انفاق فی سبیل اللہ اور وقف جدید ۲۰۲۲ء

خطبات مسرور جلد 20
1
خطبه جمعه فرمودہ مورخہ 07 جنوری 2022ء
خطبہ جمعہ سیدنا امیر المومنین حضرت مرزا مسرور احمد خلیفۃ المسیح الخامس ایدہ اللہ تعالیٰ بنصرہ العزیز
فرموده 107 جنوری 2022ء بمطابق 07, صلح 1401 ہجری شمسی
بمقام مسجد مبارک، اسلام آباد، ٹلفورڈ (سرے)، یوکے
تشہد و تعوذ اور سورۃ فاتحہ کی تلاوت کے بعد حضور انور ایدہ اللہ تعالیٰ بنصرہ العزیز نے فرمایا:
وَمَثَلُ الَّذِيْنَ يُنْفِقُونَ أَمْوَالَهُمُ ابْتِغَاءَ مَرْضَاتِ اللهِ وَ تَثْبِيتًا مِنْ أَنْفُسِهِمْ كَمَثَلِ جَنَّةِ بِرَبُوَةٍ
وو
أَصَابَهَا وَابِلٌ فَأَتَتْ أَكُلَهَا ضِعْفَيْنِ فَإِنْ لَمْ يُصِبُهَا وَابِلٌ فَطَلُّ وَاللهُ بِمَا تَعْمَلُونَ بَصِير - (البقرة: 266)
اس آیت کا ترجمہ یہ ہے: اور ان لوگوں کی مثال جو اپنے اموال اللہ کی رضا چاہتے ہوئے اور اپنے
نفوس میں سے بعض کو ثبات دینے کے لیے خرچ کرتے ہیں ایسے باغ کی سی ہے جو اونچی جگہ پر واقع ہو اور اسے
تیز بارش پہنچے تو وہ بڑھ چڑھ کر اپنا پھل لائے اور اگر اسے تیز بارش نہ پہنچے تو شبنم ہی بہت ہو۔اور اللہ اس پر جو تم
کرتے ہو گہری نظر رکھنے والا ہے۔اللہ کی رضا کیلئے خرچ
اس آیت میں اللہ تعالیٰ مومنوں کی اللہ تعالیٰ کی راہ میں اللہ تعالیٰ کی رضا حاصل کرنے کی خواہش
میں خرچ کرنے کی حالت کا نقشہ کھینچ رہا ہے کہ یہ وہ لوگ ہیں جو اللہ تعالیٰ کی راہ میں اس لیے خرچ کرتے ہیں
کہ ایک تو اللہ تعالیٰ کے حکم سے اس کی راہ میں خرچ کر کے اللہ تعالیٰ کی رضا اور خوشنودی حاصل کرنے والے
بنیں۔دوسرے اپنی قوم اور اپنے مشن کو مضبوط کریں۔اس زمانے میں اسلام کی تعلیم اور تبلیغ کو پھیلانے کا
کام حضرت مسیح موعود علیہ الصلوۃ والسلام کے سپر د ہوا ہے اور آپ کے ماننے والوں کا بھی یہ فرض ہے کہ
حضرت مسیح موعود علیہ السلام کے مشن کو پورا کرنے کے لیے جان، مال اور وقت قربان کریں۔ہر زمانے میں اور ہر قوم میں آنے والے انبیاء اپنے ماننے والوں کو مالی قربانی کی تلقین کرتے رہے اور
حضرت مسیح موعود علیہ السلام نے بھی یہ فرمایا ہے کہ تمہیں دین کی خدمت کے لیے دین کی راہ میں اپنے مال کا کچھ
حصہ دینا چاہیے تبھی حقیقی ایمان کا پتہ چلتا ہے اور مومن یقینا دین کی خاطر مالی قربانیاں کرتے ہیں اور ان قربانیوں
کا مقصد کسی پر احسان نہیں ہو تا بلکہ خواہش ہوتی ہے تو یہ کہ ہمارا خدا کسی طرح ہم سے راضی ہو جائے۔ہمارے
نفس کو ثبات عطا ہو۔ہم اپنے ایمان اور ایقان میں مضبوط ہوں۔ہماری قوم ترقی کرنے والی ہو۔ہم جس حد تک
ممکن ہے اپنے مال سے بھی کمزوروں کو مضبوط کریں۔جس مقصد کے لیے ہم نے اس زمانے کے امام اور
آنحضرت صلی اللہ علیہ وسلم کے غلام صادق کی بیعت کی ہے اسے ہم حاصل کرنے والے بنیں۔

خطبات مسرور جلد 20
2
خطبه جمعه فرموده مورخہ 07 جنوری 2022ء
پس ایسے لوگ نفسانی سوچوں سے بالا ہو کر سوچتے ہیں۔ان کا نفس انہیں قربانیاں کر کے اللہ تعالیٰ کی
مرضی حاصل کرنے کی طرف توجہ دلاتا ہے اور پھر وہ قربانیوں کے اعلیٰ معیار حاصل کرتے ہیں یا کرنے کی کوشش
کرتے ہیں اور پھر اللہ تعالیٰ بھی ایسے لوگوں کی قربانیاں قبول فرماتا ہے۔انہیں اپنے فضلوں سے نوازتا ہے۔نیتوں کے مطابق اجر :
اللہ تعالیٰ ہمارے دلوں کا حال جانتا ہے، ہماری نیتوں کو جانتا ہے ، اس لیے وہ یہ نہیں دیکھتا کہ کسی
نے بڑی قربانی کی ہے یا چھوٹی۔بڑی رقم دی ہے یا تھوڑی بلکہ اللہ تعالیٰ تو نیتوں کے مطابق اجر دیتا ہے۔اس
لیے اس آیت میں اللہ تعالیٰ فرماتا ہے کہ اللہ تعالیٰ کی خاطر خرچ کرنے والوں کی مثال دو طرح کی ہے۔ایک
کابل کی یعنی موٹے قطروں والی تیز بارش کی اور دوسرے طلّ کی یعنی کمزور ہلکی بارش بالکل پھوار جیسے پڑتی ہے یا
شبنم کی۔زیادہ کشائش رکھنے والا تو دین کی خاطر بہت خرچ کرتا ہے یا کر سکتا ہے لیکن غریب آدمی یہ حسرت
رکھ سکتا ہے اسے خیال آسکتا ہے کہ یہ تو خرچ کر کے مالی قربانی میں بڑھ رہا ہے، امیر آدمی بڑی بڑی رقمیں دے
کر اللہ تعالیٰ کی رضا حاصل کرنے والا بن رہا ہے اور اس کا قرب حاصل کرنے والا بن گیا ہے یا بننے کی کوشش کر
رہا ہے یا بن جائے گا۔میرے پاس تو معمولی رقم ہے میں کس طرح اس کے برابر پہنچ سکتا ہوں تو اللہ تعالیٰ فرماتا
ہے جس طرح زرخیز زمین کو تھوڑی بارش یا شبنم سے بھی فائدہ پہنچ سکتا ہے اسی طرح کشائش نہ رکھنے والے کی
تھوڑی قربانی طل کا درجہ رکھتی ہے اور وہ بھی جو تھوڑی قربانی ہے پھل پھول لانے میں کم کردار ادا نہیں
کرے گی۔قربانیوں کا پھل تو اللہ تعالیٰ نے دینا ہے، ہر عمل کو پھل تو اللہ تعالیٰ نے لگانا ہے تو پھر اللہ تعالیٰ
تمہارے حالات اور تمہاری نیتیں جانتا ہے اس لیے وہ تمہاری تھوڑی قربانیوں کو بھی دوچند بلکہ اس سے بھی
زیادہ بڑھ کر پھل لگائے گا۔آنحضرت صلی اللہ علیہ وسلم نے ایک موقع پر فرمایا کہ آج ایک درہم ایک لاکھ
در ہم پر سبقت لے گیا۔صحابہ نے عرض کیا کہ یارسول اللہ ! یہ کس طرح ہوا ؟ آپ صلی اللہ علیہ وسلم نے فرمایا
کہ ایک شخص کے پاس دو درہم تھے اس نے اس میں سے ایک درہم کی قربانی کر دی اور ایک شخص کے پاس
بے شمار دولت اور جائیداد تھی اس نے اس میں سے ایک لاکھ درہم کی قربانی دی۔(سنن النسائى كتاب الزكاة باب جهد المقل حديث 2528)
اس کی ایک لاکھ درہم کی قربانی اس کی دولت کے مقابلے میں بہت کم تھی۔پس اللہ تعالیٰ تو نیتوں کو
پھل لگاتا ہے اور اس عمل کو پھل لگاتا ہے جو ان حالات میں کیے جاتے ہیں۔غریب کی بھی تسلی فرما دی کہ یہ نہ
سمجھو کہ تمہاری تھوڑی قربانیوں کی کوئی حیثیت نہیں بلکہ یہ تھوڑی قربانیاں بھی جہاں تمہارے ایمانوں کو
مضبوط کرنے والی ہیں وہاں جماعت کی مضبوطی کے بھی سامان کرتی ہیں۔پس اللہ تعالیٰ کی خاطر ایک جذبہ سے دی ہوئی قربانیاں ہی اللہ تعالیٰ کے فضلوں
کو کھینچتی ہیں۔اللہ تعالیٰ
کی ہمارے ہر عمل پر نظر ہے پس اس مقصد کو ہمیں ہمیشہ سامنے رکھنا چاہیے کہ جو کام بھی ہم نے کرنا ہے اس کی
رضا کی خاطر کرنا ہے۔اگر یہ سوچ بن جائے تو پھر ہی انسان اللہ تعالیٰ کے فضلوں کا حقیقی وارث ٹھہرتا ہے۔

