بدری اصحاب نبویؐ کی سِیرِ مبارکہ: حضرت علیؓ

خطبات مسرور جلد 18
635
49
خطبه جمعه فرمودہ مورخہ 04 دسمبر 2020ء
خطبہ جمعہ سیدنا امیر المومنین حضرت مرزا مسرور احمد خلیفۃ المسیح الخامس ایدہ اللہ تعالیٰ بنصرہ العزیز
فرمودہ مورخہ 04 دسمبر 2020ء بمطابق 04 فتح 9 139 ہجری شمسی
بمقام مسجد مبارک، اسلام آباد، ٹلفورڈی سرے)، یوکے
تشهد و تعوذ اور سورۃ فاتحہ کی تلاوت کے بعد حضور انور ایدہ اللہ تعالیٰ نے فرمایا:
گذشتہ خطبے سے حضرت علی رضی اللہ تعالیٰ عنہ کا ذکر چل رہا تھا۔آج بھی اسی سلسلے میں بیان کروں گا۔حضرت علی کی مواخات کے بارے میں روایت میں ہے کہ آنحضرت صلی اللہ علیہ وسلم نے حضرت علی کو دو مر تبہ
اپنا بھائی قرار دیا۔ایک مرتبہ رسول اللہ صلی اللہ علیہ وسلم نے مہاجرین کے درمیان مکے میں مؤاخات قائم فرمائی۔پھر آپ نے مہاجرین اور انصار کے درمیان مدینے میں ہجرت کے بعد مؤاخات قائم فرمائی اور دونوں مرتبہ حضرت
علی سے فرمایا۔اَنْتَ آخِي فِي الدُّنْيَا وَالْآخِرَة تم دنیا اور آخرت میں میرے بھائی ہو۔(اسد الغابه لمعرفة الصحابه لابن اثير جلد 4 صفحه 88 ذكر على بن ابی طالب، دارالکتب العلمية بيروت 2016ء)
ایک روایت کے مطابق رسول
اللہ صلی اللہ علیہ وسلم نے حضرت علی بن ابو طالب اور حضرت سهل بن
حنیف کے درمیان مواخات کارشتہ قائم کیا۔(الطبقات الكبرى لابن سعد جزء 3 صفحه 16 باب ذکر علی ابن ابی طالب مطبوعه دارالکتب العلمية بيروت لبنان 2017ء)
یہ مؤاخات کب کب ہوئی ؟ اس بارے میں تاریخ میں ذکر ملتا ہے کہ مؤاخات دو مر تبہ ہوئی۔چنانچہ صحیح
بخاری کے ایک شارح علامہ قسطلانی بیان کرتے ہیں کہ مؤاخات دو مر تبہ ہوئی۔پہلی مرتبہ ہجرت سے قبل کتنے میں
مہاجرین میں جن میں آپ صلی اللہ علیہ وسلم نے حضرت ابو بکر اور حضرت عمرؓ کے درمیان، حضرت عثمان اور
حضرت عبد الرحمن بن عوف کے درمیان، حضرت زبیر اور حضرت عبد اللہ بن مسعودؓ کے درمیان اور حضرت علی
اور اپنے درمیان مواخات قائم فرمائی۔پھر جب آپ صلی اللہ علیہ وسلم مدینہ تشریف لائے تو مہاجرین اور انصار کے
در میان حضرت انس بن مالک کے گھر میں مؤاخات قائم فرمائی۔ابن سعد بیان کرتے ہیں کہ آپ صلی اللہ علیہ وسلم
نے سو صحابہ کے درمیان مواخات قائم فرمائی یعنی پچاس مہاجرین اور پچاس انصار کے درمیان۔(ارشاد الساری شرح صحیح بخاری جزء 8 صفحه 410-411 حدیث نمبر 3937دار الكتب العلمية بيروت 1996ء)
حضرت علی غزوہ بدر سمیت تمام غزوات میں رسول اللہ صلی اللہ علیہ وسلم کے ساتھ شامل ہوئے سوائے
غزوہ تبوک کے۔غزوہ تبوک میں رسول اللہ صلی اللہ علیہ وسلم نے ان کو اہل و عیال کی نگہداشت کے لیے مقرر
فرمایا تھا۔(اسد الغابه لمعرفة الصحابه لابن اثیر جلد 04 صفحه 92 ذکر علی بن ابی طالب، دارالفكر للطباعة والنشر التوزيع بيروت 2003ء)

خطبات مسرور جلد 18
636
خطبہ جمعہ فرمودہ مورخہ 04 دسمبر 2020ء
حضرت تغلبه بن ابو مالك بیان کرتے ہیں کہ حضرت سعد بن عبادہ ہر موقعے پر رسول اللہ صلی اللہ
علیہ وسلم کی طرف سے علمبر دار ہوتے تھے مگر جب لڑائی کا وقت آتا تو حضرت علی بن ابو طالب جھنڈالے لیتے۔(اسد الغابہ فی معرفۃ الصحابه لابن اثیر جلد 04 صفحه 93 ذكر على بن ابی طالب، دارالفكر للطباعة والنشر والتوزيع بيروت 2003)
غزوه عشیره جمادی الاولی دو ہجری میں ہوا تھا۔تاریخ وسیرت کی کتب میں اس غزوہ کا نام غزوہ
عُشَیرہ کے علاوہ غزوہ ذوالعشیرہ، ذات العشیرہ اور عسیرہ بھی بیان ہوا ہے۔عشیرہ ایک قلعے کا نام ہے
جو کہ حجاز میں يَنْبُعْ اور ذُوالْمَرْوَة کے درمیان واقع ہے۔اس کے متعلق تفصیل بیان فرماتے ہوئے حضرت مرزا
بشیر احمد صاحب نے یوں تحریر فرمایا ہے کہ جمادی الاولیٰ سن 12 ہجری میں قریش مکہ کی طرف سے کوئی خبر پا کر آپ
صلی اللہ علیہ وسلم مہاجرین کی ایک جماعت کے ساتھ مدینے سے نکلے اور اپنے پیچھے اپنے رضاعی بھائی ابو سلمہ بن
عبد الاسد کو امیر مقرر فرمایا۔اس غزوے میں آپ صلی اللہ علیہ وسلم کئی چکر کاٹتے ہوئے بالآخر ساحل سمندر کے
قریب يَنبغ کے پاس مقام عشیرہ تک پہنچے اور گو قریش کا مقابلہ نہیں ہوا مگر اس میں آپ صلی اللہ علیہ وسلم نے
قبیلہ بنو مڈ لیج کے ساتھ ایک معاہدہ طے فرمایا اور پھر واپس تشریف لے آئے۔(ماخوذ از سیرت خاتم النبیین از حضرت مرزا بشیر احمد صاحب ایم۔اے صفحہ 329)
(لغات الحدیث جلد 3 صفحہ 110-111 زیر لفظ عشیره)
(السيرة الحلبية جلد 2 صفحه 175 باب ذكر مغازيه ، غزوة العشيره مطبوعه دارالکتب العلمية بيروت 2002ء)
الدلائل النبوة للبيهقی جلد 5 صفحه 460 مطبوعه دار الكتب العلمية بيروت 1988ء)
حضرت علی اس غزوے میں شامل ہوئے تھے۔اس حوالے سے مسند احمد بن حنبل کی روایت اس طرح
ہے کہ حضرت عمار بن یاسر بیان کرتے ہیں کہ غزوۂ ذات العشیر ہمیں حضرت علی اور میں رفیق سفر تھے۔جب
آنحضور صلی اللہ علیہ وسلم اس جگہ تشریف لے گئے اور وہاں قیام فرمایا تو ہم نے بنو مذلج کے لوگوں کو دیکھا کہ وہ
کھجور کے باغات میں اپنے ایک چشمے پر کام کر رہے ہیں۔حضرت علی نے مجھے فرمایا اے ابو يقظان تمہاری کیا رائے
ہے ؟ کیا ہم ان لوگوں کے پاس جائیں اور دیکھیں وہ کیا کر رہے ہیں ؟ پس ہم ان کے پاس آئے اور ان کے کام کو کچھ
دیر دیکھا۔پھر ہمیں نیند آنے لگی تو میں اور حضرت علی وہاں سے چلے اور کھجوروں کے درمیان مٹی پر ہی لیٹ کر سو
گئے۔اللہ کی قسم! ہمیں نبی اکرم صلی اللہ علیہ وسلم کے علاوہ کسی نے نہ جگایا۔آپ صلی اللہ علیہ وسلم نے ہمیں اپنے
پاؤں کے مس سے جگایا جبکہ ہمارے جسموں پر مٹی لگ چکی تھی۔اس دن نبی کریم صلی اللہ علیہ وسلم نے حضرت علیؓ
کے جسم پر مٹی دیکھ کر فرمایا۔اے ابو تراب ! پھر آپ نے فرمایا کیا میں تمہیں دو بد بخت ترین آدمیوں کے بارے میں
نہ بتاؤں۔ابوتراب کا ذکر پچھلی دفعہ بھی خطبے میں ہوا تھا کہ مسجد میں سوئے ہوئے تھے۔مٹی لگ گئی تھی تو آپ نے
کہا اے ابو تراب ! ابو تراب کے نام سے پکارا۔اس وقت سے آپ کی کنیت یہ بھی ہو گئی تھی یا ہو سکتا ہے اس وقت
سے آپ نے یہ نام رکھا ہو ، بعد میں بھی ہو یا دونوں جگہ فرمایا ہو۔جو بھی پہلے کا واقعہ ہے۔پہلے کا واقعہ تو یہی لگتا ہے۔بہر حال کیا میں تمہیں دو بد بخت ترین آدمیوں کے بارے میں نہ بتاؤں ! ہم نے کہا ہاں یارسول اللہ ! آپ نے فرمایا
پہلا شخص قوم ثمود کا احیمر تھا جس نے صالح علیہ السلام کی اونٹنی کی ٹانگیں کاٹی تھیں اور دوسرا شخص وہ ہے جو

