کتاب 15: كتاب الحج
صحیح مسلم, حصہ 12
صحیح مسلم 2218
سوید بن غفلہ سے روایت ہے وہ کہتے ہیں میں نے حضرت عمرؓ کو دیکھا۔ آپؓ نے حجر (اسود) کو بوسہ دیا اور اس کے ساتھ چمٹ گئے اور کہا میں نے رسول اللہ ﷺ کو تجھ سے پیار کرتے دیکھا ہے۔
ایک اور روایت میں رسول اللہ ﷺ کے بجائے اباالقاسم ﷺ کے الفاظ ہیں جبکہ وَالْتَزَمَہُ (اسے چمٹ گئے) کے الفاظ نہیں ہیں۔
وَحَدَّثَنَا أَبُو بَكْرِ بْنُ أَبِي شَيْبَةَ وَزُهَيْرُ بْنُ حَرْبٍ جَمِيعًا عَنْ وَكِيعٍ - قَالَ أَبُو بَكْرٍ حَدَّثَنَا وَكِيعٌ - عَنْ سُفْيَانَ عَنْ إِبْرَاهِيمَ بْنِ عَبْدِ الأَعْلَى عَنْ سُوَيْدِ بْنِ غَفَلَةَ قَالَ رَأَيْتُ عُمَرَ قَبَّلَ الْحَجَرَ وَالْتَزَمَهُ وَقَالَ رَأَيْتُ رَسُولَ اللَّهِ صلى الله عليه وسلم بِكَ حَفِيًّا . وَحَدَّثَنِيهِ مُحَمَّدُ بْنُ الْمُثَنَّى حَدَّثَنَا عَبْدُ الرَّحْمَنِ عَنْ سُفْيَانَ بِهَذَا الإِسْنَادِ قَالَ وَلَكِنِّي رَأَيْتُ أَبَا الْقَاسِمِ صلى الله عليه وسلم بِكَ حَفِيًّا . وَلَمْ يَقُلْ وَالْتَزَمَهُ .
Urdu translation: Noor Foundation
صحیح مسلم 2219
حضرت ابن عباسؓ سے روایت ہے کہ رسول اللہﷺ نے حجۃ الوداع میں اونٹ پر (سوار ہو کر) طواف کیا۔ آپ رکن (حجر اسود) کو چھڑی سے استلام کرتے تھے۔
حَدَّثَنِي أَبُو الطَّاهِرِ وَحَرْمَلَةُ بْنُ يَحْيَى قَالاَ أَخْبَرَنَا ابْنُ وَهْبٍ أَخْبَرَنِي يُونُسُ عَنِ ابْنِ شِهَابٍ عَنْ عُبَيْدِ اللَّهِ بْنِ عَبْدِ اللَّهِ بْنِ عُتْبَةَ عَنِ ابْنِ عَبَّاسٍ أَنَّ رَسُولَ اللَّهِ صلى الله عليه وسلم طَافَ فِي حَجَّةِ الْوَدَاعِ عَلَى بَعِيرٍ يَسْتَلِمُ الرُّكْنَ بِمِحْجَنٍ .
Urdu translation: Noor Foundation
صحیح مسلم 2220
حضرت جابرؓ سے روایت ہے وہ کہتے ہیں کہ رسول اللہﷺ نے حجۃ الوداع میں اپنی سواری پر بیت اللہ کا طواف کیا۔ آپؐ حجر (اسود) کو اپنی چھڑی سے استلام کرتے تھے تاکہ لوگ آپؐ کو دیکھ سکیں اور آپؐ (ان پر) نظر ڈال سکیں اور وہ آپؐ سے سوال کر سکیں کیونکہ لوگوں کا آپؐ پر ہجوم تھا۔
حَدَّثَنَا أَبُو بَكْرِ بْنُ أَبِي شَيْبَةَ قَالَ حَدَّثَنَا عَلِيُّ بْنُ مُسْهِرٍ عَنِ ابْنِ جُرَيْجٍ عَنْ أَبِي الزُّبَيْرِ عَنْ جَابِرٍ قَالَ طَافَ رَسُولُ اللَّهِ صلى الله عليه وسلم بِالْبَيْتِ فِي حَجَّةِ الْوَدَاعِ عَلَى رَاحِلَتِهِ يَسْتَلِمُ الْحَجَرَ بِمِحْجَنِهِ لأَنْ يَرَاهُ النَّاسُ وَلِيُشْرِفَ وَلِيَسْأَلُوهُ فَإِنَّ النَّاسَ غَشُوهُ.
Urdu translation: Noor Foundation
صحیح مسلم 2221
حضرت جابر بن عبداللہؓ کہتے ہیں کہ نبی ﷺ نے حجۃ الوداع میں اپنی سواری پر بیت اللہ اور صفا اور مروہ کے درمیان طواف کیا تا کہ لوگ آپؐ کو دیکھ سکیں اور آپؐ (ان پر) نظر ڈال سکیں اور تاکہ وہ آپؐ سے سوال کر سکیں کیونکہ لوگوں کا آپؐ پر ہجوم تھا۔ ابن خشرم نے اپنی روایت میں صرف لِیَسْئَلُوْہُ کے الفاظ نہیں کہے۔
وَحَدَّثَنَا عَلِيُّ بْنُ خَشْرَمٍ أَخْبَرَنَا عِيسَى بْنُ يُونُسَ عَنِ ابْنِ جُرَيْجٍ ح وَحَدَّثَنَا عَبْدُ بْنُ حُمَيْدٍ أَخْبَرَنَا مُحَمَّدٌ - يَعْنِي ابْنَ بَكْرٍ - قَالَ أَخْبَرَنَا ابْنُ جُرَيْجٍ أَخْبَرَنِي أَبُو الزُّبَيْرِ أَنَّهُ سَمِعَ جَابِرَ بْنَ عَبْدِ اللَّهِ يَقُولُ طَافَ النَّبِيُّ صلى الله عليه وسلم فِي حَجَّةِ الْوَدَاعِ عَلَى رَاحِلَتِهِ بِالْبَيْتِ وَبِالصَّفَا وَالْمَرْوَةِ لِيَرَاهُ النَّاسُ وَلِيُشْرِفَ وَلِيَسْأَلُوهُ فَإِنَّ النَّاسَ غَشُوهُ . وَلَمْ يَذْكُرِ ابْنُ خَشْرَمٍ وَلِيَسْأَلُوهُ فَقَطْ .
