حضرت عمر بن خطابؓ

خطبات مسرور جلد 19
382
27
خطبہ جمعہ فرمودہ مورخہ 02 جولائی 2021ء
خطبہ جمعہ سیدنا امیر المومنین حضرت مرزا مسرور احمد خلیفة المسیح الخامس ایدہ اللہ تعالیٰ بنصرہ العزیز
فرمودہ مورخہ 02 جولائی 2021ء بمطابق 02/ وفا 1400 ہجری شمسی
بمقام مسجد مبارک، اسلام آباد، ٹلفورڈ (سرے)، یو کے
تشهد و تعوذ اور سورۃ فاتحہ کی تلاوت کے بعد حضور انور ایدہ اللہ تعالیٰ نے فرمایا:
آج کل حضرت عمر رضی اللہ تعالیٰ عنہ کا ذکر چل رہا ہے۔اسی ضمن میں آج بھی بیان کروں گا۔حضرت مصلح موعود رضی اللہ تعالیٰ عنہ فرماتے ہیں۔حضرت عمرؓ کے متعلق ایک روایت میں آتا ہے کہ انہوں نے
رسول کریم صلی اللہ علیہ وسلم کے ایک ارشاد کے ماتحت جب یہودیوں اور عیسائیوں کو یمن سے نکالا تو آپ نے
ان کی زمینیں ضبط نہیں کیں بلکہ ان کی زمینیں خریدیں۔مزید فرماتے ہیں کہ یمن کی زمین جو عیسائیوں اور
یہودیوں کے نیچے تھی وہ خراجی تھی لیکن جب حضرت عمر رضی اللہ تعالیٰ عنہ نے وہ زمین یہودیوں اور عیسائیوں
سے لے لی اور ان کو عرب کے جزیرے سے نکال دیا تو باوجود اس کے کہ وہ زمین خراجی تھی اور اصولی طور پر
حکومت اس کی مالک سمجھی جاتی تھی انہوں نے وہ زمین ان سے چھینی نہیں بلکہ خریدی۔چنانچہ فتح الباری شرح
بخاری میں یہ حدیث درج ہے کہ:
عَنْ يَحْيَى بْنِ سَعِيدٍ أَنَّ عُمَرَ أَجْلُى أَهْلَ نَجْرَانَ وَالْيَهُودَ وَالنَّصَارِي وَاشْتَرِي بَيَاضَ
أَرْضِهِمْ وَكُرُوْمَهُمْ۔یعنی یحیی بن سعید روایت کرتے ہیں کہ حضرت عمرؓ نے نجران کے مشرکوں اور یہودیوں اور عیسائیوں کو
وہاں سے جلا وطن کر دیا اور ان کی زمینیں اور باغ خرید لیے۔یہ ظاہر ہے کہ یہودیوں کی زمین عشری نہیں ہو سکتی
کیونکہ اگر وہ عشری تھی تو اس کا مالک کوئی مسلمان ہو گا۔پس یہودیوں سے اس کے خریدنے کا کوئی سوال ہی نہیں
تھا۔وہ یقیناً خراجی تھی جیسا کہ ہندوستان کی زمین کو خراجی قرار دیا جاتا ہے لیکن حضرت عمر رضی اللہ تعالیٰ عنہ نے
اس کو خراجی قرار دے کر اور حکومت کو اس کا مالک قرار دے کر اس کو ضبط نہیں کیا بلکہ اس کو خریدا۔شاید کوئی کہے
کہ یہ زمین نہ خراجی ہوگی نہ عشری بلکہ کسی اور قسم کی ہوگی تو یہ خیال بیہودہ ہو گا اور اسلامی شریعت سے ناواقفی کی
علامت ہو گا۔عشری اور خراجی کے سوا اور کوئی زمین اسلام میں نہیں سوائے اِس کے کہ وہ بے کار پڑی ہوئی ہو اور اس
کا مالک کوئی فرد واحد نہ ہو۔پس لازما یہودی اور نصرانی اور مشرک اہل نجران کی زمینیں یا خراجی تھیں یاعشری تھیں مگر
دونوں صورتوں میں ان کا مالک حضرت عمرؓ نے ان کے قابضوں کو قرار دیا اور ان سے وہ زمینیں خریدی گئیں۔(ماخوذ از اسلام اور ملکیت زمین۔انوار العلوم جلد 21 صفحہ 478،444-479)

خطبات مسرور جلد 19
383
خطبہ جمعہ فرمودہ مورخہ 02 جولائی 2021ء
اسلام میں جنگی قیدیوں کے علاوہ غلام بنانے کی ممانعت کا تذکرہ کرتے ہوئے حضرت مصلح موعودؓ فرماتے
ہیں کہ اللہ تعالیٰ " فرماتا ہے:
تُرِيدُونَ عَرَضَ الدُّنْيَا - (الانفال: 68)
اے مسلمانو! کیا تم دوسرے لوگوں کی طرح یہ چاہتے ہو کہ تم غیر اقوام کے افراد کو پکڑ کر اپنی طاقت اور
قوت کو بڑھالو۔وَاللهُ يُرِيدُ الْآخِرَةَ (الانفال: 68)
اللہ تعالیٰ یہ نہیں چاہتا کہ تم دنیا کے پیچھے چلو بلکہ وہ چاہتا ہے کہ تمہیں ان احکام پر چلائے جو انجام کے لحاظ
سے تمہارے لئے بہتر ہوں اور اگلے جہان میں تمہیں اللہ تعالیٰ کی رضا اور اس کی خوشنودی کا مستحق بنانے والے ہوں اور
اللہ تعالیٰ کی رضا اور انجام کے خوشگوار ہونے کے لحاظ سے یہی حکم تمہارے لئے بہتر ہے کہ تم سوائے جنگی قیدیوں کو
جنہیں دوران جنگ گرفتار کیا گیا ہو اور کسی کو قیدی مت بناؤ۔گویا جنگی قیدیوں کے سوا اسلام میں کسی قسم کے قیدی
بنانے جائز نہیں۔اس حکم پر شروع اسلام میں اس سختی کے ساتھ عمل کیا جاتا تھا کہ حضرت عمر رضی اللہ عنہ کے
عہدِ خلافت میں ایک دفعہ یمن کے لوگوں کا ایک وفد آپ کے پاس آیا اور اس نے شکایت کی کہ اسلام سے پہلے ہم کو
مسیحیوں نے بلا کسی جنگ کے یونہی زور سے غلام بنالیا تھا ورنہ ہم آزاد قبیلہ تھے۔ہمیں اس غلامی سے آزاد کرایا
جائے۔حضرت عمر رضی اللہ عنہ نے فرمایا کہ گو یہ اسلام سے پہلے کا واقعہ ہے مگر پھر بھی میں اس کی تحقیقات کروں
گا۔اگر تمہاری بات درست ثابت ہوئی تو تمہیں فوراً آزاد کرا دیا جائے گا۔لیکن اس کے بر خلاف " حضرت مصلح موعودؓ مقابلہ کر رہے ہیں آج کل کے یورپ کا کہ یہ تو اسلامی
تھی جس پر حضرت عمر نے عمل کروایا یا اس بارے میں ان کو تسلی کروائی لیکن اس کے بر خلاف یورپ میں کیا ہوتا
ہے " یورپ اپنی تجارتوں اور زراعتوں کے فروغ کے لئے انیسویں صدی کے شروع تک غلامی کو جاری رکھتا چلا گیا۔اس میں کوئی شبہ نہیں کہ اسلام کی تاریخ سے ایک غیر اسلامی غلامی کا بھی پتہ لگتا ہے مگر پھر بھی غلاموں کے ذریعہ
سے ملکی طور پر تجارتی یا صنعتی ترقی کرنے کا کہیں پتہ نہیں چلتا۔"
تعلیم
اسلام کا اقتصادی نظام۔انوار العلوم جلد 18 صفحہ 26-27)
اسلام میں یہ کوئی تصور نہیں۔ایک دفعہ حضرت عمرؓ کے زمانے میں بہت سخت قحط پڑ گیا مدینہ اور اس کے گردو نواح میں سخت قحط پڑا۔جب تیز ہوا چلتی تو راکھ کی طرح مٹی اڑ آتی تھی۔اس وجہ سے اس سال کا نام عام الرمادة، راکھ کا سال رکھ دیا گیا۔(تاریخ طبری جلد2 صفحه 508 سنة 18 دار الكتب العلمية بيروت 1987ء)
عوف بن حارث اپنے والد سے روایت کرتے ہیں کہ اس سال کا نام عام الرمادة یعنی راکھ کا سال اس لیے
رکھا گیا کہ ساری زمین بارش نہ ہونے کی وجہ سے سیاہ ہو کر راکھ کے مشابہ ہو گئی تھی اور یہ کیفیت نو (9) ماہ رہی۔حزام بن ہشام اپنے والد سے روایت کرتے ہیں کہ اٹھارہ ہجری میں لوگ جب حج سے واپس ہوئے تو انہیں سخت