خطبات مسرور جلد 18
637
خطبه جمعه فرمودہ مورخہ 04 دسمبر 2020ء
اے علی !تمہارے سر پر وار کرے گا یہاں تک کہ خون سے یہ داڑھی تر ہو جائے گی۔(مسند احمد بن حنبل جلد 106 صفحہ 261 مند عَمَّار بن ياسر حديث : 18511 عالم الكتب للطباعة والنشر التوزيع بيروت 1998ء)
غزوۂ سَفْوَان بَدْرُ الأولى جُمَادَى الآخر میں 12 ہجری میں ہوا تھا۔حضرت مرزا بشیر احمد صاحب
نے اس کے بارے میں تفصیل اس طرح لکھی ہے کہ ابھی آنحضرت صلی اللہ علیہ وسلم کو غزوۂ عشیرہ سے واپس
مدینہ تشریف لائے ہوئے دس دن بھی نہیں گزرے تھے کہ مکہ کے ایک رئیس گزر بن جَابِرٍ فِهْرِی نے قریش
کے ایک دستہ کے ساتھ کمال ہوشیاری سے مدینہ کی چراگاہ پر جو شہر سے صرف تین میل پر تھی اچانک حملہ کیا اور
مسلمانوں کے اونٹ وغیر ہ لوٹ کر جاتا رہا۔آنحضرت صلی اللہ علیہ وسلم کو یہ اطلاع ہوئی تو آپ فوراًزید بن حارثہ
کو اپنے پیچھے امیر مقرر کر کے مہاجرین کی ایک جماعت کو ساتھ لے کر اس کے تعاقب میں نکلے اور سفوان تک
جو بدر کے پاس ایک جگہ ہے اس کا پیچھا کیا مگر وہ بچ کر نکل گیا۔اس غزوہ کو غزوہ بدرالاولی بھی کہتے ہیں۔(ماخوذ از سیرت خاتم النبیین از حضرت مرزا بشیر احمد صاحب مصفحه 330)
اس غزوے کے موقعے پر آپ صلی اللہ علیہ وسلم نے حضرت علی کو سفید جھنڈ اعطا فرمایا تھا۔(الطبقات الكبرى لابن سعد جزء 2 صفحه 253 ذكر عدد مغازی رسول الله الا الله و سرایاه مطبوعه داراحیاء
التراث بيروت لبنان 1996ء)
غزوہ بدر 2 / ہجری مطابق مارچ 623ء میں ہوا تھا اور اس کا ذکر اور اس میں حضرت علی کے بارے میں
یوں تذکرہ ملتا ہے کہ آنحضرت صلی اللہ علیہ وسلم نے حضرت علی، حضرت زبیر، حضرت سعد بن ابی وقاص اور
حضرت بشبش بن عمرو کو مشرکین کی خبر دریافت کرنے کے لیے بدر کے چشمہ پر بھیجا۔انہوں نے قریش کو
اپنے جانوروں کو پانی پلاتے ہوئے دیکھا اور مشرکین کی اس جماعت کو پکڑ کر رسول اللہ صلی اللہ علیہ وسلم کی خدمت
میں پیش کیا۔الطبقات الكبرى لابن سعد جزء 2 صفحه 256 غزوة بدر مطبوعه داراحياء التراث العربي بيروت لبنان 1996ء)
(سیرت خاتم النبیین از حضرت مرزا بشیر احمد صاحب صفحہ 349)
غزوہ بدر کے موقعے پر جب دونوں لشکر آمنے سامنے تھے تو سب سے پہلے ربیعہ کے دونوں بیٹے شنبه،
عُتبہ اور ولید بن عُتبہ نکلے اور مبارزت کی دعوت دی تو قبیلہ بنو حارث کے تین انصاری معاذ اور معوذ اور عوف
جو عفراء کے فرزند تھے ان کی طرف سے مقابلے کے لیے نکلے مگر رسول اللہ صلی اللہ علیہ وسلم نے یہ ناپسند فرمایا کہ
مسلمانوں اور مشرکین کے درمیان پہلی مڈھ بھیڑ میں انصار شامل ہوں بلکہ آپ نے یہ پسند فرمایا کہ آپ کے چچا کی
اولاد اور آپ کی قوم کے ذریعہ سے یہ شوکت ظاہر ہو۔پس آپ نے انصار کو حکم دیا تو وہ اپنی صفوں میں واپس آگئے
اور آپ نے ان کے لیے کلمہ خیر فرمایا۔پھر مشرکین نے کہا اے محمد ! ہماری طرف مقابلے کے لیے ہماری قوم میں
سے ہمارے ہم پلہ لوگ بھیجو۔پس رسول اللہ صلی اللہ علیہ وسلم نے فرمایا: اے بنو ہاشم ! اٹھو اپنے حق کے لیے لڑو
جس کے ساتھ اللہ نے تمہارے نبی کو مبعوث کیا ہے جبکہ وہ لوگ اپنے باطل کے ساتھ آئے کہ وہ اللہ کے نور کو بجھا
دیں۔پس حضرت حمزہ بن عبد المطلب، حضرت علی بن ابو طالب اور حضرت عُبَيْدَہ بن حارث کھڑے ہوئے

638
خطبه جمعه فرمودہ مورخہ 04 دسمبر 2020ء
خطبات مسرور جلد 18
اور ان کی طرف بڑھے تو عتبہ نے کہا کچھ بولو تا کہ ہم تمہیں پہچان سکیں۔ان لوگوں نے خود پہنے ہوئے تھے جن کی
وجہ سے چہرے چھپے ہوئے تھے۔حضرت حمزہ نے کہا کہ میں حمزہ بن عبد المطلب اللہ اور اس کے رسول صلی اللہ علیہ
وسلم کا شیر ہوں۔اس پر عتبہ نے کہا اچھا مقابل ہے اور میں حلیفوں کا شیر ہوں۔تیرے ساتھ یہ دو کون ہیں۔حضرت حمزہ نے کہا علی بن ابو طالب اور عبیدہ بن حارث۔عتبہ نے کہا دونوں اچھے مقابل ہیں۔پھر اس نے یعنی عتبہ
نے اپنے بیٹے سے کہا کہ اے ولید ! اٹھو۔پس حضرت علی اُس کے مقابل گئے اور ان دونوں میں تلوار چلنے لگی اور
حضرت علیؓ نے اسے قتل کر دیا۔پھر عقبہ کھڑا ہوا اور اس کے مقابل میں حضرت حمزہ نکلے۔پھر ان دونوں کے
درمیان تلوار چلی۔حضرت حمزہ نے اسے قتل کر دیا۔پھر شیبہ کھڑا ہوا اور اس کے مقابل پر حضرت عبیدہ بن
ا
حارث نکلے جبکہ وہ حضرت عبیدہ) اس دن رسول کریم صلی اللہ علیہ وسلم کے اصحاب میں سب سے زیادہ عمر رسیدہ
تھے۔شیبہ نے حضرت عبیدہ کی ٹانگ پر تلوار کا کنارا مارا جو آپ کی پنڈلی کے گوشت میں لگا اور اس کو چیر دیا۔حضرت حمزہ اور حضرت علیؓ نے شیبہ پر حملہ کیا اور اسے قتل کر دیا۔ا
(الطبقات الكبرى لابن سعد جزء 2 صفحه 257 غزوة بدر ، مطبوعه داراحياء التراث العربی بیروت لبنان 1996ء)
یہ روایت دو سال ہوئے پہلے بھی بیان ہوئی تھی۔کچھ حصہ میں بیان کرتاہوں۔ایک اور روایت ہے جو
حضرت علی بیان کرتے ہیں۔اس کا تذکرہ اس طرح ملتا ہے کہ عتبہ بن ربیعہ اور اس کے پیچھے اس کا بیٹا اور بھائی بھی
نکلے اور پکار کر کہا کہ کون ہمارے مقابلے کے لیے آتا ہے تو انصار کے کئی نوجوانوں نے اس کا جواب دیا۔عتبہ نے
پوچھا کہ تم کون ہوں ؟ انہوں نے بتادیا کہ ہم انصار میں سے ہیں۔عتبہ نے کہا کہ ہمیں تم سے کچھ لینا دینا نہیں ہے۔ہم تو صرف اپنے چچا کے بیٹوں سے جنگ کا ارادہ رکھتے ہیں۔نبی کریم صلی اللہ علیہ وسلم نے فرمایا ! اے حمزہ! اٹھو۔اے علی ! کھڑے ہو۔اے عبیدہ بن حارث ! آگے بڑھو۔حمزہ تو عتبہ کی طرف بڑھے اور حضرت علی کہتے ہیں کہ میں
شیبہ کی طرف بڑھا اور عبیدہ اور ولید کے درمیان جھڑپ ہوئی اور دونوں نے ایک دوسرے کو سخت زخمی کیا اور پھر
ہم ولید کی طرف متوجہ ہوئے اور اس کو مار ڈالا اور عبیدہ کو ہم میدان جنگ سے اٹھا کر لے آئے۔(سنن ابو داؤد كتاب الجهاد باب فى المبارزة حديث (2665)
حضرت علی رضی اللہ تعالیٰ عنہ غزوہ بدر کے بارے میں بیان کرتے ہیں کہ اس میں کفار کی تعداد
مسلمانوں سے بہت زیادہ تھی۔رات بھر رسول اللہ صلی اللہ علیہ وسلم خدا کے حضور عاجزانہ دعاؤں اور تضرعات
میں مصروف رہے۔جب کفار کا لشکر ہمارے قریب ہوا اور ہم ان کے سامنے صف آرا ہوئے تو ناگاہ ایک شخص پر
نظر پڑی جو سرخ اونٹ پر سوار تھا اور لوگوں کے درمیان اس کی سواری چل رہی تھی۔رسول کریم صلی اللہ علیہ وسلم
نے فرمایا: اے علی، حمزہ !جو کفار کے قریب کھڑے ہیں انہیں پکار کر پوچھو کہ سرخ اونٹ والا کون ہے اور کیا کہہ رہا
ہے ؟ پھر حضور صلی اللہ علیہ وسلم نے فرمایا کہ اگر ان لوگوں میں سے کوئی شخص انہیں خیر بھلائی کی نصیحت کر
سکتا ہے تو وہ سرخ اونٹ والا شخص ہے۔اتنی دیر میں حضرت حمزہ رضی اللہ تعالیٰ عنہ بھی آگئے۔انہوں نے آکر بتایا
کہ وہ عُتبہ بن ربیعہ ہے جو کفار کو جنگ سے منع کر رہا ہے جس کے جواب میں ابو جہل نے اسے کہا کہ تم بزدل ہو