Urdu translation: Noor Foundation
صحیح مسلم 2222
حضرت عائشہؓ سے روایت ہے آپؓ فرماتی ہیں حجۃ الوداع میں نبیﷺ نے اپنے اونٹ پر خانہ کعبہ کے گرد طواف کیا اس بات کی ناپسندیدگی کی وجہ سے کہ لوگوں کو آپؐ سے پرے ہٹایا جائے۔ آپؐ رکن کا استلام فرماتے تھے۔
حَدَّثَنِي الْحَكَمُ بْنُ مُوسَى الْقَنْطَرِيُّ حَدَّثَنَا شُعَيْبُ بْنُ إِسْحَاقَ عَنْ هِشَامِ بْنِ عُرْوَةَ عَنْ عُرْوَةَ عَنْ عَائِشَةَ قَالَتْ طَافَ النَّبِيُّ صلى الله عليه وسلم فِي حَجَّةِ الْوَدَاعِ حَوْلَ الْكَعْبَةِ عَلَى بَعِيرِهِ يَسْتَلِمُ الرُّكْنَ كَرَاهِيَةَ أَنْ يُضْرَبَ عَنْهُ النَّاسُ .
Urdu translation: Noor Foundation
صحیح مسلم 2223
حضرت ابو طفیلؓ کہتے ہیں میں نے رسول اللہﷺ کو بیت اللہ کا طواف کرتے دیکھا۔ آپؐ اپنی چھڑی سے جو آپؐ کے پاس تھی حجر اسود کو استلام کرتے تھے اور چھڑی کو بوسہ دیتے تھے۔
وَحَدَّثَنَا مُحَمَّدُ بْنُ الْمُثَنَّى حَدَّثَنَا سُلَيْمَانُ بْنُ دَاوُدَ حَدَّثَنَا مَعْرُوفُ بْنُ خَرَّبُوذَ قَالَ سَمِعْتُ أَبَا الطُّفَيْلِ يَقُولُ رَأَيْتُ رَسُولَ اللَّهِ صلى الله عليه وسلم يَطُوفُ بِالْبَيْتِ وَيَسْتَلِمُ الرُّكْنَ بِمِحْجَنٍ مَعَهُ وَيُقَبِّلُ الْمِحْجَنَ .
Urdu translation: Noor Foundation
صحیح مسلم 2224
حضرت ام سلمہؓ سے روایت ہے وہ فرماتی ہیں میں نے رسول اللہ ﷺ کے پاس شکایت کی کہ میں بیمار ہوں۔ آپؐ نے فرمایا سوار ہو کر لوگوں سے ہٹ کر طواف کر لو۔ وہ کہتی ہیں تو میں نے طواف کیا اور اس وقت رسول اللہ ﷺ بیت اللہ کے پہلو میں نماز پڑھ رہے تھے اور آپؐ سورۃ طور کی تلاوت کر رہے تھے۔
حَدَّثَنَا يَحْيَى بْنُ يَحْيَى قَالَ قَرَأْتُ عَلَى مَالِكٍ عَنْ مُحَمَّدِ بْنِ عَبْدِ الرَّحْمَنِ بْنِ نَوْفَلٍ عَنْ عُرْوَةَ عَنْ زَيْنَبَ بِنْتِ أَبِي سَلَمَةَ عَنْ أُمِّ سَلَمَةَ أَنَّهَا قَالَتْ شَكَوْتُ إِلَى رَسُولِ اللَّهِ صلى الله عليه وسلم أَنِّي أَشْتَكِي فَقَالَ " طُوفِي مِنْ وَرَاءِ النَّاسِ وَأَنْتِ رَاكِبَةٌ " . قَالَتْ فَطُفْتُ وَرَسُولُ اللَّهِ صلى الله عليه وسلم حِينَئِذٍ يُصَلِّي إِلَى جَنْبِ الْبَيْتِ وَهُوَ يَقْرَأُ بِـ { الطُّورِ }-{ وَكِتَابٍ مَسْطُورٍ} .
Urdu translation: Noor Foundation
صحیح مسلم 2225
ہشام بن عروہ اپنے والد سے اور وہ حضرت عائشہؓ سے روایت کرتے ہیں وہ کہتے ہیں میں نے ان (حضرت عائشہؓ) سے کہا میرا خیال ہے اگر ایک شخص صفا اور مروہ کے درمیان سعی نہ کرے تو اسے کوئی حرج نہیں؟ انہوں نے کہا کیوں؟ میں نے کہا کیونکہ اللہ تعالیٰ فرماتا ہے: اِنَّ الصَّفَا وَالْمَرْوَۃَ مِنْ شَعَائِرِ اللّٰہِ۔۔۔ الخ (ترجمہ): یقینا صفا اور مروہ شعائر اللہ میں سے ہیں پس جو کوئی بھی اس بیت کا حج کرے یا عمرہ ادا کرے تو اس پر کوئی گناہ نہیں کہ وہ ان دونوں کا بھی طواف کرے اور جو نفلی طور پر نیکی کرنا چاہے تو یقینا اللہ شکر کا حق ادا کرنے والا (اور) دائمی علم رکھنے والا ہے۔ (البقرہ:159) انہوں نے فرمایا اللہ تو اس شخص کا حج اور عمرہ مکمل (قرار) نہیں دیتا جس نے صفا اور مروہ کے درمیان طواف نہ کیا ہو اور اگر ایسی بات ہوتی جیسے تم کہتے ہو تو یوں ہوتا لَاجُنَاحَ عَلَیْہِ اَنْ لَّا یَطَّوَّفَ بِہِمَا اس پر کوئی گناہ نہیں کہ وہ ان دونوں کا طواف نہ کرے۔ اور تم جانتے ہو ایسے کیوں کیا گیا۔ یہ اس وجہ سے تھا کہ انصارؓ جاہلیت میں ساحل سمندر پر اپنے دونوں بتوں کے لئے احرام باندھا کرتے تھے۔ جو اساف اور نائلہ کہلاتے تھے۔ پھر وہ آتے اور صفا اور مروہ کا طواف کرتے پھر وہ اپنا سر منڈواتے۔ جب اسلام آیا تو انہوں نے ناپسند کیا کہ وہ ان دونوں (صفا اور مروہ) کا طواف کریں کیونکہ وہ جاہلیت میں ایسا کیا کرتے تھے۔ وہ فرماتی ہیں اس پر اللہ تعالیٰ نے (یہ آیت) نازل فرمائی۔ اِنَّ الصَّفَا وَالْمَرْوَۃَ مِنْ شَعَائِرِ اللّٰہِ۔۔۔ الخ (البقرہ:159) انہوں نے کہا پھر وہ طواف کرنے لگے۔
