٹھہرے۔دوران سفر ایک دورات قبا میں حضرت علی کا قیام رہا۔آپ بیان کرتے تھے کہ قبا میں ایک
مسلمان عورت تھی جس کا خاوند نہیں تھا۔کہتے ہیں کہ میں نے دیکھا کہ رات گئے ایک آدمی آگے اس کے دروازے
پر دستک دیتا ہے۔اس پر وہ عورت باہر آتی ہے۔وہ آدمی کوئی چیز اسے دیتا ہے اور وہ لے لیتی ہے۔آپ رضی اللہ
تعالیٰ عنہ کہتے ہیں کہ مجھے اس معاملہ پر شک ہوا۔میں نے اس عورت سے کہا کہ اے اللہ کی بندی! یہ آدمی کون ہے
جو ہر رات تمہارے دروازے پر دستک دیتا ہے اور جب تم باہر آتی ہو تو تمہیں کوئی چیز پکڑا جاتا ہے جس کا مجھے پتہ
نہیں کہ وہ کیا چیز ہوتی ہے۔اور تم ایک مسلمان عورت ہو تمہارا شوہر بھی نہیں ہے اس لئے یہ اس طرح رات کو نکلنا
اور کسی غیر مرد سے اس طرح بات کرنا یا چیز لینا ٹھیک نہیں ہے۔اس عورت نے کہا کہ یہ سہل بن تخفیف ہیں۔انہیں معلوم ہے کہ میں اکیلی عورت ہوں اور میرا کوئی نہیں ہے۔اس لئے جب شام ہوتی ہے تو یہ اپنے لوگوں کے،

400
خطبات مسرور جلد 16
خطبه جمعه فرمودہ مورخہ 24 اگست 2018
قوم کے، رشتہ داروں کے بتوں کو توڑتے ہیں اور پھر مجھے لا کر دے دیتے ہیں تاکہ میں انہیں جلا دوں۔اور ابن
اسحاق بیان کرتے ہیں کہ حضرت علی حضرت سہل کی وفات تک آپ کا یہ واقعہ بیان کرتے تھے یعنی کہ اپنے لوگوں
میں شرک مٹانے کے لئے آپ نے یہ ایک ترکیب استعمال کی۔(السيرة النبوية لابن هشام صفحه 348 هجرة الرسول مع الله الله ، دار الكتب العلميه بيروت 2001ء)
حضرت سہل بن حنیف ان عظیم المرتبت صحابہ میں سے تھے جنہوں نے اُحد کے روز ثابت قدمی
دکھائی۔اس روز انہوں نے موت پر آنحضور صلی اللہ علیہ وسلم کی بیعت کی۔آپ رضی اللہ تعالیٰ عنہ اس وقت
آنحضور صلی اللہ علیہ وسلم کے آگے ڈھال بن کر ڈٹے رہے۔جب دشمن کے شدید حملے کی وجہ سے مسلمان بکھر گئے
تھے اس دن انہوں نے آنحضور صلی اللہ علیہ وسلم کی طرف سے تیر چلائے۔رسول اللہ صلی اللہ علیہ وسلم نے فرمایا۔کہ سہل کو تیر پکڑاؤ کیونکہ تیر چلانا اس کے لئے آسان امر ہے۔الاستيعاب في معرفة الاصحاب جلد 2 صفحہ 223 دار الكتب العلميه بيروت 2002ء)
پھر بیان کیا جاتا ہے کہ غزہ ڈل ایک ماہر نیزہ باز یہودی تھا اس کا پھینکا ہوا نیزہ وہاں تک پہنچ جاتا تھا جہاں
دوسروں کے نیزے نہیں پہنچ سکتے تھے۔بنو نضیر کے محاصرہ کے ایام میں آنحضرت صلی اللہ علیہ وسلم کے لئے ایک
خیمہ تیار کیا گیا۔عروؤل نے نیزہ پھینکا جو کہ اس خیمے تک پہنچ گیا۔اس پر رسول اللہ صلی اللہ علیہ وسلم نے صحابہ کو حکم
شخص
دیا کہ اس کو یعنی خیمہ کو وہاں سے ہٹا دیں۔چنانچہ اس کی جگہ تبدیل کر دی گئی۔پھر اس کے بعد حضرت علی است
کی گھات میں گئے۔غزول ایک گروہ کو ساتھ لئے مسلمانوں کے کسی بڑے سردار کو قتل کرنے کے ارادے سے نکل
رہا تھا۔حضرت علی نے موقع پا کر اسے قتل کر دیا اور اس کا سر آنحضرت صلی اللہ علیہ وسلم کی خدمت میں پیش کیا۔اس کے ساتھ جو لوگ تھے وہ بھاگ گئے۔ان لوگوں کی سرکوبی کے لئے آنحضرت صلی اللہ علیہ وسلم نے حضرت
علی کی ہی قیادت میں دس افراد پر مشتمل ایک دستہ روانہ فرمایا جنہوں نے ان لوگوں کا تعاقب کر کے ان کو قتل کر دیا
اس لئے کہ وہ جنگ کے لئے اور چھپ کر حملہ کر کے قتل کرنے کے لئے نکلے تھے۔اس دستہ میں جو حضرت علی کے
ساتھ گیا تھا حضرت ابو دجانہ اور حضرت سہل بن حنیف بھی شامل تھے۔(السيرة الحلبية جلد 2 صفحه 359 غزوة بنو نضير ، دار الكتب العلمية بيروت 1999ء)