خطبات مسرور جلد 20
3
خطبه جمعه فرمودہ مورخہ 07 جنوری 2022 ء
حضرت مسیح موعود علیہ السلام کے زمانے میں تو زیادہ تر آپ کے ماننے والے غریب لوگ تھے لیکن قربانیوں
میں اس قدر بڑھے ہوئے تھے کہ ایک موقع پر حضرت مسیح موعود علیہ السلام نے ان کی تعریف میں فرمایا کہ
میں دیکھتا ہوں کہ صدہا لوگ ایسے بھی ہماری جماعت میں داخل ہیں جن کے بدن پر مشکل سے لباس بھی ہوتا
ہے۔مشکل سے چادر یا پاجامہ بھی ان کو میسر آتا ہے۔ان کی کوئی جائیداد نہیں۔مگر ان کے لا انتہا اخلاص اور ارادت
سے، محبت اور وفا سے طبیعت میں ایک حیرانی اور تعجب پیدا ہوتا ہے جو ان سے وقتا فوقتا صادر ہوتی رہتی ہے یا جس
کے آثار ان کے چہروں سے عیاں ہوتے ہیں وہ اپنے ایمان کے ایسے پکے اور یقین کے ایسے سچے اور صدق و ثبات
کے ایسے مخلص اور باوفا ہوتے ہیں کہ اگر ان مال و دولت کے بندوں ، ان دنیوی لذات کے دلدادوں کو اس لذت کا
علم ہو جائے تو اس کے بدلے میں یہ سب کچھ دینے کو تیار ہو جاویں۔“ ( ملفوظات جلد 10 صفحہ 306-307)
وفا، اخلاص کا غیر معمولی معیار:
پھر ایک جگہ آپ فرماتے ہیں ”ہم دیکھتے ہیں کہ اس جماعت نے اخلاص اور محبت میں بڑی نمایاں
ترقی کی ہے۔بعض اوقات جماعت کا اخلاص، محبت اور جوش ایمان دیکھ کر خود ہمیں تعجب اور حیرت ہوتی ہے
اور یہاں تک کہ دشمن بھی تعجب میں ہیں۔“
پس وفا اور اخلاص میں ترقی اور جوش ایمان کا غیر معمولی معیار ایسا ہے جس کے عملی اظہار آج بھی
حضرت مسیح موعود علیہ الصلوۃ والسلام کی جماعت کے افراد میں ہمیں نظر آتے ہیں بلکہ اخلاص و وفا میں ترقی
نو مبائعین میں بھی اس حد تک ہے، ابھی ان کی تربیت کو تھوڑا عرصہ ہی ہوا ہے کہ حیرت ہوتی ہے کہ اس
تھوڑے عرصے میں انہوں نے اس قدر ترقی کر لی ہے لیکن آنحضرت صلی اللہ علیہ وسلم کے غلام صادق
سے محبت کا تعلق اور خلافت سے وفا اور اخلاص کا معیار ایسا ہے کہ جیسا حضرت مسیح موعود علیہ السلام
نے فرمایا کہ دشمن بھی تعجب میں ہے کہ یہ کیا چیز ہے جس نے ان میں یہ تبدیلی پیدا کی ہے۔یہ ان پر
یقیناً اللہ تعالیٰ کا خاص فضل ہے جو اللہ تعالیٰ نے ان کی نیک طبیعت اور سعادت مندی کو دیکھ کر ان پر
فرمایا ہے۔اس نیک طبیعت اور نیک فطرت اور بیعت کا حق ادا کرنے کا اظہار اور خلیفہ وقت سے وفا کے
تعلق کے اظہار ان لوگوں کے قول و فعل سے ظاہر ہو رہے ہوتے ہیں۔( ملفوظات جلد 10 صفحہ 334)
آج دنیا جب مادیت میں ڈوبی ہوئی ہے یہ لوگ مالی قربانیاں کر کے ایک دوسرے سے آگے
بڑھنے کی کوشش کرتے ہیں تاکہ اللہ تعالیٰ کی رضا حاصل کی جائے کیونکہ انہیں یہ ادراک حاصل ہو گیا ہے
کہ اللہ تعالیٰ کی رضا حاصل کرنے کا ایک ذریعہ اللہ تعالیٰ کی راہ میں خرچ کرنا بھی ہے۔پس کون ہے جو آج اس
جماعت کے بارے میں جو حضرت مسیح موعود علیہ الصلوۃ والسلام کے ذریعہ خدائی وعدوں کے مطابق قائم ہوئی
ہے یہ کہہ سکے کہ یہ کمزور ہو رہی ہے۔یہ جماعت تو قائم ہی پھلنے پھولنے اور بڑھنے کے لیے ہوئی ہے اور
دشمنوں کا کوئی وار بھی اس کا بال بیکا نہیں کر سکتا اور اللہ تعالیٰ کے فضل سے یہ پھل پھول رہی ہے۔مالی قربانی کے واقعات:
مالی قربانی کا ذکر ہو رہا ہے تو اس حوالے سے میں چند واقعات بھی پیش کرتا ہوں کہ کس طرح لوگ قربانی

خطبات مسرور جلد 20
4
خطبه جمعه فرمودہ مورخہ 07 جنوری 2022ء
کر کے اپنے ایمان اور یقین کا اظہار کرتے ہیں اور پھر اللہ تعالیٰ بھی ان کے ایمانوں کو کس طرح ثبات بخشتا ہے۔سیر الیون افریقہ کا ایک علاقہ اس کے بھی ایک دُور دراز علاقے میں ایک شخص ہے اس کے بارے
میں وہاں کے لو کل مشنری بیان کرتے ہیں کہ وہ دورے پر گئے تو مہینے کا آخر تھا۔وہاں ایک جماعت کے احباب کو
وقف جدید کی طرف توجہ دلائی۔لوگ مسجد میں موجود تھے انہیں اس طرف توجہ دلائی تو وہاں کے امام شیخ عثمان
نے جو رقم چندہ کے لیے جمع کی ہوئی تھی وہ دی اور یہ کہا کہ ہم اپنا وعدہ پورا نہیں کر سکے اور ہماری دلی خواہش
ہے کہ ہم اپنا ٹارگٹ اور وعدہ پورا کریں۔اس وقت تو کوئی ذریعہ اور وسیلہ نہیں ہے۔بہر حال معلم کو انہوں نے کہا کہ دعا کرا دیں۔لوکل مشنری بیان کرتے ہیں میں نے دعا کرائی اور
سب نے اونچی آواز میں آمین کہا۔پھر میں واپس موٹر سائیکل پر بیٹھ کے اپنے مشن ہاؤس آ گیا۔کہتے ہیں ابھی
میں مشن ہاؤس نہیں پہنچا تھا کہ اسی امام کا مجھے فون آیا کہ میں آپ سے ملنے مشن ہاؤس آرہا ہوں۔میں بہت
حیران ہوا کہ ابھی تو میں وہاں سے آرہا ہوں ابھی فون بھی آگیا ہے۔جب وہ لو کل امام میرے پاس پہنچا تو کہتے
ہیں کہ ہم نے جو دعا کی تھی اس کا یہ اثر ہوا کہ تھوڑی دیر کے بعد ہی ایک میر ارشتہ دار آیا اور جیب میں ہاتھ
ڈال کے اس نے ایک لاکھ لیون میرے ہاتھ پر رکھ دیے اور کسی معاملے میں مجھے بھی دعا کے لیے کہا۔کہتے ہیں
یہ دیکھ کے میں نے وہیں اللہ اکبر کے اونچے نعرے لگانے شروع کر دیے۔وہ بندہ بڑا حیران ہوا کہ یہ تجھے کیا ہو
گیا ہے ؟ تو میں نے اسے بتایا کہ ہمارے وقف جدید کے چندے کا ایک وعدہ تھا اس میں کچھ رقم رہ گئی تھی۔ابھی
ہم دعا کر کے فارغ ہی ہوئے ہیں کہ اللہ تعالیٰ نے تمہیں بھیج دیا اور یہ رقم مجھے بھیج دی اور اس امام شیخ عثمان نے
وہ ساری رقم جو ایک لاکھ لیون کی تھی وہ فوری طور پر آکے وقف جدید کے چندے میں جمع کروادی۔وہ رقم ان
کے لحاظ سے بہت بڑی تھی گو کہ ہمارے لحاظ سے ان کی رقم بہت تھوڑی بنتی ہے۔اگر اس کو convert کریں
تو صرف ساڑھے چھ پاؤنڈ بنتے ہیں لیکن ان کی یہ بہت بڑی قربانی تھی جو اللہ تعالیٰ کے فضلوں کو جذب کرنے
والی ہے۔یہ ان کا اخلاص ہے کہ ضرورت اپنی بھی ہے لیکن جو بھی رقم آئی اپنے پاس نہیں رکھی وہ فوری طور پر آکے
جمع کر وادی اور یہی وہ مثالیں ہیں جہاں ایک درہم ایک لاکھ درہم پر سبقت لے جاتا ہے۔یقیناً اللہ تعالی نے
ان پر اپنے پیار کی نظر ڈالی ہو گی۔پھر دیکھیں کہ قربانی کے یہ معیار ایک جگہ نہیں، مردوں میں نہیں
عورتوں میں بھی دکھائی دیتے ہیں۔چاڑا ایک ملک ہے۔یہاں بھی اللہ تعالیٰ کے فضل سے بڑے بڑے مخلص جماعت میں پید اہو رہے
ہیں۔جماعت چاڈ کی اکثریت نو مبائعین کی ہے۔وہاں کے مبلغ کہتے ہیں کہ ایک ممبر خاتون
انتم بانی ہیں۔انہوں
نے وقف جدید میں ستر ہزار فرانک کا وعدہ کیا۔انتظام نہیں ہو سکا۔ان کے پاس ایک اونٹ تھا۔اس اونٹ کو
ایک لاکھ ستر ہزار میں فروخت کر دیا اور وقف جدید کا وعدہ بھی ادا کیا اور باقی بچی ہوئی رقم اپنے پاس نہیں رکھی
وہ بھی مختلف چندوں میں دے دی۔پھر ٹو گو ایک اور ملک ہے وہاں ایک احمدی ابراہیم ہیں۔لوگوں کے جانوروں کو کچراتے ہیں۔