خطبات مسرور جلد 18
639
خطبه جمعه فرمودہ مورخہ 04 دسمبر 2020ء
اور لڑائی سے ڈرتے ہو۔غلبہ نے جوش میں آکر کہا کہ آج دیکھتے ہیں کہ بزدل کون ہے۔(مسند احمد جلد 1 صفحه 338-339 حدیث 948 مسند علی بن ابی طالب مطبوعه عالم الكتب العلمية بيروت 1998ء)
بہر حال پھر وہ جنگ میں شامل ہوا۔حضرت علیؓ سے روایت ہے کہ رسول اللہ صلی اللہ علیہ وسلم نے غزوہ بدر کے موقعے پر میرے اور
حضرت ابو بکر کے بارے میں فرمایا تم دونوں میں سے ایک کے دائیں جانب حضرت جبرئیل ہیں اور دوسرے کے
دائیں جانب حضرت میکائیل ہیں اور حضرت اسرافیل عظیم فرشتہ ہے جو لڑائی کے وقت حاضر ہوتا ہے اور صف میں
ہوتا ہے۔(المستدرك على الصحيحين جزء 3 صفحه 345 كتاب معرفة الصحابة حديث نمبر 4711 مطبوعه دار الفكر لبنان 2002ء)
حضرت مرزا بشیر احمد صاحب غزوہ بدر کا ذکر کرتے ہوئے اس طرح لکھتے ہیں کہ حضرت علی کہتے ہیں کہ
مجھے لڑتے ہوئے آنحضرت صلی اللہ علیہ وسلم کا خیال آتا تھا تو میں آپ کے سائبان کی طرف بھاگ جا تا تھا لیکن جب
بھی میں گیا میں نے آپ کو سجدہ میں گڑ گڑاتے ہوئے پایا۔اور میں نے سنا کہ آپ کی زبان پر یہ الفاظ جاری تھے کہ
يَا حَيُّ يَا قَيُّومُ - يَاحَنُ يَا قَيُّومُ
اے خدا میرے زندہ خدا، اے میرے خدا زندگی بخش آقا۔حضرت ابو بکر آپ کی اس حالت کو دیکھ کر
بے چین ہوئے جاتے تھے اور کبھی کبھی بے ساختہ عرض کرتے تھے یارسول اللہ ! میرے ماں باپ آپ پر فدا
ہوں۔آپ گھبر ائیں نہیں۔اللہ اپنے وعدے ضرور پورے کرے گا۔مگر اس کے باوجود آپ کا برابر دعا کیسے جانا،
آپ دعا میں مصروف تھے اور اس خوف میں تھے کہ اللہ تعالیٰ کے وعدے بھی بعض دفعہ مشروط ہوتے ہیں۔(ماخوذ از سیرت خاتم النبیین از حضرت مرزا بشیر احمد صاحب صفحہ 361)
حضرت فاطمہ سے شادی 12 ہجری میں ہوئی۔حضرت علی نے رسول اللہ صلی اللہ علیہ وسلم کی خدمت
میں حضرت فاطمہ سے عقد کی درخواست کی جسے حضور صلی اللہ علیہ وسلم نے بخوشی قبول فرمایا۔حضرت انس بیان
کرتے ہیں کہ حضرت ابو بکر اور پھر حضرت عمر دونوں نے نبی کریم صلی اللہ علیہ وسلم کی خدمت میں آکر حضرت
فاطمہ سے شادی کی درخواست کی لیکن رسول کریم صلی اللہ علیہ وسلم خاموش رہے اور انہیں کوئی جواب نہیں دیا۔حضرت علی بیان کرتے ہیں کہ میں آنحضرت صلی اللہ علیہ وسلم کی خدمت میں حاضر ہوا اور عرض کیا کہ آپ
حضرت فاطمہ کی شادی مجھ سے کریں گے ؟ آپ نے فرمایا کیا تمہارے پاس مہر کے لیے کچھ ہے ؟ میں نے عرض کیا
کہ میرا گھوڑا اور میری زرہ ہے۔آپ نے فرمایا: گھوڑا تو تمہارے لیے ضروری ہے البتہ اپنی زرہ کو بیچ دو۔چنانچہ میں
نے اپنی زرہ کو چار سواستی درہم میں بیچ کر حق مہر کی رقم کا انتظام کیا۔لوگ یہ کہتے ہیں کہ حق مہر رکھ لو تو جو ہو گاد دیکھی
جائے گی، دے دیں گے۔لیکن ایک روایت میں ہے کہ آنحضرت صلی اللہ علیہ وسلم نے فرمایا کہ حق مہر کے لیے
پہلے انتظام کرو۔اس کا مطلب یہ فوری حق ہے۔یہ نہیں ہے جب کہ بعض لوگ مجھے لکھ دیتے ہیں کہ عور تیں حق مہر
کا پہلے مطالبہ کر لیتی ہیں حالانکہ ہم جنسی خوشی رہ رہے ہیں۔مطالبہ کر دیتی ہیں تو یہ ان کا حق ہے۔یہ تو اسی وقت دینا
چاہیے اور اس کے نہ دینے سے پھر جھگڑے شروع ہو جاتے ہیں۔اور پھر طلاق خلع کے وقت تو یہ ادا ہونا چاہیے

خطبات مسرور جلد 18
640
خطبہ جمعہ فرمودہ مورخہ 04 دسمبر 2020ء
حالانکہ اس یعنی حق مہر کا طلاق اور خلع سے کوئی تعلق نہیں ہے۔بہر حال ایک روایت میں یہ ہے کہ حضرت علی نے یہ زرہ حضرت عثمان کو نیچی۔حضرت عثمان نے زرہ کی
قیمت بھی ادا کر دی اور زرہ بھی واپس کر دی۔حضرت علی کہتے ہیں کہ میں وہ رقم لے کر آیا اور نبی کریم صلی اللہ علیہ وسلم
کی گود میں رکھ دی۔آپ صلی اللہ علیہ وسلم نے اس میں سے مٹھی بھر بلال کو دیتے ہوئے فرمایا: اس سے کچھ خوشبو
خرید لاؤ اور کچھ لوگوں کو ارشاد فرمایا کہ حضرت فاطمہ کا جہیز تیار کرو۔چنانچہ حضرت فاطمہ کے لیے ایک چار پائی،
چمڑے کا ایک تکیہ جس میں کھجور کی چھال بھری ہوئی تھی یہ سب تیار کیا گیا۔ایک روایت میں ہے کہ حضرت
علی سے یہ رشتہ کرتے ہوئے آپ نے فرمایا: میرے رب نے مجھے ایسا کرنے کا حکم فرمایا ہے۔رخصتی کے بعد آنحضرت صلی اللہ علیہ وسلم نے حضرت علیؓ سے فرمایا۔جب فاطمہ تمہارے پاس آئیں تو
جب تک میں نہ آؤں کوئی بات نہ کرنا۔چنانچہ حضرت فاطمہ حضرت ام ایمن کے ساتھ آئیں اور گھر کے ایک حصہ
میں بیٹھ گئیں۔میں بھی ایک طرف بیٹھ گیا۔پھر رسول اللہ صلی اللہ علیہ وسلم تشریف لائے اور فرمایا کیا میر ابھائی
یہاں ہے۔ام ایمن نے کہا کہ آپ کا بھائی؟ اور آپ نے اپنی بیٹی کی شادی اس سے کی ہے ؟ آپ نے فرمایا ہاں۔کیونکہ ایسے رشتے میں شادی ہو سکتی ہے۔بہر حال وہ سگا بھائی نہیں ہے۔آپ اندر تشریف لائے اور حضرت فاطمہ
سے کہا میرے پاس پانی لاؤ۔وہ اٹھیں اور گھر میں رکھے ہوئے ایک پیالے میں پانی لائیں۔آپ نے اسے لیا اور اس
میں کلی کی پھر حضرت فاطمہ سے فرمایا کہ آگے بڑھو وہ آگے ہوئیں۔آپ نے ان پر اور ان کے سر پر کچھ پانی چھڑ کا
اور دعا دیتے ہوئے کہا۔اللَّهُمَّ اِنّى أَعِيْدُهَا بِكَ وَذُرِّيَّتَهَا مِنَ الشَّيْطَانِ الرَّجِيْمِ
اے اللہ ! اس کو اور اس کی اولاد کو شیطان مردود سے تیری پناہ میں دیتا ہوں۔پھر آپ نے فرمایا دوسری
طرف رخ کر و۔جب انہوں نے دوسری طرف رخ کیا تو آپ نے ان کے کندھوں کے درمیان پانی چھڑ کا۔پھر ایسا
ہی حضرت علی کے ساتھ کیا۔حضرت علی سے فرمایا اپنے اہل کے پاس جاؤ اللہ کے نام اور برکت کے ساتھ۔اسی طرح حضرت علی سے ایک روایت یوں مروی ہے کہ نبی کریم صلی اللہ علیہ وسلم نے ایک برتن میں
وضو کیا۔پھر اس پانی کو حضرت علی اور حضرت فاطمہ پر چھڑ کا اور فرمایا:
اللهُمَّ بَارِكْ فِيْهِمَا وَبَارِكْ لَهُمَا فِي شَمْلِهِمَا۔اے اللہ ! ان دونوں میں برکت رکھ دے اور ان دونوں کے جمع ہونے میں برکت رکھ دے۔حضرت عائشہ اور حضرت ام سلمہ نے بیان فرمایا کہ رسول اللہ صلی اللہ علیہ وسلم نے ہمیں ارشاد فرمایا کہ
ہم فاطمہ کو تیار کریں۔یہاں تک کہ ہم اس کو حضرت علی کے پاس لے جائیں۔چنانچہ ہم گھر کی طرف متوجہ ہوئے۔ہم نے اس کو بطحا کے نواح کی نرم مٹی سے لیپا۔پھر کھجور کے ریشوں سے دو تکیے بھرے۔ہم نے اس کو اپنے ہاتھوں
سے دھنا۔پھر ہم نے کھجور اور منقہ کھانے کے لیے اور میٹھا پانی پینے کے لیے رکھا اور ایک لکڑی لی اور اس کو کمرے
میں ایک طرف لگا دیا تا کہ اس پر کپڑے وغیرہ لٹکائے جاسکیں اور اس پر مشکیزہ لٹکایا جائے۔یعنی کپڑے لٹکانے کے

