کتاب 1: كتاب المقدمة

سنن ابن ماجہ, حصہ 10

سنن ابن ماجہ 181

حضرت ابو رزینؓ نے بیان کیا کہ رسول اللہ ﷺ نے فرمایا ہمارا رب اپنے بندوں کی مایوسی پر اور اُن کی (مایوسی کے حالات کی) جلد (ہونے والی) تبدیلی پر ہنستا ہے۔ مَیں نے عرض کیا یا رسولؐ اللہ! کیا ربّ ہنستا ہے؟ آپؐ نے فرمایا ہاں۔ اس پر مَیں نے کہا کہ ہم ربّ کی خیر سے جو ہنستا ہے ہرگز محروم نہیں ہوں گے۔

حَدَّثَنَا أَبُو بَكْرِ بْنُ أَبِي شَيْبَةَ حَدَّثَنَا يَزِيدُ بْنُ هَارُونَ أَنْبَأَنَا حَمَّادُ بْنُ سَلَمَةَ عَنْ يَعْلَى بْنِ عَطَاءٍ عَنْ وَكِيعِ بْنِ حُدُسٍ عَنْ عَمِّهِ أَبِي رَزِينٍ قَالَ قَالَ رَسُولُ اللَّهِ ـ صلى الله عليه وسلم ـ " ضَحِكَ رَبُّنَا مِنْ قُنُوطِ عِبَادِهِ وَقُرْبِ غِيَرِهِ " . قَالَ قُلْتُ يَا رَسُولَ اللَّهِ أَوَ يَضْحَكُ الرَّبُّ قَالَ " نَعَمْ " . قُلْتُ لَنْ نَعْدِمَ مِنْ رَبٍّ يَضْحَكُ خَيْرًا .

Urdu translation: Noor Foundation

سنن ابن ماجہ 182

حضرت ابو رزینؓ نے بیان کیا کہ مَیں نے کہا یا رسولؐ اللہ! اپنی مخلوق کی پیدائش سے پہلے ہمارا ربّ کہاں تھا؟ آپؐ نے فرمایا : ’’ عَمَاء ‘‘ _ غیب الغیب _ میں تھا۔ اس کے نیچے کچھ نہیں تھا اس کے اوپر بھی کچھ نہیں تھا۔ اور وہاں کوئی مخلوق نہیں تھی اور اس کا عرش پانی پر ہے۔

حَدَّثَنَا أَبُو بَكْرِ بْنُ أَبِي شَيْبَةَ وَمُحَمَّدُ بْنُ الصَّبَّاحِ قَالاَ حَدَّثَنَا يَزِيدُ بْنُ هَارُونَ أَنْبَأَنَا حَمَّادُ بْنُ سَلَمَةَ عَنْ يَعْلَى بْنِ عَطَاءٍ عَنْ وَكِيعِ بْنِ حُدُسٍ عَنْ عَمِّهِ أَبِي رَزِينٍ قَالَ قُلْتُ يَا رَسُولَ اللَّهِ أَيْنَ كَانَ رَبُّنَا قَبْلَ أَنْ يَخْلُقَ خَلْقَهُ قَالَ " كَانَ فِي عَمَاءٍ مَا تَحْتَهُ هَوَاءٌ وَمَا فَوْقَهُ هَوَاءٌ ثُمَّ خَلَقَ الْعَرْشَ عَلَى الْمَاءِ " .

Urdu translation: Noor Foundation

سنن ابن ماجہ 183

صفوان بن مُحرِز مازنی نے بیان کیا کہ ہم حضرت عبد اللہ بن عمرؓ کے ساتھ تھے اور وہ خانہ کعبہ کا طواف کر رہے تھے کہ ایک شخص ان کے سامنے آگیا۔ اس نے کہا اے ابن عمرؓ! آپؓ نے رسول اللہ ﷺ سے ’’نجویٰ‘‘ کے بارے میں کیا سنا ہے؟ حضرت عبد اللہ بن عمرؓ نے جواب دیا کہ مَیں نے رسول اللہ ﷺ کو فرماتے سنا ہے کہ ایک مومن قیامت کے دن اپنے ربّ کے قریب کیا جائے گا یہاں تک کہ وہ اس پر (رحمت کا) ہاتھ رکھے گا۔ پھر وہ (اللہ) اس سے اس کے گناہوں کا اقرار کروائے گا اور پوچھے گا کیا تو جانتا ہے؟ وہ بندہ کہے گا اے میرے ربّ مَیں جانتا ہوں، یہاں تک کہ وہ اس حالت تک پہنچ جائے گا جہاں اللہ چاہتا ہے کہ وہ پہنچے اللہ فرمائے گا مَیں نے دنیا میں ان (گناہوں) پر تمہاری پردہ پوشی کی مَیں آج انہیں تیرے لئے بخشتا ہوں اور فرمایا پھر اس کی نیکیوں کا صحیفہ یا فرمایا اس کی کتاب اس کے دائیں ہاتھ میں دی جائے گی۔ فرمایا جہاں تک کافر یا منافق کا تعلق ہے اسے گواہوں کے سامنے پکارا جائے گا۔ ہٰـؤُلَائِ الَّذِیْنَ کَذَبُوْا عَلَی رَبِّہِمْ أَلَا لَعْنَۃُ اللّٰہِ عَلَی الظَّالِمِیْنَ (ترجمہ) یہی وہ لوگ ہیں جنہوں نے اپنے ربّ پر جھوٹ بولا تھا۔ خبردار! ظلم کرنے والوں پر اللہ کی لعنت ہے۔