حَدَّثَنَا يَحْيَى بْنُ يَحْيَى حَدَّثَنَا أَبُو مُعَاوِيَةَ عَنْ هِشَامِ بْنِ عُرْوَةَ عَنْ أَبِيهِ عَنْ عَائِشَةَ قَالَ قُلْتُ لَهَا إِنِّي لأَظُنُّ رَجُلاً لَوْ لَمْ يَطُفْ بَيْنَ الصَّفَا وَالْمَرْوَةِ مَا ضَرَّهُ . قَالَتْ لِمَ قُلْتُ لأَنَّ اللَّهَ تَعَالَى يَقُولُ { إِنَّ الصَّفَا وَالْمَرْوَةَ مِنْ شَعَائِرِ اللَّهِ} إِلَى آخِرِ الآيَةِ . فَقَالَتْ مَا أَتَمَّ اللَّهُ حَجَّ امْرِئٍ وَلاَ عُمْرَتَهُ لَمْ يَطُفْ بَيْنَ الصَّفَا وَالْمَرْوَةِ وَلَوْ كَانَ كَمَا تَقُولُ لَكَانَ فَلاَ جُنَاحَ عَلَيْهِ أَنْ لاَ يَطَّوَّفَ بِهِمَا . وَهَلْ تَدْرِي فِيمَا كَانَ ذَاكَ إِنَّمَا كَانَ ذَاكَ أَنَّ الأَنْصَارَ كَانُوا يُهِلُّونَ فِي الْجَاهِلِيَّةِ لِصَنَمَيْنِ عَلَى شَطِّ الْبَحْرِ يُقَالُ لَهُمَا إِسَافٌ وَنَائِلَةٌ . ثُمَّ يَجِيئُونَ فَيَطُوفُونَ بَيْنَ الصَّفَا وَالْمَرْوَةِ ثُمَّ يَحْلِقُونَ . فَلَمَّا جَاءَ الإِسْلاَمُ كَرِهُوا أَنْ يَطُوفُوا بَيْنَهُمَا لِلَّذِي كَانُوا يَصْنَعُونَ فِي الْجَاهِلِيَّةِ قَالَتْ فَأَنْزَلَ اللَّهُ عَزَّ وَجَلَّ { إِنَّ الصَّفَا وَالْمَرْوَةَ مِنْ شَعَائِرِ اللَّهِ} إِلَى آخِرِهَا - قَالَتْ - فَطَافُوا .
Urdu translation: Noor Foundation
صحیح مسلم 2226
ہشام بن عروہ بیان کرتے ہیں مجھے میرے باپ نے بتایا۔ وہ کہتے ہیں میں نے حضرت عائشہؓ سے کہا میں صفا اور مروہ کے درمیان طواف نہ کروں تو میں اپنے پر کوئی گناہ نہیں سمجھتا۔ انہوں نے پوچھا کیوں؟ میں نے کہا کیونکہ اللہ عَزّ وجلّ فرماتا ہے: اِنَّ الصَّفَا وَالْمَرْوَۃَ مِنْ شَعَائِرِ اللّٰہِ۔۔۔ الخ (ترجمہ) یقینا صفا اور مروہ شعائر اللہ میں سے ہیں۔ (البقرہ: 159) انہوں نے فرمایا اگر بات اس طرح ہوتی جیسے تم کہتے ہو تو ایسے ہوتا اس پر کوئی گناہ نہیں کہ وہ ان دونوں کا طواف نہ کرے۔ یہ تو انصارؓ میں سے ان لوگوں کے بارہ میں اتری جو جاہلیت میں احرام باندھتے تھے تو مناۃ بت کے لئے احرام باندھتے تھے اور ان کے لئے (بزعم خویش) جائز نہ تھا کہ وہ صفا اور مروہ کے درمیان طواف کریں۔ پھر جب وہ نبیﷺ کے ساتھ حج کے لئے آئے تو انہوں نے اس بات کا ذکر آپؐ سے کیا تو اللہ تعالیٰ نے یہ آیت نازل فرمائی۔ میری عمر کی قسم! اللہ تعالیٰ اس کا حج مکمل قرار نہیں دیتا جو صفا اور مروہ کے درمیان طواف نہ کرے۔
وَحَدَّثَنَا أَبُو بَكْرِ بْنُ أَبِي شَيْبَةَ حَدَّثَنَا أَبُو أُسَامَةَ حَدَّثَنَا هِشَامُ بْنُ عُرْوَةَ أَخْبَرَنِي أَبِي قَالَ قُلْتُ لِعَائِشَةَ مَا أَرَى عَلَىَّ جُنَاحًا أَنْ لاَ أَتَطَوَّفَ بَيْنَ الصَّفَا وَالْمَرْوَةِ . قَالَتْ لِمَ قُلْتُ لأَنَّ اللَّهَ عَزَّ وَجَلَّ يَقُولُ { إِنَّ الصَّفَا وَالْمَرْوَةَ مِنْ شَعَائِرِ اللَّهِ} الآيَةَ . فَقَالَتْ لَوْ كَانَ كَمَا تَقُولُ لَكَانَ فَلاَ جُنَاحَ عَلَيْهِ أَنْ لاَ يَطَّوَّفَ بِهِمَا . إِنَّمَا أُنْزِلَ هَذَا فِي أُنَاسٍ مِنَ الأَنْصَارِ كَانُوا إِذَا أَهَلُّوا أَهَلُّوا لِمَنَاةَ فِي الْجَاهِلِيَّةِ فَلاَ يَحِلُّ لَهُمْ أَنْ يَطَّوَّفُوا بَيْنَ الصَّفَا وَالْمَرْوَةِ فَلَمَّا قَدِمُوا مَعَ النَّبِيِّ صلى الله عليه وسلم لِلْحَجِّ ذَكَرُوا ذَلِكَ لَهُ فَأَنْزَلَ اللَّهُ تَعَالَى هَذِهِ الآيَةَ فَلَعَمْرِي مَا أَتَمَّ اللَّهُ حَجَّ مَنْ لَمْ يَطُفْ بَيْنَ الصَّفَا وَالْمَرْوَةِ .