خطبات مسرور جلد 18
641
خطبہ جمعہ فرمودہ مورخہ 04 دسمبر 2020ء
لیے اور مشکیزہ لٹکانے کے لیے وہ لکڑی کھڑی کی۔ہم نے حضرت فاطمہ کی شادی سے اچھی کوئی شادی نہیں دیکھی۔دعوت ولیمہ کھجور، جو، پنیر اور کیس پر مشتمل تھا۔میں اس کھانے کو کہتے ہیں جو کھجور اور گھی اور پنیر وغیر ہ سے ملا کے بنایا
جاتا ہے۔حضرت اسماء بنت عُمیس بیان کرتی ہیں کہ اس زمانے میں اس دعوت ولیمہ سے بہتر کوئی ولیمہ نہیں ہوا۔(شرح العلامه الزرقاني على المواهب اللدنية جلد 02 صفحه 357 تا 367 ذكر تزويج على بفاطمة دار الكتب العلمية بيروت 1996ء)
(سنن ابن ماجه كتاب النكاح باب الوليمة حديث نمبر 1911)
( تاريخ الخميس جزء2 صفحه 77 في الوقائع من اول هجرته ميله الى وفاته دار الكتب العلمية بيروت 2009ء)
(طبقات الكبرى جزء 8 صفحه 19 دار الكتب العلمية بيروت 1990ء)
(لغات الحدیث جلد 1 صفحه 172 كتاب الحاء)
حضرت فاطمہ اور حضرت علی کی شادی کا تفصیلی تذکرہ کرتے ہوئے سیرت خاتم النبیین میں یوں لکھا
ہے کہ حضرت فاطمہ آنحضرت صلی اللہ علیہ وسلم کی اس اولاد میں سب سے چھوٹی تھیں جو حضرت خدیجہ کے بطن
سے پیدا ہوئی اور آپ اپنی اولاد میں سب سے زیادہ حضرت فاطمہ کو عزیز رکھتے تھے۔اور اپنی ذاتی خوبیوں کی وجہ
سے وہی اس امتیازی محبت کی سب سے زیادہ اہل بھی تھیں۔اب ان کی عمر کم و بیش پندرہ سال کی تھی اور شادی
کے پیغامات آنے شروع ہو گئے تھے۔سب سے پہلے حضرت فاطمہ کے لیے حضرت ابو بکر نے درخواست کی مگر
آنحضرت صلی اللہ علیہ وسلم نے عذر کر دیا۔پھر حضرت عمر نے عرض کیا مگر ان کی درخواست بھی منظور نہ ہوئی۔اس کے بعد ان دونوں بزرگوں نے یہ سمجھ کر کہ آنحضرت صلی اللہ علیہ وسلم کا ارادہ حضرت علی کے متعلق معلوم
ہوتا ہے حضرت علی سے تحریک کی کہ تم فاطمہ کے متعلق درخواست کر دو۔حضرت علی نے جو غالباً پہلے سے خواہش
مند تھے مگر بوجہ حیا خاموش تھے فوراً آنحضرت صلی اللہ علیہ وسلم کی خدمت میں حاضر ہو کر درخواست پیش کر
دی۔دوسری طرف آنحضرت صلی اللہ علیہ وسلم کو خدائی وحی کے ذریعہ یہ اشارہ ہو چکا تھا کہ حضرت فاطمہ کی شادی
حضرت علی سے ہونی چاہیے۔چنانچہ حضرت علی نے درخواست پیش کی تو آپ صلی اللہ علیہ وسلم نے فرمایا کہ مجھے تو
اس کے متعلق پہلے سے خدائی اشارہ ہو چکا ہے۔پھر آپ نے حضرت فاطمہ سے پوچھا تو وہ بوجہ حیا کے خاموش رہیں۔یہ بھی ایک طرح کا اظہارِ رضامندی تھا۔چنانچہ آنحضرت صلی اللہ علیہ وسلم نے مہاجرین اور انصار کی ایک جماعت
کو جمع کر کے حضرت علی اور فاطمہ کا نکاح پڑھایا۔یہ 2 ہجری کی ابتدا یا وسط کا واقعہ ہے۔اس کے بعد جب جنگ بدر ہو
چکی تو غالباً ماہ ذوالحجہ 2 / ہجری میں رخصتانہ کی تجویز ہوئی اور آنحضرت صلی اللہ علیہ وسلم نے حضرت علی کو بلا کر
دریافت فرمایا کہ تمہارے پاس مہر کی ادائیگی کے لیے کچھ ہے یا نہیں ؟
یہ باغ والا واقعہ جو پچھلی دفعہ بیان ہوا تھا اس شادی کے واقعہ سے پہلے کا ہے۔یہ میں نے صحیح کہا تھا۔حضرت علی کو بلا کر دریافت فرمایا کہ تمہارے پاس مہر کی ادائیگی کے لیے کچھ ہے یا نہیں ؟ حضرت علی نے عرض کیا
کہ یار سول
اللہ ! میرے پاس تو کچھ نہیں۔آپ نے فرمایا وہ زرہ کیا ہوئی جو میں نے اس دن یعنی بدر کے مغائم میں سے
تمہیں دی تھی ؟ حضرت علی نے عرض کیا وہ تو ہے۔آپ نے فرمایا بس وہی لے آؤ۔چنانچہ یہ زرہ چار سواسی در ہم
میں فروخت کر دی گئی اور آنحضرت صلی اللہ علیہ وسلم نے اسی رقم میں سے شادی کے اخراجات مہیا کیے۔جو جہیز