حَدَّثَنَا حُمَيْدُ بْنُ مَسْعَدَةَ حَدَّثَنَا خَالِدُ بْنُ الْحَارِثِ حَدَّثَنَا سَعِيدٌ عَنْ قَتَادَةَ عَنْ صَفْوَانَ بْنِ مُحْرِزٍ الْمَازِنِيِّ قَالَ بَيْنَمَا نَحْنُ مَعَ عَبْدِ اللَّهِ بْنِ عُمَرَ وَهُوَ يَطُوفُ بِالْبَيْتِ إِذْ عَرَضَ لَهُ رَجُلٌ فَقَالَ يَا ابْنَ عُمَرَ كَيْفَ سَمِعْتَ رَسُولَ اللَّهِ ـ صلى الله عليه وسلم ـ يَذْكُرُ فِي النَّجْوَى قَالَ سَمِعْتُ رَسُولَ اللَّهِ ـ صلى الله عليه وسلم ـ يَقُولُ " يُدْنَى الْمُؤْمِنُ مِنْ رَبِّهِ يَوْمَ الْقِيَامَةِ حَتَّى يَضَعَ عَلَيْهِ كَنَفَهُ ثُمَّ يُقَرِّرُهُ بِذُنُوبِهِ فَيَقُولُ هَلْ تَعْرِفُ فَيَقُولُ يَا رَبِّ أَعْرِفُ . حَتَّى إِذَا بَلَغَ مِنْهُ مَا شَاءَ اللَّهُ أَنْ يَبْلُغَ قَالَ إِنِّي سَتَرْتُهَا عَلَيْكَ فِي الدُّنْيَا وَأَنَا أَغْفِرُهَا لَكَ الْيَوْمَ . قَالَ ثُمَّ يُعْطَى صَحِيفَةَ حَسَنَاتِهِ أَوْ كِتَابَهُ بِيَمِينِهِ . قَالَ وَأَمَّا الْكَافِرُ أَوِ الْمُنَافِقُ فَيُنَادَى عَلَى رُءُوسِ الأَشْهَادِ " . قَالَ خَالِدٌ فِي " الأَشْهَادِ " . شَىْءٌ مِنِ انْقِطَاعٍ . {هَؤُلاَءِ الَّذِينَ كَذَبُوا عَلَى رَبِّهِمْ أَلاَ لَعْنَةُ اللَّهِ عَلَى الظَّالِمِينَ} .

Urdu translation: Noor Foundation

سنن ابن ماجہ 184

حضرت جابر بن عبد اللہ ؓ نے بیان کیا کہ رسول اللہ ﷺ نے فرمایا اس اثناء میں کہ اہل جنت اپنی نعمتوں میں ہوں گے، ان پر ایک نور چمکے گا، وہ اپنا سر اٹھائیں گے اور دیکھیں گے کہ ان کا رب ان کو اوپر سے جھانک رہا ہے۔ وہ کہے گا اے جنت والو! تم پر سلامتی ہو۔ فرمایا یہ اللہ کے اس قول کے مطابق ہے سَلَامٌ قَوْلًا مِن رَّبٍّ رَّحِیْمٍ (ترجمہ) ’’سلام‘‘ کہا جائے گا ربّ رحیم کی طرف سے۔ فرمایا اللہ ان کی طرف دیکھتا رہے گا اور وہ اس کی طرف دیکھتے رہیں گے اور وہ کسی نعمت کی طرف التفات نہیں کریں گے جب تک اسے (اللہ کو) دیکھتے رہیں گے یہاں تک کہ اللہ تعالیٰ ان سے چھپ جائے گا مگر اس کا نور اور برکت ان پر ان کے گھروں میں باقی رہیں گی۔

حَدَّثَنَا مُحَمَّدُ بْنُ عَبْدِ الْمَلِكِ بْنِ أَبِي الشَّوَارِبِ حَدَّثَنَا أَبُو عَاصِمٍ الْعَبَّادَانِيُّ حَدَّثَنَا الْفَضْلُ الرَّقَاشِيُّ عَنْ مُحَمَّدِ بْنِ الْمُنْكَدِرِ عَنْ جَابِرِ بْنِ عَبْدِ اللَّهِ قَالَ قَالَ رَسُولُ اللَّهِ ـ صلى الله عليه وسلم ـ " بَيْنَا أَهْلُ الْجَنَّةِ فِي نَعِيمِهِمْ إِذْ سَطَعَ لَهُمْ نُورٌ فَرَفَعُوا رُءُوسَهُمْ فَإِذَا الرَّبُّ قَدْ أَشْرَفَ عَلَيْهِمْ مِنْ فَوْقِهِمْ فَقَالَ السَّلاَمُ عَلَيْكُمْ يَا أَهْلَ الْجَنَّةِ . قَالَ وَذَلِكَ قَوْلُ اللَّهِ {سَلاَمٌ قَوْلاً مِنْ رَبٍّ رَحِيمٍ} قَالَ فَيَنْظُرُ إِلَيْهِمْ وَيَنْظُرُونَ إِلَيْهِ فَلاَ يَلْتَفِتُونَ إِلَى شَىْءٍ مِنَ النَّعِيمِ مَا دَامُوا يَنْظُرُونَ إِلَيْهِ حَتَّى يَحْتَجِبَ عَنْهُمْ وَيَبْقَى نُورُهُ وَبَرَكَتُهُ عَلَيْهِمْ فِي دِيَارِهِمْ " .

Urdu translation: Noor Foundation

سنن ابن ماجہ 185

حضرت عدی بن حاتِم ؓ نے بیان کیا کہ رسول اللہ ﷺ نے فرمایا تم میں کوئی بھی نہیں مگر اس کا ربّ اس سے ضرور بات کرے گا اور اس کے اور اس کے درمیان کوئی ترجمان نہیں ہوگا۔ وہ اپنی دائیں طرف دیکھے گا تو وہ نہیں دیکھے گا سوائے اس کے جو کچھ اس نے آگے بھیجا تھا پھر وہ اپنی بائیں طرف دیکھے گا تو وہاں بھی نہیں دیکھے گا سوائے اس کے جو کچھ اس نے آگے بھیجا تھا۔ پھر وہ اپنے سامنے دیکھے گا تو آگ اُس کے سامنے ہوگی۔ جو شخص تم میں سے آگ سے بچ سکتا ہو خواہ کھجور کے ایک ٹکڑے کے ذریعہ سے پس اس کو چاہئے کہ ایسا ہی کرے۔

حَدَّثَنَا عَلِيُّ بْنُ مُحَمَّدٍ حَدَّثَنَا وَكِيعٌ عَنِ الأَعْمَشِ عَنْ خَيْثَمَةَ عَنْ عَدِيِّ بْنِ حَاتِمٍ قَالَ قَالَ رَسُولُ اللَّهِ ـ صلى الله عليه وسلم ـ " مَا مِنْكُمْ مِنْ أَحَدٍ إِلاَّ سَيُكَلِّمُهُ رَبُّهُ لَيْسَ بَيْنَهُ وَبَيْنَهُ تَرْجُمَانٌ فَيَنْظُرُ عَنْ أَيْمَنَ مِنْهُ فَلاَ يَرَى إِلاَّ شَيْئًا قَدَّمَهُ ثُمَّ يَنْظُرُ عَنْ أَيْسَرَ مِنْهُ فَلاَ يَرَى إِلاَّ شَيْئًا قَدَّمَهُ ثُمَّ يَنْظُرُ أَمَامَهُ فَتَسْتَقْبِلُهُ النَّارُ فَمَنِ اسْتَطَاعَ مِنْكُمْ أَنْ يَتَّقِيَ النَّارَ وَلَوْ بِشِقِّ تَمْرَةٍ فَلْيَفْعَلْ " .