خطبات مسرور جلد 20
5
خطبه جمعه فرمودہ مورخہ 07 جنوری 2022ء
بکریاں وغیرہ چراتے ہیں اور جو بھی آمد ہو اپنے حساب سے بڑی بڑھ چڑھ کر قربانی دیتے ہیں۔وہاں انہوں نے
وعدہ کیا اور پھر وعدہ پورا نہیں کر سکے۔قریب ہی دریا ہے، دریا سے ریت لے جائی جاتی ہے اور انہوں نے پھر یہ
کیا کہ رات کو مزدوری کر کے ریت کے دوٹرک بھرے اور اس سے جو آمد ہوئی وہ وقف جدید میں، چندہ میں
دے دی۔کیوں اتنی محنت کی اور پھر یہ ہے کہ اتنی محنت کے بعد کوئی رقم بھی صرف اس لیے اپنے لیے نہیں
رکھی کہ اللہ تعالیٰ کی رضا حاصل کرنے کا اب ان کو ادراک حاصل ہو گیا ہے۔پھر مرد عورت یا بڑی عمر کے
لوگوں کا سوال نہیں، نوجوانی میں قدم رکھنے والے بچوں کا بھی یہی حال ہے۔بیلیز سینٹرل امریکہ کا ایک ملک ہے۔ہزاروں میل کا یہاں سے فاصلہ ہے۔وہاں کبھی خلیفہ کوقت
نہیں گئے۔سارے نئے احمدی ہیں لیکن سوچ ایک ہے۔افریقہ کی سوچ ہو یا امریکہ کی یا جزائر کی یا ایشیا کی یہ
ایک سوچ ہے اور یہ وہ انقلاب ہے جو حضرت مسیح موعود علیہ السلام نے پیدا کیا ہے۔واقعہ یوں ہے کہ ایک بچہ چودہ سال کی عمر کا ہے اس نے تحریک جدید کا چندہ ادا کیا۔اس کا ذکر میں
نے یہاں کر دیا۔اس پر لوگوں نے اس کو بڑی مبارک بادیں دیں اور کینیڈ اسے کسی نے اس کو دو سو ڈالر تحفہ
بھی بھیجا کہ یہ تم نے قربانی کی ہے تو میری طرف سے انعام۔اب اس بچے کا حال دیکھیں چودہ سال میں قدم
رکھنے والا نوجوان بچہ ہے، یہاں ہو تو فوراً ہیمیں خریدنے کا شوق پیدا ہوتا ہے۔اس نے کہا کہ میں نے اپنا
سوشل سیکیورٹی کارڈ بنوانا تھا اس کے لیے مجھے تیس ڈالر کی ضرورت تھی اس لیے تھیں ڈالر تو میں نے رکھ لیے
باقی ایک سوستر ڈالر جو ہیں میں پھر چندہ میں دے دیتا ہوں۔غریب گھرانے کا لڑکا ہے۔اس کو کہا بھی کہ یہ تم
اپنے لیے رکھو، اپنے خرچ کے لیے رکھو۔اصرار بھی کیا لیکن اس نے بڑے اصرار سے وہ سب رقم چندہ میں
دی۔اس بچے کا نام دانیال ہے۔یہ ہے دین کو دنیا پر مقدم کرنا۔اللہ تعالیٰ کرے کہ یہ سوچ اس بچے میں ہمیشہ
قائم رہے اور اس دنیاداری کے ماحول سے اللہ تعالیٰ اس بچے کو بچا کے رکھے۔پھر جمیکا ایک اور ملک ہے۔اور یہ جو ایک خادم کا ذکر کر رہا ہوں ان کا نام یسین صاحب ہے۔عرصے
سے بے روز گار تھے۔گلیوں میں کوئی چھوٹی موٹی چیزیں بیچ کے، ٹافیاں چاکلیٹ وغیرہ بیچ کے گزارہ کرتے تھے
لیکن اس حالت میں بھی ان کو فکر لگی ہوتی تھی کہ میں نے مالی قربانی کرنی ہے۔وقف جدید کے چندے کا میں
نے وعدہ کیا ہے اور سال ختم ہو رہا ہے اور میرے پاس کچھ بھی نہیں۔آخر ایک دن وہ شام کو دسمبر کے بالکل
آخر میں مشنری کے پاس آئے اور کہا کہ آج چار سو جمیکن ڈالر مجھے آمدنی ہوئی ہے۔اس میں سے پچیس فیصد
نکال کے اب میں سو ڈالر آپ کو وقف جدید کا چندہ دے رہا ہوں۔پھر ایک غریب ملک کے احمدی کے اخلاص و وفا اور اللہ تعالیٰ کی رضا اور اس کی محبت جذب کرنے
کی غیر معمولی مثال دیکھیں۔لوگ کہتے ہیں یہ آن پڑھ لوگ ہیں، غریب ہیں لیکن یہ لوگ پڑھے لکھے لوگوں
سے زیادہ دین کا ادراک رکھنے والے ہیں اور دل کے امیر ہیں۔گئی کنا کر ی ملک ہے۔مبلغ انچارج کہتے ہیں کہ وقف جدید کے مالی سال کے آخری عشرے میں