Urdu translation: Noor Foundation
صحیح مسلم 2227
عروہ بن زبیر کہتے ہیں میں نے نبیﷺ کی زوجہ مطہرہ حضرت عائشہؓ سے کہا میں اس شخص پر کوئی حرج نہیں دیکھتا جو صفا اور مروہ کا طواف نہیں کرتا۔ اور میں کوئی حرج نہیں سمجھتا کہ میں ان دونوں کے درمیان طواف نہ کروں۔ انہوں نے کہا تم نے کیسی غلط بات کہی ہے اے میرے بھانجے! رسول اللہﷺ نے (صفا و مروہ کا) طواف کیا اور مسلمانوں نے بھی (ان کا) طواف کیا پس یہ سنت ہے۔ دراصل بات صرف یہ ہے کہ جو لوگ مناۃ بت کے لئے جو مشلّل مقام پر تھا احرام باندھتے تھے وہ صفا اور مروہ کے درمیان طواف نہیں کرتے تھے۔ جب اسلام آیا تو ہم نے اس کے بارہ میں نبیﷺ سے پوچھا تو اللہ عزّوجلّ نے یہ (آیت) نازل فرمائی: یقینا صفا اور مروہ شعائر اللہ میں سے ہیں۔ پس جو کوئی بھی اس بیت کا حج کرے یا عمرہ ادا کرے تو اس پر کوئی گناہ نہیں کہ وہ ان دونوں کا بھی طواف کرے۔ (البقرہ: 159) اگر وہی بات ہوتی جو تُم کہتے ہو تو یہ (آیت) یوں ہوتی اس پر کوئی گناہ نہیں کہ ان دونوں کا طواف نہ کرے۔ زہری کہتے ہیں میں نے یہ بات ابو بکر بن عبدالرحمٰن کے پاس بیان کی۔ انہوں نے اسے بہت پسند کیا اور کہا یقینا یہ علم کی بات ہے۔ میں نے کئی صاحبِ علم لوگوں کو کہتے سنا ہے کہ اس سے مراد عرب میں سے وہ لوگ تھے جو صفا اور مروہ کے درمیان طواف نہیں کرتے تھے وہ کہتے تھے ان دونوں پہاڑیوں کے درمیان ہمارا طواف کرنا جاہلیت کی باتوں میں سے ہے اور بعض دوسرے انصارؓ میں سے کہتے تھے ہمیں تو محض بیت اللہ کے طواف کا حکم دیا گیا ہے۔ اور صفا اور مروہ کے درمیان (طواف) کا ہمیں حکم نہیں دیا گیا۔ تو اللہ عزّوجلّ نے یہ آیت نازل فرمائی: یقینا صفا اور مروہ شعائر اللہ میں سے ہیں (البقرہ: 159)۔ ابو بکر بن عبدالرحمان کہتے تھے میرا خیال ہے کہ یہ آیت ان لوگوں کے بارہ میں اتری اور ان لوگوں کے بارہ میں بھی۔ ابن شہاب کہتے ہیں کہ مجھے عروہؓ بن زبیر نے بتایا انہوں نے کہا میں نے حضرت عائشہؓ سے پوچھا۔۔۔ اور اسی کی مانند روایت بیان کی اور روایت میں یہ بھی کہا جب انہوں نے رسول اللہﷺ سے اس بارہ میں پوچھا تو انہوں نے کہا یا رسولؐ اللہ! ہم صفا اور مروہ کا طواف کرنے میں حرج سمجھتے تھے تو اللہ عزّوجلّ نے یہ آیت نازل فرمائی۔ یقینا صفا اور مروہ شعائر اللہ میں سے ہیں پس جو کوئی بھی اس بیت کا حج کرے یا عمرہ ادا کرے تو اس پر کوئی گناہ نہیں کہ وہ ان دونوں کا بھی طواف کرے۔ حضرت عائشہؓ کہتی ہیں ان دونوں (صفا اور مروہ) کے درمیان طواف کرنے کی سنت رسول اللہﷺ نے قائم فرما دی۔ پس کسی کے لئے درست نہیں کہ وہ ان دونوں کے درمیان طواف چھوڑ دے۔
حَدَّثَنَا عَمْرٌو النَّاقِدُ وَابْنُ أَبِي عُمَرَ جَمِيعًا عَنِ ابْنِ عُيَيْنَةَ - قَالَ ابْنُ أَبِي عُمَرَ حَدَّثَنَا سُفْيَانُ - قَالَ سَمِعْتُ الزُّهْرِيَّ يُحَدِّثُ عَنْ عُرْوَةَ بْنِ الزُّبَيْرِ قَالَ قُلْتُ لِعَائِشَةَ زَوْجِ النَّبِيِّ صلى الله عليه وسلم مَا أَرَى عَلَى أَحَدٍ لَمْ يَطُفْ بَيْنَ الصَّفَا وَالْمَرْوَةِ شَيْئًا وَمَا أُبَالِي أَنْ لاَ أَطُوفَ بَيْنَهُمَا . قَالَتْ بِئْسَ مَا قُلْتَ يَا ابْنَ أُخْتِي طَافَ رَسُولُ اللَّهِ صلى الله عليه وسلم وَطَافَ الْمُسْلِمُونَ فَكَانَتْ سُنَّةً وَإِنَّمَا كَانَ مَنْ أَهَلَّ لِمَنَاةَ الطَّاغِيَةِ الَّتِي بِالْمُشَلَّلِ لاَ يَطُوفُونَ بَيْنَ الصَّفَا وَالْمَرْوَةِ فَلَمَّا كَانَ الإِسْلاَمُ سَأَلْنَا النَّبِيَّ صلى الله عليه وسلم عَنْ ذَلِكَ فَأَنْزَلَ اللَّهُ عَزَّ وَجَلَّ { إِنَّ الصَّفَا وَالْمَرْوَةَ مِنْ شَعَائِرِ اللَّهِ فَمَنْ حَجَّ الْبَيْتَ أَوِ اعْتَمَرَ فَلاَ جُنَاحَ عَلَيْهِ أَنْ يَطَّوَّفَ بِهِمَا} وَلَوْ كَانَتْ كَمَا تَقُولُ لَكَانَتْ فَلاَ جُنَاحَ عَلَيْهِ أَنْ لاَ يَطَّوَّفَ بِهِمَا . قَالَ الزُّهْرِيُّ فَذَكَرْتُ ذَلِكَ لأَبِي بَكْرِ بْنِ عَبْدِ الرَّحْمَنِ بْنِ الْحَارِثِ بْنِ هِشَامٍ فَأَعْجَبَهُ ذَلِكَ . وَقَالَ إِنَّ هَذَا الْعِلْمُ . وَلَقَدْ سَمِعْتُ رِجَالاً مِنْ أَهْلِ الْعِلْمِ يَقُولُونَ إِنَّمَا كَانَ مَنْ لاَ يَطُوفُ بَيْنَ الصَّفَا وَالْمَرْوَةِ مِنَ الْعَرَبِ يَقُولُونَ إِنَّ طَوَافَنَا بَيْنَ هَذَيْنِ الْحَجَرَيْنِ مِنْ أَمْرِ الْجَاهِلِيَّةِ . وَقَالَ آخَرُونَ مِنَ الأَنْصَارِ إِنَّمَا أُمِرْنَا بِالطَّوَافِ بِالْبَيْتِ وَلَمْ نُؤْمَرْ بِهِ بَيْنَ الصَّفَا وَالْمَرْوَةِ فَأَنْزَلَ اللَّهُ عَزَّ وَجَلَّ { إِنَّ الصَّفَا وَالْمَرْوَةَ مِنْ شَعَائِرِ اللَّهِ} . قَالَ أَبُو بَكْرِ بْنُ عَبْدِ الرَّحْمَنِ فَأُرَاهَا قَدْ نَزَلَتْ فِي هَؤُلاَءِ وَهَؤُلاَءِ . وَحَدَّثَنِي مُحَمَّدُ بْنُ رَافِعٍ حَدَّثَنَا حُجَيْنُ بْنُ الْمُثَنَّى حَدَّثَنَا لَيْثٌ عَنْ عُقَيْلٍ عَنِ ابْنِ شِهَابٍ أَنَّهُ قَالَ أَخْبَرَنِي عُرْوَةُ بْنُ الزُّبَيْرِ قَالَ سَأَلْتُ عَائِشَةَ . وَسَاقَ الْحَدِيثَ بِنَحْوِهِ وَقَالَ فِي الْحَدِيثِ فَلَمَّا سَأَلُوا رَسُولَ اللَّهِ صلى الله عليه وسلم عَنْ ذَلِكَ فَقَالُوا يَا رَسُولَ اللَّهِ إِنَّا كُنَّا نَتَحَرَّجُ أَنْ نَطُوفَ بِالصَّفَا وَالْمَرْوَةِ فَأَنْزَلَ اللَّهُ عَزَّ وَجَلَّ { إِنَّ الصَّفَا وَالْمَرْوَةَ مِنْ شَعَائِرِ اللَّهِ فَمَنْ حَجَّ الْبَيْتَ أَوِ اعْتَمَرَ فَلاَ جُنَاحَ عَلَيْهِ أَنْ يَطَّوَّفَ بِهِمَا} قَالَتْ عَائِشَةُ قَدْ سَنَّ رَسُولُ اللَّهِ صلى الله عليه وسلم الطَّوَافَ بَيْنَهُمَا فَلَيْسَ لأَحَدٍ أَنْ يَتْرُكَ الطَّوَافَ بِهِمَا.
Urdu translation: Noor Foundation
صحیح مسلم 2228
عروہ بن زبیرؓ سے روایت ہے کہ حضرت عائشہؓ نے انہیں بتایا کہ اسلام قبول کرنے سے پہلے انصار نیز غسّان (قبیلہ) کے لوگ مناۃ (بت) کے لئے احرام باندھتے تھے۔ اور وہ صفا اور مروہ کے درمیان طواف کرنے کو گناہ سمجھا کرتے تھے اور اُن کے آباء و اجداد کا طریق یہ تھا کہ جو شخص مناۃ (بت) کے لئے احرام باندھتا وہ صفا اور مروہ کے درمیان طواف نہیں کرتا تھا اور جب وہ مسلمان ہوئے تو انہوں نے رسول اللہﷺ سے اس بارہ میں پوچھا تو اللہ تعالیٰ نے اس بارہ میں یہ نازل فرمایا اِنَّ الصَّفَا وَالْمَرْوَۃَ مِنْ شَعَائِرِ اللّٰہِ۔۔۔ (ترجمہ): یقینا صفا اور مروہ شعائر اللہ میں سے ہیں پس جو کوئی بھی اس بیت کا حج کرے یا عمرہ ادا کرے تو اس پر کوئی گناہ نہیں کہ وہ ان دونوں کا بھی طواف کرے اور جو نفلی طور پر نیکی کرنا چاہے تو یقینا اللہ شکر کا حق ادا کرنے والا (اور) دائمی علم رکھنے والا ہے۔ (البقرہ: 159)
وَحَدَّثَنَا حَرْمَلَةُ بْنُ يَحْيَى أَخْبَرَنَا ابْنُ وَهْبٍ أَخْبَرَنِي يُونُسُ عَنِ ابْنِ شِهَابٍ عَنْ عُرْوَةَ بْنِ الزُّبَيْرِ أَنَّ عَائِشَةَ أَخْبَرَتْهُ أَنَّ الأَنْصَارَ كَانُوا قَبْلَ أَنْ يُسْلِمُوا هُمْ وَغَسَّانُ يُهِلُّونَ لِمَنَاةَ فَتَحَرَّجُوا أَنْ يَطُوفُوا بَيْنَ الصَّفَا وَالْمَرْوَةِ وَكَانَ ذَلِكَ سُنَّةً فِي آبَائِهِمْ مَنْ أَحْرَمَ لِمَنَاةَ لَمْ يَطُفْ بَيْنَ الصَّفَا وَالْمَرْوَةِ وَإِنَّهُمْ سَأَلُوا رَسُولَ اللَّهِ صلى الله عليه وسلم عَنْ ذَلِكَ حِينَ أَسْلَمُوا فَأَنْزَلَ اللَّهُ عَزَّ وَجَلَّ فِي ذَلِكَ { إِنَّ الصَّفَا وَالْمَرْوَةَ مِنْ شَعَائِرِ اللَّهِ فَمَنْ حَجَّ الْبَيْتَ أَوِ اعْتَمَرَ فَلاَ جُنَاحَ عَلَيْهِ أَنْ يَطَّوَّفَ بِهِمَا وَمَنْ تَطَوَّعَ خَيْرًا فَإِنَّ اللَّهَ شَاكِرٌ عَلِيمٌ}