Urdu translation: Noor Foundation

سنن ابن ماجہ 186

ابو بکر بن عبداللہ بن قیس اشعری اپنے والد سے روایت کرتے ہیں۔ انہوں نے بیان کیا کہ رسول اللہ ﷺ نے فرمایا دو جنتیں ہیں جن کے برتن چاندی کے ہیں اور جو کچھ بھی ان میں ہے ، دو جنتیں ہیں، جن کے برتن سونے کے ہیں اور جو کچھ ان میں ہے۔ اور جنت عدن میں لوگوں اور ان کے اپنے رب تبارک و تعالیٰ کے دیدار کے درمیان سوائے کبریائی کی چادر کے جو اس کے چہرہ پر ہے اور کچھ حائل نہیں ہوگا۔

حَدَّثَنَا مُحَمَّدُ بْنُ بَشَّارٍ حَدَّثَنَا أَبُو عَبْدِ الصَّمَدِ عَبْدُ الْعَزِيزِ بْنُ عَبْدِ الصَّمَدِ حَدَّثَنَا أَبُو عِمْرَانَ الْجَوْنِيُّ عَنْ أَبِي بَكْرِ بْنِ عَبْدِ اللَّهِ بْنِ قَيْسٍ الأَشْعَرِيِّ عَنْ أَبِيهِ قَالَ قَالَ رَسُولُ اللَّهِ ـ صلى الله عليه وسلم ـ " جَنَّتَانِ مِنْ فِضَّةٍ آنِيَتُهُمَا وَمَا فِيهِمَا وَجَنَّتَانِ مِنْ ذَهَبٍ آنِيَتُهُمَا وَمَا فِيهِمَا وَمَا بَيْنَ الْقَوْمِ وَبَيْنَ أَنْ يَنْظُرُوا إِلَى رَبِّهِمْ تَبَارَكَ وَتَعَالَى إِلاَّ رِدَاءُ الْكِبْرِيَاءِ عَلَى وَجْهِهِ فِي جَنَّةِ عَدْنٍ " .

Urdu translation: Noor Foundation

سنن ابن ماجہ 187

حضرت صُہَیبؓ نے بیان کیا کہ رسول اللہ ﷺ نے یہ آیت پڑھی لِلَّذِیْنَ أَحْسَنُوا الْحُسْنَی وَزِیَادَۃٌ (ترجمہ) جن لوگوں نے احسان کئے ان کے لئے سب سے حسین جزا ہے اور اس سے بھی زیادہ۔ پھر آپؐ نے فرمایا جب جنت والے جنت میں داخل ہوں گے، اور جہنم والے جہنم میں، ایک پکارنے والا پکارے گا اے جنت والو! یقینا اللہ کے پاس تمہارے لئے ایک وعدہ ہے اور وہ اسے تمہارے لئے پورا کرنا چاہتا ہے۔ پس وہ کہیں گے وہ کیا ہے؟ کیا اللہ نے ہمارے پلڑے بھاری نہیں کر دئیے اور ہمارے چہروں کو روشن نہیں کر دیا اور ہمیں جنت میں داخل نہیں کر دیا؟ اور ہمیں آگ سے نجات نہیں دی؟ فرمایا پس وہ پردہ ہٹائے گا۔ وہ اس کی طرف دیکھیں گے اور اللہ کی قسم! جو کچھ اللہ نے ان کو دیا ہے ان میں سے کوئی چیز اس کی طرف دیکھنے سے پیاری نہیں ہوگی اور نہ ان کی آنکھوں کو زیادہ ٹھنڈک دینے والی۔

حَدَّثَنَا عَبْدُ الْقُدُّوسِ بْنُ مُحَمَّدٍ حَدَّثَنَا حَجَّاجٌ حَدَّثَنَا حَمَّادٌ عَنْ ثَابِتٍ الْبُنَانِيِّ عَنْ عَبْدِ الرَّحْمَنِ بْنِ أَبِي لَيْلَى عَنْ صُهَيْبٍ قَالَ تَلاَ رَسُولُ اللَّهِ ـ صلى الله عليه وسلم ـ هَذِهِ الآيَةَ {لِلَّذِينَ أَحْسَنُوا الْحُسْنَى وَزِيَادَةٌ} وَقَالَ " إِذَا دَخَلَ أَهْلُ الْجَنَّةِ الْجَنَّةَ وَأَهْلُ النَّارِ النَّارَ نَادَى مُنَادٍ يَا أَهْلَ الْجَنَّةِ إِنَّ لَكُمْ عِنْدَ اللَّهِ مَوْعِدًا يُرِيدُ أَنْ يُنْجِزَكُمُوهُ . فَيَقُولُونَ وَمَا هُوَ أَلَمْ يُثَقِّلِ اللَّهُ مَوَازِينَنَا وَيُبَيِّضْ وُجُوهَنَا وَيُدْخِلْنَا الْجَنَّةَ وَيُنْجِنَا مِنَ النَّارِ قَالَ فَيَكْشِفُ الْحِجَابَ فَيَنْظُرُونَ إِلَيْهِ فَوَاللَّهِ مَا أَعْطَاهُمُ اللَّهُ شَيْئًا أَحَبَّ إِلَيْهِمْ مِنَ النَّظَرِ إِلَيْهِ وَلاَ أَقَرَّ لأَعْيُنِهِمْ " .