کوئی دن نہیں تھا جو اس زمانے میں آرام و سکون سے گزرتا ہو ہر وقت دشمن حملے کی تاک میں تھا۔تو ایسے
دشمنوں کے ساتھ پھر یہی سلوک ہونا چاہئے تھا۔رسول اللہ صلی اللہ علیہ وسلم نے فتح خیبر کے بعد وادی القری کا رخ فرمایا۔جب آنحضرت صلی اللہ علیہ
وسلم کا لشکر وادی القری میں اترا تو یہود پہلے سے جنگ کے لئے تیار تھے۔چنانچہ انہوں نے تیروں کے ساتھ استقبال
کیا۔مسلمانوں پر تیر پھینکنے شروع کر دیئے۔آنحضرت صلی اللہ علیہ وسلم کا غلام جس کا نام بد گم تھا آپ صلی اللہ علیہ
وسلم کی سواری سے کجاوہ وغیر ہ اتار رہا تھا کہ ایک اندھا تیر آکر اسے لگا جس سے وہ جاں بحق ہو گیا۔آنحضرت صلی
اللہ علیہ وسلم نے فوراً صف بندی کا حکم دیا۔لواء حضرت سعد بن عبادہ کو عنایت فرمایا اور جھنڈوں میں سے ایک

خطبات مسرور جلد 16
401
خطبہ جمعہ فرمودہ مورخہ 24 اگست 2018
حضرت حباب بن مُنذر اور دوسرا حضرت سہل بن حنیف رضی اللہ تعالیٰ عنہ کو اور تیسرا حضرت عباد بن بشر کو
سونپا۔اس لڑائی کے نتیجہ میں یہ سارا علاقہ مسلمانوں کے زیر نگیں آگیا۔اللہ تعالیٰ نے یہاں فتح عطا فرمائی اور یہاں
سے اللہ تعالیٰ نے کثیر مال عطا فرمایا۔آنحضرت صلی اللہ علیہ وسلم نے یہاں چار دن قیام فرمایا۔صحابہ میں غنائم تقسیم
فرمائے۔یہاں کی زمین اور باغات یہود کے پاس رہنے دیئے۔باوجو د فتح کرنے کے زمین اور باغات جو تھے ان لوگوں
کے پاس ہی رہنے دیئے مگر اپنی طرف سے ان پر ایک عامل مقرر فرما دیا۔تو یہ ہے دشمن سے بھی حسن سلوک کی اعلیٰ مثال کہ ملکیت ان کے پاس ہی رہی اور ان سے کچھ ٹیکس
یا حصہ وصول کیا جاتا تھا۔اس زمانے کے رواج کے مطابق اگر ایسے دشمن کے مال اور جائیداد پر قبضہ بھی کر لیا جاتا تو
حرج نہیں تھا۔لیکن آپ صلی اللہ علیہ وسلم نے ان پر احسان کیا۔( شرح زرقانی على مواهب اللدنيه جلد 3 صفحہ 301 تا 303 دار الكتب العلمية بيروت 1996ء)
(امتاع الاسماع جلد 1 صفحہ 325-326 غزوة وادى القرى دار الكتب العلمية بيروت 1999ء)
حضرت مرزا بشیر احمد صاحب اپنی کتاب میں سیرت خاتم النبیین میں تحریر فرماتے ہیں کہ جب شام کا
ملک فتح ہوا اور وہاں کی عیسائی آبادی اسلامی حکومت کے ماتحت آگئی تو ایک دن جبکہ آنحضرت صلی اللہ علیہ وسلم کے
صحابی سہل بن حنیف اور قیس بن سعد قادسیہ کے کسی شہر میں کسی جگہ بیٹھے ہوئے تھے تو ان کے پاس سے ایک
عیسائی کا جنازہ گزرا۔یہ دونوں اصحاب اس کی تعظیم میں کھڑے ہوئے۔ایک مسلمان نے جو آنحضرت صلی اللہ علیہ
وسلم کا صحبت یافتہ نہیں تھا اور ان اخلاق سے نا آشنا تھا جو اسلام سکھاتا ہے یہ دیکھ کر بہت تعجب کیا اور حیران ہو کر
سہل اور قیس سے کہا کہ یہ تو ایک ذقی عیسائی کا جنازہ ہے۔انہوں نے جواب دیا کہ ہاں ہم جانتے ہیں مگر آنحضرت
صلی اللہ علیہ وسلم کا یہی طریق تھا کہ آپ غیر مسلموں کے جنازے کو دیکھ کر بھی کھڑے ہو جاتے تھے اور فرمایا
کرتے تھے کہ کیا ان میں خدا کی پیدا کی ہوئی جان نہیں ہے۔(ماخوذ از سیرت خاتم النبيين مصنفہ حضرت مرزا بشیر احمد صاحب ایم اے صفحہ 656-657)
پس یہ ہے ایک طریق انسانیت کے احترام اور مذاہب کے درمیان نفرتیں ختم کرنے کا جس کی بنیاد
آنحضرت صلی اللہ علیہ وسلم نے رکھی اور وہی اسوہ حسنہ پھر صحابہ نے بھی اپنایا۔ابو وائل سے روایت ہے کہ ہم صیفین میں تھے کہ حضرت سہل بن حنیف کھڑے ہوئے اور کہنے لگے کہ
اے لوگو! اپنے آپ کو ہی غلطی پر سمجھو کیونکہ ہم حدیبیہ کے واقعہ میں رسول اللہ صلی اللہ علیہ وسلم کے ساتھ تھے