خطبات مسرور جلد 19
384
خطبہ جمعہ فرمودہ مورخہ 02 جولائی 2021ء
تکلیف پہنچی۔ملک میں خشک سالی پھیل گئی۔مویشی ہلاک ہو گئے اور لوگ بھوک سے مرنے لگے یہاں تک کہ لوگ
بوسیدہ ہڈیوں کا سفوف پیس کر اس کو پانی میں ڈال کر پینے لگے اور چوہوں وغیرہ کے بلوں کو کھودتے اور اس میں جو
ہو تا اسے نکالنے لگے۔حضرت ابن عمرؓ سے روایت ہے کہ حضرت عمر بن خطاب نے حضرت عمرو بن عاص کی طرف
عام الرمادۃ میں خط لکھا:
بسم الله الرحمن الرحیم اللہ کے بندے عمر امیر المومنین کی طرف سے عاصی بن عاصی کے نام۔تم پر
سلامتی ہو۔آنا بعد۔کیا تم مجھے اور ان لوگوں کو مرتا ہوا دیکھنا چاہتے ہو جو میرے پاس ہیں اور تم زندہ ہو اور وہ لوگ جو
تمہارے پاس ہیں وہ بھی زندہ ہوں۔کیا کوئی مدد کرنے والا ہے ؟ یہ آپ نے تین دفعہ لکھا اس پر۔مد د امد دامدد!
اس کے جواب میں حضرت عمر و بن عاص نے لکھا:
بسم اللہ الرحمن الرحیم۔اللہ جس کے سوا کوئی عبادت کے لائق نہیں اس کے بندے کی طرف۔آقا
بعد آپ کے پاس مدد پہنچ گئی۔کچھ دیر انتظار فرمائیں۔میں آپ کی طرف اونٹوں کا ایک قافلہ بھیج رہاہوں جس کا
پہلا اونٹ آپ کے پاس ہو گا اور اس کا آخری اونٹ میرے پاس ہو گا یعنی اتنا بڑا قافلہ ہو گا۔ایک لمبی قطار ہو گی۔والی مصر حضرت عمرو بن عاص نے اناج اور غلہ کے ایک ہزار اونٹ بھیجے۔گھی اور کپڑے وغیرہ اس کے
علاوہ تھے۔والی عراق حضرت سعد نے دوہزار اونٹ اناج اور غلے کے بھیجے۔کپڑے وغیرہ اس کے علاوہ تھے۔والی کشام
حضرت امیر معاویہ نے تین ہزار اونٹ غلے کے بھیجے اور کپڑے وغیرہ اس کے علاوہ تھے۔جب پہلا غلہ آیا تو
حضرت عمر بن خطاب نے حضرت زبیر بن عوام سے فرمایا۔تم قافلے کو روک کر اہل بادیہ کی طرف پھیر دو۔یعنی جو
گاؤں کے رہنے والے ہیں ان کی طرف پھیر دو۔ان کو پہلے دو اور ان لوگوں میں تقسیم کر دو۔بخدا ممکن ہے
رسول اللہ صلی اللہ علیہ وسلم کی صحبت کے بعد اس سے افضل کوئی ھے تمہیں حاصل نہ ہوئی ہو گی۔اس کے بوروں
سے لحاف بنادو جسے وہ لوگ پہنیں اور اونٹوں کو ان کے لیے ذبح کر دینا۔وہ لوگ گوشت کھائیں اور اس کی چکنائی اٹھا
کر لے جائیں۔تم انتظار نہ کرنا کہ وہ کہیں کہ ہم لوگ بارش کے آنے تک انتظار کریں گے۔وہ لوگ آثار پکائیں اور جمع
کریں یہاں تک کہ اللہ ان کے لیے کشادگی کا حکم لائے۔یعنی کچھ پکائیں ، کھائیں اور کچھ جو ہے وہ سٹور بھی کر لیں۔حضرت عمرؓ کھانا تیار کرواتے اور ان کا منادی اعلان کرتا کہ جو شخص چاہتا ہے کہ وہ کھانے کے وقت حاضر ہو اور کھانا
چاہے تو وہ ضرور ایسا کرے۔اور جو پسند کرتا ہے کہ جو کھانا اس کے لیے اور اس کے گھر والوں کے لیے کفایت کرے
تو وہ آئے اور وہ لے جائے۔حضرت عمر لوگوں کو شرید، یعنی روٹی کو توڑ کر شور بہ میں ڈال کر جو کھانا تیار ہوتا ہے وہ
کھلاتے تھے۔یہ روٹی ہوتی تھی جس کے ساتھ زیتون کا سالن ہو تا تھا جو فوراً دیگوں میں پکایا جاتا تھا۔اونٹ ذبح کیے
جاتے تھے۔حضرت عمررؓ بھی سب لوگوں کے ساتھ مل کر کھاتے تھے جس طرح وہ کھاتے تھے۔عبد اللہ بن زید بن اسلم اپنے دادا اسلم سے روایت کرتے ہیں کہ حضرت عمرہ مسلسل روزے رکھتے رہے۔عام الرمادة کے زمانے میں شام کے وقت حضرت عمرؓ کے پاس روٹی لائی جاتی جو زیتون کے تیل کے ساتھ ملی ہوتی
تھی۔لوگوں نے ایک روز اونٹ ذبح کر کے لوگوں کو کھلائے۔انہوں نے حضرت عمرؓ کے لیے عمدہ حصہ رکھ لیا۔

خطبات مسرور جلد 19
385
خطبہ جمعہ فرمودہ مورخہ 02 جولائی 2021ء
جب حضرت عمرؓ کے پاس وہ حصہ لایا گیا تو اس میں کو ہان اور کلیجی کے ٹکڑے تھے۔حضرت عمرؓ نے دریافت فرمایا کہ
یہ کہاں سے آئے؟ تو بتایا گیا کہ اے امیر المومنین! یہ ان اونٹوں سے ہے جو آج ہم نے ذبح کیے تھے۔آپؐ نے فرمایا
افسوس! افسوس! میں کیا ہی بُرا نگران ہوں گا اگر اس کا اچھا حصہ میں کھاؤں اور لوگوں کو اس کا رڈی حصہ کھلاؤں۔یہ پیالہ اٹھالو اور ہمارے لیے اس کے علاوہ کوئی اور کھانا لاؤ۔چنانچہ روٹی اور زیتون کا تیل لایا گیا۔آپ نے روٹی اپنے
ہاتھ سے توڑی اور اس سے ثرید بنایا۔پھر آپ نے اپنے غلام سے فرمایا۔اے یدفا !تمہارا بھلا ہو یہ پیالہ شیخ میں ایک
گھر والوں کے پاس لے جاؤ۔شیخ بھی مدینہ کے قریب کھجوروں کا ایک باغ تھا جس کے مالک حضرت عمرؓ تھے۔انہوں نے اس باغ کو وقف کیا ہوا تھا۔حضرت عمرؓ نے فرمایا کہ تین دن سے میں نے ان کو کچھ نہیں دیا اور میر اخیال
ہے کہ وہ خالی پیٹ ہوں گے۔یہ ان کے سامنے پیش کر دو۔حضرت ابن عمرؓ سے مروی ہے کہ قحط کے دنوں میں حضرت عمرؓ نے ایک نیا کام کیا جسے وہ پہلے نہ کیا کرتے
تھے اور وہ یہ تھا کہ لوگوں کو عشاء کی نماز پڑھا کر اپنے گھر میں داخل ہو جاتے اور آخر شب تک مسلسل نماز پڑھتے
رہتے۔پھر آپ باہر نکلتے اور مدینہ کے اطراف میں چکر لگاتے رہتے۔ایک رات سحری کے وقت میں نے ان کو یہ
کہتے ہوئے سنا کہ :
اللَّهُمَّ لَا تَجْعَلْ هَلَاكَ أُمَّةٍ مُحَمَّدٍ عَلَى يَدَيَّ
کہ اے اللہ !میرے ہاتھوں محمد صلی اللہ علیہ وسلم کی امت کو ہلاکت میں نہ ڈالنا۔محمد بن یحیی بن حبان بیان کرتے ہیں کہ قحط کے ایام میں حضرت عمرؓ کے پاس ایک دفعہ چربی میں ڈوبی ہوئی
روٹی لائی گئی۔آپ نے ایک بدوی کو اپنے پاس بلایا اور وہ آپ کے ساتھ بیٹھ کر کھانا کھانے لگا۔وہ جلدی جلدی پیالے
کے کناروں سے چربی لینے لگا۔اس پر حضرت عمرؓ نے فرمایا۔تم تو ایسے کھا رہے ہو جیسے کبھی چربی نہیں دیکھی۔اس نے کہا
بے شک میں نے کئی دنوں سے نہ گھی کھایا ہے اور نہ زیتون اور نہ ہی کسی کو یہ کھاتے دیکھا ہے۔یہ بات سن کر حضرت عمرؓ
نے قسم کھائی کہ وہ نہ تو گوشت چکھیں گے اور نہ ہی گھی یہاں تک کہ لوگ پہلے کی طرح خوشحال ہو جائیں۔ابن طاؤس اپنے والد سے روایت کرتے ہیں کہ حضرت عمرؓ نے نہ گوشت کھایا اور نہ ہی گھی یہاں تک کہ
لوگ خوشحال ہو گئے اور گھی وغیرہ نہ کھانے اور صرف تیل کھانے کی وجہ سے آپ کا پیٹ گڑ گڑا تا تھا۔آپ کہتے یعنی
اپنے پیٹ کو مخاطب کر کے کہ تم گڑ گڑاتے رہو۔اللہ کی قسم ! تمہیں کچھ اور نہیں ملے گا تاوقتیکہ لوگ خوشحال نہ ہو
جائیں اور پہلے جیسا کھانا شروع نہ کر دیں۔عي راض بن خليفہ کہتے ہیں کہ میں نے قحط کے سال حضرت عمر کو دیکھا۔آپ کا رنگ سیاہ ہو گیا تھا
حالانکہ پہلے آپ کا رنگ سفید تھا۔ہم کہتے یہ کیسے ہوا تو راوی نے بتایا کہ حضرت عمرؓ ایک عربی آدمی تھے۔وہ گھی اور
دودھ کا استعمال کرتے تھے۔جب لوگوں پر قحط آیا تو انہوں نے یہ چیزیں اپنے اوپر حرام کر لیں یہاں تک کہ لوگ
خوشحال ہو جائیں۔حضرت عمرؓ نے تیل کے ساتھ کھانا کھایا جس سے آپ کارنگ تبدیل ہو گیا اور جب فاقہ کشی کی تو
یہ رنگ مزید تبدیل ہو گیا۔