خطبات مسرور جلد 18
642
خطبہ جمعہ فرمودہ مورخہ 04 دسمبر 2020ء
آنحضرت صلی اللہ علیہ وسلم نے حضرت فاطمہ کو دیاوہ ایک بیل دار چادر، ایک چمڑے کا گدیلا جس کے اندر کھجور
کے خشک پتے بھرے ہوئے تھے اور ایک مشکیزہ تھا اور ایک روایت میں ہے کہ آپ نے حضرت فاطمہ کے جہیز میں
ایک چکی بھی دی تھی۔جب یہ سامان ہو چکا تو مکان کی فکر ہوئی۔حضرت علی اب تک غالباً آنحضرت صلی اللہ علیہ وسلم
کے ساتھ مسجد کے کسی حجرے وغیرہ میں رہتے تھے مگر شادی کے بعد یہ ضروری تھا کہ کوئی الگ مکان ہو جس میں
خاوند بیوی رہ سکیں۔چنانچہ آنحضرت صلی اللہ علیہ وسلم نے حضرت علی سے ارشاد فرمایا کہ اب تم کوئی مکان تلاش
کرو جس میں تم دونوں رہ سکو۔حضرت علیؓ نے عارضی طور پر ایک مکان کا انتظام کیا اور اس میں حضرت فاطمہ
کار خصتانہ ہو گیا۔اسی دن رخصتانہ کے بعد آنحضرت صلی اللہ علیہ وسلم ان کے مکان پر تشریف لے گئے اور تھوڑا سا
پانی منگوا کر اس پر دعا کی اور پھر وہ پانی حضرت فاطمہ اور حضرت علی شہر دو پر یہ الفاظ فرماتے ہوئے چھٹڑ کا کہ
اللهُمَّ بَارِكْ فِيْهِمَا وَبَارِكْ عَلَيْهِمَا وَبَارِكَ لَهُمَا نَسْلَهُمَا
یعنی اے میرے اللہ ! تو ان دونوں کے باہمی تعلقات میں برکت دے اور ان کے ان تعلقات میں برکت
دے جو دوسرے لوگوں کے ساتھ قائم ہوں اور ان کی نسل میں برکت دے اور پھر آپ اس نئے جوڑے کو اکیلا چھوڑ
کر واپس تشریف لے آئے۔اس کے بعد جو ایک دن آنحضرت صلی اللہ علیہ وسلم حضرت فاطمہ کے گھر تشریف لے
گئے تو حضرت فاطمہ نے آنحضرت صلی اللہ علیہ وسلم سے عرض کیا کہ حارثہ بن نعمان انصاری کے پاس چند ایک
مکانات ہیں آپ ان سے فرماویں کہ وہ اپنا کوئی مکان خالی کر دیں۔آپ نے فرمایا وہ ہماری خاطر اتنے مکانات پہلے ہی
خالی کر چکے ہیں اب مجھے تو انہیں کہتے ہوئے شرم آتی ہے۔حارثہ کو کسی طرح اس کا علم ہوا تو وہ بھاگے ہوئے آئے اور
آنحضرت صلی اللہ علیہ وسلم سے عرض کیا کہ یارسول اللہ امیر اجو کچھ ہے وہ حضور کا ہے اور واللہ جو چیز آپ مجھ سے
قبول فرما لیتے ہیں وہ مجھے زیادہ خوشی پہنچاتی ہے بہ نسبت اس چیز کے جو میرے پاس رہتی ہے اور پھر اس مخلص صحابی
نے باصرار اپنا ایک مکان خالی کروا کے پیش کر دیا اور حضرت علی اور حضرت فاطمہ وہاں آگئے۔(ماخوذ از سیرت خاتم النبیین از حضرت مرزا بشیر احمد صاحب مصفحه 455-456)
حضرت علی اور حضرت فاطمہ اپنی تنگدستی اور غربت کے باوجو د زہد و قناعت کا نمونہ دکھایا کرتے تھے۔چنانچہ احادیث میں ذکر ہے کہ حضرت علی نے بیان فرمایا کہ حضرت فاطمہ نے چکی چلانے سے اپنے ہاتھ میں تکلیف
کی شکایت کی اور نبی صلی اللہ علیہ و سلم کے پاس کچھ قیدی آئے تو وہ حضور صلی اللہ علیہ وسلم کی طرف گئیں اور آپ کو
نہ پایا۔آپ یعنی حضرت فاطمہ ، حضرت عائشہ سے ملیں اور ان کو بتایا کہ کس طرح میں آئی تھی۔جب نبی صلی اللہ
علیہ وسلم تشریف لائے تو حضرت عائشہ نے حضرت فاطمہ کے اپنے ہاں آنے کا بتایا۔حضرت علی کہتے ہیں کہ نبی
کریم صلی اللہ علیہ وسلم ہمارے پاس تشریف لائے جبکہ ہم اپنے بستروں پر لیٹ چکے تھے۔ہم کھڑے ہونے لگے تو
آپ نے فرمایا کہ اپنی جگہوں پر ٹھہرے رہو۔پھر آپ ہمارے درمیان بیٹھ گئے یہاں تک کہ میں نے آپ کے
قدموں کی ٹھنڈک اپنے سینے پر محسوس کی۔آپ نے فرمایا کیا میں تم دونوں کو اس سے بہتر بات نہ بتاؤں جو تم نے مانگا
ہے وہ یہ ہے کہ جب تم دونوں اپنے بستروں پر لیٹو تو چونتیس مرتبہ اللہ اکبر کہو، تینتیس دفعہ سبحان اللہ کہو

خطبات مسرور جلد 18
643
خطبہ جمعہ فرمودہ مورخہ 04 دسمبر 2020ء
اور تینتیس دفعہ الحمد للہ کہو۔یہ تم دونوں کے لیے خادم سے زیادہ بہتر ہے۔حضرت ابو ہریرہ سے روایت ہے کہ حضرت فاطمہ نبی کریم صلی اللہ علیہ وسلم کی خدمت میں آپ سے
خادم مانگنے کے لیے حاضر ہوئیں اور کام کی شکایت کی تو آپ نے فرمایا تم اس خادم کو ہمارے پاس نہیں پاؤ گی یعنی اس
طرح تمہیں مجھ سے خادم نہیں ملے گا۔آپ نہیں دینا چاہتے تھے۔حالانکہ حضرت علی کا بھی مال غنیمت میں سے
حق بنتا تھا لیکن آپ نے نہیں دیا۔آپ نے فرمایا کیا میں تجھے ایسی بات نہ بتاؤں جو تیرے لیے خادم سے بہتر ہے ؟ تم
اپنے بستر پر جاتے ہوئے تینتیں دفعہ سبحان الله کہو، تینتیس مرتبہ الحمد للہ کہو اور چونتیس دفعہ اللہ اکبر
کہو۔یہ صحیح مسلم کی روایت ہے۔(صحيح مسلم كتاب الذكر والدعاوالتوبة۔۔۔۔۔۔باب التسبيح اوّل النهار و عند النوم حدیث نمبر6915، 6918)
حضرت مصلح موعود آنحضرت صلی اللہ علیہ وسلم کی سیرت بیان فرماتے ہوئے اس واقعے کو بخاری کے
حوالہ سے یوں بیان فرماتے ہیں۔حدیث یہ ہے کہ حضرت فاطمہ رضی اللہ تعالیٰ عنہا نے شکایت کی کہ چکی پینے سے
انہیں تکلیف ہوتی ہے۔اسی عرصے میں آنحضرت صلی اللہ علیہ وسلم کے پاس کچھ غلام آئے۔آپ آنحضرت
صلی اللہ علیہ وسلم کے پاس تشریف لے گئیں لیکن آپ کو گھر پر نہ پایا اس لیے حضرت عائشہ رضی اللہ تعالیٰ عنہا
کو اپنی آمد کی وجہ سے اطلاع دے کر گھر لوٹ آئیں۔جب آنحضرت صلی اللہ علیہ وسلم گھر تشریف لائے تو
حضرت عائشہ نے جناب صلی اللہ علیہ وسلم کو حضرت فاطمہ کی آمد کی اطلاع دی جس پر آپ صلی اللہ علیہ وسلم
ہمارے پاس تشریف لائے اور ہم اپنے بستروں پر لیٹ چکے تھے۔میں نے آپ کو آتے دیکھ کر چاہا کہ اٹھوں مگر
آنحضرت صلی اللہ علیہ وسلم نے فرمایا کہ اپنی جگہ لیٹے رہو۔پھر ہم دونوں کے درمیان آکر بیٹھ گئے یہاں تک کہ
آپ کے قدموں کی خنکی میرے سینے پر محسوس ہونے لگی۔جب آپ بیٹھ گئے تو آپ نے فرمایا کہ میں تمہیں کوئی
ایسی بات نہ بتاؤں جو اس چیز سے جس کا تم نے سوال کیا ہے بہتر ہے اور وہ یہ ہے کہ جب تم اپنے بستروں پر لیٹ جاؤ
تو چونیتس دفعہ تکبیر کہو، تینتیس دفعہ سبحان اللہ کہو اور تینتیس دفعہ الحمد للہ کہو۔پس یہ تمہارے لیے خادم
سے اچھا ہو گا۔حضرت مصلح موعودؓ لکھتے ہیں کہ اس واقعہ سے معلوم ہوتا ہے کہ آنحضرت صلی اللہ علیہ وسلم اموال
کی تقسیم میں ایسے محتاط تھے کہ باوجود اس کے کہ حضرت فاطمہ کو ایک خادم کی ضرورت تھی اور چکی پینے سے آپ
کے ہاتھوں کو تکلیف ہوتی تھی مگر پھر بھی آپ نے ان کو خادم نہ دیا بلکہ دعا کی تحریک کی اور اللہ تعالیٰ کی طرف ہی
متوجہ کیا۔آپ اگر چاہتے تو حضرت فاطمہ کو خادم دے سکتے تھے کیونکہ جو اموال تقسیم کے لیے آپ صلی اللہ علیہ وسلم
کے پاس آتے تھے وہ بھی صحابہ میں تقسیم کرنے کے لیے آتے تھے اور حضرت علی کا بھی ان میں حق ہو سکتا تھا اور
حضرت فاطمہ بھی اس کی حقدار تھیں لیکن آپ صلی اللہ علیہ وسلم نے احتیاط سے کام لیا اور نہ چاہا کہ ان اموال سے
اپنے عزیزوں اور رشتہ داروں کو دے دیں کیونکہ ممکن تھا کہ اس سے آئندہ لوگ کچھ کا کچھ نتیجہ نکالتے اور بادشاہ
اپنے لیے اموال الناس کو جائز سمجھ لیتے۔پس احتیاط کے طور پر آپ نے حضرت فاطمہ کو ان غلاموں اور لونڈیوں
میں سے جو آپ کے پاس اس وقت بغرض تقسیم آئیں کوئی نہ دی۔اس جگہ یہ بھی یادرکھنا چاہیے کہ ان اموال میں