اگر ہم مقابلہ کی صورت دیکھتے تو ضرور مقابلہ کرتے۔اتنے میں حضرت عمر بن خطاب آئے۔( یعنی حدیبیہ کے واقعہ
کا ذکر ہو رہا ہے ) اور انہوں نے کہا کہ یارسول اللہ کیا ہم حق پر نہیں ہیں اور وہ کا فر باطل پر ؟ تو آپ نے فرمایا کیوں
نہیں۔تو انہوں نے کہا کیا ہمارے مقتول جنت میں نہیں اور ان کے مقتول آگ میں نہیں ؟ آپ نے فرمایا کیوں
نہیں۔تو حضرت عمرؓ نے کہا کہ ہم حدیبیہ کے دن جو صلح کر رہے ہیں تو اپنے دین سے متعلق ایسی ذلت کیوں برداشت
کریں۔کیا ہم یہاں سے یو نہی لوٹ جائیں یہاں تک کہ اللہ ہمارے اور ان کے درمیان فیصلہ نہ کر دے۔آپ صلی

خطبات مسرور جلد 16
402
خطبہ جمعہ فرمودہ مورخہ 24 اگست 2018
اللہ علیہ وسلم نے فرمایا خطاب کے بیٹے ! میں اللہ کار سول ہوں
اور اللہ مجھے ہرگز کبھی ضائع نہیں کرے گا۔پھر حضرت
عمر رضی اللہ تعالیٰ عنہ ، حضرت ابو بکر رضی اللہ تعالیٰ عنہ کے پاس گئے اور ان سے وہی کچھ کہا جو نبی کریم صلی اللہ علیہ
وسلم سے عرض کیا تھا۔حضرت ابو بکر نے کہا کہ وہ اللہ کے رسول ہیں اور اللہ ان کو کبھی ضائع نہیں کرے گا۔پھر
بخاری نے ہی لکھا ہے۔وہ آگے حدیث لکھتے ہیں کہ پھر سورۃ فتح نازل ہوئی اور رسول اللہ صلی اللہ علیہ وسلم نے حضرت
عمر کو آخر تک پڑھ کر سنائی۔حضرت عمر نے کہا کہ یار سول
اللہ ! کیا یہ فتح ہے۔آپ نے فرمایا۔ہاں۔(صحيح البخارى كتاب الجزيه باب اثم من عاهد ثم غدر حديث 3182)
اس حدیث کی شرح میں حضرت سید ولی اللہ شاہ صاحب لکھتے ہیں کہ "صفین عراق اور شام کے درمیان
ایک جگہ کا نام ہے جہاں حضرت علیؓ اور حضرت معاویہ کا مقابلہ ہوا اور جب حضرت معاویہ کی فوج کے لوگوں کو یہ
محسوس ہوا کہ ان کو شکست ہونے لگی ہے۔تو انہوں نے قرآن مجید کو اونچا کیا اور کہا کہ قرآن مجید کو محکم بنا کر فیصلہ کیا
جائے۔چنانچہ اس پر جنگ بند ہو گئی۔" حضرت علی کی طرف سے جنگ بندی کا اعلان ہو گیا۔" بعض لوگوں کی طرف
سے جنگ بندی پر اعتراضات بھی ہوئے۔" حضرت سہل حضرت علی کی طرف سے شریک تھے۔"حضرت سہل بن
حنیف صحابی نے ان سے کہا اتهموا أَنْفُسَكُمْ۔اپنی رائے ہی کو نہ درست سمجھو کیونکہ اس سے قبل صلح حدیبیہ کے
موقع پر حضرت عمر کو بھی غلط فہمی پیدا ہوئی لیکن آخر واقعات نے بتادیا کہ نبی کریم صلی اللہ علیہ وسلم کی استقامت
اور ایفائے عہد کو برکت دی گئی اور آپ خطرہ سے محفوظ ہو گئے۔" تو کہتے ہیں پھر آپ نے کہا کہ "لوگ جس بات کو
کمزوری اور ذلت پر محمول کر رہے تھے اللہ تعالیٰ نے اسی بات کو قوت و عزت کا باعث بنا دیا نبی کریم صلی اللہ علیہ
وسلم نے ہر چھوٹی بڑی بات میں معاہدہ کی نگہداشت ملحوظ ر کھی ہے۔"
(شرح صحیح البخاری از حضرت سید زین العابدین ولی اللہ شاہ صاحب جلد 5 صفحہ 543 کتاب الجزيه حديث 3183)
گو یہاں تو دھو کہ ہوا اور وہ نتائج نہیں نکلے لیکن مومن کو ہمیشہ حسن ظن رکھنا چاہئے اور جو معاہدے اللہ
تعالیٰ کے نام پر کئے جانے کی کوشش کی جائے تو ساری چیزیں دیکھ کر اسے کر لینا چاہئے یہی مومنانہ شان ہے۔لیکن
بہر حال دوبارہ دھو کہ نہیں کھانا چاہئے۔وہاں تو اللہ تعالیٰ نے آنحضرت صلی اللہ علیہ وسلم کو بتا بھی دیا تھا۔اسی کو بیان
کرتے ہوئے حضرت سہل نے یہ کہا کہ اگر معاہدہ ہو رہا ہے ، جنگ بندی ہو رہی ہے تو ہمیں بھی صلح حدیبیہ والے
واقعہ کو سامنے رکھتے ہوئے صلح کر لینی چاہئے۔حضرت سہل بن حنیف سے روایت ہے آپ بیان کرتے ہیں کہ رسول اللہ صلی اللہ علیہ وسلم نے مجھ سے