خطبات مسرور جلد 19
386
خطبه جمعهہ فرمودہ مور محمد 02 جولائی 2021ء
اسامہ بن زید بن اسلم نے اپنے دادا سے روایت کی کہ ہم لوگ کہا کرتے تھے کہ اگر اللہ نے قحط رفع نہ کیا
تو حضرت عمررؓ مسلمانوں کی فکر میں مر ہی جائیں گے۔زید بن اسلم اپنے والد سے روایت کرتے ہیں کہ قحط کے زمانے میں سارے عرب سے لوگ مدینہ آئے۔حضرت عمرؓ نے لوگوں کو حکم دیا تھا کہ وہ ان کا انتظام کریں اور انہیں کھانا کھلائیں۔مدینہ کے چاروں طرف حضرت عمر
نے مختلف اصحاب کی ڈیوٹی لگادی تھی جو ایک ایک لمحہ کی خبر شام کو جمع ہو کر آپ کو دیتے تھے۔صبح سے لے کے شام
تک جو خبریں بھی ہوتی تھیں شام کو آپ کے پاس لائی جاتی تھیں۔آپ کو وہ خبریں پہنچائی جاتی تھیں۔مدینہ کے
مختلف علاقوں میں بدوی لوگ آئے ہوئے تھے۔ایک رات جب لوگ رات کا کھانا کھا چکے تو حضرت عمرؓ نے فرمایا کہ
جنہوں نے ہمارے ساتھ رات کا کھانا کھایا ہے ان کا شمار کرو۔چنانچہ ان کا شمار کیا گیا تو سات ہزار کے قریب افراد
تھے۔پھر آپ نے فرمایا کہ جو نہیں آئے انہیں اور مریضوں اور بچوں کو بھی شمار کر و۔جب گنتی کی گئی تو وہ چالیس
ہزار کی تعداد تھی۔چند دن بعد یہ تعداد بڑھ گئی۔دوبارہ گنتی کی گئی تو جو لوگ آپ کے ساتھ کھانا کھارہے تھے ان کی
تعداد دس ہزار اور دوسروں کی تعداد پچاس ہزار ہو گئی۔اسی طرح سلسلہ چلتا رہا یہاں تک کہ اللہ تعالیٰ نے بارش
نازل فرما دی۔جب بارش ہوئی تو میں نے حضرت عمرؓ کو دیکھا کہ آپ نے اپنے عاملین کو حکم دیا کہ سب لوگوں کا ان
کے اپنے اپنے علاقے میں واپسی کا انتظام کریں اور انہیں غلہ اور سواریاں بھی مہیا کریں۔راوی کہتے ہیں میں نے دیکھا
کہ حضرت عمر بنفس نفیس ان لوگوں کو روانہ کرنے کے لیے آتے تھے۔(ماخوذ از الطبقات الكبرى جزء 3 صفحه 165 تا 169 ذكر هجرة عمر بن الخطاب مطبوعه داراحياء التراث
العربي بيروت 1996ء) (لغات الحدیث جلد 1 صفحہ 234 زیر لفظ شرید۔نعمانی کتب خانہ لاہور 2005ء)( فتح الباری شرح
صحيح البخاری جلد 5 صفحه 460-461 حديث 2764 دار الريان للتراث القاهرة 1986ء)
ارد گرد کے لوگ بھوک سے تنگ آ کے شہر میں آگئے تھے۔کھانا ان کو یہاں ملتا تھا۔جب حالات
ٹھیک ہو گئے ، بارشیں ہو گئیں اور زراعت وغیرہ ہو سکتی تھی تو پھر آپ نے کہا واپس جاؤ اور محنت کرو اور اپنی
کھیتیوں کو آباد کرو۔تاریخ طبری میں اس قحط کے ختم ہونے کے متعلق لکھا ہے کہ ایک شخص نے خواب دیکھا جس کے
مطابق آنحضرت صلی اللہ علیہ وسلم نے دعا کی طرف توجہ دلائی جس پر حضرت عمرؓ نے لوگوں میں اعلان کرایا کہ
نماز استسقاء پڑھی جائے گی۔حضرت عمرؓ نے فرمایا: مصیبت اپنے انتہا کو پہنچ چکی اور اب ان شاء اللہ ختم ہونے والی
ہے۔جس قوم کو دعا کی توفیق مل گئی پس سمجھ لینا چاہیے کہ ان کی مصیبت دور ہو گئی۔آپ نے دیگر شہروں کے
گورنروں کے نام خط تحریر فرمائے کہ تم مدینہ اور ان کے اطراف کے بندگان خدا کے لیے نماز استسقاء پڑھو کیونکہ وہ
مصیبت کی انتہا کو پہنچ گئے ہیں۔حضرت عمرؓ نے مسلمانوں کو نماز استسقاء کے لیے باہر میدان میں جمع کیا اور
حضرت عباس کو لے کر حاضر ہوئے، مختصر خطبہ پڑھا اور نماز پڑھائی پھر دوزانو ہو کر بیٹھے اور دعا شروع کی۔اللَّهُمَّ إِيَّاكَ نَعْبُدُ وَإِيَّاكَ نَسْتَعِينُ، اَللّهُمَّ اغْفِرْ لَنَا وَارْحَمْنَا وَارْضَ عَنَّا
اے اللہ ! ہم صرف تیری ہی عبادت کرتے ہیں اور تجھ سے ہی مدد کے خواہاں ہیں۔اے اللہ ! ہمیں

خطبات مسرور جلد 19
387
خطبہ جمعہ فرمودہ مورخہ 02 جولائی 2021 ء
معاف فرما! ہم پر رحم کر اور ہم سے راضی ہو جا۔اس کے بعد آپ واپس لوٹے۔ابھی گھر نہیں پہنچ پائے تھے کہ
میدان میں بارش کی وجہ سے تالاب بن گیا۔( تاریخ طبری جلد 2 صفحه 508-509 سنة 18 دار الكتب العلمية بيروت 1987ء)
ایک روایت کے مطابق حضرت عمرؓ نے دعا کرتے ہوئے عرض کیا کہ اے اللہ ! تیرے نبی صلی اللہ علیہ وسلم
کے زمانے میں جب ہم پر خشک سالی ہوتی تو ہم تیرے نبی کے واسطے بارش کی دعا کیا کرتے تھے تو تُو ہم پر بارش برساتا
تھا۔آج ہم تجھے تیرے نبی صلی اللہ علیہ وسلم کے چچا کا واسطہ دے کر دعا کر رہے ہیں۔پس تو ہماری یہ قحط سالی ختم کر
دے اور ہم پر بارش نازل فرما۔چنانچہ لوگ ابھی اپنی جگہوں سے ہٹے نہ تھے کہ بارش برسنی شروع ہو گئی۔الطبقات الكبرى لابن سعد جلد 4 صفحه 21 دار الكتب العلمية بيروت 1990ء)
مسجد نبوی میں چٹائیاں بچھانے کا سلسلہ کب شروع ہوا؟ پہلے لوگ اسی طرح نماز پڑھتے تھے اور فرش پر یا
کچی جگہ پر نماز پڑھتے تھے۔ماتھے پہ مٹی لگ جایا کرتی تھی۔اس کے بعد پھر چٹائیوں کا رواج ہوا۔اس بارے میں
عبد اللہ بن ابراہیم سے روایت ہے کہ سب سے پہلے مسجد نبوی میں جس نے چٹائی بچھائی وہ حضرت عمر بن خطاب
تھے۔پہلے لوگ جب اپنا سر سجدے سے اٹھاتے تو اپنے ہاتھ جھاڑا کرتے تھے۔اس پر آپ نے چٹائیاں بچھانے کا حکم
دیا جو عقیق سے لائی گئیں اور مسجد نبوی میں بچھائی گئیں۔عقیق بھی ایک وادی کا نام ہے جو مدینہ کے جنوب مغرب
سے شروع ہو کر شمال مغرب تک تقریباً ڈیڑھ سو کلومیٹر تک پھیلی ہوئی وادی ہے۔کہتے ہیں بہت بڑی وادی ہے۔(ماخوذ از ازالۃ الخفاء عن خلافة الخلفاء مترجم از شاہ ولی اللہ جلد 3 صفحہ 236 مناقب فاروق اعظم مطبوعہ قدیمی کتب خانہ کراچی)
(السیرت نبوی صفحه 168 - دار السلام الرياض (1424ھ)
حضرت عمرؓ کے زمانے میں سترہ ہجری میں مسجد نبوی کی توسیع بھی ہوئی تھی۔حضرت عبد اللہ بن عمرؓ سے
مروی ہے کہ رسول اللہ صلی اللہ علیہ وسلم کے دور میں مسجد کچی اینٹوں سے بنی ہوئی تھی جس کی چھت کھجور کی
ٹہنیوں اور پتوں سے بنی ہوئی تھی اور ستون کھجور کے تنوں کے تھے۔حضرت ابو بکر صدیق رضی اللہ تعالیٰ عنہ نے
اس کو اسی حال میں رہنے دیا اور اس میں کوئی توسیع یا تبدیلی نہ کی۔حضرت عمرؓ نے اس کی تعمیر نو اور توسیع کروائی مگر
اس کی ہیئت اور طرز تعمیر میں کوئی تبدیلی نہ کرائی۔انہوں نے بھی اسے اسی طرح کے طرز تعمیر سے بنوایا۔چھت
پہلے کی طرح کھجور کے پتوں کی ہی رہی۔انہوں نے صرف ستون لکڑی کے ڈلوا دیے۔حضرت عمرؓ نے سترہ ہجری
میں مسجد کی تعمیر کو اپنی زیر نگرانی مکمل کروایا۔اس توسیع کے بعد مسجد کا رقبہ سوضرب سو (100X100) ذرع
یعنی تقریباً پچاس ضرب پچاس (50X50 میٹر سے بڑھ کر ایک سو چالیس ضرب ایک سو بیس (140X120)
ذرع تقریباً ستر ضرب ساٹھ (70X60) میٹر ہو گیا۔اس روایت سے ظاہر ہوتا ہے کہ حضرت ابو بکر کے دور میں
بھی مسجد نبوی وہی رہی جو کہ رسول اللہ صلی اللہ علیہ وسلم کے عہد میں تھی تاہم حضرت عمر کی تعمیر نو کے ساتھ اس
میں کافی توسیع ہو گئی تھی۔ابوسعید خدری سے روایت ہے کہ حضرت عمر نے حکم دیا کہ مسجد نبوی کی تعمیر نو کی جائے اور لوگوں کو
بارش سے بچانے کا بندوبست کیا جائے تاہم سرخ و سفید تزئین سے اجتناب کیا جائے کیونکہ یہی تزئین انسان کو