خطبات مسرور جلد 20
6
خطبه جمعه فرموده مورخہ 07 جنوری 2022ء
وقف جدید کی اہمیت اور اس کی برکات پر خطبہ دیا اور میں نے جو مختلف خطبات دیے ہوئے تھے ان کے
اقتباسات بھی پیش کیے، جماعت کو مالی قربانی کی تلقین کی، توجہ دلائی۔کہتے ہیں خطبہ کے اختتام پر ایک غریب
مگر نہایت مخلص احمدی موسیٰ صاحب نے اپنی جیب میں موجودر تم تقریباً دولاکھ اٹھارہ ہزار پانچ سو فرانک گئی
نکال کر وقف جدید میں ادا کر دی۔جب میں نے ان سے استفسار کیا کہ بڑی رقم آپ نے دی ہے، گذشتہ سال
بھی بڑی رقم دی تھی اس کی کیا وجہ ہے ؟ تو کہنے لگے کہ میرے دل میں خلیفۃ المسیح کی یہ بات میخ کی طرح گڑھ
گئی ہے کہ ایک دل میں دو محبتیں نہیں رہ سکتیں۔یا تو بندہ خدا سے محبت کرے یا پھر مال سے یہی وجہ ہے کہ مجھے
جب موقع ملتا ہے میں کوشش کرتا ہوں کہ اپنے عمل سے بھی اس کا اظہار ہو جائے۔کہنے لگے کہ میرا ایمان
حضرت ابو بکر صدیق رضی اللہ تعالیٰ عنہ جیسا تو نہیں ہو سکتا کہ گھر کا سار امال اللہ تعالیٰ کی راہ میں خرچ کر سکوں
لیکن یہ تو کر سکتا ہوں کہ جیب میں موجود سارا مال اللہ کی راہ میں خرچ کر دوں اور دعا کی درخواست بھی کرتا
ہوں کہ اللہ تعالیٰ مجھے حضرت ابو بکر رضی اللہ تعالیٰ عنہ جیسا ایمان بھی عطا کر دے اور کہنے لگے کہ دوسری
بڑی وجہ یہ ہے کہ جب سے میں نے مالی قربانی میں حصہ لینا
شروع کیا ہے اللہ تعالیٰ نے مجھے ایمان کی دولت سے
مالا مال کر دیا ہے۔میرے ایمان میں بھی اضافہ ہونے لگ گیا ہے اور میں اپنے آپ میں ایک غیر معمولی تبدیلی
پاتا ہوں۔یہ ہے وہ سوچ اور ادراک جو بہت سے پڑھے لکھوں میں نہیں ہو گا۔پھر اللہ تعالیٰ ایمان میں بڑھنے
کے بھی کس طرح سامان فرماتا ہے۔اس بارے میں ایک اور واقعہ ہے۔گنی کنا کری ایک ملک ہے وہاں کے ایک مخلص صاحب حیثیت احمدی الحسن صاحب بزنس کرتے
ہیں۔وہ کہتے ہیں کہ میں نے چندے کی رقم ایک لفافے میں ڈال کر اپنے ٹیبل پہ رکھی اور مصروفیات کی وجہ
سے مشن میں نہ بھیجو اسکا۔اچانک یاد آنے پر کہتے ہیں میں نے وہ رقم اپنے ڈرائیور کو دی اور اس کو مشن ہاؤس
بھجوایا کہ جاکر چندہ ادا کر آؤ اور میں کسی کام کے سلسلہ میں باہر چلا گیا۔اسی اثنا میں جب باہر تھے تو ان کے
ہمسائے کے دفتر میں آگ لگ گئی اور جل کر خاکستر ہو گیا۔کہتے ہیں مجھے فون آنے شروع ہو گئے کہ تمہارے
دفتر میں آگ لگ گئی ہے تو جلدی سے میں وہاں پہنچا۔پھر کہتے ہیں میرے دل میں یہ خیال آیا یہ کس طرح ممکن
ہو سکتا ہے، میں تو اللہ تعالیٰ کی خاطر قربانی کرنے والا بھی ہوں۔کہتے ہیں لیکن اللہ کے نشان دیکھیں اللہ تعالیٰ
نے کس طرح مان رکھا کہ باوجود اس دوسرے دفتر کی دیوار ملحق ہونے کے میرا دفتر بالکل محفوظ رہا اور اس
دفتر میں اس وقت کمپنی کی کثیر رقم بھی موجود تھی۔دود فاتر بلکہ ان سے ملحقہ جل گئے لیکن ان کا دفتر محفوظ
رہا تو کہتے ہیں کہ مجھے فوراً یہ خیال آیا کہ یہ یقین چندے کی برکت ہے۔ان لوگوں میں علم بھی ہے۔یہ نہیں کہ
علم نہیں ہے۔کہتے ہیں اور ساتھ ہی میر اخیال حضرت مسیح موعود علیہ السلام کے اس الہام کی طرف بھی گیا
کہ یہ آگ تیری غلام بلکہ تیرے غلاموں کی بھی غلام ہے۔بہر حال کہتے ہیں کہ اس طرح اللہ تعالیٰ نے
حضرت مسیح موعود علیہ السلام کے ایک ادنی غلام کو نقصان سے محفو ظ ر کھا۔پھر ایک واقعہ، امیر صاحب گیمبیا کہتے ہیں ایک ریجن کی ہماری ایک جماعت کے معلم ہیں انہوں نے

خطبات مسرور جلد 20
7
خطبه جمعه فرموده مورخہ 07 جنوری 2022ء
بیان کیا کہ ہماری جماعت سے ایک دوست سمبو با (Sambou Bah) صاحب نے جب گذشتہ سال وقف جدید
کے بارے میں میر اخطبہ سنا اور نئے سال کا جب اعلان ہوا اور جب میں نے واقعات بیان کیے تو انہوں نے پانچ
سوڈلاسی (Dalasi) ادا کر دیا اور کہتے ہیں کہ اللہ تعالیٰ نے ان پر ایسا فضل کیا کہ اس سال ان کی فصل دوگنی
ہوئی تو انہوں نے وعدہ پانچ سو ڈلاس کا کیا تھا، لیکن ادائیگی پھر انہوں نے ایک ہز ار ڈلاسی کر دی۔پھر کہتے ہیں
ان کی زمیندارے سے جو آمد تھی اس پر انہوں نے باجرے کے دس بنڈل زکوۃ دی تھی۔اس سال ان کی آمد
اتنی تھی کہ انہوں نے پچاس بنڈل دیے۔اسی طرح مونگ پھلی پر بھی شاید دو بورے زکوۃ ادا کی اور کہتے ہیں
کہ وہ احمدی احباب جو چندے میں باقاعدہ ہیں ان کی فصل پہلے سے بہتر ہوئی اور غیر احمدی احباب بھی یہ کہہ
رہے ہیں کہ جماعت احمدیہ میں کوئی تو بات ہے کہ جب بھی ان کے افراد اللہ تعالیٰ کی راہ میں خرچ کرتے ہیں
ان کی فصلوں کی پیداوار بڑھ جاتی ہے۔پھر صرف افریقہ کے یا بعض غریب ملکوں کے احمدی اور نو مبائعین ہی
نہیں بلکہ امیر ممالک کے مقامی لوگ جن کو ایمان نصیب ہو ا ہے ان کی قربانیوں کی بھی مثالیں ہیں۔جرمنی کے مبلغ لکھتے ہیں کہ ایک جماعت روئیڈ رز ہائم میں ان کو چندے کی تلقین کی کہ اپنا چندہ
بڑھائیں اور کمی کو دور کریں تو وہاں صدر جماعت کی اہلیہ جرمن احمدی ہیں اور بڑی مخلص ہیں انہوں نے جب کہا
کہ ہم چاہتے ہیں کہ اس جماعت کا بھی چندہ بڑھے اور یہ بھی اچھا چندہ دینے والوں کی فہرست میں شامل ہو
جائے تو اس جر من احمدی خاتون نے جو نو مبائع تو نہیں تھی انہیں احمدی ہوئے کافی دیر ہو گئی انیس ہزار یورو
ادا کر دیے۔انہوں نے کہا یہ میں نے اپنی کار خریدنے کے لیے رکھے ہوئے تھے لیکن میرے دل میں اس
قدر جوش پیدا ہوا ہے کہ ہماری جماعت کا نام خلیفہ وقت کے سامنے آجائے اس لیے میں پیش کر رہی ہوں
اور اللہ تعالیٰ کی رضا حاصل کرنے والی بنوں۔پھر جرمنی سے ہی ایک طالب علم ہیں انہوں نے پانچ سو یورو کا وعدہ لکھوایا۔والدین نے کہا کہ تم
یہ پانچ سو یورو کس طرح ادا کرو گے ؟ انہوں نے کہا بہر حال میں کسی طرح کر دوں گا۔کہتے ہیں کہ اس کا
جواب اللہ تعالیٰ کی طرف سے فوراً اس طرح مل گیا کہ ایک ہفتہ کے اندر اندر مجھے یونیورسٹی کی طرف سے
فون آیا کہ ہم نے چالیس طالب علموں کا چناؤ کیا ہے جن کو یونیورسٹی کی طرف سے وظیفہ دیا جائے گا۔اپنا
اکاؤنٹ نمبر بھیجو تا کہ تمہیں وظیفہ بھجوادیا جائے۔ایک ہزار یورو بھجوا رہے ہیں۔کہتے ہیں اللہ تعالیٰ نے اس
کو مجھے دو گنا کر کے دے دیا۔پھر یو کے کی بھی مثال ہے۔باہم جماعت سے صدر صاحب کہتے ہیں کہ وقف جدید کے ٹارگٹ میں
کچھ کمی رہ گئی تھی۔اضافی ادائیگی کر دی پھر بھی کچھ کمی تھی۔پھر کہتے ہیں کہ اگلے روز لوکل کو نسل کی طرف
سے ایک خط موصول ہوا جس میں سروس چارجز کے حوالے سے خاصی رقم کا مطالبہ تھا اور میں ابھی اس بارے
میں سوچ رہا تھا کہ مجھے وقف جدید کی طرف سے بھی پیغام ملا تو میں نے پہلے وقف جدید کا چندہ ادا کر دیا اور اس
کے اگلے روز ہی کو نسل کا دوبارہ خط موصول ہوا اور معذرت کی اور انہوں نے لکھا کہ ہم نے جو خط تمہیں ڈیمانڈ