Urdu translation: Noor Foundation

سنن ابن ماجہ 188

حضرت عائشہؓ نے بیان فرمایا کہ ہر طرح کی حمد اللہ کے لئے ہے وہ سب آوازیں سنتا ہے۔ ایک بحث کرنے والی نبی ﷺ کے پاس آئی اور میں گھر میں ایک طرف تھی۔ وہ اپنے شوہر کی شکایت کر رہی تھی جو وہ کہہ رہی تھی وہ میں نے نہیں سنا۔ پس اللہ تعالیٰ نے یہ کلام اتارا قَدْ سَمِعَ اللَّہُ قَوْلَ الَّتِیْ تُجَادِلُکَ فِیْ زَوْجِہَا (ترجمہ) یقینا سن لی ہے اللہ نے اس کی بات جو اپنے خاوند کے بارہ میں تجھ سے بحث کرتی تھی۔

حَدَّثَنَا عَلِيُّ بْنُ مُحَمَّدٍ حَدَّثَنَا أَبُو مُعَاوِيَةَ حَدَّثَنَا الأَعْمَشُ عَنْ تَمِيمِ بْنِ سَلَمَةَ عَنْ عُرْوَةَ بْنِ الزُّبَيْرِ عَنْ عَائِشَةَ قَالَتِ الْحَمْدُ لِلَّهِ الَّذِي وَسِعَ سَمْعُهُ الأَصْوَاتَ لَقَدْ جَاءَتِ الْمُجَادِلَةُ إِلَى النَّبِيِّ ـ صلى الله عليه وسلم ـ وَأَنَا فِي نَاحِيَةِ الْبَيْتِ تَشْكُو زَوْجَهَا وَمَا أَسْمَعُ مَا تَقُولُ فَأَنْزَلَ اللَّهُ {قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا} .

Urdu translation: Noor Foundation

سنن ابن ماجہ 189

حضرت ابو ہریرہؓ نے بیان کیا کہ رسول اللہ ﷺ نے فرمایا تمہارے رب نے مخلوق کو پیدا کرنے سے پہلے اپنے ہاتھ سے اپنے متعلق لکھا کہ میری رحمت میرے غضب پر غالب ہے۔

حَدَّثَنَا مُحَمَّدُ بْنُ يَحْيَى حَدَّثَنَا صَفْوَانُ بْنُ عِيسَى عَنِ ابْنِ عَجْلاَنَ عَنْ أَبِيهِ عَنْ أَبِي هُرَيْرَةَ قَالَ قَالَ رَسُولُ اللَّهِ ـ صلى الله عليه وسلم ـ " كَتَبَ رَبُّكُمْ عَلَى نَفْسِهِ بِيَدِهِ قَبْلَ أَنْ يَخْلُقَ الْخَلْقَ رَحْمَتِي سَبَقَتْ غَضَبِي " .

Urdu translation: Noor Foundation

سنن ابن ماجہ 190

حضرت جابر بن عبد اللہؓ بیان کرتے ہیں کہ جب حضرت عبد اللہ بن عمرو بن حرامؓ احد کے دن شہید ہوئے تو مجھے رسول اللہﷺ ملے اور فرمانے لگے اے جابر! کیا میں تمہیں نہ بتاؤں جو بات اللہ نے تمہارے والد سے کہی۔ راوی یحییٰ نے اپنی روایت میں بیان کیا ہے۔ فرمایا اے جابرؓ! کیا بات ہے میں تجھے شکستہ خاطر دیکھتا ہوں۔ میں نے عرض کیا یا رسولؐ اللہ! میرے والد شہید ہوگئے ہیں اور اپنے بچے اور قرض چھوڑ گئے ہیں۔ آپؐ نے فرمایا کیا میں تمہیں اس بات کی خوشخبری نہ دوں جس کے ساتھ اللہ نے تیرے والد سے ملاقات کی۔ جابرؓ نے کہا ضرور یا رسولؐ اللہ! آپؐ نے فرمایا اللہ نے کبھی کسی سے بات نہیں کی مگر پردے کے پیچھے سے، مگر تیرے والد سے روبرو کلام کیا اور اللہ نے کہا اے میرے بندے! مجھ سے تمنّا کرو، میں تمہیں دوں گا۔ اس نے عرض کیا اے میرے رب! تو مجھے زندہ کر، میں تیرے راستے میں دوبارہ قتل کیا جاؤں۔ اللہ تبارک و تعالیٰ نے جواب دیا میری طرف سے یہ فیصلہ ہوچکا ہے کہ یقینا وہ اس (دنیا) کی طرف نہیں لوٹیں گے۔ اس نے عرض کیا اے میرے رب! اُنہیں جو میرے پیچھے ہیں یہ بات پہنچا دے۔ (راوی) نے کہا پس اللہ نے یہ (آیت) نازل کی وَلَا تَحْسَبَنَّ الَّذِیْنَ قُتِلُوْا فِیْ سَبِیْلِ اللَّہِ أَمْوَاتًا بَلْ أَحْیَآئٌ عِنْدَ رَبِّہِمْ یُرْزَقُوْنَ (ترجمہ) اور جو لوگ اللہ کی راہ میں قتل کئے گئے اُن کو ہرگز مُردے گمان نہ کر بلکہ (وہ تو) زندہ ہیں (اور) انہیں ان کے ربّ کے ہاں رزق عطا کیا جا رہا ہے۔

حَدَّثَنَا إِبْرَاهِيمُ بْنُ الْمُنْذِرِ الْحِزَامِيُّ وَيَحْيَى بْنُ حَبِيبِ بْنِ عَرَبِيٍّ قَالاَ حَدَّثَنَا مُوسَى بْنُ إِبْرَاهِيمَ بْنِ كَثِيرٍ الأَنْصَارِيُّ الْحَرَامِيُّ قَالَ سَمِعْتُ طَلْحَةَ بْنَ خِرَاشٍ قَالَ سَمِعْتُ جَابِرَ بْنَ عَبْدِ اللَّهِ يَقُولُ لَمَّا قُتِلَ عَبْدُ اللَّهِ بْنُ عَمْرِو بْنِ حَرَامٍ يَوْمَ أُحُدٍ لَقِيَنِي رَسُولُ اللَّهِ ـ صلى الله عليه وسلم ـ فَقَالَ " يَا جَابِرُ أَلاَ أُخْبِرُكَ مَا قَالَ اللَّهُ لأَبِيكَ " . وَقَالَ يَحْيَى فِي حَدِيثِهِ فَقَالَ " يَا جَابِرُ مَالِي أَرَاكَ مُنْكَسِرًا " . قَالَ قُلْتُ يَا رَسُولَ اللَّهِ اسْتُشْهِدَ أَبِي وَتَرَكَ عِيَالاً وَدَيْنًا . قَالَ " أَفَلاَ أُبَشِّرُكَ بِمَا لَقِيَ اللَّهُ بِهِ أَبَاكَ " . قَالَ بَلَى يَا رَسُولَ اللَّهِ . قَالَ " مَا كَلَّمَ اللَّهُ أَحَدًا قَطُّ إِلاَّ مِنْ وَرَاءِ حِجَابٍ وَكَلَّمَ أَبَاكَ كِفَاحًا . فَقَالَ يَا عَبْدِي تَمَنَّ عَلَىَّ أُعْطِكَ . قَالَ يَا رَبِّ تُحْيِينِي فَأُقْتَلُ فِيكَ ثَانِيَةً . فَقَالَ الرَّبُّ سُبْحَانَهُ إِنَّهُ سَبَقَ مِنِّي أَنَّهُمْ إِلَيْهَا لاَ يَرْجِعُونَ . قَالَ يَا رَبِّ فَأَبْلِغْ مَنْ وَرَائِي . قَالَ فَأَنْزَلَ اللَّهُ تَعَالَى {وَلاَ تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ} " .