خطبات مسرور جلد 19
388
خطبہ جمعہ فرمودہ مورخہ 02 جولائی 2021ء
مصائب میں دوچار کر دیتی ہے۔حضرت عمرؓ نے کفایت شعاری سے کام لیا اور مسجد کو اسی طرز پر استوار کیا جیسا کہ
رسول اللہ صلی اللہ علیہ وسلم کے دورِ مبارک میں ہوا کرتی تھی۔مسجد کی توسیع کرتے وقت انہیں اس سے ملحقہ
مکانات حاصل کرنے پڑے جو کہ شمال جنوب اور مغربی جانب تھے۔کچھ لوگوں نے برضاور غبت اپنی زمینیں مسجد
کے لیے ہبہ کر دیں اور کچھ کے لیے حضرت عمرؓ کو افہام و تفہیم اور مالی ترغیب کا طریقہ اختیار کرنا پڑا۔اس طرح کچھ
زمین آپ کو خرید کر مسجد میں شامل کرنا پڑی۔(ماخوذ از جستجوئے مدینہ از عبد الحمید قادری صفحہ 459 اور مینٹل پبلی کیشنز لاہور 2007ء)
حضرت عمرؓ کے زمانے میں مردم شماری کا رواج بھی شروع ہوا یا آپ نے کروائی اور راشنگ سسٹم
(rationing system) بھی خوراک کے لیے مقرر ہوا۔اس ضمن میں حضرت مصلح موعود رضی اللہ تعالیٰ عنہ
نے لکھا ہے کہ اسلامی حکومت کا نظم و نسق کس طرح چلتا تھا اور کیا کیا تبدیلیاں ہوئیں۔کیا کیا نئی باتیں انتظامی
معاملات میں پیدا اور شروع کی گئیں۔آپ لکھتے ہیں کہ رسول کریم صلی اللہ علیہ وسلم نے مدینہ میں آکر پہلا کام یہی
کیا تھا کہ جائید ادوالوں کو بے جائیداد والوں کا بھائی بنادیا۔انصار جائیدادوں کے مالک تھے اور مہاجر بے جائیداد تھے۔رسول کریم صلی اللہ علیہ وسلم نے انصار اور مہاجرین دونوں میں مؤاخات قائم فرما دی اور ایک ایک جائیداد والے کو
ایک ایک بے جائیداد والے سے ملا دیا اور اس میں بعض لوگوں نے اتنا غلو کیا کہ دولت تو الگ رہی، بعض کی اگر
دو بیویاں تھیں تو انہوں نے اپنے اپنے مہاجر بھائیوں کی خدمت میں یہ پیشکش کی کہ وہ ان کی خاطر اپنی ایک بیوی کو طلاق
دینے کو تیار ہیں۔وہ ان سے بے شک شادی کر لیں۔یہ مساوات کی پہلی مثال تھی جو رسول کریم صلی اللہ علیہ وسلم نے
مدینہ میں جاتے ہی قائم فرمائی کیونکہ حکومت کی بنیاد در اصل مدینہ میں ہی پڑی تھی۔اس زمانہ میں زیادہ دولتیں نہ
تھیں۔یہی صورت تھی کہ امیر اور غریب کو اس طرح ملا دیا جائے کہ ہر شخص کو کھانے کے لیے کوئی چیز مل سکے۔پھر ایک جنگ کے موقع پر بھی رسول کریم صلی اللہ علیہ وسلم نے اس طریق کو استعمال فرمایا گو اس کی شکل بدل دی۔ایک جنگ کے موقع پر آپ کو معلوم ہوا کہ بعض لوگوں کے پاس کھانے کی کوئی چیز نہیں رہی یا اگر ہے تو بہت ہی کم
اور بعض کے پاس کافی چیزیں ہیں۔تو یہ صورت حال دیکھ کر رسول کریم صلی اللہ علیہ وسلم نے فرمایا کہ جس جس کے
پاس جو کوئی چیز ہے وہ لے آئے اور ایک جگہ جمع کر دی جائے۔چنانچہ سب چیزیں لائی گئیں اور آپ نے راشن مقرر
کر دیا۔گویا یہاں بھی وہی طریق آگیا کہ سب کو کھانا ملنا چاہیے۔جب تک ممکن تھا سب لوگ الگ الگ کھاتے رہے مگر
جب یہ امر ناممکن ہو گیا اور خطرہ پید اہو گیا کہ بعض لوگ بھوکے رہنے لگ جائیں گے تو رسول کریم صلی اللہ علیہ وسلم
نے فرمایا کہ اب تمہیں علیحدہ کھانے کی اجازت نہیں، اب سب کو ایک جگہ سے برابر کھانا ملے گا۔یہ موقع کی
مناسبت کے لحاظ سے فیصلہ ہوا تھا۔کوئی سوشلزم کا یا کمیونزم کا نظریہ نہیں قائم کیا گیا تھا۔بہر حال صحابہ کہتے ہیں کہ
رسول کریم صلی اللہ علیہ وسلم کے اس حکم پر ہم نے اس سختی سے عمل کیا کہ اگر ہمارے پاس ایک کھجور بھی ہوتی
تو ہم اس کا کھانا سخت بد دیانتی سمجھتے تھے اور اس وقت تک چین نہیں لیتے تھے جب تک کہ اس کو سٹور میں داخل
نہیں کر دیتے تھے۔یہ دوسر انمونہ تھا جو رسول کریم صلی اللہ علیہ وسلم نے دکھایا۔جب تک کہ حالات خراب تھے