خطبات مسرور جلد 18
644
خطبہ جمعہ فرمودہ مورخہ 04 دسمبر 2020ء
آپ کا اور آپ کے رشتہ داروں کا خدا تعالیٰ نے حصہ مقرر فرمایا ہے ان سے آپ خرچ فرما لیتے تھے اور اپنے متعلقین
کو بھی دیتے تھے۔ہاں جب تک کوئی چیز آپ کے حصہ میں نہ آئے اسے قطعا خرچ نہ فرماتے اور اپنے عزیز سے عزیز
رشتہ داروں کو بھی نہ دیتے۔کیا دنیا کسی بادشاہ کی مثال پیش کر سکتی ہے جو بیت المال کا ایسا محافظ ہو۔اگر کوئی نظیر مل
سکتی ہے تو صرف اسی پاک وجود کے خدام میں سے ورنہ دوسرے مذاہب اس کی نظیر پیش نہیں کر سکتے۔(ماخوذ از سیرة النبی، انوار العلوم جلد 1 صفحہ 544-545)
حضرت علی بن ابو طالب نے بیان فرمایا کہ رسول اللہ صلی اللہ علیہ وسلم ایک رات ان کے اور اپنی بیٹی حضرت
فاطمہ کے پاس تشریف لائے اور فرمایا کیا تم دونوں نماز نہیں پڑھتے تو میں نے عرض کیا: یارسول اللہ صلی اللہ علیہ وس
وسلم!
ہماری جانیں اللہ کے ہاتھ میں ہیں۔جب وہ چاہے کہ ہمیں اٹھائے تو ہمیں اٹھاتا ہے۔آپ صلی اللہ علیہ وسلم نے مجھے
اس کا کوئی جواب نہ دیا اور واپس تشریف لے گئے۔نماز سے مراد تہجد تھی یعنی کہ نماز تہجد اگر نہیں پڑھتے ، تہجد کے
وقت اگر ہماری آنکھ نہیں کھلتی تو یہ اللہ کی مرضی ہے اللہ تعالیٰ اگر چاہے تو ہمیں اٹھا دے اور جب اٹھادیتا ہے تو ہم
پڑھ لیتے ہیں۔آنحضرت صلی اللہ علیہ وسلم نے کوئی بحث نہیں کی اور واپس تشریف لے گئے۔پھر میں نے آپ کو سنا
جبکہ آپ واپس جارہے تھے۔آپ اپنی ران پر ہاتھ مارتے ہوئے فرمارہے تھے کہ
وَكَانَ الْإِنْسَانُ أَكْثَرَ شَيْءٍ جَدَلًا
کہ انسان سب سے بڑھ کر بحث کرنے والا ہے۔صحیح البخاری کتاب التهجد باب تحریض النبی صلی علی الم على قيام الليل والنوافل۔۔۔حدیث نمبر 1127)
حضرت مصلح موعود اس واقعے کو بیان فرماتے ہوئے فرماتے ہیں۔ایک دفعہ آپ رات اپنے داماد حضرت علی اور اپنی بیٹی حضرت فاطمہ کے گھر گئے اور فرمایا کیا تہجد پڑھا
کرتے ہو ؟ ( یعنی وہ نماز جو آدھی رات کے قریب اٹھ کر پڑھی جاتی ہے۔) حضرت علی نے عرض کیا یار سول اللہ !
پڑھنے کی کوشش تو کرتے ہیں مگر جب خدا تعالیٰ کی منشا کے ماتحت کسی وقت ہماری آنکھ بند رہتی ہے تو پھر تہجد رہ جاتی
ہے۔آپ نے فرمایا تہجد پڑھا کرو اور اٹھ کر اپنے گھر کی طرف چل پڑے اور راستہ میں بار بار کہتے جاتے تھے۔وَكَانَ الْإِنْسَانُ أَكْثَرَ شَيْءٍ جَدَلًا
بہ قرآن کریم کی ایک آیت ہے جس کے معنی یہ ہیں کہ انسان اکثر اپنی غلطی تسلیم کرنے سے گھبراتا
ہے اور مختلف قسم کی دلیلیں دے کر اپنے قصور پر پردہ ڈالتا ہے۔مطلب یہ تھا کہ بجائے اس کے کہ حضرت علی اور
حضرت فاطمہ یہ کہتے کہ ہم سے کبھی کبھی غلطی بھی ہو جاتی ہے انہوں نے یہ کیوں کہا کہ جب خدا تعالیٰ کا منشا ہو تا ہے
کہ ہم نہ جا گئیں تو ہم سوئے رہتے ہیں اور اپنی غلطی کو اللہ تعالی کی طرف کیوں منسوب کیا۔"
(دیباچہ تفسیر القران ، انوار العلوم جلد 20 صفحہ 389-390)
حضرت مصلح موعودؓ اس واقعے کو مزید کھول کے بیان فرماتے ہیں کہ حضرت علی اپنا ایک واقعہ بیان
فرماتے ہیں جس سے ثابت ہوتا ہے کہ ایک موقعے پر جبکہ حضرت علی نے آپ کو ایسا جواب دیا جس میں بحث اور
مقابلے کاطر ز پایا جاتا تھا تو بجائے اس کے کہ آپ صلی اللہ علیہ وسلم ناراض ہوتے یا خفگی کا اظہار کرتے آپ نے ایک

خطبات مسرور جلد 18
645
خطبہ جمعہ فرمودہ مورخہ 04 دسمبر 2020ء
ایسی لطیف طرز اختیار کی کہ حضرت علی غالباً اپنی زندگی کے آخری ایام تک اس کی حلاوت سے مزہ اٹھاتے رہے
ہوں گے اور انہوں نے جو لطف اٹھایا ہو گا وہ تو انہی کا حق تھا۔اب بھی آنحضرت صلی اللہ علیہ وسلم کے اس اظہار
ناپسندیدگی کو معلوم کر کے ہر ایک باریک بین نظر محو حیرت ہو جاتی ہے۔حضرت علی کرم اللہ وجہہ فرماتے ہیں۔بخاری کی روایت ہے۔کہ نبی کریم صلی اللہ علیہ وسلم ایک رات میرے اور فاطمتہ الزہرا کے پاس تشریف لائے جو
رسول اللہ صلی اللہ علیہ وسلم کی صاحبزادی تھیں اور فرمایا کہ کیا تم تہجد کی نماز نہیں پڑھا کرتے ؟ میں نے جواب دیا کہ
یارسول اللہ ! ہماری جانیں تو اللہ تعالیٰ کے قبضہ میں ہیں اور جب وہ اٹھانا چاہے اٹھا دیتا ہے۔آپ اس بات کو سن کر
کوٹ گئے اور مجھے کچھ نہیں کہا۔پھر میں نے آپ سے سنا اور آپ پیٹھ پھیر کر کھڑے ہوئے تھے اور آپ اپنی ران
پر ہاتھ مار کر کہہ رہے تھے کہ انسان تو اکثر باتوں میں بحث کرنے لگ پڑتا ہے۔اللہ اللہ، کس لطیف طرز سے
حضرت علی کو آپ نے سمجھایا کہ آپ کو یہ جواب نہیں دینا چاہیے تھا۔کوئی اور ہو تا تو اول تو بحث شروع کر دیتا کہ
میری پوزیشن اور رتبہ کو دیکھو پھر اپنے جواب کو دیکھو۔کیا تمہیں یہ حق پہنچتا تھا کہ اس طرح میری بات کو ر ڈ کر دو۔یہ نہیں تو کم سے کم بحث شروع کر دیتا کہ یہ تمہارا دعویٰ غلط ہے کہ انسان مجبور ہے اور اس کے تمام افعال اللہ تعالیٰ
کے قبضہ میں ہیں۔وہ جس طرح چاہے کرواتا ہے۔چاہے نماز کی توفیق دے چاہے نہ دے۔اور کہتا کہ جبر کا مسئلہ
قرآن شریف کے خلاف ہے۔لیکن آپ نے ان دونوں طریقوں سے کوئی بھی اختیار نہ کیا اور نہ تو ان پر ناراض
ہوئے ، نہ بحث کر کے حضرت علیؓ کو ان کے قول کی غلطی پر آگاہ کیا بلکہ ایک طرف ہو کر ان کے اس جواب پر اس
طرح حیرت کا اظہار کر دیا کہ انسان بھی عجیب ہے کہ ہر بات میں کوئی نہ کوئی پہلو اپنے موافق نکال ہی لیتا ہے اور
بحث شروع کر دیتا ہے۔حقیقت میں آپ صلی اللہ علیہ وسلم کا اتنا کہ دینا ایسے ایسے منافع اپنے اندر رکھتا تھا کہ جس کا
عشر عشیر بھی کسی اور کی سو بحثوں سے نہیں پہنچ سکتا تھا۔اس حدیث سے ہمیں بہت سی باتیں معلوم ہوتی ہیں جن سے آنحضرت صلی اللہ علیہ وسلم کے اخلاق کے
مختلف پہلوؤں پر روشنی پڑتی ہے اور اسی جگہ ان کا ذکر کر دینا مناسب معلوم ہوتا ہے۔حضرت مصلح موعودؓ فرماتے
ہیں کہ اول تو یہ معلوم ہوتا ہے کہ آپ کو دین داری کا کس قدر خیال تھا کہ رات کے وقت پھر کر اپنے قریبیوں کا
خیال رکھتے تھے۔بہت لوگ ہوتے ہیں جو خود تو نیک ہوتے ہیں، لوگوں کو بھی نیکی کی تعلیم دیتے ہیں لیکن ان کے گھر
کا حال خراب ہوتا ہے اور ان میں یہ مادہ نہیں ہوتا کہ اپنے گھر کے لوگوں کی بھی اصلاح کریں اور انہی لوگوں کی
نسبت مثل مشہور ہے کہ چراغ تلے اندھیرا۔یعنی جس طرح چراغ اپنے آس پاس تمام اشیاء کو روشن کر دیتا ہے لیکن
خود اس کے نیچے اندھیرا ہوتا ہے اسی طرح یہ لوگ بھی دوسروں کو تو نصیحت کرتے پھرتے ہیں مگر اپنے گھر کی فکر
نہیں کرتے کہ ہماری روشنی سے ہمارے اپنے گھر کے لوگ کیا فائدہ اٹھا رہے ہیں۔مگر آنحضرت صلی اللہ علیہ وسلم کو
اس بات کا خیال معلوم ہوتا ہے کہ ان کے عزیز بھی اس نور سے منور ہوں جس سے وہ دنیا کو روشن کرنا چاہتے تھے
اور اس کا آپ تعہد بھی کرتے تھے اور ان کے امتحان و تجربہ میں لگے رہتے تھے اور تربیت اعزاء ایک ایسا اعلیٰ درجہ کا
جو ہر ہے جو اگر آپ میں نہ ہو تا تو آپ کے اخلاق میں ایک قیمتی چیز کی کمی رہ جاتی۔دوسری بات یہ معلوم ہوتی ہے کہ