Urdu translation: Noor Foundation

سنن ابن ماجہ 191

حضرت ابو ہریرہ ؓ نے بیان کیا کہ رسول اللہ ﷺ نے فرمایا یقینا اللہ دو آدمیوں پر ہنستا ہے جن میں سے ایک دوسرے کو قتل کرتا ہے۔ وہ دونوں جنت میں داخل ہو جاتے ہیں۔ یہ تو اللہ کے راستے میں لڑتا اور شہید ہو جاتا ہے۔ پھر اللہ اس کے قاتل کی توبہ قبول کرتا ہے اور وہ مسلمان ہو جاتا ہے اور وہ بھی اللہ کے راستے میں لڑتا ہے اور شہید ہو جاتا ہے۔

حَدَّثَنَا أَبُو بَكْرِ بْنُ أَبِي شَيْبَةَ حَدَّثَنَا وَكِيعٌ عَنْ سُفْيَانَ عَنْ أَبِي الزِّنَادِ عَنِ الأَعْرَجِ عَنْ أَبِي هُرَيْرَةَ قَالَ قَالَ رَسُولُ اللَّهِ ـ صلى الله عليه وسلم ـ " إِنَّ اللَّهَ يَضْحَكُ إِلَى رَجُلَيْنِ يَقْتُلُ أَحَدُهُمَا الآخَرَ كِلاَهُمَا دَخَلَ الْجَنَّةَ يُقَاتِلُ هَذَا فِي سَبِيلِ اللَّهِ فَيُسْتَشْهَدُ ثُمَّ يَتُوبُ اللَّهُ عَلَى قَاتِلِهِ فَيُسْلِمُ فَيُقَاتِلُ فِي سَبِيلِ اللَّهِ فَيُسْتَشْهَدُ " .

Urdu translation: Noor Foundation

سنن ابن ماجہ 192

حضرت ابو ہریرہؓ بیان کیا کرتے تھے کہ رسول اللہ ﷺ نے فرمایا اللہ تعالیٰ قیامت کے دن زمین کو اپنی مٹھی میں لے لے گا اور آسمان کو اپنے دائیں ہاتھ سے لپیٹ لے گا پھر فرمائے گا میں بادشاہ ہوں، کہاں ہیں زمین کے بادشاہ؟

حَدَّثَنَا حَرْمَلَةُ بْنُ يَحْيَى وَيُونُسُ بْنُ عَبْدِ الأَعْلَى قَالاَ حَدَّثَنَا عَبْدُ اللَّهِ بْنُ وَهْبٍ أَخْبَرَنِي يُونُسُ عَنِ ابْنِ شِهَابٍ حَدَّثَنِي سَعِيدُ بْنُ الْمُسَيَّبِ أَنَّ أَبَا هُرَيْرَةَ كَانَ يَقُولُ قَالَ رَسُولُ اللَّهِ ـ صلى الله عليه وسلم ـ " يَقْبِضُ اللَّهُ الأَرْضَ يَوْمَ الْقِيَامَةِ وَيَطْوِي السَّمَاءَ بِيَمِينِهِ ثُمَّ يَقُولُ أَنَا الْمَلِكُ أَيْنَ مُلُوكُ الأَرْضِ " .

Urdu translation: Noor Foundation

سنن ابن ماجہ 193

حضرت عباس ؓ بن عبد المطلب نے بیان کیا میں بطحاء میں ایک جماعت میں تھا اور ان میں رسول اللہ ﷺ موجود تھے۔ آپؐ کے پاس سے ایک بادل گزرا۔ آپؐ نے اس کی طرف دیکھا اور پوچھا کہ تم اس کو کیا نام دیتے ہو؟ صحابہ ؓ نے عرض کیا ’’سحاب‘‘ بادل۔ آپؐ نے فرمایا اور المُزن۔ انہوں نے عرض کیا المزنبھی۔ آپؐ نے فرمایا اور العَنَان بھی؟ (راوی) ابو بکر کہتے ہیں اور انہوں نے کہا العَنَان بھی۔ آپؐ نے فرمایا تم لوگ اپنے درمیان اور آسمان کے درمیان کتنا فاصلہ سمجھتے ہو؟ انہوں نے کہا ہم نہیں جانتے۔ آپؐ نے فرمایا تمہارے اور آسمان کے درمیان ستر 70، اکہتر 71، بہتر 72 یا تہتر 73 سال کا فاصلہ ہے۔ اس سے اوپر آسمان اسی طرح ہے۔ یہاں تک کہ آپؐ نے سات آسمان شمار کئے۔ پھر ساتویں آسمان کے اوپر سمندر ہے۔ اس کے اوپر کے حصے اور نیچے (کے حصّہ میں) فاصلہ اتنا ہے جتنا ایک آسمان سے دوسرے آسمان کے درمیان ہے پھر ان سب کے اوپر آٹھ پہاڑی مینڈھے ہیں۔ ان کے کھروں اور گھٹنوں کے درمیان اتنا فاصلہ ہے جتنا ایک آسمان سے دوسرے آسمان تک۔ ان کی پشتوں پر عرش ہے۔ اس (عرش) کے اوپر کے حصے کا، نیچے (کے حصے سے) اتنا فاصلہ ہے جتنا ایک آسمان سے دوسرے آسمان کے درمیان کا۔ پھر اس کے اوپر اللہ تبارک و تعالیٰ ہے۔