خطبات مسرور جلد 19
389
خطبہ جمعہ فرمودہ مورخہ 02 جولائی 2021ء
اس وقت تک یہ اسی طرح ہو تا تھا اور یہ نمونہ آپ نے قائم کیا۔پھر رسول کریم صلی اللہ علیہ وسلم کے زمانہ میں دولت بھی آئی اور خزانوں کے منہ اللہ تعالیٰ نے اسلام
کے لیے کھول دیئے۔مگر اللہ تعالیٰ چاہتا تھا کہ اس بارہ میں تفصیلی نظام رسول کریم صلی اللہ علیہ وسلم کے بعد جاری ہو
تالوگ یہ نہ کہہ دیں کہ یہ صرف رسول کریم صلی اللہ علیہ وسلم کی خصوصیت تھی۔کوئی اور شخص اسے جاری نہیں
کر سکتا۔جب دولتیں آگئیں تو پر انا نظام جاری ہو گیا لیکن بعد میں بھی اس کو اللہ تعالیٰ نے جاری کرنے کا انتظام فرمایا۔وہ کس طرح؟ آپ لکھتے ہیں کہ چنانچہ ادھر اللہ تعالیٰ نے آپ صلی اللہ علیہ وسلم کے ہاتھ سے ایک نمونہ قائم کر دیا
اور ادھر مدینہ پہنچتے ہی انصار نے اپنی دولتیں مہاجرین کے سامنے پیش کر دیں۔مہاجرین نے کہا ہم یہ زمینیں مفت
میں لینے کے لیے تیار نہیں۔ہم ان زمینوں پر بطور مزارع کام کریں گے اور تمہارا حصہ تمہیں دیں گے۔لیکن یہ
مہاجرین کی طرف سے اپنی ایک خواہش کا اظہار تھا۔انصار نے اپنی جائیدادوں کے دینے میں کوئی پس و پیش نہیں کیا۔یہ
ایسی ہی بات ہے جیسے گورنمنٹ راشن دے تو کوئی شخص نہ لے۔اس سے گورنمنٹ زیر الزام نہیں آئے گی۔یہی
کہا جائے گا کہ گورنمنٹ نے تو راشن مقرر کر دیا تھا۔اب دوسرے شخص کی مرضی تھی کہ وہ چاہے لیتایا نہ لیتا۔اسی طرح
انصار نے سب کچھ دے دیا۔یہ الگ بات ہے کہ مہاجرین نے نہ لیا۔غرض عملی طور پر رسول کریم صلی اللہ علیہ وسلم نے
یہ کام اپنی زندگی میں ہی شروع فرما دیا تھا۔یہاں تک کہ جب بحرین کا بادشاہ مسلمان ہو ا تو آپ نے اسے ہدایت
فرمائی کہ تمہارے ملک میں جن لوگوں کے پاس گزارہ کے لیے کوئی زمین نہیں ہے تم ان میں سے ہر شخص کو چار
در ہم اور لباس گزارہ کے لیے دو تاکہ وہ بھوکے اور ننگے نہ رہیں۔اس کے بعد مسلمانوں کے پاس دولتیں آنی شروع
ہو گئیں۔چونکہ مسلمان کم تھے اور دولت زیادہ تھی اس لیے کسی نئے قانون کے استعمال کی اس وقت ضرورت
محسوس نہ ہوئی۔کیونکہ جو غرض تھی وہ پوری ہو رہی تھی۔اصول یہ ہے کہ جب خطرہ ہو تب قانون جاری کیا جائے
اور جب نہ ہو اس وقت اجازت ہے کہ حکومت اس قانون کو جاری کرے یا نہ کرے۔پھر جو بات میں نے شروع کی
تھی، جو میں بیان کرنا چاہتا تھا بیچ میں دوسری تفصیل آگئی۔اب وہ بات یہ ہے کہ رسول اللہ صلی اللہ علیہ وسلم کے بعد
وہ
یہ نظام کس طرح جاری ہوا ؟
جب رسول کریم صلی اللہ علیہ وسلم وفات پاگئے اور مسلمان دنیا کے مختلف گوشوں میں پھیلنا شروع ہوئے
تو اس وقت غیر قومیں بھی اسلام میں شامل ہو گئیں۔عرب لوگ تو ایک جتھہ اور ایک قوم کی شکل میں تھے اور وہ
آپس میں مساوات بھی قائم رکھتے تھے۔جب اسلام مختلف گوشوں میں پہنچا اور مختلف قومیں اسلام میں داخل ہونی
شروع ہوئیں تو ان کے لیے روٹی کا انتظام بڑا مشکل ہو گیا۔آخر حضرت عمر رضی اللہ تعالیٰ عنہ نے تمام لوگوں کی
مردم شماری کرائی اور راشنگ سسٹم (rationing system) قائم کر دیا جو بنو امیہ کے عہد تک جاری رہا۔یورپین مؤرخ بھی تسلیم کرتے ہیں کہ سب سے پہلی مردم شماری حضرت عمر رضی اللہ عنہ نے کروائی تھی
اور وہ یہ بھی تسلیم کرتے ہیں کہ حضرت عمر نے یہ سب سے پہلی مردم شماری رعایا سے دولت چھینے کے لیے نہیں بلکہ
ان کی غذا کا انتظام کرنے کے لیے جاری کی تھی۔اور حکومتیں تو اس لیے مردم شماری کراتی ہیں کہ لوگ قربانی کے

خطبات مسرور جلد 19
390
خطبہ جمعہ فرمودہ مورخہ 02 جولائی 2021ء
بکرے بہنیں اور فوجی خدمات بجالائیں۔مگر حضرت عمر نے اس لیے مردم شماری نہیں کرائی کہ لوگ قربانی کے
بکرے بنیں بلکہ اس لیے کرائی کہ ان کے پیٹ میں روٹی ڈالی جائے ، یہ دیکھا جائے کہ کتنے لوگ ہیں اور خوراک کا
کتنا انتظام کرنا ہے ؟ چنانچہ مردم شماری کے بعد تمام لوگوں کو ایک مقررہ نظام کے ماتحت غذا ملتی اور جو باقی ضروریات
رہ جاتیں ان کے لیے انہیں ماہوار کچھ رقم دے دی جاتی اور اس بارہ میں اتنی احتیاط سے کام لیا جا تا تھا کہ حضرت عمر
کے زمانہ میں جب شام فتح ہوا اور وہاں سے زیتون کا بے شمار تیل آیا اور ہر ایک کو زیتون کا تیل ملنے لگ گیا۔تو آپ
نے ایک دفعہ لوگوں سے کہا کہ زیتون کے استعمال سے میرا پیٹ پھول جاتا ہے۔یعنی حضرت عمرؓ کو خود بھی ملتا تھا،
اس میں سے تیل لیتے تھے تو آپ نے کہا کہ زیتون کا جب میں زیادہ استعمال کروں تو میر اپیٹ پھول جاتا ہے۔تم مجھے
اجازت دو تو میں بیت المال سے اتنی ہی قیمت کا گھی لے لیا کروں۔اور زیتون کیونکہ میری صحت کے لیے ٹھیک نہیں
ہے تو جتنی قیمت کا زیتون ہے اتنی قیمت کا بھی لے لیا کروں۔غرض یہ پہلا قدم تھا جو اسلام میں لوگوں کی ضروریات
کو پورا کرنے کے لیے اٹھایا گیا اور ظاہر ہے کہ اگر یہ نظام قائم ہو جائے تو اس کے بعد کسی اور نظام کی ضرورت نہیں
رہتی کیونکہ سارے ملک کی ضروریات کی ذمہ دار حکومت ہو گی۔ان کا کھانا، ان کا پینا، ان کا پہنا، ان کی تعلیم، ان کی
بیماریوں کا علاج اور ان کی رہائش کے لیے مکانات کی تعمیر یہ سب کا سب اسلامی حکومت کے ذمہ ہو گا اور اگر یہ
ضروریات پوری ہوتی رہیں تو کسی بیمہ وغیرہ کی ضرورت نہیں رہتی۔بیجے اس لیے لوگ کرواتے ہیں ناں کہ بعد میں
ہم اپنے بچوں کے لیے کچھ چھوڑ جائیں یا جب بڑھاپے میں کمائی نہیں کر سکتے تو اپنی ضروریات پوری کر سکیں۔جب
حکومت یہ ذمہ داری لے لے تو پھر کسی بھی بیمے کی ضرورت نہیں رہتی۔پھر حضرت مصلح موعود لکھتے ہیں کہ مگر
بعد میں آنے والوں نے یہ کہنا شروع کر دیا کہ یہ بادشاہ کی مرضی پر منحصر ہے کہ وہ چاہے تو کچھ دے اور چاہے تو نہ
دے اور چونکہ اسلامی تعلیم ابھی پورے طور پر راسخ نہیں ہوئی تھی تو وہ لوگ پھر قیصر و کسری کے طریق کی طرف
مائل ہو گئے۔جس طرح دوسرے بادشاہ کرتے تھے وہی طریق پھر رائج ہو گیا۔(ماخوذ از تفسیر کبیر جلد 7 صفحہ 334 تا 336)
اسلامی حکومت کے ہر شخص کے لیے روٹی کپڑے کے انتظام کرنے کے بارے میں حضرت مصلح موعودؓ
مزید فرماتے ہیں کہ " اسلامی حکومت۔۔۔جب وہ اموال کی مالک ہوئی تو اس نے ہر ایک شخص کی روٹی کپڑے کا انتظام
کیا چنانچہ “ وہی بیان ہوا ہے کہ ”حضرت عمر رضی اللہ عنہ کے زمانہ میں جب نظام مکمل ہوا تو اس وقت اسلامی تعلیم
کے ماتحت ہر فردو بشر کے لیے روٹی اور کپڑا مہیا کرنا حکومت کے ذمہ تھا اور وہ اپنے اس فرض کو پوری ذمہ داری کے
ساتھ ادا کیا کرتی تھی۔حضرت عمر رضی اللہ عنہ نے اس غرض کے لیے مردم شماری کا طریق جاری کیا اور رجسٹرات
کھولے جن میں تمام لوگوں کے ناموں کا اندراج ہوا کرتا تھا۔یورپین مصنفین بھی تسلیم کرتے ہیں" جیسا کہ پہلے
ذکر بھی آچکا ہے " کہ پہلی مردم شماری حضرت عمر رضی اللہ عنہ نے کی اور انہوں نے ہی رجسٹرات کا طریق جاری
کیا۔اس مردم شماری کی وجہ یہی تھی کہ ہر شخص کو روٹی کپڑا دیا جاتا تھا اور حکومت کے لیے ضروری تھا کہ وہ اِس
بات کا علم رکھے کہ کتنے لوگ اس ملک میں پائے جاتے ہیں۔آج یہ کہا جاتا ہے کہ سوویت رشیا نے غرباء کے کھانے