مخاطب ہو کر فرمایا کہ تم مکہ کی طرف میرے پیامبر ہو۔پس تم جا کر انہیں میر اسلام پہنچانا اور ان سے کہنا کہ رسول
اللہ صلی اللہ علیہ وسلم تمہیں تین باتوں کا حکم دیتے ہیں۔اپنے باپ دادا کی قسمیں نہ کھاؤ۔باپ دادا کی قسمیں کھانا
منع ہے۔گناہ ہے۔جب تم قضائے حاجت کے لئے بیٹھو تو اپنا منہ اور پیٹھ قبلہ رخ کر کے نہ بیٹھو۔شمالاً جنوبا بیٹھنا
چاہئے۔اسی طرح تیسری نصیحت یہ فرمائی کہ ہڈی اور گوبر سے استنجانہ کرو۔(المستحرك على الصحيحين جلد 4 صفحہ 127 ذکر مناقب سهل بن حنیف، حدیث 5837 دارالفکر بيروت 2002ء)

خطبات مسرور جلد 16
403
خطبه جمعه فرمودہ مورخہ 24 اگست 2018
اس میں بھی بڑی حکمت ہے کئی قسم کے بیکٹریا ہوتے ہیں جس سے انفیکشن کا خطرہ ہوتا ہے۔آجکل تو ٹشو اور
پانی کا رواج ہے لیکن اس زمانے میں جنگلوں میں پتھر اور ہڈیاں وغیرہ استعمال کی جاتی تھیں جس سے آپ نے منع فرمایا۔جیسا کہ پہلے حضرت علیؓ کے ضمن میں ذکر ہو چکا ہے کہ انہوں نے کہا کہ میری تلوار نے آج کمال کر دیا تو
حضرت عاصم بن ثابت اور سہل بن حنیف کے بارے میں بھی آنحضرت صلی اللہ علیہ وسلم نے یہی فرمایا تھا کہ ان کی
تلواروں نے بھی آج کمال کیا ہے۔جب حضرت علی رضی اللہ تعالیٰ عنہ کی بیعت کی گئی تب بھی سہل جو تھے وہ ان کے ساتھ تھے۔جب
حضرت علی بصرہ کے لئے روانہ ہوئے تو حضرت سہل کو اپنا قائمقام مقرر فرمایا۔آپ حضرت علی کے ساتھ جنگ
صفین میں شامل ہوئے۔حضرت علی نے آپ کو بلاد فارس کا والی مقرر فرمایا لیکن وہاں کے لوگوں نے آپ کو نکال دیا
جس پر حضرت علی نے حضرت زیاد کو بھیجا جن سے اہل فارس راضی ہوئے اور مصالحت کی اور خراج ادا کیا۔نکال
اس لئے نہیں دیا تھا کہ نعوذ باللہ آپ کوئی غلط کام رہے تھے بلکہ مختلف طبائع ہوتی ہیں۔ہر ایک انسان کی مختلف
خصوصیات ہوتی ہیں اس لحاظ سے حضرت زیاد اہل فارس کو بہتر رنگ میں قابو کر سکے اور پھر ان سے مصالحت بھی ہو
گئی اور خراج وغیرہ بھی وصول کیا۔(الاستيعاب في معرفة الاصحاب جلد 2 صفحه 223 دار الكتب العلمية بيروت 2002ء)
حضرت سہل بن حنیف کی وفات جنگ صفین سے واپسی پر کوفہ میں 38 ہجری میں ہوئی۔آپ کی نماز
جنازہ حضرت علی نے پڑھائی۔حضرت حنش بن معمر بیان کرتے ہیں کہ جب حضرت سہل بن حنیف کی وفات ہوئی تو حضرت علی رضی
اللہ تعالیٰ عنہ آپ کی نماز جنازہ پڑھانے کے لئے میدان میں تشریف لائے۔حضرت علی نے نماز جنازہ میں چھ
تکبیرات کہیں۔یہ بات کچھ لوگوں کو ناگوار گزری۔اس پر آپ نے لوگوں کو کہا کہ حضرت سہل بدری صحابی ہیں۔جب ان کا جنازہ جہانہ کے مقام پر پہنچا تو حضرت قرہ بن کعب اپنے چند ساتھیوں کے ہمراہ ہمیں ملے۔انہوں نے
حضرت علی کی خدمت میں عرض کیا کہ یا امیر المومنین! ہم حضرت سہل کی نماز جنازہ میں شامل نہیں ہو سکے تھے۔اس پر حضرت علی نے انہیں آپ کی نماز جنازہ پڑھنے کی اجازت دی۔پس انہوں نے حضرت قرظہ کی امامت میں
حضرت سہل کی نماز جنازہ ادا کی۔(المستدرك على الصحيحين جلد 4 صفحه 124 ذكر مناقب سهل بن حنیف حدیث 5827 دارالفکر
بيروت 2002ء) الطبقات الكبرى لابن سعد جلد 3 صفحہ 248 و من بنى حنش بن عوف۔۔۔۔سهل بن حنيف،
دار احياء التراث العربی بیروت لبنان 1996ء)
تیسرے صحابی جن کا ذکر ہو گا وہ حضرت بہار بن صخر ہیں۔صخر بن امیہ کے بیٹے تھے۔حضرت جبار ستر
انصار کے ساتھ بیعت عقبہ ثانیہ میں شامل ہوئے۔آپ صلی اللہ علیہ وسلم نے حضرت بخبار اور حضرت مقداد بن
عمرو کے درمیان مواخات قائم کی۔غزوہ بدر کے وقت ان کی عمر 32 سال تھی۔رسول اللہ صلی اللہ علیہ وسلم انہیں