Urdu translation: Noor Foundation
صحیح مسلم 2229
حضرت انسؓ سے روایت ہے وہ کہتے ہیں انصارؓ صفا اور مروہ کے درمیان طواف کرنا ناپسند کرتے تھے یہاں تک کہ یہ آیت نازل ہوئی: اِنَّ الصَّفَا وَالْمَرْوَۃَ مِنْ شَعَائِرِ اللّٰہِ۔۔۔ ترجمہ: یقینا صفا اور مروہ شعائر اللہ میں سے ہیں پس جو کوئی بھی اس بیت کا حج کرے یا عمرہ ادا کرے تو اس پر کوئی گناہ نہیں کہ وہ ان دونوں کا بھی طواف کرے۔ (البقرہ: 159)
وَحَدَّثَنَا أَبُو بَكْرِ بْنُ أَبِي شَيْبَةَ حَدَّثَنَا أَبُو مُعَاوِيَةَ عَنْ عَاصِمٍ عَنْ أَنَسٍ قَالَ كَانَتِ الأَنْصَارُ يَكْرَهُونَ أَنْ يَطُوفُوا بَيْنَ الصَّفَا وَالْمَرْوَةِ حَتَّى نَزَلَتْ { إِنَّ الصَّفَا وَالْمَرْوَةَ مِنْ شَعَائِرِ اللَّهِ فَمَنْ حَجَّ الْبَيْتَ أَوِ اعْتَمَرَ فَلاَ جُنَاحَ عَلَيْهِ أَنْ يَطَّوَّفَ بِهِمَا}
Urdu translation: Noor Foundation
صحیح مسلم 2230
حضرت جابر بن عبداللہؓ بیان کرتے ہیں کہ نبی ﷺ اور آپؐ کے صحابہؓ نے صفا اور مروہ کے درمیان صرف ایک دفعہ سعی کی تھی۔
ایک اور روایت میں (اِلَّا طَوَافًا وَاحِدًا کے بجائے) اِلَّا طَوَافًا وَاحِدًا طَوَافَہُ الْاَوَّلَ کا اضافہ ہے۔
حَدَّثَنِي مُحَمَّدُ بْنُ حَاتِمٍ حَدَّثَنَا يَحْيَى بْنُ سَعِيدٍ عَنِ ابْنِ جُرَيْجٍ أَخْبَرَنِي أَبُو الزُّبَيْرِ أَنَّهُ سَمِعَ جَابِرَ بْنَ عَبْدِ اللَّهِ يَقُولُ لَمْ يَطُفِ النَّبِيُّ صلى الله عليه وسلم وَلاَ أَصْحَابُهُ بَيْنَ الصَّفَا وَالْمَرْوَةِ إِلاَّ طَوَافًا وَاحِدًا . وَحَدَّثَنَا عَبْدُ بْنُ حُمَيْدٍ أَخْبَرَنَا مُحَمَّدُ بْنُ بَكْرٍ أَخْبَرَنَا ابْنُ جُرَيْجٍ بِهَذَا الإِسْنَادِ . مِثْلَهُ وَقَالَ إِلاَّ طَوَافًا وَاحِدًا طَوَافَهُ الأَوَّلَ .
Urdu translation: Noor Foundation
صحیح مسلم 2231
حضرت اسامہؓ بن زیدؓ سے روایت ہے وہ کہتے ہیں میں عرفات سے رسول اللہﷺ کے پیچھے سواری پر بیٹھا۔ جب رسول اللہﷺ مزدلفہ سے ورے اس بائیں طرف والی گھاٹی تک پہنچے تو آپؐ نے اپنا اونٹ بٹھایا اور پیشاب سے فارغ ہوئے۔ پھر آپؐ تشریف لائے تو میں نے آپؐ کے لئے وضوء کا پانی انڈیلا۔ آپؐ نے ہلکا سا وضوء کیا۔ پھر میں نے کہا یا رسولؐ اللہ! نماز! آپؐ نے فرمایا نماز آگے چل کر۔ پھر رسول اللہﷺ سوار ہوئے یہان تک کہ مزدلفہ تشریف لائے اور آپؐ نے نماز پڑھائی۔ پھر مزدلفہ کی صبح حضرت فضلؓ (بن عباسؓ) رسول اللہﷺ کی سواری پر آپؐ کے پیچھے بیٹھے۔
حَدَّثَنَا يَحْيَى بْنُ أَيُّوبَ وَقُتَيْبَةُ بْنُ سَعِيدٍ وَابْنُ حُجْرٍ قَالُوا حَدَّثَنَا إِسْمَاعِيلُ ح. وَحَدَّثَنَا يَحْيَى بْنُ يَحْيَى - وَاللَّفْظُ لَهُ - قَالَ أَخْبَرَنَا إِسْمَاعِيلُ بْنُ جَعْفَرٍ عَنْ مُحَمَّدِ بْنِ أَبِي حَرْمَلَةَ عَنْ كُرَيْبٍ مَوْلَى ابْنِ عَبَّاسٍ عَنْ أُسَامَةَ بْنِ زَيْدٍ قَالَ رَدِفْتُ رَسُولَ اللَّهِ صلى الله عليه وسلم مِنْ عَرَفَاتٍ فَلَمَّا بَلَغَ رَسُولُ اللَّهِ صلى الله عليه وسلم الشِّعْبَ الأَيْسَرَ الَّذِي دُونَ الْمُزْدَلِفَةِ أَنَاخَ فَبَالَ ثُمَّ جَاءَ فَصَبَبْتُ عَلَيْهِ الْوَضُوءَ فَتَوَضَّأَ وُضُوءًا خَفِيفًا ثُمَّ قُلْتُ الصَّلاَةَ يَا رَسُولَ اللَّهِ . فَقَالَ " الصَّلاَةُ أَمَامَكَ " . فَرَكِبَ رَسُولُ اللَّهِ صلى الله عليه وسلم حَتَّى أَتَى الْمُزْدَلِفَةَ فَصَلَّى ثُمَّ رَدِفَ الْفَضْلُ رَسُولَ اللَّهِ صلى الله عليه وسلم غَدَاةَ جَمْعٍ.