خطبات مسرور جلد 18
646
خطبہ جمعہ فرمودہ مورخہ 04 دسمبر 2020ء
آپ صلی اللہ علیہ وسلم کو اس تعلیم پر کامل یقین تھا جو آپ دنیا کے سامنے پیش کرتے تھے اور ایک منٹ کے لیے بھی
آپ اس پر شک نہیں کرتے تھے اور جیسا کہ لوگ اعتراض کرتے ہیں کہ نعوذ باللہ دنیا کو الو بنانے کے لیے اور اپنی
حکومت جمانے کے لیے آپ نے یہ سب
کار خانہ بنایا تھاور نہ آپ کو کوئی وحی نہیں آتی تھی۔یہ بات نہ تھی بلکہ آپ
کو اپنے رسول اور خدا کے مامور ہونے پر ایسا ملج قلب عطا تھا جس کی نظیر دنیا میں نہیں ملتی کیونکہ ممکن ہے کہ لوگوں
میں آپ بناوٹ سے کام لے کر اپنی سچائی کو ثابت کرتے ہوں لیکن یہ خیال نہیں کیا جا سکتا کہ رات کے وقت ایک
ں خاص طور پر اپنی بیٹی اور داماد کے پاس جائے اور ان سے دریافت کرے کہ کیا وہ اس عبادت کو بھی بجالاتے ہیں
جو اس نے فرض نہیں کی بلکہ اس کا ادا کر نامومنوں کے اپنے حالات پر چھوڑ دیا ہے اور جو آدھی رات کے وقت اٹھ
کر ادا کی جاتی ہے۔اس وقت آپ کا جانا اور اپنی بیٹی اور داماد کو ترغیب دینا کہ وہ تہجد بھی ادا کیا کریں اس کامل یقین پر
دلالت کرتا ہے جو آپ کو اس تعلیم پر تھا جس پر آپ لوگوں کو چلانا چاہتے تھے۔ورنہ ایک مفتری انسان جو جانتا ہو
کہ ایک تعلیم پر چلنا ایک سا ہے، اپنی اولاد کو ایسے پوشیدہ وقت میں اس تعلیم پر عمل کرنے کی نصیحت نہیں کر سکتا
یعنی تعلیم پر چلنا بے شک ایک ہے لیکن وہ نصیحت پوشیدہ وقت میں تو نہیں کر سکتا۔یہ اسی وقت ہو سکتا ہے جب ایک
آدمی کے دل میں یقین ہو کہ اس تعلیم پر چلے بغیر کمالات حاصل نہیں ہو سکتے۔یعنی کہ تعلیم پر چلنا یانہ چلنا یہ ایک
جیسا ہے لیکن نصیحت کرنا، رات کے وقت، پوشیدہ وقت میں نصیحت کرنا یہ اسی وقت ہو سکتا ہے جب یقین ہو کہ جو
تعلیم ہے اس پر چلے بغیر انسان اس کے دین کے یا اس تعلیم کے جو اعلیٰ کمال ہیں ان تک نہیں پہنچ سکتا۔تیسری بات
وہی ہے جس کے ثابت کرنے کے لیے میں نے یہ واقعہ بیان کیا ہے کہ آنحضرت صلی اللہ علیہ وسلم ہر ایک بات کے
سمجھانے کے لیے تحمل سے کام لیا کرتے تھے اور بجائے لڑنے کے محبت اور پیار سے کسی کو اس کی غلطی پر آگاہ
فرماتے تھے۔چنانچہ اس موقع پر جب حضرت علی نے آپ کے سوال کو اس طرح رو کرنا چاہا کہ جب ہم سو جائیں تو
ہمارا کیا اختیار ہے کہ ہم جاگیں کیونکہ سویا ہوا انسان اپنے آپ پر قابو نہیں رکھتا۔جب وہ سو گیا تو اب اسے کیا خبر ہے
کہ فلاں وقت آگیا ہے اب میں فلاں فلاں کام کر لوں۔اللہ تعالیٰ آنکھ کھول دے تو نماز ادا کر لیتے ہیں ورنہ مجبوری
ہوتی ہے کیونکہ اس وقت الارم کی گھڑیاں نہ تھیں۔اس بات کو سن کر آنحضرت صلی اللہ علیہ وسلم کو حیرت ہوتی ہی
تھی کیونکہ آپ صلی اللہ علیہ وسلم کے دل میں جو ایمان تھاوہ کبھی آپ کو ایسا غافل نہ ہونے دیتا تھا کہ تہجد کا وقت گزر
جائے اور آپ کو خبر نہ ہو۔اس لیے آپ نے دوسری طرف منہ کر کے صرف یہ کہہ دیا کہ انسان بات مانتا نہیں
جھگڑتا ہے۔یعنی تم کو آئندہ کے لیے کوشش کرنی چاہیے تھی کہ وقت ضائع نہ ہو نہ کہ اس طرح ٹالنا چاہیے تھا۔چنانچہ حضرت علی کرم اللہ وجہہ فرماتے ہیں۔میں نے پھر کبھی تہجد میں ناغہ نہیں کیا۔(ماخوذ از سیرۃ النبی، انوار العلوم جلد 1 صفحہ 588 تا590)
یہ ذکر ا بھی چل رہا ہے۔آئندہ بھی ہو گا ان شاء اللہ تعالی۔آج کل جو پاکستان میں حالات ہیں مزید سخت ہوتے چلے جارہے ہیں۔بعض حکومتی افسران جو ہیں
مولوی کے پیچھے چل کے اور ان کے ساتھ گٹھ جوڑ کر کے ہمیں جس حد تک نقصان پہنچاسکتے ہیں پہنچانے کی کوشش

خطبات مسرور جلد 18
647
خطبہ جمعہ فرمودہ مورخہ 04 دسمبر 2020ء
کر رہے ہیں۔اس لیے خاص طور پر دعائیں کریں اور ربوہ کے احمدی بھی پاکستان میں رہنے والے، دوسرے
شہروں میں بسنے والے احمدی بھی ہر جگہ اللہ تعالیٰ ان کو اپنی حفاظت میں رکھے اور ان کے شر سے محفوظ رکھے اور
ان کے منصوبے جو نہایت بھیانک منصوبے اور خطر ناک منصوبے ہیں ان سے بچا کے رکھے اور ان لوگوں کی اب
پکڑ کے جلد سامان فرمائے۔میں جمعہ کے بعد بعض جنازہ غائب بھی پڑھاؤں گا۔ان کے بارے میں کچھ مختصر ذکر کر دیتا ہوں۔پہلا ذکر مکرم کمانڈر چودھری محمد اسلم صاحب کا ہے جو کینیڈا کے تھے۔2/ نومبر 2020ء کو وفات پاگئے۔إِنَّا لِلَّهِ وَإِنَّا إِلَيْهِ رَجِعُونَ۔کمانڈر صاحب 1929ء میں گوجرانوالہ میں پیدا ہوئے تھے۔گوجرانوالہ سے انہوں نے میٹرک کیا اور
فرسٹ پوزیشن لی۔پھر تعلیم الاسلام کالج اور گورنمنٹ ایف سی کالج سے ایف ایس سی کی۔گورنمنٹ کالج لاہور
سے بی ایس سی کیا۔پنجاب یونیورسٹی میں ڈاکٹر عبد السلام صاحب کی سرپرستی میں فزکس میں ایم ایس سی کرنے کی
توفیق پائی۔1948ء میں فرقان فورس میں بھرتی ہو کر آزاد کشمیر میں متعین ہوئے جہاں انہیں مجاہد کشمیر کے
سر ٹیفکیٹ اور آزادی کشمیر کے تمغے سے نوازا گیا۔1955ء میں مرحوم پاکستان نیوی میں بھرتی ہوئے جہاں انہیں
پاکستان نیول اکیڈمی میں بطور ڈائریکٹر آف سٹڈیز، کوہاٹ میں ڈپٹی پریذیڈنٹ آف انٹر سروسز سلیکشن بورڈ، نیول
ہیڈ کوارٹر اسلام آباد میں بطور ڈپٹی ڈائریکٹر نیول ایجو کیشنل سروسز وغیرہ کلیدی عہدوں پر خدمت کی توفیق ملی۔مرحوم موصوف کو ایجو کیشنل سیکٹر میں نیوی کے نئے سکول اور کالجز کھولنے کی منصوبہ بندی کرنے کی بھی اور نیز
بحریہ یونیورسٹی کے قیام میں بھی بنیادی کردار ادا کرنے کی توفیق ملی۔پاکستان نیوی سے ریٹائرڈ ہونے کے بعد کینیڈا تشریف لے گئے اور ایک سال مشن ہاؤس ٹورنٹو میں
وقف عارضی کیا۔اس کے بعد 1993ء میں وقف بعد از ریٹائر منٹ کی درخواست کی جسے حضرت خلیفة المسیح الرابع
نے قبول فرمایا اور ان کی جو جماعت کی خدمات ہیں یہ بھی اٹھائیس سالوں پر محیط ہیں۔اس دوران مرحوم کو بطور
سیکرٹری جائیداد، سیکرٹری رشتہ ناطہ، ایڈیشنل سیکرٹری مشن ہاؤس اور معاون ہو میو پیتھی کلینک وغیرہ کی خدمت کی
توفیق ملی۔مرحوم نہایت منکسر المزاج ، نرم گفتار تھے۔ہر کسی سے شفقت سے پیش آتے تھے۔نمازوں کی پابندی
کرنے والے۔خلافت کے ساتھ والہانہ تعلق اور عشق رکھنے والے۔زندگی وقف کرنے کے بعد اپنا ہر لمحہ جماعت کی
خدمت میں گزارنے کی بھر پور کوشش کرتے۔گذشتہ کچھ عرصے سے بہت بیمار تھے تاہم جب بھی طبیعت سنبھلتی
فوراً مشن ہاؤس آ جاتے اور آخر دم تک خدمت دین میں سر گرم عمل رہے۔پسماندگان میں ان کی اہلیہ اور تین بیٹے
ہیں۔اللہ تعالیٰ مرحوم سے مغفرت اور رحم کا سلوک فرمائے اور ان کی نیکیاں ان کی اولاد میں جاری فرمائے۔ان کی
بہو نصرت جہاں کہتی ہیں کہ نہایت شفیق، رحم دل اور نیک انسان تھے۔نہایت ایمانداری سے وقف کو نبھایا۔ایک
آئیڈیل خاوند تھے اور باپ تھے۔وفات سے پہلے تک اپنے بچوں کو نصیحت کرتے رہے کہ جماعت اور خدا سے تعلق
اور نمازوں میں باقاعدگی بہت ضروری ہے اور ساری عمر خود بھی تہجد اور نمازوں کو با قاعدگی سے ادا کیا۔

خطبات مسرور جلد 18
648
خطبہ جمعہ فرمودہ مورخہ 04 دسمبر 2020ء
دوسرا جنازہ محترمہ شاہینہ قمر صاحبہ اہلیہ قمر احمد شفیق صاحب جو نظارت علیا کے ڈرائیور ہیں۔ان کا ہے۔یہ شاہینہ قمر صاحبہ اور ان کے بیٹے عزیز ثمر احمد قمر 12 / نومبر 2020ء کو دو پہر سوا ایک بجے ایک روڈ ایکسیڈنٹ میں
وفات پاگئے۔اِنَّا لِلَّهِ وَإِنَّا إِلَيْهِ رجِعُونَ۔وفات کے وقت محترمہ کی عمر اڑتیس سال تھی اور عزیزم ثمر احمد قمر کی عمر 17 سال تھی۔شاہینہ قمر
صاحبہ نے اپنے خاوند اور دو بیٹیوں اور ایک بیٹے کے علاوہ تین بھائی بھی سوگوار چھوڑے ہیں۔ان کی بیٹی شاہینہ قمر
کہتی ہیں کہ میری ماں بہت نیک خاتون تھیں۔مجھے ہر وقت نیکیوں کی تلقین کرتی رہتیں۔خود بھی ہمیشہ نیکیوں میں
پہل کرتی تھیں اور ہر بات مجھ سے شیئر کرتی تھیں۔میری بہت اچھی دوست تھیں اور اپنی ساری باتیں مجھے بتایا کرتی
تھیں اور دوسری بات یہ خصوصی بیان کی ہے کہ ماشاء اللہ انہیں جماعت کے کاموں سے بہت لگاؤ تھا اور خدمت کو ہر
وقت تیار رہتی تھیں۔ان کے خاوند نے بھی لکھا ہے کہ باوجود کم تعلیم کے گھر کو بھی بڑی اچھی طرح سنبھالا اور بچوں
کی بھی اعلیٰ رنگ میں تربیت کی۔پھر ان کے بیٹے عزیزم شمر احمد قمر ابن قمر احمد شفیق صاحب کا ذکر ہے اس کی ان کی والدہ کے ساتھ ہی
ایکسیڈنٹ میں وفات ہو گئی تھی۔تعلیم الاسلام کالج میں فرسٹ ایئر کا طالبعلم تھا اور اللہ کے فضل سے پڑھائی میں
ٹھیک تھا۔خدام کے ساتھ ڈیوٹیاں بھی بڑے جوش اور جذبے سے دیا کرتا تھا۔جماعتی کاموں میں بہت فعال تھا۔جب بھی زعیم کی طرف سے بلاوا آنا فوراًہر کام چھوڑ کے چلے جانا۔ان کے والد لکھتے ہیں کہ بعض دفعہ تین تین چار
چار دن کے لیے میں سفر پر رہتا تو مجھے کہتا کہ ابو آپ فکر نہ کریں میں گھر کو سنبھال لوں گا، آپ بے شک آرام سے
اپنی ڈیوٹی دیا کریں۔اور واقعہ ایسا ہی تھا۔بہت ذمہ دار بچہ تھا۔شمر احمد قمر کی بڑی بہن شمرین کہتی ہیں میرے بھائی
ماشاء اللہ بہت اچھے تھے۔غصہ تو انہیں آتا ہی نہیں تھا۔میں اگر کبھی ڈانٹ بھی دیتی تو بالکل بھی غصہ نہیں کرتے
تھے اور نہ ہی ناراض ہوتے تھے بلکہ بچوں سے اور بہن بھائیوں سے بہت پیار کا تعلق تھا۔باقی چھوٹے بہن بھائیوں
نے بھی یہی لکھا ہے۔اللہ تعالیٰ مرحوم سے مغفرت اور رحم کا سلوک فرمائے اور اس ساری فیملی کو ، چھوٹے بچوں کو
بھی اور ان بچوں کے والد کو بھی صبر اور حوصلہ عطا فرمائے۔ان کا ایک بیٹا وفات پا گیا اور اہلیہ بھی وفات پاگئیں۔اگلا جنازہ مکرمہ سعیدہ افضل کھوکھر صاحبہ اہلیہ محمد افضل کھوکھر صاحب شہید کا ہے جو اشرف محمود کھوکھر
صاحب شہید کی والدہ تھیں۔ان کے خاوند بھی شہید ہوئے تھے ، بیٹے بھی شہید ہوئے۔12/ ستمبر 2020ء کو کینیڈا
میں وفات پا گئیں۔إِنَّا لِلَّهِ وَإِنَّا إِلَيْهِ رَاجِعُونَ۔میاں اور بیٹے کی شہادت کے بعد آپ کو بہت کٹھن حالات کا سامنا کرنا پڑا لیکن آپ نے ہر مشکل کا
نہایت صبر اور حوصلے کے ساتھ مقابلہ کیا۔بہت وقار کے ساتھ زندگی گزاری۔کبھی کوئی شکوہ زبان پر نہ ہوتا۔تین
بچیوں کی شادیوں کا فریضہ انجام دیا۔چند سال قبل انہیں اپنے ایک اور جواں سال بیٹے آصف محمود کھو کھر کی اچانک
وفات کا صدمہ برداشت کرنا پڑا۔اس موقعے پر بھی بڑے صبر سے کام لیا اور بہت صبر کا نمونہ دکھایا۔اپنے تمام
عزیزوں سے پیار کا سلوک کرنے والی تھیں۔مہمان نواز تھیں۔غریب پرور تھیں۔خلافت کے ساتھ عقیدت اور

خطبات مسرور جلد 18
649
خطبه جمعه فرمودہ مورخہ 04 دسمبر 2020ء
احترام اور پیار کا تعلق تھا۔جماعتی تحریکات میں بڑھ چڑھ کر حصہ لیتی تھیں۔ساری زندگی اپنے والدین، شہید خاوند
اور اپنے بیٹے اور خاندان کے دیگر بزرگوں کے نام پر صدقہ اور خیرات کرتی رہیں۔آپ کے والدین مکرم مرزافضل
کریم صاحب اور صغریٰ بیگم صاحبہ اسلام اور احمدیت کے شیدائیوں میں سے تھے۔آپ محترم مرزا مجیب احمد
صاحب اور مرزا فضل الرحمن صاحب ایسٹ لنڈن کی سب سے بڑی ہمشیرہ تھیں۔مبارک کھو کھر صاحب آف لاہور
کی بڑی بھا وجہ تھیں۔مبارک صدیقی صاحب کی بڑی خالہ تھیں۔مرحومہ اللہ تعالیٰ کے فضل سے موصیہ تھیں۔پسماندگان میں ایک بیٹا مکرم بلال احمد کھو کھر صاحب اور تین بیٹیاں طیبہ قریشی، طاہر ہ ماجد اور ثمینہ کھوکھر چھوڑی
ہیں۔اللہ تعالیٰ مرحومہ کے درجات بلند فرمائے۔مغفرت اور رحم کا سلوک فرمائے اور ان بچوں کو بھی اپنی ماں کی
نیکیوں کو جاری رکھنے کی توفیق عطا فرمائے۔الفضل انٹر نیشنل مورخہ 22 / تا 31 دسمبر 2020ء جلد 27 شمارہ 102–104 صفحہ 05تا10)

آج 10 میں سے 10 باقی