ناظرین کی توجہ کے لائق ۔ مولوی محمد حسین بٹالوی صاحب کے فتویٰ کفر کے نتیجہ میں خدا تعالیٰ کی عظیم الشان قدرتوں کا نشان دوسرے جلسہ سالانہ میں تین سو ستائیس احباب شامل ہوئے جبکہ پہلے جلسہ میں صرف ۷۵

مجموعہ اشتہارات (جلد 1)

Urdu text of the edition of the Ahmadiyya Muslim Jamaat.

ناظرین کی توجہ کے لایق
اس بات کے سمجھنے کے لئے کہ انسان اپنے منصوبوں سے خدا تعالیٰ کے کاموں کو روک نہیں سکتا
یہ نظیر نہایت تشفی بخش ہے کہ سال گزشتہ میں جب ابھی فتویٰ تکفیر میاں بٹالوی صاحب کا طیار نہیں ہوا تھا
اور نہ انہوں نے کچھ بڑی جدوجہد اور جان کنی کے ساتھ اس عاجز کے کافر ٹھہرانے کے لئے توجہ فرمائی کے۔
تھی صرف ۷۵ احباب اور مخلصین تاریخ جلسہ پر قادیان میں تشریف لائے تھے۔ مگر اب جبکہ فتوی طیار
ہو گیا اور بٹالوی صاحب نے ناخنوں تک زور لگا کر اور آپ بصد مشقت ہر یک جگہ پہنچ کر اور سفر کی
ہر روزہ مصیبتوں سے کوفتہ ہو کر اپنے ہم خیال علماء سے اس فتوئی پر مہریں ثبت کرائیں اور وہ اور ان
کے ہم مشرب علماء بڑے ناز اور خوشی سے اس بات کے مدعی ہوئے کہ گویا اب انہوں نے اس الہی
سلسلہ کی ترقی میں بڑی بڑی روکیں ڈال دی ہیں تو اس سالانہ جلسہ میں بجائے ۷۵ کے تین سو ستائیس
احباب شامل جلسہ ہوئے اور ایسے صاحب بھی تشریف لائے جنہوں نے توبہ کر کے بیعت کی۔ اب
سوچنا چاہیے کہ کیا یہ خدا تعالیٰ کی عظیم الشان قدرتوں کا ایک نشان نہیں کہ بٹالوی صاحب اور ان کے ہم
خیال علماء کی کوششوں کا الٹا نتیجہ نکلا اور وہ سب کوششیں برباد گئیں ۔ کیا یہ خدا تعالیٰ کا فعل نہیں کہ میاں
بٹالوی کے پنجاب اور ہندوستان میں پھرتے پھرتے پاؤں بھی گھس گئے لیکن انجام کار خدا تعالیٰ نے
ان کو دکھلا دیا کہ کیسے اُس کے ارادے انسان کے ارادوں پر غالب ہیں۔ وَاللهُ غَالِبٌ عَلَى أَمْرِهِ
وَلَكِنَّ أَكْثَرَ النَّاسِ لَا يَعْلَمُونَ لے اس سال میں خدا تعالیٰ نے دونشان ظاہر کئے ۔ ایک
ا يوسف : ۲۲

بٹالوی کا اپنی کوششوں میں نامرادرہنا۔ دوسرے اس پیشگوئی کے پورے ہونے کا نشان جو نورافشاں ۔
۱۰ مئی ۱۸۸۸ ء میں چھپ کر شائع ہوئی تھی ۔ اب بھی بہتر ہے کہ بٹالوی صاحب اور ان کے ہم مشرب
باز آجائیں اور خدا تعالیٰ سے لڑائی نہ کریں۔
وَالسَّلَامُ عَلَى مَنِ اتَّبَعَ الْهُدَى
مطبوعہ ریاض ہند پر لیس قادیان
یہ اشتہار ضمیمہ آئینہ کمالات اسلام کے صفحہ ۱۷، ۱۸ پر طبع ہوا ہے )
(روحانی خزائن جلد ۵ صفحه ۶۲۹ و ۶۳۰ )

آج 10 میں سے 10 باقی