حَدَّثَنَا مُحَمَّدُ بْنُ يَحْيَى حَدَّثَنَا مُحَمَّدُ بْنُ الصَّبَّاحِ حَدَّثَنَا الْوَلِيدُ بْنُ أَبِي ثَوْرٍ الْهَمْدَانِيُّ عَنْ سِمَاكٍ عَنْ عَبْدِ اللَّهِ بْنِ عَمِيرَةَ عَنِ الأَحْنَفِ بْنِ قَيْسٍ عَنِ الْعَبَّاسِ بْنِ عَبْدِ الْمُطَّلِبِ قَالَ كُنْتُ بِالْبَطْحَاءِ فِي عِصَابَةٍ وَفِيهِمْ رَسُولُ اللَّهِ ـ صلى الله عليه وسلم ـ فَمَرَّتْ بِهِ سَحَابَةٌ فَنَظَرَ إِلَيْهَا فَقَالَ " مَا تُسَمُّونَ هَذِهِ " . قَالُوا السَّحَابُ . قَالَ " وَالْمُزْنُ " . قَالُوا وَالْمُزْنُ . قَالَ " وَالْعَنَانُ " . قَالَ أَبُو بَكْرٍ قَالُوا وَالْعَنَانُ . قَالَ " كَمْ تَرَوْنَ بَيْنَكُمْ وَبَيْنَ السَّمَاءِ " . قَالُوا لاَ نَدْرِي . قَالَ " فَإِنَّ بَيْنَكُمْ وَبَيْنَهَا إِمَّا وَاحِدًا أَوِ اثْنَيْنِ أَوْ ثَلاَثًا وَسَبْعِينَ سَنَةً وَالسَّمَاءُ فَوْقَهَا كَذَلِكَ " . حَتَّى عَدَّ سَبْعَ سَمَاوَاتٍ " ثُمَّ فَوْقَ السَّمَاءِ السَّابِعَةِ بَحْرٌ بَيْنَ أَعْلاَهُ وَأَسْفَلِهِ كَمَا بَيْنَ سَمَاءٍ إِلَى سَمَاءٍ ثُمَّ فَوْقَ ذَلِكَ ثَمَانِيَةُ أَوْعَالٍ بَيْنَ أَظْلاَفِهِنَّ وَرُكَبِهِنَّ كَمَا بَيْنَ سَمَاءٍ إِلَى سَمَاءٍ ثُمَّ عَلَى ظُهُورِهِنَّ الْعَرْشُ بَيْنَ أَعْلاَهُ وَأَسْفَلِهِ كَمَا بَيْنَ سَمَاءٍ إِلَى سَمَاءٍ ثُمَّ اللَّهُ فَوْقَ ذَلِكَ تَبَارَكَ وَتَعَالَى "

Urdu translation: Noor Foundation

سنن ابن ماجہ 194

حضرت ابو ہریرہ ؓ سے روایت ہے کہ نبی ﷺ نے فرمایا جب اللہ تعالیٰ آسمان میں کسی بات کا فیصلہ فرماتا ہے تو فرشتے اس کے فرمان پر عاجزی کا اظہار کرتے ہوئے اپنے پر ہلاتے ہیں گویا چٹان پر زنجیر (مارنے کی آواز) ہے۔ جب ان کے دلوں سے گھبراہٹ دور ہو جاتی ہے تو وہ پوچھتے ہیں تمہارے رب نے کیا فرمایا؟ وہ کہتے ہیں سچ ہی کہا وہ بلند اور بڑائی والا ہے۔ تو اس کو سُنتے ہیں چوری چھپے باتوں کو سننے والے پس (ان میں سے ایک) بات سُنتا ہے اور اس کو اپنے سے نیچے پہنچا دیتا ہے۔ بسا اوقات اُس کو روشن شعلہ پا لیتا ہے پہلے اس کے کہ وہ کاہن یا جادوگر کی زبان تک پہنچائے اور بسا اوقات (وہ شہاب) اُسے نہیں پاتا یہاں تک کہ وہ اس کو پہنچا دیتا ہے تو وہ اس کے ساتھ سو 100 جھوٹ شامل کر دیتا ہے تو وہ بات جو آسمان سے سنی گئی سچ نکلتی ہے۔

حَدَّثَنَا يَعْقُوبُ بْنُ حُمَيْدِ بْنِ كَاسِبٍ حَدَّثَنَا سُفْيَانُ بْنُ عُيَيْنَةَ عَنْ عَمْرِو بْنِ دِينَارٍ عَنْ عِكْرِمَةَ عَنْ أَبِي هُرَيْرَةَ أَنَّ النَّبِيَّ ـ صلى الله عليه وسلم ـ قَالَ " إِذَا قَضَى اللَّهُ أَمْرًا فِي السَّمَاءِ ضَرَبَتِ الْمَلاَئِكَةُ أَجْنِحَتَهَا خِضْعَانًا لِقَوْلِهِ كَأَنَّهُ سِلْسِلَةٌ عَلَى صَفْوَانٍ فَإِذَا فُزِّعَ عَنْ قُلُوبِهِمْ قَالُوا مَاذَا قَالَ رَبُّكُمْ قَالُوا الْحَقَّ وَهُوَ الْعَلِيُّ الْكَبِيرُ قَالَ فَيَسْمَعُهَا مُسْتَرِقُو السَّمْعِ بَعْضُهُمْ فَوْقَ بَعْضٍ فَيَسْمَعُ الْكَلِمَةَ فَيُلْقِيهَا إِلَى مَنْ تَحْتَهُ فَرُبَّمَا أَدْرَكَهُ الشِّهَابُ قَبْلَ أَنْ يُلْقِيَهَا إِلَى الَّذِي تَحْتَهُ فَيُلْقِيهَا عَلَى لِسَانِ الْكَاهِنِ أَوِ السَّاحِرِ فَرُبَّمَا لَمْ يُدْرَكْ حَتَّى يُلْقِيَهَا فَيَكْذِبُ مَعَهَا مِائَةَ كَذْبَةٍ فَتَصْدُقُ تِلْكَ الْكَلِمَةُ الَّتِي سُمِعَتْ مِنَ السَّمَاءِ "