Urdu translation: Noor Foundation
صحیح مسلم 2232
حضرت فضلؓ سے روایت ہے کہ رسول اللہﷺ مسلسل تلبیہ کہتے رہے یہاں تک کہ جمرہ پہنچ گئے۔
قَالَ كُرَيْبٌ فَأَخْبَرَنِي عَبْدُ اللَّهِ بْنُ عَبَّاسٍ عَنِ الْفَضْلِ أَنَّ رَسُولَ اللَّهِ صلى الله عليه وسلم لَمْ يَزَلْ يُلَبِّي حَتَّى بَلَغَ الْجَمْرَةَ .
Urdu translation: Noor Foundation
صحیح مسلم 2233
عطاء کہتے ہیں مجھے حضرت ابن عباسؓ نے بتایا کہ نبیﷺ نے مزدلفہ سے حضرت فضلؓ کو (سواری پر) پیچھے بٹھایا۔ راوی کہتے ہیں مجھے حضرت ابن عباسؓ نے بتایا کہ فضلؓ نے انہیں بتایا تھا کہ نبیﷺ مسلسل تلبیہ کہتے رہے یہاں تک کہ آپؐ نے جمرہ عقبہ کو کنکر مارے۔
وَحَدَّثَنَا إِسْحَاقُ بْنُ إِبْرَاهِيمَ وَعَلِيُّ بْنُ خَشْرَمٍ كِلاَهُمَا عَنْ عِيسَى بْنِ يُونُسَ - قَالَ ابْنُ خَشْرَمٍ أَخْبَرَنَا عِيسَى - عَنِ ابْنِ جُرَيْجٍ أَخْبَرَنِي عَطَاءٌ أَخْبَرَنِي ابْنُ عَبَّاسٍ أَنَّ النَّبِيَّ صلى الله عليه وسلم أَرْدَفَ الْفَضْلَ مِنْ جَمْعٍ قَالَ فَأَخْبَرَنِي ابْنُ عَبَّاسٍ أَنَّ الْفَضْلَ أَخْبَرَهُ أَنَّ النَّبِيَّ صلى الله عليه وسلم لَمْ يَزَلْ يُلَبِّي حَتَّى رَمَى جَمْرَةَ الْعَقَبَةِ.
Urdu translation: Noor Foundation
صحیح مسلم 2234
حضرت ابن عباسؓ حضرت فضل بن عباسؓ سے جنہیں سواری پر رسول اللہﷺ کے پیچھے بیٹھنے کی سعادت ملی تھی روایت کرتے ہیں کہ عرفہ کی شام اور مزدلفہ کی صبح جب لوگ روانہ ہوئے آپؐ نے لوگوں سے فرمایا تم سکینت اختیار کرو اور آپؐ اپنی اونٹنی کو روکے ہوئے تھے۔ یہاں تک کہ محسر میں داخل ہوئے اور وہ منٰی کا حصہ ہے۔ آپؐ نے فرمایا پھینکی جانے والی کنکریاں لے لو جو جمرہ پر پھینکی جائیں گی۔ اور وہ کہتے ہیں رسول اللہﷺ مسلسل تلبیہ کہتے رہے یہاں تک کہ آپؐ نے جمرہ کو کنکریاں ماریں۔ ایک اور روایت میں لَمْ یَزَلْ رَسُوْلُ اللّٰہﷺ یُلَبِّی حَتَّی رَمَی الْجَمْرَۃَ کے الفاظ نہیں ہیں مگر یہ اضافہ ہے کہ نبیﷺ اپنے ہاتھ سے اشارہ فرما رہے تھے جیسے آدمی انگلیوں سے کنکر پھینکتا ہے۔
وَحَدَّثَنَا قُتَيْبَةُ بْنُ سَعِيدٍ حَدَّثَنَا لَيْثٌ ح وَحَدَّثَنَا ابْنُ رُمْحٍ أَخْبَرَنِي اللَّيْثُ عَنْ أَبِي الزُّبَيْرِ عَنْ أَبِي مَعْبَدٍ مَوْلَى ابْنِ عَبَّاسٍ عَنِ ابْنِ عَبَّاسٍ عَنِ الْفَضْلِ بْنِ عَبَّاسٍ وَكَانَ رَدِيفَ رَسُولِ اللَّهِ صلى الله عليه وسلم أَنَّهُ قَالَ فِي عَشِيَّةِ عَرَفَةَ وَغَدَاةِ جَمْعٍ لِلنَّاسِ حِينَ دَفَعُوا " عَلَيْكُمْ بِالسَّكِينَةِ " . وَهْوَ كَافٌّ نَاقَتَهُ حَتَّى دَخَلَ مُحَسِّرًا - وَهُوَ مِنْ مِنًى - قَالَ " عَلَيْكُمْ بِحَصَى الْخَذْفِ الَّذِي يُرْمَى بِهِ الْجَمْرَةُ " . وَقَالَ لَمْ يَزَلْ رَسُولُ اللَّهِ صلى الله عليه وسلم يُلَبِّي حَتَّى رَمَى الْجَمْرَةَ . وَحَدَّثَنِيهِ زُهَيْرُ بْنُ حَرْبٍ حَدَّثَنَا يَحْيَى بْنُ سَعِيدٍ عَنِ ابْنِ جُرَيْجٍ أَخْبَرَنِي أَبُو الزُّبَيْرِ بِهَذَا الإِسْنَادِ غَيْرَ أَنَّهُ لَمْ يَذْكُرْ فِي الْحَدِيثِ وَلَمْ يَزَلْ رَسُولُ اللَّهِ صلى الله عليه وسلم يُلَبِّي حَتَّى رَمَى الْجَمْرَةَ . وَزَادَ فِي حَدِيثِهِ وَالنَّبِيُّ صلى الله عليه وسلم يُشِيرُ بِيَدِهِ كَمَا يَخْذِفُ الإِنْسَانُ .