خطبات مسرور جلد 19
391
خطبہ جمعہ فرمودہ مورخہ 02 جولائی 2021ء
اور ان کے کپڑے کا انتظام کیا ہے۔حالانکہ سب سے پہلے اس قسم کا اقتصادی نظام اسلام نے جاری کیا ہے اور
عملی رنگ میں حضرت عمر رضی اللہ عنہ کے زمانہ میں ہر گاؤں، ہر قصبہ اور ہر شہر کے لوگوں کے نام رجسٹر میں
درج کیے جاتے تھے۔ہر شخص کی بیوی، اس کے بچوں کے نام اور ان کی تعداد درج کی جاتی تھی اور پھر ہر شخص
کے لیے غذا کی بھی ایک حد مقرر کر دی گئی تھی تاکہ تھوڑا کھانے والے بھی گزارہ کر سکیں اور زیادہ کھانے
والے بھی اپنی خواہش کے مطابق کھا سکیں۔تاریخوں میں ذکر آتا ہے کہ حضرت عمر رضی اللہ عنہ نے ابتداء میں جو فیصلے فرمائے ان میں دودھ پیتے
بچوں کا خیال نہیں رکھا گیا تھا اور ان کو اس وقت غلہ وغیرہ کی صورت میں مددملنی شروع ہوتی تھی جب مائیں اپنے
بچوں کا دودھ چھڑا دیتی تھیں۔"جیسا کہ گذشتہ خطبہ میں میں نے بیان کیا تھا کہ " ایک رات حضرت عمر رضی اللہ عنہ
لوگوں کے حالات معلوم کرنے کے لیے گشت لگا رہے تھے کہ ایک خیمہ میں سے کسی بچہ کے رونے کی آواز آئی۔حضرت عمر رضی اللہ عنہ وہاں ٹھہر گئے۔مگر بچہ تھا کہ روتا چلا جاتا تھا اور ماں اسے تھپکیاں دے رہی تھی تا کہ وہ سو
جائے۔جب بہت دیر ہو گئی تو حضرت عمر رضی اللہ عنہ اس خیمہ کے اندر گئے اور عورت سے کہا کہ تم بچے کو دودھ
کیوں نہیں پلاتی۔یہ کتنی دیر سے رورہا ہے ؟ اس عورت نے آپ کو پہچانا نہیں۔اس نے سمجھا کہ کوئی عام شخص ہے۔چنانچہ اس نے جواب میں کہا کہ تمہیں معلوم نہیں عمر نے فیصلہ کر دیا ہے کہ دودھ پینے والے بچہ کو غذا نہ ملے۔ہم
غریب ہیں ہمارا گزارہ تنگی سے ہوتا ہے۔میں نے اس بچے کا دودھ چھڑا دیا ہے تاکہ بیت المال سے اس کا غلہ بھی مل
سکے۔اب اگر یہ روتا ہے تو روئے عمر کی جان کو جس نے ایسا قانون بنایا ہے۔حضرت عمر رضی اللہ عنہ اسی وقت واپس
آئے اور راستہ میں نہایت غم سے کہتے جاتے تھے کہ عمر! عمر ! معلوم نہیں تو نے اس قانون سے کتنے عرب بچوں کا
دودھ چھڑوا کر آئندہ نسل کو کمزور کر دیا ہے۔ان سب کا گناہ اب تیرے ذمہ ہے۔یہ کہتے ہوئے آپ سٹور میں
آئے ، دروازہ کھولا اور ایک بوری آٹے کی اپنی پیٹھ پر اٹھا لی۔کسی شخص نے کہا کہ لائیے میں اس بوری کو اٹھا لیتا ہوں۔حضرت عمر رضی اللہ عنہ نے کہا۔نہیں! غلطی میری ہے اور اب ضروری ہے کہ اس کا خمیازہ بھی میں ہی بھگتوں۔چنانچہ وہ بوری آٹے کی انہوں نے اس عورت
کو پہنچائی اور دوسرے ہی دن حکم دیا کہ جس دن بچہ پید اہو اسی دن سے
اس کے لیے غلہ مقرر کیا جائے کیونکہ اس کی ماں جو اس کو دودھ پلاتی ہے زیادہ غذا کی محتاج ہے۔"
اسلام کا اقتصادی نظام۔انوار العلوم جلد 18 صفحہ 61-62)
پھر حضرت مصلح موعودؓ فرماتے ہیں کہ " اسلام ہی ہے جس نے ملکی حقوق بھی قائم کیسے ہیں۔اسلام کے
نزدیک ہر فرد کی خوراک، رہائش اور لباس کی ذمہ وار حکومت ہے اور اسلام نے ہی سب سے پہلے اس اصول کو جاری
کیا ہے۔اب دوسری حکومتیں بھی اس کی نقل کر رہی ہیں مگر پورے طور پر نہیں۔بیسے کیے جارہے ہیں۔فیملی
پشنیں دی جارہی ہیں۔مگر یہ کہ جوانی اور بڑھا پے دونوں میں خوراک اور لباس کی ذمہ وار حکومت ہوتی ہے یہ
اصول اسلام سے پہلے کسی مذہب نے پیش نہیں کیا۔دنیاوی حکومتوں کی مردم شماریاں اس لئے ہوتی ہیں تا ٹیکس لیے
جائیں یا فوجی بھرتی کے متعلق یہ معلوم کیا جائے کہ ضرورت کے وقت کتنے نوجوان مل سکتے ہیں۔مگر اسلامی حکومت

خطبات مسرور جلد 19
392
خطبہ جمعہ فرمودہ مورخہ 02 جولائی 2021 ء
میں سب سے پہلی مردم شماری جو حضرت عمر رضی اللہ عنہ کے زمانہ میں کروائی گئی تھی وہ اس لئے کروائی گئی تھی تاکہ
تمام لوگوں کو کھانا اور کپڑا مہیا کیا جائے اس لئے نہیں کہ ٹیکس لگایا جائے یا یہ معلوم کیا جائے کہ ضرورت کے وقت
فوج کے لئے کتنے نوجوان مل سکیں گے بلکہ وہ مردم شماری محض اس لئے تھی کہ تاہر فرد کو کھانا اور کپڑا مہیا کیا
جائے۔اس میں کوئی شبہ نہیں کہ ایک مردم شماری رسول کریم صلی اللہ علیہ وسلم کے زمانہ میں بھی ہوئی تھی مگر
اس وقت ابھی مسلمانوں کو حکومت حاصل نہیں ہوئی تھی اس لئے اس مردم شماری کا مقصد محض مسلمانوں کی
تعداد معلوم کرنا تھی۔جو مردم شماری اسلامی حکومت کے زمانہ میں سب سے پہلے ہوئی وہ حضرت عمرؓ کے زمانہ
میں ہوئی اور اس لئے ہوئی تاکہ ہر فرد کو کھانا اور کپڑا مہیا کیا جائے۔یہ کتنی بڑی اہم چیز ہے جس سے تمام دنیا میں
امن قائم ہو جاتا ہے۔صرف یہ کہہ دینا کہ درخواست دے دو اس پر غور کیا جائے گا اسے ہر انسان کی غیرت
برداشت نہیں کر سکتی" کہ درخواستیں منگوائی جائیں پھر غور کیا جائے۔" اس لئے اسلام نے یہ اصول مقرر کیا
ہے کہ کھانا اور کپڑا حکومت کے ذمہ ہے اور یہ ہر امیر اور غریب کو دیا جائے گا خواہ وہ کروڑ پتی ہی کیوں نہ ہو اور
خواہ وہ آگے کسی اور کو ہی کیوں نہ دے دے تاکہ کسی کو یہ محسوس نہ ہو کہ اسے ادنی خیال کیا جاتا ہے۔"
(تفسیر کبیر جلد 10 صفحہ 308)
جو امیروں کو ملے گا تو امیر بھی اگر وہ تقوی پر چلنے والے ہیں تو بجائے اس سے فائدہ اٹھانے کے وہ پھر
آگے ضرورت مندوں کو دیں گے۔حضرت عمرؓ کے زمانے میں ممالک کو صوبہ جات میں تقسیم کیا گیا۔بیس ہجری میں مقبوضہ ممالک کو
حضرت عمر نے آٹھ صوبوں میں تقسیم فرمایا تا کہ انتظامی امور میں آسانی رہے۔نمبر ایک مکہ، نمبر دو مدینہ، نمبر تین
شام، نمبر چار جزیرہ، نمبر پانچ بصرہ، نمبر چھ کو فہ ، نمبر سات مصر اور نمبر آٹھ فلسطین۔(ماخوذ از الفاروق از شبلی نعمانی صفحه 185 دار الاشاعت کراچی 1991ء)
پھر شوری کا قیام آپ کے زمانے میں ہوا۔مجلس شوری میں ہمیشہ لازمی طور پر ان دونوں گروہ یعنی
مہاجرین اور انصار کے ارکان شریک ہوتے تھے۔انصار بھی دو قبیلوں میں منقسم تھے اوس اور خزرج۔چنانچہ ان
دونوں خاندانوں کا مجلس شوری میں شریک ہونا ضروری تھا۔اس مجلس شوری میں حضرت عثمان، حضرت علی،
حضرت عبد الرحمن بن عوف حضرت معاذ بن جبل، حضرت ابی بن کعب، حضرت زید بن ثابت شامل ہوتے تھے۔مجلس کے انعقاد کا یہ طریقہ تھا کہ پہلے ایک منادی اعلان کرتا تھا کہ الصلوةُ جَامِعَةٌ یعنی سب لوگ نماز کے لیے جمع
ہو جائیں۔جب لوگ جمع ہو جاتے تو حضرت عمر مسجد نبوی میں جا کر دور کعت نماز پڑھتے تھے۔نماز کے بعد منبر پر
جاکر
چڑھ کر خطبہ دیتے تھے اور بحث طلب امر پیش کیا جاتا تھا۔اس پر بحث ہوتی تھی۔معمولی اور روز مرہ کے کاروبار میں
اس مجلس کے فیصلے کافی سمجھے جاتے تھے لیکن جب کوئی اہم امر پیش آتا تھا تو مہاجرین اور انصار کا اجلاس عام ہو تا تھا
اور سب کے اتفاق سے وہ امر طے پاتا تھا۔فوج کی تنخواہ، دفتر کی ترتیب، شمال کا تقرر، غیر قوموں کی تجارت کی
آزادی اور ان پر محصول کی تشخیص۔غرض اس قسم کے بہت سے معاملات ہیں جو شوری میں پیش ہو کر طے پاتے