خطبات مسرور جلد 20
خطبه جمعه فرموده مورخہ 07 جنوری 2022ء
کا بھیجا تھاوہ غلطی سے بھیج دیا تھا۔ایڈ جسٹمنٹ کرنے کے بعد تم نے ہمارا نہیں دینا بلکہ ہم نے تمہیں ایک ر قم
دینی ہے اور کہتے ہیں میں نے جو وقف جدید کا چندہ دیا تھا اس کی نسبت وہ رقم دس گنا زیادہ تھی۔اسی طرح
اللہ تعالیٰ ایمان میں مضبوطی کے لیے بعض دفعہ اسے خود ہی لوٹا دیتا ہے۔پھر اللہ تعالیٰ کے فوری نواز نے کی ایک اور مثال انڈیا کی ہے۔انسپکٹر صاحب کہتے ہیں کہ میں
وقف جدید کے مالی سال کے اختتام پر جماعت یاد گیر میں لوگوں کو توجہ دلانے کے لیے پہنچا تو وہاں ایک خادم
کے پاس وہ گئے اور انہیں چندہ وقف جدید ادا کرنے کی بات کی تو ان موصوف نے کہا کہ اس وقت میری جیب
میں صرف پندرہ سو ہیں جو کسی کو دینے کے لیے رکھے ہیں اور بہت ضروری دینے ہیں۔آپ نے چندہ وقف جدید
کا مطالبہ کر دیا ہے اب میں سوچ رہا ہوں کہ میں کیا کروں ؟ اگر میں آپ کو چندہ ادا کر تا ہوں تو اس شخص کو
کیسے ادا کروں گا اور ابھی فوری طور پر روپے کا مزید انتظام نہیں ہو سکے گا۔کہتے ہیں لیکن بہر حال انہوں نے کہا
کہ کوئی بات نہیں۔میں اپنا چندہ دیتا ہوں اور پندرہ سو روپے ادا کر دیے اور چلے گئے۔کہتے ہیں دوسرے دن
میں سیکرٹری وقف جدید کے ہمراہ ان کی دکان پر ملاقات کے لیے گیا تو موصوف نے اپنی جیبوں سے پیسے نکال
کے باہر رکھے تو پیسوں کا ڈھیر لگ گیا۔کہتے ہیں کل جب میں چندہ ادا کر کے گھر پہنچا ہوں تو مجھے بعض ایسی
جگہوں سے روپیہ آ گیا جو پہلے رکا ہوا تھا، لوگوں نے میرے دینے تھے اور آج کئی ہزار روپے میرے پاس
موجود ہیں۔تو اس طرح اللہ تعالیٰ نے برکت عطا فرمائی۔پھر جو امیر لوگ بھی ہیں گو دنیا کی نظر میں وہ اتنے امیر تو نہیں لیکن جماعت کے لحاظ سے امیر ہیں۔کیر ولائی کے ایک صاحب ہیں۔انہوں نے دس لاکھ روپیہ چندہ دیا۔ان کی بیوی عیسائیت سے احمدیت میں آئی
ہیں اور دعاؤں اور نمازوں میں بڑی دلچسپی لیتی ہیں۔بڑی مخلص ہیں۔موصی بھی ہیں بلکہ دونوں میاں بیوی موصی
ہیں۔کہتے ہیں ہم ان کے گھر گئے تو ان کی اہلیہ نے پانچ لاکھ روپے کا چیک کاٹ کے ان کو دے دیا۔انسپکٹر نے کہا
کہ آپ کے میاں پہلے ہی دس لاکھ دے چکے ہیں تو دوبارہ آپ بھی دے رہی ہیں تو اس خاتون کا جواب تھا کہ ہمیں
جو نعمتیں بھی ملی ہیں وہ چندوں کی برکتوں سے ہی ملی ہیں۔اس لیے دل چاہتا ہے کہ بار بار چندہ دیتے رہیں۔اسی کی
برکت سے ہماری تجارت میں ترقی مل رہی ہے اس لیے ہم چندوں سے کبھی پیچھے نہیں ہٹیں گے۔پھر مالی کے مبلغ لکھتے ہیں کہ ”کائی شہر میں ہم نے جماعتی ریڈیو پر مالی قربانی اور وقف جدید کی اہمیت
اور اس کے مقاصد کے موضوع پر پروگرام کیے۔اس کے بعد کہتے ہیں کہ جماعتوں کا دورہ کیا تو حسب توفیق
سب جماعتوں نے مالی قربانی میں کچھ نہ کچھ پیش کیا۔ایک نو مبائع نے بتایا کہ جب میں نے چندے کی تحریک
کے بارے میں سنا تو میرے پاس نقد پیسے نہیں تھے کہ میں اللہ کی راہ میں پیش کر سکتا۔پس میں نے فیصلہ کیا کہ
میں بھی ضرور اپنی طرف سے جماعت احمدیہ کو کچھ نہ کچھ پیش کروں گا اور باقیوں سے پیچھے نہیں رہوں گا۔کہتے
ہیں کہ میں جنگل میں نکل گیا اور میں نے کافی خشک اور پرانی لکڑیاں جمع کیں۔پھر وہیں ان لکڑیوں سے کو ئلہ
تیار کیا اور پھر اپنے گاؤں لے آیا اور جب جماعت کا وفد دورے پر گیا تو انہوں نے ہمیں کوئلے کی بوریاں

خطبات مسرور جلد 20
خطبه جمعه فرموده مورخہ 07 جنوری 2022ء
چندے میں پیش کر دیں۔جو بھی اس غریب آدمی سے ہو سکا اس نے کیا۔بہر حال ان کے لحاظ سے وہ پچاس
ہزار فرانک کی تھیں اور کہتے ہیں کہ اب مجھے بڑی خوشی ہے کہ میں نے بھی مالی قربانی میں حصہ لیا۔پولینڈ سے ایک صاحب لکھتے ہیں کہ سال کے آخر میں مربی صاحب نے چندہ وقف جدید کی تحریک
کی تو کہتے ہیں میرے پاس تقریباً ایک سوزلوتی (Zloty) موجود تھے۔یہ پولش کرنسی ہے۔کہتے ہیں کہ اس
دن چھبیس تاریخ کو جلسہ قادیان بھی تھا اور میر اخطاب بھی انہوں نے سننا تھا۔موبائل کا پیکیج ان کا ختم ہو رہا
تھا تو خطاب کس طرح سنیں اور کہتے ہیں کہ میرا دل چاہ رہا تھا کہ وہ بھی ضرور سنوں۔کہتے ہیں بہر حال میں نے
ہیں زلوتی کا پیکیج کروالیا اور اٹھائیس زلوتی فی کس کے حساب سے میں نے اپنا، بیٹے کا اور بیوی کا چندہ ادا کر دیا
اور یہ فیصلہ کیا کہ ہم باقی دنوں میں اب کچھ نہیں خریدیں گے اور گھر میں موجود چیزوں پر ہی گزارہ کریں گے
لیکن دل میں یہ خواہش بھی تھی کہ اگر اور زیادہ رقم ہوتی تو ہم اور دیتے۔کہتے ہیں ہم نے دعا کی تو اللہ تعالیٰ نے
اپنا فضل فرمایا۔کہتے ہیں 128 دسمبر کو میں کام سے واپس آرہا تھا تو ایک دوست نے میری کچھ رقم بارہ زلوتی
دینی تھی۔اس نے کہا مجھے یاد نہیں رہتا تھا اب آپ یہ لے لیں۔گھر آکر کہتے ہیں میں نے اکاؤنٹ دیکھا تو
مختلف ذرائع سے پتہ نہیں کس طرح بارہ سو نوے زلوتی میرے اکاؤنٹ میں آئے ہوئے تھے۔کہتے ہیں کہ تین
سال سے جس فیکٹری میں کام کر رہا تھا اس نے کیونکہ کبھی اضافی رقم نہیں دی تھی اس لیے چندہ وقف جدید کی
وجہ سے یہ رقم میرے اکاؤنٹ میں آئی تھی اور اس طرح کہتے ہیں مجھے تیرہ سوز لوتی مل گئے۔کہتے ہیں پھر میں
نے تین سوز لوتی اور چندہ دے دیا۔پھر کہتے ہیں ایک اور اللہ کا فضل اس طرح ہوا کہ میر ابیٹا جہاں کام کرتا ہے
اس کی تنخواہ میں سال میں ایک دفعہ اکتوبر یا نومبر میں اضافہ ہوتا ہے۔اس سال اکتوبر میں ایک مرتبہ اس کی
تنخواہ میں اضافہ ہو چکا تھا لیکن اکتیس دسمبر کو دوبارہ اس کی تنخواہ میں مزید اضافہ ہو گیا۔تو یہ کہتے ہیں کہ اس
بات نے ہمارے ایمان میں بھی اضافہ کیا۔تنزانیہ کے ریجن شیانگا میں ایک جماعت ہے۔وہاں کے نو مبائعین آہستہ آہستہ مالی نظام میں شامل
ہو رہے ہیں۔وہاں کے معلم لکھتے ہیں کہ ایک دوست رمضان صاحب نے گذشتہ سال بیعت کی ہے۔انہوں
نے حسب استطاعت تحریک جدید اور وقف جدید کا چندہ لکھوایا اور سال کے اختتام سے قبل اپنے وعدے سے
دو گنی ادا ئیگی بھی کر دی۔اسی طرح ایک اور موقع پر انہوں نے اپنی فیملی کی طرف سے ایک پلاٹ بھی جماعت
کے نام کر دیا۔گاؤں کے دوسرے لوگوں کے لیے جہاں وہ رہتے تھے یہ بڑی حیرت انگیز بات تھی۔بعض نے
ازراہ مذاق ان کو کہا کہ یہ شخص تو اس طرح جلد بازی میں آکر اپنا مال دین کی راہ میں ختم کر دے گالیکن انہوں
نے معلم کو بتایا کہ حقیقتاً جماعت احمدیہ میں شامل ہو کر ہی انہیں مالی قربانی کی اہمیت اور اس کا مفہوم سمجھ میں
آیا ہے۔کہتے ہیں جب سے انہوں نے اللہ کی راہ میں قربانی کرنی شروع کی ہے ان کے کام میں بہت برکت ہوئی
ہے۔لوگ کچھ بھی کہیں لیکن دراصل اس سال کے دوران انہیں مختلف جگہوں پر مزید پلاٹ خریدنے اور دو
مکانات بنوانے کی توفیق ملی ہے۔یہ سب اللہ تعالیٰ کی راہ میں قربانی کرنے اور ایک پلاٹ جماعت کے نام