Urdu translation: Noor Foundation
صحیح مسلم 2235
عبدالرحمان بن یزید سے روایت ہے وہ کہتے ہیں حضرت عبداللہؓ نے کہا جب ہم مزدلفہ میں تھے میں نے اِس مقام پر اس کو جس پر سورۃ البقرہ اتاری گئی فرماتے ہوئے سنا لَبَّیْکَ اللّٰہُمَّ لَبَّیْکَ میں تیری جناب میں حاضر ہوں اے اللہ! میں تیری جناب میں حاضر ہوں۔
وَحَدَّثَنَا أَبُو بَكْرِ بْنُ أَبِي شَيْبَةَ حَدَّثَنَا أَبُو الأَحْوَصِ عَنْ حُصَيْنٍ عَنْ كَثِيرِ بْنِ مُدْرِكٍ عَنْ عَبْدِ الرَّحْمَنِ بْنِ يَزِيدَ قَالَ قَالَ عَبْدُ اللَّهِ وَنَحْنُ بِجَمْعٍ سَمِعْتُ الَّذِي أُنْزِلَتْ عَلَيْهِ سُورَةُ الْبَقَرَةِ يَقُولُ فِي هَذَا الْمَقَامِ " لَبَّيْكَ اللَّهُمَّ لَبَّيْكَ " .
Urdu translation: Noor Foundation
صحیح مسلم 2236
عبدالرحمان بن یزید سے روایت ہے کہ حضرت عبداللہؓ جب مزدلفہ سے لوٹے تو انہوں نے تلبیہ کے الفاظ کہے۔ کہا گیا یہ کوئی بدو ہے؟ حضرت عبداللہؓ نے کہا لوگ بھول گئے ہیں؟ یا بھٹک گئے ہیں؟ میں نے اس کو جس پر سورۃ بقرۃ اتری اس جگہ کہتے سنا لَبَّیْکَ اللّٰہُمَّ لَبَّیْکَ میں تیری جناب میں حاضر ہوں اے اللہ! میں تیری جناب میں حاضر ہوں۔
وَحَدَّثَنَا سُرَيْجُ بْنُ يُونُسَ حَدَّثَنَا هُشَيْمٌ أَخْبَرَنَا حُصَيْنٌ عَنْ كَثِيرِ بْنِ مُدْرِكٍ الأَشْجَعِيِّ عَنْ عَبْدِ الرَّحْمَنِ بْنِ يَزِيدَ أَنَّ عَبْدَ اللَّهِ لَبَّى حِينَ أَفَاضَ مِنْ جَمْعٍ فَقِيلَ أَعْرَابِيٌّ هَذَا فَقَالَ عَبْدُ اللَّهِ أَنَسِيَ النَّاسُ أَمْ ضَلُّوا سَمِعْتُ الَّذِي أُنْزِلَتْ عَلَيْهِ سُورَةُ الْبَقَرَةِ يَقُولُ فِي هَذَا الْمَكَانِ " لَبَّيْكَ اللَّهُمَّ لَبَّيْكَ " . وَحَدَّثَنَاهُ حَسَنٌ الْحُلْوَانِيُّ حَدَّثَنَا يَحْيَى بْنُ آدَمَ حَدَّثَنَا سُفْيَانُ عَنْ حُصَيْنٍ بِهَذَا الإِسْنَادِ .
Urdu translation: Noor Foundation
صحیح مسلم 2237
عبدالرحمان بن یزید اور اسود بن یزید سے روایت ہے وہ کہتے ہیں ہم نے حضرت عبداللہ بن مسعودؓ سے سنا۔ وہ مزدلفہ میں کہہ رہے تھے میں نے اس کو جس پر سورۃ البقرۃ اتاری گئی یہاں اس جگہ یہ کہتے سنا میں تیری جناب میں حاضر ہوں اے اللہ حاضر ہوں پھر انہوں نے تلبیہ کہا اور ہم نے بھی ان کے ساتھ تلبیہ کہا۔
وَحَدَّثَنِيهِ يُوسُفُ بْنُ حَمَّادٍ الْمَعْنِيُّ حَدَّثَنَا زِيَادٌ - يَعْنِي الْبَكَّائِيَّ - عَنْ حُصَيْنٍ عَنْ كَثِيرِ بْنِ مُدْرِكٍ الأَشْجَعِيِّ عَنْ عَبْدِ الرَّحْمَنِ بْنِ يَزِيدَ وَالأَسْوَدِ بْنِ يَزِيدَ قَالاَ سَمِعْنَا عَبْدَ اللَّهِ بْنَ مَسْعُودٍ يَقُولُ بِجَمْعٍ سَمِعْتُ الَّذِي أُنْزِلَتْ عَلَيْهِ سُورَةُ الْبَقَرَةِ هَا هُنَا يَقُولُ " لَبَّيْكَ اللَّهُمَّ لَبَّيْكَ " . ثُمَّ لَبَّى وَلَبَّيْنَا مَعَهُ .
Urdu translation: Noor Foundation
پیچھے · آگے