خطبات مسرور جلد 16
404
خطبه جمعه فرمودہ مورخہ 24 اگست 2018
خَارِص ( یعنی کھجوروں کی پیداوار کا اندازہ کرنے والا ) بنا کر خیبر وغیرہ بھیجا کرتے تھے۔ان کی وفات حضرت عثمان
کے دور خلافت میں تیس ہجری میں مدینہ میں ہوئی۔وفات کے وقت آپ کی عمر 62 سال تھی۔حضرت بخبار غزوہ
بدر، احد ، خندق اور تمام غزوات میں رسول اللہ صلی اللہ علیہ وسلم ہمرکاب تھے۔الطبقات الكبرى لابن سعد جز 3 صفحه 293 ومن بني عبيد بن عدى۔۔۔۔، داراحياء التراث العربي
بیروت1996ء(المعجم الكبير للطبراني جلد 2 صفحہ 270 جبار بن صخر، طبع ثانی داراحیاء التراث العربی بیروت)
حضرت جبار بن صخر رضی اللہ تعالیٰ عنہ سے روایت ہے کہ آپ بیان کرتے ہیں کہ آنحضرت صلی اللہ
علیہ وسلم نے فرمایا جبکہ آپ مکہ کی طرف جارہے تھے کہ کون ہم سے پہلے انشائیہ مقام پر جائے اور ہمارے پہنچنے تک
اس کے حوض کے سوراخوں کو مٹی سے درست کر کے اور اسے فراخ کر کے اس میں پانی بھر دے گا۔ابو اونیس ایک
راوی کہتے ہیں کہ یہ وہ جگہ تھی جہاں رسول اللہ صلی اللہ علیہ وسلم نے ہمیں روانہ فرمایا تھا۔راوی کہتے ہیں کہ حضرت
جبار نے بیان کیا کہ اس پر میں کھڑا ہوا اور عرض کیا کہ میں یہ خدمت سر انجام دوں گا۔آپ نے فرمایا جاؤ۔پس
میں انثا یہ پہنچا اس کے حوض کو مرمت کر کے اسے کھلا کیا اور اسے بھر دیا۔پھر مجھ پر نیند کا غلبہ ہوا اور میں سو گیا اور
مجھے نہیں جگایا مگر اس شخص نے جس کی اونٹنی اس سے چھوٹی جارہی تھی۔(یعنی کہ بہت تیز وہاں پر پہنچی) اور وہ اسے
حوض پر جانے سے روک رہا تھا۔(اونٹنی پانی کی طرف جارہی تھی)۔اس شخص نے مجھے کہا اے حوض والے ! اپنے
حوض پر پہنچو تو میں کیا دیکھتا ہوں کہ وہ رسول اللہ صلی اللہ علیہ وسلم ہیں۔میں نے عرض کیا جی۔یہ بیان کرتے ہیں
کہ پھر حضور نے اپنی سواری کو گھاٹ پر اتارا۔پھر آپ مڑے اور سواری کو بٹھایا۔پھر آپ نے فرمایا برتن لے کر
میرے ساتھ آؤ۔میں برتن لے کر آپ کے پیچھے پیچھے گیا۔آپ صلی اللہ علیہ وسلم نے اچھی طرح وضو فرمایا۔میں
نے بھی آپ کے ساتھ وضو کیا پھر آپ نماز کے لئے کھڑے ہوئے۔میں آپ کے بائیں طرف کھڑا ہو گیا۔وہاں
پہنچنے کے بعد آنحضرت صلی اللہ علیہ وسلم نے پہلا کام یہ فرمایا کہ وضو کیا اور نفل ادا کرنے کے لئے کھڑے ہو گئے۔کہتے ہیں کہ میں بائیں طرف کھڑا ہوا تو آنحضرت صلی اللہ علیہ وسلم نے میرا ہاتھ پکڑ کر مجھے اپنے دائیں طرف کھڑا
کیا۔یعنی آنحضرت کے نفل پڑھتے ہوئے انہیں یہ خیال آیا کہ آنحضرت صلی اللہ علیہ وسلم کے ساتھ نفل پڑھنے
چاہئیں تو یہ بائیں طرف کھڑے ہو گئے۔لیکن آنحضرت صلی اللہ علیہ وسلم نے فورا ہاتھ پکڑ کے دائیں طرف کر دیا کہ
جب باجماعت نماز ہو رہی ہو اور دو شخص ہوں تو دوسرے کو امام کے دائیں طرف کھڑا ہونا چاہئے۔کہتے ہیں پس ہم
نے نماز پڑھی اور ابھی ہم نماز پڑھ ہی رہے تھے کہ باقی لوگ بھی آگئے۔(مسند احمد بن حنبل جلد 5 صفحه 330 اول مسند المكيين والمدنيين حديث جبار بن صخر عن النبي
حدیث نمبر 15550 عالم الكتب بيروت 1998ء)
غزوہ بدر کے روز آنحضرت صلی اللہ علیہ وسلم نے دعا فرمائی کہ اللَّهُمَّ الْفِنِي نَوْفَلَ ابْنَ خُوَيْلِهِ کہ
اے اللہ ! نوفل بن خویلد جو کہ قریش مکہ کے مشرکین کا ایک سردار تھا، کے مقابل میرے لئے کافی ہو جا۔حضرت جبار
بن صخر نے اسے قیدی بنایا ہوا تھا اور حضرت علی اس کے پاس آئے اور اسے قتل کر دیا۔پھر آپ صلی اللہ علیہ وسلم