393
خطبات مسرور جلد 19
خطبہ جمعہ فرمودہ مورخہ 02 جولائی 2021ء
تھے۔مجلس شوری کا اجلاس اکثر خاص خاص ضرورتوں کے پیش آنے کے وقت ہو تا تھا۔اس کے علاوہ ایک اور
مجلس تھی وہاں روزانہ انتظامات اور ضروریات پر گفتگو ہوتی تھی۔یہ مجلس ہمیشہ مسجد نبوی میں منعقد ہوتی تھی اور
صرف مہاجرین صحابہ اس میں شریک ہوتے تھے۔صوبہ جات اور اضلاع کی روزانہ خبریں جو دربار خلافت میں پہنچتی
تھیں۔حضرت عمر اس مجلس میں بیان کرتے تھے اور کوئی بحث طلب امر ہو تا تھا تو اس میں لوگوں سے رائے لی جاتی تھی۔مجلس شوری کے ارکان کے علاوہ عام رعایا کو انتظامی امور میں مداخلت حاصل تھی۔صوبہ جات اور اضلاع کے حاکم اکثر
رعایا کی مرضی سے مقرر کیے جاتے تھے بلکہ بعض اوقات بالکل انتخاب کا طریقہ عمل میں آتا تھا۔کوفہ ، بصرہ اور شام میں
جب عمال خراج مقرر کیے جانے لگے تو حضرت عمر نے ان تینوں صوبوں میں احکام بھیجے کہ وہاں کے لوگ اپنی اپنی پسند
سے ایک ایک شخص انتخاب کر کے بھیجیں جو ان کے نزدیک تمام لوگوں سے زیادہ دیانت دار اور قابل ہو۔(ماخوذ از الفاروق از شبلی نعمانی صفحه 180 تا 182 دار الاشاعت کراچی 1991ء)
عاملین کی تقرری اور ان کے لیے کیا ہدایات دیں؟ حضرت عمررؓ کس طرح ہدایات دیتے تھے ؟ اس بارے
میں لکھا ہے کہ اہم خدمات کے لیے عہدیداروں کی تقرری شوری کے ذریعہ کی جاتی۔جس پر سب ارکان اتفاق کر
لیتے اُس کا انتخاب کر لیا جاتا۔بعض اوقات صو بہ یا ضلع کے حاکم کو حکم بھیجتے کہ جو شخص زیادہ قابل ہو اس کا انتخاب
کر کے بھیجو۔چنانچہ انہی منتخب لوگوں کو حضرت عمر عامل مقرر فرما دیتے۔حضرت عمرؓ نے عاملین کی زیادہ تنخواہیں مقرر فرمائی تھیں۔یہ بھی بڑی حکمت ہے تاکہ ایمانداری سے یہ
لوگ اپنے کام کر سکیں، کوئی دنیاوی لالچ نہ ہو۔حضرت عمر عہدے داروں کو یہ نصائح فرماتے کہ یادر کھو! میں نے تم
لوگوں کو امیر اور سخت گیر مقرر کر کے نہیں بھیجا بلکہ امام بنا کر بھیجا ہے تاکہ لوگ تمہاری تقلید کریں۔مسلمانوں کے
حقوق ادا کرنا۔ان کو زدو کوب نہیں کرنا کہ وہ ذلیل ہوں۔سزائیں نہیں دینی بلکہ ان کے حق ادا کرنے کی کوشش
کرنی ہے۔کسی کی بے جا تعریف نہیں کرنی کہ وہ فتنوں میں پڑیں۔ان کے لیے اپنے دروازے ہمیشہ بند نہ رکھنا کہیں
طاقتور کمزوروں کو نہ کھا جائیں۔اپنے آپ کو کسی پر ترجیح نہ دینا کہ یہ ان پر ظلم ہے۔جو شخص عامل مقرر ہوتا اس سے یہ عہد لیا جاتا کہ وہ ترکی گھوڑے پر سوار نہیں ہو گا۔باریک کپڑے نہیں
پہنے گا۔چھنا ہوا آٹا نہیں کھائے گا۔دروازے پر دربان مقرر نہیں کرے گا۔ضرورت مندوں کے لیے ہمیشہ
دروازے کھلے رکھے گا۔یہ ہدایات تمام عاملین کے لیے تھیں اور لوگوں میں پڑھ کر سنائی جاتی تھیں۔عاملین مقرر
کرنے کے بعد ان کے مال و اسباب کی جانچ کی جاتی تھی۔اگر عامل کی مالی حالت میں غیر معمولی ترقی ہوتی جس کے
بارے میں وہ تسلی نہ کروا سکتے تو اس کا مواخذہ کیا جاتا اور زائد مال بیت المال میں جمع کروالیا جاتا۔عاملین کو حکم تھا کہ حج کے موقع پر لازمی جمع ہوں۔وہاں پبلک عدالت لگتی جس میں کسی شخص کو کسی عامل
سے شکایت ہوتی تو فوراً اس کا ازالہ کیا جاتا۔عاملین کی شکایات پیش ہو تیں ان کی تحقیقات کے متعلق بھی ایک عہدہ
قائم تھا جس پر کبار صحابہ ہوتے جو تحقیقات کے لیے جاتے اور اگر شکایت سچ ہوتی تو عاملین کا مواخذہ کیا جاتا۔(ماخوذ از الفاروق از شبلی نعمانی صفحه 189 تا 193 دار الاشاعت کراچی 1991ء)

خطبات مسرور جلد 19
394
خطبہ جمعہ فرمودہ مورخہ 02 جولائی 2021ء
عاملین کی شکایت کے متعلق حضرت عمرؓ کے رویے کا ذکر کرتے ہوئے حضرت مصلح موعود لکھتے ہیں کہ
حضرت عمر رضی اللہ تعالیٰ عنہ کا ہی واقعہ ہے۔کوفے کے لوگ بڑے باغی تھے اور وہ ہمیشہ اپنے افسروں کے خلاف
شکایتیں کرتے رہتے تھے کہ فلاں قاضی ایسا ہے۔فلاں میں یہ نقص ہے اور فلاں میں وہ نقص ہے۔حضرت عمران
کی شکایات پر حکام کو بدل دیتے اور اور افسر مقرر کر کے بھیج دیتے اور ان افسروں کو بدل دیتے۔دوسرے افسر مقرر
کر کے بھیج دیتے۔بعض لوگوں نے حضرت عمرؓ کو یہ بھی کہا کہ یہ طریق درست نہیں ہے۔اس طرح بدلتے رہیں
گے تو وہ شکایتیں کرتے رہیں گے ، آپ بار بار افسر کو نہ بدلیں۔مگر حضرت عمرؓ نے کہا کہ میں افسروں کو بدلتا ہی چلا
جاؤں گا یہاں تک کہ کوفے والے خود ہی تھک جائیں۔جب اسی طرح ایک عرصہ تک ان کی طرف سے شکائیتیں آتی
رہیں تو حضرت عمرؓ نے کہا اب میں کوفہ والوں کو ایک ایسا گورنر بھیجو اؤں گا جو انہیں سیدھا کر دے گا۔یہ گورنر انیس سال کا
ایک نوجوان تھا جو حضرت عمر نے سیدھا کرنے کے لیے بھیجا۔اس انیس سالہ نوجوان کا نام عبد الرحمن بن ابی لیلی تھا۔جب کوفے والوں کو پتہ لگا کہ انیس سال کا ایک لڑکا
ان کا گورنر مقرر ہو کر آیا ہے تو انہوں نے کہا آؤ ہم سب مل کر اس سے مذاق کریں۔کوفہ کے لوگ شریر اور شوخ تو
تھے ہی۔انہوں نے بڑے بڑے جبہ پوش لوگوں کو جو ستر ستر، استی استی، توے توے سال کے تھے اکٹھا کیا اور فیصلہ کیا
کہ ان سب بوڑھوں کے ساتھ شہر کے تمام لوگ مل کر عبد الرحمن کا استقبال کرنے کے لیے جائیں اور مذاق کے طور
پر اس سے سوال کریں کہ جناب کی عمر کیا ہے ؟ اس سے اس کی عمر پوچھیں۔جب وہ جواب دے گا تو خوب ہنسی اڑائیں
گے۔اس کا مذاق اڑائیں گے کہ چھو کر اہمارا گورنر بن گیا ہے۔چنانچہ اسی سکیم کے مطابق وہ شہر سے دو تین میل باہر
اس کا استقبال کرنے کے لیے آئے۔ادھر سے گدھے پر سوار عبد الرحمن بن ابی لیلی بھی آنکلے۔کوفہ کے تمام لوگ
صفیں باندھ کر کھڑے تھے اور سب سے اگلی قطار بوڑھے سرداروں کی تھی۔جب عبد الرحمن بن ابی لیلی قریب پہنچے تو ان لوگوں نے پوچھا کہ آپ ہی ہمارے گورنر مقرر ہو کر آئے ہیں
اور عبد الرحمن آپ ہی کا نام ہے ؟ انہوں نے کہا ہاں۔اس پر ان میں سے ایک بہت بوڑھا آدمی آگے بڑھا اور اس نے کہا
جناب کی عمر ؟ عبد الرحمن نے کہا میری عمر اتم میری عمر کا اندازہ اس سے لگالو کہ جب رسول کریم صلی اللہ علیہ وسلم نے
اسامہ بن زید کو دس ہزار صحابہ کا سردار بنا کر بھیجا تھا جس میں ابو بکر اور عمر بھی شامل تھے تو جو عمر اس وقت اسامہ بن
زیڈ کی تھی اس سے ایک سال میری عمر زیادہ ہے۔یہ سنتے ہی جیسے اوس پڑ جاتی ہے وہ سب شر مندہ ہو کے پیچھے ہٹ گئے
اور انہوں نے ایک دوسرے سے کہا کہ جب تک یہ لڑکا یہاں رہے خبر دار تم نہ بولناور نہ یہ کھال ادھیڑ دے گا۔چنانچہ
انہوں نے بڑے عرصہ تک گورنری کی اور کو فہ والے ان کے سامنے بول نہیں سکتے تھے۔(ماخوذ از خطبات محمود جلد 23 صفحہ 222-223)
پھر محاصل کا نظام ہے۔حضرت عمرؓ نے عراق اور شام کی فتوحات کے بعد خراج کے نظم و نسق کی طرف
توجہ کی۔جو زمینیں بادشاہوں نے مقامی باشندوں سے جبر آچھین کر درباریوں اور امراء کو دی تھیں وہ مقامی لوگوں کو
واپس دی گئیں اور ساتھ ہی حضرت عمرؓ نے حکم جاری فرما دیا کہ اہل عرب جو ان ملکوں میں پھیل گئے ہیں زراعت