خطبات مسرور جلد 20
10
خطبه جمعه فرمودہ مورخہ 07 جنوری 2022ء
کروانے کی برکت سے ہوا ہے۔پھر سیر الیون کا واقعہ ہے کہ ایمان و اخلاص میں کس طرح نو مبائع ترقی کر رہے ہیں۔ان کے ریجن
پورٹ لوکو (Port Loko) کے مشنری جبریل صاحب کہتے ہیں کہ ایک نو مبائع جماعت کو وقف جدید کے
حوالے سے تحریک کی گئی۔نئی جماعت قائم ہوئی ہے۔نو مبائعین کی جماعت ہے۔اسی دوران ایک بڑی عمر کی
نابینا عورت ایک بچے کا سہارا لے کر میرے پاس پہنچی اور کہا کہ میں نے کوئی وعدہ تو نہیں لکھوایا لیکن میں یہ دو
ہزار لیون (Leone) وقف جدید کے چندہ کے لیے دینے آئی ہوں۔لوکل مشنری نے کہا کہ آپ نے خود
کیوں تکلیف کی، مجھے بلا لیتیں۔میں خود آپ کے پاس چلا آتا۔تو اس نے جواب دیا۔بوڑھی عورت کا یہ جواب
سنیں۔غریب عورت ہے اور بظاہر ان پڑھ ہے۔کہتی ہے ایک تو میں تھوڑی سی رقم دینے آئی ہوں اور وہ بھی
میں آپ کو اپنے گھر بلا کر دوں۔میں تو سارا ثواب لینا چاہتی ہوں اس لیے خود چل کر دینے آئی ہوں۔آئیوری کوسٹ کے ریجن سان پید رو کے مبلغ کہتے ہیں کہ جماعت کے ایک ممبر کولی بالی صاحب
ہیں۔کہتے ہیں: موصوف نے رمضان میں مجھے فون کیا اور چندہ وقف جدید کے متعلق دریافت کیا تو کہا کہ کیا
رمضان میں چندہ دینا یا اضافہ کرنا ضروری ہے ؟ تو اس پر میں نے اسے کہا کہ رمضان میں آنحضرت صلی اللہ
علیہ وسلم کا اور حضرت مسیح موعود علیہ السلام کا اسوہ یہی تھا کہ زیادہ سے زیادہ انفاق فی سبیل اللہ کیا کرتے
تھے۔اس کی اہمیت کے بارے میں بتایا اور چندہ وقف جدید اور تحریک جدید کے متعلق بھی اس کو بتایا کہ کس
طرح یہ اشاعت اسلام کے کاموں میں خرچ ہوتا ہے اور بتایا کہ فرض تو نہیں لیکن اپنی حیثیت کے مطابق زیادہ
سے زیادہ مالی تحریکات میں دورانِ رمضان حصہ لینا چاہیے۔بہر حال اس پر موصوف نے جو پہلے ہی ہر ماہ ہیں
ہزار فرانک چندہ دیتے آرہے تھے وعدہ کیا کہ آئندہ صرف ماہ رمضان میں ہی نہیں بلکہ ہر ماہ باقاعدگی سے اپنے
گذشتہ لازمی چندہ کے ساتھ ساتھ تیس ہزار فرانک زائد رقم ادا کریں گے۔زائد رقم خصوصاً وقف جدید اور
تحریک جدید کی مد میں دیا کریں گے اور یہ بھی وعدہ کیا کہ ان شاء اللہ اس سال کے اختتام تک اس زائد رقم
برائے چندہ وقف جدید کو مزید بڑھانے کی بھی کوشش کریں گے۔کہتے ہیں کہ اللہ کے فضل سے موصوف
رمضان کے بعد سے تاحال ہر ماہ آغاز پر ہی خود فکر کے ساتھ لازمی چندہ جات کی ادائیگی کرتے ہیں۔یہ اشاعت اسلام کی بات ہے۔اخراجات کی بات ہوئی ہے تو یہاں یہ بھی بتادوں کہ گذشتہ سال
اللہ تعالیٰ نے جماعت کو ایک سوستاسی (187) مساجد تعمیر کرنے کی توفیق عطا فرمائی اور اس کے علاوہ افریقہ میں ایک
سو پانچ (105) مساجد زیر تعمیر ہیں۔اسی طرح ایک سو چوالیس (144) مشن ہاؤس قائم ہوئے جن کی اکثریت
افریقہ میں ہے اور پینتالیس (45) مشن ہاؤس زیر تعمیر بھی ہیں۔اس کے علاوہ جہاں فوری طور پر ہم مشن ہاؤس بنا
نہیں سکتے وہاں کرائے پر عمارتیں لی جاتی ہیں۔افریقہ کے ممالک میں سات سو اکتیس (731) مشن ہاؤسز اور
مربی ہاؤس کرائے پر لیے ہیں۔دوسرے ایشین ممالک میں بھی چھ سو بتیس (632) مشن ہاؤسز کرائے پر ہیں۔تو بہر حال یہ بتادوں کہ عموماً وقف جدید کے چندے کا اکثر حصہ افریقہ کے ممالک پر خرچ کیا جاتا ہے۔

خطبات مسرور جلد 20
11
خطبه جمعه فرمودہ مورخہ 07 جنوری 2022ء
مسجد کی تعمیر وغیرہ کی بات ہوئی ہے تو یہ کام بھی اتنا آسانی سے نہیں ہو جاتا۔مخالفین کی مخالفت کا
بھی ہر جگہ سامنا کرنا پڑتا ہے لیکن اللہ تعالیٰ کی خاطر یہ سب کام جماعت کر رہی ہے اور اللہ تعالیٰ کا جماعت کی
ترقی کا وعدہ بھی ہے۔اس لیے اللہ تعالیٰ کی خاص مدد بھی شامل حال رہتی ہے۔کو نگو کنشاسا کا ایک واقعہ بیان کر دیتا ہوں وہاں کے مبلغ لکھتے ہیں کہ یہاں باند ندو (Bandundo)
ریجن میں ایک جگہ جماعت کو قائم ہوئے دو سال کا عرصہ ہوا ہے۔مسجد کی تعمیر کا کام جاری ہے۔وہاں سنی
مسلمانوں نے احمدیوں کو تکلیف دینے اور سرکاری دفاتر میں ہمارے خلاف شکایت درج کروانے میں کوئی کسر
نہیں چھوڑی۔جب کوئی حربہ کامیاب نہ ہوا تو قتل تک کی دھمکیاں دینے لگ گئے۔بہر حال مخالفین کو تو کسی
طرح کامیابی نہیں ملی لیکن دوسری طرف مسجد کی تعمیر کا کام جاری رہا۔ایک احمدی دوست جو وہاں تعمیراتی کام
کی نگرانی کر رہے ہیں انہوں نے بتایا کہ مسجد کی تعمیر کے دوران ایک دن یہاں کی یونیورسٹی کے ایک پر وفیسر جو
کہ عیسائی ہیں وہ ہمارے پاس آئے اور مسجد کی تعمیر میں مدد کرنے لگ گئے یہاں تک کہ احمدی جو دُور دُور سے
ریت لے کر آتے تھے ان کے ساتھ مل کر ریڑھی یاwheelbarrow کو کھینچتے بھی رہے۔ایک طرف سے
مخالفین اپنا کر دار ادا کر رہے ہیں دوسری طرف اللہ تعالیٰ غیروں کے ذریعہ بھی کام کرواتا چلا جاتا ہے۔نیک
فطرت لوگ اس طرح بھی آتے ہیں۔پھر کیمرون کا ایک واقعہ ہے۔وہاں بواد اسپینج (Biodes Senge) میں مسلمانوں کی اکثریت
ہے۔یہ وہاں ایک شہر ہے دو آلا (Douala) اس کا ایک محلہ ہے۔کہتے ہیں کہ وہاں دو سال قبل جماعت کا
قیام عمل میں آیا۔مسجد کی تعمیر شروع کی تو علاقے کے ایڈ منسٹریٹر کی طرف سے خط موصول ہوا کہ مسجد کا کام
روک دو۔جماعت نے کام روک دیا۔پتہ کرنے پر معلوم ہوا کہ مسلمانوں کی تنظیم نے گورنر صاحب کو اور تمام
متعلقہ عہدیداروں کو خطوط لکھے ہیں کہ جماعت ایک دہشت گرد جماعت ہے۔ان کا اسلام سے کوئی تعلق
نہیں، اس لیے مسجد نہیں بنا سکتے۔یہ پروپیگنڈا جو اسلامی ملکوں کا ہے ان کے مولوی وہاں جاتے ہیں اور وہ کرتے
رہتے ہیں۔بہر حال انہوں نے بھی پھر یہ خط لکھے۔خود بھی دعاؤں میں مصروف ہو گئے۔رابطے وغیرہ بھی
کیے۔کہتے ہیں کہ ایک ماہ کے بعد ایڈ منسٹریٹر نے ہمیں اپنے دفتر میں بلایا اور مختلف تنظیموں کے سر بر اہان
اور مسلمانوں کے چیف امام اور دوسرے لوگوں کو بھی بلایا۔ایڈ منسٹریٹر نے ایک رپورٹ پڑھنی شروع کی اور
مسلمانوں کی شکایت پر جو کام روکا گیا، یہ کہا کہ ہم نے رکو اتو دیا تھا لیکن ہم نے کیمرون کے مختلف علاقوں میں
سے رپورٹیں منگوائی ہیں۔جماعت احمدیہ انٹر نیشنل جماعت ہے۔دوسو سے زائد ملکوں میں یہ کام کر رہی ہے۔پندرہ سال سے کیمرون میں بھی کام کر رہی ہے۔کیمرون میں بھی کئی جگہ یہ مساجد بنا چکی ہے۔بہر حال بتایا کہ
اس طرح یہ دینی خدمات کر رہے ہیں۔اس کے علاوہ جو خدمت خلق کے کام کر رہے ہیں اس کے بارے میں
بھی اس نے کہا کہ بہت سے علاقوں میں صاف پانی کے بور ہول بھی کیسے ہیں۔انہوں نے پمپ لگائے ہیں۔یہ
لوگ یتیموں کی پرورش کر رہے ہیں۔طلبہ کی علمی میدان میں مدد کر رہے ہیں۔اسی طرح دہشت گرد تنظیموں