نے دریافت فرمایا کہ کسی کو نوفل کی کچھ خبر ہے ؟ حضرت علی نے عرض کیا کہ میں نے اسے قتل کر دیا ہے اور اس پر

خطبات مسرور جلد 16
405
خطبه جمعه فرمودہ مورخہ 24 اگست 2018
آپ نے یہ دعا کی کہ تمام تعریف اللہ کے لئے ہے جس نے اپنی جناب سے میری دعا قبول فرمائی۔یہ بڑا شدید دشمن
تھا۔اس کے لئے آپ نے اللہ تعالیٰ کو کہا تھا میرے لئے کافی ہو جا۔اللہ تعالیٰ نے پھر اس کے قتل کے سامان پیدا کئے۔(سبل الهدى والرشاد في سيرة خير العباد جلد 4 صفحه 49 غزوة بدر الكبرى ، ذكر رمی رسول الله الله الكفار
بالحصباء۔۔۔۔۔دار الكتب العلمية بيروت 1993ء)
پھر ایک روایت میں آتا ہے کہ جب آنحضرت صلی اللہ علیہ وسلم نے مدینہ ہجرت فرمائی تو ہر شخص کو
خواہش تھی کہ آپ صلی اللہ علیہ وسلم اس کے گھر قیام کریں۔اس کے بارے میں بہت سارے حوالے آتے ہیں۔لیکن آپ صلی اللہ علیہ وسلم نے فرمایا کہ جہاں میری اونٹنی بیٹھے گی وہیں میرا قیام ہو گا۔جب اونٹنی مدینہ کی گلیوں
سے گزری تو ہر شخص نے آپ صلی اللہ علیہ وسلم سے عرض کیا کہ یار سول اللہ صلی اللہ علیہ وسلم !ہماری طرف قیام
کریں۔لیکن آپ یہی فرماتے تھے کہ اس کا راستہ چھوڑ دو اس کو حکم دیا گیا ہے۔یعنی اللہ کی مرضی سے یہ خود ہی بیٹھے
گی۔یہاں تک کہ آپ کی اونٹنی چلتے چلتے جہاں اب مسجد نبوی کا دروازہ ہے اس جگہ پہنچی اور مسجد کے دروازے والی
جگہ پر بیٹھ گئی۔جب اونٹنی بیٹھ چکی تو آپ صلی اللہ علیہ وسلم پر نزول وحی کی کیفیت طاری ہوئی۔آپ ابھی اونٹنی پر ہی
تشریف فرما تھے کہ پھر وہ اونٹنی اٹھی اور تھوڑا آگے گئی۔آپ صلی اللہ علیہ وسلم نے اس کی نکیل چھوڑی ہوئی تھی۔پھر وہ اونٹنی دوبارہ وہیں آکر بیٹھ گئی اور اپنی گردن زمین پر رکھ دی۔اس موقع پر حضرت جبار بن صخر اس امید پر کہ
اونٹنی بنو سلمہ کے محلے میں جاکر ٹھہرے اسے اٹھانے کی کوشش کرنے لگے لیکن وہ نہ اٹھی اور رسول اللہ صلی اللہ
علیہ وسلم نیچے اترے اور فرمایا کہ انشاء اللہ یہاں ہمارا قیام ہو گا اور آپ نے اس آیت کی تلاوت فرمائی۔وَقُل رَّبِّ
انْزِلْنِي مُنْزَلًا مُبْرَكًا وَ أَنْتَ خَيْرُ الْمُنْزِلِینَ۔(المؤمنون: 30) کہ اے میرے رب! تو مجھے ایک مبارک اترنے کی
جگہ پر اتار اور تو اتار نے والوں میں سے سب سے بہتر ہے۔پھر رسول اللہ صلی اللہ علیہ وسلم نے فرمایا کہ کون سب
سے قریب ہے۔حضرت ابوایوب انصاری نے عرض کیا کہ میں یارسول اللہ ! یہ میراگھر ہے۔یہ میر ادروازہ ہے اور
ہم نے آپ کا کجاوہ اندر رکھ دیا ہے۔آپ نے فرمایا کہ چلو اور ہمارے آرام کرنے کی جگہ تیار کرو۔پس وہ گئے اور
آپ کے آرام کرنے کی جگہ تیار کی۔(سبل الهدى والرشاد في سيرة خير العباد جلد 3 صفحه 272-273 جماع ابواب الهجرة الى المدينة
الشريفة الباب السادس فى قدومه عليها الله۔دار الكتب العلمية بيروت 1993ء)
شاس بن قیس ایک عمر رسیدہ شخص تھا اور سخت کا فر تھا۔مسلمانوں سے سخت شدید کینہ اور بغض رکھتا تھا۔اس کا گزر مسلمانوں کی ایک جماعت پر ہوا جو مجلس میں بیٹھے باتیں کر رہے تھے۔جب اس نے ان کی باہمی الفت،
اتحاد اور آپس کی صلح کاری دیکھی کہ یہ بیٹھے ہوئے ہیں اور جنسی خوشی پیار اور محبت سے باتیں کر رہے ہیں۔صلح کی جو
یہ فضا تھی یہ جاہلیت کی دشمنی کے بعد اسلام کی بدولت انہیں حاصل ہوئی تھی۔اس سے پہلے ان لوگوں کی دشمنیاں
تھیں۔لیکن اسلام کی بدولت انہیں یہ صلح کی، باہمی الفت اور پیار اور محبت کے سلوک کی توفیق ملی تو کہتے ہیں وہ ایسی