خطبات مسرور جلد 19
395
خطبہ جمعہ فرمودہ مورخہ 02 جولائی 2021ء
نہیں کریں گے یعنی کہ عرب لوگ جو ہیں وہ زراعت نہیں کریں گے۔اس کا یہ فائدہ تھا کہ جو زراعت کے متعلق
تجربہ مقامی لوگوں کا تھا عرب اس سے واقف نہ تھے۔ہر علاقے کی زراعت کا اپنا مقامی طریقہ ہے تو اس لیے یہ حکم
تھا کہ باہر کے جو آئے ہوئے ہیں وہ زراعت نہیں کریں گے بلکہ زراعت مقامی لوگ ہی کریں گے۔خراج پہلے لوگوں سے زبر دستی لیا جاتا تھا۔حضرت عمرؓ نے خراج کے قواعد مرتب کرنے کے بعد
خراج کی وصولی کا طریق بھی نہایت نرم کر دیا اور نئی ترامیم کیں۔ذمیوں کا بہت خیال رکھتے تھے۔خراج کی
وصولی کے وقت باقاعدہ دریافت فرماتے، کسی سے زیادتی تو نہیں ہوئی ؟ ذمی رعایا سے جو پارسی یا عیسائی تھے ان
سے رائے طلب کرتے اور ان کی آراء کالحاظ کیا کرتے تھے۔(ماخوذ از الفاروق از شبلی نعمانی صفحہ 198 ، 207،202-208 دار الاشاعت کراچی 1991ء)
زراعت کی ترقی کے لیے حضرت عمرؓ نے بے آباد زمینوں کے متعلق فرمایا کہ جو ان کو آباد کرے گا
وہ اس کی ملکیت ہو گی۔اس کے لیے تین سال کا وقت مقرر کیا گیا۔نہریں جاری کی گئیں۔محکمہ آبپاشی قائم کیا
گیا جو تالاب وغیرہ تیار کر وانے کا کام بھی کرتا تھا۔(ماخوذ از الفاروق از شبلی نعمانی صفحه 209-210 دار الاشاعت کراچی 1991ء)
تاکہ زراعت بہتر ہو۔تو اس طرح یہ چند کام تھے جو میں نے گنوائے بھی ہیں۔ابھی ذکر حضرت عمر کا چل
رہا ہے ان شاء اللہ آئندہ بیان ہوں گے۔ایک اعلان بھی میں کرنا چاہتا ہوں وہ یہ کہ ایک احمدیہ انسائیکلو پیڈیا بنائی گئی ہے جسے آج لانچ کیا جائے
گا۔یہ مرکزی شعبہ احمدیہ آرکائیوز اور ریسرچ سینٹر نے بنائی ہے۔کچھ عرصہ پہلے انہوں نے اس پر کام کا آغاز کیا تھا
اور اللہ تعالیٰ کے فضل سے اب یہ ویب سائٹ افراد جماعت کے لیے آن لائن مہیا کی جارہی ہے۔اس تک رسائی جو
ہے وہ www۔ahmadipedia۔org پر ہو سکتی ہے جہاں ایک سرچ انجن کی طرز پر home page مواد تلاش
کرنے کے لیے کھل جائے گا۔اسے نہایت سادہ اور استعمال کے لیے آسان رکھا گیا ہے۔جماعتی کتب، شخصیات، واقعات، عقائد اور عمارات کے حوالے سے بنیادی معلومات مہیا کی گئی ہیں۔ہر انٹری
کے ساتھ متعلقہ ویب سائٹس ویڈیوز اور جماعتی اخبارات سے مضامین کے لنک فراہم کیے گئے ہیں تا کہ تفصیلی معلومات
ان ذرائع سے حاصل کی جاسکیں۔تفصیلات کے لیے دیے گئے ان لنکس کا ایک فائدہ یہ بھی ہو گا کہ جماعت احمدیہ کی دیگر
ویب سائٹس تک بھی صارفین کو رسائی حاصل ہو گی اور وہ تمام اخبارات اور رسائل سے استفادہ کر سکیں گے۔دنیا بھر میں
پھیلے احباب جماعت کے پاس بہت سی مفید معلومات ہیں جو کہیں ریکار ڈشدہ نہیں۔احمدی پیڈیا کی ویب سائٹ پر ایک آپشن contribute' کے نام سے بھی دی گئی ہے جہاں وہ کسی بھی
موضوع پر اپنی معلومات یا شواہد یا دستاویزات مہیا کر سکیں گے۔یہ نہیں کہ خود براہ راست ڈال دیں بلکہ وہ اس کی
انتظامیہ کو مہیا کریں گے۔اس مہیا کردہ مواد پر تحقیق اور تصدیق کے بعد اسے متعلقہ موضوع کی انٹری میں شامل کر

خطبات مسرور جلد 19
396
خطبہ جمعہ فرمودہ مورخہ 02 جولائی 2021ء
دیا جائے گا۔اس طرح یہ ویب سائٹ تمام جماعت کے تعاون سے جاری و ساری رہنے والا پراجیکٹ بنے گی اور
ان شاء اللہ ہر احمدی کے لیے فائدہ مند ہو گی۔اگر کسی کو ویب سائٹ پر کوئی مطلوبہ مواد نہ ملے تو وہ احمدی پیڈیا سے رابطہ کر سکے گا اور پھر یہ لوگ
ویب سائٹ پر مطلوبہ مواد مہیا کرنے کا انتظام کریں گے۔پھر یہ کہتے ہیں کہ اگر چہ یہ تمام معلومات مصدقہ ذرائع سے
مہیا کی گئی ہیں تاہم اگر کسی صارف کے پاس ایسے شواہد ہوں جو کسی بھی معلومات کے بر عکس ہوں تو ہمیں ایسے شواہد
مہیا کریں تا کہ بعد تحقیق جماعت کی تاریخ کو مصدقہ طور پر محفوظ کرنے کا انتظام کیا جاسکے۔اس ویب سائٹ کی تیاری کے لیے تمام ٹیکنیکل مراحل مرکزی شعبہ آئی ٹی نے بحسن و خوبی سر انجام
دیے ہیں اور شعبہ آئی ٹی نے اس کے لیے بڑی محنت کی ہے جس میں ان کے مستقل عملے کے علاوہ والنٹیئر ز بھی شامل
ہیں۔مواد کی تیاری کے لیے مرکزی شعبہ آرکائیو کے مربیان اور والنٹیئر ز نے بڑی محنت کی ہے اور اس ویب سائٹ
کے لیے ان سب نے، جو بھی یہ کام کرنے والے ہیں، حصول مواد، اردو سے ترجمہ ، مواد کی آپ لوڈ نگ غرض تمام
کاموں میں انتھک محنت سے کام کیا ہے۔اللہ تعالیٰ ان سب کو جزا بھی دے۔آج جمعہ کی نماز کے بعد ان شاء اللہ میں
اس کو لانچ بھی کروں گا۔الفضل انٹر نیشنل مورخہ 23 جولائی 2021 ، جلد 28 شماره 59 صفحہ 03 تا08)

آج 10 میں سے 10 باقی