خطبات مسرور جلد 20
12
خطبه جمعه فرموده مورخہ 07 جنوری 2022ء
کے خلاف ہمیشہ بات کرتے ہیں۔پھر اس نے کہا کہ جماعت امن اور رواداری کی تعلیم دیتی ہے اور یہ بھی کہتی
ہے کہ تلوار کا جہاد نہیں بلکہ قلم کا جہاد ہے۔یہ ساری باتیں اس نے ان لوگوں کو بتائیں اور پھر یہ بھی بتایا کہ
مسلمان اکابرین جو ہیں ،سلطان اور دوسرے لوگ بھی ان کے جلسوں میں شامل ہوتے ہیں تو اس لیے کوئی وجہ
نہیں کہ ان کی مسجد کو روکا جائے۔یہاں بھی یہ مسجد بنا سکتے ہیں۔کہتے ہیں جب اس نے رپورٹ ختم کی تو وہاں
کے اس علاقے کے مسلمان لیڈر جتنے تھے کھڑے ہو گئے۔انہوں نے کہا کہ یہ کافر ہیں ہم ان کو کافر سمجھتے ہیں
اور جو رپورٹ آپ نے تیار کی ہے وہ ہم سے پوچھے بغیر بنائی ہے ہم نہیں مانتے۔بہر حال ایڈ منسٹریٹر نے غصہ
میں آکر انہیں کہا کہ میں اپنا کام جانتا ہوں اور یہاں سے چلے جاؤ۔بہر حال وہ لوگ خاموش ہو گئے اور جماعت
کو کہا کہ آپ مسجد بنائیں۔جماعت احمدیہ کی خدمات کا جو نیک اثر قائم ہوتا ہے وہ ہر عقل مند کو مجبور کرتا ہے کہ وہ جماعت کی
تعریف کرے۔اللہ تعالیٰ کی رضا حاصل کرنے کے لیے جب کام کیا جاتا ہے تو اللہ تعالیٰ پھر مددگاروں کی فوج
بھی بھیج دیتا ہے اور خود ہی ان کے مخالفین کی روکوں کو دور فرماتا ہے۔کس طرح اللہ تعالیٰ کے فضل بڑھتے ہیں اس کا بھی ایک واقعہ بیان کر دوں۔آپر ویسٹ ریجن گھانا کی
ایک رپورٹ ہے۔کہتے ہیں وہاں تبلیغ کے سلسلہ میں ساٹھ سے زائد بیعتیں ملیں۔گاؤں میں جماعت کی ایک
چھوٹی سی کچی اینٹوں کی مسجد تھی۔ہماری کامیابیوں کو دیکھتے ہوئے غیر احمدی مسلمانوں نے ہماری مسجد کے
بالکل سامنے ایک پختہ اور خوبصورت مسجد تعمیر کروائی اور اس مسجد کے ذریعہ ہمارے نو مبائعین کو اپنی جانب
کھینچنے کی کوشش کی تو جو چند کمزور نو مبائعین تھے ادھر چلے بھی گئے۔بعد میں جماعت نے وہاں بھی بڑی شاندار
اور بڑی مسجد بنالی ہے۔اب اللہ تعالیٰ کے فضل سے ہمارے اپنے ممبران تو مسجد میں آتے ہی ہیں اس کے علاوہ
غیر احمدیوں کے (لوگ) بھی کثیر تعداد میں وہاں آنا شروع ہو گئے ہیں اور ہماری مسجد نمازیوں سے بھر گئی ہے
اور ان کی مسجد بالکل خالی رہنے لگ گئی ہے یا بہت کم لوگ وہاں ہیں۔نو مبائعین کی تعلیم و تربیت کے لیے روزانہ وہاں کلاسیں بھی اللہ کے فضل سے ہو رہی ہیں۔جس
سے جماعت کی ترقی میں روز افزوں اضافہ ہو رہا ہے۔اللہ تعالیٰ کے فضل کے بہت سے واقعات ہیں اللہ تعالیٰ
سچے وعدوں والا ہے وہ حضرت مسیح موعود علیہ الصلوۃ والسلام سے کیے گئے اپنے وعدوں کو پورا فرما رہا ہے اور
غیب سے مدد بھی فرماتا ہے اور فرمائے گا ان شاء اللہ۔ہمیں تو وہ موقع دیتا ہے کہ اس کی رضا حاصل کرنے
کے لیے اس کی راہ میں خرچ کریں تاکہ اللہ تعالیٰ کے فضلوں کے وارث بنیں۔اللہ تعالیٰ ہمیں توفیق دے کہ
ہم اللہ تعالیٰ کے فضلوں کو جذب کرنے والے بن سکیں۔اب میں حسب روایت گذشتہ سال یعنی 2021ء کی وقف جدید کی مختصر رپورٹ پیش کروں گا۔اللہ تعالیٰ کے فضل سے یہ جو گذشتہ سال تھا یہ چونسٹھواں سال تھا اور اس سال جنوری میں 2022ء کا نیا
سال بھی شروع ہو گیا ہے تو گذشتہ سال کی رپورٹ یہ ہے کہ اس میں جماعت کی وقف جدید کی جو قربانی

خطبات مسرور جلد 20
13
خطبه جمعه فرمودہ مورخہ 07 جنوری 2022ء
ہے وہ ایک کروڑ بارہ لاکھ ستر ہزار پاؤنڈ یا تقریباً 11۔2 ملین ہے اور گذشتہ سال سے یہ قربانی سات لاکھ
بیالیس ہزار پاؤنڈ زیادہ ہے۔دنیا کے اقتصادی حالات کو اگر دیکھیں تو اللہ کابڑا فضل ہے۔اس سال بھی برطانیہ کی جماعت جو ہے
مجموعی وصولی کے لحاظ سے اول پوزیشن میں ہے۔پاکستان کی کرنسی کیونکہ گر گئی ہے اس لیے ان کی پوزیشن تو
بہت نیچے چلی جاتی ہے اس کے باوجو د وہ اپنی طاقت کے مطابق بہت قربانی کر رہے ہیں۔بہر حال پوزیشن کے
لحاظ سے برطانیہ کا نمبر ایک ہے۔پھر جرمنی ہے اور اللہ کے فضل سے برطانیہ نے اس سال کافی اچھی قربانی کی
ہے اور بہت فرق ہے جرمنی اور برطانیہ کا۔پھر نمبر تین پر کینیڈا ہے۔پھر امریکہ ہے۔پھر بھارت ہے۔پھر
آسٹریلیا ہے۔انڈونیشیا ہے۔مڈل ایسٹ کی ایک جماعت ہے۔گھانا ہے اور بیلجیم۔فی کس ادائیگی کے لحاظ سے نمبر ایک پر امریکہ ہے۔پھر سوئٹزرلینڈ ہے۔پھر برطانیہ ہے۔افریقہ میں مجموعی وصولی کے لحاظ سے نمایاں جماعتیں جو ہیں: نمبر ایک گھانا ہے۔پھر ماریشس ہے۔پھر نائیجیریا ہے۔پھر برکینا فاسو ہے۔پھر تنزانیہ ہے۔پھر سیر الیون ہے۔پھر لائبیریا ہے۔پھر گیمبیا۔پھر یوگنڈا۔آخر میں نمبر دس پہ بین۔اللہ تعالیٰ کے فضل سے شاملین کی تعداد بھی چودہ لاکھ پینتالیس ہزار ہے۔وصولی کے لحاظ سے بر طانیہ کی جو دس بڑی جماعتیں ہیں ان کی پوزیشن یہ ہے: اسلام آباد نمبر ایک
پہ، پھر فار نم (Farnham) ، پھر ووسٹر پارک (Worcester Park) ، پھر چیم ساؤتھ (South)
(Cheam۔پھر آلٹر شاٹ (Aldershot)۔پھر بر منگھم ساؤتھ (Birmingham-South) ، پھر وال سال
(Walsall)، هم Gillingham) ، گلفرڈ (Guildford) ، پول(Ewell)۔مجموعی وصولی کے لحاظ سے پہلے پانچ ریجن جو ہیں ان میں پہلا ریجن بیت الفتوح ہے۔نمبر دو پہ
اسلام آباد۔پھر مسجد فضل۔پھر بیت الاحسان۔پھر مڈلینڈز (Midlands)۔اطفال۔دفتر اطفال کے لحاظ سے دس جماعتیں جو ہیں: اسلام آباد نمبر ایک پہ۔آلڈر شاٹ
(Aldershot) نمبر دو۔پھر فار نم (Farnham - رو ہیمپٹن (Roehampton)۔پھر گلفرڈ۔(Guildford)۔یول(Ewell)۔مچم پارک (Mitcham Park )۔بیت الفتوح (Baitul Futuh)۔وال سال (Walsall)۔برمنگھم ویسٹ (Birmingham-West)۔وصولی کے لحاظ سے جرمنی کی پانچ لوکل امارات: ہیمبرگ (Hamburg) نمبر ایک پر۔پھر
فرینکفرٹ (Frankfurt)۔پھر گروس گیر او(Gros Gerau)۔پھر ویز بادن(Wiesbaden)۔پھر
ڈٹسن باخ Dietzenbach)۔وصولی کے لحاظ سے پہلی دس جماعتوں کی فہرست: رویڈر مارک (Rödermark) نمبر ایک پر۔پھر
روڈ گاؤ(Rodgau)۔پھر نوکس(Neuss)۔پھر رویڈرز ہائم (Rödersheim)۔پھر مہدی آباد