بات کو دیکھ کے غضبناک ہو گیا کیونکہ جب وہ مسلمان ہوئے تو اللہ تعالیٰ نے ان کے دلوں کو ملا دیا۔شاس بن قیس
نے کہا کہ بنو قیلہ کے سردار اس علاقے میں بیٹھے ہیں۔جب تک ان کے سر دار آپس میں اکٹھے ہیں ہمیں قرار نصیب

خطبات مسرور جلد 16
406
خطبہ جمعہ فرمودہ مورخہ 24 اگست 2018
نہیں ہو سکتا۔یہ کس طرح ہو سکتا ہے کہ یہ جو دشمنیاں ہیں وہ دوستیوں میں بدل جائیں بلکہ محبت اور پیار میں بدل
جائیں۔اس نے ایک یہودی جو ان کو جو اس کے ساتھ تھا اس کام پر لگایا کہ ان کے پاس جا کر ان کے ساتھ بیٹھے اور
جنگ بعاث اور اس سے پہلے کے حالات کا ذکر چھیڑے اور انہیں وہ شعر سنائے جو یہی لوگ اور دو مختلف قبیلے ایک
دوسرے کے خلاف کہا کرتے تھے۔پس اس نے ایسا ہی کیا اور ایک قبیلے نے جنگ میں جو دوسرے قبیلے کے خلاف
اشعار کہے تھے ان میں سے بعض پڑھے۔اس بات نے گویا ان کے سینوں میں آگ بھڑ کا دی۔دوبارہ وہی جاہلیت کا
شعر سن کر جاہلیت کا زمانہ ان پر عود کر آیا۔اس پر دوسرے قبیلے والوں نے کہا کہ ہمارے شاعر نے اس دن ایسے
ایسے کہا تھا اس نے بھی وہی جاہلانہ شعر پڑھ دیئے۔پھر پہلے قبیلے والوں نے کہا کہ ہمارے شاعر نے اس دن ایسے
ایسے کہا تھا۔پس وہ سب آپس میں ایک وقت تھا کہ محبت اور پیار سے بیٹھے باتیں کر رہے تھے لیکن اس فتنہ کی وجہ
سے آپس میں تلخ کلامی کرنے لگے، جھگڑنے لگے اور تفاخر کرنے لگے یہاں تک کہ ان میں سے دوافراد حضرت اوس
بن قیظی اور حضرت جبار بن صخر باہم الجھ پڑے۔ان میں سے ایک نے دوسرے سے کہا کہ اگر تم چاہو تو ہم ابھی
جنگ کا آغاز کر دیتے ہیں۔یہاں تک نوبت آگئی کہ دونوں فریق غصہ میں آکر لڑائی کی جگہ مقرر کرنے لگے اور زمانہ
جاہلیت کے دعوے کرنے لگے۔رسول اللہ صلی اللہ علیہ وسلم تک اس کی خبر پہنچی تو آپ اوس اور خزرج کے پاس
آئے۔آپ کے ساتھ مہاجرین صحابہ کرام تھے۔آپ صلی اللہ علیہ وسلم نے فرمایا اے مسلمانوں کے گروہ! اللہ کا
تقویٰ اختیار کرو۔اللہ کا تقویٰ اختیار کرو۔کیا تم اب بھی جاہلیت والے دعوے کرتے ہو جبکہ میں تمہارے درمیان
موجود ہوں اور اللہ نے تمہیں اسلام کی طرف ہدایت دے دی ہے اور اس کے ذریعہ تمہیں عزت بخشی اور تم سے
جاہلیت کا معاملہ ختم کر دیا۔تمہیں کفر سے بچا لیا ہے اور تم میں باہم الفت ڈال دی ہے۔کیا تم پہلے کی طرح کفر میں
لوٹنے لگے ہو۔صحابہ کرام کو پتہ چل گیا کہ یہ ایک شیطانی وسوسہ ہے اور ان کے دشمن کی چال ہے۔پس انہوں نے
اپنے ہتھیار پھینکے اور رونے لگ گئے اور اوس اور خزرج کے افراد آپس میں گلے ملنے لگے اور رسول اللہ صلی اللہ علیہ
وسلم کے ساتھ سر تسلیم خم کئے اطاعت کا دم بھرتے واپس آگئے۔اللہ تعالیٰ نے ان کے دشمن شاس بن قیس کی لگائی
ہوئی آگ کو ٹھنڈا کر دیا تھا۔اس پر یہ آیت بھی اتری کہ قُلْ يَاهْلَ الْكِتبِ لِمَ تَكْفُرُونَ بِأَيْتِ اللهِ وَاللَّهُ شَهِيدٌ
عَلَى مَا تَعْمَلُونَ قُلْ يَأَهْلَ الْكِتَبِ لِمَ تَصُدُّونَ عَنْ سَبِيْلِ اللهِ مَنْ آمَنَ تَبْغُوْنَهَا عِوَجًا وَأَنْتُمْ شُهَدَاءُ
وَمَا اللَّهُ بِغَافِلٍ عَمَّا تَعْمَلُونَ (آل عمران: 99-100) کہ ان سے کہہ دے اے اہل کتاب ! کیوں تم اللہ کی
آیات کا انکار کرتے ہو جبکہ اللہ اس پر گواہ ہے جو تم کرتے ہو۔اور کہہ دے اے اہل کتاب! تم اسے جو ایمان لایا ہے
اللہ کی راہ سے کیوں روکتے ہو یہ چاہتے ہوئے کہ اس راہ میں کبھی پیدا کر وجب کہ تم حقیقت پر گواہ ہو اور اللہ اس سے
غافل نہیں جو تم کرتے ہو۔حضرت اوس بن قیظی اور حضرت جبار بن صخر اور جو اُن کے ساتھی تھے جنہوں نے شاس کے بہکاوے