Urdu translation: Noor Foundation

سنن ابن ماجہ 195

حضرت ابو موسیٰ ؓ نے بیان کیا کہ رسول اللہ ﷺ نے ہم میں کھڑے ہو کر پانچ باتیں بیان فرمائیں۔ آپؐ نے فرمایا یقینا اللہ سوتا نہیں اور سونا اس کے شایانِ شان نہیں ہے۔ وہ ترازو کو جھکا دیتا ہے اور بلند کر دیتا ہے۔ اُس کے سامنے رات کے اعمال دن کے اعمال سے قبل پیش کئے جاتے ہیں اور دن کے اعمال رات کے اعمال سے قبل پیش کئے جاتے ہیں۔ نُور اس کا حجاب ہے۔ اگر وہ اُس کو ہٹا دے تو اُس کے چہرے کے جلوے جہاں تک اُس کی مخلوق میں اس کی نظر پہنچے اس چیز کو جلا دیتے۔

حَدَّثَنَا عَلِيُّ بْنُ مُحَمَّدٍ حَدَّثَنَا أَبُو مُعَاوِيَةَ عَنِ الأَعْمَشِ عَنْ عَمْرِو بْنِ مُرَّةَ عَنْ أَبِي عُبَيْدَةَ عَنْ أَبِي مُوسَى قَالَ قَامَ فِينَا رَسُولُ اللَّهِ ـ صلى الله عليه وسلم ـ بِخَمْسِ كَلِمَاتٍ فَقَالَ " إِنَّ اللَّهَ لاَ يَنَامُ وَلاَ يَنْبَغِي لَهُ أَنْ يَنَامَ يَخْفِضُ الْقِسْطَ وَيَرْفَعُهُ يُرْفَعُ إِلَيْهِ عَمَلُ اللَّيْلِ قَبْلَ عَمَلِ النَّهَارِ وَعَمَلُ النَّهَارِ قَبْلَ عَمَلِ اللَّيْلِ حِجَابُهُ النُّورُ لَوْ كَشَفَهُ لأَحْرَقَتْ سُبُحَاتُ وَجْهِهِ مَا انْتَهَى إِلَيْهِ بَصَرُهُ مِنْ خَلْقِهِ " .

Urdu translation: Noor Foundation

سنن ابن ماجہ 196

حضرت ابو موسیٰ ؓ نے بیان کیا کہ رسول اللہ ﷺ نے فرمایا یقینا اللہ نہیں سوتا اور سونا اس کے شایانِ شان بھی نہیں ہے۔ وہ ترازو کو جھکاتا ہے اور بلند کرتا ہے۔ اُس کا حجاب نُور ہے۔ اگر وہ اُس کو ہٹا دے تو اُس کے چہرے کے جلوے ہر اُس چیز کو جلا دیں جس چیز تک اس کی نظر پہنچے۔ پھر راوی ابو عبیدہ نے پڑھا بُوْرِکَ مَنْ فِی النَّارِ وَمَنْ حَوْلَھَا وَ سُبْحَانَ اللَّہِ رَبِّ الْعَالَمِیْنَ (ترجمہ) برکت دیا گیا ہے جو اس آگ میں ہے اور وہ بھی جو اس کے اردگرد ہے اور پاک ہے اللہ تمام جہانوں کا ربّ۔

حَدَّثَنَا عَلِيُّ بْنُ مُحَمَّدٍ حَدَّثَنَا وَكِيعٌ حَدَّثَنَا الْمَسْعُودِيُّ عَنْ عَمْرِو بْنِ مُرَّةَ عَنْ أَبِي عُبَيْدَةَ عَنْ أَبِي مُوسَى قَالَ قَالَ رَسُولُ اللَّهِ ـ صلى الله عليه وسلم ـ " إِنَّ اللَّهَ لاَ يَنَامُ وَلاَ يَنْبَغِي لَهُ أَنْ يَنَامَ يَخْفِضُ الْقِسْطَ وَيَرْفَعُهُ حِجَابُهُ النُّورُ لَوْ كَشَفَهَا لأَحْرَقَتْ سُبُحَاتُ وَجْهِهِ كُلَّ شَىْءٍ أَدْرَكَهُ بَصَرُهُ " . ثُمَّ قَرَأَ أَبُو عُبَيْدَةَ {أَنْ بُورِكَ مَنْ فِي النَّارِ وَمَنْ حَوْلَهَا وَسُبْحَانَ اللَّهِ رَبِّ الْعَالَمِينَ} .

Urdu translation: Noor Foundation

سنن ابن ماجہ 197

حضرت ابو ہریرہؓ سے روایت ہے کہ نبی ﷺ نے فرمایا اللہ کا داہنا ہاتھ بھرا ہوا ہے۔ دن رات خوب دینے والا ہے۔ کوئی چیز اس میں کمی نہیں کرتی۔ اُس کے دوسرے ہاتھ میں میزان ہے۔ ترازو کو بلند کرتا ہے اور جھکا دیتا ہے۔ فرمایا کیا تمہیں پتہ ہے جب سے اللہ تعالیٰ نے آسمانوں اور زمین کو پیدا کیا ہے جو کچھ اُس کے دونوں ہاتھوں میں ہے اس میں کچھ کم نہیں ہوا۔

حَدَّثَنَا أَبُو بَكْرِ بْنُ أَبِي شَيْبَةَ حَدَّثَنَا يَزِيدُ بْنُ هَارُونَ أَنْبَأَنَا مُحَمَّدُ بْنُ إِسْحَاقَ عَنْ أَبِي الزِّنَادِ عَنِ الأَعْرَجِ عَنْ أَبِي هُرَيْرَةَ عَنِ النَّبِيِّ ـ صلى الله عليه وسلم ـ قَالَ " يَمِينُ اللَّهِ مَلأَى لاَ يَغِيضُهَا شَىْءٌ سَحَّاءُ اللَّيْلَ وَالنَّهَارَ وَبِيَدِهِ الأُخْرَى الْمِيزَانُ يَرْفَعُ الْقِسْطَ وَيَخْفِضُهُ قَالَ أَرَأَيْتَ مَا أَنْفَقَ مُنْذُ خَلَقَ اللَّهُ السَّمَوَاتِ وَالأَرْضَ فَإِنَّهُ لَمْ يَنْقُصْ مِمَّا فِي يَدَيْهِ شَيْئًا " .