خطبات مسرور جلد 20
14
خطبه جمعه فرمودہ مورخہ 07 جنوری 2022ء
فریڈ برگ (Friedberg) - بناؤ ( Hanan) - فلورس پائم (Flörsheim)۔فرانکن تھال
(Frankenthal)۔کوبلنز (Koblenz) اور نید ا(Nidda)۔دفتر اطفال میں پہلی پانچ ریجن ہیں: ہیمبرگ (Hamburg) نمبر ایک پہ۔پھر ساؤتھ ویسٹ بیسن
South West Hessen)۔تاؤ نسن (Taunus)۔بیسن مٹے (Hessen-Mitte)۔رائن لینڈ
فالز (Rheinland-Pfalz)۔وصولی کے لحاظ سے کینیڈا کی امار تیں جو ہیں ان میں نمبر ایک پر وان ہے۔پھر کیلگری
( Calgary)۔پھر پیس و پیج (Peace Village)۔پھر وینکوور (Vancouver)۔بریمٹن ویسٹ
(Brampton-West)۔دس بڑی جماعتیں جو کینیڈا کی ہیں ان میں حدیقہ احمد نمبر ایک پہ۔ملٹن ویسٹ-Milton)
(West - بریڈ فورڈ (Bradford - ڈرہم (Durham)۔ملٹن ایسٹ (Milton East)۔رجائنا (Regina)۔آٹوا ویسٹ (Ottawa-West)۔ونی پیگ (Winnipeg)۔ہملٹن ماؤنٹین
(Hamilton Mountain) ایبٹس فورڈ (Abbotsford)۔اور دفتر اطفال کی نمایاں امارتیں: وان (Vaughan) نمبر ایک۔پھر پیس ولیج Peace)
(Village - پھر کیلگری (Calgary)۔ٹورنٹو ویسٹ (Toronto-West - بریمپٹن ویسٹ
(Brampton-West) ہیں۔دفتر اطفال کی پانچ نمایاں جماعتیں: حدیقہ احمد نمبر ایک۔بریڈ فورڈ(Bradford)۔ڈر ہم (Durham) لندن (London)۔ملٹن ویسٹ (Milton-West)۔امریکہ کی وصولی کے لحاظ سے جو دس جماعتیں ہیں: میری لینڈ (Maryland)۔لاس اینجلس
(Los Angeles ڈیٹرائٹ Detroit) - سیلیکون ویلی (Silicon Valley)۔بوسٹن
(Boston)۔آسٹن (Austin)۔فینکس (Phoenix)۔سیر اکوس (Syracose)۔لاس ویگس Las)
(Vegas اور فنچ برگ (Fitchburg)۔دفتر اطفال کے لحاظ سے پہلی دس جماعتیں: میری لینڈ (Maryland)۔لاس اینجلس Los
(Angeles - سیئٹل (Seattle) - اورلینڈو ( Orlando)۔آسٹن(Austin)۔سیلیکون ویلی
(Silicon Valley) فینکس (Phoenix) نیچ برگ (Fitchburg) لاس ویگس (Las Vegas)۔زائن (Zion) ہیں۔پاکستان میں چندہ بالغان کی پہلی تین جماعتیں ہیں: اول لاہور۔پھر ربوہ۔پھر کراچی۔اور اضلاع کی
پوزیشن یہ ہے۔اسلام آباد نمبر ایک پہ۔پھر فیصل آباد ، گجرات، گوجرانوالہ، سرگودھا، ملتان، عمر کوٹ،
حیدر آباد، میر پور خاص، ڈیرہ غازی خان۔

خطبات مسرور جلد 20
15
خطبه جمعه فرمودہ مورخہ 07 جنوری 2022ء
مجموعی وصولی کے لحاظ سے پہلی دس جماعتیں ہیں: اسلام آباد شہر، ڈیفنس لاہور، ٹاؤن شپ
لاہور، کلفٹن کراچی، دارالذکر لاہور ماڈل ٹاؤن لاہور ، گلشن آباد کراچی، سمن آباد لاہور، عزیز آباد
کراچی، علامہ اقبال ٹاؤن لاہور۔دفتر اطفال کی تین بڑی جماعتیں ہیں: اول لاہور۔دوم کراچی۔سوئم ربوہ۔دفتر اطفال میں اضلاع
کی پوزیشن یہ ہے۔اسلام آباد نمبر ایک۔سیالکوٹ۔پھر راولپنڈی۔سرگودھا۔فیصل آباد۔گجرات۔حیدرآباد۔میر پور خاص۔عمر کوٹ۔نارووال۔غیر معمولی مساعی کرنے والی جماعتیں جو ہیں: ڈرگ روڈ کراچی۔نور پورہ لاہور۔گوجرانوالہ شہر۔بيت الفضل فیصل آباد۔پشاور شہر۔دہلی گیٹ لاہور۔کوٹلی آزاد کشمیر۔ننکانہ صاحب۔بھارت کے پہلے دس صوبے جو ہیں۔کیر الہ۔جموں کشمیر۔تامل ناڈو۔تلنگانہ کرناٹکا۔اڈیشہ پنجاب۔ویسٹ بنگال۔دہلی۔مہاراشٹر ا۔۔دس جماعتیں وصولی کے لحاظ سے حیدر آباد نمبر ایک۔پھر قادیان۔پھر کیرولائی۔پھر پاٹھا پر یام۔کو ٹمباٹور۔بنگلور۔کلکتہ۔کالی کٹ۔رشی نگر۔ملیا پلیام۔آسٹریلیا کی جو دس جماعتیں ہیں: ملبرن لانگ وارن (Melbourne Langwarrin)۔کاسل ہل
(Castle Hill) مارسٹن پارک (Marsden Park)۔ایڈیلیڈ ساؤتھ (Adelaide South)۔میلبورن بیرک (Melbourne Berwick) پر تھ (Perth)۔پیز تھ (Penrith)۔ایڈیلیڈ ویسٹ
Adelaide West) اور لوگن ایسٹ (Logan East)۔بالغان میں آسٹریلیا کی جماعتیں: ملبرن لانگ وارن (Melbourne Langwarrin)۔کاسل ہل
(Castle Hill) مارسڈن پارک (Marsden Park)، ایڈیلیڈ ساؤتھ (Adelaide South)۔ملبرن
بیروک (Melbourne Berwick)۔پرتھ (Perth)۔پیز تھ (Penrith)۔ایڈیلیڈ ویسٹ
Adelaide West)۔بلیک ٹاؤن (Blacktown) اور کینبر ا(Canberra)۔دفتر اطفال میں آسٹریلیا کی جماعتیں ہیں: ملبرن لانگ وارن (Melbourne Langwarrin)۔ایڈیلیڈ ساؤتھ (Adelaide South) - ملبرن بیرک (Melbourne Berwick)۔لوگن ایسٹ
(Logan East) پر تھ (Perth)۔کاسل بل (Castle Hill)۔ملبرن ایسٹ (Melbourne East)۔ماؤنٹ ڈروئٹ (Mount Druitt) پیز تھ (Penrith)۔برسبن سینٹرل(Brisbane Central)۔یہ ان کی پوزیشنیں ہیں۔اللہ تعالیٰ تمام قربانی کرنے والوں کے اموال و نفوس میں بے انتہا
برکت عطا فرمائے۔الفضل انٹر نیشنل مورخہ 28 / جنوری 2022ء جلد 29 شمارہ 8 0 صفحہ 05تا10)

آج 10 میں سے 10 باقی