میں آکر جاہلیت کے زمانے کی طرح کا مظاہرہ کیا تھا ایسے لوگوں کے بارے میں بھی پھر یہ حکم نازل ہوا کہ یایھا
الَّذِينَ آمَنُوا إِنْ تُطِيْعُوا فَرِيقًا مِنَ الَّذِينَ أوتُوا الْكِتَبَ يَرُدُّوكُمْ بَعْدَ إِيْمَانِكُمْ كَفِرِيْنَ وَكَيْفَ

خطبات مسرور جلد 16
407
خطبہ جمعہ فرمودہ مورخہ 24 اگست 2018
تَكْفُرُونَ وَاَنْتُمْ تُتْلَى عَلَيْكُمْ أَيْتُ اللهِ وَفِيْكُمْ رَسُولُهُ وَمَنْ يَعْتَصِمُ بِاللَّهِ فَقَدْ هُدِى إِلَى صِرَاطٍ
مُّسْتَقِيمٍ - (آل عمران: 101-102) کہ اے وہ لوگو جو ایمان لائے ہو اگر تم نے ان لوگوں میں سے جنہیں
کتاب دی گئی کسی گروہ کی اطاعت کی تو وہ تمہیں تمہارے ایمان لانے کے بعد ایک دفعہ پھر کافر بنا دیں گے اور تم کیسے
انکار کر سکتے ہو جبکہ تم پر اللہ کی آیات پڑھی جاتی ہیں اور تم میں اس کا رسول موجو د ہے اور جو مضبوطی سے اللہ کو پکڑ
لے تو یقیناًوہ صراط مستقیم کی طرف ہدایت دیا گیا ہے۔(سبل الهدى والرشاد في سيرة خير العباد جلد3 صفحه 398-399، جماع ابواب بعض امور دارت بين رسول
الله الله و بين اليهود والمنافقين الباب السابع في ارادة شأس بن قيس۔۔۔۔دار الكتب العلمية بيروت 1993ء)
بہر حال یہ حالت تھی ان صحابہ کی۔ایک وقت میں شیطان کے دھو کہ میں تو آگئے لیکن جب احساس
دلایا گیا، جب آنحضرت صلی اللہ علیہ وسلم نے ان کو بتایا کہ کیوں جہالت میں واپس جارہے تھے تو فوراًند امت پیدا
ہوئی اور صلح کی طرف قدم بڑھایا بلکہ محبت اور بھائی چارے کا اظہار کیا۔تو یہ ان کے نمونے تھے۔اب جو لوگ ذرا ذرا سی بات پر جھوٹی غیر توں اور اناؤں میں مبتلا ہو جاتے ہیں ان کے لئے بھی یہ ایک
عظیم اسوہ ہے۔اگر وہ ایک دوسرے کے خون کے پیاسے جنگیں کرنے والے بھائی بھائی بن گئے تو اب ایک کلمہ
پڑھنے والے بلکہ ایک جماعت میں پیدا ہونے والے لوگ کیوں اپنی اناؤں کو ختم نہیں کر سکتے۔بہت سارے
معاملات ایسے آتے ہیں کہ جھوٹی اناؤں کی وجہ سے رنجشیں چلتی ہیں، مہینوں سالوں چلتی ہیں۔بعض نوجوان لکھتے ہیں
کہ اب جو نئی نسل ہے وہ ایک دوسرے سے رشتے قائم کرنا چاہتی ہے تو ہمارے خاندانوں کی رنجشوں کی وجہ سے،
اپنے بزرگوں کی وجہ سے، اپنے بڑوں کی وجہ سے ، بزرگ تو نہیں کہنا چاہئے ، بڑوں کی وجہ سے وہ رشتے قائم نہیں
ہوتے۔ان لوگوں کو عقل کرنی چاہئے کہ اللہ تعالیٰ نے جو تعلیم دی ہے یہی محبت اور پیار کی تعلیم دی ہے۔اکائی کی
تعلیم دی ہے اور ایک قوم بنایا ہے، ہمیں ایک قوم بن کے رہنا چاہئے اور جھوٹی اناؤں میں دوبارہ ڈوبنا نہیں چاہئے۔اللہ تعالیٰ سب کو عقل دے۔ایک روایت یہ بھی ہے کہ جب حضرت عمرؓ نے یہود کو خیبر سے نکالا تو خود انصار و مہاجرین کو ساتھ لے کر
جن میں حضرت جبار بن صخر اور حضرت یزید بن ثابت بھی تھے خیبر کے لئے روانہ ہوئے۔یہ دونوں حضرات خیبر
کی پیداوار کا تخمینہ لگانے جایا کرتے تھے اور ان دونوں آدمیوں نے اسی تقسیم کے مطابق جو پہلے سے تھی ہر ایک کا
علیحدہ کر دیا۔وادی قریٰ کی تقسیم میں حضرت عمر نے جہاں دیگر اصحاب کو حصہ دیا وہاں ایک حصہ حضرت جبار
بن صخر کو بھی دیا گیا۔(السيرة النبوية لابن هشام جلد 3 صفحه 639 ، امر فدك فى خبر خيبر المكتبه العصريه بيروت 2011ء)
تو یہ تھے ان صحابہ کے بعض حالات۔اللہ تعالیٰ ان کے درجات بلند فرماتا چلا جائے۔الفضل انٹر نیشنل مورخہ 14 ستمبر 2018 ء تا 20 ستمبر 2018، جلد 25 شماره 37 صفحہ 09105)

آج 10 میں سے 10 باقی