کتاب 47: استقبال اور الوداع

حدیقۃ الصالحین

حدیقۃ الصالحین 1718

حضرت سائبؓ بیان کرتے ہیں کہ جب رسول اللہ ﷺ غزوئہ تبوک سے واپس آئے تو مدینہ کے لوگ ثنیہ الوداع تک آپ ﷺ کے استقبال کے لئے پہنچے۔ سائب کہتے ہیں کہ میں بھی لوگوں کے ساتھ گیا تھا۔ اس وقت میں چھوٹی عمر کا لڑکا تھا۔

عَنْ السَّائِبِ بْنِ يَزِيدَ قَالَ لَمَّا قَدِمَ رَسُولُ اللَّهِ صَلَّى اللّٰهُ عَلَيْهِ وَسَلَّمَ مِنْ تَبُوكَ خَرَجَ النَّاسُ يَتَلَقَّوْنَهُ إِلَى ثَنِيَّةِ الوَدَاعِ قَالَ السَّائِبُ فَخَرَجْتُ مَعَ النَّاسِ وَأَنَا غُلَامٌ

حدیقۃ الصالحین 1743

حضرت عبداللہ بن جعفرؓ بیان کرتے ہیں کہ رسول اللہ ﷺ جب سفر سے واپس آتے تو اہل بیت کے بچے بھی آپﷺ کے استقبال کے لئے جاتے ایک دفعہ جب آپﷺ سفر سے آئے تو سب سے پہلے مجھے آپﷺ تک پہنچایا گیا۔ آپﷺ نے مجھے گود میں اٹھا لیا۔ پھر حضرت فاطمہؓ کے دو بیٹوں امام حسنؓ یا امام حسینؓ میں سے کسی ایک کو لایا گیا۔ تو آپﷺ نے اسے اپنے پیچھے بٹھا لیا۔ اس طرح مدینہ منورہ میں (اس شان سے) داخل ہوئے کہ ایک اونٹ پر ہم تین سوار تھے۔

عَنْ عَبْدِ اللَّهِ بْنِ جَعْفَرٍ قَالَ كَانَ رَسُولُ اللَّهِ صَلَّى اللّٰهُ عَلَيْهِ وَسَلَّمَ إِذَا قَدِمَ مِنْ سَفَرٍ تُلُقِّيَ بِالصِّبْيَانِ مِنْ أَهْلِ بَيْتِهِ قَالَ وَإِنَّهُ قَدِمَ مَرَّةً مِنْ سَفَرٍ قَالَ فَسُبِقَ بِي إِلَيْهِ قَالَ فَحَمَلَنِي بَيْنَ يَدَيْهِ قَالَ ثُمَّ جِيءَ بِأَحَدِ ابْنَيْ فَاطِمَةَ إِمَّا حَسَنٌ وَإِمَّا حُسَيْنٌ فَأَرْدَفَهُ خَلْفَهُ . قَالَ فَدَخَلْنَا الْمَدِينَةَ ثَلاثَةً عَلَى دَابَّةٍ

حدیقۃ الصالحین 2391

حضرت ابن عباسؓ بیان کرتے ہیں کہ رسول اللہﷺ ایک فوجی مہم میں بھیجے جانے والے صحابہؓ کو الوداع کہنے کے لئے ان کے ساتھ بقیع الغرقد تک گئے۔ ان کو رخصت کیا اور ان کے لئے یوں دعا کی۔ اللہ کے نام پر یعنی اس کی رضا اور اس کے دین کی خدمت کے لئے جانا نصیب ہو۔ اے میرے اللہ! تو ان کی مدد کر۔ یہ مہم کعب بن اشرف کی شرارتوں کے قلع قمع کرنے کے لئے آپﷺ نے بھیجی تھی۔

عَنِ ابْنِ عَبَّاسٍ قَالَ مَشَى مَعَهُمْ رَسُولُ اللَّهِ صَلَّى اللّٰهُ عَلَيْهِ وَسَلَّمَ إِلَى بَقِيعِ الْغَرْقَدِ ثُمَّ وَجَّهَهُمْ وَقَالَ انْطَلِقُوا عَلَى اسْمِ اللَّهِ وَقَالَ اللَّهُمَّ أَعِنْهُمْ ـــ يَعْنِي النَّفَرَ الَّذِينَ وَجَّهَهُمْ إِلَى كَعْبِ بْنِ الْأَشْرَفِ
آج 10 میں سے 10 باقی