Urdu translation: Noor Foundation

سنن ابن ماجہ 198

حضرت عبد اللہ بن عمرؓ نے بیان کیا کہ میں نے رسول اللہ ﷺ کو یہ فرماتے ہوئے سنا اور آپؐ منبر پر تھے ، آپؐ فرما رہے تھے جبار خدا اپنے آسمانوں اور زمین کو اپنے ہاتھ میں لے گا _ اور آپؐ نے اپنے ہاتھ کی مٹھی بند کی اور آپؐ اسے بند کرنے اور کھولنے لگے_ پھر فرمائے گا ، میں جبار ہوں ، کہاں ہیں جبار؟ تکبر کرنے والے کہاں ہیں؟ رسول اللہ ﷺ نے اپنے دائیں توجہ فرمائی اور اپنے بائیں طرف توجہ فرمائی اور میں نے منبر کی طرف دیکھا اُس کا نچلا حصّہ ہل رہا تھا یہاں تک کہ میں خیال کرنے لگا کیا وہ گر تو نہیں جائے گا اور رسول اللہ ﷺ اُس پر ہیں ؟

حَدَّثَنَا هِشَامُ بْنُ عَمَّارٍ وَمُحَمَّدُ بْنُ الصَّبَّاحِ قَالاَ حَدَّثَنَا عَبْدُ الْعَزِيزِ بْنُ أَبِي حَازِمٍ حَدَّثَنِي أَبِي عَنْ عُبَيْدِ اللَّهِ بْنِ مِقْسَمٍ عَنْ عَبْدِ اللَّهِ بْنِ عُمَرَ أَنَّهُ قَالَ سَمِعْتُ رَسُولَ اللَّهِ ـ صلى الله عليه وسلم ـ وَهُوَ عَلَى الْمِنْبَرِ يَقُولُ " يَأْخُذُ الْجَبَّارُ سَمَوَاتِهِ وَأَرْضَهُ بِيَدِهِ - وَقَبَضَ بِيَدِهِ فَجَعَلَ يَقْبِضُهَا وَيَبْسُطُهَا - ثُمَّ يَقُولُ أَنَا الْجَبَّارُ أَيْنَ الْجَبَّارُونَ أَيْنَ الْمُتَكَبِّرُونَ " . قَالَ وَيَتَمَيَّلُ رَسُولُ اللَّهِ ـ صلى الله عليه وسلم ـ عَنْ يَمِينِهِ وَعَنْ يَسَارِهِ حَتَّى نَظَرْتُ إِلَى الْمِنْبَرِ يَتَحَرَّكُ مِنْ أَسْفَلِ شَىْءٍ مِنْهُ حَتَّى إِنِّي أَقُولُ أَسَاقِطٌ هُوَ بِرَسُولِ اللَّهِ ـ صلى الله عليه وسلم ـ

Urdu translation: Noor Foundation

سنن ابن ماجہ 199

حضرت نواس بن سمعانؓ کلابی نے بیان کیا کہ میں نے رسول اللہ ﷺ کو فرماتے ہوئے سنا ہر ایک دل رحمن کی دو انگلیوں کے درمیان ہے۔ اگر چاہے تو اسے سیدھا رکھے، چاہے ٹیڑھا ہونے دے۔ رسول اللہ ﷺ یہ دعا کیا کرتے تھے اے دلوں کو ثبات بخشنے والے! ہمارے دلوں کو اپنے دین پر ثبات بخش اور فرمایا کہ میزان رحمن کے ہاتھ میں ہے قیامت کے دن تک بہت سی قوموں کو بلند کردے گا اور دوسری قوموں کو پست کردے گا۔

حَدَّثَنَا هِشَامُ بْنُ عَمَّارٍ حَدَّثَنَا صَدَقَةُ بْنُ خَالِدٍ حَدَّثَنَا ابْنُ جَابِرٍ قَالَ سَمِعْتُ بُسْرَ بْنَ عُبَيْدِ اللَّهِ يَقُولُ سَمِعْتُ أَبَا إِدْرِيسَ الْخَوْلاَنِيَّ يَقُولُ حَدَّثَنِي النَّوَّاسُ بْنُ سَمْعَانَ الْكِلاَبِيُّ قَالَ سَمِعْتُ رَسُولَ اللَّهِ ـ صلى الله عليه وسلم ـ يَقُولُ " مَا مِنْ قَلْبٍ إِلاَّ بَيْنَ إِصْبَعَيْنِ مِنْ أَصَابِعِ الرَّحْمَنِ إِنْ شَاءَ أَقَامَهُ وَإِنْ شَاءَ أَزَاغَهُ " . وَكَانَ رَسُولُ اللَّهِ ـ صلى الله عليه وسلم ـ يَقُولُ " يَا مُثَبِّتَ الْقُلُوبِ ثَبِّتْ قُلُوبَنَا عَلَى دِينِكَ " . قَالَ " وَالْمِيزَانُ بِيَدِ الرَّحْمَنِ يَرْفَعُ أَقْوَامًا وَيَخْفِضُ آخَرِينَ إِلَى يَوْمِ الْقِيَامَةِ " .

Urdu translation: Noor Foundation

سنن ابن ماجہ 200

حضرت ابو سعید خدری ؓ نے بیان کیا کہ رسول اللہ ﷺ نے فرمایا کہ یقینا اللہ تین پر خوش ہوتا ہے۔ ایسی صف پر جو نماز کے لئے ہو۔ ایسے شخص پر جو رات کے دوران نماز پڑھتا ہے اور اُس شخص پر جو لڑائی کرتا ہے۔ راوی کہتے ہیں میرا خیال ہے آپؐ نے فرمایا لشکر (کے پیچھے ہٹ جانے) کے بعد بھی لڑتا رہتا ہے۔

حَدَّثَنَا أَبُو كُرَيْبٍ مُحَمَّدُ بْنُ الْعَلاَءِ حَدَّثَنَا عَبْدُ اللَّهِ بْنُ إِسْمَاعِيلَ عَنْ مُجَالِدٍ عَنْ أَبِي الْوَدَّاكِ عَنْ أَبِي سَعِيدٍ الْخُدْرِيِّ قَالَ قَالَ رَسُولُ اللَّهِ ـ صلى الله عليه وسلم ـ " إِنَّ اللَّهَ لَيَضْحَكُ إِلَى ثَلاَثَةٍ لِلصَّفِّ فِي الصَّلاَةِ وَلِلرَّجُلِ يُصَلِّي فِي جَوْفِ اللَّيْلِ وَلِلرَّجُلِ يُقَاتِلُ - أُرَاهُ قَالَ - خَلْفَ الْكَتِيبَةِ " .

Urdu translation: Noor Foundation

·

آج 10 میں سے 10 باقی